يالا بدينااا............:D

اذا كنت جوعان اول شي شو بيخطر على بالك تاكله:melody:
معاك 3 وردات لمين بتعطيهم (اختار بنات من المنتدى معنا و اجباري وحده منهم الي :jakoush:)
شو بتتمنى هديه بعيد ميلادك
شو هي طموحاتك بها دنيا
لو فيك تاخد جنسية تانيه غير جنسيتك أي جنسيه بتختار;)؟؟؟
مين الي بكتم اسرارك؟
مشترك بمنتدايات تانيه غير اخويه؟
مين افضل مطرب عندك و مطربه
بتحس انك محبوب بالمنتدى يعني الك شعبيه او لا
مرتبط او لا
اذا وقفت قدام بحر شو بجي على بالك من افكار (غير انك تسبح:o)
شو بتعنيلك هل كلمات ....الحب....الحزن.....امك و بيك...القلم....
اذا بدك تكتب جمله انت بتحبها كتير و بتعنيلك كتير شو بتكون هي؟؟
في شي مضايئك بالمنتدى و مو عاجبك؟
مين تؤم روحك؟
انه اكتر قسم بتحبه بالمنتدى؟
شو اكتر مواضيع بتنرفزك:frown:؟؟
شو ايجيابياتك؟
شو سلبياتك؟
برئيك السكوت بكير مواقف بكون سيد الموقف ؟؟
لو لا سمح الله ربنا حرمك من حاسة من حواسك شو بتفضل انه يكون مفقود عندك:cry:؟
بتندم على قراراتك الي بتاخدها حتى لو كانت ضدك ؟
بتفضل الصداقة او الحب بأعتبار انه حبيبك يمكن نخصره بس صديق بتدوم علاقتك معاه
شو الشي الي بخليك تحزن؟
برئيك الدنيا لهلئ بخير؟
شو اكتر شي بجذبك بالبنت شكلها او شخصيتها
بتهتم بمظهرك او هيك كيف ما اجت تجي؟
بتسب؟؟؟(لانه الي بسب بروح النار:larg:)
عندك ثقة بحالك بس اذا جوابك يس معناه انت مغرورلانه الثقة الزايده تولد الغرور???
1. اخر سؤال و ااااااااااااااااااااااااا ااااااااااااااااااااهم سؤال و جوابه مهم جدا جدا جدا


جوليانا بتعرفها شي:fthink: ؟؟؟؟مار عاليك هادا الاسم شي :fwaa3:؟؟؟؟شايفه بشي مطرح؟؟؟؟:fcray:
الاسئلة لأبو السيم ولا عم تسأليها لحالك وبصراحة :sly:


:deal:

عربنا الكيبورد و جينا:-

احم احم يلا يلا....


وسيم....لو كان فيك تختار اسمك شو كنت سميت حالك؟

بتتخيل حالك متزوج بنت مو عربية اذا نعم ليش؟ و اذا لأ كمان ليش؟

الطب اختيارك؟

و شو كان خيارك التاني؟

بتآمن بالصداقة بين شب و بنت؟

شو هي القمة بالنسبة لالك؟

شو الشي يي بحياتك مو ممكن تندم عليه؟

قلي الفرصة يلي ضيعتها عحالك و نفسك الوقت يرجع لورا لتعوضها؟

الاديان شو بالنسبة الك؟

انت شخص مؤمن؟

هلااااااا بننتقل للاسئلة الكثر خصوصية:p


لما تكون معصب شو بتسمع؟

و لما تكون رايق شو بتسمع؟

شخص بتعتبرو مثل اعلى ؟ و شخص بتتمنى تصير متلو؟

كلمة بتوجها لامك هي:-

لاختك؟

لبنت اختك :sosweet:؟

لحماتك؟

لاخوك؟

لرفيقتك؟

لام علي :shock:

بتستعمل جل ولا لأ؟

لو للذكاء معيار من 1-10

قديه بتعطي حالك؟


بتعتقد في حب بهالدنيا؟

طب انا زهقتك شي؟:pos:




جاوب وسيم يلا :clap:

هاي وسيمو والا سلام عليكو اظرف

شو اكتر كزبة ندمت عليها بالدنيا؟
ليش تركت حبيبتك؟
عمرك ضحكت على شي صبية وقلتلها انك بتحبها وانت كزاب؟
عمرك حسيت حالك ما بتستاهل تعيش وانك صغير كتير؟ظ
عمرك حسيت حالك كبير وليش؟
اذا حبيت واللي حبيتها كانت مرفوضة تماما من قبل اهلك وكنت بتموت عليها شو رح تساوي؟
اذا منتدى اخوية تعطل وما عاد فيك تدخلو شو رح تساوي؟
خلص بيكفي يلا روح جاوب;)

مرحبا وسيم ..
سؤال واحد بس :
يحرء حريشك كم ساعه كنت تدرس لحتى حصلت الطب ؟؟
(هالسؤال أبدا مو من باب الحسد أو لانو تحصيلي كان :oops:)
وموفق يا دكتور:D

وسيم افندي سلامات.........ميت اهلين وسهلين حبيبي........................................ .................................................. ........................................ رح نبلش خفيف ونضيف يلا:قولوا الله :................................................. .................................................. .................................................. .......... من شو بتخاف من الله ومن ابي ومن الرسوب بالجامعة ومن الفشل بشكل عام
مين مثلك الاعلى........خالي اللي هو طبيب بفرنسا....
.......... الطائفية شو الا عندك يا صاحبي ليك لقلك:انا شخصيا ما بحب الطائفية ابدا ابدا والدليل اني ساكن مع صديق عزيز عليي كتيير بنفس الغرفة بالسكن الجامعي و هو من طائفة تانية و هي السنة التالتة صرلنا ساكنين انا وياه مع بعض وبحياتنا ما جبنا سيرة الطائفية بيناتنا او اختلفنا عليها
. بس تيأس شو بتساوي بحكي كتير مع اصحابي واصدقائي بطلع بتمشى واذا ما مشي الحال ساعنها بقعد بغرفة معتمة و بسمع اغاني لحالي و بدخت كتييير و بنام كتير(هي في حالات اليأس الشديد و الحزن الشديد كمان)
شو الموسيقا او الغنية اللي بتطلعك من اي حالة نفسية سيئة عدة اغاني عربية و اجنبية و سبق و ذكرت هالشي .
شو بتحب اكتر الليل او النهار الشتي او الصيف الربيع او الخريف وليش(اذا بدك)بحب الليل لانو معتم و هادئ و بحب الصيف لانو ليلو حلو كتييييير و بحسن اطلع واتمشى بالليل وبن ما بدي و براحتي .................................................. .................................................. .................................................. ............... شو شعورك اذا شي يوم اندق الباب و طلع بوشك واحد قلك انا (ما بعرف)
اول شي بقللو انا كمان ما بعرف شي و بعدين بقللو اتفضل بحطك بعيوني:D

وسيم يا وسيم..استلقي هدول الأسئلة.....

فيك تبطل الدخان؟حاولت و كنت رح بطلوا بس يا اختي اذا بحبو فليش لبطلو:?
:oبتعرف أنو بيعمل سرطان؟بالله العظيم:shock::shock:عم تمزحي:?خبرية جديدة:p
هلق للجد
كم مرة حبيت بحياتك؟مرة وحدة وسبق و حكيت عنها اقري الردود السابقة بتشوفيها
بتأمن أنو الشخص بيحب أكتر من مرة..و لا الحب بيجي مرة وحدة؟همم يعني كيف بدي قللك انو يعني...اي خلص عرفت...هلق ليكي انو الواحد ينسى حبو الاول هاد شي ممكن بس صعب و مع ذلك بيضل لفترة طويلة عندو شوية حنين لهداك الحب يعني اكيد رح يلاقي وحدة تانية يعوضو عن اللي راحت منو بعد ما كان يحبها و بيجوز تنسيه هديك بشكل كامل اما اذا ما حسنت تنسيه بشكل كامل ف على الاقل بيبطل يحنلها كتيييير وانو ما بيحسن يعيش بلاها لاء يا ستي بيحسن يعيش بلاها و يصاحب و يحب من جديد بس الشغلة بدها قوة ارادة و تصميم وهالحكي عم احكيه عن تجربة شخصية:D
خنت بحياتك؟والحمد لله لسى لاء وما بتمنى انو خون حدا بعمري لاني ما بتمنى انو حدا يخوني
ندمت على الخاينة؟
تصرف ندمت عليه كتير كتير كتير اعادة سنة معهد اللغة البولونية لاسباب عديدة
ناوي ترجع على سورية؟اذا قصدك اني ارجع و استقر بسورية فبقلك لاء و بصراحة لاني عم احسبها حسبة مادية يعني اذا بدي ارجع اشتغل بسورية اي بقضي عمري كلو لحتى اجمع المبلغ اللي رح كون دفعتوا عالدراسة و بيجوز ما احسن عوضو حتى فهمتي عليي شلون شيت انا هون عم تكلفني السنة بحدود 10000 يورو بين تكاليف الجامعة و تكاليف المعيشة
إذا كان في بنت بدك تتركا بدون ما تجرحا شو الأسلوب اللهلوب يلي بتستعملو؟طولي بالك ولا تنحمقي ولا تنفعلي كتير ببساطة بخفف علاقتي معها شوية شوية و بعدين هيي لحالها بتحس انو العلاقة عم تنام و تبرد شوية شوية و ما عاد في امل انو نكمل مع بعض وبالاخير يا انا بفاتحها بالموضوع او هي بتاتحني بالموضوع
مين اقترح عليك الدراسة برا؟خالي اللي بفرنسا
شو رأيك بالشب يلي بيتجوز بعمر ال 20؟يعني هاد حسب وضعو ممكن مثلا يكون ناضج نوعا ما فكريا و مقتدر ماديا و واثق من نفسو بالشي اللي عم يعملوا فما في مانع اما اذا كان شب طايش و هيك حركات فانا ضد هالشي لانو رح يندم كتير بعدين
مين مطربك العربي المفضل؟كاظم الساهر وابو وديع:larg:
شو أكتر الشي بتحبو بالشام؟ليكي بصراحة انا من حمص و بعشق رب حمص ولما بكون بسورية بس بغير حمص بصراحة بحس اني بغربة اصعب من غربتي ببولونيا

أنا أسئلتي كتير ظريفة و مالا سئلة..:gem:
تسلميلي انتي و اسئلتك:D

waseeeeeeeeeeeeeeeeem

enta hooooooon:p


bas raje3 el 3arabi 3l keyboard bedi janenak bel as2ele


wa shokran kteer elak 3ara2yak feye....wa merci 3l warde

wa meni elak warde kaman:D

yalla estanani raje3telak;)
اهليـــــــــــــــــــــ ـــــــــــــــــــــــــ ــــــــــــــــــــن وميت سهلين بهالعينتين :D:Dوين غايبة كل هالفترة يا انسة:jakoush::jakoush:كنت عم قول لحالي حتى ايلا تركت اخوية العمى والله صارت اخوية مملة كتيييييير:cry::cry:
بس الحمد لله رجعتي و بنشاط ما شاء الله على هوى مو مبين من كتر الاسئلة:cry::cry:
يا جماعه ارحمو من في الارض يرحمكن من في السماء ..حرام حرقتو للرجال مو قليتووووو:cry:
شايفة يا ام الريم شايفة كل الاعضاء كانو غايبين لفترة طويلة و رجعوا على حظي و بدهن يعوضو فترة غيابهن على كتافي:cry::cry:
بس انا لها ولوووووو:larg::larg:

الاسئلة لأبو السيم ولا عم تسأليها لحالك وبصراحة :sly:


:deal:
انا بعرف يا رجل منين طلعتلي بهالاسئلة:pos::pos:

رؤى الله يعينها طالبة طب متلي متلها و بحس بعاناتها مزبوط بس بشكل عام حبابة كتير و وردة الوردات

حنون رؤى



حسيت حالي ماما رؤى :lol:... حنونه :p

ومشان الطب ... لا ما عم عاني .. يا جبل ما يهزك ريح :gem:

اي .. يسلمووو كتير وسيم ..

انو عندي اسئله ... بس استنى لبين ما اتغدى ومخمخ :larg:

تجي نشترك سوا بالتفجير؟؟
انا بفجر وانت بتروحي عالحبس

ديل؟
قلتلك من زمان انك ارهابي ...

:pos:

عربنا الكيبورد و جينا:-اي ميت اهلين و سهلين و ويلكم باك:D

احم احم يلا يلا....


وسيم....لو كان فيك تختار اسمك شو كنت سميت حالك؟زين

بتتخيل حالك متزوج بنت مو عربية اذا نعم ليش؟ و اذا لأ كمان ليش؟بصراحة المهم بالنسبة الي هو الحب و التفاهم مشان هيك ما كتير بتفرق معي اذا عربية او لاء مدام الحب والتفاهم موجود فما بيهني من اي بلد هي رح تكون

الطب اختيارك؟نوعا ما بس مو بشكل كلي

و شو كان خيارك التاني؟هندسة المعلوماتية

بتآمن بالصداقة بين شب و بنت؟اي لانو انا عندي صديقة و عزيزة عليي كتير كمان كازاخستانية

شو هي القمة بالنسبة لالك؟يعني ما فهمت السؤال بالضبط شو يتقصدي فيه...عن انو قمة عم تحكي؟؟ممكن توضحي السؤال

شو الشي يي بحياتك مو ممكن تندم عليه؟دراستي الطب ولو انو بالغربة و الظروف صعبة كتير بس ما ندمت و ما بتوقع اني رح اندم

قلي الفرصة يلي ضيعتها عحالك و نفسك الوقت يرجع لورا لتعوضها؟حكيت برد مسبق على نفس السؤال تقريبا

الاديان شو بالنسبة الك؟وسيلة للتقرب من الله سبحانه و تعالى و هي اشياء و معتقدات شخصية و بعارض بشكل كلي الاختلاف عليها و تكفير الغير (الدين لله و الوطن للجميع)

انت شخص مؤمن؟اذا قصدك على الايمان بالله و بوجوده فاي نعم بؤمن بالله تعالى و بانيبائه جميعا بس بصراحة ما بطبق تعاليم الدين الاسلامي و بعرف حالي اني مقصر كتييييييييير مو شوية و رجاء لا تسألي اكتر عن هالموضوع

هلااااااا بننتقل للاسئلة الكثر خصوصية:p


لما تكون معصب شو بتسمع؟ما بسمع شي بحاول روق باي وسيلة بس الموسيقا ما بتروقني بيجوز اني اكل او نام او اعمل اي شي مكن حتى روح السينما او احضر شي فيلم بالبيت بعد ما اهدأ شوية

و لما تكون رايق شو بتسمع؟منوع بين عربي و اجنبي

شخص بتعتبرو مثل اعلى ؟ و شخص بتتمنى تصير متلو؟خالي (سبق و ذكرت هالشي)

كلمة بتوجها لامك هي:- بفديكي بروحي هي الكلمة بتشرح كل شي و بتختصر كتير حكي:cry::cry:

لاختك؟بحبك بكل ما تحمه الكلمة من معنى

لبنت اختك :sosweet:؟بهديها غنية(مشتاق اضمك)

لحماتك؟الله ياخدها ويريحني منها قبل ما اعرفها

لاخوك؟يا روح الروح انت

لرفيقتك؟الله يبعتلك شي عريس ويرحني منك:frown:

لام علي :shock:
هي ستي ام علي شبها:shock:مشتقلها والله
بتستعمل جل ولا لأ؟اي بستعمل

لو للذكاء معيار من 1-10

قديه بتعطي حالك؟بيجوز 7 او 8 مستحيل يكون اكتر او اقل:oops:


بتعتقد في حب بهالدنيا؟اي في اكيد في

طب انا زهقتك شي؟:pos:
لا وحياتك عادي:D



جاوب وسيم يلا :clap:
شحني جاوبت ع كل شي :D
واذا لسى في عندك اسئلة انا جاهز لعيونك:larg:

هاي وسيمو والا سلام عليكو اظرف

شو اكتر كزبة ندمت عليها بالدنيا؟يا ستي بصراحة بعمري ما كذبت كذبة كبيرة كتير لحتى اندم عليها كتير يعني بالعادة بكذب شي بسيط ممكن مشان اهرب من شي موقف محرج او مثلا مشان برر شي سيء عملتو او ممكن اني اضطر اكذب مشان ما حدا يعرف شي شغلة ما بدي حدا يعرف عنها شي و هيك شغلات يعني عرفتي شلون.....بس لما بشوف انو الكذب رح يعمل مشكلة ف عالسريع بعتذر و بحكي الصراحة و اللي بدو يصير يصير
ليش تركت حبيبتك؟قصة طويلة و بصراحة الحق عليي من البداية(يعني ما خرج اكتب القصة هون)
عمرك ضحكت على شي صبية وقلتلها انك بتحبها وانت كزاب؟لاء والحمد لله
عمرك حسيت حالك ما بتستاهل تعيش وانك صغير كتير؟لاء:?
عمرك حسيت حالك كبير وليش؟قصدك كبير بالعمر يعني ختيار:oلاء ما حسيت هيك شي اصلا ماني مغرور بحالي وبعتبر حالي انسان عادي جدا
اذا حبيت واللي حبيتها كانت مرفوضة تماما من قبل اهلك وكنت بتموت عليها شو رح تساوي؟ما بتوقع اني زعل اهلي يعني بضل بحاول و بحاول لحتى يرضو ;)
اذا منتدى اخوية تعطل وما عاد فيك تدخلو شو رح تساوي؟رح ازعل كتيييييييييير و بحاول ضل على تواصل مع الاعضاء اللي بعرفهن هون معرفة شوية شخصية:Dبس الله لا يسمع منك على هالخبرية....قال يتسكر قال:jakoush:
خلص بيكفي يلا روح جاوب;)
هي جاويت ع كل شي يا ستي:larg:
انا رايح نام هلق و بس فيق بشوف شو في اسئلة و برجع جاوب:larg:

هلا انا لح كون مختلف بأسألتي عن الكل لانو شايف الأسئله هيه قوالب بتنسأل للكل لهيك لبلش يا رب


وسيم بتحب اسمك او لا ؟؟؟

اكتر واحد بتبحو بين اخوانك ؟؟

اكتر شخص بتفتقدو ؟؟

كلمة بتحكيها للوالده و الوالد ؟؟؟

اكتر شي بتكرهو بالحياة ؟؟؟

اكتر يوم بتكرهو بالاسبو و السبب ؟؟

كيف عرفة اخويه ؟؟

امتى اول مره دخنت ؟؟؟

امتى اول مره حششت ؟؟

شو اعملك ابوك لما عرف انك عم دخن ؟؟

شو الموقف يلي عملتو و لليوم بتندم انك عملتو ؟؟

امتى اول مره حبيت ؟؟

شو رايك بمقولة : ان الحب الأول ليس هوى الحب الاكبر؟؟

مين بتحب اكتر اهل امك ولا اهل ابوك ؟؟

شو الشي يلي حابب تحصل عليه ب لهلا ماحسنة ؟؟ وشو السبب؟

شو رايك بهل بلدان

ســــــــــــــوريا :ss:

فلسطين

العراق

الاردن

تركيا

لبنان

اخر خناقه علمتها و هل ظربة او نظربت فيها و الخسائر شو كان ؟

اكتر شي بتحبو بوسيم ؟

اكتر شي بتكرهو بوسيم ؟

سؤال غبي : برأيك فرنسا كانت بتستاهل تفوز بكاس العالم 98 ؟؟ "بكره فرنسا لهيك سالتك ياه لووول ":cry:

شو رايك بمقوله نحكت بسنة ال 82 : " البرزيل فريق الاحلام ؟؟
و
يا هل ترى البرزيل من خسرت كأس العالم ، ام كأس العالم من خسر البرزيل في كاس العالم 1982 ؟؟

شو أحلا شغلتي بالبنت :o

شو رأيك بالتكنولوجيا ؟؟

شو رايك بمعارة الاداره انو نفتح قسم حربي ؟؟ "قالو عم نشجع على الدمار :frown:"

شو نمرة رجلك لوووول :p؟

اكتر 5 الوان بتحبهم ؟

شلون بتشوف وسيم بعد 5 سنين و 10 سنين و 30 سنه ؟

شو الشي يلي دائما بتحاول تغير او تخفي بحالك بس ما بتحسن ؟

لخصلي هل كلمات بفقره

سوريا

حمص

الشام

---------------

اكبر مقلب اخدتو بحياتك شو كان ؟

شو تعريفك للخيانه و رايك فيها ؟

هل مرية بهل تجربه من قبل يلي هيه الخيانه ؟

مين اكتر 5 اصدقاء مميزين عندك بالواقع ؟

ومين اكتر 10 اشخاص مميزين عندك علنت ؟

واكتر 13 واحد مميز باخويه ؟

اكتر 3 شخصيات تاريخيه بتكرهم ؟

اكتر 3 شخصيات بالتاريخ بتحبهم ؟

شو رايك بجيفار ؟

شو رايك بالسوبرماركت يلي جنب بيتك ؟

مين اكتر واحد بتكرهو بالديسكو يلي بتروحو ؟؟

بنت ظليت تحوم حوليها كتير و ما حسنة تحيها ؟؟

بنت لذقتك و انت ما بدك تحكيها كيف خلتها تمل ؟

كم فج اكل بصغرك ، و كم قطبه في براسك ؟؟؟

احلا 6 عطور عندك ؟

احلا 5 ماركات عالميه بتحبهم ؟

برأيك يا وسيم يلي بيحاول ياثبت شخصيتو علنت شو بيكون بالواقع ؟

هلا لنحكي عن اخويه شوي مالح اذكرلك عدد حكي يلي ببالك بس

مين اكتر الناس المميزين يلي بتشوفهم هون ...

اكتر الناس شهره ؟؟

اكتر الناس شعبيه ؟؟

اكتر الناس ثقافه ؟؟

اسرع واحد نشهر ؟

ناس ما بتحبهم او لنحكي ما هضمتهم ؟

اكتر اقسام بتحبها ؟؟؟

شو اخر كم موضوع عجبوك ؟؟


بيكفيك لهون لو في شي برجع بسألك بس حرام شفئت عليك


أخر سؤال وسيم شو رايك ب ASH ؟؟؟ سالوك عن الكل لهيك انا بدي اسألك بس عني خليك صريح شريك حكيلي اعور بعيني لوووول

احلا ابو السيم

تسلميلي انتي و اسئلتك:D

الله يسلمك:oops:

والله قلبي أتقطع عليك يا وسيم..أنو الله يعنيك كيف بدك تلحق كل هالأسئلة:tears: و كلو كوم و أسئلة آش كوم تاني:o..هههههههههههههه يا زلمة تقول مستني هالانتقام من زمان:lol:

ياهلا بأحلى وسيمووووووووووووووو بالدني كلا:sosweet::clap:

كيفك؟؟؟شو أخبارك


انا مارح أسئلك ومارح ثقل دمي عليك متل ماقالت ريمي ارحموا من في الأرض يرحمكم من في السما:p

بس حبيت أسلم عليك لأني بصراحة اشتقتلك واشتقت للاخوية

بس في سؤال:p


العيشة ببولونيا حلوة؟؟؟

فيك دبرلنا شي مطرح نجي لعندكون؟؟؟


يلا ســلام:D

مرحبا وسيم ..
سؤال واحد بس :
يحرء حريشك كم ساعه كنت تدرس لحتى حصلت الطب ؟؟
(هالسؤال أبدا مو من باب الحسد أو لانو تحصيلي كان :oops:)
وموفق يا دكتور:D
يا ستي انا كنت ادرس كتير يعني شي حوالي 10-12 ساعة بايام القطع بالبكلوريا بس ما طلعلي طب لاني جمعت يومها 212 بدون الديانة طبعا:pos:مشان هيك حملت حالي وسافرت مشان ادرس الطرب برى سورية:D

اش...........اش............اش............... اش...............مش حتقدر تغمض عينيك:cry::cry:
الله يسامحك:cry::cry:لك شو عاملك انا.......لك اتذكر لما كنت انت بالمقلاية ما ضل حدا وما شالك و شرشحوك بالاسئلة بس انت طلعت قدهم كلهم و جاوبت عالكل الا اسئلتي انا ما جاوبت عليها روح وشوف بس انا كنت حباب معك وما ذكرتك فيهن قلت خليه بلا ما يتعب هلق بهالكم سؤال...........بسيطة يا اش بسيطة:cry::cry:

ياهلا بأحلى وسيمووووووووووووووو بالدني كلا:sosweet::clap:

كيفك؟؟؟شو أخبارك


انا مارح أسئلك ومارح ثقل دمي عليك متل ماقالت ريمي ارحموا من في الأرض يرحمكم من في السما:p

بس حبيت أسلم عليك لأني بصراحة اشتقتلك واشتقت للاخوية

بس في سؤال:p


العيشة ببولونيا حلوة؟؟؟

فيك دبرلنا شي مطرح نجي لعندكون؟؟؟


يلا ســلام:D
لك ميت اهلين و سهلين بالقمر وين كنتي غايبة كل هالمدة ولوووووووو بشرفي اشتقنالك.......هلكت و انا عم دور عليكي
ليكي لقلك بولونيا حلوة كتيييييييير و العيشة فيها انتي بتخليها حلوة او بشعة يعني انتي و قدرتك عالتأقلم مع الوضع هون اذا بتحسني تتأقلمي شوية مع الوضع هون بتعيشي مبسوطة اخر بسط ومكيفة احر تكييف(بس اصحك تفكري تدرسي الطب هون لانو بتتبهدلي متلي)لا عم امزح قد ما كانت الدراسة صعبة بتضل الها لذتها وفي عندك دائما اوقات للبسط و التسلية بس لازم تعرفي تنظمي وقتك وهي هيي القصة كلها
و مشان المحل انتي بس قرري انك تجي و بحطك بعيوني و المحل دائما موجود لا تاكلي هم:sosweet::sosweet:

اي ...

ام الرور وصلت ...:yahoo:

مرحبا وسيم ... ممممم انوو من زمان ما شفتك عالايميل

مره كنت بدك تسال سؤال ومدري انا الي طلعت او انت المهم ما انسال ...ههههههه

هلا لتذكرت هالشي .. :lol:

على فكره مخي مدري ليش ماعم يروق انوو عم فكر بشي شاغلني ..:cry:. بس

انوو بدي اسال كم سؤال عالماشي ...

واذا خلصت حاله الكمون والركود بالمخ برجع بسال مره تانيه ..:lol:


احم :larg:احم . اي

صح عرف للاخوه المشاهدين شو يعني كمون وركود ...؟ ولمين بتصير ...؟ وعطيني مثال لالها ...؟ (بدون بحبشه على غوغل هاا
)

اي ..


تانيا ..

شو هوو عمى الالوان ..؟:shock:

اذا ارتفع السكر عند الرجال شو الدوا الي بياخدو ..؟والضغط كمان شو الدوا شيتوو ..؟

شو هوو الشي الي ابو عصام دهنو على جسم ابو غالب لما صار جربان ..؟:sick:

اذا لون عيني اليسار خضرا والتانيه حمرا .:sly:. اشرحلي حالتي والدوا ...؟

اذا انحرقت ايدي بالمي السخنه شو حطلها ... ما تقلي معجون اسنان هااا .:p.؟


شو هوو الغاز الي بسموو الغاز المضحك :lol:..؟ووين بيستعملوو ..؟

رحت عالجامعه ... وقعدت على شي مقعد .. هلأ قمت واكتشفت انك كنت قاعد على دهان احمر .. او اي شي بيعلق باللبس ... والصبايا صارو يضحكو ...:oops:


هون انت شو بتعمل ...؟


مين هوو الولد الي شايلو بصورتك عالماسنجر ..:sosweet:.؟ وليش كنت لابس اورنج :?


دخلت عاللاب بالجامعه .. وصرت تبحبش بين المركبات وهالاشيا

بما انك حشور كتير ... هلا شميت شي بعدين قريت انو هاد بنوم .... وكان عندك كويز بعد ربع ساعه ..شو بتعمل ...؟


صح شكراا عالورده الي عطيتني ياها ...:D


اي شو كمان ....

شو نوع المعسل الي بتستعملوو اكتر شي للاركيله .. ؟؟ :larg:

كم راس بتاركل عاده ...؟:larg:

شو اسم جامعتك ..؟:deal:


وليش بولونيا بالذات ..؟

ليش مارحت على فرنسا .. لعند خالك ..؟

كم جمعت بالبكالوريا .:o.. انووو اوعى هااااا بجيب ملفك هالدقيقه ....؟


كم جمعت بالليبرااا ... وشو الماده الي كسرتك ..؟


بتحب الماث ..؟:x


شو رايك بالفيزياء ... بتعرف قوانين كيرشوف :x..؟

بظن هنن 3 اذا ما كنت غلطانه .. هلا هدول ضيعولي 3 درجات بالفيزيا ..:cry:. بالبكالوريا ..


فاكتبلي ياهون هوون بدي ارجع اتذكرهم .. اذا كنت بتعرفهم .. ونبذه مختصره بعد اذنك عن عموو كيرشوف ...

فيثاغورس .. شو بيعنيلك .. وكم مسبه اكل منك هوو والمثلث والدائره شيتوو ..؟


مممممممممممممممممم

انووو بدي حب وجع راس ... هفف:sick:ففففف اي شو كمان ..


اي مين مات ..؟

مين اتزوج ..؟

مين اتطلق ..؟

ليش انت حومصي ..؟

عم تعيد الاربعاء ولا حومص بعيده مشان هيك بطلت هالعاده ...؟

كم وحده بدك تتجوز ..؟

لو قالتلك مرتك العصمه بايدها وانت رح تجن عليها شو بتعمل ..؟

مخك ادي بيوزن...؟ اوعى تقلي بيوزن بلد ..

شو يعني بحبك بالبولندي ..؟ اكتبها بالعربي وبالبولندي مشان نعرف نحكيها

شو يعني بالبولندي

بتكتب طريقه اللفظ بالعربي هاااا

بكرهك ..:x


خاين ..:cry:

اناني ...:jakoush:

حبك برص ...;)

تضرب بهالكسم ...:?

انا ماله ..:cry:

:pos:غبي ..

سقيم ..:o

ولي على تولك ...:hart:

غليظ ..

رؤى .:sosweet:.مو اسمي انو الاشيا الي بتشوفها بنومك ..

محشش

الي مابحب النسوان الله يبعتلو عله ... :clap:

تصبح على خير

صباح الخير

الله ياخدك

تقبرني

يبليك بحما ...

يبعتلك قتلك ..

ان شا الله بتعفسك سياره بدون نمره :lol:

الله يرحم ايام هالمسبات من جاره بيت جدي الله يرحمهاا .:lol:.. ويغفرلنا شو كنا نعمل بلاوي .. :gem:

اي شو يعني الله يرحمها ..
ههههههههههههههههههههه

انوو بكفي هدول ... لسا ما روقت

بس هيك يشتغل مخي برجع واذا ما اشتغل انوو خلص ...

بحياتك شو رايك بالاسئله ...؟:yahoo:

يا جماعة بدي اعتذر منكن اليوم لاني ما رح احسن رد عليكن شيت عندي دراسة خير الله
ان شاء الله برجع بكرا و برد عالاسئلة
سلام:D

قبل ما جاوب رح قللك شغلة اني ما رح احسن رد على كل الاسئلة دفعة وحدة يعني هلق رح رد على قسم واحد بس و بكرا القسم التاني يالله لنبلش:
هلا انا لح كون مختلف بأسألتي عن الكل لانو شايف الأسئله هيه قوالب بتنسأل للكل لهيك لبلش يا رب


وسيم بتحب اسمك او لا ؟؟؟اي بحبو:oops:

اكتر واحد بتبحو بين اخوانك ؟؟حسن و غدير

اكتر شخص بتفتقدو ؟؟حسن

كلمة بتحكيها للوالده و الوالد ؟؟؟الله يخليلي ياهن و يديمهن فوق راسي مدى العمر و ان شاء اللع ما بخيلبهن املهن و برفع راسهن فيي يا رب

اكتر شي بتكرهو بالحياة ؟؟؟الفشل

اكتر يوم بتكرهو بالاسبو و السبب ؟؟الاربعاء لانو عندي فيه محاضرو عملي بمادة الانسجة

كيف عرفة اخويه ؟؟عن طريق الصدفة كنت عم دور على شغلة بغوغل

امتى اول مره دخنت ؟؟؟كنت صف تاسع يعني من شي 7سنين

امتى اول مره حششت ؟؟من سنة

شو اعملك ابوك لما عرف انك عم دخن ؟؟دقني قتلة نصها موت:cry::cry:

شو الموقف يلي عملتو و لليوم بتندم انك عملتو ؟؟اني اندم ندم كبير كتير ما في هيك موقف بس يعني اذا قصدك اذا بتحسر على اشياء اي هي كتير بتصير معي بس دائما بواسي حالي و بقول خيرها بغيرها و (عسى ان تكرهوا شيئا يكن خيرا لكم)صدق الله العظيم

امتى اول مره حبيت ؟؟من سنة

شو رايك بمقولة : ان الحب الأول ليس هوى الحب الاكبر؟؟بصراحة لسى ما حبيت غير مرة وحدة فلذلك مافيني قارنو بالحب التاني لحتى اعرف مين اكبر واقوى من التاني بس بتوقع انو التاني لانو ساعتها الواحد بيتلافى الاخطاء و المشاكل اللي صارت معو من قبل و مشان هيك بتوقع او يكون افضل و اريح من الحب الاولاني

مين بتحب اكتر اهل امك ولا اهل ابوك ؟؟اهل ابي بس باستثناء خالي اللي بعتبروا متل ابي

شو الشي يلي حابب تحصل عليه ب لهلا ماحسنة ؟؟ وشو السبب؟سيارة والسبب مادي

شو رايك بهل بلدان

ســــــــــــــوريا :ss:
بلدي وبفديه بروحي
فلسطين
الله يعين اهلو و يحللو مشاكلو مشان يرتاح و يريح
العراق
عالم فايتة بالحيط و نازلة الدبح ببعضها
الاردن
بعرف عالم من الاردن معرفة شخصية و بصراحة اعطوني وجهتين نظر عن اهل الاردن الاولى اللي هي انهم شباب طيبين و بتحسن روحهن متل روح الشباب السوري و التانية اللي هي النظرة اللي بتعبر عن الاشخاص الملتزمين بالدين و المتشددين له وهاد النوع اللي انا ما بحبو ف يعني بشكل عام احلى تحية لاهل الاردن كلهن بقلب بعضهن:D
تركيا
بلد حلو كتير و بتمنى انو زورو يوما ما
لبنان
بدون المقاومة و السيد حسن نصر الله بحسهن ماسكين الحرية من دنبها وما بيعرفوا غير العياط بدون جدوى و همهن الاول و الاخير برامج الرقص والغني وما بعرف شو و العالم عم تموت حواليهن
اخر خناقه علمتها و هل ظربة او نظربت فيها و الخسائر شو كان ؟
اخر خناقة يا صاحبي كانت هون ببولونيا و بصراحة ضربت و انضربت بس فشروا البولون يطلعلن معنا العرب و حياتك اكلو قتل وفرقوا و الخسائر اللي كانت انو يا صاحبي كلياتنا انضربنا لانو ولاد الحرام كانو عم يرجمونا بالحجار ونحنا ما كان عنا حجار(لانو هنن كانو واقفين ع سكة الترام)
اكتر شي بتحبو بوسيم ؟بيجوز لون عيوني لانو اختي الكبيرة بتحبو و هو على لون عيون ابي(عسلي):oops:

اكتر شي بتكرهو بوسيم ؟الوزن القليل(64-65 كيلو بس)

سؤال غبي : برأيك فرنسا كانت بتستاهل تفوز بكاس العالم 98 ؟؟ "بكره فرنسا لهيك سالتك ياه لووول ":cry:
اي برايي بتستاهل الفوز لانو لعبهن كان حلو وانا شخصيا بموت برب زيدان و بعتبروا افضل لاعب كرة قدم شفتو بحياتو و ما بلاقي انو مارادونا افضل منو بكتير مع العلم انو مارادونا برأيي الشخصي كان لاعب اناني:frown:
شو رايك بمقوله نحكت بسنة ال 82 : " البرزيل فريق الاحلام ؟؟ما بذكر هالفريق شيت لسى ما كنت خلقان
و
يا هل ترى البرزيل من خسرت كأس العالم ، ام كأس العالم من خسر البرزيل في كاس العالم 1982 ؟؟
ما كنت موجود على وجه البسيطة وقتها:pos:
شو أحلا شغلتي بالبنت :o
ليك اذا البنت حلوة بنظرك معناها انو كل شي فيها حلو و ما رح تحسن تقول انو حلوة بس لولا هال..ولولا هال...خلص يا اما حلوة بشكل عام او مانها حلوة و بس:pos:
شو رأيك بالتكنولوجيا ؟؟
ابوس ربها ما احلاها و بستغرب كيف العالم كانت عايشة بلاها:shock::shock:
شو رايك بمعارة الاداره انو نفتح قسم حربي ؟؟ "قالو عم نشجع على الدمار :frown:"
انا اؤيدك ولو كنت انا المسؤول كنت فتحت هيك قسم عالسريع و بدون مناقشة مع اي شخص
شو نمرة رجلك لوووول :p؟
44
اكتر 5 الوان بتحبهم ؟
يعني ليش مو لون واحد متل الكل ما سألو:shock:
يا سيدي الاسود و الابيض والرمادي و البرتقالي و العسلي
شلون بتشوف وسيم بعد 5 سنين و 10 سنين و 30 سنه ؟
بعد 5 سنين بيكون وسيم ان شاء الله فرخ دكتور وعلى ابواب تخرج
بعد 10 سنين اذا الله راد و خلانا طيبين بيكون وسيم طبيب متخرج و مختص و عم يشتغل و عين الله عليه و على الاغلب يكون متجوز
بعد 30 سنة اي اعطيني عمر لهداك اليوم:o
شو الشي يلي دائما بتحاول تغير او تخفي بحالك بس ما بتحسن ؟
طيبة قلبي
لخصلي هل كلمات بفقره

سوريا

حمص

الشام
ان الشعب العربي الحر الابي في الولايات المتحدة الحمصية يعلن ان اي اعتداء على دولة سورية الشقيقة بعاصمتها الابية الشام هو اعتداء على حمص مهما كان نوع الاعتداء و سنقف يدا بيد و جنبا الى جنب في صد هذا العدوان(بس دير بالك الحماصنة بيتركو كل شي و بيعطلوا يوم الاربعاء)
---------------

برجع بكرا بكمل اش لاني تعبان و نعسان هلق تصبحوا على خير يا جماعة:D

والله التفحيم لدينو .. شايف شريك كلو فش خلقو بعد ما فشيت انا :lol:


بس احلى شي بكل الردود هي :lol::o:lol::lol:


وبروح بشتري وحدة رابعة و بعطيها ل GUTY

والله التفحيم لدينو .. شايف شريك كلو فش خلقو بعد ما فشيت انا :lol:


بس احلى شي بكل الردود هي :lol::o:lol::lol:
هلق ضروري تفضحنا انت و تعلق على كل غلط املائي يا رجل:pos::pos:
اي الله يسامح الجميع:cry:

والله التفحيم لدينو .. شايف شريك كلو فش خلقو بعد ما فشيت انا :lol:


بس احلى شي بكل الردود هي :lol::o:lol::lol:


ههههههههههههه:lol: ولك الله يعينك شو اهبل

والله لاورجيك عفصلك الناقص :pos::frown:

وهي رجعتلك يا اش من جديد

---------------

اكبر مقلب اخدتو بحياتك شو كان ؟بصراحة ما بتذكر انو في هيك شي مقلب كتير قوي صار معي لحتى اكتبلك ياه يعني كلها مقالب بسيطة و لا شيء يذكر يعني

شو تعريفك للخيانه و رايك فيها ؟الخيانة برايي هي الخيانة:oو من اكتر الاشياء اللي بكرهها بالحياة هي الخيانة

هل مرية بهل تجربه من قبل يلي هيه الخيانه ؟ما بعرف اذا تسمى خيانة بكل معنى الكلمة او لاء بس ايام البكلوريا واحد من الشلة(مع العلم انو كان صرلنا مع بعض 6 سنين) خان الكل و جمع مجموع ممتاز جدا و طلعلو طب (الله يوفق الجميع)بس اللي زعجني يومها انو الادمي الله يوفقو كان يشتغل كل شي هالسكت و بدون ما يجيب سيرة لحدا مشن ما حدا يدرس اكتر منو و يجمع اعلى منو و هيك كلياتنا اكلنا خازوق الا هو و بعدين اتقطعت العلاقة بينا و بينو بشكل تدريجي ولكن سريع الى ان انتهت بشكل كامل

مين اكتر 5 اصدقاء مميزين عندك بالواقع ؟
مهران و ملهم و يوسف (بسورية هدول)و هون ببولونيا عبود(الشب السوري اللي ساكن معي)و امير سوري بولوني ساكن بمدينة تانية
ومين اكتر 10 اشخاص مميزين عندك علنت ؟
عرب:اش لوليت, رؤى,كيوتي,(شيت عندي تواصل معكن عالنت)
والباقي منهن بولون و منهن غير جنسيات
واكتر 13 واحد مميز باخويه ؟
اش,لوليت,رؤى,كيوتي,يمان,ابو جوزيف,ابو وليم,مادماكس,بارليب,فراشة,ص ياد الطيور,بسومة,مـــايـــــا:D و عندك كمان صويت بيبي حكومة بوجهلن احلى تحية
ما بعرف:D
اكتر 3 شخصيات تاريخيه بتكرهم ؟
ما رح اذكر شيت ما بدي مشاكل مع حدا الله يخليك
اكتر 3 شخصيات بالتاريخ بتحبهم ؟
الاسكندر المقدوني و الامام علي بن ابي طالب (ع) و القائد الخالد حافظ الاسد
شو رايك بجيفار ؟
بصراحة ما بعرف عنو غير انو كان ثوري و حارب مشان حرية بلاده وهاد الشي انا بحترمو كتير بس غير هيك ما بعرف شي لاني ما بحب السياسة كتير وما بفهم فيها مشان هيك اذا بتلاحظ قليل ما رد على نقاش سياسي او فوت فيه
شو رايك بالسوبرماركت يلي جنب بيتك ؟
ما في سوبرماركت قريب من بيتي في ميني ماركت,منيحة بتلاقي فيها تقريبا كل المواد الغذائية اللي بتحتاجها بشكل يومي و كمان فيها دخان مالبورو احمر:larg:و كروت موبايل:o
مين اكتر واحد بتكرهو بالديسكو يلي بتروحو ؟؟
البودي غارد شيت جسمو قد البغل يحرق حريشو:pos:
بنت ظليت تحوم حوليها كتير و ما حسنة تحيها ؟؟
اي كان في هيك بنت بولونية طلعت روحي شي 4 شهور وما طلع من امري شي معها....قال شو بدها انو نضل اصدقاء وبس:pos:
بنت لذقتك و انت ما بدك تحكيها كيف خلتها تمل ؟
كمان في هيك بنت بولونية عمرها 29 سنة و عندها بنت صغيرة كمان دبقت ربي وما عرفت لهلق كيف بدي اتخلص منها:sick:
كم فج اكل بصغرك ، و كم قطبه في براسك ؟؟؟
فجين واحد بالمدرسة وقعت عراسي والتاني عنا بالبيت بموتور المي:cry::cry:بس ما في قطب والحمد لله:o
احلا 6 عطور عندك ؟
اكوا دي جيو و هوغو بوس و اكي افريكا و ديدوران اديداس و سيجار:larg:
احلا 5 ماركات عالميه بتحبهم ؟
بصراحة ما بهتم بهيك شي
برأيك يا وسيم يلي بيحاول ياثبت شخصيتو علنت شو بيكون بالواقع ؟
برأيي هي مانها قاعدة ثابتة يعني ممكن كمان هو يكون هيك بالواقع و ممكن يكون ضعيف الشخصية بالواقع مشان هيك بيعوض هالنقص اللي عندو باثبات شخصيتو عالنت
هلا لنحكي عن اخويه شوي مالح اذكرلك عدد حكي يلي ببالك بس
صرت عاددكن مليون مرة يا رجل
مين اكتر الناس المميزين يلي بتشوفهم هون ...
صرت عادد اسمائكن مليون مرة وما في داعي للتكرار
اكتر الناس شهره ؟؟
يعني بتوقع انو فراشة هي اكتر شي
اكتر الناس شعبيه ؟؟
هيك ما عندي فكرة لانو بحس انو نوعا ما في شوية تكتلات و شلل هون باخوية مشان هيك كل واحد مشهور و الو شعبية اكتر من غيرو بشلتو او بمجموعتو
اكتر الناس ثقافه ؟؟
في كتيرين بس بلاقي انو فراشة مثقفة كتير
اسرع واحد نشهر ؟
انت بتوقع
ناس ما بتحبهم او لنحكي ما هضمتهم ؟
زاهي بزماناتو كان و هلق عن جديد فاوست
اكتر اقسام بتحبها ؟؟؟
بيجوز الصالون
شو اخر كم موضوع عجبوك ؟؟
يوميات مغترب و صباح الخير اخوية لانو هدول اكتر شي عم شارك فيهن

بيكفيك لهون لو في شي برجع بسألك بس حرام شفئت عليك
خود راحنك ولووووو:larg:

أخر سؤال وسيم شو رايك ب ASH ؟؟؟ سالوك عن الكل لهيك انا بدي اسألك بس عني خليك صريح شريك حكيلي اعور بعيني لوووول

احلا ابو السيم
[/quote]
يا سيدي اش بعتبرو انا (على هوى معرفتي فيه عن طريق النت)انو شخص محترم و مثقف و دمو حامي وخدوم كتير ومتفهم للغير واهم شي انو بحب البسط لربو:D

ههههههههههههه:lol: ولك الله يعينك شو اهبل

والله لاورجيك عفصلك الناقص :pos::frown:
له يا ايلا له معقولة تزعلي مني على هيك خطا املائي بسيط:cry::cry:

له يا ايلا له معقولة تزعلي مني على هيك خطا املائي بسيط:cry::cry:


و لك قصدي يمان الاهبل هو بيعرف شو عامل:frown:


معقول ازعل من وسيم انا :D

و لك قصدي يمان الاهبل هو بيعرف شو عامل:frown:


معقول ازعل من وسيم انا :D
ايواااااااااااا اي هيك ها طمنتيني فكرت عم تحكي عليي:D

انو قبل كل شي يحرق حريشك منين بدي جبلك ترجمة هيك كلمات انا.........:shock::shock:
اي ...

ام الرور وصلت ...:yahoo:

مرحبا وسيم ... ممممم انوو من زمان ما شفتك عالايميل

مره كنت بدك تسال سؤال ومدري انا الي طلعت او انت المهم ما انسال ...ههههههه

هلا لتذكرت هالشي .. :lol:
ستي انتي دائما هيك فايتة بالحيط:o
على فكره مخي مدري ليش ماعم يروق انوو عم فكر بشي شاغلني ..:cry:. بس

انوو بدي اسال كم سؤال عالماشي ...

واذا خلصت حاله الكمون والركود بالمخ برجع بسال مره تانيه ..:lol:


احم :larg:احم . اي

صح عرف للاخوه المشاهدين شو يعني كمون وركود ...؟ ولمين بتصير ...؟ وعطيني مثال لالها ...؟ (بدون بحبشه على غوغل هاا
)

اي ..


تانيا ..

شو هوو عمى الالوان ..؟:shock:
عمى الالوان يا ستي هو انك ما تحسني تميزي الاوان عن بعضها متل بقية الناس و فيكي تسميه الدالتونية نسبة للعالم دالتون اللي هو نفسو كان عندو هالمرض مشان هيك عمل ابحاث كتير عنو
هلق في عالم بتقول انو هو عدم القدرة على تمييز الالوان الاحمر والازرق الاخضر بس بس هدا كلام خطا لانو بتختلف حساسية العين لهالالوان حسب شدتها و هيك شغلات ف مشان هيك بيصير الانسان ما بيحسن يميز بين الالوان لانو كلها فايتة ببعضها و ناتجة من تركيبها مع بعضها البعض
السبب عالغالب وراثي و ببعض الحالات بيكون خلل بالشبكية او بالعصب البصري وهاد نادرا ما يصير
و مشان العلاج يا ستي للاسف ما في بس في دكاترة بتنصح بوضع عدسات معينة و بتساعد شوية على توضيح هالالوان:D
اذا ارتفع السكر عند الرجال شو الدوا الي بياخدو ..؟والضغط كمان شو الدوا شيتوو ..؟
السكري بس يرتفع بتوقع انو لازم الواحد ياخد انسولين مشان يعدل مستوى السكر بالدم بس مشان الضغط والله ما بعرف:cry:
شو هوو الشي الي ابو عصام دهنو على جسم ابو غالب لما صار جربان ..؟:sick:
اي شو قالولك عني انا المخرج تبع المسلسل لحتى اعرف شو دهنلو:shock::shock:
اذا لون عيني اليسار خضرا والتانيه حمرا .:sly:. اشرحلي حالتي والدوا ...؟
هي حالة طبيعية و عادية جدا ومانها مرضية ما بتأذي العين ابدا والسبب هو الجينات اللي بتحدد لون العيون يعني ممكن يكون صاير طفرة وراثية اثناء تضاعف حمض ال DNA و هيك بيتغير لون احدى العينين بس ما بيأثر عالنظر وعلى فكرة في وحدة من عيلتنا بس قربة بعيدة يعني عندها نفس الحالة و ما بتشكي ابدا:D
اذا انحرقت ايدي بالمي السخنه شو حطلها ... ما تقلي معجون اسنان هااا .:p.؟

روحي عالصيدلية و جيبي مرهم للحروق اذا كان الحرق قوي و ضمديها اما اذا كان بسيط و خفيف اي كان لازم انك تبرديها بسرعة وقت اللي انحرقت بالمي الباردة:p
شو هوو الغاز الي بسموو الغاز المضحك :lol:..؟ووين بيستعملوو ..؟
والله اللي بعرفو انو بيخلي الواحد تصيبو حالة غريبة و يبلش يضحك من كل قلب ورب و ما بيحسن يوقف او يمسك حالو بسهولة بس وين بيستعملوه ما بعرف بس على فكرة سمعت مرة انو الكمية الكبير منو ممكن تموت الانسان
رحت عالجامعه ... وقعدت على شي مقعد .. هلأ قمت واكتشفت انك كنت قاعد على دهان احمر .. او اي شي بيعلق باللبس ... والصبايا صارو يضحكو ...:oops:


هون انت شو بتعمل ...؟
اي بسيطة انا ساكن قريب كتييييير عالكلية يعني شغلة 5 دقايق مشي بالكتير برجع عالبيت و بغير تيابي وبرجع ولا كأنو شي صار;)(عالهامش:صايرة معك شي مرة)

مين هوو الولد الي شايلو بصورتك عالماسنجر ..:sosweet:.؟ وليش كنت لابس اورنج :?
هاد ابن عمي اسمو ليث و بحبو كتير ووقتها كنا بالبيت قبل ما نروح عالصالة لانو وقتها كان عرس اختي:Dو كنت لابس اورانج لاني كنت جايب هالقميص جديد مشان العرس:o

دخلت عاللاب بالجامعه .. وصرت تبحبش بين المركبات وهالاشيا

بما انك حشور كتير ... هلا شميت شي بعدين قريت انو هاد بنوم .... وكان عندك كويز بعد ربع ساعه ..شو بتعمل ...؟

ما فهمت شو قصدك بالسؤال بصراحة ممكن تشرحي اكتر:D
صح شكراا عالورده الي عطيتني ياها ...:D

وهي وردة تانية:D
اي شو كمان ....

شو نوع المعسل الي بتستعملوو اكتر شي للاركيله .. ؟؟ :larg:
بيعجبني حاليا معسل ابو الهيثم بنكهة التفاحتين يحرق حريشو شو طيب
كم راس بتاركل عاده ...؟:larg:
ممكن راس واحد او 4 بنفس اليوم حسب المزاج بقى
شو اسم جامعتك ..؟:deal:
AKADEMIA MEDYCZNA W GDANSKU يعني اكاديمية الطب في غدانسك

وليش بولونيا بالذات ..؟
بصراحة خالي اللي اخترلي ياها مو انا
ليش مارحت على فرنسا .. لعند خالك ..؟
كنت بالاول بتمنى بس بعدين حمدت ربي الف مرة انو اجيت ع بولونيا و ليش مار حت ع فرنسا لانها غالية
كم جمعت بالبكالوريا .:o.. انووو اوعى هااااا بجيب ملفك هالدقيقه ....؟
بالسنة الاولى 204 بدون ديانة و السنة التانية 212 بدون ديانة شيت ما درست:p

كم جمعت بالليبرااا ... وشو الماده الي كسرتك ..؟

شو هي الليبراااا؟؟؟؟اول مرة بسمع فيها:shock::?
بتحب الماث ..؟:x
اي بحبها كتير بس لا تساليني بمعلومات ما بعد مستوى البكلوريا بسورية شيت بعدها ما عدت درست شي الو علاقة بالرياضيات

شو رايك بالفيزياء ... بتعرف قوانين كيرشوف :x..؟
بحبها للفيزياء بس مو كتير و قوانين كيرشوف بعرفها بس مو كتير منيح
بظن هنن 3 اذا ما كنت غلطانه .. هلا هدول ضيعولي 3 درجات بالفيزيا ..:cry:. بالبكالوريا ..
هنن قانونين مو تلاتة:jakoush: واحد الو علاقة بالكهربا و الدارات الكهربائية و حفظ الطاقة بالدارات المغلقة يعني انو على هوى ما بذكر انو مجموع القوى الكهربائية المؤثرة في دارة مغلقة و فرق الجهد مجموعهن لازم يساوي الصفر بيجوز مشان ما يصير في ضياع للطاقة او هيك شي ما بتذكر بالضبط اما القانون التاني هو الو علاقة بالحرارة و الاشعاعات الحرارية بس ما بعرف عنو شي:D

فاكتبلي ياهون هوون بدي ارجع اتذكرهم .. اذا كنت بتعرفهم .. ونبذه مختصره بعد اذنك عن عموو كيرشوف ...

فيثاغورس .. شو بيعنيلك .. وكم مسبه اكل منك هوو والمثلث والدائره شيتوو ..؟

فيثاغورث:مجموع مربعي الضلعين القائمتين في مثلث يساوي مربع الضلع الثالثة (الوتر) و بحب هالنظرية كتير لانو كتير بتساعد بالهندسة الفراغية:D
مممممممممممممممممم

انووو بدي حب وجع راس ... هفف:sick:ففففف اي شو كمان ..

اي خدي باندول:o
اي مين مات ..؟
بليلة القدر توفى جوز خالتي ابو هيثم(الله يرحمكن و يرحم امواتكن)
مين اتزوج ..؟
ما حدا بعرفوا
مين اتطلق ..؟
الله لا يخرب بيت حدا
ليش انت حومصي ..؟
هيك الله بدو...بعدين شبهن الحماصنة:jakoush::jakoush::pos::pos:
عم تعيد الاربعاء ولا حومص بعيده مشان هيك بطلت هالعاده ...؟
ولووووووو مو العيد عندي الاربعاء بقضيه مع مادة الانسجة اللي عم تفرجيني الله بالوان الطيف السبعة:sick::sick:
كم وحده بدك تتجوز ..؟
اذا اتزوجت بالاساس بدي اتزوج وحدة بس موناقصني مشاكل:pos:
لو قالتلك مرتك العصمه بايدها وانت رح تجن عليها شو بتعمل ..؟
بحط شروط جزائية تعجيزية بحيث انو بحياتها ما تفكر تطلقني او تزعلني :o:o
:larg:
مخك ادي بيوزن...؟ اوعى تقلي بيوزن بلد ..ما بيوزن كتيييير المهم يكون بيكفي لحتى انجح بهالجامعة ولو حتى كان وزنو غرام واحد

شو يعني بحبك بالبولندي ..؟ اكتبها بالعربي وبالبولندي مشان نعرف نحكيها
KOCHAM CIE تلفظ كوخام تشي
شو يعني بالبولندي

بتكتب طريقه اللفظ بالعربي هاااا

بكرهك ..:x
نيي نافيدزي تشي وتكتب NIENAWIDZE CIE

خاين ..:cry:
ZDRAJCA يعني زدرايتسا
اناني ...:jakoush:
سامولوبني SAMOLUBNY
حبك برص ...;)
:shock::shock:كيف بدي ترجمها هي؟؟؟:shock::shock:
تضرب بهالكسم ...:?

انا ماله ..:cry:

:pos:غبي ..
غووبي GłUPI
سقيم ..:o
هي ما بعرف شو معناتها بالعربي لحتى قللك شو بالبولندي:jakoush:
ولي على تولك ...:hart:

غليظ ..

رؤى .:sosweet:.مو اسمي انو الاشيا الي بتشوفها بنومك ..
سين SEN
محشش
ناياراني NAJARANY
الي مابحب النسوان الله يبعتلو عله ... :clap:

تصبح على خير
ما بيقولو تصبح على خير اغلب الاحيان بيقولوا ليلة سعيدة او طابت ليلتك DOBRA NOC تلفظ دوبرا نوتس
صباح الخير
كمان بيقولوا طاب نهارك او يوم سعيد DZIEN DOBRYة تلفظ دجين دوبري
الله ياخدك

تقبرني

يبليك بحما ...

يبعتلك قتلك ..

ان شا الله بتعفسك سياره بدون نمره :lol:

الله يرحم ايام هالمسبات من جاره بيت جدي الله يرحمهاا .:lol:.. ويغفرلنا شو كنا نعمل بلاوي .. :gem:

اي شو يعني الله يرحمها ..
ههههههههههههههههههههه

انوو بكفي هدول ... لسا ما روقت

بس هيك يشتغل مخي برجع واذا ما اشتغل انوو خلص ...

بحياتك شو رايك بالاسئله ...؟:yahoo:


ليكي الكلمات اللي ما ترجمتها بدك تسألي عنها مايا ام نجمة لانو هي ادرى بهيك مصطلحات انا اسأليني عن اشياء طبية ممكن ساعدك بس هيك لهجة عامية اي يحرق حريشك ما بتترجم ولا على لغة بالعالم:sick::sick::sick::sick:
ابقي بس تروقي رجعي ترجميلي كل هالكلام للانكليزي لشوف يا شاطرة:deal:

تسلميلي انتي و اسئلتك شو معتة:jakoush:

ستي انتي دائما هيك فايتة بالحيط:o


شو مشان
:x



هون انت شو بتعمل ...؟
اي بسيطة انا ساكن قريب كتييييير عالكلية يعني شغلة 5 دقايق مشي بالكتير برجع عالبيت و بغير تيابي وبرجع ولا كأنو شي صار////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////(عالهامش:صايرة معك شي مرة)

لااااااااااااااااااااااا :lol: لسا ماصارت ..



دخلت عاللاب بالجامعه .. وصرت تبحبش بين المركبات وهالاشيا

بما انك حشور كتير ... هلا شميت شي بعدين قريت انو هاد بنوم .... وكان عندك كويز بعد ربع ساعه ..شو بتعمل ...؟

ما فهمت شو قصدك بالسؤال بصراحة ممكن تشرحي اكتر


اي .. انوو دخلت على مختبر الجامعه .. ما تقلي مافي :shock:

وانت عم تجرب كم مركب كيمائي .. طلع بنيم .. يعني رح تنام .. وعندك اختبار بعد ربع ساعه ..


واذا ماقدمتو بتضيع السنه او الماده ..؟





اي .. صح عذبناك بالترجمه ..


:lol:

KOCHAM CIE




سقيم ..////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هي ما بعرف شو معناتها بالعربي لحتى قللك شو بالبولندي


سقيم ممم يعني واحد تقيل دم .. غليظ هلك سماك .. بتطلع عليه ببرود وبتقلوو


سقيم :pos:



تسلميلي انتي و اسئلتك شو معتة////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////




شووو مشان ..:cry: الله يسامحك ...


تحيااتي .. سين :lol:

ابو السيم انا سالتك ياهم وانا بالشغل ولله يعني مو اني عم اتشفى ولو بس مشان تتسلا مو اكتر يا روح

بعدين يا حوبي اجوبتك طلعة شغله سلطه قصدي شغله عجبه حبيب قلبي ابو السيم

هلا شو بيكفيك اسأله ولا حابب انزلك بالتقيل؟؟؟
لوووووووووووووووووووووووو وووووووووووووووووول


بعدين يا ربي كيف اكل بس فجين بحياتك و مانك مقتوب ولا مره ليش انا لكن مشطب ومقتب كتير :(

:o


شو مشان
:x



لااااااااااااااااااااااا :lol: لسا ماصارت ..






اي .. انوو دخلت على مختبر الجامعه .. ما تقلي مافي اكيد في مختبر:shock:

وانت عم تجرب كم مركب كيمائي .. طلع بنيم .. يعني رح تنام .. وعندك اختبار بعد ربع ساعه ..


واذا ماقدمتو بتضيع السنه او الماده ..؟
بروح و بحكي مع البروفسور وبطالعلو ميت حجة و حجة او ببساطة بشرحلو وضعي واكيد بيأجلي الموعد و بيعملي الامتحان بموعد تاني وهاد شي عادي تأجيل الامتحا لاسباب مقنعة




اي .. صح عذبناك بالترجمه ..
تكرم عيونك ولوووووو:D

:lol:

KOCHAM CIE





سقيم ممم يعني واحد تقيل دم .. غليظ هلك سماك .. بتطلع عليه ببرود وبتقلوو


سقيم :pos:



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


يا ستي انا بالعادة للتعبير عن هيك كلمة بستخدم مسبات و ببلش مسبات عليه :o:oبس عيب اكتبلك ياهن يعني شيت انتي صبية:sosweet:

شووو مشان ..:cry: الله يسامحك ...


تحيااتي .. سين :lol:


صحي نست ما نبهك على طريقة لفظ الاحرف
J :يلفظ متل الياء بس خفيفة شوية
E :يلفظ ياء تقيلة...ايوه يا عيني عليكي فهمتي عليي شلون
CIE تشي والياء تقيلة
CH خ
والباقي متل ما بتكتبيه بتلفظيه عالضبط:D
مشان تلفظي معنى اسمك صح

منو هي جوليانا:shock::shock::shock:؟؟؟؟؟؟؟
ايوااااااااااااااااا هنق عنفتك يا ضنسانة اي ولوووووووو معقولة ما اعرفك:sosweet: :sosweet:مو انتي شريكتنا بجيش اخوية ولوووووووووو:clap::yahoo:

حمد الله انك عرفتني :oops:لانه لو لا كان انقلب الحكم ضد الحاكم:larg:

:cry:الاسئلة لأبو السيم ولا عم تسأليها لحالك وبصراحة :sly:


:deal:


لو بدي اسأله الي انا شخصيا ما بتكون هيك نوعيتهاا:larg: من هيك فيك تقول الاسئله الكم ;)


بعدين هل انت معنا ام عاليناا؟!!!:shock: :cry:

ابو السيم انا سالتك ياهم وانا بالشغل ولله يعني مو اني عم اتشفى ولو بس مشان تتسلا مو اكتر يا روح

بعدين يا حوبي اجوبتك طلعة شغله سلطه قصدي شغله عجبه حبيب قلبي ابو السيم

هلا شو بيكفيك اسأله ولا حابب انزلك بالتقيل؟؟؟
لوووووووووووووووووووووووو وووووووووووووووووول


بعدين يا ربي كيف اكل بس فجين بحياتك و مانك مقتوب ولا مره ليش انا لكن مشطب ومقتب كتير :(
ليش شو عندك تقيل معلم؟:larg::larg:نزل نزل اللي بدك ياه و خود راحتك بالاسئلة:larg:
و مشان الفجوج و القطب اي انا كنت ادمي و حباب بصغري سأل عني اذا بدك:oops:

وشششش ووو \هي صفيرة \

ياحوينتك ياوسيم حرقو سماه الشباب مو بس المقلاية

سيدي نحن السابقون وانت المشويون:lol:

وشششش ووو \هي صفيرة \

ياحوينتك ياوسيم حرقو سماه الشباب مو بس المقلاية

سيدي نحن السابقون وانت المشويون:lol:
لك مين شايف انا هون..........:shock::shock:..........ابو جوزيف......علاء........:shock::shock:يا الهي هل انا احلم ام ماذا:shock::shock:
اي ميت اهلين و سهلين فيك يا حبيب وين هالغيبة:jakoush::jakoush:
اشتقنالك يا رجل:D
سيدي اي انشوينا و خلصنا من زمان بقى قد ما سألوا هلق ما عاد ضل شي ينحرق وما عاد تطلع ريحة فلذلك خليهون ياخدوا راحتن:larg:

لك مين شايف انا هون..........:shock::shock:..........ابو جوزيف......علاء........:shock::shock:يا الهي هل انا احلم ام ماذا:shock::shock:
اي ميت اهلين و سهلين فيك يا حبيب وين هالغيبة:jakoush::jakoush:
اشتقنالك يا رجل:D
سيدي اي انشوينا و خلصنا من زمان بقى قد ما سألوا هلق ما عاد ضل شي ينحرق وما عاد تطلع ريحة فلذلك خليهون ياخدوا راحتن:larg:

اهلين بالحبيب اهلين لا ما عم تحلم هذا انا ماقدر اكون غيري انا :p

اهلين فيك حبيب :o

وانا كمان شتقتلك :deal:

انا شايف الشباب اخدو راحتون تمام ماتم في سؤال يعتب :lol:

لك شووووو شايف الموضوع نام وما عاد حدا يسترجي يسأل:larg:

انا انا لسا تعا لهووووون وين رايح؟

حطلي تعليقك عهالصور وسيم

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////











////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////






لمين بتقول...؟

سامحيني

انا حر

ما بعرف

بحبك

ما بتعنيلي شي

لا تروح

ممكن تساعديني



اذا صرت دكتور شي يوم بشي جامعة و عجبتك طالبتك ممكن انك تفكر تخطبها و تتزوجها؟


قلنا شي انت بتحسو اكبر غلط..و بنظرك شي محرم و ما لازم ينعمل؟


شو نظرتك ل:-

المرأة بشكل عام:-

للمرأة المطلقة:-

للعانس:-


بشو بتحس لما :-

بتشوف بوابة الجامعة؟

بتقعد بالمحاضرة؟

بتشوف صبية حلوة:sosweet::p؟


بتشوف البحر؟

شو بتحس بالليل؟

بالنهار طيب؟

لما بتسمع صوت حدا بتحبه

لما حدا يقلك انت بايخ؟


و اخر سؤال:

متى حسيت انو انت و لا شي...انو ما في قيمة لحياتك بهالدنيا..؟ و اذا ما حسيت هيك و انشالله ما بتحس قلي شو الشي يلي بخليك تحس هيك:shock:

كم حس في بالجملة:p


و هيك بقلك بااااااااااااااي و سيم
نووور المقلاية و شرفت و انست و لزززززقت.

بااااااااااااااااااي:D:D

انا انا لسا تعا لهووووون وين رايح؟

حطلي تعليقك عهالصور وسيم

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
محششة لدايخة و نيال ربها عالبسط اللي هيي فيه










////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
:D





لمين بتقول...؟

سامحيني لامي لاني وعدتها بطل الدخان بس ما حسنت

انا حر لابي لانو بدو ياني بطل الدخان غصب عني:o

ما بعرف لمعيدة مادة الانسجة

بحبك لبنت اختي اللي لسى ما شفتها:cry:

ما بتعنيلي شي الطائفية

لا تروح لحالي لما بكون بالمطار ورطالع برى سورية:cry:

ممكن تساعديني كمان لمعيدة الانسجة:cry:



اذا صرت دكتور شي يوم بشي جامعة و عجبتك طالبتك ممكن انك تفكر تخطبها و تتزوجها؟ لوقتها بكون صار عندي عر ولاد:p


قلنا شي انت بتحسو اكبر غلط..و بنظرك شي محرم و ما لازم ينعمل؟
الخيانة

شو نظرتك ل:-

المرأة بشكل عام:- انسان احيانا بيكون مخلوق من كتلة من المشاعر والعواطف الرقيقة و احيانا بيكون كتلة من الخبث والشر

للمرأة المطلقة:- يا ترى شو سبب طلاقك ولا كان طلاق تعسفي؟؟:?

للعانس:-
الله يبعتلك ابن الحلال وتشوفي ولادك و ذريتك الصالحة

بشو بتحس لما :-

بتشوف بوابة الجامعة؟ما بشوفها طاول لانو كليتي منفصلة عن الجامعة:p

بتقعد بالمحاضرة؟
ما بشعر بشي لاني ما بداوم عالنظري:pos:
بتشوف صبية حلوة:sosweet::p؟
بسحل دغري و بيصير قلبي يرقص و بشوف الدنيا حلوة

بتشوف البحر؟
بشعر بشعور غريب ما بحسن اوصفو نهائيا
شو بتحس بالليل؟
بحس براحة نفسية كبيرة و اني عايش بعالم تاني مشان هيك ما بحب نام بالليل
بالنهار طيب؟
بحس اني مزعوج شوية لانو دائما بيكون في عالم كتير و ضجة و هيك حركات يعني
لما بتسمع صوت حدا بتحبه
قلبي بيدق بسرعة و بحس اني بدي ضمو او ضمها لصدري:p
لما حدا يقلك انت بايخ؟
ما حدا بحياتو قللي ياها لسى:shock::?

و اخر سؤال:

متى حسيت انو انت و لا شي...انو ما في قيمة لحياتك بهالدنيا..؟ و اذا ما حسيت هيك و انشالله ما بتحس قلي شو الشي يلي بخليك تحس هيك:shock:
والحمد لله لسى ما حسيت بس بظن انو اللي بيخليني هيك حس هو الفشل بمشروع كبير بقوم فيه و حاليا قصدي عالدراسة الجامعية
كم حس في بالجملة:p
شو هالسؤال هاد:pos:

و هيك بقلك بااااااااااااااي و سيم
نووور المقلاية و شرفت و انست و لزززززقت.

بااااااااااااااااااي:D:D
اهلين و سهلين ست cuty وايمتى ما بتحبي شرفي اهلا وسهلا:D

هلق خلص دور وسيم:shock:ولا شو؟

بعد معاناة قلعنا أش المحروق من المقلاية ..

هللا صار دور وسيم لنقلعو من المقلاية .. وللأبد :sly:

يللا وسيم .. ودّع وحط حدا بدالك .. بيكفيك خلص الغاز

:D

شو بعد بكير لسى..........ما صرلي بالقصر من مبارح العصر:larg:

اي هاتو لنشوف شو في عندكن جديد اسئلة :larg:

حاجتك خلص..سماح:pos:لابقا تعيدا

سؤال علطاير و علسريع ولا احكيلك كم سؤل هيك علطاير

انت معارضه شي ؟؟؟

انت مع النظام شي ؟؟؟

شو اكتر 5 فرق كرة قدم بتحبهم ؟؟؟

مين اكتر منتخبين عالمين بتحبهم ؟؟؟؟

شو رايك بيلي خترع صيغة ال MP3??

شو رايك بالموسيقى بشكل عام ؟؟؟

شو اكتر انماط موسيقيى بتحبها ؟؟؟

هل انت بتعزف على شي الاه موسيقيه وشو هيه ان وجد ؟؟

شو رايك بالدراما السوريه لهل سنه ؟؟؟

شو رايك بمعتز يلي بباب الحاره ؟؟

شو رايك بغياب بسام كوسا هل سنه ؟؟

وشو رايك بسام كوسا كممثل ؟؟

و عباس النوري كمان ؟

شو رايك بدندون يلي عم تشاركنا بهل ومضوع من جديد ؟؟؟


بس تخلص حكيلي بسألك انا ممكن ظل عم اٍالك لاشهر كلو

سؤال علطاير و علسريع ولا احكيلك كم سؤل هيك علطاير

انت معارضه شي ؟؟؟ اذا قصدك عالسياسة فانا مواي للحكم بسورية و للرئيس بشار حافظ الاسد للعضم :larg:

انت مع النظام شي ؟؟؟ سبق و رديت

شو اكتر 5 فرق كرة قدم بتحبهم ؟؟؟ريـــــال مدريــــــــــد بالمرتبة الاولى و بدون منازع وفي عندك مثلا بيعجبوني فرق متل ارسنال و جوفنتوس و مانشستر يونايتد بس مو كتير

مين اكتر منتخبين عالمين بتحبهم ؟؟؟؟فرنسا ( على ايام البطل زيدان ) اما هلق ف البرازيل و اسبانيا :larg:

شو رايك بيلي خترع صيغة ال MP3?? عبقري و لازملو شي تكريم خاص فيه لانو وين ما رحت بيضل ال MP3 معي و عم اسمع موسيقى و اغاني :yahoo:

شو رايك بالموسيقى بشكل عام ؟؟؟ما بحسن اعمل شي بلا موسيقى حتى الدراسة ما بحسن بلا موسيقى

شو اكتر انماط موسيقيى بتحبها ؟؟؟بحب ياني YANNI كتير و هيك بشكل عام بحب الموسيقى الهادئة كمان :oops:

هل انت بتعزف على شي الاه موسيقيه وشو هيه ان وجد ؟؟كنت بزماناتي اعزف عالعود بس هالحكي من شي 5 او 6 سنين بعدين بطلت

شو رايك بالدراما السوريه لهل سنه ؟؟؟بصراحة ما تابعت منها غير باب الحارة بسبب انو ما عندي تلفزيون و بالزور حسنت دبر راسي و اتفرج ع باب الحارة بس هيك بشكل عام سمعت انو مو بمستوى السنوات السابقة

شو رايك بمعتز يلي بباب الحاره ؟؟شب طايش و اهوج ما بيفكر و دائما متسرع بس فيه النخوة كتير حلوة و دمو حامي و ما بيحب الغلط و ما بيسكت على حقو يعني عندو سيئات و عندو حسنات

شو رايك بغياب بسام كوسا هل سنه ؟؟حاسس انو الدراما السورية بدون بسام كوسا فقدت تحد اهم دعائمها لاني شخصيا بعتبر انو بسام كوسا و سلوم حداد افضل ممثلين سوريين على الاطلاق

وشو رايك بسام كوسا كممثل ؟؟حكيت من شوية

و عباس النوري كمان ؟عباس النوري فنان رائع و ممتاز بس ما بيطلعلو مع بسام كوسا

شو رايك بدندون يلي عم تشاركنا بهل ومضوع من جديد ؟؟؟بنت ظريفة و حبابة و حاسس انو روحها مرحة و عم تتعلق باخوية شوية شوية


بس تخلص حكيلي بسألك انا ممكن ظل عم اٍالك لاشهر كلو
خلصت يالله :p

وسييييييييييييييييييييييي ييييييييييييييييييييييييي يييييييييييييييييييييييم


شو دبقت هووون

يلا زت حدا غيرك:jakoush: