حزورة الأسبوع [الأرشيـــــف]

صفحات : [1] 2 3

MadMax

02/11/2007, 02:01

حزورة الأسبوع :

قديش لازم يصير سعر تنكة البنزين ..... لنشوف اعتصام للسائقين قدام شي وزارة ... أو بشي كراج ..؟؟
قديش لازم يصير معدّل الدخول لجامعات الدولة ...... لنشوف شي تحرك طلابي ..؟؟
قديش لازم تصير نسبة العاطلين عن العمل ..... لنشوف شي مسيرة احتجاج أو استنكار للوضع ..؟؟
قديش لازم يصير سعر الخبز أو البطاطا أو البندورة ( ما جبنا سيرة اللحمة ) لنشوف شي ثورة للجياع ..؟؟
و قديش ....و قديش ....و قديش ....؟؟.................... ...و الآتي أعظم

يللي عندو الاجابة ...يكتبها هون ..... أو يبعتها برسالة خاصة ( مشان السرية )
تقبل الاجابات .... حتى نهاية الاسبوع

yass

02/11/2007, 02:11

ما بعرف. بس اللي بعرفو انو نحن تحولنا الى شعب من الخرفان بعد ما كنا, على رأي المرحوم شكري القوتلي, نصنا زعماء و النصف الثاني أنبياء

MadMax

02/11/2007, 02:26

ما بعرف. بس اللي بعرفو انو نحن تحولنا الى شعب من الخرفان بعد ما كنا, على رأي المرحوم شكري القوتلي, نصنا زعماء و النصف الثاني أنبياء

أنو اليوم زادوا سعر تنكة البنزين من 600 ل 720 ليرة ......
و خلال أقل من سنة ارتفع سعر التنكة من 500 ل 720 يعني بمعدل 50% تقريباً
بس كأن شيئاً لم يكن ....و بظن حتى من هم في السلطة .... استغربوا هالبلادة بالشارع السوري
و كأن منطق الاحتجاج أو الرفض ..... التغى من قاموسنا و صار شي غريب عن أعرافنا و تقاليدنا :sick:

was616im

02/11/2007, 02:31

ذكرتني بمسرحية همام حوت ( ليلة سقوط بغداد ) لما بيقول
بتعرفوا ليش المظاهرات بالبلاد العربية ممنوعة حتى ضد اسرائيل؟؟؟؟
قال مشان ما يتعود الشعب عالمظاهرات و تاخد اجرو ع هيك حركات :o

Roaa

02/11/2007, 02:42

لا بالعكس .. بلش مظاهره بكم شب

بيسالوك العالم ... شو القصه .. بتقلهم مظاهره ..

بيمشوو وراك .. حتى لو ماعرفو سبب المظاهره ..

Roaa

02/11/2007, 02:44

أنو اليوم زادوا سعر تنكة البنزين من 600 ل 720 ليرة ......

اي .. الشعب ما شا الله .. مزنغل .. :?

الله يزيدهم ... ;) بس هلأ بدي افهم من وين عم يجيبو ..

اخره بلدنا رح تنعدم فيها الطبقه المتوسطه متل مصر وغيرها ...

:D

was616im

02/11/2007, 02:49

اي .. الشعب ما شا الله .. مزنغل .. :?

الله يزيدهم ... ;) بس هلأ بدي افهم من وين عم يجيبو ..

اخره بلدنا رح تنعدم فيها الطبقه المتوسطه متل مصر وغيرها ...

:D
هلق طولي بالك شوية
اذا الشغلة متعلقة بتنكة البنزين و بسعر البنزين بس اي مو مشكلة
يعني مين عم يستهلك البنزين بسورية غير اصحاب السيارات؟
اي بسورية اللي عندو سيارة ما رح ياكل هم حق تنكة البنزين
بس المشكلة بارتفاع اسعار غير محروقات متل المازوت
اي اغلب الشعب عم يتدفى بالشتوية عالمازوت
مو بس المازوت.......
كلنا منعرف بارتفاع الاسعار اللي صار بشكل مو طبيعي بالصيف بالنسبة للخضراوات و غير موا استهلاكية
يا جماعة كيلو اللوبة صارت ب 65 ليرة ؟؟؟؟؟؟؟؟؟؟؟؟؟؟؟؟بحياتها ما قطعت 25 ل س
و غيرو و غيراتو............
و منرجع منقول شو السبب يا ترى؟؟هل هو وجود العراقيين؟؟

MadMax

02/11/2007, 02:57

ذكرتني بمسرحية همام حوت ( ليلة سقوط بغداد ) لما بيقول
بتعرفوا ليش المظاهرات بالبلاد العربية ممنوعة حتى ضد اسرائيل؟؟؟؟
قال مشان ما يتعود الشعب عالمظاهرات و تاخد اجرو ع هيك حركات :o
مزبوط هالكلام ......
لأنو المظاهرات و الثورات ....و الذي منو .... هي ثقافة ...و طقس من طقوس الشعوب الحرة

MadMax

02/11/2007, 03:00

لا بالعكس .. بلش مظاهره بكم شب

بيسالوك العالم ... شو القصه .. بتقلهم مظاهره ..

بيمشوو وراك .. حتى لو ماعرفو سبب المظاهره ..
لك صاير الصاحب عم يترك صاحبو ....و يقتصر عنو ....... اذا شم فيه ريحة معارضة
صايرة الناس كتير انهزامية وسلبية .......و بدها سلتها فاضية :cry:

Syrian Gay

02/11/2007, 03:01

الله يرحم سوريا القديمة .. سوريا الحرة ..

*على جنب: وصلني اليوم معلومات انو رح يصير في بكرا مظاهرة .. بس ما عرفت مين و ليش ..

MadMax

02/11/2007, 03:18

*على جنب: وصلني اليوم معلومات انو رح يصير في بكرا مظاهرة .. بس ما عرفت مين و ليش ..
الله يسمعنا الأخبار الطيبة ..
بس ايمتى .....و مين ...و وين ..؟؟ :?

Syrian Gay

02/11/2007, 03:20

الله يسمعنا الأخبار الطيبة ..
بس ايمتى .....و مين ...و وين ..؟؟ :?
لو كنت بعرف كان خبرتك عالخاص لا تخاف .. بس ما بعرف وحياتك :?

بس هيك سمعت .. بقا صح خطأ ورق دفتر قشاط .. ما بعرف :?

بكرا بيبن اذا في شي :larg:

Reemi

02/11/2007, 03:30

يُفشل يُفشل يُفشل

Syrian Gay

02/11/2007, 03:33

يُفشل يُفشل يُفشل
مين يُفشل :?

أنا .. وللا هو .. وللا المظاهرة .. وللا الحكومة :shock: .. ؟

Reemi

02/11/2007, 03:39

يُفشل يُفشل يُفشل

حزورة الأسبوع :

قديش لازم يصير سعر تنكة البنزين ..... لنشوف اعتصام للسائقين قدام شي وزارة ... أو بشي كراج ..؟؟
قديش لازم يصير معدّل الدخول لجامعات الدولة ...... لنشوف شي تحرك طلابي ..؟؟
قديش لازم تصير نسبة العاطلين عن العمل ..... لنشوف شي مسيرة احتجاج أو استنكار للوضع ..؟؟
قديش لازم يصير سعر الخبز أو البطاطا أو البندورة ( ما جبنا سيرة اللحمة ) لنشوف شي ثورة للجياع ..؟؟

يُفشل ....

انو يصير هيك شي بهالجيل....يمكن بالجيل الجاي يمشي الحال ...(والجيل يأتي كل 40 عام)

MadMax

02/11/2007, 03:46

و منرجع منقول شو السبب يا ترى؟؟هل هو وجود العراقيين؟؟
السبب هو السياسات الاقتصادية العرجاء
و الانفتاح الغبي للسوق

عنا عولمة بالاسعار ......بس بالنسبة للدخل .... لازم نراعي خصوصيتنا :frown:

hamido1979

02/11/2007, 04:05

Nirvana

02/11/2007, 04:44

عادي ... عادي ... متل العادة ..

بكرا بتطلعلك اسرائيل ببيان .. الكل بتنبح اصواتهم: نحن مع القائد .. نحن مع الوطن .. نحن مع ضراب السخن ..
أما توصل جرة الغاز للمدري قديه .. أو الرسوم الجامعية للمليون .. ما حدا بتنهزلو شعرة ..

العما اخد مني هالرد شي نص ساعة .. لازم روح نام عالموضوع متل ما كل الناس عم تعمل وبالحلم بدي صفق .. !!

BL@CK

02/11/2007, 04:52

Abu Guzef

02/11/2007, 05:05

هوي انا ما بحب فوت احكي بهل اقسام مدري ليش سبحانو

وانا كمان ما عندي اي حكي على رفع سعر البنزين \مع انو عنا سيارتين اذا كنت اركب تبعي شوي هلق بطلت \ لانو الدولة بدعمها للبترول خسرانة الشغلة تكرير واستخراج وما عم يغطي الحاجة المحلية لذلك عم يصير استيراد

اعلنت الحكومة السورية عن رفع اسعار المحروقات بنسبة 20 في المئة بحيث يصبح سعر لتر بنزين السيارات 36 ليرة سورية (74 سنتا امريكيا) للتر الواحد.

وقالت صحيفة الثورة الرسمية إنه تقرر العمل بالسعر الجديد اعتبارا من اليوم الخميس.

يذكر ان سعر البنزين الجديد لا يزال يعتبر منخفضا مقارنة بالاسعار العالمية حيث تدعم الحكومة السورية سعره واسعار مجموعة من السلع الاساسية الاخرى.

وتتوقع الحكومة ان يكلفها هذا الدعم في السنة المقبلة زهاء السبعة مليارات دولار، اي 19 في المئة تقريبا من الناتج المحلي الاجمالي.

وكانت المرة الاخيرة التي رفعت سورية فيها اسعار المحروقات في يناير كانون الثاني من عام 2006، حيث بلغت نسبة الزيادة آنئذ 25 في المئة لتصل الى 60 سنتا للتر الواحد.

وتواجه سورية، اضافة الى ارتفاع اسعار النفط في الاسواق العالمية (والتي بلغت 96 دولارا للبرميل الواحد)، انخفاضا في انتاجها النفطي، حيث انخفض انتاجها من 600 الف برميل في اواسط تسعينيات القرن الماضي الى 350 الف في الوقت الراهن
نقلا عن الــ bbc
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

sam031

02/11/2007, 10:19

انا متاكد لو بتصير ربطة الخبز ب 100 ورقة الشعب مو مستعد انو يهز شعرة منه و معه حق ليه عم نطلب منه الشي المستحيل ؟؟ هالشعب جاع ، انظلم ، انحرم ، اكل قتل لشبع ، خوفووه و ارهبوووه لنحلت ركبه ، شو ناطر من شعب كل يوم بيحسسوه بتفاهة قيمته ؟؟ تخيل يعني مظاهرة سلمية بالشام واقفين ناس من صفورة المجتمع السوري لا شعب همجي ولا اضرابات ولا ناس نازلة تسقط حكم يعني مظاهرة مارح تكلف الدولة ليرة ، واقفين كافين خيرهن شرهن بس رافعين الاعلام السورية و لافتات يعني هني زودوها شوية قال عم يطالبوا بالحريات العامة و اخلاء السجون من السجناء السياسيين !! هلاء التصرف العادي بأي دولة دكتاتورية اخرى بأن تجي قوات الامن الداخلي و المطافي الي بالعادة بتوصل بعد الحريقة تفرقهن بكام عصاية و حمام و خير انشالله ، بس هادا بيصير بالدول الدكتاتورية الي بتحترم حالها ، اما بسوريا الاسد شي تاني فلتوا عليهم طلاب الجامعات ( اساليب موفقين فيها ما بتعرف كيف بتطلع معهن ) و طبعا الطالب ما صدق يوم عطلة ببلاش و فطور صحن حمص و ان الله رزقه شي بنت بتكون ليلة القدر ، هجموا هالطلاب و كانهم قابلوا الصهاينه وش لوش و بدي تحرير الجولان يا معلم ، نزلوا بهالمتظاهرين الي صوتهم ما طلع قتل و كفوف و رفس و دفش و مسبات و ب* ص ( حركات يعني بالاصبع يا عيب الشوم ) و كل واحد أد الي نفضهم والي خلفتهم ، و قوات الامن الداخلي محاوطين المكان و رئيسه واقف عم يتفرج بنطلونه سالت و داحش الحمرا الطويلة بتمه على اعتبار الي عم يصير حرية شخصية بيكفلها الدستور حق المظاهرة و التعبير عن الرأي ...

بس رد على الاخ بلاك بأن هالخطوة بنعذر فيها الحكومة لان هالوقت اسعار البترول مرفرفه بالعلالي بس هالخبر مو جديد !! هالخبر طلع تماما بعد احياء ليالي الافرح بتجديد البيعة بأن اسعار المحروقات بدها ترتفع و لسا المصيبة الكبيرة المازوت رح يصير اللتر بـ 12 ليرة ، بس ما بقدر بهالبساطة اني انصف هالقرارات و اربطها بغلاء الاسعار بالعالم وين اداراتهم النفطية ؟؟ وكيف وصلت الحالة لاستيراد البنزين بعد ما كنا دولة منتجة و هني صرعونا و يقولولنا القامشلي و دير الزور عايمين ع بحر من النفط و بعمرنا لا شمينا ريحة هالنفط و لا سمعنا خبر و طول عمرنا واقعين بهم اجت الشتوية و راحت الشتوية مشان المازوت .
بس النهفة بأنه الشعب ما لحق يلحس اصبعته بترخيص السيارات لحقووه عل السريع برفع البنزين !!!
بئى الشعب ميت معلم لا تحمله فوق طاقته خطي .

حسام ...

BL@CK

02/11/2007, 12:02

الأخ " سام 031 "

اللي سمعناه عن رفع أسعار البترول صحيح ما جديد كان مجرد إشاعات هلأ نزل لحيز التطبيق العملي ..

أنا عذرت الحكومة لسبب أنو كل شي منسمعوه عن بحر البترول اللي عايمة عليه دير الزور تطبيل و تزمير تعودنا عليه ..

عـ سيرة الشعب , الشعب اللي ما خرج يتحمل ما بيلزموه البنزيل .. اللي عم يركب سيارة حقا مليون ليرة ما حتكسر ميزانيتو 120 ليرة للتنكة , شوفير التكسي رح يرفعولوه العداد ,

البنزين بيفرق عن المازوت , لما بيرفعو سعر المازوت بقلك على عيني و راسي حرام الشعب و حرام نحنا خطي ما منستحمل ..

بس معلم قبل ما أنسا , شكرا ًجدا ً على ردك بس هيك ملاحظة زغيرة لو تشير لاسم اللي عم ترد عليه بغير لون أو غمق الخط لأني بالصدفة لقريت ردك .. :D

phoenixbird

02/11/2007, 14:16

بدو يرتقع البنزين بهاليومين

شو بدنا نعمل ؟

بس لا انا سمعت خبرية جديدة حزروا شو
رح يزيدوا الرواتب هيك سمعت والله قال مشان نعوض

صياد الطيور

02/11/2007, 14:42

هلأ أنا مسعت أنو صارت مبارح مظاهر بحلب و اشتغل الخبط بين الشباب و الشرطة و ما بعرف شو طلعت الخسائر ..

بس أنا بدي شدد على كلام بلاك برميل النفط وصل سعرو لرقم بحياتو ما وصل ألها ...
الكلام عن الي بيستعمل سيارة منطقي جداً ..
التخوف من ارتفاع سعر المازوت هو المصيبة تماما متل ما قال بلاك

زادو سعر البنزين ومازادو سعر المازوت ليش ؟ لأنو المازوت زيادتو كارثة على كل المواطنين .. أما البنزين على طبقة معينة من الشعب و الي بأمكانها تدفع هالزيادة هي

أما التحرك الشعبي .. أنا ما بعتقد بوجود فوائد لهيك تحرك ... لأنو الحكومة حاطة ببالها أنو لما زادو النزين الناس رح تحتج و ممكن يصير اعتصام ..

الحلول .. انا بقول أنو ما في حل .. لأنو الحكومة صرلها عم تدرس الموضوع فترة طويلة كتير و دارستها من كل الجوانب و موافقة عليها بقى ما رح تتراجع عن الخطوة ..
الحلول أنو مجلس الشعب الي على اساس منتخب من الشعب يعارض هيك قرار و يكون مع الشعب مو مع الحكومة و ما يصوت بالموافقة على هالزيادة
الحل .. بإضراب عمال التكاسي و عمال النقل ( البيك آب ) و كل الآليات الي عم تشتغل عالبنزين ..

و كمان في حل ... أنو ناكل هوا و نسكت لأنو ما رح نستفاد شي غير ناكل قتلة

MadMax

02/11/2007, 15:29

أنو أنا كتبت هالموضوع لأنو :
بالفترة الأخيرة صارت الحكومة ... هي يللي تسرب اشاعات عن غلاء الاسعار ....و تنطر لحتى تشوف صدى هالاشاعات بالشارع
بس للأسف مافي أي صدى .....و الشعب متل كأنو محشش ...و برا الجو نهائياً ..... أو أنو متَمسح ....و ماعاد كتير تفرق معو
لأن الأمور أصلاً بالحضيض ...و مافي أمل

بس أنو يا ترى اذا رجع رفعوا سعر البنزين مثلاً و صار الليتر ب 100 ليرة
أو أنو ربطة الخبز ب50 ليرة أو أي سعر بدكون ياه
هل خيار الاعتراض موجود ضمن أجندة أي مواطن بيناتنا ......

أنا بظن الجواب لا ....
و منطق الاعتراض صار مرفوض و مستبعد عنا من المبدأ .... يعني لو شو ماصار يصير

yass

02/11/2007, 15:32

المفروض أنو ارتفاع سعر برميل البترول ما يأثر علينا لسببين:

1- نحن دولة منتجة للنفط و نحتاج للاستيراد بسبب الهدر في الاستهلاك من قبل الجهات الحكومية و الجيش و الشرطة (يعني عنا بالجزيرة أي موظف باستصلاح الأراضي صارتلو سفرة بيجيب مهمة و ياخد سيارة لاند روفر من الكبار اللي صرفها فةق ال 15 ليتر بالمية و يسافر فيها بالقسائم, احسبوها قديش كلفت الدولة هالسفرة الشخصية).

2- رغم أننا دولة منتجة الا أننا لسنا أعضاء بالأوبيك لذلك لسنا مجبرين على الالتزام بالأسعار العالمية... ما يكسر ظهرنا هو الكمية التي نجبر على استيرادها

صياد الطيور

02/11/2007, 15:34

أنو أنا كتبت هالموضوع لأنو :

بالفترة الأخيرة صارت الحكومة ... هي يللي تسرب اشاعات عن غلاء الاسعار ....و تنطر لحتى تشوف صدى هالاشاعات بالشارع

مزبوط كلامك .. و هي السياسة قديمة بسوريا بس بالفترةالحالية ماشيين فيها تمام
و هادا الشي الي بيخلينا نعترض على رفع سعر المازةت قبل ما يزيدوها ... لأنو بعد ما تتقرر الزيادة صعب يتصلح الوضع

MadMax

02/11/2007, 15:37

زادو سعر البنزين ومازادو سعر المازوت ليش ؟ لأنو المازوت زيادتو كارثة على كل المواطنين .. أما البنزين على طبقة معينة من الشعب و الي بأمكانها تدفع هالزيادة هي

مو ضروري يكون عندك سيارة .... لتتأثر بغلاء البنزين .....
بس كمان أول الغيث ... قطرة ..... يعني باقي الغلا جاي عالطريق ....
و خاصة أنو المازوت مو أهم من الكهربا و المي يللي غلوهون من أول الشهر

أما التحرك الشعبي .. أنا ما بعتقد بوجود فوائد لهيك تحرك ... لأنو الحكومة حاطة ببالها أنو لما زادو النزين الناس رح تحتج و ممكن يصير اعتصام ..
حتى لو مافي فائدة ...... بس عيب يضل الشعب بهالحالة من التسطيل يعني ما عم يتأثر بشي ...
و أصلاً الحكومة بطلت تحسب حساب لردة فعل الشارع و صار آخر همها..... لأنو اصلاً مافي ردة فعل

MadMax

02/11/2007, 15:41

المفروض أنو ارتفاع سعر برميل البترول ما يأثر علينا لسببين:

1- نحن دولة منتجة للنفط و نحتاج للاستيراد بسبب الهدر في الاستهلاك من قبل الجهات الحكومية و الجيش و الشرطة (يعني عنا بالجزيرة أي موظف باستصلاح الأراضي صارتلو سفرة بيجيب مهمة و ياخد سيارة لاند روفر من الكبار اللي صرفها فةق ال 15 ليتر بالمية و يسافر فيها بالقسائم, احسبوها قديش كلفت الدولة هالسفرة الشخصية).
مجرد تنسيق شاحنات الزيل 130...و 131 و الغاز 66 و....و كتير غيرون من الجيش
بيكفي لتوفير كمية لا بأس فيها من البنزيين يللي عم ينهدر يومياً

MadMax

02/11/2007, 15:46

لو كان الحديث عن سعر البنزين فأنا بعذر الحكومة على الغلا اللي صار

من شهر لحد هلأ برميل البترول ارتفع سعروه حوالي الـ 20 $

و هني رفعو 6 ليرات .. يعني أقل من نص الربع دولار ..

اي نوعا ً ما مقبولة .. لأ ما نوعا ً ما مقبولة جدا ً ..
هي مشكلة لحد ذاتها
هاد منطق الانفتاح الخاص بحكومتنا
يللي بيتلخص بعولمة الاسعار ..... الاسعار فقط
يا ريت بعولمولنا الرواتب كمان

بعدين حكينا عن البنزين كمثل لأنو شغلتو لساها جديدة .... بس بتقدر تقيس عليه و تجيب مئات الأمثلة
و كل مثل أضرب من التاني :sick:

ليندا

02/11/2007, 15:55

رفع الاسعار رح يشمل جميع مشتقات النفط بس الدوله عم تستخدم سياسة التدريج خاصة بهالفترة .. و الجرد وقت صار صار على جميع انواع المحروقات .... فاليوم بلشو بالبنزين بكرا المازوت والحبل ع الجرار ...لو حصل معارضة شعبيه وهالشي رح يصير ماد لاتستعجل طالما بلش بحلب ....مؤكد رح يكون في زيادة لرواتب العاملين بنسبه معقوله ..كنوع من التعويض.

BL@CK

02/11/2007, 17:01

هي مشكلة لحد ذاتها
هاد منطق الانفتاح الخاص بحكومتنا
يللي بيتلخص بعولمة الاسعار ..... الاسعار فقط
يا ريت بعولمولنا الرواتب كمان

بعدين حكينا عن البنزين كمثل لأنو شغلتو لساها جديدة .... بس بتقدر تقيس عليه و تجيب مئات الأمثلة
و كل مثل أضرب من التاني :sick:

هلأ في مبررين :

إما تحويل اقتصادنا لاقتصاد السوق عم يمشي دادي دادي .. :lol:

أو عم ينتصب عالشعب عينك عينك .. :cry:

منتأمل و منتمنى يكون اللي عم يصير هوي الحالة الأولى ..

رفع الاسعار رح يشمل جميع مشتقات النفط بس الدوله عم تستخدم سياسة التدريج خاصة بهالفترة .. و الجرد وقت صار صار على جميع انواع المحروقات .... فاليوم بلشو بالبنزين بكرا المازوت والحبل ع الجرار ...لو حصل معارضة شعبيه وهالشي رح يصير ماد لاتستعجل طالما بلش بحلب ....مؤكد رح يكون في زيادة لرواتب العاملين بنسبه معقوله ..كنوع من التعويض.

مشكلة مشكلة عويصة يرتفع المازوت مشكلة لسبب بسيط

ما كل الشعب موظفين مثلا ً انا مالي موظف و لا في حدا بعائلتي موظف على أقل تقدير إذا تضاعف سعر المازوت للضعف رح يزيد مصروف عائلتي للضعف ..

طيب اللي بيشتغلو أعمال حرة أو بقطاع خاصة هني اللي رح ياكلو الخازوق و عالبارد المستريح .. :?

BL@CK

02/11/2007, 17:02

عـ سيرة الحديث سعر البنزين ارتفع بالصين و بتايوان و الدنيا قايمة قاعدة هنيك .. اللي عبالو يروح يتفرج .. :lol:

phoenixbird

02/11/2007, 17:23

يا الله
:x

بنفسجة

02/11/2007, 17:30

يعني هي مشكلة عالمية مش بس عنا بكل بلدان العالم في غلاء اسعار وعنا بيضل الف رحمة عن غيرنا
عداكون عن تهريب النفط لبرا البلد والدولة مافيها تضبط كل المهربين لانون يخزي العين عنون بالفطرة بيخلقو مهربين
بالنسبة للوبيه انو سعرا ارتفع انا بعطيكون لوبية ببلاش:lol:

MadMax

02/11/2007, 17:55

يعني هي مشكلة عالمية مش بس عنا بكل بلدان العالم في غلاء اسعار وعنا بيضل الف رحمة عن غيرنا
سعر تنكة البنزين عنا = 12 % من متوسط دخل الفرد
اعطيني دولة بالعالم أغلى من هيك :larg:

abosleman

02/11/2007, 17:57

بنكتشف من هاد الحديث انو الشعب السوري فهمان
وبيقدر يستوعب الحكومة وبيعرف شو عم يصير بالاسواق العالمية
يعني مافي داعي يطلع مظاهرة... وعلى شو دخلك بدو يطلع مظاهرة
زاد سعر البنزين .. ولا زاد سعر اللوبية ..زادت الرواتب ولا ما زادت الرواتب
هي شغلات حياتية تافهة مواضيع دنيوية ..الشعب السوري هلئ بمرحلة اصطفاء روحي

phoenixbird

02/11/2007, 18:11

لا في غيرنا اغلى من هيك
جارنا الابن العاق لبنان

MadMax

02/11/2007, 18:13

الشعب السوري هلئ بمرحلة اصطفاء روحي
تماماً ...
يعني الشعب هلأ عم يعيش حالة ......... هي مزيج بين الصوفية و التحشيش و السَكر
يمكن مافي كلمة بتعبر عن هالحالة غير كلمة تسطيل

MadMax

02/11/2007, 18:16

لا في غيرنا اغلى من هيك
جارنا الابن العاق لبنان
سعر تنكة البنزين بلبنان 26000 ليرة لبنانية
و متوسط دخل الفرد 500 الف ليرة لبنانية
يعني سعر التنكة = 5 % من متوسط دخل الفرد :cry:

phoenixbird

02/11/2007, 18:20

لعما ؟ لكن لنروح على لبنان

بس لا عنجد سمعت انو في زيادة رواتب بعدين العراقيين بلشوا يخفوا

ليندا

02/11/2007, 18:38

مشكلة مشكلة عويصة يرتفع المازوت مشكلة لسبب بسيط

ما كل الشعب موظفين مثلا ً انا مالي موظف و لا في حدا بعائلتي موظف على أقل تقدير إذا تضاعف سعر المازوت للضعف رح يزيد مصروف عائلتي للضعف ..

طيب اللي بيشتغلو أعمال حرة أو بقطاع خاصة هني اللي رح ياكلو الخازوق و عالبارد المستريح .. :?
على أمل تكون هالخبريه صحيحه في حال ارتفعت الأسعار انو حيتم تعويض كل اسرة ب12 الف ليرة سوري اما الموظفين فحتكون هنيك زياده رواتب في حدود 20%

Reemi

02/11/2007, 18:57

على أمل تكون هالخبريه صحيحه في حال ارتفعت الأسعار انو حيتم تعويض كل اسرة ب12 الف ليرة سوري اما الموظفين فحتكون هنيك زياده رواتب في حدود 20%

هيدي منحة بالعيد ... هيك بتوقع ...

بس ع كلن الشعب مو مقصر ... الي عندو سيارة عالبنزين... عم بركبلها غاز...عم بيمشو عالغاز..انو سعر الجرة 125 ل.س... (بالاردن 5دنانير الا ربع = 327.75 ل.س)... طبعا اكيد انا ضد مشروع الغاز هاد ..مع انو تركيبو بكلف 40 الف ليره ... بس شو بيعملو؟؟؟ اكيد ما رح يستخدمو بنزين وسعر التنكيه 700 ل.س..مو لو بيعطوهن 20% لو بيعطوهن 50% :frown:

Nirvana

02/11/2007, 19:14

انو سعر الجرة 125 ل.س... (بالاردن 5دنانير الا ربع = 327.75 ل.س)...

ومن عندي بحب خبّر جميع المقيمين بالأردن أنو طالعة اشاعة بأنو سعر جرة الغاز رح يصير 9 دنانير ..

MadMax

02/11/2007, 19:18

هيدي منحة بالعيد ... هيك بتوقع ...

بس ع كلن الشعب مو مقصر ... الي عندو سيارة عالبنزين... عم بركبلها غاز...عم بيمشو عالغاز..انو سعر الجرة 125 ل.س... (بالاردن 5دنانير الا ربع = 327.75 ل.س)...
ليش ما عرفتي أنو الغلا شمل الغاز كمان ... :sick:
صارت الجرة ب200 ليرة بالموسسة .... يعني واصلة لعنا تقريباً 225 ليرة

عالهامش : لما بدكون تقارنو الاسعار عنا ...... قارنوها مع شي دولة ..... دخل الفرد فيها متل عنا
يعني متل مصر ... الجزائر .................. هيك شي

Nirvana

02/11/2007, 19:25

عالهامش : لما بدكون تقارنو الاسعار عنا ...... قارنوها مع شي دولة ..... دخل الفرد فيها متل عنا
يعني متل مصر ... الجزائر .................. هيك شي

في نسبة كتير عالية من المواطنين الأردنيين دخلهم مو أعلى من هيك ... مو مهم .. المهم اللي عم بصير بسوريا تحصيل حاصل .. لانو سوريا متل غيرها من الدول رح تتأثر بما يحدث بالعالم وارتفاع الاسعار متل ما الو أسباب اقتصادية كمان رح يكون مرتبط باسباب سياسية .. الخ ..

المشكلة تبقى بضرورة زيادة الدخل .. بس من وين؟؟؟؟

ليندا

02/11/2007, 19:30

هيدي منحة بالعيد ... هيك بتوقع ...

بس ع كلن الشعب مو مقصر ... الي عندو سيارة عالبنزين... عم بركبلها غاز...عم بيمشو عالغاز..انو سعر الجرة 125 ل.س... (بالاردن 5دنانير الا ربع = 327.75 ل.س)... طبعا اكيد انا ضد مشروع الغاز هاد ..مع انو تركيبو بكلف 40 الف ليره ... بس شو بيعملو؟؟؟ اكيد ما رح يستخدمو بنزين وسعر التنكيه 700 ل.س..مو لو بيعطوهن 20% لو بيعطوهن 50% :frown:
شئ احسن من لا شئ بقى الله يجير عبادو من عندو بس شو رأيك بسيارات ع الطاقه الشمسيه لامعاناه مع هالحل :lol:

Roaa

02/11/2007, 22:46

يعني على هالحاله .. بطلت اشتري سياره بسوريا ..

الله يخليلنا التكاسي والسرافيس :lol:..

بس انوو .. كترانه السيارات اخر سنتين .. ;)

Nirvana

02/11/2007, 23:01

يعني على هالحاله .. بطلت اشتري سياره بسوريا ..

الله يخليلنا التكاسي والسرافيس :lol:..

بس انوو .. كترانه السيارات اخر سنتين .. ;)

السرافيس ايه .. بس التكاسي :?

Roaa

02/11/2007, 23:05

:shock:.. علي دفع البنزين للتاكسي ؟؟؟