الطائفية هي تمييز أو تفريق بين مختلف أفراد الشعب على أسس دينية أو فئات أصغر ضمن دين واحد. تتراوح درجات الطائفية بين حد عدم الاعتراف بحق الوجود و المحاربة (مثل القتل على الهوية في لبنان أيام الحرب الأهلية و العراق حاليا) و التمييز لمجرد اعتبار الدين كسمة من سمات شخص ( يعني عندما تحاول تشرح شيئا ما عن شخص و تستخدم دينه كسمة من سماته لتمييزه مثل : فلان المسيحي, فلان العلوي .....الخ) و بين المثالين أمثلة كثيرة تتراوح خطورتها و شدتها.


بناءا على هذا الشرح السطحي و على مفهومك عن الطائفية, هل تعتقد أن الشعب السوري طائفي؟


شكرا:D

الشعب السوري ما كان طائفي ولكن بعد المحن والنكبات اللي مرت في على مدى ال40 سنة الماضية للاسف صارت الطائفية منتشرة بكل مكان في سوريا

يعني والله يا معلم اذا بدك تحكي بالواقع ما بعرف كيف بدي اشرحلك ياها
لانو الشغلة اولا و اخيرا بتعود للانسان نفسو
يعني في عنا بسورية عالم كتير طائفيين بس بالمقابل في كمان كتير ناس مو طائفيين
بقى هيك حسب ما انا كنت عايش بحمص بين اصدقائي اللي منهن علوي و منهن سني و منهن مسيحي و غير طوائف بقلك انو ما كان في مشاكل بيننا نهائيا و بحياتنا ما اختلفنا على شي اسمو طائفة او دين لانو هاد كان اخر همنا قصدي انو بحبك على معاملتك الي مو لدينك او لطائفتك
بس هالحكي مو يعني انو كل شباب حمص و سكانها هيك
فلذلك الامر محير
:D

الشعب السوري ما كان طائفي ولكن بعد المحن والنكبات اللي مرت في على مدى ال40 سنة الماضية للاسف صارت الطائفية منتشرة بكل مكان في سوريا
عفوا بس كلامك مو صحيح 100 % وفي امثلة كتير على هالشي
فيك تسأل كتير من الناس و كل واحد بيذكرلك عدة امثلة على هالشي
بس بنفس الوقت في الم تؤيد رايك
فبرجع بكرر كلامي و بقول انو سورية دولة محيرة و مقسومة لقسمين
قسم طائفي و قسم غير طائفي
بس شقد النسبة كمان ما بحسن اعطي رقم
:D

يعني والله يا معلم اذا بدك تحكي بالواقع ما بعرف كيف بدي اشرحلك ياها
لانو الشغلة اولا و اخيرا بتعود للانسان نفسو
يعني في عنا بسورية عالم كتير طائفيين بس بالمقابل في كمان كتير ناس مو طائفيين
بقى هيك حسب ما انا كنت عايش بحمص بين اصدقائي اللي منهن علوي و منهن سني و منهن مسيحي و غير طوائف بقلك انو ما كان في مشاكل بيننا نهائيا و بحياتنا ما اختلفنا على شي اسمو طائفة او دين لانو هاد كان اخر همنا قصدي انو بحبك على معاملتك الي مو لدينك او لطائفتك
بس هالحكي مو يعني انو كل شباب حمص و سكانها هيك
فلذلك الامر محير
:D

شكرا للرد حبيب. كنت حاط ببالي أول واحد يجاوب بهالشكل أسألوا سؤال محدد و علقت براسك:lol:


السؤال هو: هل تقبل بزواج أختك من طائفة أخرى؟؟ (لن أسألك عن دينك لأن هذا السؤال هو أبسط أشكال الطائفية)



تحية




ملاحظة ثانية: باعتقادي وجود تعايش سلمي لا يعني انعدام وجود طائفية.

شكرا للرد حبيب. كنت حاط ببالي أول واحد يجاوب بهالشكل أسألوا سؤال محدد و علقت براسك:lol:
السؤال هو: هل تقبل بزواج أختك من طائفة أخرى؟؟ (لن أسألك عن دينك لأن هذا السؤال هو أبسط أشكال الطائفية)
تحية
ملاحظة ثانية: باعتقادي وجود تعايش سلمي لا يعني انعدام وجود طائفية.
هههههههه سؤالك حلو و مو مشكلة اذا علقت براسي انا او لاء بس بتمنى هون انو اللي بدو يجاوب عالموضوع كمان يجاوبك على سؤالك هاد و بكل صراحة
يا سيدي زواج اختي من رجل من طائفة تانية انا بعارضو مو من ناحية انو انا طائفي و ما بقبل انو اختي تاخد حدا من غير طائفة و انو الحكي اللي حكيتو من شوية بس حبر على ورق
لاء
انا بعارضو من ناحية تانية واللي هيي
اولا انت بتعرف المجتمع بسورية و الناس كيف عايشة هنيك يعني ما حدا بيرحمك من لسانو و بتصير سيرتك على كل لسان
تانيا الاولاد هدول كمان رح يكونو مشكلة...يعني الاب بدو ياهن ينتموا لطائفتو و الام كمان بتحن لاهلها يا اخي و اهل البنت رح يضلو ينقو براس البنت و يحرضوها على هالشي
تالتا اهل الزوج كمان ما رح يكونو مبسوطين منها لانو من غير طائفو ولو اظهرولها غير هالشي و هاد بيسبب مشاكل كتير نحنا بغنى عنها
و لسى في اسباب تانية بس هاد اللي خطر ع بالي هلق
ف للاسباب التالية انا بعارض هالشي

على فكرة خالي متجوز وحدة من غير طائفة يعني سؤالك ما فاجأني كتير
و اذا بدك تسال لسى تفضل انا جاهز مشان ما تقول انو كلامي بالرد الاول كان حبر على ورق

:D

السؤال هو: هل تقبل بزواج أختك من طائفة أخرى؟؟ (لن أسألك عن دينك لأن هذا السؤال هو أبسط أشكال الطائفية)


هللا بدي ادحش حالي وقول رأيي .. لأن الاغلب بيصير (:shock:) من حكيي .. وسبق وانسأل هالسؤال وانا جاوبت الايجاب ..

"نعم" اقبل انو اختي تتزوج واحد من غير ديانة ..

لأن اذا شخصين حبو بعض .. فالدين ما رح يخلي العلاقة توقف .. ممكن الطرفين يحاولوا يبعدوا عن بعض بس بشان المبادئ الاجتماعية بس هني داخلياً رح يضللوا يحبوا بعض ..

فأنا ماني مستعد خلّي اختي تتعذب بشان مسألة دينية بحتة ..

اما بالنسبة للأولاد مستقبلاً .. فممكن الولد يختار الدين يللي بيعجبوا .. او ممكن يصير "لا ديني" متل خالو :lol:

وبالنسبة لأهل الزوج .. فبعتقد مو هني يللي عم يتزوجوا البنت .. ابنون هوي يللي حبها وهني مالون علاقة بموضوع عاطفي بين شخصين ..

اما بشان لسان العالم .. فـ انسى ;) .. اذا على كل شي بدنا نخاف من لسان العالم ما بدنا نعيش ..

:D

من الصعب انك تحكي عن كل الشعب السوري
يعني الشغلة بتختلف من مدينة لمدينة و أحيان من حي لحي
بس بشكل عام .... الشعب السوري أفضل حالأ من شعوب المنطقة









و مشان سؤال الزواج ... اي أكيد بقبل و هالحالة منتشرة كتير عنا هون و تعتبر أمر عادي

انا برأي لا مافي طائفيه و تفاجئة انو نسبة يلي قايلين نعم اكتر من لا

وين الطائفيه بسوريا ، اي بلد فيها نوع من الطائفيه بس بسوريا مو هل شي الكبير يعني و متل ما قال مادماكس بتختلف من منطقه لمنطقه او حاره لحاره او مدينه لمدينه ...

وبالنسبة لسؤال ياس انو بقبل اختي تتجوز من طائفه تانيه ؟ اي وين المشكله يعني ولا انا بسمح لحالي حب بنت من طائفه تانيه و بحرمها على غيري ..

بكل دول العالم في عدة طوائف مو بس سوريا ومو كل العالم عنا هون بتتاثر بموضوع الطائفة ثقافة الشباب والاهل عم تلعب دورها و جيلنا حاليا قلص المسافة كتير بها الموضوع


وانا من الناس يلي مخطوبة لشخص من غير طائفتي

طائفيه شو..؟
اختلاف مذاهب الدين الواحد يعني

هههههههه سؤالك حلو و مو مشكلة اذا علقت براسي انا او لاء بس بتمنى هون انو اللي بدو يجاوب عالموضوع كمان يجاوبك على سؤالك هاد و بكل صراحة


يا سيدي هاي عممنا الدعوة عالشباب كلهون

اولا انت بتعرف المجتمع بسورية و الناس كيف عايشة هنيك يعني ما حدا بيرحمك من لسانو و بتصير سيرتك على كل لسان

اذا الناس تحكي بالعاطل عن واحد أو وحدة "تجوز من غير ملتو" هذا يعني أنو الشعب, بشكل عام, طائفي

تانيا الاولاد هدول كمان رح يكونو مشكلة...يعني الاب بدو ياهن ينتموا لطائفتو و الام كمان بتحن لاهلها يا اخي و اهل البنت رح يضلو ينقو براس البنت و يحرضوها على هالشي


شو دخل الناس بالأولاد؟؟ ما الدين و اللادين معتقد و كل واحد حر فيه... ومن صار الدين سمة انتماء معناتو في طائفية, أو عالأقل أنا هيك بشوفها
تالتا اهل الزوج كمان ما رح يكونو مبسوطين منها لانو من غير طائفو ولو اظهرولها غير هالشي و هاد بيسبب مشاكل كتير نحنا بغنى عنها

يعني أهل الزوج ما بيهمهون أنو أختك (الحكي بشكل عام لا حدا ياخد الموضوع شخصي رجاءا) آدمية و خلوقة و مرتبة, بيهمهون أنو من خارج ملتهون. هاد مو طائفية؟؟

على فكرة خالي متجوز وحدة من غير طائفة يعني سؤالك ما فاجأني كتير

أنا ابن أب من عائلة مسلمة و أم مسيحية و صدقني خبرتي بوضعي و بوضع ناس بنفس حالتي خلتني أوصل لنتائج

و اذا بدك تسال لسى تفضل انا جاهز مشان ما تقول انو كلامي بالرد الاول كان حبر على ورق


له يا طيّب هاد رأيك و على عيننا و راسنا ليش حبر على ورق؟؟



تحية

طائفيه شو..؟
اختلاف مذاهب الدين الواحد يعني


الطائفية هي تمييز أو تفريق بين مختلف أفراد الشعب على أسس دينية أو فئات أصغر ضمن دين واحد

تسجيل متابعة

طبعا لأ برأيي
أنا شيعي سوري عشت بمنطقة نحنا فيها أقليه ورغم هالشي ما حسيت بحياتي بالتمييز الطائفي بالعكس عشنا جنب السنة والدروز والعلويه والمسيحيين وبقيه الكوكتيل الطائفي الرائع الي منحترمو ومنحبو
برأيي هالشي نابع من ثقافة الشعب السوري وترفعو عن هالسخافات الي ما بيوقع فيها غير الجهلة والمتخلفين لذلك لازم نكون صاحيين من هالأصوات الطائفيه الظلاميه ونصير متل دول العالم المتحضر الي ما عندون هيك أشياء أبدا
شكرا لقياده سوريا الي حكمت البلد بصوره غير طائفيه وما حسست حدا بالظلم أكتر من حدا :D

نعم نحن طائفيون منذ ربينا في بيوتنا

و طائفيون في التعليم المدرسي

وطائفيون في المسجد و الكنيسة

الطائفية زرعت داخلنا كبذرة يستحيل أن تنزع

انسوا قصة زواج أختي أو أختك من طائفة أخرى فلو حدث ووافقت انا فهي وهو سيخسران المجتمعين !

أليس هذا أكبر دليل على أننا طائفيون حتى النخاع

برجع بقول: باعتقادي وجود تعايش سلمي لا يعني انعدام وجود طائفية. قصدي أنو يا ريت تاخدو المعنى الواسع للطائفية. كمان تاخدو بعين الاعتبار الطائفية الايجابية ( يعني عمامنا الشوايا بالجزيرة بيعتبرو المكنسيان المسيحي أشطر بس لأنو مسيحي, و اذا فوقها أرمني يكون أحسن....) و مو قصدي بالايجابية بمعنى أنو أمر جيد انما قصدي أنك تنتظر مزايا محددة من شخص فقط لأنه من طائفة أو دين محدد

كمان تاخدو بعين الاعتبار الطائفية الايجابية
يا سيدي .... بالناقص منها و من ايجابياتها

يا سيدي .... بالناقص منها و من ايجابياتها


ما هيك قصدي بالايجابية, شرحت قصدي بمصطلح الطائفية الايجابية فوق


تحية

كلمتين خفاف نضاف...

سوريا طائفية حتى العظم...شعبا وحكومة

نحن رب الطائفية...وللاسف...

بس كلو ع بردى...بالاخير

ما هيك قصدي بالايجابية, شرحت قصدي بمصطلح الطائفية الايجابية فوق


تحية
اي ... ما أنا عن هيك عم احكي :o
عنا هون واحد أرمني ( يمكن هو أغبى أرمني بسوريا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) على اساس بصلح برادات
نزع برادات طرطوس كلها :frown:.... و لهلأ العالم بتروح لعندو ... بس لأنو أرمني :pos:
و الأحلى من هيك ... أنو هالسنة فتح معمل برادات :sick:

الموضوع نسبي يعني ممكن تعبر عن كلمة بطائفية
اوقات بتكون واقف مع واحد وبيعرف انك من طائفتو وقت بتعرفو على اي حدا اول سؤال بيسئلك ياه ( من جماعتنا )
ولو ما اتعامل معو على هاد الاساس بس بيكفي احساسو الداخلي بالطائفية
يعني عند الشعب السوري في شعور بالطائفية بس مافي تعامل سلبي بالطائفية
اما بالنسبة للسؤال فهاد امر كتير عادي وعنا بعيلتنا كوكتيل طوائف شو الطائفة اللي بتخطر عبالك بتلاقي

نعم نحن طائفيون منذ ربينا في بيوتنا

و طائفيون في التعليم المدرسي

وطائفيون في المسجد و الكنيسة

الطائفية زرعت داخلنا كبذرة يستحيل أن تنزع

انسوا قصة زواج أختي أو أختك من طائفة أخرى فلو حدث ووافقت انا فهي وهو سيخسران المجتمعين !

أليس هذا أكبر دليل على أننا طائفيون حتى النخاع

بحيات الله هاد رد منطقي ، يعني يا انت عم تحكي عن بلد غير سوريا

يا اما رادد بعشوائيه حتى النخاع


--------------------

ياس هي مو طائفيه اخي كل واحد بيساعد يلي من نفس بلدو يعني مو طائفيه بمعنى طائفيه ، اخي المسيحي بيحب يفيد المسيحي ، و المسلم بيفيد المسلم ، و انت بتفيد ولاد عمك ، و انا بفيد خوالي ، يعني هي طبيعه بالبني ادم

بحيات الله هاد رد منطقي ، يعني يا انت عم تحكي عن بلد غير سوريا

يا اما رادد بعشوائيه حتى النخاع



انا معك بها الحديث :deal:

لانو كل حياتنا عايشين بسوريا ولا مرة حسيت بالطائفية يلي بيحكي فيها

كل رفائتنا من كل الملل والطوائف ما في تفرقة

لم نشعر بالطائفية بمعناها بالسابق تربينا ان نحافظ على شعور الأخر لا بل تدليله لكن لم نناقش يوما معتقدات الأخر
لكن في خضام المنتديات والنقد الجارح للاسلام يجعلنا ننكمش على أنفسنا ونعيد حساباتنا وها الشي ينبغي للأخر أن يضعه في منظوره

من خبرتي .. نعم ..

عبر التاريخ صار احداث كتير طائفية بسوريا
بس هاد ما بيعني انو سوريا كدولة طائفية او مبنية على الطائفية والتوزريع الطائفي ....
وهي شغلة منيحة بحق الشعب
بس انو في كتير ناس طائفيين بسوريا .....
وفي كتير ناس غير طائفين .....
وكمان في ناس متعصبين لدينون .... بس هاد ما بيعني التعصب انو يكون طائفي .....
والمشكلة هون بالناس يللي عقلها صغير
ومن هاد الموضوع بدي احكي شغلة كانت تصير بالمدارس ايام زمان .... ما بعرف اذا موجودة هلأ
كان ضمن المنهاج الدراسي في مادة اسمها التربية الاسلامية +التربية المسيحية
لما يصير وقت الحصة الدينية ... بتلاقي كل صار في فصل بين الطلاب .....
يعني بتلاقي طلاب احدى الطائفتين انفصلو بصف اخر عن طلاب الطائفة التانية
وهاد انا بشوفو بعزز على الطائفية ....
طيب ليش ما الطلاب بيدرسو المادتين سوى ..... حتى تكون التنشئة فيها وعي وقبول للاخر .....

ومن هاد الموضوع بدي احكي شغلة كانت تصير بالمدارس ايام زمان .... ما بعرف اذا موجودة هلأ
كان ضمن المنهاج الدراسي في مادة اسمها التربية الاسلامية +التربية المسيحية
لما يصير وقت الحصة الدينية ... بتلاقي كل صار في فصل بين الطلاب .....
يعني بتلاقي طلاب احدى الطائفتين انفصلو بصف اخر عن طلاب الطائفة التانية
وهاد انا بشوفو بعزز على الطائفية ....
طيب ليش ما الطلاب بيدرسو المادتين سوى ..... حتى تكون التنشئة فيها وعي وقبول للاخر .....
اي لسه موجودة هالشغلة للاسف
وانا معك انها شغلها بتباعد كتير بين الديانتين
وفي شي بيجلط اكتر انو من فترة في ناس طالبت انو حتى التربية الاسلامية تنقسم لاكتر من جزء ويصير ينفصل الطلاب المسلمين بهي الحصة عن بعض حسب الطائفة :frown:بس الحمدلله مامشي الحال ومابظن انو ممكن يمشي

وبالعودة للموضوع بظن انو الشعب السوري طائفي وبدرجة مو قليلة وممكن تحت ظروف معينة نوصل لمرحلة فقدان الامن حتى :cry:

عبر التاريخ صار احداث كتير طائفية بسوريا
بس هاد ما بيعني انو سوريا كدولة طائفية او مبنية على الطائفية والتوزريع الطائفي ....
وهي شغلة منيحة بحق الشعب
بس انو في كتير ناس طائفيين بسوريا .....
وفي كتير ناس غير طائفين .....
وكمان في ناس متعصبين لدينون .... بس هاد ما بيعني التعصب انو يكون طائفي .....
والمشكلة هون بالناس يللي عقلها صغير
ومن هاد الموضوع بدي احكي شغلة كانت تصير بالمدارس ايام زمان .... ما بعرف اذا موجودة هلأ
كان ضمن المنهاج الدراسي في مادة اسمها التربية الاسلامية +التربية المسيحية
لما يصير وقت الحصة الدينية ... بتلاقي كل صار في فصل بين الطلاب .....
يعني بتلاقي طلاب احدى الطائفتين انفصلو بصف اخر عن طلاب الطائفة التانية
وهاد انا بشوفو بعزز على الطائفية ....
طيب ليش ما الطلاب بيدرسو المادتين سوى ..... حتى تكون التنشئة فيها وعي وقبول للاخر .....

انو كيف التنين بنفس الوقت بدهم يدرسوها ، لاتنسى اخي الطفل صعب ياخود تنشئه دينيه على مسارين

يعني نحنى كبار بس الطفل هيك لح يصير عندو تشتيت ذهني و ديني

وهل شي ما بشوفو بيعزز الطائفيه لانو من خلال المادتين ممكن يدرسو التسامح بين الاديان


بعدين الكل عم يقول دوله طائفيه وين الطائفيه بالموضوع ، انو ارجوني صور لهل طائفيه طيب ، في اختلافات و مشاكل هي بتصير بكل البلدان ، بس صور طائفيه وين ؟؟

اي لسه موجودة هالشغلة للاسف
وانا معك انها شغلها بتباعد كتير بين الديانتين
وفي شي بيجلط اكتر انو من فترة في ناس طالبت انو حتى التربية الاسلامية تنقسم لاكتر من جزء ويصير ينفصل الطلاب المسلمين بهي الحصة عن بعض حسب الطائفة :frown:بس الحمدلله مامشي الحال ومابظن انو ممكن يمشي

وبالعودة للموضوع بظن انو الشعب السوري طائفي وبدرجة مو قليلة وممكن تحت ظروف معينة نوصل لمرحلة فقدان الامن حتى :cry:

انا بدي افهم شو تعريفكن للطائفيه
المسيحيه ديانه بتتفرع منها عده طوائف
الاسلام كمان هيك
بس لمل نقول طائفيه بين الديانتين....!؟
يا ريت تفسروها

انا بدي افهم شو تعريفكن للطائفيه
المسيحيه ديانه بتتفرع منها عده طوائف
الاسلام كمان هيك
بس لمل نقول طائفيه بين الديانتين....!؟
يا ريت تفسروها

بظن فسرها ياس هون وبشكل كتير واضح :?

الطائفية هي تمييز أو تفريق بين مختلف أفراد الشعب على أسس دينية أو فئات أصغر ضمن دين واحد

اي لسه موجودة هالشغلة للاسف
وانا معك انها شغلها بتباعد كتير بين الديانتين
وفي شي بيجلط اكتر انو من فترة في ناس طالبت انو حتى التربية الاسلامية تنقسم لاكتر من جزء ويصير ينفصل الطلاب المسلمين بهي الحصة عن بعض حسب الطائفة :frown:بس الحمدلله مامشي الحال ومابظن انو ممكن يمشي

وبالعودة للموضوع بظن انو الشعب السوري طائفي وبدرجة مو قليلة وممكن تحت ظروف معينة نوصل لمرحلة فقدان الامن حتى :cry:
اهم شي الوعي عند الشباب ........
لانون هو يللي بيقدر يوقف بوجه كل انواع الطائفية
انو كيف التنين بنفس الوقت بدهم يدرسوها ، لاتنسى اخي الطفل صعب ياخود تنشئه دينيه على مسارين

يعني نحنى كبار بس الطفل هيك لح يصير عندو تشتيت ذهني و ديني

وهل شي ما بشوفو بيعزز الطائفيه لانو من خلال المادتين ممكن يدرسو التسامح بين الاديان


بعدين الكل عم يقول دوله طائفيه وين الطائفيه بالموضوع ، انو ارجوني صور لهل طائفيه طيب ، في اختلافات و مشاكل هي بتصير بكل البلدان ، بس صور طائفيه وين ؟؟
هو مشان الدراسة بعتقد انو اجتمعو رجال الدين مشان يحطو منهاج دراسي يكون مقبول ويقدر الطفل يستوعبو ... هي بتصير
ومتل ما هنن مجتمعين مشان الحوار الاسلامي المسيحي ... مارح يكونو عاجزين عن منهاج متفق عليه بين الطرفين ....
يعني انا بشوفها شغلة ممتازة ...
لانو بتخلي الطرفين يكون عندون اطلاع على بعض
انا بدي افهم شو تعريفكن للطائفيه
المسيحيه ديانه بتتفرع منها عده طوائف
الاسلام كمان هيك
بس لمل نقول طائفيه بين الديانتين....!؟
يا ريت تفسروها
التفرع بنفس الدين هاد اسمو مذهبية .....
اما الطائفية هي بتكون بين دينين مختلفين

بظن فسرها ياس هون وبشكل كتير واضح :?

هيك انت صح

كان بدياكي نحكي هيك
منشان تصلحو كلامكن عن الطائفيه بين ديانتين مختلفتين
لأنه مافي طائفيه بين ديانتين مختلفتين
و ما اسمها طائفيه اما يكون الحكي عن عداء أو اختلاف بيين الديانات

هيك انت صح

كان بدياكي نحكي هيك
منشان تصلحو كلامكن عن الطائفيه بين ديانتين مختلفتين
لأنه مافي طائفيه بين ديانتين مختلفتين
و ما اسمها طائفيه اما يكون الحكي عن عداء أو اختلاف بيين الديانات

يا أخي حكينا أنو الطائفية على الأقل بالنسبة الي مو شرط تكون عداء.... التعايش السلمي ما اختلفنا عليه, قصدي بالطائفية أو المذهبية (وزعوهون على كيفكون مع اني أعتقد انو الطائفية تصلح لكلا الحالتين) اعطاء دين الشخص قيمة عند التعامل معه لشيء ما (ممكن هالفرق يكون ايجابي و سلبي, حطينا مثال انو المكنسيان المسيحي دايما شغال لأنو هيك....الفكرة انهون شاطرين)

اهم شي الوعي عند الشباب ........
لانون هو يللي بيقدر يوقف بوجه كل انواع الطائفية

هو مشان الدراسة بعتقد انو اجتمعو رجال الدين مشان يحطو منهاج دراسي يكون مقبول ويقدر الطفل يستوعبو ... هي بتصير
ومتل ما هنن مجتمعين مشان الحوار الاسلامي المسيحي ... مارح يكونو عاجزين عن منهاج متفق عليه بين الطرفين ....
يعني انا بشوفها شغلة ممتازة ...
لانو بتخلي الطرفين يكون عندون اطلاع على بعض

التفرع بنفس الدين هاد اسمو مذهبية .....
اما الطائفية هي بتكون بين دينين مختلفين

faith=belife=idiology=مذهب

يعني متل ما تقول
my faith is ISLAM=معتقدي او ديانتي الاسلام
أما
Sectarianism=طائفيه
متل ما تقول
I'm christian anglican= انا مسيخي من الطائفه الانجيليه

بظن يا شباب كلامكن بدو تعديل:D

ماني ملم باللغة العربية لكن أعتقد انو مصطلح الطائفية ينفع لكلا الحالتين: التفريق بين الأديان و بين أجزاء الأديان

ماني ملم باللغة العربية لكن أعتقد انو مصطلح الطائفية ينفع لكلا الحالتين: التفريق بين الأديان و بين أجزاء الأديان

حبيب قلبي انت
الطائفه هي مجموعه متفرّده من دين واحد بتاخد صبغه معينه _الاختلاف عن البقيه بشيئ, أو التميز أو التفرد بشيئ_وكمان الطائفه= الملّه

بس المذهب أشمل بكتير
يعني بالتحديد متل ما تقول "مذهبي الاسلام"

أما معرفه معنى طائفه, فبظن بدنا قاموس لسان العري أو المحيط:lol:
كمان أنا متلك و متل 80% من العرب يلّي ما بيعرفو المعاني الدقيقه لكتير كلمات عربيه
و اهلا و سهلا فيك

انو كيف التنين بنفس الوقت بدهم يدرسوها ، لاتنسى اخي الطفل صعب ياخود تنشئه دينيه على مسارين

يعني نحنى كبار بس الطفل هيك لح يصير عندو تشتيت ذهني و ديني

وهل شي ما بشوفو بيعزز الطائفيه لانو من خلال المادتين ممكن يدرسو التسامح بين الاديان


بعدين الكل عم يقول دوله طائفيه وين الطائفيه بالموضوع ، انو ارجوني صور لهل طائفيه طيب ، في اختلافات و مشاكل هي بتصير بكل البلدان ، بس صور طائفيه وين ؟؟


مشان تدريس الاديان في المدارس .. ما بظن في ضرورة الها .. يمكن تدريسها في المدارس الخاصة المسيحية أو الاسلامية فقط .. هاد بالطبع رأيي الخاص ..

لكن بالنسبة للطائفية آش ما ضروري يصير فيها عنف ودم مشان نقول: ايه في طائفية ..
وايه موجودة في كتير بلدان .. بس هالشي ما ببعد فكرة انو الطائفية موجودة بسوريا متلها متل غير بلدان ...
المشكلة لو انو هالطائفية عم تبرز للخارج بشكل مظاهر معينة .. رح يسهل استئصالها والتعامل معها .. لكن عندما تكون الطائفية متأصلة في الباطن ولما كل طائفة تكره الطائفة الاخرى أو تعاديها .. الخ ويمتد الامر إلى الأبناء فبالنهاية رح تحصل على مجتمع مقسوم إلى عدة طوائف وبأول فرصة تسنح لهم رح تظهر صور الطائفية اللي عم بطالب فيها وبأبشع أشكالها ..

مشان تدريس الاديان في المدارس .. ما بظن في ضرورة الها .. يمكن تدريسها في المدارس الخاصة المسيحية أو الاسلامية فقط .. هاد بالطبع رأيي الخاص ..

لكن بالنسبة للطائفية آش ما ضروري يصير فيها عنف ودم مشان نقول: ايه في طائفية ..
وايه موجودة في كتير بلدان .. بس هالشي ما ببعد فكرة انو الطائفية موجودة بسوريا متلها متل غير بلدان ...
المشكلة لو انو هالطائفية عم تبرز للخارج بشكل مظاهر معينة .. رح يسهل استئصالها والتعامل معها .. لكن عندما تكون الطائفية متأصلة في الباطن ولما كل طائفة تكره الطائفة الاخرى أو تعاديها .. الخ ويمتد الامر إلى الأبناء فبالنهاية رح تحصل على مجتمع مقسوم إلى عدة طوائف وبأول فرصة تسنح لهم رح تظهر صور الطائفية اللي عم بطالب فيها وبأبشع أشكالها ..

في اولويات أهم بكتير من الطائفيه بسوريا
منشان هيك مارح تكون اي طائفيه بسوريا و لا باي وقت من الاوقات

ايه

و أنا ما برضى إختي تتزوج واحد من غير طائفة ؛؛ يعني انخطبت لواحد من غير مدينة و بالزوووور لانبلعت معي ؛؛ علماً إنـّـو هالواحد الصديق رقم 1 عندي ؛؛ و هاد دليل لحكي yass غنو التعايش السلمي ما بيعني انعدام الطائفية يعني نفس الشخص مستعد اقبلو صديق بس ما برضى يكون زوج إختي !

---
على الهامش؛؛ ممكن اللي ادّعوا إنـّـو ما في طائفيـّـة يعلـّـلوا أو يبرهنوا لأن من هون لبين ما يبرهنوا أنا بئول عنهن كذّابين!

:melody:

®

يعني نفس الشخص مستعد اقبلو صديق بس ما برضى يكون زوج إختي !


بالضبط هاد قصدي

يعني و لا تؤاخذني...

لم أفهم وجه اعتراضك على ماذكر

ذكر في الرد عدة نقاط فهل لك أن تدحضها بدلاً من الرد بهذا الأسلوب؟!


بحيات الله هاد رد منطقي ، يعني يا انت عم تحكي عن بلد غير سوريا

يا اما رادد بعشوائيه حتى النخاع


--------------------

ياس هي مو طائفيه اخي كل واحد بيساعد يلي من نفس بلدو يعني مو طائفيه بمعنى طائفيه ، اخي المسيحي بيحب يفيد المسيحي ، و المسلم بيفيد المسلم ، و انت بتفيد ولاد عمك ، و انا بفيد خوالي ، يعني هي طبيعه بالبني ادم

يعني و لا تؤاخذني...


لم أفهم وجه اعتراضك على ماذكر


ذكر في الرد عدة نقاط فهل لك أن تدحضها بدلاً من الرد بهذا الأسلوب؟!


لا تّعب حال في كتير هون للحكي و بس

مشان تدريس الاديان في المدارس .. ما بظن في ضرورة الها .. يمكن تدريسها في المدارس الخاصة المسيحية أو الاسلامية فقط .. هاد بالطبع رأيي الخاص ..

لكن بالنسبة للطائفية آش ما ضروري يصير فيها عنف ودم مشان نقول: ايه في طائفية ..
وايه موجودة في كتير بلدان .. بس هالشي ما ببعد فكرة انو الطائفية موجودة بسوريا متلها متل غير بلدان ...
المشكلة لو انو هالطائفية عم تبرز للخارج بشكل مظاهر معينة .. رح يسهل استئصالها والتعامل معها .. لكن عندما تكون الطائفية متأصلة في الباطن ولما كل طائفة تكره الطائفة الاخرى أو تعاديها .. الخ ويمتد الامر إلى الأبناء فبالنهاية رح تحصل على مجتمع مقسوم إلى عدة طوائف وبأول فرصة تسنح لهم رح تظهر صور الطائفية اللي عم بطالب فيها وبأبشع أشكالها ..

نيرفا كلامك صحيح ما بنحكي لا ، بس كمان بوجود هل شي في تقارب بين الطوائف بسوريا بشكل عام ، بس طبعا في تفرقه بين الطوائف و في مناطق متعصبه جدا و مناطق معتدله بهل شي ..

بس انو الفكره هل نحنى فعلا طائفين ، يعني لما بتكوني بسوريا بتحسي في تميز و انت ماشيه بالشارع ، او في نظرة حقد من الجميع لألك بس لاختلاف طائفتك ؟؟

انا من خلال تجربتي سؤال كعيشه بين طوائف مختلفه او بالجامعه ما حسية بهل شي ، غير بحالات معينه و من طوائف معينه ...

ولنفرض انو يلي بسوريا بيسمى طائفيه طيب يلي بالخيج شو بنسمي ؟؟؟


يعني و لا تؤاخذني...


لم أفهم وجه اعتراضك على ماذكر


ذكر في الرد عدة نقاط فهل لك أن تدحضها بدلاً من الرد بهذا الأسلوب؟!


كل الرد تبعك مو منطقي يا صاحبي ..

يعني شلون طائفين بالكنيسه و الجامع ؟؟

كيف بزرة الطائفيه زرعة في داخلنا من الصغر فهمني ياهم اكتر شرحلنا ...

لا تّعب حال في كتير هون للحكي و بس

طبيعي انت شو كول يا رجل ، بس تقرأ ردو يلي انا علقة عليه بتفهم شو قصدة بس مو توصل للصفحا رقم 3 و تحطلي هيك رد ، و اكيد الكل هون للحكي وبس ، لكن شو بدهم يحكو و ينطو مثلا مو اسمو منتدى ، ساحة حوار ...

بتمنى تفهم المقصود من ردودي تاني مره قبل ما تعلق و شكرا

ولنفرض انو يلي بسوريا بيسمى طائفيه طيب يلي بالخيج شو بنسمي ؟؟؟

بالخليج تخلّف طبعا

مو ضروري يا آش انو يكون فيها الشغلة حقد و عنف منشان يصير في طائفية.... صار قايل كذا مرة انو التعايش السلمي لا يعني عدم و جود طائفية



بكفي أنو بنفكّر أنو كل شي واحد علوي موظف بأي منطقة خارج الساحل مدعوم و فوق راسو ريشة..... و لا تقولولي هاد مو تفكير عام!!!

ياس حبيبي كلامك صحيح

هلا هون صار اسمها مو طائفيه ، هيك صار اسمها تميز طائفي ، يعني انا عم ميز ابناء طائفتي عن غيرهم من الطوائف الاخرى ... لانو انت هيك عم تميز يلي من نفس الطائفه ، متل ماي واحد بيميز اخو عن ولاد عمو و ولاد عمو عن الغريب ولا شو رايك ؟؟

بس انا قصدي ياس انو نحنى بسوري عنى طائفيه بشكل عنف او بشكل كره فهمت انا شو سؤالي ، انا فهمان كلامك انت شو بس انو انا سؤالي بيدور حول هل نقطين هدول ...

بشكل عنف مافي, بشكل كره في بس بنسبة نوعا ما قليلة (وبازدياد هالنسبة....على فكرة)

التمييز الطائفي هو شكل من أشكال الطائفية أنا بعتبرو

مشان تدريس الاديان في المدارس .. ما بظن في ضرورة الها .. يمكن تدريسها في المدارس الخاصة المسيحية أو الاسلامية فقط .. هاد بالطبع رأيي الخاص .. ..
عنا هون ..... في كتير عائلات مسلمة .... بتدّرس أبناءها بالدير
و بعرف كتير طالبات معاهد و جامعات مسلمات من مناطق بعيدة شوي عن مركز المدينة ... ساكنات بسكن داخلي لدير عنا
برجع و بقول ..... الشغلة نسبية حسب البيئة

أنا برأي أنو طبيعة الانسان بتخلي يميل للطائفية بشكل عام و ما بيقبل بسهولة
المختلف عنو بشكل أو بـاخر
بس من أهم معايير تحضر المجتمعات هو تقبل الاخر طالما حريته ما بتتعدى حقوق و حرية الاخرين
و هالشي بينقصنا بسورية و الدليل أحداث رش الصبايا بالأسيد :jakoush:



أما عن الزواج من غير دين فبضل موجود دائما حاجز البيئة المختلفة بين الزوجين
و المشاكل على تنشئة الاطفال الا لما بتنازل أحد الطرفين عن تمرير معتقدتاته لأطفاله و هالشي غلط
و الحل هو تنشئة الطفل على معرفة الدينين و ترك حرية الاختيار للطفل عندما يصبح قادر عليه و هيك بكونوا هالأطفال من أفضل الأشخاص لما يكبروا :D


و أنا بشجع الزواج المختلط للأشخاص العاقلين يلي بيقدروا يتحملوا مسؤولية هيك خطوة :D


ياسمين

بما انــّك استثنيت التعايش السلمي ...

فـ اي ، في طائفيــّة بسوريا ... وعم تزيد كمان ..

واكبر مثال - للي مو مصدّق بعدو - اعضاء المنتدى هاد ، وتعاملون بين بعض ومشاكلون ، اغلبها اساسها طائفي ..
وهالشي ما بيجي من فراغ او من عدم ، كل واحد فينا جاية من بيئة مختلفة وحامل معو معتقداتو وافكارو واللي معها صعب يتقبّل / يتأقلم مع وجود الآخر بافكارو المغايرة الو ..