هل سوريا دولة طائفية؟ [الأرشيـــــف] - صفحة 2

التقرير الجوال

30/11/2007, 15:44

ماني ملم باللغة العربية لكن أعتقد انو مصطلح الطائفية ينفع لكلا الحالتين: التفريق بين الأديان و بين أجزاء الأديان

حبيب قلبي انت
الطائفه هي مجموعه متفرّده من دين واحد بتاخد صبغه معينه _الاختلاف عن البقيه بشيئ, أو التميز أو التفرد بشيئ_وكمان الطائفه= الملّه

بس المذهب أشمل بكتير
يعني بالتحديد متل ما تقول "مذهبي الاسلام"

أما معرفه معنى طائفه, فبظن بدنا قاموس لسان العري أو المحيط:lol:
كمان أنا متلك و متل 80% من العرب يلّي ما بيعرفو المعاني الدقيقه لكتير كلمات عربيه
و اهلا و سهلا فيك

faith=belife=idiology=مذهب

يعني متل ما تقول
my faith is ISLAM=معتقدي او ديانتي الاسلام
أما
Sectarianism=طائفيه
متل ما تقول
I'm christian anglican= انا مسيخي من الطائفه الانجيليه

بظن يا شباب كلامكن بدو تعديل:D

بظن الكل متمسك و حريص عالإلمام باللغه الأم ( العربيه)
شغلني موضوع تعريف او بالأحرى شو مني كلمه الطائفيه بالتفصيل.
لقيت شوي من تفسير هالكلمه بــ قاموس " القاموس المحيط"
و هي خصّيصاً للأخ yass

"طاف فـي البلاد طَوْفاً وتَطْوَافا وطَوَّف : سار فـيها. والطَّائف : العاسُّ باللـيل. والطَّائِف العَسَسُ والطَّوافُون: الـخَدَم والـمَـمالـيك. وقال الفراء فـي قوله عز وجل: {طَوَّافون { علـيكم بعضُكم علـى بعضٍ}، قال: هذا كقولك فـي الكلام إِنما هم خَدَمُكم وطَوَّافُون علـيكم، قال: فلو كان نصباً كان صواباً مَخْرَجُه من علـيهم. وقال أَبو الهيثم: الطَّائِفُ هو الـخادِم الذي يخدُمُك برفقٍ وعِنايةٍ، وجَمعُهُ الطوّافون . وقال النبي صلى الله عليه وسلم فـي الهِرَّةِ: إِنما هي من الطَّوافاتِ فـي البـيت أَي من خَدَمِ البـيت، وفـي طريق آخر: إِنما هي من الطَّوَّافِـين علـيكم والطَّوَّافاتِ، والطوَّاف فَعَّال، شبهها بالـخادم الذي يَطُوف علـى مَولده ويدور حولَه أَخذاً من قوله: (عزّ وجلّ): {لـيس علـيكم ولا علـيهم جُناح بعدَهنَّ طوَّافون { علـيكم}، ولـما كان فـيهم ذكوراً وإِناث قال: الطوَّافـين والطوَّافاتِ، قال: ومنه الـحديث لقد طَوَّفْتُما بـي اللـيلة، يقال: طوَّفَ تَطْوِيفا وتطوفا . والطائفة من الشيء: جزء منه. وفـي التنزيل العزيز: {ولـيَشْهَد عَذَابَهما طائفة { من الـمؤمنـين؛ قال مـجاهد: الطائفة الرجل الواحد إِلـى الأَلف، وقـيل الرجل الواحد فما فوقه، وروي عنه أَيضاً أَنه قال: أَقَلُّه رجل، وقال عطاء: أَقله رجلان. يقال: طائفة من الناس وطائفة من اللـيل. وفـي الـحديث: لا تزالُ طائفةٌ من أُمتـي علـى الـحقّ؛ الطائفة : الـجماعة من الناس وتقع علـى الواحد كأَنه أَراد نفساً طائفة ؛ وسئل إسحقٰق بن راهويه عنه فقال: الطائفةُ دون الأَلف وسَيَبْلُغ هذا الأَمر إِلـى أَن يكون عدد الـمتمسكين بما كان علـيه رسول الله صلى الله عليه وسلم وأَصحابه أَلفاً يُسَلِّـي بذلك أَن أَلا يُعْجِبهم كثرةُ أَهل الباطل.
وفـي حديث عمران بن حُصَيْن وغُلامه الآبِقِ: لأَقْطَعَنَّ منه طائفاً؛ هكذا جاء فـي رواية، أَي بعض أَطرافه، ويروى بالباء والقاف.

والطائفة : القِطعةُ من الشيء؛ وقول أَبـي كبـير الهذلـي:

تَقَعُ السُّيوفُ علـى طَوائفَ مِنهُم
فـيُقامُ مِنْهمْ مَيْلُ مَن لـم يُعْدَلِ"

بظن صار معني الكلمه واضح بانها قطعه من أصل الشيئ أو فئه
و لو اها صارت تستخدم عند النزاع بين الأديان و لكن بالأصل هي مخصوره ضمن بوتقه واحده
فيا عزيزي ياس كانت تكهناتك بمحلها بالنسبه لاستخدام الكلمه مجازاً

LiOnHeArT.3LA2

30/11/2007, 16:47

باختصار.........................

سوريا بلد تلت ارباعو مانون طائفيه والربع التاني طائفي

ولكل واحد بيقول انو ما عنا طائفيه يمكن معو حق لانو الطائفيه بسوريا لساتا بمرحلة التفكير

وما انتقلت للفعل يعني يمكن الطائفيين بيكرهو

بعدين مين قال انو دول العالم المتحضرة ما عندا طائفية

بكللللل دول العالم في طائفيه

هلأ نحنا كسوريين منئول انو في طائفيه بس ازا سألت اي انسان برات سورية وبيسمع الاخبار اكيد رح يقلك

انو ابدا ابدا ما في طائفيه

يا سيدنا
بتختلف من وجهة نظر انسان لانسان تاني

وميرسي على طرح هذا الموضوع

التقرير الجوال

30/11/2007, 22:22

أكيد مارح تكون أي نوع من أنواع الطائفيه بسوريا
الطائفيه بدها مقومات, الشعب السوري ما بيملكها.

LiOnHeArT.3LA2

30/11/2007, 23:08

ممكن اعرف شو هيي هالمقومات

التقرير الجوال

30/11/2007, 23:12

ممكن اعرف شو هيي هالمقومات
wish i could talk about them
but i wont

BL@CK

30/11/2007, 23:21

نحن ُ مننقب على الطائفية تنقيب , و مندوّر عليّا مشان نكون طائفيّين ..

مننكشا من تحت الأضافر و من تحت الملابس الداخلية و من وين بصحلنا

مشان نكون طائفيّين بجدارة .. :lol:

التقرير الجوال

30/11/2007, 23:24

نحن ُ مننقب على الطائفية تنقيب , و مندوّر عليّا مشان نكون طائفيّين ..

مننكشا من تحت الأضافر و من تحت الملابس الداخلية و من وين بصحلنا

مشان نكون طائفيّين بجدارة .. :lol:

برافو بلاك

الإنساني

30/11/2007, 23:57

لا يخفى على أحد الطائفية التي تعج بها البلد ،فسورية تعتبرمن أكثردول العالم من حيث عدد الطوائف ولكن ليس هنا المصيبة فالمصيبة الأكبر هنا تعامل الدولة مع هذه المشكلة على مبدأ:دفن الرؤؤس في رمال الأوهام خوفا من وهج الحقائق .
ومن المعروف أنه ومهما أسكت الناس لن تخرسهم أبداًماداموا يتكلمون
في النهاية يجب ومن الآن أن تعمل الدولة على حل لهذه المعضلة وإلا على الدنيا السلام
وأنتظر تعليقكم ومن موضوع ممتاز ومحمس كهذا إلى أفضل

بنفسجة

01/12/2007, 01:21

وجود عدد كبير من الطوائف في سوراي لايعني انها دولة طائفية
اعترف بوجود طائفيين لكن هناك كثر ممن ينبذون الطائفية
في سوريا قليلة هي المناطق ذات الطابع الطائفي الواحد
حتى القرى تتنوع فيها الطوائف ارى في محيطي كثير من التعايش الرائع بين الطوائف لامشاكل ابدا ولا بغض ابدا

التقرير الجوال

01/12/2007, 01:44

COSTA

01/12/2007, 04:53

طيب
عم نحكي عن الطائفية
رح اعطيكون امثلة عديدة وانتو فكرو فيها وحسبوها
اولا على المستوى الفردي ...
انا اجتمعت بكتير ناس ( شباب وبنات ) بتلاقي معلقين الصليب برقبتون ..(علما انو اسلام هنن )
طيب لما بتسالون ليش معلقينو.... ناس بتقلك حرية شخصية .. وناس بتقلك انو انا بحب المسيح ... وكل ناس بتحكي حجة شكل .......
طيب مثال تاني
فتت على بيوت ناس ولقيت عندون قران بالبيت ( علما انو مسيحية هنن )
طيب ليش عندك القران بالبيت ... ناسي بتقلك هاد كلام الله ... ناس بتقلك حب المعرفة ... ناس بتقلك للاطلاع ...وكل واحد عندو حجة شكل .....
طيب على مستوى اجتماعي
في ضيع كتير متل صيدنايا ... وهي معروفة انو من الضيع المسيحية ....( علما انو فيها عائلات مسلمة )
وبتلاقي العيل وقت العيد بتعايد بعضها وعايشين ومبسوطين وما حدا قدون ....
وفي واحد بصيدنايا بيشتغل بمواد الخرسانة ( مسلم ) وبتلاقي كل الناس بصيدنايا ( اسلام ومسيحية ) بتشتري من عندو ...
وواحد تاني (مسيحي) ما حدا بيشتري من عندو
مثال تاني
جامع صيدنايا بصلو فيه اهل صيدنايا الاسلام ....
وصار من فنرة خمس او ست سنين يجي ناس من غير ضيع يصلو بالجامع ( متل رنكوس وعكوبر وتلفيتا )
قامو اعترضو اهل صيدنايا الاسلام ورفضوا انو يجوا يصلو عندون وقالو للناس انو انتو بدكون تجو بحجة تعمرو جامع تاني ونحنا ما بدنا نعمر واحد تاني ... وجبروهون يرجعو على ضيعتون
كمان مثال
بمعلولا .....
ضيعة نصها مسيحية ونصها اسلام ....
وبتلاقيهون على طول خناق مع بعض ومشاكل وكل فترة وفترة بروح قتيل من احد الطرفين
وبتتدخل الدولة وبتحلها ... وما كانو يخلصو ......

وفي امثلة كتير ما بتخلص اذا بدكون ....
وانا برايي الشغلة بتصير حسب العقل وحسب التربية ....
وبنفس الوقت البيئة بتعلب دور كبير بهاد الشي
بس انو اذا مفكرين يصير عننا متل العراق ولبنان ......
انا بقول لاء ما بصير ... الا على مستوى ضئيل جدا وبتكون تارات شخصية مو اكتر .....
لانو شعبنا تعلم من تجارب غيرو ..... وزبيعرف حالو انو مانو قد هالشي وبنفس الوقت فهمان انو لعبة سياسية

COSTA

01/12/2007, 05:08

لاوديسا

01/12/2007, 12:19

فطنت بشغلة هلأ
بعد فترة جاية عيد الميلاد
طيب
بتلاقي كتير ناس حاطة زينة ومعيدة
ومو الكل بالضرورة يكون مسيحي
انا بعرف عائلات مسلمة بتحط شجرة العيد وبتعيد كمان مع المسيحية ...
وحتى المحلات بتلاقيها حاطة زينة ومحتفلة ( هلأ قولولي المحلات عاملين دعاية مشان جلب الزبائن )
طيب هاد دليل على الطائفية ؟؟؟
احكمو انتو لشوف ....
وين الطائفية بالموضوع .. لا هيدا مو دليل عالطائفية
انا مسلمة وبحط شجرة عيد الميلاد وبزينا يمكن اكتر من المسيحية وبحتفل بهالعيد وعيد السيدة اكتر من اعيادنا
بس مو يعني اني صرت مسيحية او تخليت عن اسلامي ولا يعني اني طائفية لانو مافي ربط بيناتن

بالرجعة عالموضوع
سورية طائفية وطائفية حتى الصميم وحتى بتبين واضحة مو بس بين افراد الدين الواحد و الطائفة الوحدة لا كمان الملة الوحدة
واذا عايشين مع بعضنا اديان مختلفة وطوائف وملل مو دليل على عدم طائفيتنا ولا بيلغيها بنوب
مثل صغير عالطائفية انو في كتير ناس ما بتشغل عندا غير ابناء طائفتا
الاصح انو في افراد مو طائفيين

COSTA

01/12/2007, 23:41

وين الطائفية بالموضوع .. لا هيدا مو دليل عالطائفية
انا مسلمة وبحط شجرة عيد الميلاد وبزينا يمكن اكتر من المسيحية وبحتفل بهالعيد وعيد السيدة اكتر من اعيادنا
بس مو يعني اني صرت مسيحية او تخليت عن اسلامي ولا يعني اني طائفية لانو مافي ربط بيناتن

بالرجعة عالموضوع
سورية طائفية وطائفية حتى الصميم وحتى بتبين واضحة مو بس بين افراد الدين الواحد و الطائفة الوحدة لا كمان الملة الوحدة
واذا عايشين مع بعضنا اديان مختلفة وطوائف وملل مو دليل على عدم طائفيتنا ولا بيلغيها بنوب
مثل صغير عالطائفية انو في كتير ناس ما بتشغل عندا غير ابناء طائفتا
الاصح انو في افراد مو طائفيين
انا هاد يللي قصدتو ....
انو الطائفية مانها موجودة بالشكل المرعب يللي عم ينوصف
بس في عننا تعصب ديني او تعصب مذهبي .....
يعني في ناس متعصبة لطائفتها او مذهبها .......
ومو بالضرورة انو يكون الكل بسوريا هيك .......
لانو في ناس ما بتفرق معها الدين ولا بتنظر الو ....
وفي ناس بتفرق معها ......
:D

بنفسجة

02/12/2007, 00:16

خدو مثال اخر
كنيسة سيدة الزنار بحمص
انا شفت فيها كتير اعمال فنية بتمثل السيد المسيح والسيدة العذراء وكتير هالاعمال مكلفة وقلي الراهب انو هالاعمال مقدمة من رجال مسلمين تعبيرا عن محبتهون
بحمص كمان لما اجا مطران حمص بزيارة لرعية فات عالمسجد وقرا الفاتحة وهي مشهورة وراحو المسلمين معو عالكنيسة فعلا انا لما شفت هالمنظر كتير تاثرت
بجد نحنا ماعنا طائفية متل ماعم يحاول البعض يصورها
نحنا شعب محب ومتسامح وبسيط

maroun

02/12/2007, 00:17

طيب خلينا ندلو بالدلو تبعنا.. انا اعتقد انا الطائفية هي شغلة نسبية و تختلف من شخص لأخر حسب كيف هو بيفسرها او يعرفها مثلاً بتشوف اللي بيقلك انا ديني او طائفتي هي كل شيء بالنسبة لي و لذلك بيحطون فوق كل شي و بيمسوك السلم بالعرض و بيناطح الكل كرمال دينو و مذهبو....من الطرف الاخر بتلاقي اللي يقلك انو انتمائو لبلدو او مدينتو او الحي تبعو او عيلتو او او هو كل شي بحياتو و مصلحت البلداو الجماعة اللي بينتمي الها فوق كل شيءو بلدي احلى بلد بالكون و عيلتي احسن عيلي مابعرف مين افضل من ما بعرف شو و و و و كمان بيناطح بالخلق و بيقلك اللي بتبعلو فوق الدنيا كلها و هاد كمان نوع من الطائفية و التشدد..... طيب الاتنين من و جهة نظرهم صح و الاتنين بيناطحو ببعض و الاتنين بيخونو اللي مو على مراقهم..... طيب ليش يا شباب و صبايا و سيدات مابيكون في تعامل انساني مع الاخر دون النظر لـشو دينك انت و شو طائفتك و شو بلدك و شو ضيعتك و شو وشو...يعني بالنهاية مادامت لحدا و الكل فاني.

اما بخصوص السؤال فانا برأي كل شعوب المنطقة و الشعوب العربية هم طائفيين و عنصريين و لكن كما قلت الامر نسبي و يتراوح من الرافض للاخر بالمطلق الى اللي اما قابل به و كاسر على انفو بصلة او بيكون قابل للاخر مصلحة او او او او بكون قابل للاخر مظهراً و ليس ضمنا. يعني بمعنى ادق فالج لا تعالج.... في شب كتب بخصوص اذا تزوجت اختو من واحد من غير دين ما رح يخلص من لسان الناس و هاد الواقع و كمان هاد بيعني انو الكل طائفي.
هذا باختصار شديد جداً رأي
و شكراً :D

Government

02/12/2007, 01:04

هلأ مافي تعمم بالمرة ..
انت قلت سوريا
سوريا كلا مابصير تحكي عن سوريا كلا
سوريا فيا ناس طائفيين لدرجة كبيرة فوق ماتتصور
وناس بكرهوا الطائفية بشكل كبيرررررررر ومابطيقوا سيرتا
وفي ناس لاهيك ولا هيك
ع البركة

مشان هيك صعب بتجاوب ع سؤالك لانو عممت سوريا كلا
واذا قلنا اي رح نظلم ناس
واذا قلنا لا مارح نقول الحقيقة

Nirvana

02/12/2007, 01:19

نيرفا كلامك صحيح ما بنحكي لا ، بس كمان بوجود هل شي في تقارب بين الطوائف بسوريا بشكل عام ، بس طبعا في تفرقه بين الطوائف و في مناطق متعصبه جدا و مناطق معتدله بهل شي ..

بس انو الفكره هل نحنى فعلا طائفين ، يعني لما بتكوني بسوريا بتحسي في تميز و انت ماشيه بالشارع ، او في نظرة حقد من الجميع لألك بس لاختلاف طائفتك ؟؟

انا من خلال تجربتي سؤال كعيشه بين طوائف مختلفه او بالجامعه ما حسية بهل شي ، غير بحالات معينه و من طوائف معينه ...

ولنفرض انو يلي بسوريا بيسمى طائفيه طيب يلي بالخيج شو بنسمي ؟؟؟

انا معك .. في سوريين ما عندهم طائفية وفي سوريين عندهم ... بس بما انو في نسبة لا بأس بها من الطائفية فلا استطيع ان أقول لا ردا على السؤال ...
حاصلو .. بما انك حسيت ببعض الحالات بوجود طائفية .. اذا الطائفية موجودة ...

اما عن الخليج .. فما في داعي احكي لانو رح ندخل بموضووووووووووووع طائفي :lol:

Nirvana

02/12/2007, 01:30

عنا هون ..... في كتير عائلات مسلمة .... بتدّرس أبناءها بالدير
و بعرف كتير طالبات معاهد و جامعات مسلمات من مناطق بعيدة شوي عن مركز المدينة ... ساكنات بسكن داخلي لدير عنا
برجع و بقول ..... الشغلة نسبية حسب البيئة

طيب وانا رح اعطيك مثال على العكس .. من تجربتي الخاصة ..

انا في احد المرات اللي نزلت فيها عالشام .. كانت معي رفيقتي وهي مسلمة .. ما كانت لابسة حجاب بوقتها لكن جواز سفرها الصورة اللي فيو كانت بحجاب .. نزلنا باحد الأديرة .. واثناء اقامتنا .. حكيتني وحدة من الراهبات انو رفيقتك مسلمة وانتبهو على هالشي من الحجاب اللي بالصورة ... انا بكل سذاجة ما فكرت انو ممنوع هالشي .. لكن الظاهر انو ممنوع .. حتى ولو من تحت لتحت ...

وصل المعنى بظن..

المشكلة كمان ببعض أو يمكن بأغلب رجال الدين والراهبات والمشايخ انو هني بيعكسو هالصورة الطائفية وبيزرعوها برعاياهم وابناء طائفتهم ..

والرد السابق تبعي هو راي خاص .. بس برجع باكد انو بفضل ما يكون في حتى منهاج ديني في المدارس .. الا في حالة المدارس الخاصة كالمدارس المسيحية والاسلامية اذا بدهم ..

MadMax

02/12/2007, 02:56

طيب وانا رح اعطيك مثال على العكس .. من تجربتي الخاصة ..

انا في احد المرات اللي نزلت فيها عالشام .. كانت معي رفيقتي وهي مسلمة .. ما كانت لابسة حجاب بوقتها لكن جواز سفرها الصورة اللي فيو كانت بحجاب .. نزلنا باحد الأديرة .. واثناء اقامتنا .. حكيتني وحدة من الراهبات انو رفيقتك مسلمة وانتبهو على هالشي من الحجاب اللي بالصورة ... انا بكل سذاجة ما فكرت انو ممنوع هالشي .. لكن الظاهر انو ممنوع .. حتى ولو من تحت لتحت ... ..
اي ممكن ...
و انا قلت بردي الاول .... أنو الشغلة نسبية ..... و بتختلف حسب البيئة ....و حسب المنطقة

sezar

02/12/2007, 05:03

التقرير الجوال

02/12/2007, 05:06

MadMax

02/12/2007, 05:18

ما بصير نقول مو كل سوريا و من حارة لحارة .. السؤال جوابو .. نعم أو لا
انا جاوبت نعم ..
لما تضل عم تسمع كلام عن الوحدة الوطنية و التآخي الديني كل يوم و لما تلاقي جنب كل كنيسة اندحش جامع و جنب كل جامع بحطولك كنيسة .. و بطرقولك صور عن التآخي الديني .. كل هل شي بشكل زايد عن حدو .. فبكون في شي ..
في مقطع من مسرحية فلم أميركي طويل .. بيجي واحد بقول : له شو طائفية كلنا اخوة اسلام و مسيحية .. بقلو التاني ازا اخوة ليش كل دقيقة بتقولو أخوة .. الأخوة بيعرفو بعض بس ما بضل بناديلو يا أخي بكل لحظة ..

بتمنى تكون وصلت
ما بظن بتقدر تشمل سوريا كلها برأي واحد ..
في مناطق الحالة فيها مقبولة
بس اذا بدك تحكي عن لاطائفية مثالية .... ما رح تلاقي دولة بالعالم كلو ... لا طائفية ...و خاصة بهالايام

yass

02/12/2007, 05:29

COSTA

02/12/2007, 15:32

ما بصير نقول مو كل سوريا و من حارة لحارة .. السؤال جوابو .. نعم أو لا
انا جاوبت نعم ..
لما تضل عم تسمع كلام عن الوحدة الوطنية و التآخي الديني كل يوم و لما تلاقي جنب كل كنيسة اندحش جامع و جنب كل جامع بحطولك كنيسة .. و بطرقولك صور عن التآخي الديني .. كل هل شي بشكل زايد عن حدو .. فبكون في شي ..
في مقطع من مسرحية فلم أميركي طويل .. بيجي واحد بقول : له شو طائفية كلنا اخوة اسلام و مسيحية .. بقلو التاني ازا اخوة ليش كل دقيقة بتقولو أخوة .. الأخوة بيعرفو بعض بس ما بضل بناديلو يا أخي بكل لحظة ..

بتمنى تكون وصلت
لاء اسمحلي قلك انو كلامك مانو صح
شوف الاحمر بكلامك
هاد انو جنب كل جامع في كنيسة هي ما صارت لسا وانا ما شفتها ......
بس فيك تقول انو جنب كل كنيسة جامع
بعدين اذا كان فئة من الشعب طائفي مو معناها انو كل الشعب طائفي .....
بس مع الايام رح يتغيرو لانو وقت يواجه مشاكل بحياتو مع المجتمع بتتغير نظرتو
ياخي الكبير بيضل كبير

كلام جدا موافق عليه أنا حج سيزار....

سلامات:D:D
على انو كلام موافق ؟؟:?

yass

02/12/2007, 15:49

على انو كلام موافق ؟؟////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

على كلام حج سيزار

COSTA

02/12/2007, 16:08

على كلام حج سيزار
على راسي انت والحجي سيزار :ss:
بس ردو من شقين .....
على انو شق انت موافق .....
الا اذا كان التنين موافق عليهون
:larg:

sezar

02/12/2007, 16:26

COSTA

02/12/2007, 16:41

:lol:
عملتونا حجي

خيا كوستا انا عم احكي عن سياسة حكومة و ليس عن أشخاص ..
تعا شوف مثلا معلولا .. لك اي معلولا .. أحد أشهر الضيع المسيحية بسوريا شوف كم دير و كنيسة فيها و شوف كم جامع ... يمكن فيها 3 أديرة و جامعين ..:shock:

و بالنهايو السؤال واضح ..
هل سوريا دولة طائفية .. كان الجواب نعم
ما حدى حكا عن الشعب ;)
خيو هو يللي عملك حجي مو انا :lol:
من ناحية معلولا ذكرت انا برد الي عنها شو الوضع فيها
بس كمان لما بتقول انو سوريا دولة طائفية يعني انت عم تشمل الشعب والحكومة والسياسة وكل شي فيها طائفي ....
وانا ما بنكر انو ما عننا طائفية ..... اي عننا ونص كمان .....
بس هاد مو يعني انو الكل طائفي .....
يعني اذا بدنا نصنف سوريا انو دولة طائفية معناها مصيبة كبيرة .....
هلأ فيك تقول عن لبنان دولة طائفية ...
بس مو سوريا .....
وكمان فينا نقول افضل من هيك ....
بسوريا الطائفية موجودة .... واللاطائفية ايضا موجودة ....
ما بعرف اذا بيزبط هالتعبير

خيا كوستا انا عم احكي عن سياسة حكومة و ليس عن أشخاص ..

طيب على انو اساس انت بنيت سياسة الحكومة ؟؟
وين المعطيات يللي اثبتت هالشي من ناحية الحكومة .....

sezar

02/12/2007, 17:00

بس يصير في عنا ( ديمقراطية ) ازا السطل راد .. رح نصير أضرب من لبنان ..
و بالنسبة للـ لاطائفي فهو العلماني غير ذلك فهو طائفي

طيب على انو اساس انت بنيت سياسة الحكومة ؟؟
وين المعطيات يللي اثبتت هالشي من ناحية الحكومة .....
الجوامع مين عم يعمرا ... فتيل باب توما بالحارات .. شفلي بكل حارة فيها كنيسة و دير شو بتلاقي ..
+
حكيت برد سابق
لما تضل عم تسمع كلام عن الوحدة الوطنية و التآخي الديني كل يوم و لما تلاقي جنب كل كنيسة اندحش جامع و جنب كل جامع بحطولك كنيسة .. و بطرقولك صور عن التآخي الديني .. كل هل شي بشكل زايد عن حدو .. فبكون في شي ..
في مقطع من مسرحية فلم أميركي طويل .. بيجي واحد بقول : له شو طائفية كلنا اخوة اسلام و مسيحية .. بقلو التاني ازا اخوة ليش كل دقيقة بتقولو أخوة .. الأخوة بيعرفو بعض بس ما بضل بناديلو يا أخي بكل لحظة ..

COSTA

02/12/2007, 17:11

بس يصير في عنا ( ديمقراطية ) ازا السطل راد .. رح نصير أضرب من لبنان ..
و بالنسبة للـ لاطائفي فهو العلماني غير ذلك فهو طائفي

الجوامع مين عم يعمرا ... فتيل باب توما بالحارات .. شفلي بكل حارة فيها كنيسة و دير شو بتلاقي ..
+
حكيت برد سابق
انا حارتي باب توما وبعرفها شبر شبر .......
وشايف يللي انت عم تحكي عنو ......
بس الدولة ما عم تعمر الجوامع من خزينتها ......
في جمعيات ومتبرعين عم يعمروا ....
والموافقة بتجي منن الدولة ......
بس هون زبدة الكلام اذا بدك ...الموافقة ....
انت شو رايك ؟

Government

02/12/2007, 18:26

بسوريا الطائفية موجودة .... واللاطائفية ايضا موجودة ....
ما بعرف اذا بيزبط هالتعبير

بيزبط ونص ..
وشمل سوريا كلاااااا بالسؤال ضيع الفكرة

Nirvana

02/12/2007, 23:41

اي ممكن ...
و انا قلت بردي الاول .... أنو الشغلة نسبية ..... و بتختلف حسب البيئة ....و حسب المنطقة

ما بصير نقول مو كل سوريا و من حارة لحارة .. السؤال جوابو .. نعم أو لا
انا جاوبت نعم ..
لما تضل عم تسمع كلام عن الوحدة الوطنية و التآخي الديني كل يوم و لما تلاقي جنب كل كنيسة اندحش جامع و جنب كل جامع بحطولك كنيسة .. و بطرقولك صور عن التآخي الديني .. كل هل شي بشكل زايد عن حدو .. فبكون في شي ..
في مقطع من مسرحية فلم أميركي طويل .. بيجي واحد بقول : له شو طائفية كلنا اخوة اسلام و مسيحية .. بقلو التاني ازا اخوة ليش كل دقيقة بتقولو أخوة .. الأخوة بيعرفو بعض بس ما بضل بناديلو يا أخي بكل لحظة ..

بتمنى تكون وصلت

تماما .. وبما انو موجودة وبنسبة انا بعتبرا مو قليلة .. فإذن الجواب هو نعم ..

يعني لنوصل لمرحلة من اللاطائفية لازم تكون هالنسبة ما رح قول معدومة لانو ما في مثاليات بهالقصص .. لكن النسبة لازم تكون قليلة جدا .. وتنعكس مو بس من خلال الشعب .. كمان من خلال الحكومة والصورة العامة بالبلد .. واذا بدي فوت اكتر بالموضوع .. العلمانية حل جيد لهيك موضوع ..

ASH

03/12/2007, 00:36

انا معك .. في سوريين ما عندهم طائفية وفي سوريين عندهم ... بس بما انو في نسبة لا بأس بها من الطائفية فلا استطيع ان أقول لا ردا على السؤال ...
حاصلو .. بما انك حسيت ببعض الحالات بوجود طائفية .. اذا الطائفية موجودة ...

اما عن الخليج .. فما في داعي احكي لانو رح ندخل بموضووووووووووووع طائفي :lol:

تبع الخليج مو طائفيه هي صرنا بالتخلف الطائفي :o

هلا شوفي يا نيرفا بنرجع للحديث انو باي بلد في نسبة طائفيه و لو انها مختلفه من مكان للاخر ..

يعني عطيني شي بلد مافيها هل نوع الطائفي ولو بنسبه بسيطه !!!

ما اتوقع كمان هل سؤال الو جواب ؟؟

Nirvana

03/12/2007, 01:14

تبع الخليج مو طائفيه هي صرنا بالتخلف الطائفي :o

هلا شوفي يا نيرفا بنرجع للحديث انو باي بلد في نسبة طائفيه و لو انها مختلفه من مكان للاخر ..

يعني عطيني شي بلد مافيها هل نوع الطائفي ولو بنسبه بسيطه !!!

ما اتوقع كمان هل سؤال الو جواب ؟؟

لما تكون الطائفية بنسبة بسيطة وبين جماعات معروفة مين هيي ممكن السيطرة على هالشي .. ووقتها بنعتبر انو هالوضع جيدا ..
لكن لما تكون الطائفية موجودة بنسبة لا بأس بها وظاهرة بعدة اشكال ومنتشرة بعدة مناطق .. وعم تتوارث من جيل الى آخر .. بتكون متل القنبلة الموقوتة .. بجيها وقت وبتنفجر .. وهون الخطورة ..

انا معك انو بكل بلد في طائفية بشكل ما ..لكن قديه النسبة يا ترى؟ ووين بتم تصنيف سوريا بيناتهم؟ وبرجع بكرر ... سياسة الدولة مهمة بهذا الأمر وبكون احسن وقت يكون لهالسياسة قانون ودستور دائم .. ولهيك زكرت بسياق ردي السابق العلمانية ..

ASH

03/12/2007, 01:36

لما تكون الطائفية بنسبة بسيطة وبين جماعات معروفة مين هيي ممكن السيطرة على هالشي .. ووقتها بنعتبر انو هالوضع جيدا ..
لكن لما تكون الطائفية موجودة بنسبة لا بأس بها وظاهرة بعدة اشكال ومنتشرة بعدة مناطق .. وعم تتوارث من جيل الى آخر .. بتكون متل القنبلة الموقوتة .. بجيها وقت وبتنفجر .. وهون الخطورة ..

انا معك انو بكل بلد في طائفية بشكل ما ..لكن قديه النسبة يا ترى؟ ووين بتم تصنيف سوريا بيناتهم؟ وبرجع بكرر ... سياسة الدولة مهمة بهذا الأمر وبكون احسن وقت يكون لهالسياسة قانون ودستور دائم .. ولهيك زكرت بسياق ردي السابق العلمانية ..

انا ذكرت قبل هيك انو فعلا العلمانه افضل حل و كلامك لا غبار عليه

شوفي التصنيف تبع التوزع الديني بسوريا و حكيلي شو رايك فيه انت ..

بالنسبة للديانات، 74 % من السكان مسلمون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) سنة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) ، و 10 % علويون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) و مرشدون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// 86&action=edit)، 3% دروز (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) واسماعيليون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// 9%88%D9%86) وشيعة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) اثني عشرية (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// D8%A9)، 10% من السكان مسيحيون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) من طوائف مختلفة، وتوجد أيضا أقلية يزيدية (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) في منطقة جبل سنجار (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// %AC%D8%A7%D8%B1&action=edit) على الحدود مع العراق.

مع العلم انو المصدر هوه الوبكييديا بس مع هيك انا بشك انو التصنيف صح تمام لانو بتوقع في تنوع عنى لسى اكتر من هيك ...

هلا انا حطية هل شي بس لنقول انو في تنوع طائفي و مزهبي و ديني ، بس حجم هل طائفيه يلي ممكن نشوفها بسوريا بتوقع انها بتتناسبا طردا مع التنوع يلي عنى ...

بعدين نيرفا نحنى كدوله لو صرنا علمانيه شلون بتتوقعي اول كم سنه ممكن يكونو ؟؟؟

شاكر لك متابعتك اختي :D

COSTA

03/12/2007, 01:40

Nirvana

03/12/2007, 02:41

انا ذكرت قبل هيك انو فعلا العلمانه افضل حل و كلامك لا غبار عليه

شوفي التصنيف تبع التوزع الديني بسوريا و حكيلي شو رايك فيه انت ..

بالنسبة للديانات، 74 % من السكان مسلمون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) سنة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) ، و 10 % علويون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) و مرشدون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// 86&action=edit)، 3% دروز (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) واسماعيليون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// 9%88%D9%86) وشيعة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) اثني عشرية (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// D8%A9)، 10% من السكان مسيحيون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) من طوائف مختلفة، وتوجد أيضا أقلية يزيدية (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) في منطقة جبل سنجار (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// %AC%D8%A7%D8%B1&action=edit) على الحدود مع العراق.

مع العلم انو المصدر هوه الوبكييديا بس مع هيك انا بشك انو التصنيف صح تمام لانو بتوقع في تنوع عنى لسى اكتر من هيك ...

هلا انا حطية هل شي بس لنقول انو في تنوع طائفي و مزهبي و ديني ، بس حجم هل طائفيه يلي ممكن نشوفها بسوريا بتوقع انها بتتناسبا طردا مع التنوع يلي عنى ...

بعدين نيرفا نحنى كدوله لو صرنا علمانيه شلون بتتوقعي اول كم سنه ممكن يكونو ؟؟؟

شاكر لك متابعتك اختي :D

المشكلة الشعب ثم الشعب ثم الشعب .. لازم يصير في وعي وثقافة ..

منجي للموضوع ..

- والمشكلة كمان انو كل فئة من الفئات اللي زكرتها كمان منقسمة الى عدة اقسام .. بس بنفس الوقت بغير دول كمان في طوائف مختلفة ومتنوعة يمكن اكتر من هيك .. وكل ما ازداد الشعب وعي وثقافة وفهم للتنوع الطائفي بهالمجتمع رح يزداد تقبلو للآخر .. وكل ما كانت الدولة اوعى لهالقضية وبهمها وحدة شعبها بكل طوائفه ولديها قوانين واضحة وحازمة بهالخصوص .. رح تخف هالطائفية حتى ولو كانت مليون طائفة ..

- اكيد رح يصير رفض ومشاكل وخصوصي من بعض الجماعات لكن اذا كان المهم هوي مستقبل سوريا .. يجب تحمل هالشي وتجاوزو وتقديم التضحيات ..
ما بعرف ليش لكن بحس انو سوريا كدولة وشعب .. قد تحتمل هذه التجربة أكثر من غيرها .. يمكن لانو في نوع من هالتوجه بسوريا بالذات .. وكمان انو سيطرة الحكومة على هالشعب ممكن تفرض هالشي على الفئات اللي ممكن ترفض هالشي ..

بالطبع كلامي يحتمل الخطأ لأنه مبني على احساس .. بالنسبة للنقطة الأخيرة ..

شكرا الك :D

sezar

03/12/2007, 03:03

يا جماعة ما فيك تبني على فئة معينة من الناس وتعمموا انو سوريا دولة طائفية
يعني يللي ما بحبو الطائفية ..... ويجي واحد يقول انو شو يا اخي انتو السوريين طائفيين .... شو رح يكون موقفوكون ؟؟

لا تعمموا يا جماعة
لما يكون الكلام عن دولة فالكلام يشمكل النظام الحاكم .. بس لما بدك تحكي عن بلد فهون بتشمل الشعب ..
سؤال الاستفتاء : هل تعتقد أن الطائفية منتشرة في سوريا؟

و بشكل عام يتم النظر الى الناحية السلبية لأن النواحي الايجابية هي ايجابية و ليست مكان الضرر انما الضرر بالسلبية ( هلأ عرفت من وين بيخترعو جمل كتاب المنطق و الفلسفة :lol: )

COSTA

03/12/2007, 04:12

لما يكون الكلام عن دولة فالكلام يشمكل النظام الحاكم .. بس لما بدك تحكي عن بلد فهون بتشمل الشعب ..
سؤال الاستفتاء : هل تعتقد أن الطائفية منتشرة في سوريا؟

و بشكل عام يتم النظر الى الناحية السلبية لأن النواحي الايجابية هي ايجابية و ليست مكان الضرر انما الضرر بالسلبية ( هلأ عرفت من وين بيخترعو جمل كتاب المنطق و الفلسفة :lol: )
حلو السؤال بس منحكي فيه شوي تانية
هلأ منرجع للسؤال بس لنحكي شوي عن النظام الحاكم وعن الدولة
النظام الحاكم ما فيك تشملو مع الدولة لانو الدولة مبنية على عدة مؤسسات وقطاعات عامة وخاصة ....
وهي المؤسسات والقطاعات مرفوضة الطائفية فيها وكلنا بيعرف انو اذا حدا حكى كلمة عن الطائفية بيتحاسب عليها
اما القطاع الخاص هون فيك تشملو مع الشعب لانو خاص وملكيتو خاصة ( مو تابع لجهة حكومية )
وعندك قطاعات خاصة طائفية ومتشددة كمان لابعد الحدود
وعندك كمان قطاعات علمانية وبترفض الطائفية
هلأ منجي لسؤالك يللي شايفو انا بمحلو بس ماني موافق عليه
هل تعتقد أن الطائفية منتشرة في سوريا؟

كلمة منتشرة خطيرة يعني هون صار في نسبة كبيرة
اما اذا منقول موجودة .... اي موجودة وانا ما نكرت هالشي
بس هاد لا يعني انو كل الشعب طائفي ومبني على الطائفية ....
لانو لو كان الشعب كلو طائفي ما كنت لقيت المسلم بيشتغل مع المسيحي والمسيحي مع الدرزي والدرزي مع العلوي والعلوي مع المسيحي ............الخ
تطلع على لبنان وشوف شلون بتلاقي اهل بيروت الشرقية ما بيشترو قشة من بيروت الغربية ونفس الشي العكس .......... هي اسمها طائفية لانو معممة على الكل
بس عننا بسوريا مافي هالشي .... واذا نوجد بكون على مستوى فردي وعم يتضائل
طيب مثال تاني
في مهنة محتكرة من قبل المسيحية وهي الصاغة ......
بس من فترة صار تلاقي في صياغ اسلام وفي صياغ دروز كمان وحتى علوية ......
هاد شو اسمو ؟؟ ...... انا بقول انو تحرر من الطائفية
والناحية السلبية يللي حكيت عنها
مين المقصود فيها العلمانية او الطائفية ......
لانو مصيبة اذا حكينا عن شي وطلع العكس
:D

MadMax

03/12/2007, 04:39

تماما .. وبما انو موجودة وبنسبة انا بعتبرا مو قليلة .. فإذن الجواب هو نعم ..

لكن النسبة لازم تكون قليلة جدا .. وتنعكس مو بس من خلال الشعب .. كمان من خلال الحكومة والصورة العامة بالبلد .. ..
طيب حسب هالمعايير
هل تعتبرين........ فرنسا مثلاً .... لا طائفية ..؟؟

ASH

03/12/2007, 11:08

المشكلة الشعب ثم الشعب ثم الشعب .. لازم يصير في وعي وثقافة ..

منجي للموضوع ..

- والمشكلة كمان انو كل فئة من الفئات اللي زكرتها كمان منقسمة الى عدة اقسام .. بس بنفس الوقت بغير دول كمان في طوائف مختلفة ومتنوعة يمكن اكتر من هيك .. وكل ما ازداد الشعب وعي وثقافة وفهم للتنوع الطائفي بهالمجتمع رح يزداد تقبلو للآخر .. وكل ما كانت الدولة اوعى لهالقضية وبهمها وحدة شعبها بكل طوائفه ولديها قوانين واضحة وحازمة بهالخصوص .. رح تخف هالطائفية حتى ولو كانت مليون طائفة ..

- اكيد رح يصير رفض ومشاكل وخصوصي من بعض الجماعات لكن اذا كان المهم هوي مستقبل سوريا .. يجب تحمل هالشي وتجاوزو وتقديم التضحيات ..
ما بعرف ليش لكن بحس انو سوريا كدولة وشعب .. قد تحتمل هذه التجربة أكثر من غيرها .. يمكن لانو في نوع من هالتوجه بسوريا بالذات .. وكمان انو سيطرة الحكومة على هالشعب ممكن تفرض هالشي على الفئات اللي ممكن ترفض هالشي ..

بالطبع كلامي يحتمل الخطأ لأنه مبني على احساس .. بالنسبة للنقطة الأخيرة ..

شكرا الك :D

كمان كلامك منطقي ولو فيه عاطفه بالنص ، بس فعلا حكيك صحيح ..

لاحكيلك شي نيرفا حسب التصنيف العالمي و صدقا كان عندي ياه بس ماعد لقيتو ، سوريا تعتبر وحده من اكبر الدول بالعالم من حيث تعدد الديانات ، بعد الهند و الصين و روسيا لو ما خاب ظني و نسية ..

هلا انو في طائفيه ما حدا بينكر هل شي ولو بنسبه بسيطه ، بس كمان كتعايش سلمي بين هل طوائف موجود و الحمد لله ، يعني انا بتوقع الحال عندنا افضل من اللبنان و العراق كدول مجاوره المفروض نتأثر فيها و بيلي عم يصير فيها ..

انا بنفي الطائفيه بسوريا على هل اساس انو كمشاكل طائفيه موجوده بس مو بالحجم الكبير او المخيف متل الدول المجاوره ألنا ...

أول على اخر باي دوله في تعدد اديان بيصير هل شي ، يعني حتى بالخليج تخيلي بس على مبدأ سني و شيعي يلي هنه موجودين بس بالخليج بتلاقيهم عم يدابحو و فوتي وشوفي منتدياتهم بتعرفي هل شي ..

بتمنى تكون فكرتك وصلتك فكرتي عن انو انا ليش بقول انو في بسوريا تلاحم ولو موجود نزعات طائفيه بسيطه ...

ودمتي بود:D

لما يكون الكلام عن دولة فالكلام يشمكل النظام الحاكم .. بس لما بدك تحكي عن بلد فهون بتشمل الشعب ..
سؤال الاستفتاء : هل تعتقد أن الطائفية منتشرة في سوريا؟

و بشكل عام يتم النظر الى الناحية السلبية لأن النواحي الايجابية هي ايجابية و ليست مكان الضرر انما الضرر بالسلبية ( هلأ عرفت من وين بيخترعو جمل كتاب المنطق و الفلسفة :lol: )

انا بدي افهم ليش كل ما دق الكوز بالجره بتحكو الحكم و الحكم ، يا اخي اوكي في تطرف بس مو كل شي بنحكي الحكم ، على كلامك المفروض سوريا كلها تكون بس علويه و باقي المذاهب و الاديان ندثرت من زمان ...

انو حتى بهل موضوع بنفوت الحكم و السلطه فيه !!!

Nirvana

04/12/2007, 01:52

طيب حسب هالمعايير
هل تعتبرين........ فرنسا مثلاً .... لا طائفية ..؟؟

انا مارحت فرنسا وما عندي معلومات كفاية ..
فرنسا منعت اي دلالات دينية منعاً للطائفية ..
لكني لا أستطيع ان اجزم ان كانت هذه دوافعها الحقيقية ..
كما اني لا أعرف اذا كانت الحكومة الفرنسية ومؤسساتها الرسمية تعامل المواطنين من اصل فرنسي كما تعامل المواطنين من اصل جزائري مثلا ..
تساؤلات كثيرة .. تجعلني غير قادرة على الرد ..

كمان كلامك منطقي ولو فيه عاطفه بالنص ، بس فعلا حكيك صحيح ..

لاحكيلك شي نيرفا حسب التصنيف العالمي و صدقا كان عندي ياه بس ماعد لقيتو ، سوريا تعتبر وحده من اكبر الدول بالعالم من حيث تعدد الديانات ، بعد الهند و الصين و روسيا لو ما خاب ظني و نسية ..

هلا انو في طائفيه ما حدا بينكر هل شي ولو بنسبه بسيطه ، بس كمان كتعايش سلمي بين هل طوائف موجود و الحمد لله ، يعني انا بتوقع الحال عندنا افضل من اللبنان و العراق كدول مجاوره المفروض نتأثر فيها و بيلي عم يصير فيها ..

انا بنفي الطائفيه بسوريا على هل اساس انو كمشاكل طائفيه موجوده بس مو بالحجم الكبير او المخيف متل الدول المجاوره ألنا ...

أول على اخر باي دوله في تعدد اديان بيصير هل شي ، يعني حتى بالخليج تخيلي بس على مبدأ سني و شيعي يلي هنه موجودين بس بالخليج بتلاقيهم عم يدابحو و فوتي وشوفي منتدياتهم بتعرفي هل شي ..

بتمنى تكون فكرتك وصلتك فكرتي عن انو انا ليش بقول انو في بسوريا تلاحم ولو موجود نزعات طائفيه بسيطه ...

ودمتي بود:D

بالدول المجاورة يا اما تخلف عقلي وانت عارف متل مين :lol: أو عدم استقرار متل لبنان والعراق ..
انا رح اسألك مشان اوضح حجم المشكلة ..
هل برايك مع أول مشكلة متل هيك ما رح يصير نزاع بين هالطوائف أو بعضها بسوريا؟ هل تضمن ذلك؟

yass

04/12/2007, 02:06

هل برايك مع أول مشكلة متل هيك ما رح يصير نزاع بين هالطوائف أو بعضها بسوريا؟ هل تضمن ذلك؟

هلأ تاريخ التعايش السلمي بين الطوائف بسوريا لاجدال عليه (رغم بعض الشوائب)... يا ريتني غلطان بس لا سمح الله اذا صار شي راح يبلشو الطوائف الاسلامية ببعض (هيك رأيي)..

بالنسبة الى سؤال أحد الاصدقاء حول هل فرنسا دولة طائفية... طبعا لأ, فرنسا ليست طائفية. لأنو أول شي في دولة تتعامل مع الكل بالمثل, و ثانيا هو الثقافة. الفرنسي بيجوز يكون شوفيني أو حتى عنصري, لكن مو طائفي..

راح أعطيك مثال عملي: عائلة كاثوليكية متوسطة التدين فرنسية, و عائلة كمان كاثوليكية متوسطة التدين سورية. أكيد بالنسبة لشب مسلم عادي أسهل لألو انو لو حب بنت من أي وحدة من هالعائلتين أنو العائلة الفرنسية تتقبلو كزوج لبنتهون قبل العائلة السورية بكتير.. مع أنو الشب المسلم ممكن يكون صديق لولاد العائلة السورية و صحاب الروح للروح, يعني في تعايش و محبة و كل شي تريدو, لكن في أمور فيها حاجز اجتماعي. هالحاجز انا اسميه طائفية

Nirvana

04/12/2007, 02:26

هلأ تاريخ التعايش السلمي بين الطوائف بسوريا لاجدال عليه (رغم بعض الشوائب)... يا ريتني غلطان بس لا سمح الله اذا صار شي راح يبلشو الطوائف الاسلامية ببعض (هيك رأيي)..

بالنسبة الى سؤال أحد الاصدقاء حول هل فرنسا دولة طائفية... طبعا لأ, فرنسا ليست طائفية. لأنو أول شي في دولة تتعامل مع الكل بالمثل, و ثانيا هو الثقافة. الفرنسي بيجوز يكون شوفيني أو حتى عنصري, لكن مو طائفي..

راح أعطيك مثال عملي: عائلة كاثوليكية متوسطة التدين فرنسية, و عائلة كمان كاثوليكية متوسطة التدين سورية. أكيد بالنسبة لشب مسلم عادي أسهل لألو انو لو حب بنت من أي وحدة من هالعائلتين أنو العائلة الفرنسية تتقبلو كزوج لبنتهون قبل العائلة السورية بكتير.. مع أنو الشب المسلم ممكن يكون صديق لولاد العائلة السورية و صحاب الروح للروح, يعني في تعايش و محبة و كل شي تريدو, لكن في أمور فيها حاجز اجتماعي. هالحاجز انا اسميه طائفية

كلام لا غبار عليه .. ورأيي من رأيك .. للاسف رح تعلق بيناتهم ..

بالنسبة لفرنسا .. مثال حلو يدل على عدم الطائفية بالنسبة للشعب ..
بس بالنسبة للحكومة .. هل عندك معلومات حول هالشي .. هل تميز الحكومة الفرنسية او مؤسساتها بين مواطنيها طائفياً (خصوصا المسلمين منهم) ؟

شكرا ياس ..

yass

04/12/2007, 02:30

بس بالنسبة للحكومة .. هل عندك معلومات حول هالشي .. هل تميز الحكومة الفرنسية او مؤسساتها بين مواطنيها طائفياً (خصوصا المسلمين منهم) ؟

معلوماتي عن فرنسا انها دولة علمانية بل و علمانية جدا. لآ يوجد أي تمييز, سلبياكان أم ايجابيا تجاه المسلمين أو أي طائفة أخرى

was616im

04/12/2007, 02:39

معلوماتي عن فرنسا انها دولة علمانية بل و علمانية جدا. لآ يوجد أي تمييز, سلبياكان أم ايجابيا تجاه المسلمين أو أي طائفة أخرى
طيب و قضية منع الحجاب بفرنسا بتعتبرو انو طريقة لازالة مظاهر الطائفية و التفريق بين افراد الشعب الفرنسي ولا كيف؟؟

yass

04/12/2007, 02:46

طيب و قضية منع الحجاب بفرنسا بتعتبرو انو طريقة لازالة مظاهر الطائفية و التفريق بين افراد الشعب الفرنسي ولا كيف؟؟

صديقي الحجاب ما انمنع بفرنسا. كل واحد حر يمشي بالشارع و بكل مكان على هواه. تم منع جميع المظاهر و الرموز الدينية لكل الديانات في المدارس و المراكز الرسمية و ليس الحجاب فقط..

في هذا المجال هناك لغط و تلاعب كبير من قبل بعض فئات التيار الاسلامي و حتى تزوير للحقائق و النفاق, و سأذكر لماذا:

- في عدد من الدول العربية جميع الرموز الدينية الغير اسلامية ممنوعة أو مقيدة.
- ليس ببعيد الوقت الذي كان الحجاب ممنوعا في المدارس السورية.
- بالنسبة لفرنسا على ما أعتقد هذا القانون سار في المدارس الرسمية الممولة من قبل الدولة. يوجد مدارس خاصة دينية.

was616im

04/12/2007, 02:57

صديقي الحجاب ما انمنع بفرنسا. كل واحد حر يمشي بالشارع و بكل مكان على هواه. تم منع جميع المظاهر و الرموز الدينية لكل الديانات في المدارس و المراكز الرسمية و ليس الحجاب فقط..

في هذا المجال هناك لغط و تلاعب كبير من قبل بعض فئات التيار الاسلامي و حتى تزوير للحقائق و النفاق, و سأذكر لماذا:

- في عدد من الدول العربية جميع الرموز الدينية الغير اسلامية ممنوعة أو مقيدة.
- ليس ببعيد الوقت الذي كان الحجاب ممنوعا في المدارس السورية.
- بالنسبة لفرنسا على ما أعتقد هذا القانون سار في المدارس الرسمية الممولة من قبل الدولة. يوجد مدارس خاصة دينية.
شكرا للتوضيح
بس في سؤال ببالي و لو انو بيجوز يكون خارج الموضوع شوية
معاملة الاوروبيين للعرب على اساس انو دينهم الاسلام هو دين ارهابي ( طبعا مو الكل بس قسم كبير منهم ) هاد تحت اي بند بيندرج؟؟ مو تحت بند الطائفية؟؟