أنا ما سألوني عالليسبيان .. أنا سألتا لمرسيل إذا كانت بنتا ليسبيان و شافتا متلبسة

بس بالنسبة لسؤال رفيقتك أنو في عنا ليسبيان .. قليلا اي في

المدينة الجامعية عنّا بحلب تعّج بهالأشكال ..

إذا على بالا لا تحرم حالا :o

بعرف بعرف انو السؤال كان على بنتها مو الك كان السؤال
اها هيك لكن بلمدينة الجامعية بحلب:?

احكيلي عن :
Anmar
fares
قهوي دايمي
kakabouda
أبو نهلة


المجموعة هي .. صعبة يا معلم .. بدكن تقعدو وتروقو ..

أنمار Anmar
:lol: شو بدي احكيلكن عن انمار ... كتف أخ تبكي عليا .. اطيب من هيك قلب ما عرفت .. شخص بيخاف عليي وبيهتم وحنوووووووووون .. من قلبي بصلي هالبني ادم الله يعطيه عقد قلبو ..
احلى شغلة انو ما بيحب التعقيد .. بساطتو بتخليه كتير قريب من القلب .. :frown: بس غليظ

Fares فارس ..
فروس .. رجعتو من احلى الشغلات اللي صارت بأخوية .. باخر فترة ..
راااااااااااااااااااااااا ااقي .. بكل معنى الكلمة .. لو عندي أخ بتوقع يكون متل فارس :gem:
هالزلمي بحس انو بحب اتعلم منو كتير قصص .. رواقو ..
الله يحميه ..

قهوي دايمي
ما بعرفو .. بس عندي رأي .. مكونتو عنو .. مبدع رايق .. وبيحترم اللي قدامو .. بيبدا حواراتو بكلمة " يا صديقي " ما شفتو لهلق فات بولا معمعة بأخوية ... أكاااابر

kakabouda
جنتل وطيوب واشتقنالو

أبو نهلة .. ( العظيم :larg: ) hashtnasht
زلمي وصاحب موقف .. من الأشخاص اللي كتير بحترمن مع أنو عامل معي كوشة فصول ناقصة :frown:
فهمان كتير .. ونهفة كتير ... وشقوة كتير :lol: ...
وجودو بأخوية كتير بيحمسني وبيريحني .. واشتقتلو
:mimo:

برجع كرمال سدير .. يا لئيم :fglasses:

وشو قصة سويسرا
صرعتني فيها هلا جايه تقولي هيك :shock::shock::shock:
:lol: أنا قلت بس أيأس بسفرا لبرا
وبما أني يأسانة منك :p بضل بنصحك بسويسرا
:fthink:

خفاف نضاف ............

مرسيل .. انوو اول شي .. عندك اصدقاء ؟؟ (قصدي مو بس عالنت .. بالحياه العاديه )

:lol: لأ ما عندي ... انا شخصية ما بتنطاق ( كخخخخخخخخ ما تصدقي )
عندي بس انتحرو ( كخخخخخخخخخ كمان مرة )

عندي أربعة كتير كتير كتير مقربين ..
واحد عم يدرس طب ... ( بشوفو تقريبا ً كل يوم )
وحدة عم تدرس ارشاد نفسي ( كمان بشوفا كل يوم تقريبا ً )
واحد معي بأيمان ونور ( الجمعية تبعيت ذوي الاحتياجات الخاصة )
ووحدة بروسيا ورح تنزل قريبا ً :cry:

كيف بتوصفي علاقتك فيهم ؟؟
اي .. محظوظة فين ... انا مخلوق فاشل بالحب :o يعني هالاختراع ماكان يزبط معي ... بس كتير اصدقائي محظوظة فين ... وبحس أنن حضور الله بحياتي .. واني بلاهن بكتير مرات كنت وقعت ..
الله لا يحرمني منن

بتقبلي مثلا تتغير علاقتك بشب من صداقه لحب ؟؟
أي إذا صار في مشاعر .. وتطورت ليش لأ...

شو المواصفات العامه الي بتخليكي تنجذبي لشخص او تحبيه ..؟
عدي على أصابعك
مسيحي وبتعنيلو المسيح والكنيسة
سوري وبتعنيلو سوريا كتير
معتدل
رايق واكابر
مثقف وفهمان ...
( لازم كلما يفتح تمو ليحكي يبهرني ... ويحفزني .. )
لازم يعبيلي عقلي ... انا ما بحب حكي العواطف وبحبك واشتقتلك ومدري شو .. قلبي مانو صانع قرار ... وماني ميالة للسوخان وحركات المراهقين ..
انا بحب بعقلي وبس يطفح عقلي إعجاب بالشخص وخلص ما عاد يتحمل .. بتوصل طرطوشة لقلبي

يسلمو كتير كيتر كتير عالأسئلة وعالمرور
:mimo:

طبعا فكرت شوي بسؤال عالسريع
برايك ممكن تكون اخوية نسخة عن مجتمع مثالي ؟؟
او هي صورة طبق الاصل عن مجتمعنا السوري ؟؟
كنت بتمنى اسال اكتر بس الشباب والصبايا عملو الواجب
مرسيل :D
هلا هلا هلا .. نورت :D
لأ ما ممكن تكون أخوية نسخة عن مجتمع مثالي .. لأنو اللي عم يكتبو فيا هني ناس ...
ناس مختلفين وبكل الوان الطيف وهون جمالية اخوية .. إذا تحولت لمجتمع مثالي .. رح تصير مملة كتير

كمان مانا صورة طبق الأصل عن المجتمع السوري ...
هي صورة عن جزء كبير من المجتمع السوري .. في جزء ما كتير عم نقدر نشدو ... الجزء اللي ما بيحب الصوت العالي والعجقة

يسلمو عالمرور
:mimo:

اذا انحطيتي بموقف صعب وطلب منك الاختيار
مثلا
بين صديقتك يلي هي توام روحك وبتحبيها كتير كتير وانت وياها كانك شخص واحد وبين امك مين بتختاري
بعرف انو سؤال صعب بس هون بتيبين شخصيتك ومدى زكائك
عيلتي فوق كل شي ...
" اهلي ما بيتدخلو بعلاقاتي .. وبقراراتي .. "
هلا .. كاتمة
:mimo:

مية:D مرسيل

مبسوط اني لحقت اسالك ولو اسالتي قليله و غليظه شوي وبدك تتحملي :lol:
المهم هلئ بنجي للاسئلة قبل ما تهربي :p

لو قالولك اطلبي واتمني عندك 3 امنيات نحققلك ياهن شو بتتمني ؟؟

بتحبي غادة السمان كتير بتحسي انها عم تكتبك ؟؟

ممكن يكون موت شخص عزيز علينا دافع لبداية جديدة ؟؟

بيكفي هدول هلئ على امل يطلع معي شي سؤال

1- انتي متجوزة؟؟
تسؤ
2- من متى وكم ولد عندك؟؟
يلغى السؤال عند الأجابة بتسؤ على الأول ..
3- لو لأ مين بتحبي تتجوزي من المنتدى؟؟ :D
اممممممم .. ما بعرف حدا منن القدر الكافي لأريد أتجوزو ..
وحتى لو عاجبني شخص او تنين او تلاتة او اربعة :o ما رح ارتكب الفضيحة انن يفوتو يشوفو اسامين حابة اتجوزن ...:lol:
4- شو اكتر شي بتخافي منو؟ (( مو ضروري يكون كائن حي متل الحشرات مثلا قصدي ممكن يكون اي شي جاوبي وخلص مو قادر وضحلك انتي فهمتي اكيد))
:lol: بخاف من انو اخسر الناس اللي حواليي ( يموتو كتير بهدس أنو اختي .. او امي لا سمح الله صايرلن شي )

5- شو هي الحالة اللي ما بتحبي تمري فيها او الوقف اللي ما بتحبي تنحطي فيه؟
ما بحب اني وقت عصب كتير ... كتير بصير بجرح .. وبقسى بكلامي على اشخاص بكون كتير بحبن ..
وبس روق كتير بحس حالي .. مزعجة وهيك .
بكره انحط بمواقف حس فيا بالعجز .. وأنو ما فيني اعمل شي ..
6-من خلال متابعتي لردودك بالمقلاية يعني جد جد اكتشفت كم انتي انسانة رائعة وزكية بس يا ترى هالحكي بس على النت؟؟ (( انا بتوقع انو انتي دائما هيك))
أنا بحياتي بحس أني أفضل من الصورة اللي بيعرفوا الناس عني بأخوية .. او أنا هيك بحس ..
أنا أسلس بالطبيعة وأمرح ..

7- شو اكتر شي بيجذبك بسوبر مان؟
:sosweet::sosweet: حسنو وجمالو + عضلة ايدو
انو صحفي وبنضارات وراكز كتير كتير كتير :? ( عندي عقدة اني بحب النفسيات الراكزة )
وانو رغم انو بطل خارق في عندو هي الحجرة الخضرا اللي هية نقطة ضعفو .. ( يعني مانو بيرفيكت .. لأنو الشغلات البيرفيكت بتمللني )

خلص بكفي اسئلة ما بدي اقعد الف شي بطعمة وشي بلا طعمة انو بس هادي الشغلات اللي حاليا حابب اعرفها عنك

سلام butterfly
سلامات ..
كتير استمتعت بالأسئلة ..
يسلمو
:mimo:

hi

law feke t3'ere b Blacko three thing sho bet3'ere ??

who is god and what does he mean 2 u ??

akhawia b 10 words ??

sho nesbet naja7e ? :cry:

sorry my keyboard 3takoon 3mroo :cry:

هدول الاغاني وزعين علاعضاء تنشوف

تعا تعا كرمالي the morning ( بدي ياها تنزل عسوريا )

يا ستي يا ختيارة Majood

عالهوارة الهوارة لحسون ..

يا سي السيد :lol: للموسيئار

اللي فاكرني :cry: ما بعرفا للغنية ..

يوم الوداع ( لعماد spector وسوفي )

ارضى بالنصيب ( لأحلى وسوفية Reemi )

فطومة شو حبيتي بنص نصيص هالبورزان لليلى

حبك عزاب لأخوية كلا ..

صابر وراضي ( لمازن .. كمان وسوفي )


أ
أنو برجع مشان الكمالة
:fsing:

مين عم تقلو ؟:o:clap:
ما عم يقلو
عم يشوو
والله انا الضحية ..
وشكرا لحسن زيارتكم :cry:

فطومة شو حبيتي بنص نصيص هالبورزان لليلى
:jakoush::jakoush: يعدمني ميمو افندي من هلأ لبكرا الصبح :frown::p

و بعدين حبيت كتير شغلات :sosweet: كتير كتير :p

اتاخرت كتير يا حبيبي ... ( واعدني بكوشة شغلات ) sezar

حنينك حنيني Sabe ( لأنو اشتقنالو كتير )
بستنا باليوم واليوم Hashtnasht
اجمل احساس ليمون .. يلا روووووووووح جخ

بنت الايه :lol: لأمرأة من ورق ... لأنو بحبا كتير لهالبنت

اخدني معك لهنهون

عينيك كدابين لمجد هير أي أم :frown:

قولي لبوكي :lol: ما لحدا

لون عيونك لواحد ما بدي قول مين .. :p

اتحدى العالم :lol: لNervana


أنو يا زلمي شو كتار .. :cry:

:lol:

اي معلش اتذبي شوي


صحي عالماشي مين بعدك حيكون:cry:

لو قالولك اطلبي واتمني عندك 3 امنيات نحققلك ياهن شو بتتمني ؟؟

بتحبي غادة السمان كتير بتحسي انها عم تكتبك ؟؟

ممكن يكون موت شخص عزيز علينا دافع لبداية جديدة ؟؟

بيكفي هدول هلئ على امل يطلع معي شي سؤال
3 أمنيات ..
:lol: اووووووه بدي اخطف واحد بيجنن :o:oops: :sosweet:

تنين مصاري كتير كتير كتير كتير :o
بعدين وزارة الشؤون الاجتماعية .. حبيت الفكرة وقت سألوني أخدت مجدي ..

أما غادة يا معلم :cry::sosweet: أنو انا ميالة للأدب النساءي + السوري
غادة كوليت .. :sosweet:
بس غادة بتكتبني بقوتا .. بغرورا .. ما بتحب غادة هادا الحب تبع بتذوب وبيروح كيانا .. لهيك كتير بحبا وبحب قوتا وجرأتا ..

أما موت شخص عزيز بداية دفعة جديدة .. :? والله يا معلم بحسب خبرتي .. هو بداية دفعة جديدة .. بس ما بالضرورة تكون دفعة أحلى ..
مثلا حياتي وبابا عايش كانت احلى بكتير .. بس انا كنت اضعف بكتير .. وكنت دلولة وهبولة
هلق لساتني دلولة وهبولة بس صرت اقوى .. وصرت انضج .. بسبب هالخبرة المؤلمة .. بس في كمية من الفرح بتختفي .. وكمية من الشوق بتتضاعف كتير ...

:mimo:

hi

law feke t3'ere b Blacko three thing sho bet3'ere ??
بخفف سخريتو .. بخفف انفعاليتو .. وبخفف غلاظتو :p
who is god and what does he mean 2 u ??
الله هو الحب اللامشروط .. اللي ما بيخلص اللي بيحب كل شخص فينا على فرادتو .. حتى اللي بيقولو عنن خطأة وكفرة ومدري شو .. هني حلوين بعيونو ..حتى اللي منشوفن ناقصين ومختلفين هني حلوين بعيونو ..
شو بيعنيلي .. بعشقو عشق .. ووجودو بحياتي كتيرأثر فيها .. وكتير عطاها ثقة ونور ..

akhawia b 10 words ??
مجتمع سوري عندو توجه كبير .. بيلتقو فيه الأخوة وبيتحول المجتمع الافتراضي لعيلة ولناس منحبن ومنشتقلن

sho nesbet naja7e ? :cry:
ما بعرف بس انشالله خير يا رب
sorry my keyboard 3takoon 3mroo :cry:


:mimo:

صحي صحي
بخصوص رأيي بسدير
.. ما بيحترم اللي قدامو .. لحوح .. ما بيقدر يطلع من دائرة ذاتو ..

يانور عيني:p كمان ما رح قلك

احساس جديد وردة حبيبها

اسفة :cry: لمين ؟؟ ل Syria alasad

التنورة لشي صبية هون :lol:

بعيونك كلام للسمايلي هادا :cry:

خلص الدمع بقى هي للسمايلي هادا :fwaa3:

كوني انا ل Butterfly

وهزلي لهزلك :o جيني .. انا وجيني النا عادة نغني سوا عالماسنجر :fsing: :yahoo:
حاجتك هلا والي اي الي عودة:gem:

ما رح تلحق ترجع :flala:

بصراحة ما قدرت لاقي تعريف للكلمة المجردة " فضيلة " ..
حسيت انو ما عم بقدر عرفا .. لهيك ما بدي اتفزلك واكتب كلام يصنف الناس بين الفضيلة والرزيلة
لهيك بدي اعتذر عن هادا السؤال

:mimo:

اسفة لمين ؟؟ ل Syria alasad



الك مني عزيمة عشو ما بدك :clap: :clap: :yahoo:


والله ليطق بقهرو:yahoo:

بدي قلكن أني استمتعت كتير بالمقلاية ( مع انو كتير شويتوني .. يعني درجة الحراة بجد كانت مرتفعة ) .. وبتشكر .. كل اللي مرو .. Bl@ck SpectorSky Monster الحاج متولي lamoush Maher4*4Nirvana يمان The morning :frown:قهوة دايمي barleb willi Raw Goverment fofo besset syria (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
دلوعة سوريا .
مريومة
ري مي
Reemi
محمد ابراهيم
abosleman (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
كاتمة الأحزان
راديا
تالين ..
layla

وهلق بعزم .. أبو سليمان عالبيست :p
استلموه
يا ظالمين 7 صفحات عم تقلو فيني :cry:

تعا تعا كرمالي the morning ( بدي ياها تنزل عسوريا )
.. :cry: :cry: ..

لا اذا ابو سليمان معناها صار بدت قعدة:clap:

abosleman

صباح الخير ... ( اسئلة اختيارية )
أجب عن ثلاثة فقط مما يلي :
1-خبرنا عن ثلاث أعضاء من أخوية بتحب تشرب معون قهوة و وين ؟ موضحا الاسباب ؟
2- خبرنا عن ثلاث أحداث غيروا شي بمجرى حياتك ( سلباً او إيجاباً ) ؟
3 - خبرنا عن ثلاث شخصيات ( عالمية - محلية .... الخ ) أثروا فيك ؟ معللاً إجابتك ؟

وشكرا جدا جزيلا

انو قاعد بالشغل وخطر ببالي شوف شو عم يصير بأخوية
ووقت فتحت لشوف اخبار القلي ...:shock:
بالله حرام عليكي شو عاملك انا :cry:

على كل حال برجع بجاوبكن ..

اسئلتي المعتادة :

1. شو الشي الي ما فيك تعيش بدونه؟

2.ازا عندك الصلاحيات انك تغير شي واحد بسوريا شو ما كان...شو بتغير وليش؟

3.ازا كنت لحالك عجزيرة لحالك و بدك تضل معزول عن الناس واي شي خارج الجزيرة لمدة سنة و فيك تاخد معك شخص واحد و3 اشياء من اغراضك الخاصة شو بتاخد وليه؟ (ما فيك تاخد موبايل او تلفزيون او كمبيوتر او اي وسيلة اتصال مع العالم)وطبعا مو اكل وشرب وهاي الاشيا لأنه اعتبرها مأمنة الك بس بدك تاخد شي بعز عليك وبعنيلك انه يضل معك

4.شو تعريف الغربة بالنسبة الك؟

ابو سليمان كمان سؤال..شو كان شعورك اول ما لقيت حالك صرت بالمقلاية ؟:p

وشو بتعنيلك اخوية بما انو صارلك زمااااااااااااااااان فيها..و شو رأيك فيها هلأ .. احسن من قبل او زمان كانت احسن واحلى؟

موفق بالمقلاية :p

بالنسبة لشو بتغير بسوريا وتعريف الغربة عجبني كتير جواب ميمو...:D


بالنسبة للجزيرة ومين بتاخد معك صدمني وعجبني جواب بلاك .. :D

لنشوف الباقي :larg:

رح أبدا بالسؤال تبعي المعتاد ( 28 كلمة ومعناها )

الأنسان
الله
سوريا

ابو سليمان

أخوية
الشمس
الطموح
الحب
الفشل
الأحمر
الأسود
الأبيض
اليد
الجسد
الفم
التفوق
الطبيعة
المال
الموسيقى
الأبداع
الأخرين
الأنوثة
الذكر
الأمومة
الطفولة
الحياة
الموت
Butterfly

رح أرجع ... :p:mimo:

من جديد


هدول الاغاني وزعن علاعضاء تنشوف


تعا تعا كرمالي

يا ستي يا ختيارة

عالهوارة الهوارة

يا سي السيد

اللي فاكرني

يوم الوداع

ارضى بالنصيب

فطومة

حبك عزاب

صابر وراضي

اتاخرت كتير يا حبيبي

حنينك حنيني

بستنا باليوم واليومين

اجمل احساس

بنت الايه

اخدني معك

عينيك كدابين

قولي لبوكي

لون عيونك

اتحدى العالم

يانور عيني

احساس جديد

اسفة

التنورة:lol:

بعيونك كلام

خلص الدمع

كوني انا

وهزلي لهزلك:yahoo:



حاجتك هلا والي اي الي عودة:gem:

ابو سلــيمان .. تــحيه :D

امــا بــعد فــ
صــوت لــكل صــرخه
بــرد
دفــى
مــوت
اســود
اصــفر
ازرق
احــمر
بنفسجي
اخـضر
تراب
خوف
وداع
قله ثقه :pos::frown:
..

* هــامش ..
انــو صــوت صــوت يعنــي كيــف بــتسمع اصــوات هــالشـغلات ..
يلا خطر ببالي كــمان سـؤال ( انــو هلئ نــزل الـوحي تــبع الاســئله :o)


انــو الانــسان بــحول كــل شي لــصور بــراسو فلو نــفرض انـو هــالاشــيا اشــكال او صـور كــيف بتتخيلها ..
الــصدمه ..
الـصوت
الفراغ
الـعيد :cry:
الـقدره
الـتحدي
الـتاريخ
الروايـح
الـبدايه
الـنهايه ..


:lol: خــطر بــراسي كـمان سـؤال بــس الـله بـيحـبك ..
صــار لازم قــوم ادرس :frown:

اجيت لاسالك بس رح انطر لتجاوب ..والله كتار ...:?

ابو سليمان شو بتحب اسالك انا جاهزة:gem:

واللها لله يستر ابو سليمان مانو امان:cry:

abosleman

صباح الخير ... ( اسئلة اختيارية )

يسعدلي صباحك :D
ال اذا بدك تحيرو خيرو لهيك رح جاوب عكل الاسئلة وانت اختار :p


أجب عن ثلاثة فقط مما يلي :
1-خبرنا عن ثلاث أعضاء من أخوية بتحب تشرب معون قهوة و وين ؟ موضحا الاسباب ؟

كتير اعضاء بتمنى اشرب القهوة معن
بس بما انو بدك ثلاث اعضاء رح قلك
ظل جيفارا .. مادماكس ... Nirvana
الاسباب يامعلم هدول من العالم اللي كتير بحترم آرائن وافكارن
وبتمنى انو اجتمع معن واتعرف عليهن اكتر ..
وبما انو اتنين ظل جيفارا ومادو من طرطوس . وانا بحب طرطوس فاكيد اكتر مكان مناسب


2- خبرنا عن ثلاث أحداث غيروا شي بمجرى حياتك ( سلباً او إيجاباً ) ؟

وفاة ابي اكتر حدث أثر بحياتي
يوم قررت عيد البكلوريا واتأخرت عالامتحان :pos:
وآخر شي اني اجيت ع قطر بدل ماروح ع الجيش

اول سببين هن سلبيات مية بالمية
بس كان إلن تأثير ايجابي بنسبة 60 بالمية


3 - خبرنا عن ثلاث شخصيات ( عالمية - محلية .... الخ ) أثروا فيك ؟ معللاً إجابتك ؟

فريدريك نيتشه .. جبران خليل جبران .... ميشيل عفلق

هدول من الشخصيات اللي من خلال افكارهن وقرائتن للامور طورت شخصيتي و فكاري

وشكرا جدا جزيلا


شكرا إلك :D
ودايمي ع القهوة لا بقى تعيدا :p

اتحدى العالم :lol: لNervana



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

:lol:

كتير اعضاء بتمنى اشرب القهوة معن
بس بما انو بدك ثلاث اعضاء رح قلك
ظل جيفارا .. مادماكس ... Nirvana
الاسباب يامعلم هدول من العالم اللي كتير بحترم آرائن وافكارن
وبتمنى انو اجتمع معن واتعرف عليهن اكتر ..
وبما انو اتنين ظل جيفارا ومادو من طرطوس . وانا بحب طرطوس فاكيد اكتر مكان مناسب


بتشرف .. :D

بتعرف سؤالي وهو أهم سؤال :lol:

رأيك بالتحشيش؟
ورأيك بأبو حشيشة؟


وشو بتحب تعمل بحياتك وما قدرت لهلا تعملو؟

وشكراً.. :D

شو هالمقلاية؟؟؟؟؟؟؟؟؟؟
كأنها باردة وبدها تسخين........يالله شعلو النار تحتها:eat:

اسئلتي المعتادة :

1. شو الشي الي ما فيك تعيش بدونه؟

الصداقة ... ما بالضرورة يكون الصديق انسان اي شي ممكن تشوفو كل يوم وبتقدر تتحاور معو
وبتحسو بيفهمك بكون صديق
ممكن يكون الكتاب ,,, أو البحر,,, او شي نجمة

2.ازا عندك الصلاحيات انك تغير شي واحد بسوريا شو ما كان...شو بتغير وليش؟

النظام الدراسي والمناهج -مع بعض هدول -
نظامنا الدراسي تعيس ومابيعطي الفرصة للطالب يختار
ومناهجنا عنجد سمجة بتحس الطالب لما يوصل للبكلوريا رح تجيه جلطة دماغية
وهلئ منتشرة عنا تجارة الجامعات الخاصة -بعتبرا تجارة وقت بينرفع المعدل لدراسة اختصاص معين وبيتم فتح جامعه بدرسك نفس الاختصاص بمعدل اقل ع حسابك -

3.ازا كنت لحالك عجزيرة لحالك و بدك تضل معزول عن الناس واي شي خارج الجزيرة لمدة سنة و فيك تاخد معك شخص واحد و3 اشياء من اغراضك الخاصة شو بتاخد وليه؟ (ما فيك تاخد موبايل او تلفزيون او كمبيوتر او اي وسيلة اتصال مع العالم)وطبعا مو اكل وشرب وهاي الاشيا لأنه اعتبرها مأمنة الك بس بدك تاخد شي بعز عليك وبعنيلك انه يضل معك

اذا بدي انعزل لحالي ما بالضرورة اخد شخص معي
كتاب شامل لـ جبران خليل جبران
شطرنج
ومجموعه فيروز _ طبعا هي ما بتعتبر وسيلة اتصال بالعالم الخارجي _


4.شو تعريف الغربة بالنسبة الك؟

الغربة انك تكون مجهول الهوية بوطنك مسلوب الارادة والحرية
الغربة انك تصرخ بأعلى صوتك وماحدا يرد عليك ويعبرك
انك ادور ع حدا تشكيلو همك وما تلاقي
اذ بدي احكي عن الغربة ما بخلص لبكرا

ابو سليمان كمان سؤال..شو كان شعورك اول ما لقيت حالك صرت بالمقلاية ؟:p


:shock: هيك بعدين :sick: وبعدين :hashish:

وشو بتعنيلك اخوية بما انو صارلك زمااااااااااااااااان فيها..و شو رأيك فيها هلأ .. احسن من قبل او زمان كانت احسن واحلى؟

اخوية بيتي الصغير اللي بدخل عليه لما حس بالوحدة ... والحرية والاشتراكية :p

كل جيل مر بأخوية كان إلو طابع متميز عن اللي قبلو وفيه اعضاء متميزين واعضاء ما بينطاقو
بس اكيد بضل الجيل القديم وانا بسميه جيل العمالقة متميز ومشرق فيكي تقولي متل التاريخ العربي
وبتمنى المستقبل ما ينحدر فينا متل حاضرنا العربي

موفق بالمقلاية :p

اي اذا ما كترتو الزيت قصدي الاسئلة :D
مشكورة فوفو :D

بتشرف .. :D

الشرف إلنا :D

بتعرف سؤالي وهو أهم سؤال :lol:

هدا السؤال من لما عرفت اني بالمقلايه عم فكر فيه :p

رأيك بالتحشيش؟
هو الوصول لابعد نقطة ممكنة بالفكر والفكرة.. والفكرة انو لازم نصطل
لنقدر نتواصل مع مجتمع المصاطيل المطاطي :o عجبتني هي المطاطي


ورأيك بأبو حشيشة؟

سيدنا الكبير ومعلمنا وتاج راسنا ولولاه كنا متنا
الله لا يحرمنا منو ومن تحشيشاتو

وشو بتحب تعمل بحياتك وما قدرت لهلا تعملو؟

السباحة ....:shock: لهلئ ما قدرت اتعلم السباحة :p

بالنسبة اذا الشي اللي بدي اعملو مادي فكتير امور بتمنى اني اعملها وماقدرت اعملها
بس لساتني عم اسعى ع امل اني اعملها ( إننا محكومون بالامل )

وإذا كانت الشغلة روحية او شخصية اني كون انا بمجتمع بيحترم انك تكون انت ومابطالبك انك تكون هو

وشكراً.. :D

وعفوا :D

مدري ليش جاي عبالي انقلي اتفضلو خدو راحتكم انا جاهز......................

رح أبدا بالسؤال تبعي المعتاد ( 28 كلمة ومعناها )



الأنسان الخير والشر
الله الوجود والعدم
سوريا الام الحنون

ابو سليمان حكاية صغيرة اسما خضر

أخوية المجتمع الحلم
الشمس الضوء اللي بيكشف خفايا النفس
الطموح الدافع للاستمرارية
الحب اكبر من اني احكي
الفشل الطريق للنجاح
الأحمر الدم والنار
الأسود لون بلاك المفضل اللي بعتبرو ابيض -مو لبلاك-
الأبيض مو لون بلاك المفضل
اليد اقدم وسيلة للتعبير
الجسد مرآة الروح
الفم آخر مرحلة للسيطرة ع الكلام
التفوق نهاية الفشل
الطبيعة التأمل
المال قيود الحياة
الموسيقى غذاء الروح
الأبداع الجنون الرائع
الأخرين قصص وحكايا
الأنوثة جماليه المرأة
الذكر مرآة تعكس جمال الانوثة
الأمومة الجمال الحقيقي للانوثة
الطفولة عالم الاحلام
الحياة بداية الموت
الموت نهاية الحياة
Butterfly فراشة المنتدى وروح المكتبة :mimo:

رح أرجع ... :p:mimo:


رح اهرب :p

من جديد


هدول الاغاني وزعن علاعضاء تنشوف


تعا تعا كرمالي

ليوبراد

يا ستي يا ختيارة

كلن صبايا مافي ختايرة هون

عالهوارة الهوارة

متفق عليها حسون

يا سي السيد

اسير التشرد

اللي فاكرني

مو ملاحظ انو محدا عرف الغنية
لكل اللي فاكريني

يوم الوداع


ابو جوزيف

ارضى بالنصيب

إلي :cry: ولا انا ما بيطلعلي

فطومة

كازيتا

حبك عزاب

مممممم مادخلك ;-)

صابر وراضي

مرسيل

اتاخرت كتير يا حبيبي

ماد ماكس

حنينك حنيني

ظل جيفارا

بستنا باليوم واليومين

نيرفانا بالعربي
اكيد كلنا اشتقنالا

اجمل احساس

themorning

بنت الايه

محدا
اخدني معك

Reemi
نشرب متة عالسطح

عينيك كدابين

ماعنا كدابين

قولي لبوكي

ليمانوووووو:p

لون عيونك

شي حدا ما بتعرفو

اتحدى العالم

امرأة من ورق

يانور عيني

يا زلمة شو حشري :pos:

احساس جديد

دلوعه

اسفة

كمان محدا

التنورة:lol:

:lol:

بعيونك كلام

فارس

خلص الدمع

كوني انا

هدول مو لحدا

وهزلي لهزلك:yahoo:

وروح هزلحالك :yahoo:



حاجتك هلا والي اي الي عودة:gem:



يا ويلك اذا بترجع :gem:

ابو سلــيمان .. تــحيه :D

امــا بــعد فــ
صــوت لــكل صــرخه
بــرد
دفــى
مــوت
اســود
اصــفر
ازرق
احــمر
بنفسجي
اخـضر
تراب
خوف
وداع
قله ثقه :pos::frown:
..

* هــامش ..
انــو صــوت صــوت يعنــي كيــف بــتسمع اصــوات هــالشـغلات ..
يلا خطر ببالي كــمان سـؤال ( انــو هلئ نــزل الـوحي تــبع الاســئله :o)


انــو الانــسان بــحول كــل شي لــصور بــراسو فلو نــفرض انـو هــالاشــيا اشــكال او صـور كــيف بتتخيلها ..
الــصدمه ..
الـصوت
الفراغ
الـعيد :cry:
الـقدره
الـتحدي
الـتاريخ
الروايـح
الـبدايه
الـنهايه ..


:lol: خــطر بــراسي كـمان سـؤال بــس الـله بـيحـبك ..
صــار لازم قــوم ادرس :frown:






مية :D مورنينغ
برجع لهاد السؤال بعدين

اجيت لاسالك بس رح انطر لتجاوب ..والله كتار ...:?

ابو سليمان شو بتحب اسالك انا جاهزة:gem:


بانتظار اسألتك مريومة :D

ويعني اذا بتساليني سؤال خفيف عالماشي :cry: حرام انا
متل كيفك شو اخبارك بعد اول قلية نبدلك الزيت ولا لسى :lol:

شو اكتر شغلة بتحبا من :
اكلة
شراب
لون
فريق
نوع بنطلون
سيجارة
حشيش
سيارة


شو مواصفات المدام ؟:p يا ويلك تقول ما دخلك:o


والي رجعة

هلق شلون بيقلو فيها هي يعني؟؟
يعني مثلاً لنقول أنا بدي أقلي حدا.. شو بعمل؟

هلق شلون بيقلو فيها هي يعني؟؟
يعني مثلاً لنقول أنا بدي أقلي حدا.. شو بعمل؟


ما بتقدر لحتى يلحشك ابو سليمان

وتجاوب وتخلص
ساعتها بحقلك تلحش شي حدا:p

هلق شلون بيقلو فيها هي يعني؟؟
يعني مثلاً لنقول أنا بدي أقلي حدا.. شو بعمل؟
والله متلي متلك :?

بتشغل الغاز وبتحط المقلاية عليههههههههههه:o