:shock:.. علي دفع البنزين للتاكسي ؟؟؟

لك مو هيك يا رؤى ... لما يزيد البنزين بتزيد تسعيرة التكسي .. :lol:

ومن عندي بحب خبّر جميع المقيمين بالأردن أنو طالعة اشاعة بأنو سعر جرة الغاز رح يصير 9 دنانير ..
اي و الله من شوي خبرتني امي ..قال ابتداءً من شهر 12 رح يصير ارتفاع بكل المحروقات بالاردن..ورح تصير الجرة بـ9...انو ما طبيعيييييييييييي والله كتير :cry:

لك مو هيك يا رؤى ... لما يزيد البنزين بتزيد تسعيرة التكسي .. :lol:
اهااااااااااااااااااااااا ااااا

معك حق

خلص انا بدي اعمل ريجيم ... وروح مشي .. :cry:

وحياه الله حرام

اي و الله من شوي خبرتني امي ..قال ابتداءً من شهر 12 رح يصير ارتفاع بكل المحروقات بالاردن..ورح تصير الجرة بـ9...انو ما طبيعيييييييييييي والله كتير :cry:

ايه انو تنط هالنطة .. تقريبا الضعف .. مو معقول .. وبسرعة خيالية نسبيا .. ما صرلهم زادوها من الشتوية الماضية يمكن .. وكأنو كل شتوية لازم الناس تاكل هوا وتاكل برد أكتر ..


بعتزر من صاحب الموضوع انو طلعت شوي برا سوريا .. بس صدقني اللي عم يصير عنا هوي زاتو اللي رح يصير عندكم .. واللي اساسا عم يصير من هلا ..
وما رح توقف هون .. استنا شوي وبزيدو أكتر .. طول ما الشعب ساكت ...

السكوت يتناسب طردياً مع زيادة الاسعار .. أو العكس ! :pos:


حرااااااااااااااااااااااا ااااااااااااااااااااااااا اام انو في ناس عم تدفى على الحطب .. اذا لاقت حطب .. لك شو الواحد بدو يحكي .. خليني اسكر تمي احسن ..

ايه نسيت .. بهالمناسبة ...


اسمع يا رضا ...
كل شي عم يغلى ويزيد ..
امبارح كنا عالحديده ..
وهلأ صرنا عالحديد ..

الخسه اللي موصلها بايدي ..
وسعرا مقيد بالجريدة ...
حطولا أسعار جديدة ..
كل لحظة في سعر جديد ...
عجل كلها
يارضااااا

أول شي ..

و بعدك عنيد يا رضا ..

و المظاهرة يلي صارت اليوم اللي عما يحكي عليها رامي .. صارت بالقامشلي .. و انتقل شخص واحد .. و فلتو الشبيحة عـ المتظاهرين بالمي ( علي الحلال كللوم صار معون كريب ) .. و المظاهرة قاموو فيها الأكراد .. عـ اساس أنو احتجاج عـ حرب يلي صارت عليون بـ العراق

تاني شي ..

سيارات رح تنزل أسعارها كتير كتير ..

و الشعب الصامد .. رح يشتري ..

و شوارعنا ما عاد ينساق فيها .. اي يلعن هل عيشة

ايه نسيت .. بهالمناسبة ...


اسمع يا رضا ...
كل شي عم يغلى ويزيد ..
امبارح كنا عالحديده ..
وهلأ صرنا عالحديد ..

الخسه اللي موصلها بايدي ..
وسعرا مقيد بالجريدة ...
حطولا أسعار جديدة ..
كل لحظة في سعر جديد ...
عجل كلها
يارضااااا

مبارح أكلنا
بعلمي شبعنا
حطينا كل
الكانو معنا
قمنا عبكرا
رجعنا جعنا
لازم ناكل عن جديد





مصيبة والله يا رضا :sick:

أول شي ..

و بعدك عنيد يا رضا ..

و المظاهرة يلي صارت اليوم اللي عما يحكي عليها رامي .. صارت بالقامشلي .. و انتقل شخص واحد .. و فلتو الشبيحة عـ المتظاهرين بالمي ( علي الحلال كللوم صار معون كريب ) .. و المظاهرة قاموو فيها الأكراد .. عـ اساس أنو احتجاج عـ حرب يلي صارت عليون بـ العراق


شو بدك بالحكي .. عم يعكسو صورة حلوة عن البلد .. انو في ديمقراطية .. شو لكان !

اليوم صاير مظاهرة بالقامشلي وحسب المواقع الكردية المقتولين هم ثلاثة وعدد المتظاهرين هو 2500
وكمان بإدلب صايرة مظاهرة معتقلين على أساسها 32 شخصاً في إثر احتجاج على قرارات مجلس المدينة هادا الخبر نزلتو سيريانيوز فيك تشوف الرابط
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بس فيني أحكي شغلة أنو شعبنا بنومة أهل الكهف وممكن يجي يوم ويصحى فيه

بس أبن العم كأنك عامل شي تحريضي يعني اليوم صاير مظاهرتين بعد موضوعك أكيد من وراك دير بالك على حالك ها أنت محرض على الشغب العام وهي تهمة يا أبن العم

يعني أكيد المتظاهرين قاريين موضوعك وتشجغوا فطلعوا بهالأعتصامات :)

اليوم صاير مظاهرة بالقامشلي

هلا أنا سمعان سمعت أنو صارت .. وكان في استنفار أمني ملحوظ .. بس أنو بنص المدينة ما صار شي .. الأمور كانت كتير طبيعية .. بس أنو من مبارح خبرونا في مظاهرة و شيلو هوياتكن معكن ..

و الشغلة انذار تبع مركز الأطفاء عنا ضل شغال تقريباً ساعة ..

ملاحظة .. أنو المظاهرة قامت اليوم .. كرمال أعمال شغب مو اكتر ..

شو بدك بالحكي .. عم يعكسو صورة حلوة عن البلد .. انو في ديمقراطية .. شو لكان !
لهيك عالم ما بتلزم الديمقراطية .. في مثل بيقول .. اذا شفت العالم متل النمل ... ما ضروري تنزل دعوسة فيون ..

بس أنا بقول .. أنو كل ما شفت هيك نمل .. دعوسن ولا يهمك

لهيك عالم ما بتلزم الديمقراطية .. في مثل بيقول .. اذا شفت العالم متل النمل ... ما ضروري تنزل دعوسة فيون ..

بس أنا بقول .. أنو كل ما شفت هيك نمل .. دعوسن ولا يهمك


اذا بدنا نطالب بديمقراطية .. لازم الكل يكونو متساويين والقانون يحكم ..

في الحالة هاي لم ينطبق أي من الشروط ... لانو المظاهرة مو مظاهرة .. والأمن مو أمن .. والشعب مو شعب ..
ولا في مساواة ولا في قانون ....
كلو بنطوط متل الجراد .. مو نمل ..

لهيك أنا بعمري ما فكرت طالب بالديمقراطية .. لأنو شعبنا اذا مو مستوعب كيف داحشين الجوز جوات البيتنجان .. بدك ياه يصير عندو ديمقراطية ..

ليك أنا متأكد .. أنو بلدنا .. و لتاريخ الـ 2025 ما رح تشم ريحة الديمقراطية .. عم أحكي عن الديمقراطية الحقيقية ..

و اذا صار عنا ديمقراطية .. رح يصير فينا أضرب من العراق بألاف المرات

هيدي منحة بالعيد ... هيك بتوقع ...

بس ع كلن الشعب مو مقصر ... الي عندو سيارة عالبنزين... عم بركبلها غاز...عم بيمشو عالغاز..انو سعر الجرة 125 ل.س... (بالاردن 5دنانير الا ربع = 327.75 ل.س)... طبعا اكيد انا ضد مشروع الغاز هاد ..مع انو تركيبو بكلف 40 الف ليره ... بس شو بيعملو؟؟؟ اكيد ما رح يستخدمو بنزين وسعر التنكيه 700 ل.س..مو لو بيعطوهن 20% لو بيعطوهن 50% :frown:
بتعرفي انو ثبت بانو الغاز أفضل من البنزين بكتير في الحفاظ على البيئة؟؟ وبالدول المتقدمة عم يحاولو يقنعو الناس بانها تشتري السيارات اللي بتمشي عالغاز.. وعم يقدمولهم حوافز وتسهيلات كبيرة كتير.. ونسبة هالناس في ازدياد.. بس المشكلة الرئيسية في عدم الانتشار السريع لسيارات الغاز، هو خوف الناس من الاحتراق او الانفجار في حال وقوع حوادث الاصطدام بين السيارات، واللي ما لقولها حل مقنع حتى الآن، مع انها ارخص واوفر وانظف.
على فكرة انا ما خرجت عن الموضوع هه.. عم احكي عالغاز بشكل عام، ومن ضمنه الغاز المسيل للدموع،:cry: وطبعا هذا بيستخدم بكثرة في المظاهرات.:D

قريت الموضوع والله شي بيبكي 720 ليرة تنكة البنزين :cry:
شو مشان تنكة البنزين بالسعودية 120 ليرة :shock:
سعر اللتر 40 هللة يعني 5 ليرات
لنفرض ان متوسط الدخل بالسعودية
1500 ريال = 20 ألف ليرة
والانسان هنا يستهلك وسطيا 10 تنكات = 1200 ليرة سوري شهريا اذا كانت سيارته ياباني او كوري
ومابين 15 او 20 تنكة = خلينا نفول 2400 ليرة سوري اذا سيارته امريكي او الماني
معناتها 2.5% او 4% ماكسيموم من دخل الفرد
واحسرتاه شايفلكم حنرضى بالمكاري حتى ولو ركبناها مقرفصين :cry:
وضعنا دايما متخلف الله يخليلنا الغربة ... فعلاً هلق حسيت أن الاغتراب نعمة

بس أبن العم كأنك عامل شي تحريضي يعني اليوم صاير مظاهرتين بعد موضوعك أكيد من وراك دير بالك على حالك ها أنت محرض على الشغب العام وهي تهمة يا أبن العم

يعني أكيد المتظاهرين قاريين موضوعك وتشجغوا فطلعوا بهالأعتصامات :)

يحرق حريشك انت
شكلك ناوي تخربلي بيتي :jakoush:

لك شريك انت اقرا بالاول الخبر هني متظاعرين بس مو مشان البنزين والاسعار قال لانه البسطات والعربايات تبعولون اخدوها اي يعني عرضية وقديمة

بتعرفي انو ثبت بانو الغاز أفضل من البنزين بكتير في الحفاظ على البيئة؟؟ وبالدول المتقدمة عم يحاولو يقنعو الناس بانها تشتري السيارات اللي بتمشي عالغاز.. وعم يقدمولهم حوافز وتسهيلات كبيرة كتير.. ونسبة هالناس في ازدياد.. بس المشكلة الرئيسية في عدم الانتشار السريع لسيارات الغاز، هو خوف الناس من الاحتراق او الانفجار في حال وقوع حوادث الاصطدام بين السيارات، واللي ما لقولها حل مقنع حتى الآن، مع انها ارخص واوفر وانظف.
على فكرة انا ما خرجت عن الموضوع هه.. عم احكي عالغاز بشكل عام، ومن ضمنه الغاز المسيل للدموع،:cry: وطبعا هذا بيستخدم بكثرة في المظاهرات.:D


بس السيارات الي بتمشي عالغاز مو مصممه لبلادنا ..يعني...بيمشي حالهن بروسيا مثلا بدرجات حراره منخفضة كتيررررر...مو عنا درجة الحرارة بتوصل ل40 وكمان غاااااااااااااااز...:sick:. لا واذا كان بشي جبل ... يعني طلوع ونزول وهيك...

عالهامش((في عنا شوفير تكسي بالضيعه انفجرت فيه السياره لانو ماشي عالغاز..برقبتو ست اولاد..ليكو بالفرشه ورح يضل بالفرشه لو مات اريحلو.. كان درويش وحباب )) ..انا ضد المشي عالغاز...:cry:

عالهامش((في عنا شوفير تكسي بالضيعه انفجرت فيه السياره لانو ماشي عالغاز..برقبتو ست اولاد..ليكو بالفرشه ورح يضل بالفرشه لو مات اريحلو.. كان درويش وحباب )) ..انا ضد المشي عالغاز...:cry:
انفجرت لأنو مركب الجرة ...بورشة أبو عبدو الطنبرجي
بكل دول العالم صار في شركات متخصصة بهالشي .... و ضمن معايير عالمية
بس عنا لسا الشغلة تهريب ... لأنو الدولة مانعتها ..... لأنو لسا في شوية دعم عالغاز

ما بعرف ماد والله ...

بس حبيت بشركن انو اليوم ارتفع حق كيلو الخبز بالاردن الى 60 قرش اي ما يعادل 43 ليره سوري .... :cry:

حتى الخبززززززززززززززززززز

ما بعرف ماد والله ...

بس حبيت بشركن انو اليوم ارتفع حق كيلو الخبز بالاردن الى 60 قرش اي ما يعادل 43 ليره سوري .... :cry:

حتى الخبززززززززززززززززززز
من فترة قريت .... أنو الاردن بتحتل المرتبة 19 بأغلى الدول بالعالم
بس انتو .... بتستحملو ... الدخل عندكون منيح

هلا يا جماعة بدكن من شعب عاش عمر من الظلم والفساد والمحسوبيات وووو... يعمل مظاهرة ؟؟؟؟:?
ولو افترضنا تحمسوا الشباب وعملوها من أول صوت كل واحد بجهة والله -أنا ما دخلني-:shock:
ما العفن توارثناه عيني وعندك ناس أول ما بيطلعوا من تحت(الحذاء)بيصيروا عنتر والزير
لازم نخرس ونبطل شعارات وجعجعة ونهز كتافنا شوي
.....بس شايفة أنو لنقوم نفوت ننام ونصير نحلم....
وآسفة على هالخربشةاللي بلا فائدة بس شي بيطققق...

ما بعرف ماد والله ...

بس حبيت بشركن انو اليوم ارتفع حق كيلو الخبز بالاردن الى 60 قرش اي ما يعادل 43 ليره سوري .... :cry:

حتى الخبززززززززززززززززززز

عم تمزحي ؟؟ :shock:


بدي قول شي .. بس بلاها .. :pos:

من فترة قريت .... أنو الاردن بتحتل المرتبة 19 بأغلى الدول بالعالم
بس انتو .... بتستحملو ... الدخل عندكون منيح

اذا بدي قدرلك .. واتفاءل كتير بهالكلام ... وخلينا نقول .. في 20% بتحملو وزيادة .. وفي كمان 30% بيمشي حالهم ويا رب السترة .. ايه رح يضل 50% ماكلين هوا وساكتين ...

لا هيك ما بينفع .. ما بينفع أبدا .. تضرب هيك حكومة ليلحقها الشعب ..

هو اللي عم يصير أنو عم تنمحى الوصايا العشرة..شوية شوية وتتغير...وعم نتحول من نظام اشتراكي (بالاسم) إلى نظام برجوازي......واللي عم يصير عنا هو تماما متل مزرعة الحيوان....وطالما هالشعب كلو "غزلان" ما حدا رح يتحرك لو بيصير حق ربطة الخبز ألف ليرة..

من فترة قريت .... أنو الاردن بتحتل المرتبة 19 بأغلى الدول بالعالم
بس انتو .... بتستحملو ... الدخل عندكون منيح
مين قال الدخل منيح؟؟

الدخل منيح لاهالي عمان الغربيه وبس... في فقر كتير هون بالاردن ... متل ما قالت نيرفانا الرواتب مو كتير احسن من سوريا.... !!!!!!

عم تمزحي ؟؟ :shock:


بدي قول شي .. بس بلاها .. :pos:
وحياتك عالغاالي ما فيها مزح...الخبر جبتو بعد ما رجعنا من المخبز (الفرن) مباشرة :cry:.....تشوفي العالم كلو يسب ويكفر وطالع خلقو...!!

والله يا ماد سؤال وجيه بس يا ترى رح يقدر حد يفش خلقه ويجاوب عليه

وحياتك عالغاالي ما فيها مزح...الخبر جبتو بعد ما رجعنا من المخبز (الفرن) مباشرة :cry:.....تشوفي العالم كلو يسب ويكفر وطالع خلقو...!!

بزيادة .. كفو ووفو .. بلكي بينهز بدنهم شوي ليقولو لا ..
هاد نتيجة زيادة الطحين المحسن ...

كأنو الخبز البلدي ما زادوه ... بس يا عمي حق كل مواطن يقدر ياكل الخبز اللي بدو ياه ..
العمى حتى بالخبز صار في طبقية ...!!!

شفت مادماكس ... بكرا بزيدولكم الخبز ...
لانو هيك كان عنا بزيدو المحروقات أول بعدين بزيدو الخبز .. مشان الصدمة يعني .. !

اذا بدي قدرلك .. واتفاءل كتير بهالكلام ... وخلينا نقول .. في 20% بتحملو وزيادة .. وفي كمان 30% بيمشي حالهم ويا رب السترة .. ايه رح يضل 50% ماكلين هوا وساكتين ...

لا هيك ما بينفع .. ما بينفع أبدا .. تضرب هيك حكومة ليلحقها الشعب ..
يللي بدي افهمو انو في سوريين بيغتربو بالاردن وبيشتغلو هونيك وبيرجعوا على سوريا معون مصاري ....
شلون هي بتزبط معون ؟؟؟:shock:
مع انو منعرف انو الاردن فيها غلا كتير .....

يللي بدي افهمو انو في سوريين بيغتربو بالاردن وبيشتغلو هونيك وبيرجعوا على سوريا معون مصاري ....
شلون هي بتزبط معون ؟؟؟:shock:
مع انو منعرف انو الاردن فيها غلا كتير .....


أهم شي فرق العملة .. شي تاني حسب شو بشتغل؟ .. وباي منطقة بالأردن عايش؟ ... وكيف عايش بالاردن؟

والسؤال الاهم .. قديه بيرجع معو مصاري ؟؟؟

حزورة الأسبوع :

قديش لازم يصير سعر تنكة البنزين ..... لنشوف اعتصام للسائقين قدام شي وزارة ... أو بشي كراج ..؟؟
قديش لازم يصير معدّل الدخول لجامعات الدولة ...... لنشوف شي تحرك طلابي ..؟؟
قديش لازم تصير نسبة العاطلين عن العمل ..... لنشوف شي مسيرة احتجاج أو استنكار للوضع ..؟؟
قديش لازم يصير سعر الخبز أو البطاطا أو البندورة ( ما جبنا سيرة اللحمة ) لنشوف شي ثورة للجياع ..؟؟
و قديش ....و قديش ....و قديش ....؟؟.................... ...و الآتي أعظم



يللي عندو الاجابة ...يكتبها هون ..... أو يبعتها برسالة خاصة ( مشان السرية )
تقبل الاجابات .... حتى نهاية الاسبوع



انا لهلأ ما لئيت الحل لهلأ الحزورة و كل مالا عم تتعئد و الخير لقدام

حدا عرف الحل :shock:

مين قال الدخل منيح؟؟

الدخل منيح لاهالي عمان الغربيه وبس... في فقر كتير هون بالاردن ... متل ما قالت نيرفانا الرواتب مو كتير احسن من سوريا.... !!!!!!
اي تماما الفقر بالاردن شي بيرفع الراس
لا رواتب منيحة ولا عيشة زي الخلق يعني الأسعار نار وكل فترة واختها بصير رفع للاسعار شي عشؤرين بالمية واحيانا والله اكتر من مية بالمية عدا عن الاستغلال والذي منو ...وممكن تلاقي ناس مستوى دخلم مرتفع بس الفقر كتير نسبتو عالية...

واحلى شي سياسة متبعة عنا بالبلد وهي انو بتنتشر شائعة عن رفع الاسعار وبيصدر بيان حكومي انو هاي مجرد شائعات ولما يجمطها للشعب بيصير رفع الاسعار حقيقة...ومو اي رفعة كمان
وبالنسبة للسؤال الرئيسي لمادماكس المشكلة الرئيسية يا عزيزي مو انو الشعب ما بدو يحكي ولا انو ما بدو ينتفض المشكلة مشكلة خوف وسياسات ما في وراها غير تخفي ورا الشمس فهمت...هاد حلي للسؤال
او للغز الحياة مو لغز الاسبوع

نحنا فيها ... مشان الصقيع الاخير الي صار بالاردن ... تم رفع اسعار الخضار 150% بسسسسسسسسس هالخبر نازل بالجريده الرسميه مو من بيتنا ... :cry:

لأيمت قلتلي ......
لحد ما المعارضة قبل الناس تعرف كيف بتنلعب اللعبة نازلين فيها بيانات وطلبات شي نطلب الإفراج وشي مدري شو وحياة ربي حلمت شوف شي كتلة معارضة تحكي عن الفقر وعن الغلاء والله يمكن الأحزاب اللي بالجبهة بتحكي عن الفقر اكتر منهن ولك وصلت لمرحلة جماعة الحزب الشيوعي السوري فيصل وبكداش صاروا يحكوا ولسا المعارضة ما حكيت وكل همها تم اعتقال وتم اعتقال
ولك بدي قلهن كلمة وحدة الشعب ملتعن ر... واخر همه يحترقوا رموزكن يلتعن ر..ن ما فارقة المهم انو ياكل
لنشوف ايمت الحل بقى
انا سمعت من شغلة شي اسبوع انهن كانوا بدهن يطلعوا مظاهرة بميناء اللادقية ضد خصخصة المرفأ او مشان المصداقية بعض ارصفة المرفأ ؟
حدا عرف شي عن الموضوع ؟
تحياتي الحارة
ظل جيفارا

لحد ما المعارضة قبل الناس تعرف كيف بتنلعب اللعبة نازلين فيها بيانات وطلبات شي نطلب الإفراج وشي مدري شو وحياة ربي حلمت شوف شي كتلة معارضة تحكي عن الفقر وعن الغلاء والله يمكن الأحزاب اللي بالجبهة بتحكي عن الفقر اكتر منهن ولك وصلت لمرحلة جماعة الحزب الشيوعي السوري فيصل وبكداش صاروا يحكوا ولسا المعارضة ما حكيت وكل همها تم اعتقال وتم اعتقال
ولك بدي قلهن كلمة وحدة الشعب ملتعن ر... واخر همه يحترقوا رموزكن يلتعن ر..ن ما فارقة المهم انو ياكل
لنشوف ايمت الحل بقىالحق عالمعارضة يعني....

عالهامش: البيانات اللي تحكي عن اعتقال المواطنين المعارضين اللي استغرب انو ممكن تخدش حساسية البعض.. و استغرب لأنو على حد علمي لا تنّشر بالجرايد و لا تطلع عالتلفزيونات... يمكن الحساسين لو حطو حالهون شوي محل أم و أب و زوجة و ابن المعتقل كان حساسيتو توجهت الى مكان آخر.... يمكن.. ما بقول أي أو لأ... ممكن

اذا الشعب فقير الحق مو على ميشيل كيلو أو غيرو... الحق على اللي نهبو و سلبو... مو الحق على المعارضة....



الحرية لمعتقلي الضمير (و اللي زاعجتو الجملة لا يقراها...)

لحد ما المعارضة قبل الناس تعرف كيف بتنلعب اللعبة نازلين فيها بيانات وطلبات شي نطلب الإفراج وشي مدري شو وحياة ربي حلمت شوف شي كتلة معارضة تحكي عن الفقر وعن الغلاء والله يمكن الأحزاب اللي بالجبهة بتحكي عن الفقر اكتر منهن ولك وصلت لمرحلة جماعة الحزب الشيوعي السوري فيصل وبكداش صاروا يحكوا ولسا المعارضة ما حكيت وكل همها تم اعتقال وتم اعتقال
ولك بدي قلهن كلمة وحدة الشعب ملتعن ر... واخر همه يحترقوا رموزكن يلتعن ر..ن ما فارقة المهم انو ياكل
لنشوف ايمت الحل بقى
انا سمعت من شغلة شي اسبوع انهن كانوا بدهن يطلعوا مظاهرة بميناء اللادقية ضد خصخصة المرفأ او مشان المصداقية بعض ارصفة المرفأ ؟
حدا عرف شي عن الموضوع ؟
تحياتي الحارة
ظل جيفارا

بالإذن منك بس عفوا ً رح أفترض حضرتك عضو في أي حزب أو أي تنظيم ,

و رفيقك و زميلك في النضال الأحمر انسجن بهمك وضع زميلك أو وضع الغلاء اللي بعمروه ما رح يتصلح ..!!

أو لما أبوك أنسجن برأيك رح يهمك وضع أبوك , أو وضع الغلاء اللي ماشي متل ما الدنيي ماشية

يا ترا أبنو لعارف دليلة بهمو خصخصة المرفأ و لا وضع أبوه بالمعتقل اللي هوي بحاجة لبتر رجل و ما في مين يرد

عموما ً يبدو كل مين بتهموه مصلحتوه , و سلملي ع نتفة الإنسانية اللي بقيت عنا ..

:? ظل...
عن جد ماعم افهمك .. "الأنسان هو الأنسان "
ما بفهم كيف بتقدر تتبنى قضية انسانية عن طريق تسفيه قضية انسانية تانية ..

الفقير أهم من معتقل الرأي ؟ :?:? ليش .. اكتر انسانية منو ؟

لأ هاممنا انو ما يلتعن ربو .( بعيدا عن كل السياسة ) . هاممنا لأنو انتهاك لانسانيتو وإذا بيهمني الأنسان .. وإذا بعتقد انو الانسان بالمجمل له مكانته .. فهالقناعة بتجي " فول باكيج " ..
كونو في ناس عم تحكي من أجل حرية الانسان وكرامته .. ما بينافي وجود ناس تحكي لأجل الفقير والضعيف والأمي .. وإلخ ..
ما عرفت وين التضاد بين الفكرتين ؟

اليوم :) برأيي بتعرف ليش قضية المعتقلين ابدى .. :) لأنو هالمعتقلين اللي بياناتون .. عم تقض هدوئك ..
هني مثقفي سوريا اللي المفروض سوريا تعتمد علين .. لتمشي لقدام ..

:mimo:

بس !

منذ شهر ايلول الى حد هذه اللحظه ازدادت اسعار 150سلعه واكثر



والخير لئدام



انو انا ما عم جيب مصروفي واتعب عليه ..وفار دمي ..بئى كيف الشعب الي عم يتعب وعايش دون المستوى الحدي للحياه ؟


شرح مفردات لئيمه../شعب عايش دون المستوى الحدي = دول ناميه=سوريا كــ احد الدول الناميه/



التحزوره مستحيلة الحل ..والقبر حل وسطي وليس نهائي ..انو اذا عليك ديون من ورا الغلى بيلاحئو عيلتك من بعد وفاتكـ

الحق عالمعارضة يعني....

عالهامش: البيانات اللي تحكي عن اعتقال المواطنين المعارضين اللي استغرب انو ممكن تخدش حساسية البعض.. و استغرب لأنو على حد علمي لا تنّشر بالجرايد و لا تطلع عالتلفزيونات... يمكن الحساسين لو حطو حالهون شوي محل أم و أب و زوجة و ابن المعتقل كان حساسيتو توجهت الى مكان آخر.... يمكن.. ما بقول أي أو لأ... ممكن

اذا الشعب فقير الحق مو على ميشيل كيلو أو غيرو... الحق على اللي نهبو و سلبو... مو الحق على المعارضة....



الحرية لمعتقلي الضمير (و اللي زاعجتو الجملة لا يقراها...)
انا ما قلت الحق على المعارضة
بس ممكن تنطرني لأخر الموضوع لحتى كمل ردي ...؟
تحياتي إلك :D
بالإذن منك بس عفوا ً رح أفترض حضرتك عضو في أي حزب أو أي تنظيم ,

و رفيقك و زميلك في النضال الأحمر انسجن بهمك وضع زميلك أو وضع الغلاء اللي بعمروه ما رح يتصلح ..!!

أو لما أبوك أنسجن برأيك رح يهمك وضع أبوك , أو وضع الغلاء اللي ماشي متل ما الدنيي ماشية

يا ترا أبنو لعارف دليلة بهمو خصخصة المرفأ و لا وضع أبوه بالمعتقل اللي هوي بحاجة لبتر رجل و ما في مين يرد

عموما ً يبدو كل مين بتهموه مصلحتوه , و سلملي ع نتفة الإنسانية اللي بقيت عنا ..

نفس الشي عبود بس انطرني لأخر الرد لحتى احكي اللي عندي
كمان تحية حمراء إلك :D
:? ظل...
عن جد ماعم افهمك .. "الأنسان هو الأنسان "
ما بفهم كيف بتقدر تتبنى قضية انسانية عن طريق تسفيه قضية انسانية تانية ..

الفقير أهم من معتقل الرأي ؟ :?:? ليش .. اكتر انسانية منو ؟

لأ هاممنا انو ما يلتعن ربو .( بعيدا عن كل السياسة ) . هاممنا لأنو انتهاك لانسانيتو وإذا بيهمني الأنسان .. وإذا بعتقد انو الانسان بالمجمل له مكانته .. فهالقناعة بتجي " فول باكيج " ..
كونو في ناس عم تحكي من أجل حرية الانسان وكرامته .. ما بينافي وجود ناس تحكي لأجل الفقير والضعيف والأمي .. وإلخ ..
ما عرفت وين التضاد بين الفكرتين ؟

اليوم :) برأيي بتعرف ليش قضية المعتقلين ابدى .. :) لأنو هالمعتقلين اللي بياناتون .. عم تقض هدوئك ..
هني مثقفي سوريا اللي المفروض سوريا تعتمد علين .. لتمشي لقدام ..

:mimo:

بس !


كمان تحياتي لك :D
انطريني لأخر الرد ...:shock::shock: صحي وصلنا لاخر الرد صار لازم احكي اللي عندي


شباب كتير ناس فهمت قصدي غلط هالفترة
انا عندي ناس معتقلين مو اولهن كريم ولا اخرهن اصدقاء بعرفهن من ارض الواقع الله يفك اسرهن وبهتم لموضوع معتقلي الرأي بسوريا لإني اكتر من مرة تهددت انو كون بيناتهن .... (دون اي تعليق اخر )
بس انا وبتوقع حكيت لياسين فكرتي قبل انو برأيي الحصول على الديمقراطية اللي صار حق لإلنا كشعب سوري نوصل لنص الطريق نحوها مع انو لسا ما شفنا برأيي انو الطريق للحصول على الديمقراطية متعرج وبيبدأ من محاولة فهم عميق للأزمة .... وكنت متمني الكل يقدر يفهم منيح موضوعي تبع إستكمالا لموضوع بخصوص الإرادة والكرامة سمعوني شوي ...حتى لو بدي طول وبدي فوتكن بفوتات صعبة شوي
شباب انا لأحكيلكن اللي عندي وانتو بتقرروا
انا من وجهة نظري كإشتراكي ( ولازم كل انسان بيحس حاله مضطهد يحس نفس احساسي ) بحس انو السياسلات الإمبريالية هيي الخطر الأكبر على الصعيد العالمي وعلى الصعيد الوطني اكبر خطر على الشعب بشكل عام هو السياسات الرأسمالية وكل من يريد لها ان تعيش ... !
لهيك بفصل الناس قسمين ... انتا مع السياسات المذكورة او ضد ..
انا بدي من سوريا انو تكون ضد السياسات الإمبريالية وبدي انو ينكبح جماح هالفئات اللي بدها تفوت الرأسمالية على سوريا " وهنن بالنظام للتحديد " ...
فالمهم انا رأيي انو السياسات تبعت الجهات الأمنية عم تضر بالأمن الداخلي للوطن وهيدا بينعكس على الأمن الوطني لسوريا... لهيك لازم نجبرهن أنو يتخلوا عنها ...لإنها ما بتفيد غير السياسات الإمبريالية اللي هدفها تضعيف الاوطان وتضعيف الجبهة الداخلية في الوطن
وكيف ...
انا برأيي كيف بدها وقفة شوي ... وبدها مخ مفتح كتير معي يا شباب ...
برأيي انو القصة بتبدأ من إنو حددنا الخطر وصار فينا نشتغل على اساسه .....
لحنا حاليا بنقدر نفوت بمعارك سياسية ضارية مع الفئات اللي هدفها تنشر السياسات الرأسمالية بسوريا وبنقدر نخسرها اكتر من جولة لحد ما يصير تحصيل حاصل إنو هيك فئات تخسر ومشروعها بسوريا ينفضح ويفشل ... وفشل هالجهات الإقتصادية رح يؤدي إلى فشل المشروع الكامل في سوريا ومن هذا المشروع سياسة الجهات الأمنية التي تعلم انها تضعف البنية الداخلية في سوريا بتصرفاتها ... وعندما نكسب حقوقنا المشروعة ضد اصحاب المشروع الرأسمالي في سوريا وعندما نكسب اكثر من جولة مشروعة سيصبح ولا بد عليهم ان يعترفوا بأن الديمقراطية لا تجدي نفعا...
اما سياسة " فضح" سياسات الأجهزة الأمنية فما رح تفيد ما لإنها غلط بس لإنو اولا انتا ما عم تكسب فيها كل الناس .. لإنو معظم الناس جاهلة بالشخص اللي اعتقل وبتقدر بكل بساطة تقبل حكي هيدي الأجهزة الأمنية بانهن مرتبطين عملاء ومدري شو ....!
واللي حضر حلقة وزير الإعلام محسن بلال مع الجزيرة رح يعرف انو سياسة قوة الضغط ما عادت قاردة تجيب نتيجة مع هالأجهزة ...
انا عم راهن على انو المطالب واحدة لا تتجزا لا نفصل بين الديمقراطية منها ولا نفصل بين الوطنية والإجتماعية والإقتصادية ... وعلى هيك بشتغل ما بقول تفكروا معي بنفس الطريقة بس هيدي هيي طريقتي بالتفكير ..وما بحاجة قلكن بحسها الطريقة الوحيدة اللي ممكن تجيب نتيجة ..
تحياتي للكل واسف جدا على الإطالة بس انا قلت لياس بغير موضوع جاي ع بالي إلعي شوي بخصوص الطريقة الأنجح لتحصيل المطلب الديمقراطي ...وشفتو انا قلت تحصيل المطلب الديمقراطي لا يتم إلا بربطه ببقية المطالب المحقة للمواطن السوري ...
تحياتي الحارة
ظل جيفارا

ممكن نعرف هدول المعتقلين الي عم تحكي عنهم وتدعي الله يفك اسهرهن
ليش معتقلين وشو اهدافهم وليش كل هاد هن مهمين للمواطن السوري
وشو ادمو من يوم بلشو بنضالهم لليوم مشان يرفعو من كرامة المواطن السوري

وشو ادمو من يوم بلشو بنضالهم لليوم مشان يرفعو من كرامة المواطن السوري
قدمو حالهون .....
بدك أكتر من هيك ..؟؟

عزيزي كلامك نظري جدا...

نعم خطة العمل تكون انو نفكر شو عم يصير باطارية الخارجي و الداخلي... و اللي أعتقد انو واضح جدا جدا بشكل مستفز... يعني مو خافي على حدا اتجاهات الدولة نحو الرأسمالية التجارية الليبرالية و خزعبلات "اقتصاد السوق الاجتماعي" . هالأتجاهات اجت مع اشهار رؤوس أموال ناتجة عن عقود من الفساد و يكفي نشوف أسامي "المليونيرية" العصاميين اللي بلشو يطلعو من عشر سنين و انتي جاي و بدهون يستثمرو هالأموال.. هالأمر مفضوح جدا و من زمان... هاد اللي عم بيصير... احتكار لقطاعات حيوية لصالح المتنفذين تحت حماية الحكم... هيك. مزبوط

هاد الحكي اللي أحكيه و أنا على كرسي عم اشرب قهوة و عم دخن سيكارة

الواقع... انو احكي هيك علنا و انت خاين... احكي هيك علنا و انت مزاود و و و و و .... الخ من الالقاب

لما عندك لمبة محروقة و ما فيك تغيرها لأنو عندك واحد جنبك كل ما تطلع عالطربيزة لتوصلها بيدفشك ما كتير بيهم انو بتعرف بشكل نظري كيف اللمبة تتغير... ما بدك أول شي تتخلص من هالتقيل اللي كل ما بدك توصل اللمبة عم يوقعك من الطربيزة؟ ليش عم يوقعك هو؟ لأنو ما بدو ياك تغيّر اللمبة.. بدو عتمة الزلمة

اللي بدو يغيّر اللمبة هو اللي بدو تغيير, و اللي عم يوقعك هو القطّاع الفاسد و الأجهزة الأمنية تبعو

هلأ بيجوز في عدة أشخاص بيهمهون يغيرو اللمبة , و واحد بدو يحط لمبة ستين شمعة, وواحد يقول لأ مية.. و واحد يقول لأ بنشيل السوكة و نحط لمبة نيون بيضا... الخ.. هاي خيارات تغيير و أنا أعتقد انك عم تركز على خيارات التغيير

كل الاقتراحات حول نوع اللمبة مالها أي فائدة طالما في هالواحد اللي قاعد بيدفش كل واحد بدو يطلع يحط اللمبة.. و من المنطقي انو الناس اللي متضررة من الظلام لأنو اللمبة الجديدة ما عم تنحط تعرف انو ياأخي في واحد لا بيغيّر هو اللمبة و لا بيخلي حدا يغيّر


حكيي كمان نظري و بعرف مثال اللمبة فايت بالحيط شوي بس اعتقد ينفع... ترجمة الواقع هي انو بوجود هالقبضة الأمنية اللي بتخلق أقوى مخدر بالتاريخ و اسمو الخوف عم يشل أي قدرة على العمل السياسي.. ما خرج تعمل شي.. و الأمن لما يعتقل عم يعتقل اللي بينادي بالتغيير... عارف دليلة انبرى لسانو, و غيرو كتار... عارف دليلة اعتقل لأنو حكى كتير عن الفساد و عن الفقر بسوريا... و دراساتو موجودة و طلابو اللي كانو هون بيعرفو هالشي و بيشهد بكلامو البعثي قبل المعارض... شو اللي صار؟ انو الزلمة مسجون و صحتو خطيرة و ما عندهون استعداد يكسبو أي نقطة انسانية باطلاق سراحو... قالو بالحرف الواحد انو لن يخرج الا ميتا من السجن

شو معنى هالحكي... انو صار في قضية انسانية من خلال وضع هالانسان اللي عم يعاني, عم يتعذب... يعني البيان ما راح يطالعو... صح, بس البيان معناه انو انت انسان و نحنا معك.. يعني ما فينا نعتبر المعتقل متل رجل الكرسي اذا اعتقل يعني الكرسي انكسر و نجيب غيرو و نزت المكسور... يعني من منطلق انساني بحت ياأخي نتضامن مع هالزلمة المسجون, و مع عيلتو لأنو كمان عم تعاني, يجوز بوجهة نظر عملية براغماتية نقول انو لا يقدم و لا يأخر.... بس انو هالزلمة يظل حدا متذكرو و لما بيطلع بيشوف انو أخي صح كنت مسجون و راح عمري بس انو ما نسوني الناس ... في حدا تذكرني. الأمر نفسي

أقرب مثال هو جيفارا... يعني بعقلية "عملية" راح نقول انو خليك تحكي عنو و تقرالو و و و و... الخ . الزلمة مات من أربعين سنة شو ما حكيت عنو ما راح يرجع. أي بس هو رجل ناضل في سبيل شيئ ما و مات دونه.... و لازم ذكراه تظل

السجن السياسي موت مؤقت صغير, و تذكر السجين و التضامن معو ما بيتعارض مع أي شي تاني و لا بيوقف بوجه أي شي تاني... مبدأ انساني بحت.. اذا الو نفع سياسي أو لأ... ما بيهمني هالأمر كانسان... لو انو نعمل كل شي بس منشان نحنا نستفاد منو كان اسمنا شي تاني ... مو ناس



آسف للاطالة

شباب كتير ناس فهمت قصدي غلط هالفترة
انا عندي ناس معتقلين مو اولهن كريم ولا اخرهن اصدقاء بعرفهن من ارض الواقع الله يفك اسرهن وبهتم لموضوع معتقلي الرأي بسوريا لإني اكتر من مرة تهددت انو كون بيناتهن .... (دون اي تعليق اخر )
بس انا وبتوقع حكيت لياسين فكرتي قبل انو برأيي الحصول على الديمقراطية اللي صار حق لإلنا كشعب سوري نوصل لنص الطريق نحوها مع انو لسا ما شفنا برأيي انو الطريق للحصول على الديمقراطية متعرج وبيبدأ من محاولة فهم عميق للأزمة .... وكنت متمني الكل يقدر يفهم منيح موضوعي تبع إستكمالا لموضوع بخصوص الإرادة والكرامة سمعوني شوي ...حتى لو بدي طول وبدي فوتكن بفوتات صعبة شوي
شباب انا لأحكيلكن اللي عندي وانتو بتقرروا
انا من وجهة نظري كإشتراكي ( ولازم كل انسان بيحس حاله مضطهد يحس نفس احساسي ) بحس انو السياسلات الإمبريالية هيي الخطر الأكبر على الصعيد العالمي وعلى الصعيد الوطني اكبر خطر على الشعب بشكل عام هو السياسات الرأسمالية وكل من يريد لها ان تعيش ... !
لهيك بفصل الناس قسمين ... انتا مع السياسات المذكورة او ضد ..
انا بدي من سوريا انو تكون ضد السياسات الإمبريالية وبدي انو ينكبح جماح هالفئات اللي بدها تفوت الرأسمالية على سوريا " وهنن بالنظام للتحديد " ...
فالمهم انا رأيي انو السياسات تبعت الجهات الأمنية عم تضر بالأمن الداخلي للوطن وهيدا بينعكس على الأمن الوطني لسوريا... لهيك لازم نجبرهن أنو يتخلوا عنها ...لإنها ما بتفيد غير السياسات الإمبريالية اللي هدفها تضعيف الاوطان وتضعيف الجبهة الداخلية في الوطن
وكيف ...
انا برأيي كيف بدها وقفة شوي ... وبدها مخ مفتح كتير معي يا شباب ...
برأيي انو القصة بتبدأ من إنو حددنا الخطر وصار فينا نشتغل على اساسه .....
لحنا حاليا بنقدر نفوت بمعارك سياسية ضارية مع الفئات اللي هدفها تنشر السياسات الرأسمالية بسوريا وبنقدر نخسرها اكتر من جولة لحد ما يصير تحصيل حاصل إنو هيك فئات تخسر ومشروعها بسوريا ينفضح ويفشل ... وفشل هالجهات الإقتصادية رح يؤدي إلى فشل المشروع الكامل في سوريا ومن هذا المشروع سياسة الجهات الأمنية التي تعلم انها تضعف البنية الداخلية في سوريا بتصرفاتها ... وعندما نكسب حقوقنا المشروعة ضد اصحاب المشروع الرأسمالي في سوريا وعندما نكسب اكثر من جولة مشروعة سيصبح ولا بد عليهم ان يعترفوا بأن الديمقراطية لا تجدي نفعا...
اما سياسة " فضح" سياسات الأجهزة الأمنية فما رح تفيد ما لإنها غلط بس لإنو اولا انتا ما عم تكسب فيها كل الناس .. لإنو معظم الناس جاهلة بالشخص اللي اعتقل وبتقدر بكل بساطة تقبل حكي هيدي الأجهزة الأمنية بانهن مرتبطين عملاء ومدري شو ....!
واللي حضر حلقة وزير الإعلام محسن بلال مع الجزيرة رح يعرف انو سياسة قوة الضغط ما عادت قاردة تجيب نتيجة مع هالأجهزة ...
انا عم راهن على انو المطالب واحدة لا تتجزا لا نفصل بين الديمقراطية منها ولا نفصل بين الوطنية والإجتماعية والإقتصادية ... وعلى هيك بشتغل ما بقول تفكروا معي بنفس الطريقة بس هيدي هيي طريقتي بالتفكير ..وما بحاجة قلكن بحسها الطريقة الوحيدة اللي ممكن تجيب نتيجة ..
تحياتي للكل واسف جدا على الإطالة بس انا قلت لياس بغير موضوع جاي ع بالي إلعي شوي بخصوص الطريقة الأنجح لتحصيل المطلب الديمقراطي ...وشفتو انا قلت تحصيل المطلب الديمقراطي لا يتم إلا بربطه ببقية المطالب المحقة للمواطن السوري ...
تحياتي الحارة
ظل جيفارا


شوف معلم أنا بعد ما قريت الرد و طلعت عيوني بالطول و بالعرض بالأخير ندمت ليش لقلك

أول شي بردك الأول استنكرت و بشدة بيانات حقوق الإنسان و ما إلى ذلك

لاحظ


ولك بدي قلهن كلمة وحدة الشعب ملتعن ر... واخر همه يحترقوا رموزكن يلتعن ر..ن ما فارقة المهم انو ياكل
لنشوف ايمت الحل بقى


هلأ بتاني رد خففت اللهجة و أجيت من باب


اما سياسة " فضح" سياسات الأجهزة الأمنية فما رح تفيد ما لإنها غلط بس لإنو اولا انتا ما عم تكسب فيها كل الناس .. لإنو معظم الناس جاهلة بالشخص اللي اعتقل وبتقدر بكل بساطة تقبل حكي هيدي الأجهزة الأمنية بانهن مرتبطين عملاء ومدري شو ....!


منقدر منقول إنك غيرت اللهجة من ملتعن ربون , لـ " هالسياسة ما رح تفيد " ..

منقدر نقول هاي خطوة جيدة أنتقلنا فيا بالنقاش هاي أولا ً ..

تانيا ً لما أبي أنا معتقل ما رح أقدر أسكت رح يخفف هالبيان شوي من غيظي , و يبقا محاولة بركدن الأمن عنا بيحس على حالوه ..

منيجي لتالتا ً التخوين شيء جداً بشع , و كلامك لو ما عم يحمل تخوين باللفظ بس بين ثناياه ما بيأكد غير إنك كنت عم تخون كل مين عم يطلع بيان أنو أفرجو عن فلان و عن علتان ..

و منرجع .. بعد العشا ..

الله يرحم سوريا القديمة .. سوريا الحرة

مع احترامي بس سوريا لسا حرة
وبالنسبة لسعر المشتقات النفطية لسا انتوا بنعمة
شوفوا الاسعر يالاردن كيف؟؟؟؟

قدمو حالهون .....
بدك أكتر من هيك ..؟؟


هن مين وقدمو حالهن لمين وانا كمواطن سوري بسيط شو مستفاد من عطائهم السخي
وشو هدفهم غير الشعارات الرنانه الي منسمعها كل يوم من الكل والي بيتغنى فيها الكل
ولا تأخذني اذا جهادهم الباسل مشاني ومشان مصلحتي و مصلحة كل مواطن سوري
وصلهم للسلطه بيوم من الأيام بتضمنلي حضرتك ان ما تسقط ورقة التوت عنهم متل ما سقطت عن غيرهم

هن مين وقدمو حالهن لمين وانا كمواطن سوري بسيط شو مستفاد من عطائهم السخي
وشو هدفهم غير الشعارات الرنانه الي منسمعها كل يوم من الكل والي بيتغنى فيها الكل
ولا تأخذني اذا جهادهم الباسل مشاني ومشان مصلحتي و مصلحة كل مواطن سوري وصلهم للسلطه

حالياً ما بتقدر تحكم عليهون ... غير من خلال أفكارون و طروحاتون
بقى روح اتطلع عليهون و ناقش بيللي مو عاجبك
بتضمنلي حضرتك ان ما تسقط ورقة التوت عنهم متل ما سقطت عن غيرهم
ما بتقدر تحكم على نوايا العالم
بس طالما انت شايف أنو ورقة التوت سقطت عن غيرهون .... معناها لازم تكون مع اي تغيير ممكن
لأنو بعد ماسقطت ورقة التوت ..... ما ضل شي تاني يسقط

اها يعني استنى ليستلمو الحكم ويخوزقوني متلهم متل غيرهم وبعدين احكم عليهم
لأ عيني هاد مو طرح انسان عندو قضيه ...هاد طرح واحد بدو يغير لتغير وبس مشان يحقق مكاسب شخصيه... وهاد بيثبتلي انكم ناس تبع شعارات رنانه وبس... شعارات بدون اي برنامج يفيد المواطن المعتر ... وبعدين انا مابعرف مين هدول ولا بدي اعرف مين هدول لروح وناقشهم انت المفروض الي بتعرفهم وحامل ارائهم ومقتنع بمبادئهم فا الله يهنيك فيهم

وبعدين انا مابعرف مين هدول ولا بدي اعرف مين هدول
طيب اذا ما بدك تعرف ...
ليش عم تسأل ..؟؟ :shock: