شوف معلم أنا بعد ما قريت الرد و طلعت عيوني بالطول و بالعرض بالأخير ندمت ليش لقلك

أول شي بردك الأول استنكرت و بشدة بيانات حقوق الإنسان و ما إلى ذلك

لاحظ



هلأ بتاني رد خففت اللهجة و أجيت من باب



منقدر منقول إنك غيرت اللهجة من ملتعن ربون , لـ " هالسياسة ما رح تفيد " ..

منقدر نقول هاي خطوة جيدة أنتقلنا فيا بالنقاش هاي أولا ً ..

تانيا ً لما أبي أنا معتقل ما رح أقدر أسكت رح يخفف هالبيان شوي من غيظي , و يبقا محاولة بركدن الأمن عنا بيحس على حالوه ..

منيجي لتالتا ً التخوين شيء جداً بشع , و كلامك لو ما عم يحمل تخوين باللفظ بس بين ثناياه ما بيأكد غير إنك كنت عم تخون كل مين عم يطلع بيان أنو أفرجو عن فلان و عن علتان ..

و منرجع .. بعد العشا ..
تحياتي عبود ,,,,,,,
معلم انا من جهتي ما استنكرت بيانات حقوق الإنسان من موقف إنو " بالروح بالدم " انا استنكرتهن لإنو بدنا حركات اقوى هيدي الحركات ما عادت تجيب نتيجة يا أخي بنرجع لمثال ياسين عن اللمبة اذا كنت انتا بدك تغير لمبة وفي زلمة عم يدفشك كل ما تحاول تركب اللمبة بتقوم بتطلع بيان بستنكر فيه انو عم يدفشك الحق معك بيحقلك تستنكر بس وبعدين ؟ برأيك ممكن يبطل يدفشك استجابة لنداءك الإنساني لأنو إلتعن ربك من كتر ما وقعت ؟
أكيد لأ لهيك طالبت بخطة ناجحة غير هيدي الخطط اللي بسميها " غوغائية " وغير منظمة إطلاقا
انا اقترحت سياسة بديلة للتعامل يا ريت ترجع تقرأها من جديد وعلى كل رح عيدها بكلامي في اسفل الرد هيدا ...!
وبعدين تعى لهون يلعن ربك كيف طلع معك اني خونت .... !!
تحياتي إبن العم :D

عزيزي كلامك نظري جدا...

نعم خطة العمل تكون انو نفكر شو عم يصير باطارية الخارجي و الداخلي... و اللي أعتقد انو واضح جدا جدا بشكل مستفز... يعني مو خافي على حدا اتجاهات الدولة نحو الرأسمالية التجارية الليبرالية و خزعبلات "اقتصاد السوق الاجتماعي" . هالأتجاهات اجت مع اشهار رؤوس أموال ناتجة عن عقود من الفساد و يكفي نشوف أسامي "المليونيرية" العصاميين اللي بلشو يطلعو من عشر سنين و انتي جاي و بدهون يستثمرو هالأموال.. هالأمر مفضوح جدا و من زمان... هاد اللي عم بيصير... احتكار لقطاعات حيوية لصالح المتنفذين تحت حماية الحكم... هيك. مزبوط

هاد الحكي اللي أحكيه و أنا على كرسي عم اشرب قهوة و عم دخن سيكارة

الواقع... انو احكي هيك علنا و انت خاين... احكي هيك علنا و انت مزاود و و و و و .... الخ من الالقاب

لما عندك لمبة محروقة و ما فيك تغيرها لأنو عندك واحد جنبك كل ما تطلع عالطربيزة لتوصلها بيدفشك ما كتير بيهم انو بتعرف بشكل نظري كيف اللمبة تتغير... ما بدك أول شي تتخلص من هالتقيل اللي كل ما بدك توصل اللمبة عم يوقعك من الطربيزة؟ ليش عم يوقعك هو؟ لأنو ما بدو ياك تغيّر اللمبة.. بدو عتمة الزلمة

اللي بدو يغيّر اللمبة هو اللي بدو تغيير, و اللي عم يوقعك هو القطّاع الفاسد و الأجهزة الأمنية تبعو

هلأ بيجوز في عدة أشخاص بيهمهون يغيرو اللمبة , و واحد بدو يحط لمبة ستين شمعة, وواحد يقول لأ مية.. و واحد يقول لأ بنشيل السوكة و نحط لمبة نيون بيضا... الخ.. هاي خيارات تغيير و أنا أعتقد انك عم تركز على خيارات التغيير

كل الاقتراحات حول نوع اللمبة مالها أي فائدة طالما في هالواحد اللي قاعد بيدفش كل واحد بدو يطلع يحط اللمبة.. و من المنطقي انو الناس اللي متضررة من الظلام لأنو اللمبة الجديدة ما عم تنحط تعرف انو ياأخي في واحد لا بيغيّر هو اللمبة و لا بيخلي حدا يغيّر


حكيي كمان نظري و بعرف مثال اللمبة فايت بالحيط شوي بس اعتقد ينفع... ترجمة الواقع هي انو بوجود هالقبضة الأمنية اللي بتخلق أقوى مخدر بالتاريخ و اسمو الخوف عم يشل أي قدرة على العمل السياسي.. ما خرج تعمل شي.. و الأمن لما يعتقل عم يعتقل اللي بينادي بالتغيير... عارف دليلة انبرى لسانو, و غيرو كتار... عارف دليلة اعتقل لأنو حكى كتير عن الفساد و عن الفقر بسوريا... و دراساتو موجودة و طلابو اللي كانو هون بيعرفو هالشي و بيشهد بكلامو البعثي قبل المعارض... شو اللي صار؟ انو الزلمة مسجون و صحتو خطيرة و ما عندهون استعداد يكسبو أي نقطة انسانية باطلاق سراحو... قالو بالحرف الواحد انو لن يخرج الا ميتا من السجن

شو معنى هالحكي... انو صار في قضية انسانية من خلال وضع هالانسان اللي عم يعاني, عم يتعذب... يعني البيان ما راح يطالعو... صح, بس البيان معناه انو انت انسان و نحنا معك.. يعني ما فينا نعتبر المعتقل متل رجل الكرسي اذا اعتقل يعني الكرسي انكسر و نجيب غيرو و نزت المكسور... يعني من منطلق انساني بحت ياأخي نتضامن مع هالزلمة المسجون, و مع عيلتو لأنو كمان عم تعاني, يجوز بوجهة نظر عملية براغماتية نقول انو لا يقدم و لا يأخر.... بس انو هالزلمة يظل حدا متذكرو و لما بيطلع بيشوف انو أخي صح كنت مسجون و راح عمري بس انو ما نسوني الناس ... في حدا تذكرني. الأمر نفسي

أقرب مثال هو جيفارا... يعني بعقلية "عملية" راح نقول انو خليك تحكي عنو و تقرالو و و و و... الخ . الزلمة مات من أربعين سنة شو ما حكيت عنو ما راح يرجع. أي بس هو رجل ناضل في سبيل شيئ ما و مات دونه.... و لازم ذكراه تظل

السجن السياسي موت مؤقت صغير, و تذكر السجين و التضامن معو ما بيتعارض مع أي شي تاني و لا بيوقف بوجه أي شي تاني... مبدأ انساني بحت.. اذا الو نفع سياسي أو لأ... ما بيهمني هالأمر كانسان... لو انو نعمل كل شي بس منشان نحنا نستفاد منو كان اسمنا شي تاني ... مو ناس
آسف للاطالة
تحياتي الكبيرة جدا معلم
حاولت لدرجة معينة اني ضل انا واللي كتبته وخصوصا مثال اللمبة على درجة عالية من القراءة المتمحصة لحتى اقدر ركز منيح ....
صديقي قلتلك انا دعمي اقدمه لكل شخص اعتقل بدون محاكمة عادلة وبتوقع فهمت شو قصدي ...!
بس انا بشوف الدعم بغير طريقة مو بطريقة البيانات
انا قلتلك المرة الماضية وقلت لعبد بردي على ما كتب انو لما واحد بيضل يوقعك عن اللمبة اهم شي ما نصدق انو لحاله ... في ناس وراه وفي عندهن مشروع واجندة مشانها عم يوقعوه ... لهيك مشان ننتصر على الشخص اللي عم يوقعنا عن الكرسي لازم ننتصر على كل الناس اللي مستفيدين من سياسته .... وهيدا ابدا مو ببيان استنكاري على طريقة جامعة الدول العربية
القصة انو بتشوف شو عنده مشاريع ينفذها بتروح بتنزل لعندها وبتفشلها بمعنى اخر بتنزل لعنده بتلعن ربه ... بحيث انك تكون كاسب الناس لصفك يعني اهم شي تكون عم تحكي عن مأسيهم اليومية ... وبصراحة وانا عايش بسوريا وشايف هالناس انو اخر همهن في حدا اعتقل او ما حدا اعتقل " لاحظ ما عم احكي عني عم احكي عن رأي عام " الناس اخر همها كلشي إلا أكلها وشربها
قلتلك بالرد الماضي تصنيفي للأمور ... معارض لسياسات الإمبريالية او مؤيد لها ...
وهيك بصنف الكون كله .... وفي الداخل السوري متل ما حكيت حضرتك بردك انو في ناس اصبحوا ملياردية وصار بدهن يستثمروا اموال داخل هالوطن - وهيدول ناس كتير حيتان - ولهيك اجا انسان متل الدردري النائب الإقتصادي لرئيس الوزراء مشان يعبر عن طموحات هيدي الفئة بتحقيق نقلة ليبرالية اقتصادية بسوريا نحو الرأسمالية ...
اما جهات الأمن فهي لما تقوم بسياسة الإعتقال فهي فعليا بتكون عم تخدم هيدي الفئات .....
لحنا لحتى نقدر نطور العمل الديمقراطي بسوريا فينا ننطلق من رغبة الناس بأنها تاكل وهيدي الرغبة كبرت اكتر بسبب سياسات الفريق الإقتصادي الأخيرة خلال السبع السنين الماضية ...
لحنا فينا نكسب الناس لصفنا ونحارب الفريق الإقتصادي وسياساته ولحنا بهالحالة عم نكسب شرفاء حتى من داخل النقابات والإتحادات العمالية لإنه بالنهاية مصالح هالشرفاء هيي اللي عم تتضرر بحكم السياسة الجديدة .
لحنا لما نخوض هيك معارك وننتصر فيها اكيد هيدا الشي مع تراكمه رح يؤدي وبالضرورة " حسب رؤية ماركسية " إلى انحسار تلك السياسات الإقتصادية للفريق الإقتصادي ومن وراءه تلك الفرق الأمنية التي تدعم عمله ..



يعني بعيد عن كل التنظير هلأ الحكي القائم بسوريا كله عن رفع الدعم ... ما الشعب الفقير والعمال والفلاحين اول ناس رح يلتعن ربهم من وراء هيك سياسات
لهيك برأيي المعارضة تروح تنزل لعند هيدول الناس تشتغل عليهن بطرق توعوية من اجل حقوقهم وتخليهن يوقفوا ضد سياسات هالفريق وهيك بننتصر عليه باكتر من جولة وبالنهاية بإنحساره سينحسر معه تلك الفرق الداعمة لعمله داخل الفريق الأمني ....

خليني احكيلك امثلة ...
صار بشهر تسعة محاولة اولى او جولة اولى من جولات حرب رفع الدعم وصار في اضرابات يمكن ما كتير لوحظت لعدم تسليط الضوء اولا ولانها بقيت داخل الحركة النقابية ... بس المهم ربحنا الجولة كمعارضة شريفة وطنية لسياسات الفريق الإقتصادي وألغي رفع الدعم
بس من فترة تخصخص جزء من مرفأ طرطوس وبالفترة الماضية توقع عقد بين شركة اجنبية وشركة مرفأ اللادقية بموجبه تستثمر الشركة المستثمرة المرفأ بما اقول عنه ولا أبالغ ابدا عقد احتكار حقير جدا
وفي كلا المرفأين كانت الشركة المستثمرة حرة بأستخدام الأيادي العاملة وصرف بالمقابل الكثير من العمال من المرفأ الاول وينتظر العمال في المرفأ الثاني " اللادقية " فرج ربهم ...
لحنا لو بالحالتين عملنا توعية لعمال المرفأ كنا اكيد رح نكسبهن لصفنا ما لحنا عم نحكي عن همومهن بالأخر وبهالحالة اكيد رح يعبروا عن إستيائهم ويجبروا الفريق الإقتصادي على الإنحسار واكيد رح تنحسر معه طبقات البيروقراطية الأمنية بإعتبار الشعب انقض عليها بالمظاهر اللي عبر عنها ضمن إستيائه
يا سيدي الوقوف ضد سياسات الفريق الإقتصادي الحالي قد اصبح العامل المشترك للكثير من حركات المعارضة في سوريا حتى انه قد جذب بعض الفئات من داخل النظام لمعارضة تلك السياسات ...
كل تلك القوى تجمع في خندق واحد فترمي في قمامة التاريخ الفريق الإقتصادي وسياسات كل من دعمه واخص بالذكر الأجهزة الأمنية .....
هيدي هي الطريقة الناجحة برأيي وغير هيك رح يضل الإنسان يدق بالمي وهيي مي لإنك لما عم تحكي عن عارف دليلة وميشيل كيلو وشخصيات ضخمة جدا " بغض النظر عن موقفي منها إلا اني ضد إعتقالها " الشعب ما رح يوقف معك أولا لإنو بكل سهولة حافظ رأي تلك الأجهزة بهيدول الأشخاص
يعني الكلمة اللي بنسمعها من كل شخص كل يوم انو المعتقلين السياسيين اشخاص اعتقلوا لأنهم مرتبطين بالخارج .... وخلص
لهيك ما يقال عن التنويه لسياسة الأجهزة الأمنية لن يشكل وسيلة للم شمل الفئات الكبرى من الشعب . ولهيك ما رح يصير تغيير



اسف جدا على الإطالة بس الموضوع ما بينحكى بكلمتين ...
احترامي الكامل لحضرتك اخ ياسين ..... :D:D:D
تحياتي الحارة
ظل جيفارا

أعتقد أنك ما زلت تتحدث عن أمور مختلفة عما أقصده انا



أول شيء أحيي تفاؤلك عندما تعتقد أن تأجيل رفع الدعم كان استجابة لمطالب شعبية (في مازوت كتير لازم يتهرّب لسا و ما يصير نقطع برزقة الشبيحة يعني...)

أما بخصوص ما لازلت تعتبره غوغائية و أنا أعتبره موقف انساني.... كأول مبدأ أنا أتكلم عن معارضة كأفراد, أشخاص, ناس, ببساطة انسان يعتقل لأن فكره يتعارض... هكذا ببساطة

المعارضة السورية عاجزة عن الوصول؟ نعم عاجزة.. و العلة ليست فيها, أو العلّة الأساسية ليست فيها كما تقول أنت.. لا يمكن العمل بوجود 14 جهاز أمن مهمته كبت اي نشاط سياسي معارض أو "مشبوه"... حتى على مستوى الانترنت. أعتقد أن الحديث باستخفاف و برود عن ان المعارضة "مش نافعة" أو بالاحرى شلة علاكين فيه ظلم كبير جدا جدا ... و الدليل أن اجتماع عادي جدا في قلب العاصمة السورية قد أدّى ألى موجة اعتقالات لازلنا نعيش آثارها.. أي عمل ممكن في هذه الحالة؟؟ مستحيل العمل... لايمكن العمل هكذا

اما اعتبار البيانات "غوغائية" و على اسلوب الجامعة العربية.. لا أدري ماذا تريد من المعارضة فعله اذا... ماذا؟؟ انقلاب عسكري؟ ماذا؟؟

البيانات هي حيلة من لا حيلة له غيرها, و يكفي أنها تظهر للمعتقل أنه يوجد من يفكر فيه, و يكفي أنها تعطي قليلا من الدعم المعنوي لعائلته المتألمة.... اذا لم يكن يكفيك فأنا يكفيني.. الاعتقال السياسي بالنسبة لي هو موقف انساني و ليس قضية سياسية... و السياسة و الانسانية امران مختلفان

الشعب ليس غبيا أبدا من هذه الناحية, الشعب معزول فكريا و هذه هي المشكلة.. القنوات معزولة و الفكرة الوحيدة الواصلة هي فكرة أن المعارضة خائنة و عميلة وووو... الخ

يكفي انه بالحديث عن الاعتقال السياسي هنا في هذا المنتدى أنه هناك أعضاء كانوا عند دخولهم يقولون ألفاظا مثل "الله يغمقلهون" و يتهكمون عليهم و يخونونهم صاروا الآن يتفهمون أن الاعتقال السياسي و التضييق الأمني ظالم ووحشي.... لا علاقة للأمر بالموالاة و المعارضة... قضية انسانية بحتة


لذلك, يا صديقي, لا ترمي العتب على بيانات المعتقلين... العتب على من يبطش و يكبت و يعتقل و يضطهد.. بيانات المعتقلين ليست سياسة.. انها انسانية أولا و أخيرا... الباقي سياسة و لا يتعارض أبدا مع التضامن المعنوي على مبدأ "لا يكلف الله نفسا الا وسعها" مع من يتعذب داخل زنزانة الاستبداد و تتعذب عائلته و أصدقائه خارجها




تحية

أعتقد أنك ما زلت تتحدث عن أمور مختلفة عما أقصده انا
أول شيء أحيي تفاؤلك عندما تعتقد أن تأجيل رفع الدعم كان استجابة لمطالب شعبية (في مازوت كتير لازم يتهرّب لسا و ما يصير نقطع برزقة الشبيحة يعني...)
أما بخصوص ما لازلت تعتبره غوغائية و أنا أعتبره موقف انساني.... كأول مبدأ أنا أتكلم عن معارضة كأفراد, أشخاص, ناس, ببساطة انسان يعتقل لأن فكره يتعارض... هكذا ببساطة
المعارضة السورية عاجزة عن الوصول؟ نعم عاجزة.. و العلة ليست فيها, أو العلّة الأساسية ليست فيها كما تقول أنت.. لا يمكن العمل بوجود 14 جهاز أمن مهمته كبت اي نشاط سياسي معارض أو "مشبوه"... حتى على مستوى الانترنت. أعتقد أن الحديث باستخفاف و برود عن ان المعارضة "مش نافعة" أو بالاحرى شلة علاكين فيه ظلم كبير جدا جدا ... و الدليل أن اجتماع عادي جدا في قلب العاصمة السورية قد أدّى ألى موجة اعتقالات لازلنا نعيش آثارها.. أي عمل ممكن في هذه الحالة؟؟ مستحيل العمل... لايمكن العمل هكذا
اما اعتبار البيانات "غوغائية" و على اسلوب الجامعة العربية.. لا أدري ماذا تريد من المعارضة فعله اذا... ماذا؟؟ انقلاب عسكري؟ ماذا؟؟
البيانات هي حيلة من لا حيلة له غيرها, و يكفي أنها تظهر للمعتقل أنه يوجد من يفكر فيه, و يكفي أنها تعطي قليلا من الدعم المعنوي لعائلته المتألمة.... اذا لم يكن يكفيك فأنا يكفيني.. الاعتقال السياسي بالنسبة لي هو موقف انساني و ليس قضية سياسية... و السياسة و الانسانية امران مختلفان
الشعب ليس غبيا أبدا من هذه الناحية, الشعب معزول فكريا و هذه هي المشكلة.. القنوات معزولة و الفكرة الوحيدة الواصلة هي فكرة أن المعارضة خائنة و عميلة وووو... الخ
يكفي انه بالحديث عن الاعتقال السياسي هنا في هذا المنتدى أنه هناك أعضاء كانوا عند دخولهم يقولون ألفاظا مثل "الله يغمقلهون" و يتهكمون عليهم و يخونونهم صاروا الآن يتفهمون أن الاعتقال السياسي و التضييق الأمني ظالم ووحشي.... لا علاقة للأمر بالموالاة و المعارضة... قضية انسانية بحتة
لذلك, يا صديقي, لا ترمي العتب على بيانات المعتقلين... العتب على من يبطش و يكبت و يعتقل و يضطهد.. بيانات المعتقلين ليست سياسة.. انها انسانية أولا و أخيرا... الباقي سياسة و لا يتعارض أبدا مع التضامن المعنوي على مبدأ "لا يكلف الله نفسا الا وسعها" مع من يتعذب داخل زنزانة الاستبداد و تتعذب عائلته و أصدقائه خارجها
تحية
تحياتي يا كبير :D
معلم المعارضة موجودة لإنو الوضع بده تغيير وبشوف كتير غلط انو نقول الوضع كتير صعب لهيك ما قادرين نشتغل ...
ما بعرف انا حاسس انو اذا اعتقلت ما رح يفيدني شي بيان رح يطلع مشاني ....
طبعا انسانيا بنقول ولهلأ عم قول انا مع كل معتقل سياسي من اجل حقوقه بمحاكمة عادلة اذا كان متهم ومن اجل الإفراج الغير مشروط عنه في حالة عدم تواجد تهمة
بس هيدا الحكي ما بيجيب نتيجة ...
انسانيا لازم نحكي عن 90% من الشعب السوري مهددين ينزلوا تحت خط الفقر ....
لازم نحكي عن سياسات الفساد والنهب المنظم للقطاع العام بغية تخريبه على شاكلة ما حصل للكرنك ك قطاع مشترك ...
ولك لما نكون انسانيين ونحكي عن 90% من الشعب اكيد رح تتحق مصالح المعتقلين السياسيين لإنو متل ما حكيت بموضوعي تبع استكمالا لموضوع بخصوص الإرادة المواضيع كلها مرتبطة ب بعضها ...
تحياتي الحارة
ظل جيفارا

مازلت ماني فهمان التعارض بين انو سياسة الدولة الاقتصادية عم تودي الشعب الى الفقر و بين التضامن مع المعتقل... ماني شايف التعارض وين بصراحة.... ما بعرف يعني . ما بيصير نعمل الشغلتين يعني؟ وين مكتوب انو لازم بس وحدة؟


بس هيدا الحكي ما بيجيب نتيجة ...
.

يا سيدي بيجيب... قديه عالم كانت تعتبر المعتقلين و المعارضين من كوكب آخر و صارت هلأ تشوف انو موقف انساني هون بالأخوية.. انسالي موالاة و معارضة هلأ...

و حتى للمعتقل نفسو.. أخي ما بيجيبلو نتيجة من ناحية انو ما راح يطلق سراحو بس انو يا محلاه انو فوق مو محكوم و الله زتو و جيب غيرو هاد انتهى.... انسانيا ما بيجوز

كلو لازم تترجمو madmax باديش لازمنا ليصير عنا عقل نفكر في؟؟؟؟؟؟؟؟؟؟؟؟;)

مازلت ماني فهمان التعارض بين انو سياسة الدولة الاقتصادية عم تودي الشعب الى الفقر و بين التضامن مع المعتقل... ماني شايف التعارض وين بصراحة.... ما بعرف يعني . ما بيصير نعمل الشغلتين يعني؟ وين مكتوب انو لازم بس وحدة؟
يا سيدي بيجيب... قديه عالم كانت تعتبر المعتقلين و المعارضين من كوكب آخر و صارت هلأ تشوف انو موقف انساني هون بالأخوية.. انسالي موالاة و معارضة هلأ...
و حتى للمعتقل نفسو.. أخي ما بيجيبلو نتيجة من ناحية انو ما راح يطلق سراحو بس انو يا محلاه انو فوق مو محكوم و الله زتو و جيب غيرو هاد انتهى.... انسانيا ما بيجوز
تحية يا كبــير :D
معلم اذا بتذكر موضوعي تبع استكمالا لموضوع ..... صرت مذكر فيه مليون مرة هون لإنو كتير بيخص نقاشنا " حسب وجهة نظري طبعا "
إنو بعملنا على جمع القوى الشعبية من اجل حقوق معينة بتدخل بصلب اهتمامهن رح نقدر نوقف مخطط معين ماشي بهالدولة وانا واثق انو اذا لمينا القوى الشعبية إلى جانبنا رح نحقق المطالب المتفق عليها
ولما نحققها رح نصير قوة سياسية ضخمة بإعتبار في كتل شعبية كتير واقفة ورانا ومن هون وهي القوى لاحظت انها بعمل ديمقراطي حققت مكاسب لإلها ورح توقف معنا بالنسبة لتحقيق مطالب ديمقراطية اوسع ..
وبشكل اخر رح تشوف الطبقات الأخرى انو المطالب تبعتنا في قوة ضخمة تدعمها ..
وهيك بنكون استفدنا بطريقتين

بنكون حققنا المكاسب المحقة تبعتنا
بنكون اشتغلنا ع موضوع النقلة الفكرية لدى عامة الشعب نحو العمل الديمقراطي لإنو بتوقع متفقين متل ما قرات إلك بموضوع سابق انو الديمقراطية لا تأتي فجأة على شاكلة الفوضى الخلاقة .. بل هي بحاجة لعمل شعبي واسع القاعدة لكي لا تتحول الديمقراطية إلى تلك المشاهد الدموية التي نراها في اكثر من منطقة من دول العالم الثالثبتوقع فكرتي وصلت ....:D
تحياتي الحارة
ظل جيفارا

تحية يا كبــير :D
معلم اذا بتذكر موضوعي تبع استكمالا لموضوع ..... صرت مذكر فيه مليون مرة هون لإنو كتير بيخص نقاشنا " حسب وجهة نظري طبعا "
إنو بعملنا على جمع القوى الشعبية من اجل حقوق معينة بتدخل بصلب اهتمامهن رح نقدر نوقف مخطط معين ماشي بهالدولة وانا واثق انو اذا لمينا القوى الشعبية إلى جانبنا رح نحقق المطالب المتفق عليها
ولما نحققها رح نصير قوة سياسية ضخمة بإعتبار في كتل شعبية كتير واقفة ورانا ومن هون وهي القوى لاحظت انها بعمل ديمقراطي حققت مكاسب لإلها ورح توقف معنا بالنسبة لتحقيق مطالب ديمقراطية اوسع ..
وبشكل اخر رح تشوف الطبقات الأخرى انو المطالب تبعتنا في قوة ضخمة تدعمها ..
وهيك بنكون استفدنا بطريقتين
بنكون حققنا المكاسب المحقة تبعتنا
بنكون اشتغلنا ع موضوع النقلة الفكرية لدى عامة الشعب نحو العمل الديمقراطي لإنو بتوقع متفقين متل ما قرات إلك بموضوع سابق انو الديمقراطية لا تأتي فجأة على شاكلة الفوضى الخلاقة .. بل هي بحاجة لعمل شعبي واسع القاعدة لكي لا تتحول الديمقراطية إلى تلك المشاهد الدموية التي نراها في اكثر من منطقة من دول العالم الثالثبتوقع فكرتي وصلت ....:D
تحياتي الحارة
ظل جيفارا


و شو دخل هالحكي بانو ما يصير تطلع بيانات معتقلين؟ ما زلت عند نفس السؤال أنا... و ين التعارض بين هالحكي ( اللي على فكرة ماني كتير معو) و بين بيانات المعتقلين اللي هي صلب موضوع نقاشنا

و شو دخل هالحكي بانو ما يصير تطلع بيانات معتقلين؟ ما زلت عند نفس السؤال أنا... و ين التعارض بين هالحكي ( اللي على فكرة ماني كتير معو) و بين بيانات المعتقلين اللي هي صلب موضوع نقاشنا
صديقي ...
انا علقت على البيانات لما تصير هدف ...
وما تقلي ما صارت للأسف صارت .
فرق كاملة تتبنى المعارضة ما عم تعمل اكتر من بيان ..
تحياتي الحارة
ظل جيفارا

صديقي ...
انا علقت على البيانات لما تصير هدف ...
وما تقلي ما صارت للأسف صارت .
فرق كاملة تتبنى المعارضة ما عم تعمل اكتر من بيان ..
تحياتي الحارة
ظل جيفارا

على اعتبار على ما يبدو عم نحكي عن شغلات مختلفة. نوقف أحسن شي هون لأنو ما عم نستفاد شي... بس انو أسجل استمرار دهشتي الشديدة و استنكاري الأشد.... بس على كل كل واحد يفكر كما يحلو له


تحية