هل سوريا دولة طائفية؟ [الأرشيـــــف] - صفحة 3

yass

04/12/2007, 03:09

was616im

04/12/2007, 03:14

معاملة الأوربيين للعرب على اساس انو دينهون ارهابي؟؟ ما في شي من هالحكي, على الأقل بأوربا الغربية, و لو هالكلام صحيح كان ما ظل مغربي باسبانيا بعد تفجيرات مدريد بال2004.. و ما حدا ضايقهون و أنا شايف بعيني, ما حدا حكالي.

ما في تمييز ديني باوربا, في بالكتيرة بعض انواع التمييز العنصري لدى فئات قليلة جدا و محدودة...
ههمممم....بيجوز معك حق لانو باوروبا الغربية الناس عندها احتكاك بالعرب قبل احداث ايلول و مدريد و غيرهن من زمان فلذلك ما صار هداك التغيير الكبير و الملحوظ بالمعاملة
انا عم احكي عن شريحة لا باس بها باوروبا الشرقية
و بالنسبة لفئات التمييز العنصري باوروبا الشرقية مانها صغيرة و مانها محدودة ...شايف بعيني كمان و حياتك و ما حدا حكالي ...
مرة تانية شكرا لتصحيح المعلومة :D

yass

04/12/2007, 03:17

ههمممم....بيجوز معك حق لانو باوروبا الغربية الناس عندها احتكاك بالعرب قبل احداث ايلول و مدريد و غيرهن من زمان فلذلك ما صار هداك التغيير الكبير و الملحوظ بالمعاملة
انا عم احكي عن شريحة لا باس بها باوروبا الشرقية
و بالنسبة لفئات التمييز العنصري باوروبا الشرقية مانها صغيرة و مانها محدودة ...شايف بعيني كمان و حياتك و ما حدا حكالي ...
مرة تانية شكرا لتصحيح المعلومة :D

بالنسبة لبولونيا أعتقد انو الوضع مختلف. هلأ باسبانيا في كتير بولونيين و المعروف عنهون انهون بشكل عام منغلقين و متشددين دينيا و حتى عنصريين ( أغلبهون عمال بناء, و دايما متشاكلين مع المغاربة)

يا زلمة من شوفة التوأم هدول اللي حاكمينهون بيبين مع العالم, كتير هالجوز سمعتهون سيئة

was616im

04/12/2007, 10:16

بالنسبة لبولونيا أعتقد انو الوضع مختلف. هلأ باسبانيا في كتير بولونيين و المعروف عنهون انهون بشكل عام منغلقين و متشددين دينيا و حتى عنصريين ( أغلبهون عمال بناء, و دايما متشاكلين مع المغاربة)

يا زلمة من شوفة التوأم هدول اللي حاكمينهون بيبين مع العالم, كتير هالجوز سمعتهون سيئة
هههههههههههههههه عجبتني كلمة هالتوأم
هدول نجحوا بواسطة رجال الدين اللي لعبو بعقول الناس الكبيرة بالعمر(على اعتبار ان هدول فئة كبيرة كتير ببولونيا ) و استغلوا الدين كوسيلة للنجاح بالانتخابات للوصول الى الحكم

ASH

04/12/2007, 10:19

انا مارحت فرنسا وما عندي معلومات كفاية ..
فرنسا منعت اي دلالات دينية منعاً للطائفية ..
لكني لا أستطيع ان اجزم ان كانت هذه دوافعها الحقيقية ..
كما اني لا أعرف اذا كانت الحكومة الفرنسية ومؤسساتها الرسمية تعامل المواطنين من اصل فرنسي كما تعامل المواطنين من اصل جزائري مثلا ..
تساؤلات كثيرة .. تجعلني غير قادرة على الرد ..

بالدول المجاورة يا اما تخلف عقلي وانت عارف متل مين :lol: أو عدم استقرار متل لبنان والعراق ..
انا رح اسألك مشان اوضح حجم المشكلة ..
هل برايك مع أول مشكلة متل هيك ما رح يصير نزاع بين هالطوائف أو بعضها بسوريا؟ هل تضمن ذلك؟

نيرفا بالنسبه لو صار هل شي بسوريا ، انا معك لح يير تضارب و مليون قصه بس مو متل العراق مثلا ، لانو بتوقع اكتر ناس لح تعمل مشاكل الاسلامين المتطرفين متل جماعة الاخوان يلي لح يصيرو يقتلو كل واحد مو تارك دأنو مثلا و هلما جرا ..

بس كمان كنسبة وعي كبيره بين لاسورين في كتير لح يدارو هل مشكله ، يعني هل شي او الطائفيه لح تكون بمناطق و مناطق فهمتي علي كيف ... بس برجع بقول بسوريا هل شي لو صار لح يكون علىى نطاق ديق انا هاد راي الشخصي ...

بس برايك بدوله كتير بالشعب عم ينادي بالعلمانيه ممكن يصير هل شي طيب ؟؟؟

ياس بس تعقيب على كلامك

هلا اول شي المثال يلي طرحتو تبع العائلتين المسيحتين انا بايدك بهل حكي ميه بالميه و كلامك صحيح مافي اختلاف

بس على انو فرنسا دوله مو طائفيه و فيها تميز انا مو مع هل حكي ، لانو نمنع الحجاب بفرنسا و قامت مظاهرات على هل شي ، و الشرطه شلحة البنمات الحجاب بالقوه لانو بيعبر عن رمز ديني ..
انا براي فرنسا عندهم عنصريه و تعصب و في كتير شغلات بتثبت هل شي

yass

04/12/2007, 10:42

هلا اول شي المثال يلي طرحتو تبع العائلتين المسيحتين انا بايدك بهل حكي ميه بالميه و كلامك صحيح مافي اختلاف

بس على انو فرنسا دوله مو طائفيه و فيها تميز انا مو مع هل حكي ، لانو نمنع الحجاب بفرنسا و قامت مظاهرات على هل شي ، و الشرطه شلحة البنمات الحجاب بالقوه لانو بيعبر عن رمز ديني ..
انا براي فرنسا عندهم عنصريه و تعصب و في كتير شغلات بتثبت هل شيروح اشرب قهوة و رجاع:p

يا أخي الحجاب ما انمنع بفرنسا يا عيني الله يخليك.... بالشارع و ببيتك و بالكافتريا و بالسوبر ماركت روح امشي كيف ما بدك. انمنعت الرموز الدينية جميعا بالمدارس الحكومية و مراكز الدولة.. في فرق يا حبيبي الله يخليك.. بعدين وين صارت انو الشرطة شلّحت البنات بالقوة؟؟؟ بفرنسا؟؟ لا و الله مو صحيح هالحكي... يعني بالكتيرة لما البنت توصل محجبة عالمدرسة بيبعتوها عالبيت, هاي بالكتيرة

شو شايف الشرطة بفرنسا؟ سرايا الدفاع؟؟؟ ما بيصير بأوربا شرطي يلمسك بدون اذن قضائي

انا براي فرنسا عندهم عنصريه و تعصب و في كتير شغلات بتثبت هل شي

يا أخي الفرنسي بشكل عام شوفيني مو عنصري.. يعني أول ما يتغالظ يتغالظ على باقي الاوربيين قبل ما يتغالظ عالأفارقة أو الآسيويين.. هاي مو عنصرية, بعدين أقصى ما يعملو أنو مثلا يكون بارد معك بس ما فيو يرفض يتعامل معك

ASH

04/12/2007, 12:50

yass

04/12/2007, 12:53

هاي الصورة مو بفرنسا, هاد مو لباس الجندرمة الفرنسية.... بعدين الله عليم شو قصة هالصورة و حاطينها على انو قال بفرنسا نزع الحجاب بالشوارع

التقرير الجوال

04/12/2007, 13:02

الججاب ممنوع بالمرافق العامه الفرنسيه متل المدرسه و الشغل و غيره
الفرنسيين عملو احصاءات مستقبليه شافو فيها بان المسلمين رح يشكلو الغالبيه بـ 2010 أو هيك شي
منشان هيك يا اعزائي, فرنسا عنصريه و طائفيه و كل شي

التقرير الجوال

04/12/2007, 13:04

اما ما بظن بأنو هدول شرطه.!

yass

04/12/2007, 13:05

التقرير الجوال

04/12/2007, 13:09

فرنسا عنصرية و طائفية؟؟ الله يسامحك....

بتذكر أخي ياس البنت المسلمه لما غصبوها تشلح الجاب لما تكون بالمدرسه, و كمان طردوها لحتى تداوم من دون حجاب.

هي قصه واقعيه صارت بفرانسا

yass

04/12/2007, 13:20

بتذكر أخي ياس البنت المسلمه لما غصبوها تشلح الجاب لما تكون بالمدرسه, و كمان طردوها لحتى تداوم من دون حجاب.

هي قصه واقعيه صارت بفرانسا

يا سيدي أنا هيك قصص ما بصدقها. بعرف شلتنا العربانية باوربا منيح و شلون تلعب بالقصص... مزبوط ممنوع تداوم بالحجاب لكن مستحيل يغصبوها تشلحو, تروح تداوم بمدرسة اسلامية و خلصنا..... بعدين هاد الحكي ليش يتم استخدامو ضد فرنسا على انها ضد الاسلام؟؟؟ ليش هالتزوير؟ أخي القانون عالكل. متل مو ممنوع الحجاب ممنوعة الصلبان و ممنوعة القلنسوات اليهودية و الجدايل هدول تبع الاشكيناز.... بس سبحان الله قديش بنحب نفكر انو مشاكلنا سببها انو العالم متآمرة علينا و انو مو نحنا سبب مشاكلنا..

سؤال: قديش في مغاربة بفرنسا؟ قديش كمية المصاري اللي بتروح من فرنسا على دول شمال أفريقيا؟

سؤال تاني: ليش المنافقين الاسلاميين اللي عايشين باوربا نازلين لطم على فرنسا و ما يجيبو سيرة بريطانيا اللي هي أكثر دول أوربا عنصرية؟ أنا بقللك ليش.. بريطانيا حاويتهون و فرنسا ما بدها تتعرف على هيك شكيلات..

سؤال تالت: شو ما حدا بيزكر أيام الفتوة بالاعدادي و الثانوي بسوريا و خصوصي بالتمانينات؟ ما كان الحجاب ممنوع؟ ما كانو بنات الصاعقة بيشلحو الحجابات بالقوة؟؟

MadMax

04/12/2007, 13:43

- في عدد من الدول العربية جميع الرموز الدينية الغير اسلامية ممنوعة أو مقيدة.
ليش مين قال أنو الدول العربية لا طائفية .... أو حتى لا عنصرية ..!!

- ليس ببعيد الوقت الذي كان الحجاب ممنوعا في المدارس السورية.
طالما قلت ليس ببعيد ..... فبقدر قلك بثقة أنو مو صحيح هالكلام
يعني لو قلت بالستينات مثلاً كنت قلتلك ما بعرف

- بالنسبة لفرنسا على ما أعتقد هذا القانون سار في المدارس الرسمية الممولة من قبل الدولة. يوجد مدارس خاصة دينية.

و هون المصيبة
أنو الدولة هي يللي عم تميز بين المواطنين
و بعدين الشغلة ما بتقتصر عالمدارس .... كان نفس الشي بالجامعات
و مو معقول تقلي في جامعات دينية ..

yass

04/12/2007, 13:47

طالما قلت ليس ببعيد ..... فبقدر قلك بثقة أنو مو صحيح هالكلام
يعني لو قلت بالستينات مثلاً كنت قلتلك ما بعرف

يا سيدي لحد ما خلصت بكلوريا و في مشاكل عليها, و عز الحكي بالتمانينات كان... و اذا بدك بكتبلك اسم العقيد مدير مكتب التدريب العسكري اللي شلّح بنت حجابها بالقوة و قدامنا كلنا

و هون المصيبة
أنو الدولة هي يللي عم تميز بين المواطنين
و بعدين الشغلة ما بتقتصر عالمدارس .... كان نفس الشي بالجامعات
و مو معقول تقلي في جامعات دينية ..

لك ليش تفريق؟؟؟؟؟؟؟ كل الرموز الدينية لكل الديانات ممنوعة مو بس الحجاب

MadMax

04/12/2007, 13:52

يا سيدي أنا هيك قصص ما بصدقها. بعرف شلتنا العربانية باوربا منيح و شلون تلعب بالقصص... مزبوط ممنوع تداوم بالحجاب لكن مستحيل يغصبوها تشلحو, تروح تداوم بمدرسة اسلامية و خلصنا....

طيب ... ما المنع بحد ذاتو ... يعتبر تمييز طائفي من قبل الدولة ..
المفروض مؤسسات الدولة لكل المواطنين
و الا ماكان في داعي .... يعطوا الجنسية لأي مسلم ...
. بعدين هاد الحكي ليش يتم استخدامو ضد فرنسا على انها ضد الاسلام؟؟؟ ليش هالتزوير؟ أخي القانون عالكل. متل مو ممنوع الحجاب ممنوعة الصلبان

الصليب مو ممنوع .... غير اذا كان بشكل مبالغ فيه أو ملفت للنظر

سؤال تالت: شو ما حدا بيزكر أيام الفتوة بالاعدادي و الثانوي بسوريا و خصوصي بالتمانينات؟ ما كان الحجاب ممنوع؟ ما كانو بنات الصاعقة بيشلحو الحجابات بالقوة؟؟

هالتصرفات .... ما الها علاقة بالقانون ...و لا بالدولة ..

و اذا في عنا شي ايجابي بسوريا ..... هو فقط ... حرية الممارسة الدينية لكل الطوائف ......الاقلية و الأكثرية

Majood

04/12/2007, 13:53

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اخي الصوره بتحكي انا مالح احكي شي و متلها متايل ، اي نعم في عندهم حرية رأي بس في عنصريه

بنكمل المناقشه بعد ردك و بس كون فقت من النوم لووول

الصورة من تركيا ..... و المكان عالأغلب مدرسة ... و عالأغلب وقت فحوصات ... لأنو وقت الفحوصات بيوقفو الشرطة امام مراكز الفحص ... و المصور الذكي التقط هالصورة بلحظة يبدو البنت مانعت انو تشيل عن راسها ... و بهيك حالة ظهر انو هي مغدورة ... و عم يشلحوها بالغصب .... و هاد الشي غير وارد في تركيا ... لأنو الجميع الجميع بيعرف قوانين الدولة حول منع الحجاب بدوائر الدولة الرسمية و منها المدارس .... لأنو تركيا بلد علماني ...

عفوا عن خروجي عن الموضوع .. لكن وجب التنويه بشأن الصورة

MadMax

04/12/2007, 13:56

يا سيدي لحد ما خلصت بكلوريا و في مشاكل عليها, و عز الحكي بالتمانينات كان... و اذا بدك بكتبلك اسم العقيد مدير مكتب التدريب العسكري اللي شلّح بنت حجابها بالقوة و قدامنا كلنا

طالما ...... ما في شي بالقانون بيمنع الحجاب .... فهاد يعتبر تصرف فردي ...و معروف كيف بيتعالج

و في حالات فردية كمان من الجهة المقابلة ...
يعني مثلاً .... كان في محافظ لدمشق كمان بفترة التمانينات ..... كان موصي شرطة المحافظة يشحطوا أي وحدة بتكون لابسة تنورة قصيرة .....
بس أكيد .... ما عنا قانون بيمنع التنورة القصيرة ......و أصلاً المحافظ ما طول ..... حلقولوا

لك ليش تفريق؟؟؟؟؟؟؟ كل الرموز الدينية لكل الديانات ممنوعة مو بس الحجاب

الصليب مو ممنوع غير اذا كان مبالغ فيه و ملفت للنظر
يعني أكيد ما في وحدة رح تحط برقبتها صليب ...... متر بمتر

yass

04/12/2007, 14:01

طيب ... ما المنع بحد ذاتو ... يعتبر تمييز طائفي من قبل الدولة ..
المفروض مؤسسات الدولة لكل المواطنين
و الا ماكان في داعي .... يعطوا الجنسية لأي مسلم ...

أنا بعتبر التمييز الطائفي هو عدم المنع. منع الرموز الدينية يساعد على تجنب ثقافة الغيتو بالمدارس . و شو دخل الجنسية بالدين اذا ما حدا سائل شو دينك بالأوراق الرسمية؟؟ و على اعتبار الدولة للكل فمافي رموز دينية لحدا و انتهى الامر

لصليب مو ممنوع .... غير اذا كان بشكل مبالغ فيه أو ملفت للنظر

مو صحيح هالكلام. من بيّن الصليب صار ممنوع

هالتصرفات .... ما الها علاقة بالقانون ...و لا بالدولة ..

من ضمن قوانين اللباس المدرسي بالمرحلة الثانوية و الاعدادية منع الحجاب, و كان يتم التغاضي عن هالأمر شوي و كانو يسمحو بالطواقي "الشرعية" و الحجابات الزيتية. بس لما كان يجي شي واحد تفتيش كانو يا أما بيشلحو البنات حجابهون يا يصرفوهون عالبيت... كنت بمدرسة مختلطة و بتزكر هالشي منيح

و اذا في عنا شي ايجابي بسوريا ..... هو فقط ... حرية الممارسة الدينية لكل الطوائف ......الاقلية و الأكثرية

أي نعم ما اختلفنا. بس خلال فترة طويلة كان ممنوع اللحية بالجيش, و ممنوع الصلاة بالجيش (ما عم قول انو هاد شي ايجابي أو سلبي....هاي أمو أعتقد معروفة)

MadMax

04/12/2007, 14:03

لأنو الجميع الجميع بيعرف قوانين الدولة حول منع الحجاب بدوائر الدولة الرسمية و منها المدارس .... لأنو تركيا بلد علماني ...
و هاد مثال تاني على عنصرية دولة أوربية أخرى
و للفهم الخاطئ للعلمانية

عالهامش .... أنا لابحب الحجاب ... و لا في حدا بحارتنا بيتحجب

yass

04/12/2007, 14:06

و هاد مثال تاني على عنصرية دولة أوربية أخرى
و للفهم الخاطئ للعلمانية

و شلون عنصرية اذا أغلب سكان تركيا مسلمين؟ عنصريين على حالهون؟

يا سيدي هاي زبدة العلمانية.. انت حر بدينك و اعتقادك كممارسة شخصية لكن واجبك كمواطن تحط دينط ع جنب في تعاملك مع الآخرين

was616im

04/12/2007, 14:08

و شلون عنصرية اذا أغلب سكان تركيا مسلمين؟ عنصريين على حالهون؟

يا سيدي هاي زبدة العلمانية.. انت حر بدينك و اعتقادك كممارسة شخصية لكن واجبك كمواطن تحط دينط ع جنب في تعاملك مع الآخرين
طيب انت ياس بتشك انو الاسلام حدد طريقة معاملة الاخرين انو طريقة غلط يعني او فيها انتقاص من قيمة و قدر الاخرين و حرياتهن؟؟

yass

04/12/2007, 14:12

طيب انت ياس بتشك انو الاسلام حدد طريقة معاملة الاخرين انو طريقة غلط يعني او فيها انتقاص من قيمة و قدر الاخرين و حرياتهن؟؟

هاد أمر ثاني تماما ما ألو علاقة بموضوعنا. طريقة تعامل الاسلام مع الآخرين تكون صحيحة للمسلمين لكن ليست طريقة علمانية. و انا زلمة فكري علماني

MadMax

04/12/2007, 14:13

من ضمن قوانين اللباس المدرسي بالمرحلة الثانوية و الاعدادية منع الحجاب, و كان يتم التغاضي عن هالأمر شوي و كانو يسمحو بالطواقي "الشرعية" و الحجابات الزيتية. بس لما كان يجي شي واحد تفتيش كانو يا أما بيشلحو البنات حجابهون يا يصرفوهون عالبيت... كنت بمدرسة مختلطة و بتزكر هالشي منيح

يا أخي و الله انا عايش بسوريا .... مو بمطرح تاني
و دراستي كانت كلا بمدارس مختلطة ..... و عمري ما شفت هالشي ...

أي نعم ما اختلفنا. بس خلال فترة طويلة كان ممنوع اللحية بالجيش, و ممنوع الصلاة بالجيش (ما عم قول انو هاد شي ايجابي أو سلبي....هاي أمو أعتقد معروفة)

اي .... اللحية مزبوط .... ممنوعة بالجيش ...بس ... اللحية ... مو متل الحجاب و أصلاً ...مانها فرض ديني بأي معتقد ..... و ما بتقدر تعتبرها حرية شخصية لأنك عم تحكي عن نظام عسكري .... فيه تقييد لكتيير حريات
أما الصلاة ... كمان مزبوط منعوها ....... بس بفترة الاخوان المسلمين ...و ايام نشاط الاصوليين بسوريا
بس العسكرية ... أصلاً مو مقياس .... لأنها نظام عسكري ... أكيد ما رح ندافع فيها عن الرموز المدنية

MadMax

04/12/2007, 14:17

لكن واجبك كمواطن تحط دينط ع جنب في تعاملك مع الآخرين
اللباس حرية شخصية ... ما الو علاقة بالتعامل مع الآخرين
يعني كلامك .... متل كلام الخليجيين لما بيحكوا عن الغير محجبة أو يللي بتلبس لباس غير محتشم ( بنظرهون )
كمان بقولوا .... انها عم تسيء للمجتمع بهاللباس

manalak

04/12/2007, 14:21

كل حياتنا بسورية وبمدارس سورية المختلطة ولا مرة صار معنا هيك شي

ونص رفائتي كانوا محجبين بس بحياتو ما صار هيك

yass

04/12/2007, 14:22

يا أخي و الله انا عايش بسوريا .... مو بمطرح تاني
و دراستي كانت كلا بمدارس مختلطة ..... و عمري ما شفت هالشي ...

قولتك عم اخترع الكلام يعني؟

يا سيدي راح احكيلك اثبات. كنا صف عاشر و كانت كل مدارس الرقة مختلطة. الحكي بالألفين, و صار التشليح المهين لبنت بصفنا اسمها هبة و كانت المحجبة الوحيدة اللي بصفنا من قبل العقيد مدير مكتب التدريب العسكري و اسمو كامل عروس, و هو أصر على فصلها لأنها على قولو غلطت عليه بالكلام.

أبو البنت لف على أولياء الأمور منشان توقيع عريضة لرفعها للمحافظ للشكوى, المحافظ حاول يتوسط و ما مشي الحال.. ابو البنت مصر انو بنتو تداوم محجبة و العقيد مصر انها ما تداوم... طلع القرار القراقوشي و فصلو الولاد عن البنات بكل مدارس الرقة السنة اللي بعدها.. عالأساس انو منشان البنات يشلحو الحجاب أول ما يفوتو عالمدرسة و انتهى الأمر

القصة نشروها بالدومري و كان الصحفي هو عمار مصارع يللي كان هو حامل لواء الفصل..ز و اجتو من الله هالفرصة

اي .... اللحية مزبوط .... ممنوعة بالجيش ...بس ... اللحية ... مو متل الحجاب و أصلاً ...مانها فرض ديني بأي معتقد ..... و ما بتقدر تعتبرها حرية شخصية لأنك عم تحكي عن نظام عسكري .... فيه تقييد لكتيير حريات
أما الصلاة ... كمان مزبوط منعوها ....... بس بفترة الاخوان المسلمين ...و ايام نشاط الاصوليين بسوريا
بس العسكرية ... أصلاً مو مقياس .... لأنها نظام عسكري ... أكيد ما رح ندافع فيها عن الرموز المدنية

طيب و نظام الفتوة ما كان نظام عسكري؟؟

yass

04/12/2007, 14:24

اللباس حرية شخصية ... ما الو علاقة بالتعامل مع الآخرين
يعني كلامك .... متل كلام الخليجيين لما بيحكوا عن الغير محجبة أو يللي بتلبس لباس غير محتشم ( بنظرهون )
كمان بقولوا .... انها عم تسيء للمجتمع بهاللباس

أنا ما يسيئني أنو أي وحدة تمشي بالشارع تمشي متل ما بدها, او بمكان غير رسمي.. لكن يسيئني انو أراعي خصوصيات دينية لموظف مجبور يتعامل معي و اتعامل معو

MadMax

04/12/2007, 14:35

قولتك عم اخترع الكلام يعني؟

يا سيدي راح احكيلك اثبات. كنا صف عاشر و كانت كل مدارس الرقة مختلطة. الحكي بالألفين, و صار التشليح المهين لبنت بصفنا اسمها هبة و كانت المحجبة الوحيدة اللي بصفنا من قبل العقيد مدير مكتب التدريب العسكري و اسمو كامل عروس, و هو أصر على فصلها لأنها على قولو غلطت عليه بالكلام.

أبو البنت لف على أولياء الأمور منشان توقيع عريضة لرفعها للمحافظ للشكوى, المحافظ حاول يتوسط و ما مشي الحال.. ابو البنت مصر انو بنتو تداوم محجبة و العقيد مصر انها ما تداوم... طلع القرار القراقوشي و فصلو الولاد عن البنات بكل مدارس الرقة السنة اللي بعدها.. عالأساس انو منشان البنات يشلحو الحجاب أول ما يفوتو عالمدرسة و انتهى الأمر

القصة نشروها بالدومري و كان الصحفي هو عمار مصارع يللي كان هو حامل لواء الفصل..ز و اجتو من الله هالفرصة

انا ما قلتلك ما صارت ..... بس قلتلك مانها حالة عامة ....... في ممارسات فردية طائفية وين ما رحت

طيب و نظام الفتوة ما كان نظام عسكري؟؟

بالمعنى الحقيقي للكلمة ...... لا مو نظام عسكري
و كانت تنلبس بدلة الفتوة .... مع الحجاب ... بكل سوريا

MadMax

04/12/2007, 14:44

أنا ما يسيئني أنو أي وحدة تمشي بالشارع تمشي متل ما بدها, او بمكان غير رسمي.. لكن يسيئني انو أراعي خصوصيات دينية لموظف مجبور يتعامل معي و اتعامل معو
هلأ ...... اذا سمحت لموظفة أنها تلبس حجاب .......بتكون راعيت خصوصيتها الدينية ..!!

برجع و بقلك أنا ما بحب الحجاب ..... بس لازم احترم مظهر .... بشكّل شيئ من المحرمات الاجتماعية و الدينية
لشريكتي بالوطن ..
و المجتمع الصحيح بكون باحترام الآخر ..و قبولو .....و قبول خصوصياتو
مو تقييدو وتجريدو من خصوصيتو .... و خليه بيشبهني ....... بعدين بقبلو

Majood

04/12/2007, 14:48

انا ما قلتلك ما صارت ..... بس قلتلك مانها حالة عامة ....... في ممارسات فردية طائفية وين ما رحت

بالمعنى الحقيقي للكلمة ...... لا مو نظام عسكري
و كانت تنلبس بدلة الفتوة .... مع الحجاب ... بكل سوريا

الممارسات الفردية هي السماح بالحجاب ببعض المدارس ... اما الحالة العامة فهي العكس ...... على وقتي .... بالتسعينات ممنوع الحجاب .... و انا كنت عم ادرس بمدينة بريف دمشق ... و معروف الريف بتشددو الديني ....
كتيييييير صار مقاتلات ... و كتير صار توقيع عريضات ... و كلو فاشوش ...... لأنو طالما النظام العسكري هو يللي ماشي بالمدارس ... فيللي بيمشي بالنظام العسكري بيمشي عالمدارس .....

هلأ ما عندي فكرة كيف صار نظام المدارس بسوريا .......

كمان طلعنا عن الموضوع

yass

04/12/2007, 15:16

هلأ ...... اذا سمحت لموظفة أنها تلبس حجاب .......بتكون راعيت خصوصيتها الدينية ..!!

برجع و بقلك أنا ما بحب الحجاب ..... بس لازم احترم مظهر .... بشكّل شيئ من المحرمات الاجتماعية و الدينية
لشريكتي بالوطن ..
و المجتمع الصحيح بكون باحترام الآخر ..و قبولو .....و قبول خصوصياتو
مو تقييدو وتجريدو من خصوصيتو .... و خليه بيشبهني ....... بعدين بقبلو

هلأ وين حكيت أنا أنو لازم واحد يكون متلي لحتى اتقبلو؟؟؟؟؟؟ فهموني بس بس وين حكيت هالكلام أنا

هالموظفة علوا تكون منيرة القبيسي بذاتها مالي علاقة فيها برا شغلها.. تصطفل, كل واحد حر بمعتقداتو
لما تكون على رأس عملها مجبورة تكون مدنية بكل ما عليها من واجبات

أنا دائما حاط طوق فيو نقش لغيفارا, لما بكو بالمشفى بشلحو لأنو مو مجبور مريضي يعرف توجهي السياسي و يراعيه... على باب المشفى و أنا طالع بحطو... هلأ راح تقلي الحجاب و حكايتي مالهون علاقة ببعض, بيجوز, بس المبدأ واحد, مالي حق أفرض معتقدي بمكان عملي

بعدين أخي انك تحب الحجاب أو ما تحبو هاد أمر شخصي مالي علاقة فيه, أنا مو رأيي انو ينمنع الحجاب, كل واحد بحياتو الخاصة يعمل شو ما بدو طبعا... بس مكان عملك ليس حياتك الخاصة

MadMax

04/12/2007, 15:42

الممارسات الفردية هي السماح بالحجاب ببعض المدارس ... اما الحالة العامة فهي العكس ...... على وقتي .... بالتسعينات ممنوع الحجاب .... و انا كنت عم ادرس بمدينة بريف دمشق ... و معروف الريف بتشددو الديني ....
كتيييييير صار مقاتلات ... و كتير صار توقيع عريضات ... و كلو فاشوش ...... لأنو طالما النظام العسكري هو يللي ماشي بالمدارس ... فيللي بيمشي بالنظام العسكري بيمشي عالمدارس .....

انا دراستي كانت بالتمانينات و التسعينات .....
و مو صح انو القاعدة كانت منع الحجاب و الاستثناء هو السماح فيه
كل الكلام مو دقيق بنوب .... .... حتى بأكتر الاحياء تحرراً ... كان الحجاب مسموح
بعدين النظام العسكري بالمدارس كان نظام شكلي و لا يمت للعسكرية بصلة .... و يللي بيعرفو العسكرية ... بيعرفو عن شو عم احكي

MadMax

04/12/2007, 15:48

لما تكون على رأس عملها مجبورة تكون مدنية بكل ما عليها من واجبات

بعدين أخي انك تحب الحجاب أو ما تحبو هاد أمر شخصي مالي علاقة فيه, أنا مو رأيي انو ينمنع الحجاب, كل واحد بحياتو الخاصة يعمل شو ما بدو طبعا... بس مكان عملك ليس حياتك الخاصة
ما العمل ..... بشكل الجزء الأكبر من حياة أي شخص
و من المضحك انك تقول لمحجبة اشلحي الحجاب بالشغل و البسيه ببيتك
البنت يا محجبة ... يا مو محجية .... ما بصير تتحجب بمحل و تشلح الحجاب بمحل تاني

و كأني بفهم من كلامك ... انك كنت مع تصرف العقيد يللي نزع حجاب البنت بصفكون :shock:

yass

04/12/2007, 15:57

ما العمل ..... بشكل الجزء الأكبر من حياة أي شخصمزبوط, بس الحياة و الحياة الخاصة شي آخر

و من المضحك انك تقول لمحجبة اشلحي الحجاب بالشغل و البسيه ببيتك
البنت يا محجبة ... يا مو محجية .... ما بصير تتحجب بمحل و تشلح الحجاب بمحل تاني و الله ماني متقصّد احكي نكتة, اذا ضحكتك صحة و هنا ... منيح الضحك :lol:

لساتنا عم نحكي ع فرنسا ما هيك؟؟؟ طبعا تتحجب برا شغلها و بشغلها تلتزم بقانون وجد أصلا لأزالة الفوارق. بيجوز هالقانون ما ممكن يتطبق بسوريا بسبب حالة اجتماعية مختلفة عن فرنسا. و الغلط انو الناس عم تحاول تسقط القانون الفرنسي على المجتمع السوري

و كأني بفهم من كلامك ... انك كنت مع تصرف العقيد يللي نزع حجاب البنت بصفكون :shock:[/quote]

طبعا لأ... ما بيصير يمد ايدو عليها بهالطريقة المهينة و يسمّعها هالحكي اللي سمعها ياه, بعدين أصلا ما بعرف شو بيعمل عقيد بالمدرسة

سوريا مانها فرنسا

التقرير الجوال

04/12/2007, 15:58

هلأ بدي إفهم انا...... مين صاحب فكره الحجاب هون..؟:lol:

راديا

04/12/2007, 15:59

سوريا مانها فرنسا

و بحياتا م ا ح تكون و ازا صارت علينا العوض

yass

04/12/2007, 16:01

هلأ بدي إفهم انا...... مين صاحب فكره الحجاب هون..؟:lol:

أنا ضعت... :lol:
حلوة المواضيع اللي تضيّع.. و عجبني جو هالموضوع لأنو في نقاش (صحيح شوي بيزنطي) بس حلو و بدون تشخيص و تجريح متل العادة

التقرير الجوال

04/12/2007, 16:05

أنا ضعت... :lol:
حلوة المواضيع اللي تضيّع.. و عجبني جو هالموضوع لأنو في نقاش (صحيح شوي بيزنطي) بس حلو و بدون تشخيص و تجريح متل العادة

شكلها الشغله صار بدها غرفه للنقاش الحر

شو رأيك معلم Yass

Majood

04/12/2007, 16:12

انا دراستي كانت بالتمانينات و التسعينات .....
و مو صح انو القاعدة كانت منع الحجاب و الاستثناء هو السماح فيه
كل الكلام مو دقيق بنوب .... .... حتى بأكتر الاحياء تحرراً ... كان الحجاب مسموح
بعدين النظام العسكري بالمدارس كان نظام شكلي و لا يمت للعسكرية بصلة .... و يللي بيعرفو العسكرية ... بيعرفو عن شو عم احكي

بيجوز انا درست بالمريخ .......

Reemi

04/12/2007, 16:14

بيجوز انا درست بالمريخ .......
يا جماعه راعو انو كل واحد فيكن درس بمكان ...

يعني مجود دارسه بريف دمشق ياس بالرقه ماد ماكس بطرطوس..اختلاف الاماكن بيلعب دور...

Reemi

04/12/2007, 16:14

التقرير الجوال

04/12/2007, 16:18

والله بصراحه انا ما بتذكر موضوع الحجاب بالمدارس
أو بالاحرى ما كنت انتبه عالبنات:lol:

ASH

04/12/2007, 17:33

الصورة من تركيا ..... و المكان عالأغلب مدرسة ... و عالأغلب وقت فحوصات ... لأنو وقت الفحوصات بيوقفو الشرطة امام مراكز الفحص ... و المصور الذكي التقط هالصورة بلحظة يبدو البنت مانعت انو تشيل عن راسها ... و بهيك حالة ظهر انو هي مغدورة ... و عم يشلحوها بالغصب .... و هاد الشي غير وارد في تركيا ... لأنو الجميع الجميع بيعرف قوانين الدولة حول منع الحجاب بدوائر الدولة الرسمية و منها المدارس .... لأنو تركيا بلد علماني ...

عفوا عن خروجي عن الموضوع .. لكن وجب التنويه بشأن الصورة

هلا اول شي اختي انا ما بتوقع انو الصوره لتركيا لانو هل صوره طلعة بعد قرار لفرنسا مو لتركيا ، هلا مالح نختلف تركيا او فرنسا او انجلترا لانو هل 3 بلدان معروف شو توجهاتهم بشأن هل موضوع ..

بس انا عم قول انو معناها كتميز طائفي او عنصريه هل شي مو بس عنى بسوريا او بالدول العربيه ، لانو الاجانب كمان عندهم تميز عنصري و طائفيه ...

علهامش انا مو مع الحجاب ولا تفكرو انو اجابتي عم تجي لانو ولله متحجب لوووول بس انو مجرد مثال و سقتو

ASH

04/12/2007, 17:34

وعلى سيرة الدراسه و ما الدراسه متل ما شفت الكل عم يقول انا درست بسوريا بمدرسة الاخوه ، ومعروفه انها مسيحيه و كان فيها تعداد اسلام اكتر من المسيحيه بس انا مثلا كنت صغير ما بتزكر اني شفت اي نوع من التميز ولا باي شي ؟؟؟

TheLight

04/12/2007, 20:13

حبيت شارك بموضوع الطائفية بفرنسا

بس ما رح طول لأنو كالعادة النقاش عقيم بس حبيت نوه لكم نقطة

* ااحجاب بفرنسا بكل مكان عدا المؤسسات الرسمية والمدارس الرسمية متله متل باقي الرموز الدينية

*الطائفية ان وجدت في بعض المناطق بفرنسا فهي ردة فعل للمجتمع الفرنسي على طائفية الجالية العربية والمسلمة

*في نوع من العنصرية الفردية وليس المؤسساتية تجاه الاجانب ككل ومو بس المسلمين يعني الافريقي المسيحي والسوري المسلم سعرهن واحد

انتهى حاليا

Sarita

04/12/2007, 20:28

هوي من جهة طائفي لا لانو كل واحد عايش ومو سائل عالتاني وهالشي منيح
و الحلو فيو
انو بيتحد لوقت الشدة

ghassan666

06/12/2007, 04:20

بوجود ناس متل الي بالاخوية اكيد طائفية

الإنساني

06/12/2007, 08:55

يا عالم يا هوه مشان اللههههههههههههههههههههه
شو مفكرين حالنا عايشين بأوروبا وأمريكا لحتى مايكون في طائفية عنا،هلأصارمافي طائفية وكلو صار راقي وبيتقبل دين الآخر واللهي سمعةجديدة وكل مين حكى هيك بكون عميضحك عحالو
هلأرح أحاول أحلل الموضوع بموضوعية
لن أذهب بعيدا وسأعطي مثالا عل مدينة واحدة وهي (بانياس)أتحدى أن ارى سني وساحلي صديقان
وعندما تذهب لبانياس قل للسني أنك يهودي ولاتقل له ساحلي والعكس صحيح
في دمشق المدينة التي تحوي جميع الطوائف تقريبا أتحدى أن ارى سني أصله شامي يهضم حلبي إلاماندر
درعا أتحدى مخلوق من درعا أوالسويدا إذاكانايطيقان بعضهما
في النهاية وبالعامية لاحدا يترقى ويضحك عحالو الأمثلة كافية ووافية ومابدي أزيد اكتر
والمشكلةلاتكمن بعدم الاعتراف بالخطأوإنما بكيفية معالجته والله العظيم وأنا عمبقرا التعليقات حسيت حالي
من الشعوب اللي نسيت الطائفية من زمان مع العلم بالعراق طائفتين دمروا البلدفشلون لوكانوا3أو4طوائف