يلا بارليبو انا اجيت:


موقف بضحك... شو ؟


اوصفلنا طفولتك كيف كانت؟؟؟ ..
كتير حلوة .. ما انحرمت من ولا شي .. بما أنو كنت أنا الولد الكبير ..

هل بارليب بغار؟ ومن شو ؟؟؟
بارليب بيغار .. بس بيغار على مو من .. بيغار على حبيبتو .. كتير كتير كتير

شو رايك بنتيجة المونديال الماضي؟؟
كانت معروفة .. أنو الطليان لعبو هيك بس مشان يتسلو ..

لمين بتقول :

ودعتك مانسيتك .. الحبيبة الأولى

بحبك يا حمار .. ابن خالتي الزغير
لا تنسيني ..:sosweet:..

لا تشكي فيي او لا تشك فييي أمي .. لسا مفكرة عم دخن
كلن عنك سالوني ابن العم
بعدك على بالي طارق 007
دايما على بالي حبيبتي
بعيد عنك حياتي عزاب برضو حبيبتي


كيف بتتخيل حالك بعد 15 سنة؟؟
مجوز بالغربة

وحاجة مبدئيا...:D
اذا مبدئياً .. كيفنا

بارليب شو هالأجوبة هي نصها متل بعضا :lol:

اي بارليب انا رجعتووو


.شو المواضيع اللي بتقراها بالمنتدى
شو حلمك بهالحياة
شو الصفات اللي بتكرهها بالانسان
والصفات اللي بتحبها
شو حكمتك بالحياة
شو هيي صفات امراة احلامك
اذا ربحت مليون دولار, شو بتعمل فيها؟؟
انت سعيد بحياتك وليش
اذا لاء كمان ليش؟
.اذا فشلت بتحقيق حلمك شو رح تكون ردت فعلك؟

تسمحيلى اكون اول من يرد عليكى
لك شو بدي قلك:D.عن جد كتير سعيدة لاني اتعرفت عليكي.احلى روز*سمايلي ميمو*

آخ... يا نيرفانا.. ذكرتيني بمولاي وسيدي ومنار العلم وحامي النساء من الغناء شيخي المبجل لايص...الف سلام إليه...
من بعدو ...قصدي من بعد سفره لطلب اليقين والمعرفة الربانية...انا صرت مو خوش ولد ع قولة العراقيين...
صرت مشكلجي وسكير واضرب بالعود والعب بالقردة وارقص مع الجوراي...
يلا فترة وبتمر ...هيك الدنيا...
شكراً كتير نيرفانا...وخدي هالوردة مني :D
:lol::lol::lol:

اي بارليب انا رجعتووو


.شو المواضيع اللي بتقراها بالمنتدى
الأغلبية .. ويلي بيجذبني عنوانا
شو حلمك بهالحياة
صير تاجر مخدرات ( مشان ما يقول اب جوزيف أني عم كرر اجوبتي :lol:)
شو الصفات اللي بتكرهها بالانسان
الخيانة
والصفات اللي بتحبها
الصدق .. الكفونة ..
شو حكمتك بالحياة ..
مافي شي محدد .. الأخلاق أخسن حكمة .

شو هيي صفات امراة احلامك..ذكية .. حلوة .. و وفية ..
اذا ربحت مليون دولار, شو بتعمل فيها؟؟ بسهر فيون بـ ليلة وحدي .. لأنو يلي بيجي بسرعة بيروح بسرعا .
انت سعيد بحياتك وليش.. اي سعيد .. هيك .. لانو ببساطة مافي أي شي بيقدر يزعجني ;-)
اذا لاء كمان ليش؟
.اذا فشلت بتحقيق حلمك شو رح تكون ردت فعلك؟
رح قوم و أبدا من جديد ..

اهلين ريتا .. ميت السلامة :D

صباحك قشطه بارليب ..

بصراحة تفاجأت كتير وقت عرفت انو عندك 17 سنه والعمر كلو ادامك يارب بس بجد مشاركاتك بتوحي انك اكير من هيك بكتير موفق خيو ...........وهلاء فيك تستلم هالكمشة....:D
1- برأيك الحياة عطت بارليب حقو ..كانت منصفه معو ...شو اكتر شي اخدتو منو ؟؟؟...بالمقابل لابد انو اعطتو شي ...شو هو ؟؟؟
2- الحياة والاحداث يلي بتصير فيا الها تأثير كبير ع نوعية الغناني يلي بتسمعن...بقى بارليب شو بيسمع عالايام ؟؟
3- بتحب الادب شي؟؟؟؟ لمين بتقرأ من الادباء العرب ؟؟؟غير العرب ؟؟
4-مين بتحب اكتر من هدول
بوش والا شارون؟؟
ننوسه والا هيفا ؟؟
العسل الابيض والا المربى ؟؟
كنافه والا مامونيه ؟؟
مالبورو سبيشل:larg: والا حشيشه :hashish:؟؟
5- عضو بدك تحكيلو كلمتين بس ماصحلك ؟؟ وهي اجت فرصه شو بتقلو ؟؟

من جديد


هدول الاغاني وزعن علاعضاء تنشوف


تعا تعا كرمالي

يا ستي يا ختيارة

عالهوارة الهوارة

يا سي السيد

اللي فاكرني

يوم الوداع

ارضى بالنصيب

فطومة

حبك عزاب

صابر وراضي

اتاخرت كتير يا حبيبي

حنينك حنيني

بستنا باليوم واليومين

اجمل احساس

بنت الايه

اخدني معك

عينيك كدابين

قولي لبوكي

لون عيونك

اتحدى العالم

يانور عيني

احساس جديد

اسفة

التنورة

بعيونك كلام

خلص الدمع

كوني انا

وهزلي لهزلك



حاجتك هلا والي اي الي عودة

مرحبا...

اسالتي المعتادة الخفيفة الظريفة..

1. شو الشي الي ما فيك تعيش بدونه؟

2.ازا عندك الصلاحيات انك تغير شي واحد بسوريا شو ما كان...شو بتغير وليش؟

3.ازا كنت لحالك عجزيرة لحالك و بدك تضل معزول عن الناس واي شي خارج الجزيرة لمدة سنة و فيك تاخد معك شخص واحد و3 اشياء من اغراضك الخاصة شو بتاخد وليه؟ (ما فيك تاخد موبايل او تلفزيون او كمبيوتر او اي وسيلة اتصال مع العالم)وطبعا مو اكل وشرب وهاي الاشيا لأنه اعتبرها مأمنة الك بس بدك تاخد شي بعز عليك وبعنيلك انه يضل معك

4.شو تعريف الغربة بالنسبة الك؟

ويسلمو وموفق بالمقلاية ..


:D:D

مرحبا بارليب انا اول مرة بشارك باسئلة المقلاية و ما شاء الله الشباب و الصبايا هون عم يسألو البيضة مين باضها والجاجة مين جاجها
ف مشان هيك حبيت غير نمط الاسئلة شوية و اسألك السؤال التالي:
اذا كنت مصاحب وحدة و كان عندك حفلة وهيي بتعرف انك رايح و مانها غيرانة(على اساس يعني) ولما رحت انت بعتت رسالة لصديقك عم تقلو فيها انو بالحفلة الجو اخو محلوشة وفي صبايا كتير كتير وكلهن بياخدو العقل بس بما انك صار الك زمان مانك عامل هالحركات يعني انك تحاول تطبق بنت فاليوم ما عندك الجرأة انك تزبط اي بنت
فجأة بتستلم رسالة من رفيقتك و بتقلك : شكرا عالرسالة الحلوة بس ما عرفت ليش عم تبعتلي ياها الي
يعني بالمختصر انت غلطت و بعتتها لصاحبتك بدل من صديقك
والمخلوقة عاد يا سيدي انزعجت كتير و اخدت على خاطرها و ما رضيانة تحكي معك بالمرة فشو بتعمل لحتى تراضيها؟؟؟؟؟؟

هاي بارليب:clap:
رح يكرهني شوي تاني بس شو اعملك اذا حظك كان ع رجعتي
يلا هلا اسئلتي


وشو هي اكتر مادة بتكرها و كمان ليش؟
هل بتامن بالابراج ؟ و علل جوابك
هل بتامن بالقدر؟ علل جوابك
هل بتامن بالسحر و المشعوذين؟ علل جوابك
عرفلي البيروقراطية والديكتاتورية
شو اكتر شي بيعصبك؟
شو اكتر شي بيفرحك؟
شو رايك بقضية الشرق الاوسط؟
شلون تعرفت على أخوية ..؟
شو هدفك بالحياة ...؟
مين أكتر أعضاء بتقارلون بالأخوية ..
كم اخ و اخت عندك؟
مين من اخواتك هوي المفضل عندك وليش؟
شو هوي فيلمك المفضل وليش؟
شو هي اغنيتك المفضلة وليش؟
مين مطربك المفضل وليش؟
مين ممثلك المفضل وليش؟
شو اكتر شي بتحبو بالحياة وليش؟
شو امنيتك بالحياة؟
شو ناوي تدرس؟
شو أكتر معادلة كيمياء حفظتها بحياتك؟
شو أحلى قصيدة مرقت معك؟
شو درس العلوم المفضل يلي حفظتو؟
شو حدود سوريا الجغرافية؟
شو طبيعة لبسك : سبور -فنكي -رسمي ؟
شو اكتر موقف محرج صار معك؟
بتعتبر حالك ن الناس ياللي بيحكو كتير؟
شو اكتر اسم بتحب للشب وللبنت؟
مين قضوتك بالحياة ؟
شو رأيك بالطفولة و الولاد ؟
مين أعز شخص على قلبك و ليش ؟
إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟
شو حكمتك بالحياة؟
شو أحلا أيام حياتك؟
شو الحياه بالنسبه إليك؟
شو بنظرك دموع الفرح أم بسمة الفرح؟
شوالشي الذي تتمنى أن يرجع؟
مين أعز إنسان لقلبك؟
موقف صار لك ولا تقدر تنساه؟
شو أفضل لديك بمراحل النمو هل هو الطفوله ام المراهقه ام الشباب أم الشيب؟
زيت المقلاية عم يحرقك شي؟


حاجتك هدول

بكرا برجعلك ع روااااااااااااااااااااااا اااااااق

اللله يعينك باريلبو :cry:

اللله يعينك باريلبو :cry:
على شوو

بدو يستنى لانو الي رجعة
بس لمخمخ شوي
ههههههههههههه:yahoo::clap::clap:

ولي عليك ي..ريتا ... انبحتت البنت ... :o

هاي بارليب:clap:
ميت هاي أهلين
رح يكرهني شوي تاني بس شو اعملك اذا حظك كان ع رجعتي
يا ستي أنت بتموني على عيوني
يلا هلا اسئلتي
يلااا

وشو هي اكتر مادة بتكرها و كمان ليش؟ علوم .. لأنو حكي ولت وعجن عـ الفاضي ومالها علاقة بالشي يلي بدي أدرسو بعد ما خلص .. ( بس خلص )
هل بتامن بالابراج ؟ و علل جوابك لا ما بأمن .. لانو صارت شغلة تجارية بحتة ..
هل بتامن بالقدر؟ علل جوابك .. لا .. لأنو مستقبلي ما حدا بيصنعو غيري
هل بتامن بالسحر و المشعوذين؟ علل جوابك .. لا .. لانو هدول كزابين همون يطلعو مصاري
عرفلي البيروقراطية والديكتاتورية .. بيروقراطية هي الروتين السيء بالعمل .. يعني أنو مسلاً .. لازمنا علبة دوا من المستودع .. و المريض لازملو هل دوا بسرعة .. و أمين المستودع مو موجود .. ولازم يكون امين المستودع موجود مشان يوقع عـ ورقة لـ يعطوكي الدوا .. فـ هي البيروقراطية ..
الديكتاتورية : هي حكم الشخص الواحد لـ دولة كاملة ..
شو اكتر شي بيعصبك؟ أنو ا لوحد يوعد و ما يوفي بـ وعدو
شو اكتر شي بيفرحك؟ احضر عرس :lol:
شو رايك بقضية الشرق الاوسط؟ ولله أخر همي الشرق الأوسط .. هي قضية بدها شي 700000 أينشتاين لـ يعرف يحلها .. و بعرف ما رح يطلعو خرج
شلون تعرفت على أخوية ..؟ .. صدفة لقيتك .. يا محلا هـ الصدفة وياك

شو هدفك بالحياة ...؟ عيش بـ سلام ,, و موت بـ سلام
مين أكتر أعضاء بتقارلون بالأخوية .. الكل .. بس أقل الشي الأعضاء الجداد ..
كم اخ و اخت عندك؟ أخين و أخت
مين من اخواتك هوي المفضل عندك وليش؟ بلله هاد سؤال ؟
شو هوي فيلمك المفضل وليش؟ catch me if you can ما بعرف ليش .. بس لأنو فيو ذكا كتير
شو هي اغنيتك المفضلة وليش؟ سلامات .. لأنو بسرد فيها لـ يوم السرد
مين مطربك المفضل وليش؟حسام الرسام .. لأنو لما بيغني حزن بيغني من قلبو .. و لما بيغني فرح .. بيخليك تطير فرح . صوتو جبار .. وهيك
مين ممثلك المفضل وليش؟ نسيت أسمو ....:lol: .. بطل فلم ocean 12 w ocean 11
شو اكتر شي بتحبو بالحياة وليش؟ لعبة القدم .. ما بعرف بس .. هيك
شو امنيتك بالحياة؟ سوق الفيراري
شو ناوي تدرس؟ علوم سياسية
شو أكتر معادلة كيمياء حفظتها بحياتك؟ ما بتذكر .. ماني حفظان ولا وحدي .. عم أحكي جد ..
شو أحلى قصيدة مرقت معك؟
يا دامي العينين و الكفين .. ان الليل زائل
لا غرفة التوقيف باقية ولا زرد السلاسل ..
نيرون مات لم تمت روما . بعينيها تقاتل
و حبوب سنبلة تجف ستملأ الوادي سنابل
شو درس العلوم المفضل يلي حفظتو؟العين
شو حدود سوريا الجغرافية؟
من الشمال تركيا . و الشرق العراق الشقيق .. الجنوب أردن وفلسطين . و الغرب البحر
شو طبيعة لبسك : سبور -فنكي -رسمي ؟
سبور عمو سبور
شو اكتر موقف محرج صار معك؟
مافي موقف محدد .. بس أنو لما فكر حالي دفعت و ماكون دافع .. وهل شغلة بتصير معي و كتير ..
بتعتبر حالك ن الناس ياللي بيحكو كتير؟
بالعكس تماماً
شو اكتر اسم بتحب للشب وللبنت؟
للبنت ..ليليان (ليلي)(ليليا)
للشب .. ما بعرف .. بس بحب أنا اسمي كتير
مين قضوتك بالحياة ؟ ما عندي .
شو رأيك بالطفولة و الولاد ؟ أحلى شي بالحياة
مين أعز شخص على قلبك و ليش ؟ امي .. وما بدها ليش
إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟
بساعد اللي من عيلتي .. و أذا حبيبة القلب فعلاً حبيبة القلب .. برمي حالي معها ..

شو حكمتك بالحياة؟ ما عندي

شو أحلا أيام حياتك؟ البكالوريا أيام المدرسة بس
شو الحياه بالنسبه إليك؟ لعبة
شو بنظرك دموع الفرح أم بسمة الفرح؟ بسمة الفرح
شوالشي الذي تتمنى أن يرجع؟ ولا شي
مين أعز إنسان لقلبك؟ هلا سألتي هـ السؤال
موقف صار لك ولا تقدر تنساه؟ انو شغلة كانت حلوة كتير .. بس ما بتنحكا هون .. وماصرلها أكتر من اسبوع

شو أفضل لديك بمراحل النمو هل هو الطفوله ام المراهقه ام الشباب أم الشيب؟ المراهقة ..لنو أي شي بعملو ما بتتواخذ عليه ..

زيت المقلاية عم يحرقك شي؟ بالعكس .. شغلو الشوفاج.. برد كتيررررررررر


حاجتك هدول
بس ؟

بكرا برجعلك ع روااااااااااااااااااااااا اااااااق
عم استنااااااااااك

فوفو و يمان و ليندا و وسيم .. برجع برد عليكون بعدين

عندي هلا نفس أركيلة ما بيتفوت

و الغرب البحر
هههههههه:lol:

وصحتين عالأرجيلة ..

فوفو و يمان و ليندا و وسيم .. برجع برد عليكون بعدين

عندي هلا نفس أركيلة ما بيتفوت

يا عمي نيالك...

طب اعزم علينا:x

:D:D

يا ميت اهلا ببارليبو من امتى مزتوت بالمقلاية:o
تيك هالاسئلة على ما حضر الباقي.
اول ما بلش بدي قول انو بارليب من اكتر الناس اللي بحبهم هون.وبتمنالو كل التوفيق ويضل على طول محبوب ومهضوم....:gem:
شو هوي برجك
اذا عطيتك ورقة وقلم مشان تكتب رسالة لامك شو بتكتب ليها
شو عطاتك اخوية
شو المثل اللي بتحب تقولو ديما
مين قدوتك بالحياة
الدولة اللي بدك تزورها
مين الشاعر المفضل عندك
مين المغني المفضل عندك
اللون المفضل
القناة المفضلة
قسمك المفضل باخوية
اخر مسج وصلك بموبايلك

وراجعين على قولة عمرو دياب:D

gazita طيوبة وقريبة من القلب ومزوقة كتير

عضو طيب Gazita



تسلمي نيرفانا الفنة :mimo::akh:

وأنا أطالب بحقوق الفيتو وبطلب من فراشه تنزل على الساحه يعني ((القلايه)):larg:

gazita
احلا بنوتة .. طيبة .. وحلوة .. بتحسا باربي



يييييب:sosweet:لك احلى بارليبو :oops::mimo::akh:

بارليبو بجنن ... :larg::larg::larg:

والله التعن النفس تبعو


صحي بدي اسالك...عرفتلي كيف وصلت هي اللي اكلتا هداك اليوم لعندكم

وشو هي الدبانة اللي بتطير وبتحمل بشر:lol:

بــارلـــيب ..
عــندك مــا يــكفي مــن الاســئله :cry: ..
فــما رح اســئلك شي هــلئ :?

بارليب انا رايحة ع الشغل بس ارجع
عندي كوشة اسئلة جداد:yahoo::yahoo::yahoo::yahoo:

سئلو سئلو .. أنا أخر رواق ..

يمان يا شامي يا خربان .. أنا بفرجيك ..

ما رح أقدر رد علي الأسئلة اليوم .. شنو عندي حفلة .. ( فادي كارات ) ( تفضلووو )

أذا رجعت صاحي ومو تعبان .. رح فوت و رد ..

يلا تصبحو على خير ..
انا من جههتي رح أصبح على رقص ...

شوش سمعت أغنية شأم .. تقريب الخمسين مرا .. نزلتا عـ الموبايل و ماكنت شيلا .. يسلمون كتير

و أنا عم استناك رتووت .. أسئلتك حلوين متلك ..

و أنا عم استناك رتووت .. أسئلتك حلوين متلك ..



يي يخليلي ياك
بس لاتكوون عم تعمل حباب هلا وتحطني بالمقلاية
ولا بشرشحك:o:o:o:yahoo::yahoo::yahoo:

والله بدك ياها ....اي بحياة التيتي اللي كانت معنا اليوم :lol:

صباحك قشطه بارليب ..
وصباحك كمان يا قمر ..

بصراحة تفاجأت كتير وقت عرفت انو عندك 17 سنه والعمر كلو ادامك يارب بس بجد مشاركاتك بتوحي انك اكير من هيك بكتير موفق
خيو
:D
...........وهلاء فيك تستلم هالكمشة....:D
من أأيديكي عسل
1- برأيك الحياة عطت بارليب حقو ..كانت منصفه معو ...شو اكتر شي اخدتو منو ؟؟؟...بالمقابل لابد انو اعطتو شي ...شو هو ؟؟؟
عطتو حقو وكتير زياددي .. بس المسكين أخدت منو عقلو ..
2- الحياة والاحداث يلي بتصير فيا الها تأثير كبير ع نوعية الغناني يلي بتسمعن...بقى بارليب شو بيسمع عالايام ؟؟ بارليب من يوم يومو بيسمع عراقي .. هي شغلة وراثية
يعني ابي و عمامي و جدي ..و ولاد عمامي كللللللون بيسمعو عراقي .. أكتر شي حزن ..
3- بتحب الادب شي؟؟؟؟ لمين بتقرأ من الادباء العرب ؟؟؟غير العرب ؟؟
الأدب شغلة مهمة كتير بحياتي .. بقرا عـرب الماغوط و محمود درويش ..
و الأدب العالمي ماني كتير صحبة معو .. بس أكيد بقرا ادب عالمي كمان
4-مين بتحب اكتر من هدول
بوش والا شارون؟؟ ولا واحد .. بس بما أنو اختياري شارون
ننوسه والا هيفا ؟؟ مين ننوسه ؟؟ أكييييد هيفا تقربي قلبي
العسل الابيض والا المربى ؟؟ مربى
كنافه والا مامونيه ؟؟ مامونيه
مالبورو سبيشل:larg: والا حشيشه :hashish:؟؟ أكيد حشيش ... بس بيضل كلشي بوقتو حلو ... مثلاً بـ حفلة أركيلة .. و سهرات دخاني ( بس مبطل حالياً ) مارلبورو أحمر .. و مسابح و قعدات ( أذا كانت قعدات سكر مثلاً ) بدخن لوكي ابيض .. لأنو لما ببلش شرب بيرتفع مستوى الدخان عندي كتير كتير ..
5- عضو بدك تحكيلو كلمتين بس ماصحلك ؟؟ وهي اجت فرصه شو بتقلو ؟؟ ZAHi : بقلو تضرب أنت و مواضيع المعارضة تبع ... أنو فعلاً بياخة


على راسي لندوش ..

من جديد


هدول الاغاني وزعن علاعضاء تنشوف


تعا تعا كرمالي ..varon

يا ستي يا ختيارة .. ميمو

عالهوارة الهوارة.. مادماكس

ارضى بالنصيب .. ريمي

فطومة .. ريتا

حبك عزاب .. حسون

صابر وراضي .. مرامو

اتاخرت كتير يا حبيبي .. يمان و علاء و أب وليم.


اتحدى العالم .. ميمو


وهزلي لهزلك .. دقللو حسون



حاجتك هلا والي اي الي عودة

ما حبيت هـ السؤال .. تلات رباع الأغاني ما بعرفون ..

ما بيجي منك خير أنت أبداً هااا

مرحبا...

اسالتي المعتادة الخفيفة الظريفة..

1. شو الشي الي ما فيك تعيش بدونه؟
صورة الحبيبة
2.ازا عندك الصلاحيات انك تغير شي واحد بسوريا شو ما كان...شو بتغير وليش؟
بعمل النت مجاني و سريع ,, لأنو صار أفضل وسيلة للتواصل بين الشباب السوري ..
3.ازا كنت لحالك عجزيرة لحالك و بدك تضل معزول عن الناس واي شي خارج الجزيرة لمدة سنة و فيك تاخد معك شخص واحد و3 اشياء من اغراضك الخاصة شو بتاخد وليه؟ (ما فيك تاخد موبايل او تلفزيون او كمبيوتر او اي وسيلة اتصال مع العالم)وطبعا مو اكل وشرب وهاي الاشيا لأنه اعتبرها مأمنة الك بس بدك تاخد شي بعز عليك وبعنيلك انه يضل معك
فرشاية و معجون سنان. و صورة أحباب الروح .. باخد معي بنت خالتي .. لأنو ولا بحياتي رح فكر ملّ .. عندها حكي لـ يوم الحكي ..

4.شو تعريف الغربة بالنسبة الك؟
البعد عن الحبايب

ويسلمو وموفق بالمقلاية ..

ولله باينتا باردة كتير هل مقلاية .. شو ما عندكون غاز ؟

:D:D

ولك أهلين بربك فوفو .. انتي و صديقتك ريم .. و أهل الأردن كلللون

مرحبا بارليب انا اول مرة بشارك باسئلة المقلاية و ما شاء الله الشباب و الصبايا هون عم يسألو البيضة مين باضها والجاجة مين جاجها
ف مشان هيك حبيت غير نمط الاسئلة شوية و اسألك السؤال التالي:
اذا كنت مصاحب وحدة و كان عندك حفلة وهيي بتعرف انك رايح و مانها غيرانة(على اساس يعني) ولما رحت انت بعتت رسالة لصديقك عم تقلو فيها انو بالحفلة الجو اخو محلوشة وفي صبايا كتير كتير وكلهن بياخدو العقل بس بما انك صار الك زمان مانك عامل هالحركات يعني انك تحاول تطبق بنت فاليوم ما عندك الجرأة انك تزبط اي بنت
فجأة بتستلم رسالة من رفيقتك و بتقلك : شكرا عالرسالة الحلوة بس ما عرفت ليش عم تبعتلي ياها الي
يعني بالمختصر انت غلطت و بعتتها لصاحبتك بدل من صديقك
والمخلوقة عاد يا سيدي انزعجت كتير و اخدت على خاطرها و ما رضيانة تحكي معك بالمرة فشو بتعمل لحتى تراضيها؟؟؟؟؟؟
ياسيدي أذا حبيبة قلبي يلي انا بعرفا .. لح تلزقني كفيين .. و تلزقني بعدا بوسة .. لأنو بتعرف أنو ما بقدر قاومها .. و بتعرف أكيد اني ما رح كررها .. و بتعرف أنو ما ممكن فرط فيها ولو شو ما صار

..

يا سيدي انت أول واحد بشوف أسئلتو أطول من الأجووبة ..

تيك هالاسئلة على ما حضر الباقي.
ناطر انا ناطر
اول ما بلش بدي قول انو بارليب من اكتر الناس اللي بحبهم هون.وبتمنالو كل التوفيق ويضل على طول محبوب ومهضوم....:gem:
تسلمي كلك زوووووووووووووووووء
شو هوي برجك
دلو
اذا عطيتك ورقة وقلم مشان تكتب رسالة لامك شو بتكتب ليها
انتي احلا هبة الي
شو عطاتك اخوية
رفقة ما رح انساهون .. وكتير شغلات غيرها
شو المثل اللي بتحب تقولو ديما
العمر مو يوم و يومين .. و وراك وراك و الزمن طويل ..
و الأيام بيناتنا
مين قدوتك بالحياة
ما عندي
الدولة اللي بدك تزورها
ايطاليا
مين الشاعر المفضل عندك
خضير الهادي
مين المغني المفضل عندك
حسام الرسام
اللون المفضل
ازرق
القناة المفضلة
venus tv ( هي أغاني ها .. مشا ن ما يروح فكركون لـ بعيد يا مبهدلين .. بس سمو مني .. حطوها فيها أحلا أغاني)
قسمك المفضل باخوية
اخر مسج وصلك بموبايلك

وراجعين على قولة عمرو دياب:D


تايبين على قولة ياس خضر :lol:

ولك أهلين بربك فوفو .. انتي و صديقتك ريم .. و أهل الأردن كلللون


فروحة وام الريم سورين وبس:larg:

أسئلة بدها صفنة مع الذات عفكرا ..
حاولت اني جاوب ضمن معلوماتي المتواضعة بس أكيد ضمن قناعاتي كمان ..

شكرا كتير :D

على عيني نيرفانا , مع إني كان في بالي كم سؤال تاني بس عم نخدم العلم حالياً .. :frown:

خيرا بغيرا

ألف شكر , :D

معلم بارليب سؤال ع الحارك ,

1 - لو صرت رئيس سوريا لعشر أيام , و بحقلك تغير 10 أشيا بسوريا , كل نهار شي

شو حتسوي بالترتيب ,

:D

وليييييي بدك تروحو للشب حرام عليك شو هالسؤال:shock::shock::cry::cry:
الله يكون بعونك يا بارليب قلبي معك بس حياتي كمان غالية عليي:cry:

ياسيدي أذا حبيبة قلبي يلي انا بعرفا .. لح تلزقني كفيين .. و تلزقني بعدا بوسة .. لأنو بتعرف أنو ما بقدر قاومها .. و بتعرف أكيد اني ما رح كررها .. و بتعرف أنو ما ممكن فرط فيها ولو شو ما صار

..

يا سيدي انت أول واحد بشوف أسئلتو أطول من الأجووبة ..
سيدي ما حبيت خليك تفكر كتير وتتعذب بالرد فلذلك خليت السؤال هيك:D:D
بكل الاحوال رح فكرلك بشي كم سؤال محرزين ولا يهمك:D

بارليب من يوم يومو بيسمع عراقي


:clap::clap::clap: .. ولهيك بدي اسألك شو رايك بأغاني التراث العراقي واكتر أغنية بتحبها؟

على عيني نيرفانا , مع إني كان في بالي كم سؤال تاني بس عم نخدم العلم حالياً .. :frown:

خيرا بغيرا

ألف شكر , :D

تسلم .. :D .. أخوية بيناتنا والزمن طويل .. الا ما تصير فرصة تسألني ياهم :lol:

ولك أهلين بربك فوفو .. انتي و صديقتك ريم .. و أهل الأردن كلللون


تسلم يا غالي...

متل ما قال يمان..تصحيح بسيط..نحنا سوريين بس القدر الواطي زتنا ندرس بعيد عن سوريا...

مشان النار..هدول الي عم يتقلو العيار انقلو وانشو من قبل مشان هيك مو فارق عن بس المساكين امثالي حاسبين خط الرجعة شنو لسا ما انقلينا...


بقا عيارنا عالهادي لبين ما نمر بالمقلاية عسلام وبعدين بفرجيكن الاسئلة :p


:D:D

معلم بارليب سؤال ع الحارك ,

1 - لو صرت رئيس سوريا لعشر أيام , و بحقلك تغير 10 أشيا بسوريا , كل نهار شي

شو حتسوي بالترتيب ,

:D
هلا بلا على عيني ....

يا سيدي ..
1- بغير مناهج التدريس .. لأنو مناهجنا ولا افشل من هيك

2- بعمل جامعات بـ كل المحافظات و اغلب المدن الكبيرة

3-بشيل ضريبة الرفاهية الجمارك و الحكي الفاضي تبع السيارات

4-بنزل قانون عقوبات علي بيرمي وسخ بالشوارع

5-بعمل خدمة العلم غير الزامية

6-بفتح ملاعب سلة و قدم للشباب كللون .

7-بساوي الحشيش مسموح .. و بينباع منو عند السمان

8- بخلص بناء ساحة الأمويين

9- بلغي المكاري و السرافيس ( بما انو السيارات رح تصير كتير رخيصة)

10- بتنازل عن الحكم

:clap::clap::clap: .. ولهيك بدي اسألك شو رايك بأغاني التراث العراقي واكتر أغنية بتحبها؟
مافي أحلا من أغاني التراث العراقي ..
من سلامات .. و عشرين عام .. و بنت الديره .. ويلي مضيع وطن .. و تايبين .. و مجروحين .. و خالة يا خالة .. و سوار من ذهب ..

بس بتضل سلامات المفلة عندي

على عيني بارليب ,. بس نسيت شغلة مهمة , و هي "قانون الطوارئ" .. ;-)

goverment
مين هاد .. يي هاد انت .. سمعو هاي .. اليوم ميو عزمت حسون عـ الأكل ,, قام أجا الكرسون قللو شو بتاكل .. قللو ما بدي أكل شي .. أحلا حسون


له له له له له
اشبك خيو
اكلت بوظة قد السما

بعدين تصحيحا لمعلوماتك
انا اللي عزمت مو الطرف التاني

:larg:


بتعرف

مافي أحلا من أغاني التراث العراقي


يا اخي شو بدك باحكي
الاغاني العراقية حضارة والله


وحيييييييييييك بابا حييييييييييك
الف رحمة على بيك

لااااااااااااا


فوق النخل فوقققققق .. يبا فوق النخل فووووووووووووق ..
مدري لمع خدك .. يبا مدري القومرررر فوققق

زبعدين مين بعدك لح تلحش:yahoo: