طيب وحدة جديدة


قال هاد كان في مرة ختيارة.. قاعد بسوق الهال عم تبيع بيض بلدي..

وإذ.. طحش زلمة يمتطي كديش مطهّم.. وكسّرلها كل البيضات!!

هلق الجيّد بالموضوع.. إنو صاحب الكديش طلع أكابرلي..

قلها: "حقّك على طربوشي يا خانم.. قديش كان عدد البيضات اللي عندك؟ حتى إدفعلك حقهن على دوووووز بارة"

قالتلو: "بس أنا ما بعرف قديش بالزبط كان عدد البيضات.. بس بعرف إنهن كتار"

قلها: "إي.. والعمل؟ كيف بدنا نحسبهن؟"

قالتلو: "مممممممممم.. هلق أنا صحيح ما بعرف قديش كان عدد البيضات بالزبط.. بس بعرف ما يلي:

إذا قسمت البيضات لـ كومتين قد بعض.. رح يزيد معي بيضة..

وإذا قسمت البيضات لـ تلات كومات قد بعض.. رح يزيد معي بيضة..

وإذا قسمت البيضات لـ أربع كومات قد بعض.. رح يزيد معي بيضة..

وإذا قسمت البيضات لـ خمس كومات قد بعض.. رح يزيد معي بيضة..

وإذا قسمت البيضات لـ ست كومات قد بعض.. رح يزيد معي بيضة..

وإذا قسمت البيضات لـ سبع كومات قد بعض.. ما رح يزيد معي ولا بيضة..

وإنت باين عليك -من الكديش اللي راكبو- فهيم وذكي.. فـ احسبهن.. وحاسبني"


---------------------

ملحوظة:

ممكن يطلع مع صاحب الكديش أكتر من جواب.. بس إذا ما كان مطهّم متل كديشو.. لازم يقلها للختيارة جواب واحد وحيد

وهاد الجواب الواحد الوحيد.. هو المطلوب

---------------------

فـ هاتوا لنشوف..

في 301 بيضات!!:gem:

لأنو الواحد لزياده هيدا هو البيضه الزياده!
و هيك ال300 بيضه بنقسم ع 2 لأنو العدد مزوج!
و ع5 بينقسم و كمان ع 3 و4 و6 ازا قسمناها بتزبط!

في 301 بيضات!!:gem:

لأنو الواحد لزياده هيدا هو البيضه الزياده!
و هيك ال300 بيضه بنقسم ع 2 لأنو العدد مزوج!
و ع5 بينقسم و كمان ع 3 و4 و6 ازا قسمناها بتزبط!
هالمرة.. ما عذبتيني فيها.. زبطت معك دغري :)


طيب.. للأعزاء المشاهدين.. الفكرة وين؟


صاحب الكديش.. كان ممكن يطلع معو أكتر من رقم.. بيناسب الحكي اللي قالتو الختيارة..

مثلاً: 301 ، 602 ، 1204 ، 2408 ، 4816 ، الخ

بس هو المفروض يقدّم الرقم الأصغر.. مشان ما يتخورف..

فـ.. بيروح بيدوّر ع المضاعف المشترك الأصغر للأرقام ( 2 ، 3 ، 4 ، 5 ، 6 ) وبيجمعلو ( 1 ) ولازم يكون يقبل القسمة على 7


فـ الجواب الواحد الوحيد.. هو 301 متل ما قالت المزميل ماري بيل

عطونا شي صعب وبدو صفنة كزا يوم يا رجل :frown:
خود هاي لقلك..


قال يا سيدي عندك غرفة.. فيها 100 لمبة.. مرقمين هاللمبات من 1 حتى 100

وعندك 100 زلمة.. كمان مرقمين هالزلم من 1 حتى 100

اللمبات مطفايين..


بيفوت الزلمة رقم 1 ع الغرفة.. شو بيعمل؟

بيطلّع ع اللمبة رقم 1 ..

إذا كانت مطفاية.. بيضوّيها.. وبيضوّي كل مضاعفات الرقم 1

وإذا كانت مضوّاية.. بيطفّيها.. وبيطفّي كل مضاعفات الرقم 1


بعدين..


بيدخل الزلمة رقم 2

بيطلّع ع اللمبة رقم 2

إذا كانت مطفّاية.. بيضوّيها.. وبيضوّي كل مضاعفات الـ 2

وإذا كانت مضوّاية.. بيطفّيها.. وبيطفّي كل مضاعفات الـ 2


وهكذا دواليك..


بيدخل الزلمة رقم 3

بيطلع ع اللمبة رقم 3

إذا كذا.. كذا..

وإذا كذا.. مذا


السؤال هلق..

بالنهاية.. يعني بآخر الآخر.. وبحقول الزمان..

بعد ما يفوتوا الـ 100 شخص ع الغرفة.. ويطفّوا ويضوّوا بهاللمبات..

شو هي اللمبات اللي رح تكون مضوّاية؟

اللمبات اللي ارقامها هي أعداد " أولية " :humm:

خود هاي لقلك..


قال يا سيدي عندك غرفة.. فيها 100 لمبة.. مرقمين هاللمبات من 1 حتى 100

وعندك 100 زلمة.. كمان مرقمين هالزلم من 1 حتى 100

اللمبات مطفايين..


بيفوت الزلمة رقم 1 ع الغرفة.. شو بيعمل؟

بيطلّع ع اللمبة رقم 1 ..

إذا كانت مطفاية.. بيضوّيها.. وبيضوّي كل مضاعفات الرقم 1

وإذا كانت مضوّاية.. بيطفّيها.. وبيطفّي كل مضاعفات الرقم 1


بعدين..


بيدخل الزلمة رقم 2

بيطلّع ع اللمبة رقم 2

إذا كانت مطفّاية.. بيضوّيها.. وبيضوّي كل مضاعفات الـ 2

وإذا كانت مضوّاية.. بيطفّيها.. وبيطفّي كل مضاعفات الـ 2


وهكذا دواليك..


بيدخل الزلمة رقم 3

بيطلع ع اللمبة رقم 3

إذا كذا.. كذا..

وإذا كذا.. مذا


السؤال هلق..

بالنهاية.. يعني بآخر الآخر.. وبحقول الزمان..

بعد ما يفوتوا الـ 100 شخص ع الغرفة.. ويطفّوا ويضوّوا بهاللمبات..

شو هي اللمبات اللي رح تكون مضوّاية؟




خيو هي محلولة هون بأخوية من شي الف سنة ... هات غيرها... ازا بدك يعني :lol:

خيو هي محلولة هون بأخوية من شي الف سنة ... هات غيرها... ازا بدك يعني :lol:
ألف سنة!!

مش قليل..

جرّبت بـ هاي أبو حميد؟

هاي حطيتها بهالموضوع.. وما حدا حلّها.. وأنا قدّمت جزء من الحل..


لدينا 12 كرة متماثلة.. وميزان ذو كفتين..

كرة واحدة فقط مختلفة بالوزن فقط (إما أثقل.. أو أخف)..

ونريد عبر ثلاث وزنات فقط أن نحدد أيها الكرة المختلفة وما نوعية اختلافها (هل هي أثقل أم أخف من الكرات الباقية)..

حلّوا هاي ت نشوف

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اي مارئه معي من قبل!..:p

1. الباقيين هني (F S S (FRIDAY SATURDAY SUNDAY
2. بسير 550=5+545
3. منكتب anything
4. منرسم ل rectangle و منرسم في 3 خطوط!!

:gem:

اي مارئه معي من قبل!..:p
عم قول شو هالسرعة.. ما عرفتك :p
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

خاوخو تخوّخو.... قصدي حاولو تحلّو هالحزّيرة اللزيزي


43 خوخة تخوّج الجوح
41 خوخة تحوّخ الخوج
49 خوخة تخوّح الحوح
17 خوخة تخوّج الجوح وتحوّخ الخوج
27 خوخة تخوّج الجوح وتخوّح الحوح
21 خوخة تحوّخ الخوج وتخوّح الحوح
6 خوخة تخوّج الجوح وتحوّخ الخوج وتخوّح الحوح
8 خوخة ما بيعملو ولا شي



كم خوخة في معنا؟ :larg:

فيني قول شي؟

فيني قول شي؟

اي طبعاً، ما الموضوع موضوعك. إلّا إذا حدا منعك من المشاركة لا سمح الله! خبرني مين.

بس كأنّو حاسس في ورا سؤالك شي مسبة:lol: طيب روق وشرب معنا عصير خوخ

احكي ناصر احكي..
بالنسبه للسؤال:بيعملو مربى الخوخ !:p

شي



:p

8 ... !!!:pos:

8 ... !!!:pos:
جواب خاطئ :pos:


بالمناسبة: اليوم رجعت وقريت الموضوع للأخير، شي روعة يا ناصر! وخصوصاً حديثك عن خلفيات المسائل يلي طرحتها:deal:
منّي تقييم 5 نجوم لموضوعك

طيب ممكن يكون مافي ولا خوخة في "معنا" :p

طيب ممكن يكون مافي ولا خوخة في "معنا" :p
مبلا في معنا خوخات :p

طيب خلّي السؤال يكون: كم عدد الخوخات؟

إذا ضعت بين الكلمات المتشابهة (وهادا كان المطلوب :lol:) فحاول تعوّض أو تعمل اختصارات a b c أو س ع ص ورح تشوف أنو معك مسألة حسابية سهلة...

يالله حلّوها لأنو في كم مسألة تانية حابب حطون هون

أو جربو حظكون ومهارتكون هون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)