حلال على المسيحيين... حرام على المسلمين!
د. فيصل القاسم
تشن الدوائر الغربية منذ سنوات بالتحالف مع "الليبرالجيين والعلمانجيين" العرب حملة شعواء لإبعاد الدين الإسلامي عن السياسة بحجة فصل الدين عن الدولة. ولا ضير أبداً في إبقاء الدين بعيداً عن المجال السياسي القذر قدر المستطاع احتراماً للدين، شرقاً وغرباً، لكن بشرط أن ينسحب الأمر على كل الديانات والعقائد، وأن لا يكون محصوراً في دين بعينه. إلا أن الواضح الآن أن المستهدف الأول والأخير من هذه الحملة المسعورة هو الإسلام دون غيره.
كم تمنيت أن أسمع "ليبرالجياً" أو "علمانجياً" عربياً واحداً يهاجم اختلاط الدين بالسياسة،لا بل تسييرها، في بلدان مسيحية، كالولايات المتحدة أو شبه مسيحية كلبنان مثلاً. لا أدري لماذا تصبح حركات الإسلام السياسي رجساً من عمل الشيطان في أقانيم "العلمانجيين" العرب، في الوقت الذي لا يُقدم الساسة المسيحيون "الحداثيون" في لبنان مثلاً على أي خطوة دون التبرك بزيارة البطرك الماروني والخشوع بين يديه وتقبيل رأسه.
وقد لاحظنا أثناء أزمة اختيار رئيس جمهورية جديد للبنان كيف كان يتقاطر رؤوساء الأحزاب والساسة المسيحيون وحتى المسلمون والدروز على "بكركي"، مقر إقامة البطرييرك مارون نصر الله صفير لأخذ مشورته وتوجيهاته وتعليماته ومباركته. ولم يتم الإعلان عن قائمة مرشحي الرئاسة اللبنانية إلا بعد أن باركها البطرك، ومن ثم سلــّمها إلى رئيس البرلمان اللبناني نبيه بري كي يعلنها للجماهير المسيحية والإسلامية والدرزية.
وحتى خُطب البطرك الماروني ليست أكثر من بيانات صارخة في سياسيتها. و لا أبالغ إذا قلت إن الشعب اللبناني بطوائفه كافة يصغي إليها، ويسير على هديها أكثر مما يصغي ويلتزم بتوجيهات السياسيين اللبنانيين.
صحيح أن خطباء المساجد يتدخلون في السياسة في خطبهم، لكنهم لا يفعلون ذلك بوصفهم مؤسسات دينية –سياسية كهنوتية معتمدة، بل بدوافع دعوية عاطفية. وحتى تلك الدوافع تم تكميمها، بعدما أصبحت وزارات الداخلية العربية توزع خطب الجمعة على الخطباء، والويل كل الويل لمن يحيد عنها قيد أنملة، ناهيك عن أن المؤسسة الدينية في عموم العالم الإسلامي ليست سوى تابع ذليل للمؤسسة السياسية، فبينما تنفذ وزارات الأوقاف العربية فرمانات الحكومة عن ظهر قلب، نجد أن كلمة البطرك المسيحي في لبنان مقدسة ومهابة. ويحدثونك عن فصل الدين عن الدولة!
قد يقول البعض إن لبنان حالة شرقية خاصة لا يمكن تعميمها على بقية العالم المسيحي. لكن لو نظرنا إلى القوة المسيحية الأعظم في العالم، ألا وهي أمريكا لوجدنا أنها أقرب إلى "ولاية فقيه" مسيحية كما يورد خضر عواركه في كتابه الموثق "الصهيونية المسيحية من الداخل". هل يعلم "العلمانجيون" العرب أن في أمريكا ما يسمى بـ"التحالف المسيحي" الذي يضم أكثر من خمسة وسبعين مليون أمريكي، أي ثلث الشعب الأمريكي وأكثره نشاطاً. وهذا التحالف يتغلغل في عموم الولايات الأمريكية، وله ممثلون في كل القطاعات والمؤسسات المدنية والسياسية. ولا يتردد في التدخل في كل شاردة وواردة، سياسية أو اجتماعية أو ثقافية أو عقدية.
وحدث ولا حرج عن مشاركة هذا التحالف في الانتخابات الأمريكية. فقد اعتاد القس الأمريكي الشهير "فولويل" الشخصية الأبرز في التحالف على إرسال أكثر من ثلاثين مليون رسالة الكترونية قبيل الانتخابات إلى أتباعه يأمرهم فيها بالتصويت لهذا المرشح أو ذاك. ويحدثونك عن الديموقراطية والاقتراع الحر!
هل يعلم "الليبراليجيون" العرب أن زعماء التنظيمات المسيحية في أمريكا يصدرون فتاوى سياسية شرعية، ويأمرون أتباعهم بتنفيذها بحذافيرها، وما على الرعية إلا الانصياع. فمثلاً تسمع أحد القساوسة السياسيين يكلف أتباعه شرعياً بأن يصوتوا للمرشح الفلاني تحت زعم أن الرب اتصل بالزعيم الروحي للجماعة، وطلب منه أن يصوت لمرشح بعينه. وهذا ما حدث مع الرئيس بوش الذي حصل على أصوات الملايين من "المؤمنين"، إلى حد أنه هو نفسه راح يصرح بأنه ينفذ أجندات إلهية، كغزوه العراق مثلاً. وهذا ما أبلغه للرئيس الفرنسي السابق جاك شيراك ذات ليلة، حسبما أوردته مجلة "نوفيل أوبزرفاتور".
ويمتد تغلغل اللوبيات الدينية إلى مراكز الأبحاث الأمريكية الشهيرة التي توجه السياسة الأمريكية في العديد من المجالات. ناهيك عن عمليات تمويل الحملات الانتخابية، والضغط على مراكز صنع القرار لاتخاذ هذا القرار أو ذاك. فعندما قرر الرئيس بوش ذات يوم أن يأمر إسرائيل بإخراج الدبابات الإسرائيلية من "جنين" انهالت الرسائل الالكترونية على البيت الأبيض من المسحييين الصهاينة لتثنيه عن قراره. وفعلاً انصاع الرئيس للوبي المسيحي، وعدل عن رأيه بسرعة البرق.
ولا يقتصر دور اللوبي الديني على الضغط السياسي على البيت الأبيض والكونغرس، بل ينسحب على أبسط القطاعات الأخرى، إذ يشارك أتباع التحالف المسيحي الصهيوني في اختيار حتى رؤوساء أقسام الشرطة في بعض الولايات الأمريكية، أو حتى مخاتير القرى ورؤوساء المجالس البلدية. وتشير الدراسات أيضاً إلى أن "التحالف المسيحي" الأمريكي فتح فروعاً له في أكثر من اثنتين وأربعين دولة في العالم، هذا في الوقت الذي يحرمون بعض الجمعيات الخيرية الإسلامية من مجرد القيام ببعض المهام الإنسانية في المناطق المعوّزة من العالم.
ألم يكن المحامي الأمريكي الشهير ستانلي كوهين على حق عندما تساءل: "عجباً من دولة تؤمن بفصل الدين عن الدولة تسمح لرجال الدين أن يديروا شؤونها ويبتزوها"؟ أين الفصل المزعوم بين الدين والدولة في أمريكا؟ ثم يأتيك بعض العلمانيين المزعومين العرب المغفلين أو المتغافلين ليتحدثوا عن البداوة السياسية الإسلامية.
لا شك أن أمريكا، كما قلت، في مقال سابق قد تفضل التعامل مع إسلاميين من نوع ما على العلمانيين العرب لأغراضها البراغماتية الخاصة، كأن تدعم الدول المتحالفه معها سياسياً والمعادية لها حضارياً، أو أن تحارب الدول المعادية لها سياسياً والمتصالحة معها حضارياً، كما يجادل جورج طرابيشي. لكن هذا التحالف المصلحي لا يعني أبداً أن الإسلام كدين وثقافة مفضل أو مدعوم أمريكياً، بدليل أنه ممنوع منعاً باتاً من مجاراة نظيره المسيحي الأمريكي على الأقل في قيادة المجتمعات وتوجيهها سياسياً، مع العلم أن الإسلام دين ودولة منذ أيامه الأولى.
لماذا إذن تداخل الديني بالسياسي حلال على المسيحيين وتفاح محرّم على المسلمين؟!!


المصدر (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

يسلملي تمك ....شو فهمااااااااااان

أنا ما كنت بعرف هالمعلومة الخطيرة وشكراً كتير الك أخت راديا

بالفعل لازم نصفق بشدة للدكتور فيصل !!!

دائما لازم نقارن حالنا بالغرب لييييييييييييييييييييش؟؟؟


قبل ان يتفضل اصحاب الجزيرة بمقارنة كل شيئ بالغرب !!!


فلتقارن ابناء التيارات الوطنية و العلمانية و الاشتراكية و الاسلامية في بلداننا نحن


كلنا نعلم ان بوش و زمرته هو اسوأ حكام و اسوأ جماعة و كل العرب انضروا من سياسة اميركا

و كل ما حدث من مشاكل في العالم هي بسبب السياسة العنصرية و تدخل المتطرفين في توجيه اميركا !



لكن كل هذا لا يبرئ و لا يعني ان ندخل السياسة في كل نواحي الحياة السياسية في دولنا




سياسة اميركا شريرة و لكن لا يعني كل اعداء اميركا هم الملائكة!!!!!!!!!!!!!


و ركزو على ما فعلته و ما تفعله البعض من التيارات الدينية من افعال


و ابن لادن محبوب الجزيرة لا تكغي المجلدات لوصف ما عملته ايديه و ايدي اتباعه بالعالم العربي و الاسلامي و خصوصا في العراق




و الحليم تكفيه الاشارة

واضح الكاتب ما عاش ببلد غربي "مسيحي" على رأيو

و لا تقولولي هاد فيصل القاسم و فهمان.... بهالمقالة جانب الصواب

ماخليت لسع
كتير احترمت العماد عون لما خرج من فلك البطرك وحطوا بحجمو الحقيقي ياهيك رجال يابلا

ميرسي عالموضوع حبيت الفكرة
واستغربتها من فيصل القاسم
مع اني مع الفصل بين الدين والسياسة :D

صحيح أن خطباء المساجد يتدخلون في السياسة في خطبهم، اي مزبوط ما بيتدخلو بالسياسة
بس اذا اعلنو الجهاد ...... معليش ... هي مسموحة ....وعلى كل مسلم في العالم ان يحمل الكلاشنكوف ويقاتل ...... بس مين بدو يقاتل ؟؟..............:shock:
يا لطيف على صغر العقل
:larg::larg::larg:

جميل انك ترى القزئة التي في عين اخاك ولكن الاجمل ان ترى العصى اللي في عينك. فيصل القاسم و غير فيصل القاسم قبل مايحكي عن الغرب "المسيحي" خليه هو و الرؤساء و الحكام المسلمين. خليهم يوصلو بلدانهم الاسلامية لنصف ما وصل اليه الغرب من حرية رأي و حرية سياسية و حرية شخصية لابعد الحدود و حرية دينية و غيره من الحرياة هذا دون الخوض في التطور العلمي على جميع المستويات. فدعونا نتكلم على الحريات فقط التي هي اما شبه معدومة او معدومة بشكل تام في بلدانهم الاسلامية. و بعدين بس يوصلو للغرب اللي ينتقدونه ساعتها يحق لهم ان ينتقدو..... فاقد الشيء لا يعطيه

واضح الكاتب ما عاش ببلد غربي "مسيحي" على رأيو

و لا تقولولي هاد فيصل القاسم و فهمان.... بهالمقالة جانب الصواب


لا فيصل القاسم عاش فترة طويلة ببريطانيا بس يبدو ما تعلم منها شي

بتلاحظ انو هدف كتاباتو و برنامجو استغلال عواطف المستمعين العرب اللي ما في اسهل من استغلال عواطفن يعني الي بيقرا هالمقال وغيرو او بيشوف الاتجاه المعاكس بيفكر فيصل القاسم الناطق الرسمي باسم بن لادن والاسلاميين بينما كلنا منعرف الخلفية الدينية للقاسم وانو مستحيل يكون من هالنوع بس هو مزعبر وراكب على الموجة اللي بتجبلو انتشار وشعبية اكبر بين العربان
على كل الزلمة احترق شوف برنامجو على الجزيرة ما بقى في كاتب او شخصية سياسية محترمة بتجي علي :jakoush:

هل مقال عندي ياه و ترددت كتير قبل ما نزلو بالموقع بس راديا نزلتو و انا قراتو مية مره

بس للاسف ماحسنة اطلع منو بستنتاج ولله

نحنا مع فصل الدين عن الدولة بكل الطوائف والبلدان

بس في شي انو الدول الغربية ما بدي قول المسيحية

لانو مثلا اسرائيل لا تفصل الدين عن الدولة

ولا الصراع برأي الاخ القاسم مسيحي مسلم ولا ننسلى طلب الكنيست الاسرائيلي الاعتراف باسرائيل دولة يهودية
من قبل العرب المقربين والسلطة الفسطينية

بصراحة انا بعتبر هاد المقال من أقل جدارة بالوقوف عنده مما كتب الاعلامي والمحلل السياسي فيصل القاسم

صحيح في تعصب ببعض الدول الغربية وخصوصا اميراكا وتطرف ديني مسيحي وهوة مرفوض مطلقا وابدا

كرفض تطرف القاعدة او حتى القوات اللبنانية (( بالنسبة للقوات اللبنانية بوقت من الاوقات كانت ضرورة بلبنان للحفاظ على المسيحين والتوزع الديموغرافي بس حاليا شوي لازم يتغير خطابهم )) هي للتوضيح بالنسبة للقوات اللبنانية او اليمين المسيحي بلبنان بوقت من الاوقات كانو مهددين اما القتال او الموت او السفر

بتمنى نكون واقعيين اكتر حتى لو المقال عن فيصل القاسم هاد ما بيعني انو منزل :D

أنا أوافق الدكتور فصل على كل ما قاله حرفيا، وأقول للذين يوافقون على فصل الدين الإسلامي عن السلطة أنهم وقعوا في المركزية الغربية ، وقبل أن يتكلموا يجب أن يعلموا أن الدين الإسلامي منهج متكامل ، وأن النبي محمد صلى الله عليه وسلم كان سياسي بالدرجة الأولى، فلقد أسس دولة مستقلة في ما يقل عن عشرة سنوات، وهذا ما لم يستطع آن يحققه أحد، وأن جميع الأنبياء عليهم السلام كانوا سياسيين.

يسلملي تمك ....شو فهمااااااااااان


:cry:تمو فكرت ايدو


و بعدين بس يوصلو للغرب اللي ينتقدونه ساعتها يحق لهم ان ينتقدو..... فاقد الشيء لا يعطيه


موطالع بايدهم غير الحكي بركي بياخد منصب رئاسي بعد كم سنة
على هالحكي وبعدين رح نشوفو عنا ببنوك الغرب :clap:


وأن النبي محمد صلى الله عليه وسلم كان سياسي بالدرجة الأولى، فلقد أسس دولة مستقلة في ما يقل عن عشرة سنوات، وهذا ما لم يستطع آن يحققه أحد، وأن جميع الأنبياء عليهم السلام كانوا سياسيين.



:cry::cry::cry::sick::sick::sick: ختامها طنجرة

اي مزبوط ما بيتدخلو بالسياسة
بس اذا اعلنو الجهاد ...... معليش ... هي مسموحة ....وعلى كل مسلم في العالم ان يحمل الكلاشنكوف ويقاتل ...... بس مين بدو يقاتل ؟؟..............:shock:
:larg::larg::larg:

يقاتل أعداء الله وأعداء الإسلام الذين سعوا في الأرض عتوا وفسادا، ليس ممن فقد هويتك الإسلامية العربية وترك ماله وعرضه للغرب ليفعلوا به ماشاءوا.

:cry::cry::cry::sick::sick::sick: ختامها طنجرة
[/quote]

لم أفهم ما تعنين بقولك:ختامها طنجرة

هو بشكل عام كلشي عالمسلمين حرام :sick:..
عا كل حال ما تهكلوا هم استنوا كام سنة وان شاء الله (انتو بس ادعولنا) ازا ما تنازلنا عن ديننا رح بعملوا فينا مجزرة ابادية متل اللي صارت باليهود وأبشع كمان.. :cry:

لا فيصل القاسم عاش فترة طويلة ببريطانيا بس يبدو ما تعلم منها شي

بتلاحظ انو هدف كتاباتو و برنامجو استغلال عواطف المستمعين العرب اللي ما في اسهل من استغلال عواطفن يعني الي بيقرا هالمقال وغيرو او بيشوف الاتجاه المعاكس بيفكر فيصل القاسم الناطق الرسمي باسم بن لادن والاسلاميين بينما كلنا منعرف الخلفية الدينية للقاسم وانو مستحيل يكون من هالنوع بس هو مزعبر وراكب على الموجة اللي بتجبلو انتشار وشعبية اكبر بين العربان
على كل الزلمة احترق شوف برنامجو على الجزيرة ما بقى في كاتب او شخصية سياسية محترمة بتجي علي :jakoush:


مو المهم خلفية فيصل الدينية

المهم هدف و غاية خطاباته و كتاباته و تحليلاته المعروفة بانها دوما المعاكسة لكل شيئ!


هو يحاول يسيّرون الناس حسب الخطة المرسومة و بالاتجاه المطلوب حسب رغبة الجزيرة !



لكن مع الاسف وصول العرب الى هذا الحال بتبرير الاعمال المخالفة للدين تحت اي مسمى آخر

كرفض تطرف القاعدة او حتى القوات اللبنانية (( بالنسبة للقوات اللبنانية بوقت من الاوقات كانت ضرورة بلبنان للحفاظ على المسيحين والتوزع الديموغرافي بس حاليا شوي لازم يتغير خطابهم )) هي للتوضيح بالنسبة للقوات اللبنانية او اليمين المسيحي بلبنان بوقت من الاوقات كانو مهددين اما القتال او الموت او السفر





هلئ حطيط القوات اللبنانية بنفس البوتقة مع القاعدة؟؟؟؟؟؟؟؟!!!! كتيـــــر منصف انت بتحليلـك القيم هاد!!!

بس لمعلوماتك خطاب القوات من يوم ما تأسس على يد بشير الجمييل الله يرحمو و هو خطاب عن التعايش و السلم .تغير الخطاب لما استلم الدكتور جعجع و لفترى محدودة لان ماحدى من الافرقاء التانيين كان حابب يسمع بعدين طول عمرو وجود القوات ضرورة بلبنان لان اهداف القوات هي المحافظة على الوجود المسيحي المهدد مو بس بلبنان كمان بالمنطقة كلها. فالله يخليك زين كلامك قبل ما تضربو لان مو بمطرحو بخصوص القوات. مع ان الموضوع مو عن القوات بس بتقدر تععطيني و ين التعصب او الطائفية بخطاب القوات؟؟؟

مع الشكر:D

يا جماعة نحن المسيحيين كتير عنصريين ومنكيل بمكيالين وفينا فساد وفسق ودعارة تمارس بصورة شرعية

فليش كل واحد فيكم ببوس الأيادي وال .... مشان بس ياخد اقامة بشي بلد اوروبي ؟!

:cry:تمو فكرت ايدو



موطالع بايدهم غير الحكي بركي بياخد منصب رئاسي بعد كم سنة
على هالحكي وبعدين رح نشوفو عنا ببنوك الغرب :clap:



:cry::cry::cry::sick::sick::sick: ختامها طنجرة



ها ها ها ايه و الله يا نرمين جبتيها صف حكي بس هالبشر يعني اللي بيجلط بيسبو الغرب ليل نهار و بيحكو عليه و ما مخلين شي و مو حاطينو بي ضهر هالغرب. شي بيقلك سرق ثرواتنا الغرب و اذا حسبتيها بيطلع اتفه مسؤل عربي سرق اكتر من اكبر استعمار غربي لدولة المسؤل. و شي بيقلك قتولنا الغرب و كمان اذا راجعتي ماضي المخابرات و الرؤساء العرب بتشوفي انهم قتلو اكثر ما قتله الغرب. و شي يقول لك الغرب واقف مع اسرائيل و برضو اذا بتعملي بحث بتلاقي نصف الدول العربية واقفة مع اسرائيل. يعني هالبشر سياسة الكيل بمكيالين لاء و الاجمل بيتهمو الغرب بهاد الشي. يعني بمعنى ادق فالج لا تعالج.

و تحية لكِ

كل هذا الكلام طائفي بحت مع احترامي للجميع

كل هذا الكلام طائفي بحت مع احترامي للجميع

اي اكيد طائفي بحت بدون مناقشه

أنو كلام؟؟؟

شو هي اي كلام ؟؟ :shock:

أي كلام هو الطائفي؟؟؟ مقالة فيصل القاسم؟ بعض الردود؟ كل الردود؟ المقالة و الردود؟ رد محدد؟؟؟

ملاحظات:
- تم التركيز على صاحب الموضوع و تم تجاهل الموضوع

- اغلب الردود كانت خارج اطار الموضوع

- ردود لاباس بها تنم عن العنصرية

اقتباس:
وأن النبي محمد صلى الله عليه وسلم كان سياسي بالدرجة الأولى، فلقد أسس دولة مستقلة في ما يقل عن عشرة سنوات، وهذا ما لم يستطع آن يحققه أحد، وأن جميع الأنبياء عليهم السلام كانوا سياسيين.


:cry::cry::cry::sick::sick::sick: ختامها طنجرة


اسلوب التهكم يثير الصراعات المجانية فقط

استهل ردي بالرد على بعض الاخوة, بالنسبة لي القتل على الهوية عمل ارهابي مرفوض سواء كان بتوقيع القاعدة او الملشيات المسيحية فتفجيرات بن لادن توضع في نفس كفة مذبحة صبرا و شتيلا التي نفذتها الملشيات المسيحية.
الغرب شارك بطريقة او باخرى في الوضع الحالى فاغلب دول المنطقة لم تستقل الا في اواسط القرن الماضي هذا من جهة من جهة اخرى كرس الاستعمار التخلف و رسم حدود اعطت تركيبة فسيفسائية عرقية فقسم الاكراد على اربع دول و اوجد دولة للمسيحيين و حرس على زرع الاقليات عوض الحاقهم ببلدهم الام فصار الامر قابل للانفجار في اي لحظة كما وقع في لبنان و العراق . و لا ننسى الدعم الامريكي للانظمة الموالية لها وفرضها على الشعوب خصوصا في فترة الحرب الباردة لكن هذا لا ينفي المسؤولية الذاتية لشعوبنا. والملاحظ ان الدول المتقدمة هي الدول التي كانت دول استعمارية في القرنيين الماضيين . الغرب جزء من المشكل و ليس كل المشكل
فيصل القاسم قدم ملاحظة و هي ان الجماعات الدينية لها تاثير في امريكا مثلا و تشكل احد اهم اللوبيات الموجهة لها لكن لا احد يعارض في حين ان اي دولة او حزب تتبنى توجه اسلامي تتعرض للمضايقة و الضغط كما حصل بالجزائر عند فوز جبهة الانقاذ الجزائرية بالاغلبية في انتخابات نزيهة عرفت اشراف دولي حيث تم الغاء النتائج من طرف العسكر بمباركة فرنسية و صمت امريكي مريب التي عودتنا بالتدخل العسكري او على الاقل فرض العقوبات لحماية الديموقراطية.
الحالة اللبنانية ايضا تشهد تدخل رجال الدين المسيحيين ممثلين بالبطريك صفير في توجيه السياسة اللبنانية و الغرب يقبل بهذا لكن بالمقابل يطالب رجال الدين في ايران برفع يدهم عن شؤون الدولة و عارض بشدة الثورة الخمينية.
يعني توجد ازدواجية معايير واضحة

مرحبا شبيبه
راح قول رئيي الشخصي بهل الموضوع .
1=يجب فصل الديانه المسيحيه بين الشرق و الغرب
2=انا برئيي ان مسيحيه الشرق هم المسيحيون الاصليون .

وهنا نتسأل لماذا ابعد مسحيون الغرب اقدس المقدسات على مسحيون الشرق ؟؟
من اللذي اعطى وعد بلفور
من اللذي ساند و يساند اليهود الصهاينه اليس المسيحيه الصهيونيه

الاسم تبع الموضوع بحد ذاتو يا صاحبي فيه طائفيه

وياس شفلي الردود بتعرف بشكل عام بتعرف شو قصدي يا روح

يا جماعة نحن المسيحيين كتير عنصريين ومنكيل بمكيالين وفينا فساد وفسق ودعارة تمارس بصورة شرعية

فليش كل واحد فيكم ببوس الأيادي وال .... مشان بس ياخد اقامة بشي بلد اوروبي ؟!

المشكل الذي أراه فيك أيها المسيحي أنك تعمم أي تحكم على العامة و هذا أحد تشوهات الفكر التي يجب أن تتخلص منها،لأنني أعرف كثيرا من الناس لا يريدون الذهاب إلى أروبا إلى فاتحين، فأما الذين يقبلون الأيدي فهؤلاء قوم لاقيمة لهم عند أهل الإيمان ولا عن الأروبيين مجرد حثالى فقدوا الهوية يسعون وراء الدنيا الذنيئة.كما قال حافظ الحكمي :
أيا طالب الدنيا الذنيئة ألا فطلب سواها فإنها لا وفا لها
فكم قد رأينا من حريص مشفق عليها لم يظفر أن ينالها

يا جماعة نحن المسيحيين كتير عنصريين ومنكيل بمكيالين وفينا فساد وفسق ودعارة تمارس بصورة شرعية

فليش كل واحد فيكم ببوس الأيادي وال .... مشان بس ياخد اقامة بشي بلد اوروبي ؟!

المشكل الذي أراه فيك أيها المسيحي أنك تعمم أي تحكم على العامة و هذا أحد تشوهات الفكر التي يجب أن تتخلص منها،لأنني أعرف كثيرا من الناس لا يريدون الذهاب إلى أروبا إلا فاتحين، فأما الذين يقبلون الأيدي فهؤلاء قوم لاقيمة لهم عند أهل الإيمان ولا عن الأروبيين مجرد حثالى فقدوا الهوية يسعون وراء الدنيا الذنيئة.كما قال حافظ الحكمي :
أيا طالب الدنيا الذنيئة ألا فطلب سواها فإنها لا وفا لها
فكم قد رأينا من حريص مشفق عليها لم يظفر أن ينالها

ها ها ها ايه و الله يا نرمين جبتيها صف حكي بس هالبشر يعني اللي بيجلط بيسبو الغرب ليل نهار و بيحكو عليه و ما مخلين شي و مو حاطينو بي ضهر هالغرب. شي بيقلك سرق ثرواتنا الغرب و اذا حسبتيها بيطلع اتفه مسؤل عربي سرق اكتر من اكبر استعمار غربي لدولة المسؤل. و شي بيقلك قتولنا الغرب و كمان اذا راجعتي ماضي المخابرات و الرؤساء العرب بتشوفي انهم قتلو اكثر ما قتله الغرب. و شي يقول لك الغرب واقف مع اسرائيل و برضو اذا بتعملي بحث بتلاقي نصف الدول العربية واقفة مع اسرائيل. يعني هالبشر سياسة الكيل بمكيالين لاء و الاجمل بيتهمو الغرب بهاد الشي. يعني بمعنى ادق فالج لا تعالج.

و تحية لكِ

قال الله تعالى:"زين للذين كفروا الحياة الدنيا يسخرون من الذين آمنوا والذين إتقوا فوقهم يوم القيامة"
وكما يقول المثل الفرنسي:"يضحك كثيرا من يضحك أخيرا"

يسم اللّه الرحمن الرحيـــم


"ولن ترضى عنك اليهود ولا النصارى حتّى تَتّبِعَ ملّتهم قل إن هُدَى الله هوالُهدَى ولئن اتبعت أهوآءهم بعد الذي جآءك من العلم مالك من الله من وليّ و لا نصير"




للتذكير بين خطاب بوش الإبن بعد 11 أيلول و خطبة البابا "أوربانوس الثاني"، أول وأشهر دعاة الحرب الصليبية، في كليرمون سنة 1095 ، كان البابا في تلك الخطب في أوج البلاغة وقوة الصدق وهو يقول للمؤمنين من فرسان المسيحية:
" ترد علينا أخبار السوء كل يوم ومن كل حدب وصوب بأن جنسا من أشرار البشر دينهم مختلف عن ديننا، أتراك وفرس وعرب ومن كل عرق ملعون ومنبوذ من الرب قد أغرقوا أورشليم بالنار والدم وكسروا سيف القديس جاورجيوس. إن هؤلاء الأتراك (يقصد المسلمين) قد بقروا بطون خدام المسيح وانتزعوا أحشاءهم وراحوا يستعرضونهم في الساحات وقد حمّلوا كل واحد منهم (خازوقه) وصبغوا الأرض بدماء ضحاياهم، إنهم يشقون صدور المؤمنين ويجلدونهم بالسياط حتى الشهادة، فهل ننتظر المزيد ؟ أفلا يكفينا هذا ؟ ومن للمؤمنين من إخوتكم غير سيوفكم"
أفليس هذا هو خطاب بوش الأب وهو يودع جنوده الذاهبين إلى الصومال بقوله: ( إننا نتمم مهمة الرب ولن نتخاذل وليبارك الله تحالفنا ).
بوش الابن هو من اختار جون أشكروفت وزيرا للعدل والذي كان يجمع موظفي وزارة العدل كل صباح لإقامة قداس ديني . وجون أشكروفت هو القائل في كتابه "أقسم بشرفي" On my honor ": (ليس الدستور الأميركي هو الذي منحنا حرياتنا بل إن حرياتنا هبة من عند الله ) . وهو القائل أيضا: "إن الذين يرفعون في وجهنا اليافطات بحقوق الإنسان إنما يسعون لتفريق الصفوف ويدعون الشعب الأميركي للهزيمة والتخاذل أمام أعدائه.
معتقدات دينيه صريحة وواضحة لقياديين أمريكان, و مثل ما صرّح اشكر وفت و ضرب بحقوق الإنسان عرض الحائط من أجل هدف أسمى و هو النيل من أعداء الدين.
أي يا عزيزي " العلمانية" بيقلّك لا للتشريع الإسلامي أو الديني و نعم لتغييب الدين عن الساحة, بس لما بتسألهن عن معتقداتهن و منهجهن بتلاقي في شوي لبراليه على شوي تشريعات إسلاميه بتناسبهن و دخللي بهالخلطه و هالمعمعه يا صاحبي.
طيب..! إذا كان اصلاً منهجهم غربي, فليش ما بينغذو مثل ما عم يساوي الغرب, هي الغرب بصراحه بين فتره و التانيه بيعترف بالتاثير اللا متناهي للدين في سياسه القياده.

يعني هلق بعد كل هالحكي..
لشو وصلتو؟؟
او بالاحرى حدا فهمان عن شو عم تحكو؟؟
يعني شو الغاية. او بالاحرى شو لب الموضوع؟؟
انا صراحة ما فهمت شي!! حدا يشرحلي. بما لا يتجاوز السطرين.

يعني هلق بعد كل هالحكي..
لشو وصلتو؟؟
او بالاحرى حدا فهمان عن شو عم تحكو؟؟
يعني شو الغاية. او بالاحرى شو لب الموضوع؟؟
انا صراحة ما فهمت شي!! حدا يشرحلي. بما لا يتجاوز السطرين.

يا عزيزي في جدل حول العلمانيه و اليبراليه و رفضهم اشراك التشريع الديني ايّاً كان في امور الدوله و المجتمع, مع العلم بان العلمانيه مذهب غربي و كمان اللبراليه, فالحوار عم يخاطب العلمانيين بانه هي اميركا سياستها ما عم تهمّش الدين, يعني الدين معتقد أساسي في آيديولوجيات الدول اما العلمانيين فشو هدفهن من رفض الدين.

فالحوار عم يخاطب العلمانيين بانه هي اميركا سياستها ما عم تهمّش الدين,

ليش يعني اذا اميركا عملت شي معناها لازم يكون هو الصحيح؟؟

ليش يعني اذا اميركا عملت شي معناها لازم يكون هو الصحيح؟؟


مو القصد يا عزيزي بس فعلا في ناس هلأ عم يخربو بستار آيدولوجيا الدين.

الدين من طول عمرو هو يستخدم كأدات ليوصل الشخص لغايتو.
ورح يضل طول عمرو هيك.
لهلسبب بحياتو ما رح ينجح اي نظام محكوم من قبل الدين.

انت عايش باميركا, والمفروض تكون بتعرف انو المجتمع الاميركي بعيد كل البعد عن الدين.
لما عم يطلع هيك كام واحد عم يحكو بالدين, غالبا غالبا عم يكونو حمير وعم يخربو بالدولة, متل هالحمار اللي هلق رئيس اميركا.
يمكن التأثير ما ببين كبير باميركا, لانو المجتمع ككل مانو محكوم من قبل الدين.

الدين من طول عمرو هو يستخدم كأدات ليوصل الشخص لغايتو.
ورح يضل طول عمرو هيك.
لهلسبب بحياتو ما رح ينجح اي نظام محكوم من قبل الدين.

انت عايش باميركا, والمفروض تكون بتعرف انو المجتمع الاميركي بعيد كل البعد عن الدين.
لما عم يطلع هيك كام واحد عم يحكو بالدين, غالبا غالبا عم يكونو حمير وعم يخربو بالدولة, متل هالحمار اللي هلق رئيس اميركا.
يمكن التأثير ما ببين كبير باميركا, لانو المجتمع ككل مانو محكوم من قبل الدين.


عزيزي الدين لترتيو و تنسيق العلاقات بين الناس و الشعوب من جهه, و بين الناس و الخالق من جهه
الدين توجيه و تعليم و افكار مُوجهه, منشان هيك صار آيديولوجيا (file://\\ىيديولوجيا) للناس و للحكومات.
يعني قناعه البابا أثناء الحرب الصليبيه بان العرب مجرمين, طيب ليش جيت عابلادهن اذا بدك تندبح
نحن عنا مسيحيه بالشرق الاوسط و بظن قادرين على القياده الدينيه فيه.
ليش جون أشكروفت ضد الناس لما يطالبو بحقوق الانسان و بيبدّي على هالشي أمن اميركا مع انه غير مهدد بالمعنى التجريدي...شو قصه بوش بصوماليا منشان يبعت عسكر هنيك..ليش..!؟
شو قصه اكتر القساوسه الاميركان لما يسبّو الرسول عليه الصلاه و السلام.. ليش..!!؟
السبب معتقد ديني

طبعا المسيحيه منزّهه عن كل هذا.

اي؟؟
وشو علاقة الدين و الدولة بالموضوع!!
ما فهمت؟
يعني لهلق ما فهمت شو وجهة نظرك من الموضوع. طبعا انت او اللي كانو عم يحكو!!

اي؟؟
وشو علاقة الدين و الدولة بالموضوع!!
ما فهمت؟
يعني لهلق ما فهمت شو وجهة نظرك من الموضوع. طبعا انت او اللي كانو عم يحكو!!


أنا لست علمانيّاً و لن أكون قط

سؤال في محـــله والجواب مفهــومـ ...وواضح للجميــع ...

يسم اللّه الرحمن الرحيـــم



"ولن ترضى عنك اليهود ولا النصارى حتّى تَتّبِعَ ملّتهم قل إن هُدَى الله هوالُهدَى ولئن اتبعت أهوآءهم بعد الذي جآءك من العلم مالك من الله من وليّ و لا نصير"




للتذكير بين خطاب بوش الإبن بعد 11 أيلول و خطبة البابا "أوربانوس الثاني"، أول وأشهر دعاة الحرب الصليبية، في كليرمون سنة 1095 ، كان البابا في تلك الخطب في أوج البلاغة وقوة الصدق وهو يقول للمؤمنين من فرسان المسيحية:
" ترد علينا أخبار السوء كل يوم ومن كل حدب وصوب بأن جنسا من أشرار البشر دينهم مختلف عن ديننا، أتراك وفرس وعرب ومن كل عرق ملعون ومنبوذ من الرب قد أغرقوا أورشليم بالنار والدم وكسروا سيف القديس جاورجيوس. إن هؤلاء الأتراك (يقصد المسلمين) قد بقروا بطون خدام المسيح وانتزعوا أحشاءهم وراحوا يستعرضونهم في الساحات وقد حمّلوا كل واحد منهم (خازوقه) وصبغوا الأرض بدماء ضحاياهم، إنهم يشقون صدور المؤمنين ويجلدونهم بالسياط حتى الشهادة، فهل ننتظر المزيد ؟ أفلا يكفينا هذا ؟ ومن للمؤمنين من إخوتكم غير سيوفكم"
أفليس هذا هو خطاب بوش الأب وهو يودع جنوده الذاهبين إلى الصومال بقوله: ( إننا نتمم مهمة الرب ولن نتخاذل وليبارك الله تحالفنا ).
بوش الابن هو من اختار جون أشكروفت وزيرا للعدل والذي كان يجمع موظفي وزارة العدل كل صباح لإقامة قداس ديني . وجون أشكروفت هو القائل في كتابه "أقسم بشرفي" On my honor ": (ليس الدستور الأميركي هو الذي منحنا حرياتنا بل إن حرياتنا هبة من عند الله ) . وهو القائل أيضا: "إن الذين يرفعون في وجهنا اليافطات بحقوق الإنسان إنما يسعون لتفريق الصفوف ويدعون الشعب الأميركي للهزيمة والتخاذل أمام أعدائه.
معتقدات دينيه صريحة وواضحة لقياديين أمريكان, و مثل ما صرّح اشكر وفت و ضرب بحقوق الإنسان عرض الحائط من أجل هدف أسمى و هو النيل من أعداء الدين.
أي يا عزيزي " العلمانية" بيقلّك لا للتشريع الإسلامي أو الديني و نعم لتغييب الدين عن الساحة, بس لما بتسألهن عن معتقداتهن و منهجهن بتلاقي في شوي لبراليه على شوي تشريعات إسلاميه بتناسبهن و دخللي بهالخلطه و هالمعمعه يا صاحبي.
طيب..! إذا كان اصلاً منهجهم غربي, فليش ما بينغذو مثل ما عم يساوي الغرب, هي الغرب بصراحه بين فتره و التانيه بيعترف بالتاثير اللا متناهي للدين في سياسه القياده.



أحسنت رد ممتاز
شكرا لك

اي مزبوط ما بيتدخلو بالسياسة
بس اذا اعلنو الجهاد ...... معليش ... هي مسموحة ....وعلى كل مسلم في العالم ان يحمل الكلاشنكوف ويقاتل ...... بس مين بدو يقاتل ؟؟..............:shock:
يا لطيف على صغر العقل
:larg::larg::larg:

لما سيدك بوش يعلن الحرب على بلدك ويغتصبوها حضرت جنابك شو بتعمل تتفرج عليهم زي النسوان
يلي مش عاجبك الجهاد :larg:

اي؟؟
وشو علاقة الدين و الدولة بالموضوع!!
ما فهمت؟
يعني لهلق ما فهمت شو وجهة نظرك من الموضوع. طبعا انت او اللي كانو عم يحكو!!

شلون ما دخلو اقرا الموضوع منيح بتفهم منيح :p

كل ما دق الكوز بالجره بيحكولك قال تعال و قال الرسول الكريم
و الانجيل
و التورات
و الزبور

وخود على حكي مالو طعمه للصبح شو دخل الموضوع بهل قصص ماعم افهم

هلئ حطيط القوات اللبنانية بنفس البوتقة مع القاعدة؟؟؟؟؟؟؟؟!!!! كتيـــــر منصف انت بتحليلـك القيم هاد!!!

بس لمعلوماتك خطاب القوات من يوم ما تأسس على يد بشير الجمييل الله يرحمو و هو خطاب عن التعايش و السلم .تغير الخطاب لما استلم الدكتور جعجع و لفترى محدودة لان ماحدى من الافرقاء التانيين كان حابب يسمع بعدين طول عمرو وجود القوات ضرورة بلبنان لان اهداف القوات هي المحافظة على الوجود المسيحي المهدد مو بس بلبنان كمان بالمنطقة كلها. فالله يخليك زين كلامك قبل ما تضربو لان مو بمطرحو بخصوص القوات. مع ان الموضوع مو عن القوات بس بتقدر تععطيني و ين التعصب او الطائفية بخطاب القوات؟؟؟

مع الشكر:D

صديقي انا ما حطيت القوات مع القاعدة بنفس بالبوتقة انا عم بحكي عن التطرف مرفوض بأي شكل
متل مو انا ضد حزب الله كحزب شيعي طائفي مسلح وبكثرة وهاد الشي عم يعطي مبرر للتخوف من الاطراف التانية
ولاحظنا بالفترة الاخيرة تلويح على امكانية استخدام السلاح بالداخل اذا تهدد وجود الحزب من اشخاص من الحزب ومناصريه

لمعلموماتك انا مسيحي (( بالهوية )) وكنا بلبنان وهربو اهلي وقت الحرب وعندي ولاد عمتي 3 قتلو وهم يقاتلون مع القوات اذا بدك استشهدو من وجهة نظرك

وانا ما قلت انو هلق لازم ينحل القوات بالعكس وجودهم ضرورة حتمية بس برأيي اذا حبيت تحترمو الخطاب والشعار لازم يتغير . يلي بحافظ على وجود المسيحين مو الخطاب الاقرب للحربي ولا المظاهر المسلحة
وجود المسيحين وكل الاقليات ضمانو المواطنة والدستور

انا كل اسبوعين بنزل على بيروت وبعرف شو عم بحكي وحضران اكتر من فلم من هالنوع .انا بعرف زين كلامي منيح

بتحب نفتح ملفات الحرب وخطاب القوات اللبنانية وقتها .بالوقت الحالي اكيد اللعبة السياسية بتفرض تغيير صوري بالخطاب بس انا بنزل كتير على الاشرفية وشايف ارض الواقع . ورعرف آراء قواتكم اللبنابنة
الدكتور سمير جعع ظلم هاد شي لايختلف عليه 2 عقلاء

بتمنى تقبل رأيي برحابة صدر
على كل يساري ما رح نتفق بس المفروض ما تتخانق تحياتي الك :D

كل ما دق الكوز بالجره بيحكولك قال تعال و قال الرسول الكريم
و الانجيل
و التورات
و الزبور

وخود على حكي مالو طعمه للصبح شو دخل الموضوع بهل قصص ماعم افهم


طب الله يجبر عنك انتا اطلع بحالك منيح ابل ما تحكي الكلمتين هدول بتعرف شو انتا :lol: