ضعت!!
يعني 16!! مدري انت قلت 14!؟

ضعت!!
يعني 16!! مدري انت قلت 14!؟
لا تضيعي..

أول شي.. قلتيلي 12

قلتلك غلط


قلتيلي 13 ؟

قلتلتك تحزير؟
افردي


قلتيلي كل أربع سنين؟

قلتلك ليش مو 14 ؟ (هيدا مو جواب..هيدا تساؤل.. أو متل ما بتسمّيها إنتي "سئالة" :) )
القصد إنو "افردي"


رجعتي قلتيلي 12

رجعت قلتلك وحياة الغوالي غلط


وهلق 16 ؟

وهلق غلط


اعتمدي على جواب نهائي.. ت قلك شو الصح وليش؟


(بس أنا كان بدّي إنتي تعرفي.. وبس تتأكدي إنو صح.. تقوليلي صح.. ومو بكيفك)

اعتمدي ت شوف

يعني قديش السؤال سخيف!!
:p
خلص اخر شي 13 مره!!
انا اكيده :jakoush:

يعني قديش السؤال سخيف!! :p
يعني قديشك ذكية حتى حزرتيه دغري!! :p


خلص اخر شي 13 مره!!
انا اكيده :jakoush:
إنو بيّنت.. بالآخر.. مو ناقص إلا قلك الجواب..

صح.. 13


لإنو.. أول سنة كبيسة (1840).. أكيد ما رح يحتفل بعيد ميلادو..

وآخر سنة (1896).. ما لحق يوصل لشهر شباط

وبيناتهن.. 13 سنة كبيس

هاتيلك شي حزورة.. مو سخيفة ت نشوف

نو انا بحزر بس:o

نو انا بحزر بس:o
مبلى.. مزبوط!!

سمعت عنك كتير قبل ما إجي لهون :)

مبلى.. مزبوط!!

سمعت عنك كتير قبل ما إجي لهون :)


اي لكن حزرت اصعب الحزوراة!!
يللا ناطرين جديدك!:p

اي لكن حزرت اصعب الحزورات!!
يللا ناطرين جديدك!:p
إليكم يا بني بكر إليكم

قال إذا أخدنا أي عدد (خلينا نختارو هون من أربع خانات)..

مثلاً.. العدد 2654

وخلّينا نجمع أرقامو:

2 + 6 + 5 + 4 = 17

بعدين منطرح هالمجموع من العدد الأصلي

2654 - 17 = 2637

منشوف إنو الرقم الناتج ( 2637 )رح يقبل القسمة على 9 بدون باقي..

إذن..

ديماً وبغض النظر عن العدد اللي مننطلق منو.. بس نطرح منو مجموع أرقامو.. رح يطلع معنا عدد يقبل القسمة على 9 بدون باقي


فالسؤال.. ليش؟

يعني

قدّم التعليل المناسب لهذه الحالة..

يعني طولت الشغله..و ما حدا عرفها!
انو شو الجواب و ليش؟؟
يا قول يا حط حزوره تانيه ..
او ما تقول و حط كمان حزوره!!

:D

يعني طولت الشغله..و ما حدا عرفها!
انو شو الجواب و ليش؟؟
طيب ولو إنو حدا يقلّو شي شغلة.. شي فكرة.. شي محاولة.. بخصوص هالمسألة

مو هالقد صعبة..

إنو لازم يكون حدا لقط طرف الخيط

مو هالقد صعبة..


لأنك بتعرف الجواب هيك عم تقول!

هلأ انو اكتر الارقام ازا جمعناها بيعطينا رقم بينقسم ع9 (ما بعرف):shock:
هلأ انا حاولت فكر و كتير كل ما قول عرفت,لاقي شي غلط او مش مقنع..

يا ريت تقول!!
:D

لأنك بتعرف الجواب هيك عم تقول!
هـء

أول مرة بقرا هالمسألة.. حلّيتها دغري.. وقلت نفس الجملة "مانها صعبة"..


هلأ انو اكتر الارقام ازا جمعناها بيعطينا رقم بينقسم ع9 (ما بعرف):shock:
كمان هـء

ملاحظة غير موفّقة


هلأ انا حاولت فكر و كتير كل ما قول عرفت,لاقي شي غلط او مش مقنع..
طيب هاتي لنشوف شي فكرة من اللي فكرتيهن.. ممكن تكوني قرّبتي..
أو تكون رايحة عن بالك فكرة صغيرة.. بس تلقطيها بيمشي الحال :)


على فكرة..
أحلى شي بالحزازير.. إنو الواحد يستنتج الحل لحالو.. بدون ما ياخدو جاهز

مو؟

مو :p....

هـء



طيب هاتي لنشوف شي فكرة من اللي فكرتيهن.. ممكن تكوني قرّبتي..
أو تكون رايحة عن بالك فكرة صغيرة.. بس تلقطيها بيمشي الحال :)



طيب انا رح قلكن بشو فكرت ... فكرت انه ليش لما نطرع من العدد مجموع الارقام اللي هو مؤلف منها بصير العدد الجديد مجموع ارقامه من مضاعفات العدد تسعة ... بس ما كتير كملت بالقصة !
يعني لحتى يقبل رقم القسمة على تسعة لازم يكون مجموع مركباته من مضاعفات التسعة ... بس ليش ما قدرت اربط ... وبصراحة ما كتير حاولت فيها :p

بسبب النظام العشري المتكون من الاعداد من 1 - 9

رح ناخذ مثال عملي

هلا اذا اخذنا عدد مكون من رتبتين (العشرات x و الاحاد y) .. عمليا رح يكون العدد 10x+y .. و حسب المعادلة المعطاة ...

10x + y - (x+y) =z

يبقى العدد المتكون يقبل القسمة على 9 :lol:

و نفس الشي اذا تقدمنا بالرتب ... رح يظل العدد متكون من مجموع اعداد (تكون من مضاعفات العدد 9)

يعني مثلا : بتصير
10x-x+y-y=z
وبالتالي
9x=z
معناها انه العدد z رح يقبل القسمة على تسعة دوما لانه قدرنا نكتبه كجداء عدد تاني ب تسعة
يعني لوكان عدد من 3 مراتب
رح يصير :
100x+10y+z-(x+y+z)=q
99x-9y=q
9(11x-y)=q
كمان صارت q جداء عدد بتسعة وبالتالي بيقبل القسمة عليه !
مابعرف ممكن

يعني مثلا : بتصير
10x-x+y-y=z
وبالتالي
9x=z
معناها انه العدد z رح يقبل القسمة على تسعة دوما لانه قدرنا نكتبه كجداء عدد تاني ب تسعة
يعني لوكان عدد من 3 مراتب
رح يصير :
100x+10y+z-(x+y+z)=q
99x-9y=q
9(11x-y)=q
كمان صارت q جداء عدد بتسعة وبالتالي بيقبل القسمة عليه !
مابعرف ممكن
مش ممكن.. أكيد

هي ممكن مهي استفهامية ... وانما استنكارية :p

هلئ من المعروف انو ليكون الرقم قابل للقسمة على 9 لازم يكون مجموع ارقامو بيقبل القسمة على 9

متل 1467 :

1+4+6+7 = 18 بيقبل القسمة

1467 ÷ 9 = 163

هلئ هون اللعبة اللي عمتصير انو في شي قانون بيتعلق بطرح مجموع هالأرقام من الرقم الأساسي بيعطي حتما ... قابلية للقسمة على ال 9 ...بس الا ما يلتقى ابن هالحرام :frown:


ابو سارة ... يستر على عرضك ... لا تحطلي نظريات x,y,z انا ال a,b,c لسا ما خلصت منهن :lol:

حطلي السينات والعينات والصادات ... وامثلة .. ممكن افهم عليك اكتر :pos:

ابو سارة ... يستر على عرضك ... لا تحطلي نظريات x,y,z انا ال a,b,c لسا ما خلصت منهن :lol:

حطلي السينات والعينات والصادات ... وامثلة .. ممكن افهم عليك اكتر :pos:

لك شو بك ... انحلت القصة :pos:



هلا اذا الرقم 65 ... مو يكون 5 + 60 ...

فاذا فرصنا انو مرتبة العشرات س و الاحاد ص

لذلك رح يكون العدد ... (10س +ص) و مجموع الاعداد س+ص

رح يطلع العدد الجديد ع = 10س +ص - (س+ص) = 9س

وصلت ؟؟؟ :lol:

طيب وحدة بتشبهها..


خلينا ناخد أي عدد مكون من تلات مراتب.. مثلاً ( 865 )
وخلينا نكرر نفس العدد على يسارو.. حتى نحصل على عدد مكوّن من ست مراتب..

يعني رح نحصل بمثالنا على العدد ( 865865 )

رح نلاقي إنو العدد الناتج.. حتماً بيقبل القسمة على 7 (مهما كان العدد الثلاثي اللي انطلقنا منو)
وأكتر من هيك.. كمان بيقبل القسمة على 11 وعلى 13
(رغم إنو منعرف الأعداد اللي بتقسم على 7 و 11 و13 قليلة نوعاً ما)



إذن.. السؤال هو:

لماذا؟


حلل..

و..

ناقش..

و..

علل..

هلئ 7 × 11 × 13 = 1001


وبتذكر حسب نظرية ( ما عماتذكرها شو كان اسمها بالزبط او النص الحرفي للنظرية .. لكن بما معناه ) أي عدد الآحاد والعشرات والمئات هوي نفسو ال الآلاف وعشرات الآلاف ومئات الآلاف بالتالي حصراً بيقبل القسمة على 1001

اذا اشتغلنا بنفس طريقة المرة الماضية ... العدد عنا رح يكون من الشكل :
100,000x+10,000y+1000z+100x+10y+z=Q
بجمع الحدود المتشابهة وباخراج 1001 عامل مشترك : ( Q = 1001( 100x + 10y + z
ومتل ما قال احمد فوق 1001 بتقبل قسمة على 7 او 11 او 13

هلئ 7 × 11 × 13 = 1001
ملاحظة جيدة.. كل فكرة الحل هون (لو بدّي صعّبها.. كنت اكتفيت بـ قابلية القسمة على 7 بس لما حطينا 11 و 13 صارت أهون نتفة)


وبتذكر حسب نظرية ( ما عماتذكرها شو كان اسمها بالزبط او النص الحرفي للنظرية .. لكن بما معناه ) أي عدد الآحاد والعشرات والمئات هوي نفسو ال الآلاف وعشرات الآلاف ومئات الآلاف بالتالي حصراً بيقبل القسمة على 1001
هلق هي مانها نظرية..
بس الفكرة صحيحة.. أي عدد آحادو وعشراتو ومئاتو هني نفسهن بالترتيب آلافو وعشرات آلافو ومئات آلافو.. بيكون ناتج عن العدد الأول بعد ضربو بـ 1001

يعني..

لما كررنا رقم ماااا (بمثالنا كان 865 ) صار عندنا 865865

865865 = 865 + 865 × 1000 = 1001 × 865

ومتل ما قلت أبو حميد.. 1001 = 7 × 11 × 13

إذن.. محلولة..


و.. هلا والله

اذا اشتغلنا بنفس طريقة المرة الماضية ... العدد عنا رح يكون من الشكل :
100,000x+10,000y+1000z+100x+10y+z=Q
بجمع الحدود المتشابهة وباخراج 1001 عامل مشترك : ( Q = 1001( 100x + 10y + z
ومتل ما قال احمد فوق 1001 بتقبل قسمة على 7 او 11 او 13




جيد.. يا أزرق..




حدا عندو شي مسألة.. أو منقول وحدة جديدة؟

هات لنشوف وحدة جديدة اسمه اليوم عطلة يعني والمخ فاضي :p

شي مشابه ...

اذا كررنا العدد 3 مرات ... مثال 979797

ليش يقبل القسمة على 37 و 13

شي مشابه ...

اذا كررنا العدد 3 مرات ... مثال 979797

ليش يقبل القسمة على 37 و 13
مو بس بيقبل القسمة على 13 و 37 وكمان على 7 وعلى 3

نفس القصة فوق..

لما بتكتب العدد من ست مراتب بنفس الطريقة فوق.. بيطلع معك بالآخر الشكل التالي:

10101X + 101010Y =
3 × 7 × 13 × 37 × (X + 10Y)
d

عطونا شي صعب وبدو صفنة كزا يوم يا رجل :frown:

هات لنشوف وحدة جديدة اسمه اليوم عطلة يعني والمخ فاضي :p
يالله.. اسمو اليوم عطلة

خيو.. أنا عندي هَـوَس بـ وراق الخمسميات والميتينات والخمسينات.. حلو؟

وعم بعمل مجموعة منهن.. قام نقصني عشرين قطعة من هالفئات النقدية التلاتة..


فـ خطر ببالي هاللعبة..


أنا مستعد إدفع 100 ألف ليرة سوريا عداً مقابل 5 آلاف ليرة سورية لا غير..
ولكن بشرط..
أن تتألف هذه الـ 5000 من 20 قطعة نقدية.. تتضمّن الفئات التالية فقط: ( 500 ، 200 ، 50 ليرة)

وإذا شفتو.. إنو مبلغ الـ 5000 كبير.. مقابيل الـ مية ألف..

فـ أنا مستعد إدفع 100 ألف ليرة لكل من يعطيني 2000 ليرة سورية فقط.. على أن تتألف من 20 قطعة من الفئات المذكورة سابقاً..


مين بيقدر يحقق الشرط ويقرطني بـ 98 ألف ليرة خسارة؟


يالله افردوا خمسيناتكن وميتيناتكن وخمسمياتكن.. وزبّطوا فيهن.. :)

:shock:
ازا السؤال بدو يومين لاستوعبو!!
....

أنا مستعد إدفع 100 ألف ليرة سوريا عداً مقابل 5 آلاف ليرة سورية لا غير..
ولكن بشرط..
أن تتألف هذه الـ 5000 من 20 قطعة نقدية.. تتضمّن الفئات التالية فقط: ( 500 ، 200 ، 50 ليرة)

وإذا شفتو.. إنو مبلغ الـ 5000 كبير.. مقابيل الـ مية ألف..

فـ أنا مستعد إدفع 100 ألف ليرة لكل من يعطيني 2000 ليرة سورية فقط.. على أن تتألف من 20 قطعة من الفئات المذكورة سابقاً..


مين بيقدر يحقق الشرط ويقرطني بـ 98 ألف ليرة خسارة؟


يعني هلئ المسألة كلها بتتعلق ...

بانو بدك جمع 20 رقم .. شرط انو يكونو بيتضمنو بس 500 و 200 و 50 .... ويكون مجموعهن 5000

وكمان نفس الشي ... بس مجموعهن 2000

صح ؟

:shock:
ازا السؤال بدو يومين لاستوعبو!!
....
شفتي قديش منيح يكون الواحد صندوقي (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


ركزي معي..

كل القصة إنو بدنا 2000 ليرة أو 5000 ليرة

تكون مكوّنة من 20 قطعة نقدية

وهالقطع هني من فئات الـ : 50 ، 200 ، 500

زبطيها.. وبتربحي 100 ألف ليرة ( ع السوري.. مو ع اللبناني.. يعني محرزين شوي :p)

يعني هلئ المسألة كلها بتتعلق ...

بانو بدك جمع 20 رقم .. شرط انو يكونو بيتضمنو بس 500 و 200 و 50 .... ويكون مجموعهن 5000

وكمان نفس الشي ... بس مجموعهن 2000

صح ؟
صح..

بدي إحصل على رقم 2000 أو 5000 باستخدام تلات أرقام هني ( 50 ، 200 ، 500 ) بحيث يكون مجموع استخدامهن عشرين مرة حصراً..

وطبعاً القصة جمع لهالأرقام

ايواا...اوكي
6 قطع من 200
و6 من ل 50 و قطعه وحده من 500 ..
بسير عنا 2000:o

لا تقول شيييييي
عرفت غلط لأنن مو 20 قطعاااااااااا:jakoush:

فينا نستغني عن رقم ؟ :?

فينا نستغني عن رقم ؟ :?
رقم من الفئات؟ أو من إنو يكونو 19 ؟

إذا بدك ياهن 19 أكيد لأ.. لإنو أنا ناقصني 20 قطعة للمجموعة :)

إذا من الفئات؟

ممممممممممممممممم

لحظة ت شفلك إذا بيمشي الحال


مممممممممممممم

إي نعم فيك تستغني عن وحدة.. :)

طيب ازا قلنا مستحيلة ... ( وماني متأكد من هالشي .. بس هيك مبدئياً عميبين معي انو مستحيلة )


رح بتقلي اي مستحيلة ... و عطيني يا ابو حميد تبرير لهالشي


ولا رح تقلي لا هية ممكنة كمّل ؟ :lol:

ما رح قلك شي

رح قلّك.. نراك غداً :)

هلأ هي بتزبط ع19 قطعه..بس انت ما بدك!;)
...

يا سيدي مستحيلة ... مع سبق الاصرار والترصد :pos:

شو رح قلك هلق؟



رح قلك "بربرلي حتى سدقك" :)

إي..

شو صار معنا يا جماعة؟

شوف رح يمشي ب18 و الباقي 200

شو رأيك بسير معك فراطه كتير!!:p

يعني انا وصلت لل4800 و الباقي بعطيك قطعتين 100!!
شو ؟

وصلت معي لل 4900..و كمان عم بتزيد اكتر..يعني يا 21 قطعه او 19 ..بس 20 لأ..
عم حاول حلها..بركي ! (ازا ما حدا عرف )!

عم حاول حلها..بركي ! (ازا ما حدا عرف )!
يا ستي إنتي حليها.. وإلك عليي أعطيكي المية ألف.. بلا ولا شي :)

طيب.. طيب صار وقت نحط الحل.. (بما إنو ماري بيل ملتهية بعيد ميلادها.. ما رح تفضى للمسألة :) )

أنا مستعد إدفع 100 ألف ليرة سوريا عداً مقابل 5 آلاف ليرة سورية لا غير..
ولكن بشرط..
أن تتألف هذه الـ 5000 من 20 قطعة نقدية.. تتضمّن الفئات التالية فقط: ( 500 ، 200 ، 50 ليرة)

وإذا شفتو.. إنو مبلغ الـ 5000 كبير.. مقابيل الـ مية ألف..

فـ أنا مستعد إدفع 100 ألف ليرة لكل من يعطيني 2000 ليرة سورية فقط.. على أن تتألف من 20 قطعة من الفئات المذكورة سابقاً..


مين بيقدر يحقق الشرط ويقرطني بـ 98 ألف ليرة خسارة؟
خلينا نعتبر المسألة صحيحة.. والشرط قابل للتحقق..

فـ منفرض إنو عدد القطع من فئة الـ 500 هو س

وعدد القطع من فئة الـ 200 هو ع

وعدد القطع من فئة الـ 50 هو ص

هيك فينا نكتب الـ 5000 ع الشكل:

500 × س + 200 × ع + 50 × ص = 5000

وبالاختصار بيطلع معنا:

10 × س + 4 × ع + ص = 100

ولكن..

س + ع + ص = 20

فـ إذا طرحنا المعادلة الأخيرة من المعادلة اللي قبلها.. رح يطلع معنا:

9 × س + 3 × ع = 80

منقسم طرفي المعادلة على 3 فـ منلاقي إنو:

3 × س + ع = 26.66

ولكن..

طرف المعادلة الأول هو عدد صحيح..

لأن ( 3 × س ) عدد صحيح.. و ( ع ) عدد صحيح أيضاً..

في حين أن طرف المعادلة الثاني هو عدد كسري!!

إذن؟

تقودنا هذه النتيجة إلى إنو الافتراض الأول بإنو الشرط محقق.. هو افتراض غير صحيح

إذن..

الشرط غير قابل للتحقيق..

(ونفس طريقة الحل هاي فينا نساويها مع الـ 2000 )

:jakoush:المهم انو ما بتزبط ع 20و هلشي قالو اكتر من حدا مرء من هون!:sly:
و يعني ما رح نعطيك فراطه!:p

:jakoush:المهم انو ما بتزبط ع 20و هلشي قالو اكتر من حدا مرء من هون!:sly:
و يعني ما رح نعطيك فراطه!:p

إي.. بس ما بربرلي ليش

هون الـ.. إس بالقصة :)