كيفك حسووووووووووووووووم
هلا بماانو انت مشتقلي كتيير بعرف والك زمان ماحاكيتني رح تجاوب ع كل اسئلتي وبدون يش يش او مدري شو:jakoush:



اي يلا كم سيجارة بتدخن بالنهار؟؟؟
انت ليش هيك؟؟؟
شو اكتر غنية بتحبا؟؟ وليش؟؟؟
مين مطربك المفضل؟؟ليش
.شو المواضيع اللي تقراها بالمنتدى
شو حلمك بهالحياة
شو الصفات اللي بتكرهها بالانسان
والصفات اللي بتحبها
شو حكمتك بالحياة
شو هيي صفات امراة احلامك
اذا ربحت مليون دولار, شو بتعمل فيها؟؟
انت سعيد بحياتك وليش
اذا لاء كمان ليش؟
.اذا فشلت بتحقيق حلمك شو رح تكون ردت فعلك؟
وشو هي اكتر مادة بتكرها و كمان ليش؟
هل بتامن بالابراج ؟ و علل جوابك
هل بتامن بالقدر؟ علل جوابك
هل بتامن بالسحر و المشعوذين؟ علل جوابك
عرفلي البيروقراطية والديكتاتورية
شو اكتر شي بيعصبك؟
شو اكتر شي بيفرحك؟
شو رايك بقضية الشرق الاوسط؟
شلون تعرفت على أخوية ..؟شلون صارت الفكرة(بالنسبة لالك)
مين أكتر أعضاء بتقرالون بالأخوية ..
كم اخ و اخت عندك؟
مين من اخواتك هوي المفضل عندك وليش؟
شو هوي فيلمك المفضل وليش؟
مين ممثلك المفضل وليش؟
شو اكتر شي بتحبو بالحياة وليش؟
شو ناوي تدرس؟شو عم تدرس؟ ايمت بتخلص؟ شو ناوي تعمل بعد؟
شو أكتر معادلة كيمياء حفظتها بحياتك؟
شو أحلى قصيدة مرقت معك؟
شو درس العلوم المفضل يلي حفظتو؟
شو حدود سوريا الجغرافية؟
شو طبيعة لبسك : سبور -فنكي -رسمي ؟
شو اكتر موقف محرج صار معك؟
بتعتبر حالك ن الناس ياللي بيحكو كتير؟
شو اكتر اسم بتحب للشب وللبنت؟
مين قضوتك بالحياة ؟
شو رأيك بالطفولة و الولاد ؟
مين أعز شخص على قلبك و ليش ؟
إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟
شو أحلا أيام حياتك؟
شو الحياه بالنسبه إليك؟
شو بنظرك دموع الفرح أم بسمة الفرح؟
شوالشي الذي تتمنى أن يرجع؟
مين أعز إنسان لقلبك؟
موقف صار لك ولا تقدر تنساه؟
شو أفضل لديك بمراحل النمو هل هو الطفوله ام المراهقه ام الشباب أم الشيب؟
زيت المقلاية عم يحرقك شي؟



حاجتك هول هلا بس رح فكرلك بكم سؤال خص نص لالك عيوني
وراااااااااااااااااجعيييي يييييييين
نعشق ونحب ونعيش مع بعض حياتنا:yahoo::yahoo:
لك له خربطنا بالموضوع

النا رجعة حكيمو:yahoo::yahoo::yahoo:

بما انو مستعير وقتك من رفيق فما كتير رح اخد وقت اني رحب فيك بالمقلايه :lol: ..
سؤال بموضوع انا نفسي بحاول اتهرب من الحكي عنو :?..
اخويه قبل التهكير و اخويه بعد التهكير :D ..
1. كل اللي بيعرف اخويه قبل التهكير ملاحظ و يتناقل "انو حسام بعد التهكير و حسام قبل التهكير (( صار في حسامين :? ؟!!)) "
يأسان من اخويه .. ما عم يحب اخويه ..
خفت محبتو لاخويه .. عم يتعامل معها برفع عتب !!
اديش صح هالكلام و لايمت (( كـاقرب تقدير يعني )) ؟
و بس :D..

وبيني وبينك كنت بدي زتك بالمقلاية من بعدي بس قلت يا ولد مو حلوة نتم بلا اخوية :lol:


:jakoush::jakoush::jakoush:

سؤال خفيف لطيف ..

شو أكتر شخصية بتحبها بمسلسل الكرتون ليدي اوسكار .. طبعا عدا عن أوسكار؟

:o حسام بجلالة قدرو بالمقلاية ..رحمتك يا رب

سؤال صغير كتير
شو رأيك بهاالكم شغلة ...

الله

حمص

سوريا

قهوة الروضة

.
.
.

شغلات اكبر هون

نزار قباني

هتلر

شارون

الدكتور ..

النظام

الفساد

الطائفية


وسؤال صغير لحالو هاد ...
كيف فيني شوفك بس انزل ع حمص ؟؟؟؟

وتحياتي إلك :D

حسام أنا انطبزت بصراحة .. :frown:

بس سؤالين صغار لو استلمت رئاسة سوريا .. لمدة عشرة أيام و مسموح الك كل يوم تسوّي شي ..

شو حتسوي و بالترتيب ..

و التاني لو كنت مطرح الله شو بتغير و شو بتضيف وشو بتنقص عالشي اللي سوّاه ..

يالله ليش اول سؤال بسألك هوي بتقلي يش يش كلون خمس سطور والله حرام عليك يا شيخ :cry:

رح غير السؤال روح انبسط لتشوف قديشني كويس :larg:

السؤال هوي .... لخصلي حسام بتلات كلمات وبس وازا بتقلي يش يش بدي فجر بحالي قنينة كاظوظ ام الحجم العائلي و حملك المسؤولية :frown:

وفي الختام سلام

هههههه روق يوسف بيك .... ولو معقول



اي حسام راجعلك مسويات بس لمخمخ يعطيك العافية :D

كيفك حكيم ..
أنا مو كتير بحب الأسئلة الشخصية ....لذلك رح أسألك كم سؤال بخصّوا المنتدى :


أخوية صار ألو مكانة كبيرة عند كل عضو من الأعضاء
حتى أنو صار طقس من طقوسنا اليومية
بقى ما رح أسألك شو مكانتو عندك ...أو شو بيعنيلك ( و من هالحكي )
بس بدي أسالك قديش بياخد المنتدى من وقتك يومياً ..؟؟
**

من سنة لليوم .... تضاعف عدد أعضاء أخوية خمس مرات تقريباً
بس يا ترى أنت شايف أنو المنتدى بهالسنة .... تقدم ...و لا تراجع ..؟؟

**
من لما رجع المنتدى من التهكير ... يعني من حوالي 4 شهور
يا ترى قريت شي موضوع و لقيتو ( متل ما بقولوا ) بعبي الراس ..؟؟
**
ليش ما عاد كتبت بالمنتدى
حتى ردودك صارت ( تقريباً ) بتقتصر عالبريد


ميرسي :D

ماتت الاخوية ولا لسه عايشة ;)

الله يرحما

ورد خطا بالرد السايق ماقصدي ماتت الاخوية انا قصدي عن المقلاية لاتواخذونا

وهلأ لنتبهت عليه بعد ماراح وقت التعديل
فلاتواخذونا على هالخطأ المطبعي :oops:


ووجب التنبيه

حكيم هاي اسئلتي المعتادة:

1. شو الشي الي ما فيك تعيش بدونه؟

2.ازا عندك الصلاحيات انك تغير شي واحد بسوريا شو ما كان...شو بتغير وليش؟

3.ازا كنت لحالك عجزيرة و بدك تضل معزول عن الناس واي شي خارج الجزيرة لمدة سنة و فيك تاخد معك شخص واحد و3 اشياء من اغراضك الخاصة شو بتاخد وليه؟ (ما فيك تاخد موبايل او تلفزيون او كمبيوتر او اي وسيلة اتصال مع العالم)وطبعا مو اكل وشرب وهاي الاشيا لأنه اعتبرها مأمنة الك بس بدك تاخد شي بعز عليك وبعنيلك انه يضل معك

4.شو تعريف الغربة بالنسبة الك؟




عفكرة معك 3 ايام تجاوب فيهن عالاسئلة وبعدها بتزت حدا غيرك بالمقلاية...بس بدو يكون مو مزتوت فيها من قبل واكيد اكيد مو انا لأني حبابة وما بتحمل القلي..:p

موفق بالمقلاية .. والله الشباب مو مقصرين بالاسئلة الله يعينك :o

:D:D

تلج .... تلج عم تشتي الدنيا تلج ...:shock:


بس يرد الحكيم على هدول .... بجرب اسال

لك أنا شو قلتلكن
هع هع هع


زتوا زبون غيروا:lol:

لا لا انطرو شوي ... لح نحاول:D

"ابو جوزيف"

شوهية نظرتك للحموية وشو صار بالبحرة يلي قسمتوها بخيط

وشو رأيك بالوضع الراهن بسوريا




تكنولوجيا __________

مواصفات كمبيوترك بالتفصيل

ئديش سرعة النت عندك

نوع موباليلك

شو اخر رقم بخطك

ئديش معك رصيد


_____________________________
مممم

شو كمان مو عرفان شو أسالك انت بتخوف يا عم ما بتنسال شو ما كان

اي صحيح

حكيلنا شو تغير بحسام حسام قبل 6 شهور وحسام هلق لانك متغير عن اول مو عايد تتحاكى
__________________________________________
فسد الملح ولا ما فسد

الطائفية

العنصرية

العرب

سوريا

الجولان

امريكا

العراق
_____________________________________
ما عاد طلع معي متل ما قلتلك انت بتخوف وبيني وبينك كنت بدي زتك بالمقلاية من بعدي بس قلت يا ولد مو حلوة نتم بلا اخوية

اهم سؤال :::: شو مشان الوضع المتردي روح رد على موضوعي بالبريد ليش ماعم ترد





"جاد"

سوئال واحد بس


بشكل مبسط, شو كان الهدف من انك تعمل موقع اخوية؟




"ريتا"

كيفك حسووووووووووووووووم
هلا بماانو انت مشتقلي كتيير بعرف والك زمان ماحاكيتني رح تجاوب ع كل اسئلتي وبدون يش يش او مدري شو



اي يلا كم سيجارة بتدخن بالنهار؟؟؟
انت ليش هيك؟؟؟
شو اكتر غنية بتحبا؟؟ وليش؟؟؟
مين مطربك المفضل؟؟ليش
.شو المواضيع اللي تقراها بالمنتدى
شو حلمك بهالحياة
شو الصفات اللي بتكرهها بالانسان
والصفات اللي بتحبها
شو حكمتك بالحياة
شو هيي صفات امراة احلامك
اذا ربحت مليون دولار, شو بتعمل فيها؟؟
انت سعيد بحياتك وليش
اذا لاء كمان ليش؟
.اذا فشلت بتحقيق حلمك شو رح تكون ردت فعلك؟
وشو هي اكتر مادة بتكرها و كمان ليش؟
هل بتامن بالابراج ؟ و علل جوابك
هل بتامن بالقدر؟ علل جوابك
هل بتامن بالسحر و المشعوذين؟ علل جوابك
عرفلي البيروقراطية والديكتاتورية
شو اكتر شي بيعصبك؟
شو اكتر شي بيفرحك؟
شو رايك بقضية الشرق الاوسط؟
شلون تعرفت على أخوية ..؟شلون صارت الفكرة(بالنسبة لالك)
مين أكتر أعضاء بتقرالون بالأخوية ..
كم اخ و اخت عندك؟
مين من اخواتك هوي المفضل عندك وليش؟
شو هوي فيلمك المفضل وليش؟
مين ممثلك المفضل وليش؟
شو اكتر شي بتحبو بالحياة وليش؟
شو ناوي تدرس؟شو عم تدرس؟ ايمت بتخلص؟ شو ناوي تعمل بعد؟
شو أكتر معادلة كيمياء حفظتها بحياتك؟
شو أحلى قصيدة مرقت معك؟
شو درس العلوم المفضل يلي حفظتو؟
شو حدود سوريا الجغرافية؟
شو طبيعة لبسك : سبور -فنكي -رسمي ؟
شو اكتر موقف محرج صار معك؟
بتعتبر حالك ن الناس ياللي بيحكو كتير؟
شو اكتر اسم بتحب للشب وللبنت؟
مين قضوتك بالحياة ؟
شو رأيك بالطفولة و الولاد ؟
مين أعز شخص على قلبك و ليش ؟
إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟
شو أحلا أيام حياتك؟
شو الحياه بالنسبه إليك؟
شو بنظرك دموع الفرح أم بسمة الفرح؟
شوالشي الذي تتمنى أن يرجع؟
مين أعز إنسان لقلبك؟
موقف صار لك ولا تقدر تنساه؟
شو أفضل لديك بمراحل النمو هل هو الطفوله ام المراهقه ام الشباب أم الشيب؟
زيت المقلاية عم يحرقك شي؟



حاجتك هول هلا بس رح فكرلك بكم سؤال خص نص لالك عيوني
وراااااااااااااااااجعيييييييييييين
نعشق ونحب ونعيش مع بعض حياتنا
لك له خربطنا بالموضوع

النا رجعة حكيمو





"مورننغ"

بما انو مستعير وقتك من رفيق فما كتير رح اخد وقت اني رحب فيك بالمقلايه ..
سؤال بموضوع انا نفسي بحاول اتهرب من الحكي عنو ..
اخويه قبل التهكير و اخويه بعد التهكير ..
1. كل اللي بيعرف اخويه قبل التهكير ملاحظ و يتناقل "انو حسام بعد التهكير و حسام قبل التهكير (( صار في حسامين ؟!!)) "
يأسان من اخويه .. ما عم يحب اخويه ..
خفت محبتو لاخويه .. عم يتعامل معها برفع عتب !!
اديش صح هالكلام و لايمت (( كـاقرب تقدير يعني )) ؟
و بس ..






"نيرفانا بالانكلش:lol:"


سؤال خفيف لطيف ..

شو أكتر شخصية بتحبها بمسلسل الكرتون ليدي اوسكار .. طبعا عدا عن أوسكار؟




"ابو سليمان"


حسام بجلالة قدرو بالمقلاية ..رحمتك يا رب

سؤال صغير كتير
شو رأيك بهاالكم شغلة ...

الله

حمص

سوريا

قهوة الروضة

.
.
.

شغلات اكبر هون

نزار قباني

هتلر

شارون

الدكتور ..

النظام

الفساد

الطائفية


وسؤال صغير لحالو هاد ...
كيف فيني شوفك بس انزل ع حمص ؟؟؟؟

وتحياتي إلك






"بلاكو"

حسام أنا انطبزت بصراحة ..

بس سؤالين صغار لو استلمت رئاسة سوريا .. لمدة عشرة أيام و مسموح الك كل يوم تسوّي شي ..

شو حتسوي و بالترتيب ..

و التاني لو كنت مطرح الله شو بتغير و شو بتضيف وشو بتنقص عالشي اللي سوّاه ..







"معتر ليش ما بعرف"


يالله ليش اول سؤال بسألك هوي بتقلي يش يش كلون خمس سطور والله حرام عليك يا شيخ

رح غير السؤال روح انبسط لتشوف قديشني كويس

السؤال هوي .... لخصلي حسام بتلات كلمات وبس وازا بتقلي يش يش بدي فجر بحالي قنينة كاظوظ ام الحجم العائلي و حملك المسؤولية

وفي الختام سلام






"مادماكس"


كيفك حكيم ..
أنا مو كتير بحب الأسئلة الشخصية ....لذلك رح أسألك كم سؤال بخصّوا المنتدى :


أخوية صار ألو مكانة كبيرة عند كل عضو من الأعضاء
حتى أنو صار طقس من طقوسنا اليومية
بقى ما رح أسألك شو مكانتو عندك ...أو شو بيعنيلك ( و من هالحكي )
بس بدي أسالك قديش بياخد المنتدى من وقتك يومياً ..؟؟
**

من سنة لليوم .... تضاعف عدد أعضاء أخوية خمس مرات تقريباً
بس يا ترى أنت شايف أنو المنتدى بهالسنة .... تقدم ...و لا تراجع ..؟؟

**
من لما رجع المنتدى من التهكير ... يعني من حوالي 4 شهور
يا ترى قريت شي موضوع و لقيتو ( متل ما بقولوا ) بعبي الراس ..؟؟
**
ليش ما عاد كتبت بالمنتدى
حتى ردودك صارت ( تقريباً ) بتقتصر عالبريد







"فوفو بسيت سوريا"



حكيم هاي اسئلتي المعتادة:

1. شو الشي الي ما فيك تعيش بدونه؟

2.ازا عندك الصلاحيات انك تغير شي واحد بسوريا شو ما كان...شو بتغير وليش؟

3.ازا كنت لحالك عجزيرة و بدك تضل معزول عن الناس واي شي خارج الجزيرة لمدة سنة و فيك تاخد معك شخص واحد و3 اشياء من اغراضك الخاصة شو بتاخد وليه؟ (ما فيك تاخد موبايل او تلفزيون او كمبيوتر او اي وسيلة اتصال مع العالم)وطبعا مو اكل وشرب وهاي الاشيا لأنه اعتبرها مأمنة الك بس بدك تاخد شي بعز عليك وبعنيلك انه يضل معك

4.شو تعريف الغربة بالنسبة الك؟




عفكرة معك 3 ايام تجاوب فيهن عالاسئلة وبعدها بتزت حدا غيرك بالمقلاية...بس بدو يكون مو مزتوت فيها من قبل واكيد اكيد مو انا لأني حبابة وما بتحمل القلي..

موفق بالمقلاية .. والله الشباب مو مقصرين بالاسئلة الله يعينك









وهي لمينالك الاسئلة حسام.... ناطرينك:D

;)

يرحم روحوا بياع العجة

اهلا مجددا، عذرا على التأخير (ان كان في تأخير حصل..) عموما .. بالعودة للموضوع ...
ستكون ردودي ما هي باللون النهدي هذا


شوهية نظرتك للحموية :? وشو صار بالبحرة يلي قسمتوها بخيط
كحمصي ما بقدر كون صحبة مع الحموي ، او اشهدلهم بالمنيح، فهذا بينافي تاريخ امتد لأجيال وقرون من النكوزي الحمصيي الحمويي.. و ما بقدر هيك لحالي اطلع عن السرب.. مهما كانت حلاوة الجبن الحموي طيبي لا بد يكون حلاوة الجبن الحمصيي اطيب، ومهما كانت النواعير كول بعاصيها بيفضل العاصي حمصي اولا وثانيا و بإمتياز ... فهذا الموضوع مش بإيدي .. هذا ارث شعبي ..

وشو رأيك بالوضع الراهن بسوريا
يش يش

تكنولوجيا __________
مواصفات كمبيوترك بالتفصيل
كمبيوتراتي منيحة بتكفي احتياجياتي بالوقت الحالي ..

ئديش سرعة النت عندك
2ميغا

نوع موباليلك
من فترة منيحة ما عاد حملت موبايل، (صار عم يتعدى على خصوصيتي كتير)، بس لمن كنت إحمل موبايل فغالبا كان يكون هوي الي عم بيزتوه ، (يعني اختي جابت موبايل جديد بأخد انا القديم) ، اخي الصغير جاب موبايل جديد و بدو يشلح القديم باخدو وهيك .. بشكل عام بالموبايلات الموبايل الوحيد الي اشتريتو والي فضل معي لمن فترة قريبة هوي 6110 او تقريبا هيك رقمو .. مش ملون ، وهيك طويل و بيلقى دعك كتير و بياكل اتل كتير..
بالموبيايلات انا مالي باع ابدا .. اهم شي عندي يكون الموبايل ما بيتنح .. و للأسف كل كل الموبايلات الجديدة الي فيها مواصفات و ما بعرف شو بتنح وبتنح كتير، بتكبس الزر بيطعلك شغلي عم بتدور وبيقعد يفكر .. بتجي بدك اتدق بتلاقي تنح بأرضو وبلش يفكر.. انو بالنهاي الموبايل كرمال تتصل وتستقبل (بالنسب الي هيك هوي) فقط هيك .. انا مش بحاجة لأي شي تاني خلاف هذا فيه .. (عندي كمبيوتري بمعظم الوقت معي، وعندي بوكيت بي سي و بالم .. لباقي الشغلات .. بس كموبايل بيلزمني تإتصل ورد وبس .. )

شو اخر رقم بخطك
يش يش

ئديش معك رصيد
بالبنك و لا بالموبايل؟؟

_____________________________

حكيلنا شو تغير بحسام حسام قبل 6 شهور وحسام هلق لانك متغير عن اول مو عايد تتحاكى :frown:
همم .. سوؤال وجيه..
أدعي و أزعم اني لم اتغير من 6 شهور للآن (بالجزء الي عم تحكي عنو ) ابدا .. بس الي اتغير هوي المعطيات المحيطة و الظروف المحيطة حواليي.. الي اتغير هوي الوضع ككل اتغير .. انا ما اتغيرت (ولمن بقول ما اتغيرت ما بكون عم جاهر بهذا انا جدا مع التغيير و اكثر مأخذ لي على شرائح واسعة هو التحجر وعدم التغيير والتطوير بنفسها .. بس عم بحكيك الواقع .. انا ما اتغيرت الي اتغير و اتغير بوتيرة غير متوقعة وبمنحنيات غريبة هوي الظروف والمعطيات المحيطة)

__________________________________________
فسد الملح ولا ما فسد
هاي الأسئلة غير دقيقة و اجاباتها تحتاج لوقت كتير ان كان في امكانية للإجابة عليها .. بعتذر مش بقدر جاوب عن كلها ..

الطائفية
لمن كانو يسألونا انت مسيحي ولا مسلم كنا نجاوب ونقول "سوري" و يأكدو السؤوال اي فهمنا انك سوري بس مسيحي ولا مسلم نرجع نأكد ونقول "سوري" .. كسوري بلاقي صعوبة بإني كون item ب category .. صعوبة بالغة .. ان كان ولهال البد بيوم ما رح كون item ب category ففقط ثم فقط لمن الكاتيغوري سوريا ..
الطائفية شغلة ما بنعرفها بمجتمعنا .. او لنكون صرحا ما منعرفها عن كثب.. منسمع فيها كتير، منشوف نمازج بسيطة شازة .. بس ما شفنا للآن طائفية بالمعنى الحقيقي .. ببلدنا .. وبهذا الفضل بيعود لطبيعة الشعب السوري فقط ..

العنصرية
متل الطائفية .. اعزرني اذا ما قدرت احكي عنهم اكتر فأنا بالفعل ما شفتهم عن كثب ببلدي .. ولهيك ما كان ليهم نصيب من اهتمامي ..

العرب
لسا امامهم طريق طويل جدا ..بعتقد سوريا ما عاد قادرا تحمل راية العروبة اكتر من هيك .. فلو بيعفونا من هال المهمة بعض الحين نتفرغ لقضايانا الخاصة و بعدين بالأيام منشوف شو الله بيسهل بموضوع العلاقة السورية مع العرب .. وموضوع العروبة بإطرها الي انحطت بخمسينات القرن الماضي .. منشوف بوقت لاحق هل هيي بعدها بتنفع او لاء..

سوريا
امة نهائية للسوريين اولا وثانيا و ثالثا ..

الملح لا يَفسد في سوريا، بتفسد الطبخة ، بتشيط بتحترق بس الملح السوري لا يمكن ان يَفسد.. لقلك شغلي انا مش عم بحكي هون من زاورة التسويق التفائلي او الإصطهاج الكلامي العاطفي.. ابدا .. عم بحكيك من خبرة ميدانية عملية استقرائية عشتها مع شعوب و اعراق كثيرة كثيرة ومتنوعة و بعدة حقب.. عن خبرة ميدانية بعشرات الدول و مع عشرات المجتمعات الصغيرة الي بتعكس جليا نهج اممها في الداخل والخارج ..
في شيئ بالشعب السوري خاصة و الشعوب في بلاد الشام عامة (و اخص هنا الشريط المدني بعمق 80-180 كيلو متير عن البحر - فلا اقصد المناطق الصحراوية-) في شيئ بهال الشعب سواء هوي جينات ما ، سواء هوي تفاعل ثقافي تراكمي ما .. سواء هوي لأسباب اجهلها الآن .. بس في شيئ مميز بهال الشعب هذا بيخليه قادر جدا على التطور و التطوير، (البزرة تبع الشعب بهال المناطق) لسبب او لآخر جيدا جدا .. (وهون الكلام بالمقاييس العالمية او الأممية لو صح التعبير)، يعني كيف اذا بتجي على الشعب المصري بيقلك نفس الحكي البزرة تبع الشعب منيحة ، والخليجي بيقلك نفس الشي .. بشكل عام الناس بتميل لتقول البزرة الخامة بمجتمعاتها منيحة، بس الفكرة وين ان بمقاييس مصر البزرة المصرية منيحة ، بمقايسس الخليج البزرة الخليجية منيحة .. بس بالمقاييس الأممية و مقاييس التطور العام و الأمثلية فالبزرة الي عم بحكي عليها (السوروشاميي) امثلهم ..


الجولان :adal:
عنا بالجولان
الجولااااان .. طيب..
بالجولان شريطنا المحتل كلو ما بيتجاوز 75 كيلو متر ، بعمق 20-25 كيلو .. يعني المساحة الإجمالية المُحتلة بالجولان من سوريا هيي بحدود 1800 كيلو متر بالكتير..
بقالها 40 سنة محتلة
بقالنا 40 سنة (او معظمهم) موجهين 70% من الموازنة للجيش
بقالنا حاطينها شمعاة لتعليق كل فشل وكل حال متردي بيصيب المواطن من 40 سنة لليوم ..
40 سني .. و متل ما شايفين كإنو رح نفضل 40 سني تانيين بنفس الدوامي !!.. فنفس الحكي الي عم ينحكى من 40 سني عم ينحكى اليوم ، من 10 سنين قالو في حل، ومن 20 سنين قالو روقو علينا في حل .. ومن 30 سني قالو استحملو شوي عم نعدل العدة في حل قادم .. طيب وبعدين ؟؟؟؟ وبعدين !!
شو المطلوب هاي "لواء الإسكندرون" صرلو 70 سنة محتل .. شو النتيجة بلشو يشيلوه من الخرائط .. بلشت الناس تنساه ..

اما الي بدي قولو اليوم فهوي احنا عنا الجولان وفيه 1800كيلو متر محتل و عنا لواء الإسكندرون فيه 5500-6000 كيلو متر مربع محتل.. اذا ال
لواء الإسكندرون (وانطاكيا والمنطقة المسلوخة بحد تعبير الحكومة _انو مسلوخة سلخ مش انو احتلال_).. شطها على البحر اد الشط السوري تقريبا (لواء لسكندرون على البحر عندو بحدود 140 كيلو متر شريط ساحلي.. (الشريط الساحلي السوري بحدود 160) .. غير ما به من ثروات طبيعية وبشرية .. الخ الخ .. اليوم بيعد المليون سكانه..
انا مش عم قول هون انو بدنا بكرا نطلع نحارب لنردو .. الي عم قولو ببساطة

* بدنا حلووووووووول بدنا حلول حقيقية .. سأمنا من التأجيلات .. لسا كل شوي تحميلة تحميلة تحميلة ..
* احنا مع حق الشعوب بتقرير مصيرها ، حتى والآن بعد 70 سنة من سلخ اللواء، عم نقول عملو استفتاء تحت رعاية الأمم المتحدة فيه (للشعوب الأصلية فيه يعني الأجيال الأولى ) مثلا .. او خلونا نلاقي حل وسيط نتقاصم اللواء .. بس خلصونا من الموضع ، بدنا نعرف حالنا هل لينا ارض محتلة بالأعلى او ما لينا ، هل سكان وقاطني اللواء بدهم يكونو سوريين ، بيعترفو بعدهم بسوريتهم ولا خلص باعونا .. يعني بدنا ينحط نقطة بآخر السطر ونعرف راصنا من رجيلنا ما تنترك الأمور للوقت يحلها .. هذا الموضوع انترك للوقت والناس مع الوقت نسيتو اذا الملطوب هل هذا المطلوب بالجولان ؟؟ ينترك للوقت الموضوع كرمال الناس تنسى ولاشو ؟
* الحكومة بخرائط مؤخرة نزلت سوريا بدون لواء الإسكندرون ، يعني شو ما فهما هل بطلت الحكومة بدها اطالب فيه ولا كيف؟؟ كمان مرة هل الحكومة بيحلقها ليش تبطل اتطالب فيه ؟؟
يا اخي اعملو استفتاء شعبي بالقضايا المصيرية متل الجولان ولواء الإسكندرون ، خدو تفويض من الشعب، يا اما بالمتابعة بالممانعة و حالة الحرب العامة ، يا اما بأحقية قاطني الأراضي المحتلة هذه بالإستفتاء في تقرير مصيرهم .. يا اما ببيع القضية .. بس من عندكم ما تتصرفو، ما عم بقدر بفهم مين عطاهم الوصاية على انو يبعو قضية اللواء او عدمها ؟؟؟ يه !

* بالنسبة للجولان بقالنا اربعين سنة متل ما قلنا فوق معلقين البلد على الجولان .. الي بدنا ياه هوي حل .. بدنا حل نهائي ما عاد قادرين نستحمل 40 سنة كمان البلد معلقة كلها قال شو احنا بحالة حرب و الجولان محتل وقانون طوارئ هاري العباد عن ابو جنب .............
بس هيك .. الي عم قولو انو بدنا حلول حلول .. طقت روحنا من النتع و التأجيل و الممايعة ..

عموما يش يش .. لإنو الموضوع طويل..

امريكا
هممم الملح ما بيفسد بسوريا لإنو البزرة منيحة .. بأميركا البزرة جديدة ما منعرف منيحة او مش منيحة (مع انو الملامح الأولية بتقول انها مش احسن نخب بالسوق ) .. بس بأميركا ما بيفسد الملح لانو..
اميركا اولا اولا عندها NASA !
و عنها هارفرد و ستانفورد و ييل و بيركلي و ومعهد ماستشوستس للتكنولوجيا ومعهد كلفورنيا للتكنولوجيا .. عندهم وادي السيليكون ..
مش عارف مين الي لسا بهال الزمن بتطاعو البديهة ليفتكر بالمخيلة فقط انو بيقدر يقلب الطاولة على اميركا و الأميركان ..

العراق
الغلط الي صار بالعرق عم يدفع تمنو كل دعاة الديمقراطية والمجتمع المدنيى والتحرر من احادية القطب والإحتكار السياسي بمنطقتنا ، واحنا اول مين عم يدفع التمن .. فصار لسان حال الشارع يقول لمن تجي سيرة الديمقراطية او الحرية .. "شو بدك نصير متل العراق ؟؟ ولا بدك نصير متل لبنان ؟؟" الغلط الفادح الي صار هوي ربط عملية الإجتياح هذه بالدميقراطية ، او تركها تحت مظلة نشر الديمقراطية بالشرق الأوسط ...
عموما هلق الي صار صار .. ما بدنا نضل نبكي على الأطلال كعوايدنا ..
الفهمان هلق بدو يفكر في ما بعد الإنسحاب الأمريكي من العراق.. هال الجحافل من الإرهابيين الي اتدربو بالعراق لصارو محترفين في التفجير وصناعة المتفجرات وتخطيط العمليات الإنتحارية... شو متوقعين منون بكرا يرجعو بشر متلك ومتلي ؟؟ الي كان مبارح عم بيفجر حالو بمستشفى و بروضة اطفال ، وبسوق .. شو متوقع منو هذا .. مع اني ما كتير بميل للكلام المزهبي، لكن الحقيقة انو الجانب الشيعي منهم رح يندمجو بالمجتمع من جديد بحكم انهم بمعظمهم عراقيين اصلا، او عراقيين ايرانيين حتى .. اما الجانب السني فما رح يقدر يندمج بالمجتمع (عم بحكي عن الإرهابيين منهم و فرق الموت ) .. فرح يدورو على مطارح اخرى يتابعو فيها جهادهم وبحثهم عن الحوريات ..
بالنسبة للسعودية فعندهم خطة من سنتين تلاتي لإنشاء جدار عازل بينهم وبين العراق ..
بالنسبة للإيران ما بعتقد في سني رح بيفكر بعد الإنسحاب يطلع على ايران مثلا ..
تركيا ما خيار بالنسبة لهدول ، ليقطعو كردستان لتركيا شغلة مانهم قدها بوجود البيشمرغا وحزب العمال الكردستاني بالمنطقة العليا ..
بيفضل الإردن + سوريا ..
الإردن بلشت اجرائات فعلية عملية بهال الصدد ، و الداخلية والأمن والشرطة بالإردن مسيوطين عربيا وعالميا بالكفائة العالية .. فبعتقد هذا رح يحول بطريقة او بأخرى دون احداث فوضى عارمة بعد الإنسحاب الإمريكي..
بيفضل وينننننننن .. سوريا ..
رح تقلب البلد مرتع / مربط خيل .. ارهابيو العراق ما بعد الإنسحاب ..
وشو عم تعمل الحكومة هلق ولا شي .. شو عملت قبل هلق بهال الصدد ولا شي.. شو رح تعمل بكرا للحيلوة دون هذا ما منعرف، منتأمل تعمل شي من اليوم منشان ما يجي بكرا ويقلولونا (كالعادي طبعا) ضغوطات خارجية وهاي قوى عظمى عم تتلاعب فينا .. ومن هال الحكي ..
الله يجيرنا من هذاك اليوم .................................................. ..............................
كإقتراح:
بالمناسبة حدودنا البرية مع العراق بحدود 600 كيلو متر تقريبا ..
في بحدود 320 حدود صحراوية برية مع محافظة الأنبار (مربط خيل الشبيحة ) ، و شي 240 مع اقليم كردستان العراق ..هلق الخطر الحقيقي او الخطورة الحقيقية هيي بالحدود الصحراوية مع محافظة الأنبار.. يعني في بحدود 300 كيلو متر شريط حدودي لازم يلتقالو حل بأي شكل ..
عندي اقتراحين ..
يا اما ينزرع الشريط الغام !!! (وتصير منطقة الغام و كفاها الله وهذا الأرخص)
يا اما يكون في جدار او شريط اسلاك شائكة .. (كجدار مكلف جدا ، كأسلاك شائكة و نقاط مراقبة كل 500-1000 متير مانها مكلفة كتير.. كعتاد بشري اذا كان كل 1000 متير في نقطة مراقبة يعني بدك 300 نقطة مراقبة لو كل واحدة فيها 3-5 اشخاص يعني حركة 1000-2000 جندي على الحدود + شريط مكهرب او شريط شائك او اي كان ..
بعرف انو هذا ما بيحل الأزمة تماما وما رح يحول دون دخول الإرهابيين لأرضنا ، بس على القليلة بيحد من دخولهم ..... يعني 300 -600 نقطة مراقبة على الحدود بمدى من 500 متر - 1000 متر (يعني بمدى الرؤوية النهارية العادية) .. ما تقلي ما رح يحد جدااااا من تسلل الإرهابيين (ناهيك عن المخدرات والتهريب وغيرو ........)
عموما انا مش الحكومة ، انا كمواطن بسيط حاطط رجل على رجل عم فكر واحسب واحكي .. ما بيهمني كتير شو رح يعملو .. وكيف وليش.. الي بيهمني انو يتصرفو من الآن قبل ما توقع الفاس بالراص .. الي بيهمني ما يجو كمان كام سنة تقلب البلد عراق جديد .. و يعلقو الإرهاب والإقتتال الداخلي الي رح يصير على شماعة الإمبرياليي العالمية كمان للمرة المليون .....

_____________________________________
اهم سؤال :::: شو مشان الوضع المتردي روح رد على موضوعي بالبريد ليش ماعم ترد

بالنسبة لهذا الأمر في اولوية ما بتصير دائما ، بحسب الوقت منرد ، ما تسدق انو في وقت ومزاج ما منرد .. في اولويات للأسف والشغل كتير و في اشياء بتستنى وفي اشياء تانية ما بتسنى، في طلبات بالبريد عبارة عن اقتراحات و تحسينات وشيل كلمة وحط كلمة ، هاي بتستنا وما بيصير عليها شي .. بس في اشياء تانية يومية بمجال عمل الموقع واستمراريتو و خلافو ما بتستنى .. اذا بدها تستنا الموقع بيوقف .. و كلشي غيرها بيوقف وبيصير بدو يستنى .. فهيك الموضوع ..



سوئال واحد بس
بشكل مبسط, شو كان الهدف من انك تعمل موقع اخوية؟

في واحد رفيقي كان كل هدفو من انو ياخد شهادة سواقة كرمال يسوق السيارة بالحارة، وياخد رفيقتو مشوار بالسيارة ياكلو بوظة و يقرقشو قضامي .. على طريق المشورا ..
هذا كان هدفو و مشروعو و تطلعاتو من شهادة السواقة .. بعدين عمل شهادة سواقة .. و اشتغل بعدها على تكسي .. بعدها عمل مكتب تأجير سيارات ، و بعدين صار عندو باصات و هلق عندو شركة نقل كبيرة ومشهورة.. وعم بيفكر بشراء سفن للشحن البحري بين القارات .. وما تستغرب كمان شوي يعمل اسطول طيارات للشحن الجوي للبضائع و يعمل اراميكس جديدة ولا يو بي اس .. ولا حتى دي اتش ال ..

مشكور كتير حسام عالرد :D

هذا الرد التاني ..
[sweetbaby]كيفك حسووووووووووووووووم
هلا بماانو انت مشتقلي كتيير بعرف والك زمان ماحاكيتني رح تجاوب ع كل اسئلتي وبدون يش يش او مدري شو:jakoush:



اي يلا كم سيجارة بتدخن بالنهار؟؟؟
يش يش

انت ليش هيك؟؟؟
هيك ..

شو اكتر غنية بتحبا؟؟ وليش؟؟؟
يش يش

مين مطربك المفضل؟؟ليش
مافي مطرب مفضل .. انا بحب الأغاني تبع المطربين مش المطربين، اصدي بحب لفلان كذا وكذا وكذا ، وهيك ، بس هوي المطرب كباكيج بالأغاني الي فيه و غيرها ما بيستهويني (او للصراحة ولا مرة فكرت بالموضوع انو متل اذا بدك تروح على جزيرة مين بتاخد من المطربين معك ؟؟ ما بعرف بفضل بيجوز آخر iPod .. بس مش المطربين بزاتهم).. هلق للحديث تتمة ، يعني اذا زنقوني بالزاويي بقول "شهد برمدا" بس اذا ما انزنقت ما بسمي ولا مطرب ..

.شو المواضيع اللي تقراها بالمنتدى
اكتر شيئ بقرا بأخوية مشاكلكم ، تفششاتكم ، تاني اكتر شيئ بقراه ، مسبات الي وللإدارة وللمشرفين .. :lol:

شو حلمك بهالحياة
فشي ..
من زمان كنت اطمح ، واحلم ، اليوم صرت عم شوف المستقبل رؤيا العين المجردة .. عارفة يعني لمن مثلا في مثلا عقد الماظظظظ بالسوق مشتهيتيه و حقو 100 الف دولار، بس عاجبك كتير .. بتحلمي انك تجيبيه ، انت بجيبك في 10 الاف .. بس بتعرفي كيف فيكي تشتغلي وتجيبي ال 90 الف اللازمة ، بالتالي يصير معك حقو .. هيك بيبطل انتي بتحلمي فيه .. بيصير انتي عم بتشوفي حلمكم (سابقا) رؤيا العين المجردة ، عم بتشوفيه كواقع ، لمن بيصير انت شايفة الطريق واضح وجلي لتحقيق الحلم هذا ، بيبطل يكون حلم ، بيصير طريق عم تمشيه .. و رح توصلي لآخرو .. اي يعني هيك شي صاير الموضوع .. بطل عندي حلم بمعنى الحلم بحلم فيه .. ، صرت متل ما تقولي عم شوف الأشياء (الي كنت احلم فيها سابقا) رؤيا العين المجردة ، عم شوف المستقبل متل ما شايف المونيتر هلق ، متل ما بشوف الشمس بوضح النهار .. هيك شايفها اماماي ، بطلت بحاجة احلم فيها .. كلي الي بحاجتو هو اني كفي مشي ..

شو الصفات اللي بتكرهها بالانسان
ولا مرة فكرت بالموضوع ؟؟ عم فكر هلق شو بكره ما عم لاقي شيئ مهم .. عليه القيمة ..

والصفات اللي بتحبها
كمان ولا مرة فكرت بالموضوع .. بس على رأس الأشياء الي بحبها "بالإنسان" _حلو اصطلاح الإنسان هذا _ ، هوي بيجوز يكون "حب المعرفة" مش قصدي المعرفة ، يعني ما ضروري يكون بيعرف او متثقف مثلا او مطلع ، بس موضوع حب المعرفة انو يكون بيحب يفهم اكتر بيحب يعرف اكتير بيحب مغامرة العقل بالبحث و التنقيب من الداخل .. و بنفس الوقت يكون بيحب المعرفة "بفضول الأطفال" بدهشة الأطفال هوي وكبير ياخد الجديد ، بإنبهار الأطفال .. مش متأكد بصراحة شو بحب اكتر شي بس بعتقد هذا من الأشياء الي بحبها بالبني آدم .. "موضوع حب المعرفة و الإستكشاف والبحث المعرفي " ..

شو حكمتك بالحياة
حكمتي هي انو مافي حكمة واحدة بتنفع بالحياة ، احسن حكمة انك تفضل عم تتعلم من الحكم كلها .. من التجربة التراكمية للأفراد والجماعات والأمم .. وهيك ..

شو هيي صفات امراة احلامك
تشبهلي

اذا ربحت مليون دولار, شو بتعمل فيها؟؟
ما حددتي كيف بدير ابحها؟؟ اذا قصدك بالشغل يعني اني اشتغل و بشغلي اعمل مليون دولار ؟؟ فإذا هيك على الأكيد ما رح بعمل شي رح ضلني عم بشتغل ليصيرو مليونين و10 و مليار و 100 .. انو تسالي .. مو اكتر ..
اذا قصدك باليانصيب ربحتها .. فما بعرف.. شو ممكن اعمل فيها .. بس غالبا بنفقها على ملزاتي الشخصيي :lol:(بس عاد ملزاتي الشخصيي شوية مختلفة، يعني العمل الإجتماعي و مساعدة الآخر كي يساعد نفسه .. وهيك مسائل تبع نفخ القلب و التسالي هيي ملزاتي الشخصيي .. )


انت سعيد بحياتك وليش
اي سعيد .. بس فيني كون سعيد اكتر من هيك .. و مبسوط بس فيني كون مبسوط اكتر من هيك ..

.اذا فشلت بتحقيق حلمك شو رح تكون ردت فعلك؟
بغير الطريقة او الإسترتيجية و بكفي او ابلش من جديد ..

وشو هي اكتر مادة بتكرها و كمان ليش؟
شلون يعني مادة ؟؟ (متل شو زئبق كبريت فوسفات يوريا ؟؟ شو قصدك بالمادة؟؟)

هل بتامن بالابراج ؟ و علل جوابك
بزمانو لمن كنت في مقتبل العمر شاب متل الوردي بأول طلعتو .. :lol: (اي)
كنت افتح بمبوني الصبح (كان عنا مجمع بنبون هيك بصينين دائما فيه بنبون) .. المهم كنت افتح بنبوني وانا وعم افتحها قول اذا طلعت حمراء فاليوم رح يكون رهيب جدا وفظيع ..
وبالفعل كنت افتح البنبوني اذا كان تطلع حمراء فكنت كيّف.. انو معناها اليوم احلى يوم ، اليوم رهيب ..
اذا ما طلعت حمراء ، فكنت قول لك هلق من عقلك البنبوني بدها تحددلك كنو اليوم حلو .. اي اكيد اليوم حلو ونص .. شقدك بايخ عم بتحط عقلك بعقل بنبوني ..
فبكلى الحالتين كنت انبسط .. و اصطهج واتفائل باليوم تبعي .. وهيك الأبراج بالنسبة الي .. اذا منيحة كان به ، اذا مش منيحة ما بهتم .. عموما ما بقراها بس انو هيك بالمجمل اذا صار وقريبتها شي وقت بيصير ..
يعني بإختصا لا بآمن ولا ما بآمن .. ببساطة ما بيهمني الموضوع .. سواء كانت صح او خطأ فسيان بالنسبة الي ..

هل بتامن بالقدر؟ علل جوابك
اي بآمن بالقدر ، بس مش النوع المكتوب على الجبين ، النوع الي بنعملو بإيدينا ، النوع الي انت بترسمو و بتصوغو و بتعمرو و بتبنيه بإيدك .. في تدخل بيحصل خارجي ما منعرف اليتو بعد ، ما منفهم شو هوي .. بس نسبة هال التدخل كتير صغيرة .. اليسير من القدر منعملو احنا ..

هل بتامن بالسحر و المشعوذين؟ علل جوابك
هوي بالمجمل لاء .. بس كمان هذا المضووع ما بيهمني يعني ال بأكد ولا بنفي السحر .. ببساطة ما بيهمني سواء كان صح او خطأ ما رح يغير معي شي ..

عرفلي البيروقراطية والديكتاتورية
يش يش (طويل)

شو اكتر شي بيعصبك؟
الجهل .. بيلبكني اكتر ما بيعصبني ..

شو اكتر شي بيفرحك؟
انو غير الأكل الطيب المعمول على مزاجي و بالطريقة الي على كيفي بيفرحني الإكتشاف المعرفي، اني اكتشف حل لمسألة كانت شاغلة بالي ، لإشارة استفهام كنت ما عم لاقي حل ليها هيك ..

شو رايك بقضية الشرق الاوسط؟
شي ظريف ..

شلون تعرفت على أخوية ..؟شلون صارت الفكرة(بالنسبة لالك)
بالصدفة

مين أكتر أعضاء بتقرالون بالأخوية ..
Hus عنجد مو تخويت ، لإني بنسى شو كتبت وعن شو كان الحكي فبطر دائما ارجع اقرا ردودي لأعرف شو صار ووين صرت بالحكي او الشغل او غيرو .. يعني ردودي او مشاركاتي بالنسبة الي متل نقاط علام برجعلها لأعرف وين وصلت ..

كم اخ و اخت عندك؟
شب (شيخ الشباب هوي على سن ورمح وعين الحسود فيها عود) و اختين توأم.. (كلهم اصغر مني_بالعمر_)

مين من اخواتك هوي المفضل عندك وليش؟
كل واحد منهم الو شقفة بقلبي مطوبي بإسمو غير قابلة للبيع او التنازل .. او النقل ..

شو هوي فيلمك المفضل وليش؟
انا جديد على عالم حضور الأفلام ، بالسنة سنتين الأخيرات لصرت احضر افلام ، قبل ذلك بكل حياتي ممكن كلشي حضرانو شي فلمين تلاتي .. بس بالسنة سنتين الأخيرات جمعت رفقاتي كذا مرة (من حضيري الأفلام وخليتهم يعملولي دروس بأسماء الممثلين والمخرجين والأفلام الي مهمة _منشان ما بين طشم اذا نذكر شي مرة قدامي اسم شي ممثل او فلم مهم_ .. و بعدها عملت قائمة بأفلام الي لازم احضرها (كرمال نفس السبب السابق) و بلشت احضرهم .. حضرت جزء منيح .. بس من بين الأفلام الي حضرتها اكتر فلم اثرر فيني و هيك اتاخدت فيه جداا .. هوي .. The Village

مين ممثلك المفضل وليش؟
ما بعرف اسماء اذا عطيتيني صور بقلك هذا الي بحبو وبحسو حقيقي ، بس منشان ما اترك الجواب في شي جاي عبالي قولو .. انو لو بيكون في محل نختار فيه او نصوت ليلي منكرهون مش الي منحبون ..
يعني ببرامج متل ستار اكاديمي وهيك شغلات انا بحياتي ما صوتت ولا بعرف حدى من الي حواليي بحياتو صوتت. . بس لو في تصويت لمين اكتر شخص بتكرهو ، او لو في تصويت ليلي ما بتطيقو (اصدي تصويت مضاد يكون) ، فبأكدلك اني ما رح اترك الموبايل من ايدي.. و بعرف افواج وافواج من البشر متلي ..
عفكرة لو اكتشفو هاي الفكرة جماعة البرامج هاي رح يطبقوها فورا ، هني مش متخيلين كم الناس اي عندها استعداد تقول شقد مانها طايقة فلان ، او شقد شايفة فلان بايخ وسخيف ومبتزل .. هني بعدهم لهلق معتمدين على انك تصوت ليلي بتحبو، بس لو بيكون التصويت هذا بتع sms " تصويت و تصويت مضاد " مثلا شيئ من قبيل اذا بتحب فلان بعات مسج فيها رقم 1 ، اذا ما بطيقو و بدك تبطل تشوفو بخلقتك لمن تفتح التلفزيون و باللحظات الي عم تنقل فيها من محطة لمحطة ، ابعت الرقم 0 .. بقدر اكدلك انو رح يقصو دهبببببببببببببببببب
وباكدلك كمان انو في موايزن رح تختلف تماما ، يعني كان على الأكيد شهد برمدا اخدت سوبر ستار، مثلا .. كان على الأكيد شخص متل هداك (ما بعرف شو اسمو) ما ربح بهداك البرنامج (كمان ما بعرف شو اسمو) .. وهيك يعني ..
المهم طولت بالحديث، كان بدي قول انو في ممثل مشهور اخد صيت على الفاضي "بالعرب عم بحكي لإن متزكر اسمو" بس انا ما بحبو (كممثل ) هوي "حسين فهمي" كشخص كتير منيح ، و بني آدم بالمجتمع كتير نموزج منيح .. بس كممثل فاشل فاشل فاشل، ما بيعرف يمثل ، حركاتو هيي هيي بكلشي و ما بيتقمص الدور بنوب ، مدري كيف بس كممثل بالحيط ... عم بذكرو لأنو اخد اكتر من حقو بكتييييير كتير .. لإنو شكلو حلو و ابن عالم وناس فاخد ادوار مهمة كتير ما كان بنوب بيستحقها ..
بالوقت الي ممثل متل نور الشريف / عادل امام / وكمشة كبيرة من الممثلين السوريين .. ، اذا بتشوفي افلامون من لمن كانو فرخ من اول ما طلعو بتحسي محترفيــــــــن جدااااا .. يعني موهبة التمثيل ولداني معون بدمون بيتمقصو الشخصية بطريقة رهيبي، ممثلين تانيين اتعلمو التمثيل متل ما بيتعلم الواحد النجارة فهني مش ممثلين بالفطرة وانما صار التمثيل عندون صنعة او حرفة ليس اكثر ..
اوكي الجواب طويل بس بقيت البحصة .. مشي الحال ..


شو اكتر شي بتحبو بالحياة وليش؟
الحياة

شو ناوي تدرس؟شو عم تدرس؟ ايمت بتخلص؟ شو ناوي تعمل بعد؟
طب بشري لهلق ، رح ادرس بعدها XX ناوي اعمل بنهاي المطاف صفيحة و كبي نيي ..

شو أكتر معادلة كيمياء حفظتها بحياتك؟
يش يش (اذا قلت في ناس رح تفهم شغلات ما بدي فهموها هيك)

شو أحلى قصيدة مرقت معك؟
شو قصتك انت ورقم #1 احلى كذا واحسن كذا واكتر شغلة كذا .. انا بحب رقم #2 اكتر من رقم واحد بحسب المنافسة محتدمة دائما على رقم 1 و تاركين رقم تنين فاضي .. بالوقت الي كل المتنافسين على رقم 1 ما رح غير يرهقو بعض ، لو حدى بيحجز رقم 2 احسن.. ليش مافي شركة طموحها تكون تاني احسن شركة كذا بالسوق؟؟ (لو في شركة بتسوق لهذا فبسهولة رح تحصل على مكانة 2 احسن شركة بالسوق بكذا ) بس لإنو كل الشركات عم تتنافس على رقم واحد فولا وحدي فيهم عم بطول رقم واحد ، عم بيضلو يخبطو ببعض .. على الفاضي .. رقم تنين اسهل للنيل و احسن سدقوني .. اريحي يعني .. تركون يدبحو بعض على رقم واحد وقعود برقم تنين انت ومدر رجليك .. شوي شيو بتلاقيهم كلون صارو وراك .. و منغير ما تحس بتصير رقم واحد ..

شو درس العلوم المفضل يلي حفظتو؟
هوي بالبكلوريا كان درس خصوصي كان اول درس عن الدارونية و الإصطفاء الطبيعي (كان سهرة يوم سبت) .. هداك اليوم ما بنساه ، كان استاذي الإستاذ"دعاس ناصيف" من مؤلفي كتاب العلوم والكيماء و من علماء بلدنا الأجلاء بمجالي الأحياء والكيميا وعندو العديد من المؤلفات بهال المجال بالعربي والإنكليزي .. المهم .. بهداك اليوم قعد عندي الإستاذ دعاس ممكن اربع او خمس ساعات .. كان انا اخر حصة انا و كتييييييييير انبسطت بالمحاضرة و اخدنا الحديث والنقاشات وهيك شغلات و بعدين عملتلو عشاء وقعدنا تعشينا ، واتفقنا نتابع تاني يوم من الصبح .. كانت الماما مدري وين فإجا لعندي الصبح و عملت الفطور فطرنا تقريبا بيض و بندورة او هيك شي عملت يومها .. و تابعنا الحصة تبع الي بشت اليوم الي قبلو (كان يوم احد) للضهريات تقريبا .. هاي اكتر حصة بذكرها .. كان الموضوع بالنسبة الي كتييييير شيق ، وكان اول مرة بعرف فيها عن الإصطفاء الطبيعي.. كان اول مرة بسمع فيها بالموضوع من اساسو و بالنظرية يعني .. و كان عندي مآت الأسئلة بزهني عم بتدور عم بتدور عم بتدور عن كتير امور .. واجت هاي النظرية متل جواب لعشرات الأسئلة الي كانت ببالي فهيك كان يعني يوم عظيم جدا ..

شو حدود سوريا الجغرافية؟
اوف.. سؤوال من النوع الأصلي .. بهنيكي على حسن اختيار هال السؤوال .. فعلا احنا بحاجة لإعادة انعاش ذاكرتنا و بحاجة ماسة لتصحيح معلوماتنا من الحين للآخر .. بما هو دقيق ووافي ..
اي ..

يحد سوريا شمالا بشريط حدودي بحدود 900 كيلو متر ، جبال سوريا العليا و سلسلة جبال منابع الفرات العظيم (اوما يعرف بالخارج بتركيا)
ويحد سوريا شرقا شريط صحراوي بطول 600 كم يسمى بالباديا السورية الكبرى (او ما يعرف محليا بالعراق)
يحد سوريا جنوبا باديا سوريا الجنوبية .. (ما يعرف بالأدرن) بشريط حدودي 375 كم، بالإضافة لإمتداد شريط البادية السورية الكبرى مع العراق ..
يحد سوريا غربا على شريط ساحلي حركة 350كم البحر السوري الكبير.. (او ما يعرف بالعامية بالبحر الأبيض المتوسط)
كما يحدها بشريط جبلي سلسلة جبال سوريا الفينيقية - سلسلة جبال منابع العاصي العظيم .. (ما يعرف بسلسلتي جبال لبنان الشرقية والغربية وسهل البقاع ) بشريط حدودي حركة 375كم ..
يحد سوريا من الجنوب الغربي بشريط حدودي 75 كم بلاد جنوب غربي سوريا (او ما يعرف بفلسطين الحبيبة) .. مع اطلالة مهويي سياحية على بحيرة سوريا الجنوب غربية (ما يعرف باللغة الدارجة ببحيرة طبريا) ..

هاي المعلومات الصحيحة ، واي معلومات عندك بخلاف هذا فهيي مدسوسي .. سوريا حدودها جنوب و شرق بادية سوريا ، بالشمال في جبال سوريا ، بالغرب في بحر سوريا الكبير .. هذا الي بدو يفضل بزهنك دائما .. كيف ما فتلت بوصلتك في اراضي بتكتسب توصيفها و موقعها بالنسب لسوريا ..
هاي حدودك .. وهاي بلادك .. عرفها منيح ..وخليك واثق من معلوماتك .. ما تخلي لحدى الفرصة يمرقلك معلومات مضللة .. انت الصح وفطرتك السليمة هيي وبس الصح ... الي هني ما بيعرفو والي وحدك بتعرفو .. ان الفرات قبل ما ياخد روافد البليخ والخابرو كان بيرفدو الأبهر من شريايينك .. والعاصي قبل ما يصب بالبحر السوري الكبير كان يتسكع بوريدك .. نحنا مش بحاجة ندرس جغرافيا الكتب هاي .. جبال بلادنا و سهولها و انهارها و بحيراتها وصحاريها و تلالها وقراها و حواضرها .. بالفطرة ولداني معنا ..
التانيين بحاجة يثبتو انتماؤون دائما .. التانيين بحاجة بكل وقت يسبتولنا ولائهم لهال البلد ولهال الأمة ، ودائما رح نفضل حاطين اشارة استفهام جمبون .. و كرمال هيك بتلاقيهم شي بيحطو علم صغير على الجاكيت شي بيحط نجمة على سيارتو شي صورة فلان .. شي نسر بالساعة .. وكتير كتير مظاهر بيتسمو فيها الي بيحسو بخلل بإنتمائهم ، بيحاولو يعوضوه بمظاهر ما .. وهني محقين في هذا .. هني مطالبين من قبلك و من قبلنا كلنا دائما يأكدولنا انهم اوفياء وانهم بالفعل بينمتمو لهال الأمة ..
انت مش متلهم لإنك ما بحاجة تأكد لحدى اي شي .. اسرار روافد الفرات .. و تسكعات العاصي وحدك الي بيعرفها.. و لهيك عمرك ما حسيت باي عقدة انتماء او وطنية ما .. ما حسيت بأي وقت بحاجة تعبر عنها بالصور والرسمات والخطوط والألوان والشعارات .. خليك على فطرتك .. هيي وبس الصح ... رح يفضلو يحددو طبريا بخطوط عرض و طول .. ورح تفضل وحدك بيعرف بالظبط مكانها الحقيقي براحة يدك اليمنى .. رح يفضلو يحكو عن سهل الغاب وامتدادو و و و .. ووحدك مش مهتم ..ورا إبتسامتك مخبي سر هال السهل تارة بخدود صديقة و تارة بجسد رفيقة و حبيبة .. خليون عم يحكو .. قلون حكو حكو.. شدو حالكون .. وانت ابتسم .. ابتسامتك بتخبي اشيا كتير .. و بتفضح اشيا كتير .. فبتسملون .. وهز راصك .. و خليون عم يحكو .. هني بحاجة للحكي هني ما بيملكو غير الحكي .. فخليون يحكو ...


شو طبيعة لبسك : سبور -فنكي -رسمي ؟
تياب منيحة .. مش كتير بغيير ، بس بستنضف ..

شو اكتر موقف محرج صار معك؟
لا ماهو الموقف كتير محرج .. فما بينحكى .. بس كل ما بتذكرو بحمر .. وبستحي على دمي ..

بتعتبر حالك ن الناس ياللي بيحكو كتير؟
اي .. بالمقاييس المتعارفة (اذا قسنا كام كلمة الواحد بيحكي واخدنا المتوسط فرح كون فوق المتوسط بحكي) .. بس على الرغم من هذا انا بشوف اني بحكي اقل بكتيييييييير من الي لازم ينحكى، و اكتر بكتير من الي بتمنى احكيه .. (بس بشكل عام بيني وبين حالي بشتغل اكتر ما بحكي ..)

شو اكتر اسم بتحب للشب وللبنت؟
يش يش

مين قضوتك بالحياة ؟
يش يش

شو رأيك بالطفولة و الولاد ؟
حلوين كتير .. بس بوقت محدد ولوقت محدد .. يعني ما بحب يجيني ولاد من النوع الي بدو يبكي بالليل ويفيقني من النوع الي بدو يعمل بي بي على المخدة الي بدي نام عليها .. بس بحب العب معون بأوقات الفراغ.. و هيك شوفون عم يكبرو كل شبر بندر .. بس ما كتير يلزقولي


مين أعز شخص على قلبك و ليش ؟
عيلتي بشكل عام ، واخي بشكل خاص .. و رفقاتي الفرسان الثلاث _مع انو عددون كبير كتير بس بيفضلو الفرسان الثلاث قد ما كترو_ و هيك .. كلون عزيزين على قلبي و من غير ليش ..

إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟
هلق اذا بدي اعمل بهلون وبحبها ببمخلوقة من قلب ورب فما بعرف شو ممكن اعمل ممكن زت حالي انا وهني واخلص ..
بس اذا وكان لهال البد بدي افلت حدى فأكيد اكيد مش حدى من عيلتي .. (بغد النظر مين ما كان الي بالطرف التاني .. هون بيبطل يكون مهم مين الي بالطرف التاني لمن بالطرف الأول حدى من عيلتي )

شو أحلا أيام حياتك؟
الي لسا ما اجت ..

شو الحياه بالنسبه إليك؟
mission possible وتسالي..

شو بنظرك دموع الفرح أم بسمة الفرح؟
بسمة الفرح

شوالشي الذي تتمنى أن يرجع؟
موسى الصدر :?

:lol:

موقف صار لك ولا تقدر تنساه؟
لحظة حطيتونا بالمقلايييييييييييييي .. :jakoush:

شو أفضل لديك بمراحل النمو هل هو الطفوله ام المراهقه ام الشباب أم الشيب؟
الشيب

زيت المقلاية عم يحرقك شي؟
لاء بس عم بيطرطش .. لهيك كان افضل لو نشفتو المقلاي قبل ما تسكبو فيها الزيت، اذا المقلاي اترها ميي (ماء) و حطيت زيت عليها وعلى النار بتصير اتطرطش وتعمل طرش تش فش .. و هيك بيتوسخ الغاز و شغلة معتي ..

حاجتك هول هلا بس رح فكرلك بكم سؤال خص نص لالك عيوني
وراااااااااااااااااجعيييي يييييييين

يستر عليكي .. اختي خليكي مطرح ما انتي ولا يكنلك بالك .. قال راجعين قال :lol:

بما انو مستعير وقتك من رفيق فما كتير رح اخد وقت اني رحب فيك بالمقلايه :lol: ..
سؤال بموضوع انا نفسي بحاول اتهرب من الحكي عنو :?..
اخويه قبل التهكير و اخويه بعد التهكير :D ..
1. كل اللي بيعرف اخويه قبل التهكير ملاحظ و يتناقل "انو حسام بعد التهكير و حسام قبل التهكير (( صار في حسامين :? ؟!!)) "
يأسان من اخويه .. ما عم يحب اخويه ..
خفت محبتو لاخويه .. عم يتعامل معها برفع عتب !!
اديش صح هالكلام و لايمت (( كـاقرب تقدير يعني )) ؟
و بس :D..


هلا .. سؤوال مهم فعلا ..

قلت فوق برد ما انا ما اتغيرت فعلا ما اتغيرت.. الي اتغير الظروف، الي اتغير المعطيات المحيطة .. الي اتغير طريقة سير الأحداث.. عم تمشي الأمور بطريقة غريبة ..

بالفعل فيكي تقولي مجازا قبل التهكير وبعد التهكير ، لإنها كانت نقطة مفصلية مهمة .. الي صار كان لا يطاق بأي مقاييس و اكبر من طاقتنا حتى .. ما بعرف كيف قدرنا رجعنا كفينا .. الي صار وقتها كتير مزعج ، ما كان موضوع اختراق لأخوية و صالله وبارك .. كان هدم لعمل ناس وشغل بشر ضلو عم يشتغلوه سنوات .. بيجي شخص لإنو في شغلة بمطرح ما ما اجت على مزاجو بيمحي كلشي بيحزف عمل هال الناس وجهدون لسنوات بدقائق .. شيئ مؤثر و محزن جدا .. عموما رجعنا .. و نشكر الله .. فيكم يعني رجعنا .. بالأعضاء وبمحبة الناس و عمل المنسقين والمشرفين والأمناء .. رجعنا لولا هيك ما كان ممكن ابدا ترجع اخوية ..

في اليوم اخوية قبل التهكير وبعد .. وفي كمان اخوية قبل الإعتقالات والتحقيقات و ما اليه و بعد .. في اشياء بتصير اوقات بيكون كل الخيارات واحد ..

عموما الله يقدم الي فيه الخير

حساااااموووو
رجعتلك بسؤالين بس

اول سؤال
حسام كشخص عم بيخطط ويشتغل بشغلة واللي حواليه عم بيقولولو انو لازم تزبط من هالناحية وماتعمل هالاشيا وهوي ماكتير مقتنع بيطنش وبيعمل اللي ببالو بدون مايقول شي ولا بياخد برايون؟؟؟؟


السؤال التاني
شو اصة الخطبة:jakoush:

اول سؤال
حسام كشخص عم بيخطط ويشتغل بشغلة واللي حواليه عم بيقولولو انو لازم تزبط من هالناحية وماتعمل هالاشيا وهوي ماكتير مقتنع بيطنش وبيعمل اللي ببالو بدون مايقول شي ولا بياخد برايون؟؟؟؟


:ghazool: حبيتو لهادا السؤال كتير ..

حسام ما رح أسألك كتير .. :lol:
سؤال بسيط

بتعرف أنو أوقات فينك تكون مزعج كتير ؟ :lol:

ونهال وصاني اسألك
شو هي لوغارتمية التشفير اللي اكتر شي بتحبا ..

وهيك خالصين .. شو أنا حبابة ..

حسامو سؤال جديد وهاد السؤال ممنوع انو تحط عليه يش يش
شو رايك بالاعضاء التالية
Gazita
Reemi
marioma alghzayala
hanny dagher
Willi
layla
sezar
sweetbaby
الحاج متولي
توت توت توت
butterfly
Varon
ghazool
Majood
Hashtnasht
Kakabouda
Godfather (فراس)
Fares
Geeny
yass
كهربجي
here i am
SABE
HUS
Barleb
tony 124
the light
سرسورة
محمد ابراهيم
goverment
صياد الطيور
اسير التشرد
المستحيل
the morrning
COSTA
YaSeR
handsome
abosleman
منوشه
spector
yamen_h
BL@CK (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
ماد ماكس
وائل76
مسطول ع طول
شامي من طوكيو
أمرأة من ورق
دلوعه سوريا
مايا*
لبندا
fofo besset syria
Abu Guzef

شو صار بالمقلاية!!!

وينو الحكيم!!!


الزيت برد كتييييييييييييييييييير

بااااااااك ..

سؤال خفيف لطيف ..

شو أكتر شخصية بتحبها بمسلسل الكرتون ليدي اوسكار .. طبعا عدا عن أوسكار؟
ما متذكر غير ليدي اوسكار، ماهو حبها طغى على الكل .. (الحب الأول بتعرفي ..) .. مع انو كانت تطلع بنفس الفترة الي كان تطلع فيها "بيرين _اذا بتزكروها_" بس هيي كانت كول اكتر من بيرين .. بيرين باردي ...

.... أتاني هواها قبل أن أعرف الهوى فصادف قلباً خالياً فتمكنا

:o حسام بجلالة قدرو بالمقلاية ..رحمتك يا رب

سؤال صغير كتير
شو رأيك بهاالكم شغلة ...
هلق الاسئلة هاي بدها اجابات طويلة جدا ، لهيك رح قول كلمتين على الماشي .. لهيك يعني في صعوبة ما ..
بس .. على اعتبار انك حمصي فخلينا نجاوب حمصنانيا .. من باب الإيجاز ..

الله
بريئ بريئ بريئ.
بريئ من كل مين عم بيقاتل بإسمه .. ومن كل مين بيرف عينو بعين انسان آخر بإسمو ..
بريئ من "جبال الله _في الشيشان_"
بريئ من "جيش الله _في افغانستان/باكستان_"
بريئ من "حزب الله _في لبنان_"
....... الله بريئ من كل شخص/او جماعة بتحتكر الله لها .. من اليهود للصليبيين ولليوم ....


حمص
احسن من حماه :pos:

سوريا
صبيي حمصيي :sosweet:

قهوة الروضة
اي شمسي باشا _بياع المسابح _ بطل ينزل ع الروضة وصار من رواد السفير .. :lol: على العموم قهوة الفرح فرايحيي اكتر .. وقهوة الأربعين لسا احسن واحسن (هاي محدى مكتشفها ، بتقعد لحالك فيها صايرة نيح السورية للطيران بباب الهوا هون بتلاقي كام شمسيي.. اي هاي اهدى قهوي بحمص ..)
.
.
.

شغلات اكبر هون

نزار قباني
الدمشقي الذي لو شرحنا جسده لسال منه عناقيد وتفاحُ .. (واكيد لا يخفى للبيب مدى تأثره بالإشعاع الحمصي و تفاح كفرام )

هتلر
بمقاييس عصره (عصر القوميات .. فترة نشوء النزعات القومية _الفاشية، والنازيي، والشوفيني، و الفلانج .._ الخ ) شخص متقدم جدا .. نهض بإمته نهضة ماليها مثيل ..
*الحقيقة في صعوبة جمة في تقييم شخصية تاريخية بغير مقاييس الحقبة الي بينتمي الها ..

شارون
رجل اسرائيل القوي الأخير الكان قادر يحل ما يسمى "بقضية الشرق الأوسط " بدون فوضى عارمة .. بتاريخ اسرائيل المعاصر (1990 لليوم) الوحيد شارون الي كان قادر يكبح جماح اليمين الإسرائيلي المتطرف بإرضاء العرب _والفلسطينية خاصة_ .. من الليوم بالساحة ماحدى بيقدر يعمل سلام بدون فوضى عارمة، فيا رح يعطي العرب والفلسطيني اليسير من مطالبهم (في اطار الدولتين وعودة الاجئين) و عليه بيصفيه اليمين الإسرائيلي المتشدد ، يا بيرضي اليمين و بيجور على العرب و بتدخل المنطقة بفوضى عارمة من جديد، وحده شارون كان قادر يفرض الحل الي بيحصل فيه على الحد الي بالظبط اقل ما يرضي التنين و يكبح جماح التنين بنفس الوقت .. خسارة بالفعل ..

* اكيد اذا بدنا نبيع لبعض حكي بالهوا اكيد هوي قرد وخنزير ودب بري .. وسفاح و شو ما بدك .. بس اذا بك تحكي واقع .. للتاريخ يعني .. هذا الشخص كان قادر يُحدث ما لم يكن غيره قادر عليه ، وما لن يكون قادر آخر عليه على الأقل على المدى المنظور ..


الدكتور
الله يرحم الوالد شو كان كبير..

النظام
اي نظام .. وين شايف نظام انت ليش خبرني .. في لعبة تريكس واللعيبي نصهم عم يتعلم بالنص التاني .. و النص التاني عم يستنى الفت و عم بيراهن بالهوا على الهوا .. اواحد قهوي تنين شاي .. يا قبضاي ..

الفساد
يش يش يش يش يش يش يش يش يش يش يش يش يش

وسؤال صغير لحالو هاد ...
كيف فيني شوفك بس انزل ع حمص ؟؟؟؟
انا مش مقيم بحمص .. بعدة مطارح اخرى برا ..
بس بيفضل اكيد فيك تشوفني بحمص ايمت ما حبيت ... (بصخر البازلت بالوعر اذا صحلك وطلعت ع الغابي .. ،بميماس العاصي و ديك الجن ، ع دوار محمد فارس بالغوطة _رائد الفضاء الحمصي_ .. حتى عند كريش بتلاقيني صافف بالدور .. ولو ما صحلك فوقف اول حمصيي بشعرطويل _تحت الخصر_ دور منيح إلا ما كون متعمشق بخصلي .. )

شايف الحياة سهلي يا زلمي :lol:

وتحياتي إلك :D
والك

بااااااااك ..


ما متذكر غير ليدي اوسكار، ماهو حبها طغى على الكل .. (الحب الأول بتعرفي ..) .. مع انو كانت تطلع بنفس الفترة الي كان تطلع فيها "بيرين _اذا بتزكروها_" بس هيي كانت كول اكتر من بيرين .. بيرين باردي ...

.... أتاني هواها قبل أن أعرف الهوى فصادف قلباً خالياً فتمكنا




اييييييييييه .. اذا انا كنت حبها :oops:.. طبعا قبل ما اكتشف انها بنت .. :pos:

وكنت احب صديقها المقرب .. اذا بتذكر اللي راحت عينو بعدين .. كان يا حرام يحبها .. بس هي ما كانت تحبو غير كصديق .. :hart::sosweet:

يا ريت يرجعو يحطو .. :lol:

بما أنو أنا لسى ما سألت ( انا عادة بسأل تلاتين ... سؤال .. بس :lol: )

قدي رح تكون نسبة الحقيقة بأجوبتك ؟وقدي المجاملة ؟وقدي التهرب ؟ ( نسب من 100 )
بشو بيختلف Hus عن حسام ؟ وليش هالمسافة بين التنين موجودة ؟
ليش " يش " مسافة من الخصوصية ممنوع الناس تفوتا ؟ ولا قلة وقت فعلا ً ؟ ولا ضيقة خلاق ؟
قلتلنا الله من شو بريئ ؟ بشو برأيك هو متهم ؟؟

هل بتجد صعوبة

أنك تثني على شخص
تعترف بحاجتك للأخرين

تعتذر وقت بتغلط
كنت تكتب " تخربش شغلات حلوين " ليش وقفت ؟؟
راضي عن أدائك بأخوية بالفترة الأخيرة ؟؟
لأيمتى " الطب " ؟؟
خلال كل سنينك بأخوية .. في شخص ممكن تعتبرو صديق لألك عن طريق أخوية " يعني مو كان صديقك من قبل .. " لأ" أخوية جعلت من هالشخص صديق ؟؟
بتبكي ؟؟ على شو ؟ ( أتوقع ال " يش :lol: " بس شو بدنا نسوي )
خلينا نحكي شوي عن الكتب ؟
بتفكر تكتب كتاب ؟ عن شو إذا إي ؟ وشو بتكتبلي إهداء :o ( واثقة من نفسي ) ؟
شو اكتر مجال بيشدك تقرا فيه ( يعني رواية - شعر ولا قصة .. علم نفس سياسة ... إلخ ) ؟
ببيتك هلق كام كتاب موجود ؟؟

خلصنا الكتب ...
شلونك أنت والشوكولا ؟ :lol:



برجع
:mimo:

حسام هدول الاسئلة اللي بقيونلك جاوب عليوون وخلصنا
لعيتلنا البنا:jakoush:
حساااااموووو
رجعتلك بسؤالين بس

اول سؤال
حسام كشخص عم بيخطط ويشتغل بشغلة واللي حواليه عم بيقولولو انو لازم تزبط من هالناحية وماتعمل هالاشيا وهوي ماكتير مقتنع بيطنش وبيعمل اللي ببالو بدون مايقول شي ولا بياخد برايون؟؟؟؟


السؤال التاني
شو اصة الخطبة:jakoush:

:ghazool: حبيتو لهادا السؤال كتير ..

حسام ما رح أسألك كتير .. :lol:
سؤال بسيط

بتعرف أنو أوقات فينك تكون مزعج كتير ؟ :lol:

ونهال وصاني اسألك
شو هي لوغارتمية التشفير اللي اكتر شي بتحبا ..

وهيك خالصين .. شو أنا حبابة ..

حسامو سؤال جديد وهاد السؤال ممنوع انو تحط عليه يش يش
شو رايك بالاعضاء التالية
Gazita
Reemi
marioma alghzayala
hanny dagher
Willi
layla
sezar
sweetbaby
الحاج متولي
توت توت توت
butterfly
Varon
ghazool
Majood
Hashtnasht
Kakabouda
Godfather (فراس)
Fares
Geeny
yass
كهربجي
here i am
SABE
HUS
Barleb
tony 124
the light
سرسورة
محمد ابراهيم
goverment
صياد الطيور
اسير التشرد
المستحيل
the morrning
COSTA
YaSeR
handsome
abosleman
منوشه
spector
yamen_h
BL@CK (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
ماد ماكس
وائل76
مسطول ع طول
شامي من طوكيو
أمرأة من ورق
دلوعه سوريا
مايا*
لبندا
fofo besset syria
Abu Guzef

بما أنو أنا لسى ما سألت ( انا عادة بسأل تلاتين ... سؤال .. بس :lol: )

قدي رح تكون نسبة الحقيقة بأجوبتك ؟وقدي المجاملة ؟وقدي التهرب ؟ ( نسب من 100 )
بشو بيختلف Hus عن حسام ؟ وليش هالمسافة بين التنين موجودة ؟
ليش " يش " مسافة من الخصوصية ممنوع الناس تفوتا ؟ ولا قلة وقت فعلا ً ؟ ولا ضيقة خلاق ؟
قلتلنا الله من شو بريئ ؟ بشو برأيك هو متهم ؟؟

هل بتجد صعوبة

أنك تثني على شخص
تعترف بحاجتك للأخرين

تعتذر وقت بتغلط
كنت تكتب " تخربش شغلات حلوين " ليش وقفت ؟؟
راضي عن أدائك بأخوية بالفترة الأخيرة ؟؟
لأيمتى " الطب " ؟؟
خلال كل سنينك بأخوية .. في شخص ممكن تعتبرو صديق لألك عن طريق أخوية " يعني مو كان صديقك من قبل .. " لأ" أخوية جعلت من هالشخص صديق ؟؟
بتبكي ؟؟ على شو ؟ ( أتوقع ال " يش :lol: " بس شو بدنا نسوي )
خلينا نحكي شوي عن الكتب ؟
بتفكر تكتب كتاب ؟ عن شو إذا إي ؟ وشو بتكتبلي إهداء :o ( واثقة من نفسي ) ؟
شو اكتر مجال بيشدك تقرا فيه ( يعني رواية - شعر ولا قصة .. علم نفس سياسة ... إلخ ) ؟
ببيتك هلق كام كتاب موجود ؟؟

خلصنا الكتب ...
شلونك أنت والشوكولا ؟ :lol:



برجع
:mimo:



حسام أنا انطبزت بصراحة .. :frown:

بس سؤالين صغار لو استلمت رئاسة سوريا .. لمدة عشرة أيام و مسموح الك كل يوم تسوّي شي ..

شو حتسوي و بالترتيب ..

و التاني لو كنت مطرح الله شو بتغير و شو بتضيف وشو بتنقص عالشي اللي سوّاه ..


يالله ليش اول سؤال بسألك هوي بتقلي يش يش كلون خمس سطور والله حرام عليك يا شيخ :cry:

رح غير السؤال روح انبسط لتشوف قديشني كويس :larg:

السؤال هوي .... لخصلي حسام بتلات كلمات وبس وازا بتقلي يش يش بدي فجر بحالي قنينة كاظوظ ام الحجم العائلي و حملك المسؤولية :frown:

وفي الختام سلام


كيفك حكيم ..
أنا مو كتير بحب الأسئلة الشخصية ....لذلك رح أسألك كم سؤال بخصّوا المنتدى :


أخوية صار ألو مكانة كبيرة عند كل عضو من الأعضاء
حتى أنو صار طقس من طقوسنا اليومية
بقى ما رح أسألك شو مكانتو عندك ...أو شو بيعنيلك ( و من هالحكي )
بس بدي أسالك قديش بياخد المنتدى من وقتك يومياً ..؟؟
**

من سنة لليوم .... تضاعف عدد أعضاء أخوية خمس مرات تقريباً
بس يا ترى أنت شايف أنو المنتدى بهالسنة .... تقدم ...و لا تراجع ..؟؟

**
من لما رجع المنتدى من التهكير ... يعني من حوالي 4 شهور
يا ترى قريت شي موضوع و لقيتو ( متل ما بقولوا ) بعبي الراس ..؟؟
**
ليش ما عاد كتبت بالمنتدى
حتى ردودك صارت ( تقريباً ) بتقتصر عالبريد


ميرسي :D


حكيم هاي اسئلتي المعتادة:

1. شو الشي الي ما فيك تعيش بدونه؟

2.ازا عندك الصلاحيات انك تغير شي واحد بسوريا شو ما كان...شو بتغير وليش؟

3.ازا كنت لحالك عجزيرة و بدك تضل معزول عن الناس واي شي خارج الجزيرة لمدة سنة و فيك تاخد معك شخص واحد و3 اشياء من اغراضك الخاصة شو بتاخد وليه؟ (ما فيك تاخد موبايل او تلفزيون او كمبيوتر او اي وسيلة اتصال مع العالم)وطبعا مو اكل وشرب وهاي الاشيا لأنه اعتبرها مأمنة الك بس بدك تاخد شي بعز عليك وبعنيلك انه يضل معك

4.شو تعريف الغربة بالنسبة الك؟




عفكرة معك 3 ايام تجاوب فيهن عالاسئلة وبعدها بتزت حدا غيرك بالمقلاية...بس بدو يكون مو مزتوت فيها من قبل واكيد اكيد مو انا لأني حبابة وما بتحمل القلي..:p

موفق بالمقلاية .. والله الشباب مو مقصرين بالاسئلة الله يعينك :o

:D:D

اسئلتي بسيطة ...ع قد حالي...
* لو كنت انت الله...كنت خلقتني ام لا..؟
* بتذكر بأنو سنة او اديش كان عمرك لما اكلت اول كف من ابوك...؟..(من دون ذكر السبب للكف..)
شوالشي الذي تتمنى أن يرجع؟
موسى الصدر :???:
* بتعتقد انو هالزلمة رح يرجع من عند البطل معمر القذافي..بتابوت ام حي يرزق...ومعو عر اولاد...؟
* بتحب المكدوس ع الصبح...؟
* بتعتقد انو للعدالة اوجه...(بمعنى عدة اساليب بالتطبيق فقط..)؟
* برأيك التوفيق بالحياة...امر يحققو الانسان ام انو مسألة غيبية...؟

وتقبلي تحياتي...:D

وتقبلي تحياتي...:D




:lol:... ما لحقنا ع التعديل...

تقبل تحياتي...:D

ما شا الله عليك أخ حسام .. الواحد بيفتخر أنو موجود بنفس المكان مع إنسان متلك .. رغم أنو كتير شغلات ممكن يختلف معك فيها أي عضو منا و تكون نظرته مختلفة لكن ما بنقدر إلا نحترم و نفتخر بإنسان متلك و هاي مانها مجاملة إطلاقاً و إلا كان فيني ما شارك أصلاً هون ..

قرأت إجاباتك كلها و كتير نقاط حابب ناقشك فيها لكن إنسجاماً مع الإتجاه العام بالمقلاية بكتفي ببعض الأسئلة و أرجو ما تكون تقيلة عليك و تاخد من وقتك كتير .. و بننتظر مع أخونا الكريم حسام أنو يشاركنا بمواضيع النقاش بعتقد أنو من حقنا على إنسان ما شا الله جدا مثقف و الأهم صادق متل ما حسيت بردودك أنو نتعلم من تجربتك و من أفكارك ..

1_ أخي حسام كتير مواضيع من السنة الماضية لهلاء تحدثت عن أخوية و عن المشاكل يلي بتصير بأخوية لفتتني جملة كتير كنت تتكررها بكذا موقف ( أخوية مانها تجمع نخبوي .. ) لاحظت انو كتير معني بأخوية إنعكاس للواقع الحقيقي بكل تناقضاته .. سؤالي أخي حسام .. يعني المفروض كصاحب موقع على الشبكة أنو تهتم بمستوى معين أو أنو تطمح لمستوى معين من الناس الموجودة حتى ينعكس هالشي على مستوى الموقع بقصد هون مستواه بين المواقع أو المنتديات الحوارية العربية .. شو الدافع يلي خلا حسام يتنازل عن ريادة كان ممكن تكون سهلة بوجود مجموعة كبيرة من الناس هون و تكون قمة الأماني عند حسام هو تجمع غير نخبوي بكل تناقضاته و همومه و مشاكله ؟

2_ أخي حسام و أرجو ما تعتبر سؤالي هدا عبارة عن نقاش في وجهة نظرك يلي كتبتها بأحد الردود لأنو السؤال كنت ناوي أسئله قبل لشوف إجابتك .. سؤالي هل تعتقد أنو الصراع بين سوريا و الكيان الصهيوني يتعلق أساساً بالجولان أم أن الجولان لا تمثل في المعادلة سوى " قميص عثمان " و أن الصراع مع الكيان الصهيوني بالأساس هو صراع وجود .. بمعنى هل تعتقد أنو الكيان الصهيوني من الممكن أن يقبل بقيام دولة " ديمقراطية " منتعشة إقتصادياً قرارها السياسي مستقل .. تولي إهتمام بالغ بالعلم و الأبحاث و التكنلوجيا و التطور على حدود الشمالية ؟

3_ بيحزنك غياب عضو عندك بأخوية أو إنقطاعه من الناس يلي بتعتبرها أعمدة أخوية .. كريم مفتقده ! يمكن قبل لتجاوب في شغلة مهمة المفروض نتفق عليها .. بتؤمن بشي إسمه أعمدة أخوية ولا نظرتك للجميع متساوية و الكل هون بيمثل عمود بهدا الصرح في الشي يلي بيبدع فيه ؟

4_ شو أكتر كتاب قرأته أثر فيك .. آخر كتاب قرأته .. كتاب شدك عنوانه أو إسم الكاتب و لقيته ليس بالمستوى اللي كنت متخيله .. في كاتب معين بتحب تقرأ إله أو بتابعه .. مصادر ثقافة حسام على شو مرتكزة بالأساس ؟


بتمنى ما تكون أسئلتي تقيلة عليك

تحياتي و إحترامي لك أخ حسام و أمنياتي إلك بدوام التقدم و النجاح ..:D

بدايا شكرا لتجميع الأسئلة ..

كاتب النص الأصلي : sweetbaby ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

اول سؤال
حسام كشخص عم بيخطط ويشتغل بشغلة واللي حواليه عم بيقولولو انو لازم تزبط من هالناحية وماتعمل هالاشيا وهوي ماكتير مقتنع بيطنش وبيعمل اللي ببالو بدون مايقول شي ولا بياخد برايون؟؟؟؟

بهال الموضوع مافي عندي نظريي مبدئيي نهائيي.. يعني لا انا الي بيآخد برأيي الناس و لا انا الي ما بياخد برأيهم ..
انا بعتقد _وهون السؤوال عم تحكيه عن Hus كقائم_ ، انه بالأماكن القيادية او خلينا نقول كقائد (لأي شيئ انشاء الله لبيته ، انشاء الله لفريق عمل بشركة ، انشاء الله يكون رئيس دولي .. اصدي اي مكان قيادي بغد النظر عن حجمو .. )

انه على القائد الجيد .. ان يكون
بمرات وراء الشعب ..
وبمرات امام الشعب ..
وبمرات مع الشعب ..

السؤال التاني
شو اصة الخطب

ما بعرف .. بس بعد ما كترت الإشاعات بلشت افتهم شو الي عم بيصير، اختي الأولى اخدت قول على خطبة يعني ، فطلعت الإشاعة اني انا خطبت ...... اختي التانيي جابت بيبي (بنوتة زي القمر).. فطلعت الإشاعة اني جبت بيبي .. !!! بكرا بيمتلو شي واحد (بعيد الشر بعيد الشر) ، ما بستغرب يجو يعزو فيني :lol:

اوكي .....
كاتب النص الأصلي : butterfly ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
بتعرف أنو أوقات فينك تكون مزعج كتير ؟ :lol:

بعرف .. و بعرف اني لمن بكون مزعج اني مزعج .. بس بعرف كمان انو الآخريين _واغلبية عددية هون_ بيكونو مزعجين وهني مش عارفين انهم مزعجين ولا شقد هني مزعجين :lol:

ونهال وصاني اسألك
شو هي لوغارتمية التشفير اللي اكتر شي بتحبا ..
:lol: اي عم يسأل نهال لإنو بدو ياني اسرححححح .. (انا بهال المواضيع بسرح كتيير.. )
على العموم بإختصار _ما سدقت لقيت شوية وقت رد فما وقت اني اسرح هلق _ طبعا
AES - Rijndael
ريجندال الوغريثم هيي الأمثل بالتشفير .. (هيي لوغرتميي حطها تنين من علماء التشفير وال cryptography بلجيكيي الأصل.. ) .. هلق في اشياء كتير فظيعة و لوغرتميات جديدة عملاقة ، بس انا ما عم بحكي هون عن قوة التشفير او سرعة التشفير (الي هني اهم عاملين باالتشفير عامة) ، وانما انا بيعجبني فيها الكونسيبت تبعها ، او كيف بدي قلك طريقة صياغة اللوغرتمية ، هيي الي بمخمخلها .. (يعني ما بيقتصر اعجابي باللوغرتمية كلوغرتمية تشفير وانما كلوغرتمية خارج التكنولوجيا تماما ، وخارج نطاق التشفير وهيك مسائل..)
في لوغرتمية اخرى ايضا من مناصريها ،.. و هيي فاتنة (اذ صح الإصطلاح) هيي ال blowfish ايضا من احلى اللوغرتميات .. (طبعا الكلام كلو هون عن لوغرتميات التشفير المتنظار symmetric block cipher، في حكي تاني ما منخلص اذا بلشنا نحكي عن الغير متناظر ..asymmetrical ..)
ما علينا .. اذا في حدى مهتم في موقع l0ck.com بزمانو عملتو وحطيت فيه كم يسير من البيزكس في علوم التشفير وهيك مسائل.. (هوي مش احترافي او كيف بدي قول مش عميق.. بس انو فيه مقدمات عامة منيحة كتير للمهتمين بالسيكيروتي وعلوم التشفير و التكويد .. )


وهيك خالصين .. شو أنا حبابة ..

أنا أناأناأناأناأناأناأناأناأناأنا أنا أنا أنا أنا أنا أنا أنا أنا أنا أنا أنا أنا أنا أنا أنا أنا أنا أنا أنا ر


أنا لساتني طازة على قولتكون و المؤخرة الثقافية عندي باردة شو بتخلوني أنئلى ولا لأ
:lol:

طيب. ...

قدي رح تكون نسبة الحقيقة بأجوبتك ؟وقدي المجاملة ؟وقدي التهرب ؟ ( نسب من 100 )
الحقيقة 95% المجاملة 2% التهرب 0% وفي 3% مزاججج

اول شي مافي تهرب، في شيئ فيني جاوب عليه وفي شيئ مافيني جاوب عليه ، الجزء الي مافيني جاوب عليه ما هوي تهرب من الإجابة ، وانما ببساطة انو مافيني جاوب عليه "سواء سؤوال شخصي _وعدم الإجابة عن سؤوال شخصي ماهو تهرب وانما هوي تعدي على خصوصيتي من قبل طارح السؤوال_ سواء لضيق الوقت ، سواء سوال عام جدا ، من النوع تبع يش يش ونص ..

عن المجاملة انو بحاول جامل ، و بضلني عم حاول جامل ، بعرف المجاملة شيئ منيح (او للدقة هوي شيئ الناس بيحبوه لا اكتر ولا اقل) ، بس على الأقل هون بالمقلاي وانت عم تتشوي و الزيت عم بيطرطش من حواليك .. ما رح تلاقي وقت تجامل فيه ، ولا رغبة .. خوش المجاملة بدها مع سبق الإصرار والترصد ..


بشو بيختلف Hus عن حسام ؟ وليش هالمسافة بين التنين موجودة ؟
ههههههههه .. لاء مافي فرق ، هوي اثواب ليس اكثر، لمن بلبس توب Hus _قائم بأخوية هون _ فبتصرف من هال المنطلق ، وبفكر من منطلق مصلحة اخوية، و بتعاطى من عقلية فلسفة اخوية .. لمن بيصير في قائم آخر على آخوية ويعود Hus عضو ، رح يصير الثوب Hus توب عضو ..رح يكون بيجوز اقرب ل حسام او هيك شي ..


ليش " يش " مسافة من الخصوصية ممنوع الناس تفوتا ؟ ولا قلة وقت فعلا ً ؟ ولا ضيقة خلاق ؟
وضحت سلفا انو يش هيي عم هز راصي ، فسواء السؤوال غلط (مسؤول بطريقة غلط) يعني متل الأسئلة العامة العريضة او سؤوال سازج .. او السؤوال فيه تعدي ما على خصوصي ما .. (وهون بلوم الي بتعاملو مع الآخرين على انهم مرفقات واملاك عامة .. انا مش بنك بحديقة، انا مش ملكيي عامة ..) بالمناسبة حكيت هون وفوق عن الخصوصية بس بالأسئلة الي انطرحت ماكان في شيئ فيه تعدي على الخصوصية .. بس انو الحكي بيجر الحكي .. مو اكتر ..

قلتلنا الله من شو بريئ ؟ بشو برأيك هو متهم ؟؟
فكرت بس ما طلع معي شي ... ما بعرف بشو متهم .. بيجوز ما بيهمني ..

هل بتجد صعوبة

أنك تثني على شخص هق بس بحب اعطي كل شيئ حقو لا اكتر ولا اقل (لمن شايف الألف ليرة بتشوف المليون رقم كبير ، بس لمن تشوف الميت مليون بتبطل تشوف المليون رقم مهم ، بتصير المليار هوي الرقم المهم او الكبير بنظرك .. )

تعترف بحاجتك للأخرين
كمان هق ، انو ما عندي صعوبة بالقول بحاجتي للأخر لمن تكون موجودي .. بس السؤوال ليش الآخر بيبقى معتقد انو ممكن في حدى يحتجلو من اساسو :lol:.. قليلي المرات الي بحس فيها بحاجة للآخر (هيك هبش او بالجملي الآآآخر ) انو اوقات بحس بحاجة لشخص معين بعينه وزاته ، وبوقت تاني لشخص آخر بعينه وزاته ، بس على العموم حتى هاي المرات صارت لسبب او آخر قليلي .. (بعدين تعي لهون شو هال السؤوال الداخل ببعضو)

تعتذر وقت بتغلط
كمان و كمان هق .. عادة في برصيدي كم من الإعتزارات موزعها اكتر من الأغلاط بكتير، .. بالعكس يعني بعتذر عن اغلاط ما مرتكبها ولا مقتنع فيها ، من باب وئد الفتنة ، او مثلا انو طيب يالله اسف ياشباب خلصونا بقا :lol:

كنت تكتب " تخربش شغلات حلوين " ليش وقفت ؟؟
الوقت ثم الوقت ثم الحاجة ..

راضي عن أدائك بأخوية بالفترة الأخيرة ؟؟
لاء.. بس بقلك شغلي .. انا بولا وقت كنت راضي عن الأداء، بس بكل وقت كنت راضي عن نفسي ، اصدي كيف ، الأداء ككل النهائي بولا وقت حسيت انو اوووه هيك تمام ، هيك الأمور ماشية متل ما بدنا ونص، بس دائما كنت عم بشتغل بكل طاقتي المتاحة (هون لمن بنقول بكل الطاقة المتاحة بيعني ، انو ممكن فترة كون فرضا امتحانات و بالتالي وقت الفراغ ساعة لمن تشتغل ساعة هاي كل طاقتك، واوقات بيكون روقان ، فبيكون فيك تشتغل 18 ساعة وبتكون ال18 كل طاقتك .. و هيك .. )

لأيمتى " الطب " ؟؟
لوقت قريب

خلال كل سنينك بأخوية .. في شخص ممكن تعتبرو صديق لألك عن طريق أخوية " يعني مو كان صديقك من قبل .. " لأ" أخوية جعلت من هالشخص صديق ؟؟
اي طبعا .. في كتار (مش مليون) بس في كتار .. بس ما بدي اذكر مين ..

بتبكي ؟؟ على شو ؟ ( أتوقع ال " يش :lol: " بس شو بدنا نسوي )
لاء .. (هلق انتبهت انو نص الأجوبة تبعونك جوابهم لاء ههههههههههه)
بس مش لإني حجر يعني وانما بيجوز لإني يا ما بتعرض لمواقف بتبكي ، يا ما بخلي حالي اتعرض لهيك شي ..
كيف بدي قلك ، انو مثلا لاحظت من جديد اني اوقات بموقف ما انا وعم بحضر فلم بحس غصيت .. _انو انا بعدي جديد على عالم الموفيز و التي في شوز وهيك مسائل_ فمثلا لمن لاقي انو بهذا النوع من الأفلام ممكن غص او يابا دمع ابطل بحضر هذا النوع .. وكفاها الله
متل افلام الرعب ، انا بنقز ، انو عادي يعني بنقز وبقفط وهيك .. حضرنا مرة فلم رعب و تاني مرة فلم رعب .. بعدين خلص ولا في قوة بالدنيا بتخليني احضر فلم رعب ، حتى لمن بالصدفة عم قلب ويطلع شي فلم فيه شي ممكن ممكن يقلب رعب ، او تطلع شي سكين تخرط شي واحد .. بلحظتها بقلب ، انو ببساطة "شو الله جابرني؟؟ احضر شيئ بينقز ، احضر شيئ بيغصص وهيك .."

خلينا نحكي شوي عن الكتب ؟
بتفكر تكتب كتاب ؟ عن شو إذا إي ؟ وشو بتكتبلي إهداء :o ( واثقة من نفسي ) ؟
ما عندي رغبة احكي عن الموضوع جملاً _الآن_

شو اكتر مجال بيشدك تقرا فيه ( يعني رواية - شعر ولا قصة .. علم نفس سياسة ... إلخ ) ؟
هممم .. كنت قبل ما اقراء غير ادب "رواية - قصة" هذا سابقا .. (يعني تقريبا لغاية سن ال 21-22) .. بعد ذلك صارت قرائاتي كلها بين علوم اجتماع ، علوم سياسية، اقتصاد السوق.. تاريخ معاصر، فلسفة تحليلي او الي هوي النمط القديم من الفلسفة .. (اقصد بالقديم يعني الأمهات بالنظريات الفلسفيي التحليلي)..تاريخ التجارب ، او شلون بدي قلك ، الجزء من التاريخ المعاصر في تجارب الشعوب الناهضة ، الي قدرت بفترات تعمل شي ، سنغبور، الصين ، اليابان .. .. و بالجزء تبع التاريخ بيعجبني ايضا التاريخ المزوّر الي هوي بيكتبوه المنتصرين .. (انو التاريخ عامة بيكتبوه المنتصرين) واكبر كذب بيكون عن لسان المنتصرين .. فتقري السير الذاتية لرئيس/وزير خارجية .. الخ .. بتشوفي اكبر قدر ممكن من التزوير في التاريخ ولمن بتكون كمية التزوير كبيري بتقدري بسهولة ما.. تعرفي التزوير وين عم بيصير ، بمعنى بتقري التاريخ الصح من على لسان كبار الكذابين (او اكثر مين عندو مصلحة بالكذب) بيمكنك من الجزم بحذف اجزاء معينة او هوي الي بيعطي ادق الصور للتاريخ و حقيقته .. يعني اذا عم تقري تاريخ عادي بنسبة تزوير صغيري ما رح تعرفي بالتزور، ما بيبان التزوير ومنه الحقيقة غير من نسب التذوير بتكون كبيري .. (ما بعرف اذا وصلت الفكرة ..)
بالنسبة للترفيهي بقرا جغرافيا و عربي، هدول بوقت الترويح عن النفس او هيك للتسلية و ما اليه .. (طبعا بالإضافة لمجلة ميكي :lol:)

ببيتك هلق كام كتاب موجود ؟؟
انو كتير بس ولا مرة خطرلي عدون ، في الحيط الجمبي اول ما اخدت هاي الشقة فصلت مكتبة فيه على ايدي هوي الحيط بعرض شي 3متار 3 ونص، و فيه خمس رفوف على طول الحيط .. فمدري شقد بيطلع الكتب .. بس على العموم حتى الكتب العني مش كلها قاريها او جايبها ت أقرأها ، في جزء يسير من الكتب الأرشيفية الي عندي هيي ارشيفية او مراجع يعني ..
طبعا متل حالنا جميعا مؤخرا خفت كتير الحاجة للكتب الورقية، ببساطة لإنو الكتب الإلكترونية بتيح وسيلة البحث ، وهذا جزء صار الي متعود يقراء الكتروني يحسب بغصة بالقراءة الورقية لمن بدو يبحث عن كلمة ما او ما اليه ..


شلونك أنت والشوكولا ؟ :lol:
يش يش

برجع
لا مافي لزوم ..

طيب ...

بس سؤالين صغار لو استلمت رئاسة سوريا .. لمدة عشرة أيام و مسموح الك كل يوم تسوّي شي ..
شو حتسوي و بالترتيب ..

سؤوال منيح .. بس بدي اسرح ترى ................................

هون في شقين رئيسين ، اذا عرفان اني رح استلم بالفترة كذا و اذا مش عرفان وصار الموضوع فجأة

1- اذا عرفان انو بعد XX من الأشهر قال رح استلم 10 تيام .. فالي بعملو هوي هلق مش وقتها
يعني اول شي ابيع كلشي عندي اي شي عندي ابيعو .. بيت سيارة شغل ارض اي شي عندي ممكن ينباع ابيعو .. و بتدين اكبر مقدار من المصاري بقدر بتدينو من كل حدى بعرفو او ما بعرفو او حتى شو ماكان انو بالنهاي بجمع كاش اكبر كم من المصاري لتمويل ورشة عمل من الآن حتى ذلك الحين ..

بورشة العمل:
بعمل دراسة الدراسة ، بمعنى بعمل فريق عمل مصغر لدراسة مين بدو يجي يعمل الدراسة، مثلا مين هني اتخن الأشخاص بعالم الإقتصاد (من الدول الي عاشت تجارب ناجحة وعملت تجارب اقتصادية ناجحة ..من خبراء اقتصاديين عاصرو نهضة دبي او سنغفورة او هونكونغ .. الخ من محللين و هيك..) مين هني اتخن الأشخاص بعالم العلوم التشريعية، (مشرعين) بفرنسا ، ببلجيكا .. حتى بأميركا .. بعلوم الإجتماع من الخبراء بالشرق ، مين هني اتخن ناس ، احسن باحثين ، معاصرين لتجارب ناجحة ، بتركيا مثلا .. وهيك ..

هلق صار عنا اذا ورشة اولى ، مهمتها اختيار الخبراء الي رح يكونو بالورشة الثانية الي رح تعمل الدراسات (الإقتصادية، التشريعية -الدستوريةـ الإجتماعية)
تمام ،
بالجانب الإقتصادي ما عندي (عن نفسي نظرية بقدر قول احنا هيك بيناسبنا وهيك لاء او قول في عنا كذا وبدنا ياكم تبلوروه ، بس الي بعرفو انو بدنا نعمل شيئ بمفوهم الغد مش مفوهم اليوم، العالم كلو متجه نحو العولمة شاء من شاء وأبى من ابى ، وسوق عالمية واحدة رح تكون امر واقع هذا ، فالنظرية الإقتصادية الي رح نعتمدها او الي طبعا رح يعملها الخبراء المستوريدين هدول سواء من واقع تجارب عملوها وطبقوها بدول اثبتت نجاح باهر متل ما اشرت فوق او شيئ جديد حتى .. هال النظرية بدها تكون وفق الغد ، بكرا .. وفق معطيات شو بعد 10 سنين حال العالم، وشو بعد 30 سنة حال الكوكب هذا رح يكون .. )
تمام منعد هلق نظرية اقتصادية عامة (بدون تحفظات ايديووجية من اي نوع) + مجموعة مشاريع _ممكن 400-500 مشروع_ يكون فيك تطلقهم مباشرة ، يعني مدروسين جاهزين ، بس تطبيق (طبعا بواقع انو رح يكون بالجانب التشريعي عاملين نظام ضرائبي واعفاء ضرائبي مغري جدا) و شيئ من نظام شفافية مرن جدا .. لتسمح للمستثمرين الأجانب يكفتو بواقع ان المستثمرين المحليين ما هم قد الموضوع (او بمعنى تاني متعودين على النمط تبع اضرب واهرب ) .. هيك جهزنا الجانب الإقتصادي

بالجانب التشريعي الدستوري: هذا الأهم ثم الأهم ، اهم جزء بكل الموضوع (على اعتبار في 10 تيام فأهم شيئ ممكن يلقى تأثير بعيد الأجل جدا، هوي تعديل دسوري عام ، اعادة صياغة للدستور من الصفررررر.. دستور الي انحط من 37 سنة بواقع مختلف 180درجة عن اليوم .. بواقع الحزب الواحد .. الدستور الي ما تم تعديله غير مرتين من وقتها صار مهترء صدئ ......) المهم منجي لجانب صياغة الدستور، متل ماقلنا رح نستعين بجهابزة المشرعين من عدة دول .. بس بهذا الشأن عنا اكيد الخطوط العريضة _ع فكرة يعني احنا عاملين متل ليستة عم تكبر .. بقائمة تعديلات دستورية شاملة .. من فترة يسيرة مبلشين فيها .. و انو من الحين للآخر منعملها ابديت ، كل ما لقنا خلل ما ، وكل ما لقينا شيئ مميز بدستور بمكان ما بهال الأرض .._
المهم فمنقعد منحط دستور من الصفر ،

اهم النقاط الرئيسية فيه
- فصل كامل للدين عن الدولة (للدقة فصل لرجال الدين عن السلطة الي في الدولة ليس اكثر يعني ما بدنا نجوف الدولة من الدين وانما بدنا نبعد السياسة عن ايدي رجال الدين .. لكل واحد يعرف يشتغل شغلو ..)
- نظام مدنية (هوي كلمة دولة مدنية او نظام مدني هيي فقط التوصيف المخفف لنظام علماني الي رح نستخدمها _لإنو بتعرف كلمة علماني صارت مسبي بهال الأيام وتهمة_) والنظام المدني هذا الي رح ينصاغ كل الدستور من تحت مظلته رح بيكون محمي من العسكر (سواء الجيش ، يعني بيكون دستوريا الجيش هوي الحامي للنظام المدني في الدولة، _شيئ متل تركيا_ او فصيل عسكر جديد ، هوي الوصي على حماية النظام المدني في البلاد _شي من قبيل الحرس الثوري الإيراني الي بيحمي مقومات الثورة الإسلامية بس طبعا هون عم نحكي عن نظام مدني "ضمنيا هو نظام علماني بإمتيااااز حتى"
- تجديد ثقة : هذا شيئ رح ندخلو على عدة عدة محاور بالدولة وهوي عبارة عن الية توكيدية دورية بتدخل على اهم شي يعين
منصب رئيس الجمهورية: مثلا الولاية هيي فليكن 5 سنين ، بس في تجديد ثقة كل 18شهر او كل 2 سنة، تجديد الثقة هذا هو ليس انتخابات رئاسية .. وانما هوي تجديد فقط ، بمعنى كل 2 سنة في تجديد ثقة ، اذا الرئيس جاب اقل من 30% تأييد وقتها يُنظر بأمره و يحال موضوع ولايته للمحكة الدستورية او لمجلس الشعب او بيصير انتخابات مبكرة .. الي عم نقولو انو مفوم ان العمل يحتاج وقت، لكن الرئيسي الي بأي وقت ما في لمشروعه تأييد فرضا 30% فلازم مباشرة يتم التصرف بأمره ، اصدي انو البلد ما عادت تستحمل تجارب، يعني اخي بفرض طلع رئيسي مش ولا بد ، شو زنب الشعب يقعد 7 سنين عم يدفع تمن انو هوي انخدع بالرئيس مثلا ، فلا بد يكون في الية دائيمة لتجديد الثقة كل فترة ولتكن 18 شهر، منه تحسبا ومنه تيفضل يحس انه متابع ومطالب بتحقيق وعوده الي وعد فيها الناس بالحملة الإنتخابية تبعه ، مش بتوعدون بلبن العصفور بالإنتخابات ولمن بتصير فوق بتبعتلون حليب سبااااع.....

حالة الطوارئ: ايضا وايضا تجديد الثقة رح يدخل على حالة الطوارء يعني مثل ابيكون بيحق للرئيسي يعلن حالة طوارء بالسلم لفترة شهر ، و بالحرب لفترة 4 شهور، كل 4 شهور هوي بحاجة ليجدد الثقة لتمديد حالة الطوارئ سواء من الشعب الو المحكمة الدستورية ، و يكون في حد نهائي لحالة الطوارء اي شيئ من قبيل ما تكون متواصلي لأكثر من سنتين ، مهما كانت الظروف .. يعين بدنا نحبك قانون الطوارئ حبكي مرتبي :lol:

التعديلات الدستورية: على اعتبار رح نحط دستور ما بيخرش المية ، اخو اختوو، فلا بد نحميه من التعديلات الدستورية (طبعا الدستور الي رح نحطو رح ناخد موافقة الشعب عليه ، بس اقصد بما يخص لاحقا)، التعديلات الدستورية لاحقا بعد اقرارها بالألية الملائمة ليها (التعديلات الدستورية على حسب طبيعتها بيكون ليها الية تعديل فليس هناك الية واحدة،) بس الي عم نقول انو التعديلات الدستورية الكبرى بغد النظر عن اليتها بحاجة لإعادة ثقة، يعني فرضا بطريقة او بأخرى تم اقرار تعديل دستورية لوحدة عربية او وحدة عربية حتى عسكرية او اقتصادية .. هيك تعديل بحاجة ياخد اعادة ثقة مرة بعد 4 شهور، ومرة بعد 12 شهر ، ومرة بعد 3 سنين .. منشان اي مادة بيتم تعديلها ، يكون في فرصة للتراجع عنها في حال كانت شغلة فاشلة .. انو بالنهاي الشعب 95% منه لا يفقه شيئا بالسياسة، فكيف بدك تعول عليه انو يقدر يستبصر ما سيترتب على التعديل الدستوري او ما اليه من الآن ، لازم يضل في الية سحب التعديل او الي هيي هون ضمن الي سميتو "تجديد ثقة" انو تجديد ثقة الشعب او المعنيين بالتعديل الفلاني .. مش انو منعدل والسلام ..

- فصل كامل كامل كامل للسطات "التنفيذية عن التشريعية عن القضائية " و خاصة القضائية، رح يكون مستقلة بزالتها تماما، حتى وزير العدل (على اعتبار سلطة تنفزية اخينا) ما بيقدر يشي ويحط على كيفو..

- التصويت الوزني ثم التصويت الوزني:
رح نضيف شيئ جديد بمجال التصويت هوي الأوزان، (بحكم ان البلد بعدها جديدة على الديمقراطية رح تكون بحكم ان الوضع العام ونسبة الوعيي السياسي متدنية فلا بد من هذا ..)
الفكرة انو اخي اليوم استاذ الجامعة الي اخد مدري كام دكتورة بالإقتصادر على كام ماجستير، و زلمي مقضي عمرو متابع عن كثب وراصد حقيقي.. كيف بدك ياه يروح يصوت لنائب بمجلس الشعب و هوي وادخل للتصويت عم بيشوف شخص تاني ما معو تاسع اخد علبة سمني و كام كيلو رز و داخل يصوت لفلان .. انو كيف هذا الشخص صوتو يوازي صوت هذا الآخر ؟؟؟؟؟
فهون الفكرة كيف رح تصير (ببعض الإنتخابات اقصد انماط من الإنتخابات و التصويتات) رح يكون في نظام نقطي ، وزني متل من 1 -100
فمثلا انت اخد تاسع بتاخد 1 نقطة
آخد بكلوريا بتاخد 5 نقاط
اخد ماجستير بتاخد 15 نقطة
اخد دكتورا بتاخد 30 نقطة عن اول دكتورا و 25 عن الي بعديهم ..

هاي كشهادات
كعمر عمرك بين 18-21 بتاخد نقطة
بين 21-25 مثلا 5 نقاط
الخ الخ ، لنوصل للأعمار الكبيرة بيرجع بينزل فيها النقاط
لإنو ببساطة كيف بدك شب عمرو 18 سني يحاكم ويحلل متل شخص عمرو 45 سنة ،
بنفس الوقت الي عمرو 70 سنة بياخد نقط اقل من الي عندو 50 سنة لإنو ما بدنا يتحكم بالمجتمع الي هني من اجيال بعيدة جدا صارت .. (بواقع التغير السريع .. الي عم بيصير بالأرض كلها و بكلشي فيها ..)

بالنسبة للإنجازات
انت فنان مثلا نحات رسام شاعر ، اي موهبة عندك (مثبة) بتاخد عليها نقاط
انت سافرت اقمت بدول بالخارج مثلا كمان ممكن يكون عليها نقاط على اعتبار الي بيسافر وبيعرف على انمطا حياة مختلفة رح يكون صار عندو نظرة امثل و اشمل ..
وهيك هلم ..
رح بيكون في نقاط بكتير نواحي بالحياة .. هيك منخلي الإنتخابات صح ، والناس الي عم يتم انتخابهم ناس صح ، لإنو ببساطة العفو منكم بيقولو جحش الجحاش جحش.. الي هوي اذا كان في جماعة كلهم ما اخدين تاسع ، فأكيد الي رح يمثلهم بنسبة عالية رح يكون متلون.. ما معو تاسع .. بس احنا ما بدنا هيك .. احنا بدنا الي رح يمثلهم يكون معو تاسع ودايق وعرفان انو الي معو تاسع احسن ، كرمال يساعدهم تيصير معهم تاسع .. (اي كان يعني مثال هون مش اكتر ..)

في نوع تاني بزهني بس هوي اعقد شوي هوي "التصويت الوزني فئات"
هذا صاير نفس التصويت الوزني العادي الي حكيت عنو فوق بفارق في فئات "الف ، باء تاء ثاء.. الخ"
فمثلا اذا كان في تصويت على تعديل دستوري _رح ينطرح على الشعب هذا التصويت مثلا_ وهو تصويت في تعديل مواد دستورية بتخص الإقتصاد تبع البلد و النظرية الإقتصادية للبلد..
فهون كيف بدنا نعطي ليلي معو دكتوراه باللغة العربي صوت يوازي الي معو دكتوراه بالإقتصاد؟؟
اصدي الي دارس اقتصاد هوي اقدر من الدارس آداب في تحديد هل النظرية الإقتصادية الي جاري طرحها للتعديل الدستوري منيحة او مش منيحة ..
فبيكون الحل هون بالفئات .. شيئ من قبيل
الفئة أ: علوم
الفئة ب: آداب
الفئة ت: اعلام
الفئة ج : اقتصاد

الخ .. وهيك بهذا بتقدر تعطي الخباز خبزو، يعني رح يكون للكل دور بصنع القرار، بس المهني ، او الي هوي المشتغل بالشأن المُصوت عليه ، رح يكون ليه وزن اكبر ..

اخيرا بمجال الإنتخاب والتصويت وما اليه رح نعمل ماكينات بالشوارع متل ماكينات تبع التلفون ، بس بفارق انها ماكينة تصويت mini هاي بيتم استخدامها بطريقة بسيطة بتحط بصمتك وبتصوت ، هاي مانها للإستفتائات الكبيرة وانما للأمور الصغيرة من قبيل الإستئناس بالرأي..
بمعنى الوزارة حابة ترفع سعر الكهرباء و توسع الشرائح السعرية للكهرباء .. (مثلا) هيك شيئ.. ممكن يطال فقط الفعاليات الكبيرة الي بتستهل كهرباء كتير، و بيكون تأثيرو ايجابي على محدودي الدخل .. (غالبا هيك) بس شو المانع انو ينطرح هذا وفق الماكينة mini tasweet هاي .. اخي قول 10% من الناس بس صوتو ، بتستأنس برأيهم ، بتعرف هل الناس معك بهذا الموضوع او لاء.. يعني ماكينات التصويت ميني .. ما رح نعملها الزامية للحكومة بشيئ (على اعتبار نظام الكتروني وممكن يكون فيه تزوير ما ممكن يكون فيه تبعيات ما بأرقى الدول ما عم يستخدموه خوفا من مشاكل بتحصل نتيجة استخدامه ..) بس منستخدمو احنا كنوع من الإستئناس بالراي والإحصاء .. شغلة ما بحاجة الموظف ياخد اجازة ليروح يصوت، ولا بحاجة ليوم عطلة ، ولا بحاجة للجان و دوائر ، ببساطة انت ومارق نيح محل الشاورمة بتمرق 2دقيقة بتشوف شو في مطروح للإستئناس بالرئي بتع معاليك يا مواطن من طرف الحكومة ، وبتخبرون عن رأيك ، (بالبصمة من بصمتك بينعرف مين انت او للدقة بينعرف شقد وزن صوتك وشريحتك الفئوؤية" وهيك)

- التعديلات الدستورية آلية مرنة + بعدة اختيارات: بتحتاج لموافقة البرلمان + رئيس الجمهورية + المحكمة الدستورية العليا (بنسب متفاوتة ، بمعنى ، التعديل الدستوري بحاجة يوافق عليه مثلا 50% برلمان + رئيس البلاد + 80% من المحكمة الدستورية العليا ، بيتم التعديل، او ايضا بيتم التعديل اذا وافق 80% من البرلمان و 90% من المحكمة الدستورية العليا ، او اذا وافق رئيسي البلاد + 90% من مجلس الشعب و 30% من المحكمة الدستورية، او 60% من البرلمان و 70% من الشعب بدون الرئيس ولا المحكمة) اقصد بهذا ، انو التعديل الدستوري منوط من جهة بعدة اطراف ، ومن جهة اخرى ما بيقدر طرف واحد يعطله ، يعني اذا كان في تعديل دستوري لتنزيل ولاية الرئيسي ل 4 سنوات ، الرئيسي ممكن ما وافق لهيك لا بد يكون في آلية لتنفيز هذا التعديل بدون موافقته ، .. و هيك يعني انو يكون ما حدى بيقدر مين ما كان يكون يتحكم بالبلاد ومصائر العباد بحسب مشيئة فردية .. مين ماكان يكون فلا الرئيسي وحده بيقدر يعمل الي بدو ، ولا المحكمة الدستورية العليا مثلا بتقدر وحدها ولا حتى البرلمان بيقدر وحده ..

هلق كل ما اشرت اليه من نقاط فوق هيي رح تكون فقط خطوط عريضة رح يعمل المهنيون، "الخبراء جهابزة التشريع الحقوقيون" الي جايبينون وبايعيني الي فوقنا وتحنا و دافعين دم قلبنا تنجيبهم :lol: .. على استقدام و اعداد دستور متين ، متماسك بنمازج A و B و C .. ينطرحها على الشعب ..
بمعنى احنا سراً رح نعمل كذا نموزج ، مثلا النموزج A رح يكون بنوع من المدنية "العلمانية" المفرطة + اليسير من اليبرالية _لمواكبة مش بس تغيرات العصر وانما ما سيطرء من تغيرات بعد فترة منيحة ، النموزج B رح يكون مخففين فيه اليبرالية ، النموزج C رح يكون محافظ بإطار مدني ..

وهيك منطرح الي هوي املنا ومنانا او اقصى شيئ منتمنى نعملو .. وليكن هون فرضا A اذا اخدنا موافقة الشعب عليه ،، ممتتتتاز .. اذا ما اخدنا ما رح نقعد نندب حظنا تاني يوم منطرح B ما مشي الحالي منطرح C اذا كلون ما وافق عليهم الشعب، وقتها .. منقول لاحول ولا قوة الا بالله.. انو خلص ببساطة طرحنا الشعب ما مقتنع فيه ، او ببساطة اجا بالوقت الغلط .. فمننسحب من الموضوع كلو يعني .. وحاجي .. بس هيك بشكل عام فيني اكدلك انو فريقنا بالمكتب الإعلامي :gem: رح يعرفو يتصرفو و يسوقو ليه بطريقة منيحة كتير.. و غالبا غالبا مناخد موافقة على A .. و بتعم الفرحة البلاد .. و مننزل على الدبكي .. بس بجد .. منّا ومن حالنا .. من الفرحة مش من الخوف من الراتب الناقص و التقرير وما بعرف شو ..

هلق بيفضل في الجانب الإجتماعي، او الي هوي اعادة صياغة اسس معينة كرمال اعادة تشكيل العقد الإجتماعي .. (هاي بواقع الحكي الكتير الي حكيتو .. صار ما عاد في وقت اطرق ليها هلق .. بس شيئ على كيفك كمان رح بيكون .. )

--------
ما اشرت فوق كلو كلو في حال عرفنا قبل بوقت انو في يوم كذا في وقت كذا رح يصير انو نستلم دفة القدر او ما اليه .. لفترة كذا من الوقت ..

بس في حال فجأة صار الموضوع ، هيك شحطونا فجأة وقال يالله فرجونا شو بيطلع معكون ..
ف

2- فهوي تعديل دستوري من واقع الي حكينا عنو ومنشمل فيه ليستتنا الطويلة من التعديلات ..
اذا ما نفع ما تم الموافقة .. فإسمو قانون طوارئ بنحل البرلمان، و منجيب برلمان جديد يوافق على شغلتين تلاتي
بالوضع بالخارج اجتماعين:
بدعو لقمة عربيي اخيرة بدمشق وبقلهم كلمتين ، انتو العرب على عينا وراصنا من فوق، مش اليوم وانما من اكتر من 6 عقود .. و هلق اتعبنا .. تعبنا حاملين اعباء الأمة كلها لحالنا ، تعبنا حاطين مصالح الأمة العربية المزعومة قبل مصالح الأمة السورية تبعنا ، تعبنا نحكي عن العروبة وتحكونة عن اسعار النفط .. تعبنا و بدنا نستأذن منكم انّا رح نلفت لأمتنا السورية هالفترة.. رح نستبدل العروبة بالسورنة.. و رح تكون سوريا اولا وثانيا وحتى عاشرا .. فبالإذن منكم ، عتبرونا معكم بالروح .. بس رح ننسحب ...
يشيلك يحطك شو تنحسب ما تنسحب ..
هون احنا منفاوض على معونات اقتصادية كاش + استثمارات تجارية + دعم للمنتج السوري .. (صفقة بالمجمل بتزيد لسوريا بين 50 - 80 مليار دولار _هدول اللي لازمينا ع الحارك بالكام سني الجايين لنفز المشروع الي براصنا ) ..
هلق هون اذا وافقو .. عال.. حلو .. هاي جبنالكون 15 ضعف ميزانية سوريا بضربي وحدي ..
اذا ما وافقو كمااااان عال .. منكون انسحبنا .. و منروح على الأسويي او على دول المتوسط.. شو يا شباب .. بتقبلونا معكون .. منأمنلكم مدخل على الدول العربية وسوق خصب 300مليون مواطن شو ما تبيعو بيشتري ؟؟
يعني خلاصتو منتصرف بحلف خارج اطار الدول العربية اذا نفع ..
بيفضل اذا ما نفع احنا ما عنا مشكلة، من حيث اولا وثانيا وثالثا ، بدي واحد يخبرني من وقت اسسوها لجامعة الدول شو قدمت لسوريا .. شو فادت السوريين ؟؟ بشو ؟؟ وين ؟؟ انا ما عم بقدر اتذكر غير شو احنا قدمنا .. شو احنا ضحينا .. بس وين هني ساعدونا .. ما شفت شي .. و بولا وقت ..
فلاء خلينا عارفين ابعاد نفسنا .. اظبط .. (بالمناسبة التجربة اليابانية بالإلتفات للداخل و تشريع الجيش للدفاع فقط، هيي الي عملتهم ...... بالمناسبة كمان .. ابتعاد آل نهيان عن السياسة، والتفاتهم للتجارة والأقتصاد و شؤونهم الداخلية البحة _شوف كيف ما بيدخلو بأي شيئ سياسي لا بالعرب ولا بالغرب_ هوي الي خلانا لايوم نشوف دبي و نضرب فيها المثل ..) فما تسدق انو يعني في خسارة بإنا نبيع الكل و نلتفت لحالنا و بس ..

تاني اجتماع: مجلس الأمن جلسة طارئة.. ومنخطب بما معناه..
يا شباب الدول الأممية الأشاوس .. خيو ليك من الآخر ، هاللله هالله ع الجد .. و الجد هالله هالله عليه ..
احنا بطلنا نكون دولة ممانعة (وتمنع و استحياء .. )
احنا ملينا نكون دولة مارقة ، على الشرعية الأممية ، وعلى التاريخ ..
شو بدكون نبطل نصدر ارهابين منبطل ، شو بدكم ديمقراطية واحنا هيك بدنا .. شو بدكون نسيب لبنان بحالو .. وهاي سبناه .. نسكر الباب بوش ايران ، حلو .. فتحولنا بابكون لكن .. وصفحة جديدة مع بعض ..
اولا الجولان واراضينا بتردوها عل داير مليم على دايرة حبة تراب..
و خلونا نحكي بيزنس .. انتو اخي بالعراق باليوم عمم تتكلفو بين 500-1000 مليون دولار.. طيب .. خيو مرقولنا اجرة اسبوع اسبوعين .. ومنترسلكون الحدود ال 600 كيلو كلون بينا وبينون عسكر ..... ما منخلي خرم ابري يمر ..
شو كمان .. ايران زاعزتكون .. اخي ايران عم بتساعدنا .. سلاح ومصاري والي بالي بالك .. طب احنا شو بدك نقلون لاء .. والله صعبة الشباب ما قصرو .. بس ترى اذا بتحلو محلون .. بتعدولنا سلاح ومصاري و الي بالي بالك .. فشوف ترى احنا مبارح بعنا العرب .. كرمال 50 مليار .. انو بيعة ايران شغلة فاضيي حبيب ..

خلاصتو يا شباب .. انو اخي انا شايف اول شي لازم الناس تعيش مرتاحة تتقدر تعطي ، تتقدر تقدم ، تتقدر تتقدم .. فعلا شيئ متعب يكون طموح المواطن الهجرة .. شيئ مهين يكون املك بالحياة تاخد انشاء الله اقامة بأي دولة غير بلدك هاي .. شيئ ممقت و بيشعرك "بالغبن" تشوف سيراليون .. لك سيراليون عم تعمل ديمقراطيي ومرشحين و احزاب و احنا لسا لاحقين مين كتب مقال فيه كلمة فساد تنردو لصوابو ونفهمو بالتي هيي احسن انو لاءء لاءء شو فساد يا زلمي البلد بيقارنو فيها الكريستال من شفافيتها ..

اما بعد ذلك .. (بعد الكام خطاب والكام حركة ندالي _و مستعد اتحملهم و اتحمل تهمة الندالي و اي تهمة تانيي مافي مشكلة _ اذا كان بالثمار في بهال البلد رح يتحسن الوضع بجد .. )

بالدستور:
نظام مدني........ والجيش هو الكفيل بحماية النظام المدني بالبلاد دستوريا
فصل سلطات ........ والجيش مكلف بحماية فصل السلطات لفترة X من السنين (لغاية ما يستقر الوضع والناس يصير عندها زهنية السلطات المفصولة)
إعلام حر ......... بس هيك اعلام حر (يعني بهال ال 10 تيام) رح بعطي لكل مين قال انا بدي .. ترخيص يفتح فضائة وارضيي و مجلة و جريدي .. و اذا ما لحقنا نعدل قانون المطبوعات .. فمنشطبووووووو.. منلغي للقانون ، خليه يشتغل الإعلام بدون قانون لفترة _اكيد رح يصير غوغائية كتير _ بالتالي بعد ما روح بيقعد المجلس بيعمل قانون اعلام ومطبوعات جديد ، بس بوقتها مافيه يحط على كيفو، لإنو بالأصل في اعلام موجود وقادر يدافع عن حالو وعن الحقوق الطبيعي ليه في الحرية والشفافية و انو بخبط اتخن باب وزير ويسألو ليش وشلون وفهمنا شو بدك ..

اخيرا بدي قول انو 10 تيام كتير وقليل، كتير انا بيكفيني 72 ساعة .. (ممكن الأيام السبعة الآخيرة احرص على تطبيق ما تم اعداده بال 72 ساعة الأولى مش اكتر)
وقليل لإنو للجد هذا شيئ بالمجمل منيح ، بس بدك وقت اكبر من هيك لتحافظ عليه ، و للحقيقة لسد الثغرات الي فيه ، و معالجة تداعيات قد تحصل .. (قبل ما تحصل..) ..



و التاني لو كنت مطرح الله شو بتغير و شو بتضيف وشو بتنقص عالشي اللي سوّاه ..
يش يش يش ..
اعذرني ما بحب هال النوع من الأسئلة بحسها شوي مجوفة .. يعني اذا مصر على جواب ، فأقرب شي ممكن قلك بترك كلشي متل ماهوي .. انا ماشايف في شيئ بيقدر الله عز وجل يعملو .. مافينا نعملو كبشر مع بعض (مش انا وحدي وانما الأسرة البشرية) .. فلا بدي الواحد يعيش للأبد كرمال ما يمل، ولا بدي يملكونا المجرة لإنّا بشقفة كرة ارضية ما عارفين نتصرف ، ولا بدي يخبرنا مين الدين الصح لإنو التنوع ثروة ، ولا بدي يلغي الأديان لإنّا بدنا شيئ ميتافيزيقي يوجه الناس الي قوانينا المدنية ما عم تردعون وما عم تكون مصدر الهام لسلوكهم .. يعني اذا شقت حالها بدل ما كان الدنيا بست أيام والسابع يستريح ،، ممكن خليها بست ايام وبالسابع والتامن والتاسع يستريح .. يعني خلي الناس تستريح خلي الناس تنعنش ، تعيش ، تنبسط .. و بدنا نعيش على قولة الشباب الزملا هونيك .. انو ما تحملوها كتير.. حتى هيي اسمها "حياة" فكيف يعني ما بدنا نكون دعاة حياة ؟؟

:shock::shock::shock::shock::shock:حوليت ..

طيب ..

السؤال هوي .... لخصلي حسام بتلات كلمات وبس وازا بتقلي يش يش بدي فجر بحالي قنينة كاظوظ ام الحجم العائلي و حملك المسؤولية :frown:

طيب حسام بتلات كلمات "حسام حسام حسام" هذا مش التلخيص ، هذا تلخيص التلخيص، او ايجاز التلخيص او اذا بدك تلخيص الإيجاز حتى .. :lol:



بس بدي أسالك قديش بياخد المنتدى من وقتك يومياً ..؟؟
كتير.. بياخد 98% من وقت فراغي (بس وقت فراغي مانو ثابت_اوقات بيصدف شهر وقت الفراغ فيه 18 ساعة ، باليوم واوقات مافي تكي)

من سنة لليوم .... تضاعف عدد أعضاء أخوية خمس مرات تقريباً
بس يا ترى أنت شايف أنو المنتدى بهالسنة .... تقدم ...و لا تراجع ..؟؟
إتقدم (بمفهوم اخوية و بدعوى اخوية و بفلسفة اخوية هو اتقدم) .. لإنو صار عم بيساعد عدد اكبر تيساعدو حالون ، صار عم بيوصل رسالة لشريحة اوسع واوسع .. اي نعم لمن كان المنتدى 2000 عضو كان الجو مختلف عن الآن، لكن كان عم بيخدم ويساعد ويوصل رسالة قول ل 20% منون؟؟ يعني شقد 400 شخص..
اليوم 70الف عضو ، و مليون نص زائر شهريا .. قول قدم ل 5% منهم .. ما بدي قلك 20 ... وشوف شقد إتقدم
..
بس طبعا الجوا على السؤوال.. اتقدم ما بتعني انّا هيك احسن شي .. او ما نحن عليه طموحنا .. ابدا ..
اتقدم يعني ما اتراجع .. اتقدم يعني ما ضلو ساكن بمكانه .. بس بيقدر يتقدم اكتر .. وبكتير.. كمان ..

**
من لما رجع المنتدى من التهكير ... يعني من حوالي 4 شهور
يا ترى قريت شي موضوع و لقيتو ( متل ما بقولوا ) بعبي الراس ..؟؟
**
اي

ليش ما عاد كتبت بالمنتدى
حتى ردودك صارت ( تقريباً ) بتقتصر عالبريد
معروف السبب.. الوقت .. ما وقتي الي صار اقل ، وانما الأعمال صارت اكتر و بكتير..
كيف بدي اكتب المنتدى والبريد ما عم نلحق عليه ، والأقسام الإشرافية الداخلية ما عم نلحق عليها ، والمشاكل الدورية والتقنيي و الروتينية ما عم نلحق عليها ..
انا بالفعل بتمنى جدا اكتب بالمنتدى .. و عندي كذا محاولة اني خصص بعض الوقت لمتابعة بالأقسام والكتابة والمشاركة بالمنتدى .. بس كل مرة بيضيق الوقت اكتر .. وعم تكتر المهام والمشاغل _جوا هون اكتر واكتر واكتر .._


ميرسي :D



1. شو الشي الي ما فيك تعيش بدونه؟
اسمي .. او يعني "الإسم" مافيني عيش بلا اسم ، مافيني عيش رقم ، او item او نسبة او هيك ..

2.ازا عندك الصلاحيات انك تغير شي واحد بسوريا شو ما كان...شو بتغير وليش؟
منصبي .. بنصب حالي شغلة تخيني تخيني تخيني (بحيث يصير فيني غير مسائل . ;))

3.ازا كنت لحالك عجزيرة و بدك تضل معزول عن الناس واي شي خارج الجزيرة لمدة سنة و فيك تاخد معك شخص واحد و3 اشياء من اغراضك الخاصة شو بتاخد وليه؟ (ما فيك تاخد موبايل او تلفزيون او كمبيوتر او اي وسيلة اتصال مع العالم)وطبعا مو اكل وشرب وهاي الاشيا لأنه اعتبرها مأمنة الك بس بدك تاخد شي بعز عليك وبعنيلك انه يضل معك
انو كتير قاومت كرمال ما قول يش يش :lol:
عموما كشخص باخد الفاضي من رفقاتي .. اذا ما حدى فاضي فباخد طباخ شاطر منشان يعملي طبخات طيبين هونيك ..
كأشياء باخد مكتبتي و ورقة وقلم ..

4.شو تعريف الغربة بالنسبة الك؟
هلق ما عشت غربة غير فترة صغيرة كتير، مع اني الي فترة طويلة برات البلد بس في فترة ضيقة سنة تقريبا حسبت فيها بالغرفة ، حسبت فيها بالغربة بالخارج _بحنيني للبلد_ وغربة لمن كون بالبلد _حس اني بعيد جدا عن الناس عن طريقة تفكير مختلفة_ وغربة اثناء السفر و التنقل كان كتير شوي_لإني كنت حس بالإنتماء للناس بكل مطرح دون الإنتماء للتراب_ .. بخلاف هاي الفترة ما حسبت بأي غربة لا بالخارج ولا بالداخل ، لهيك ما كتير شاطر بالحكي عن هال الموضوع رح تلاقيني ..
اما عن تقديري لاقسى غربي .. ف هيي لمن الناس الي عم تشتغل كرمالون (او مفكر حالك عم تشتغل كرمالون وكرمالك فيهم) يشوفوك ك غريب .. بعتقد هاي رح تكون اقسى غربي وين ما تكون بأي مطرح و وين ما تكون عم تشتغل ، سواء لعيلتك ، لبلدك لمنطقتك ، لشركتك .. اصعب غربي هيي انهم يشوفوك غريب ..

:shock::shock::shock::shock::shock:حوليت ..
طويل شوي مو :? .. و انا هيك عم قول ..
و لما اطلعت عليه هلئ قلت يا الله انا هاد كلو شلون قريتو :lol::shock:

HUS هو كتاب قد ما قريت منو ما بتخلص وكل ما بتقرا منو صفحة بتتشوق لتقرا صفحة تانية

حسامو سؤال جديد وهاد السؤال ممنوع انو تحط عليه يش يش
شو رايك بالاعضاء التالية
.............................
انو بيشرفك شو يا زلمي .. كتير كتار الأسماء .. بعرف انك اتزبتي بتجميعون بس كتير صعب جاوب عليهم كلون .. و قول رأيي .. (هذا لو غضينا الطرف عن اني ما كتير بستسيغ التقييمات من اساسها .. ففعزريني على الغدى.. :lol:

اسئلتي بسيطة ...ع قد حالي...
* لو كنت انت الله...كنت خلقتني ام لا..؟
اوف اذا الله الحقيقي خلقك ، بدك انا متقمص الدور ما اخلقك .. له يا مان .. عم بتزلقني تحط وحدي على الخالق عز وجل .. ما حبيتها منك بنوب ..

* بتذكر بأنو سنة او اديش كان عمرك لما اكلت اول كف من ابوك...؟..(من دون ذكر السبب للكف..)
لاء ما بذكر ، ولا بذكر اني اكلت كف ، بذكر كان الماما تضربنا فلقة انا واخوتي لمن كنا صغار بس البابا ما كان يضربنا كان اقسى من انو يضربنا ، كان بيستخدم النظرات و الكز ع السنان ..

* بتعتقد انو هالزلمة رح يرجع من عند البطل معمر القذافي..بتابوت ام حي يرزق...ومعو عر اولاد...؟
ما رح يرجع ... هوي اصلا ما عند القذافي .. والي صار ما بليبيا .. (تقديرات وتحليلات طبعا) الي فاضل الذكرى و كلمة بتتقال كرمال الشبابس يغصو لمن بدك تغصصون .. مش اكتر ..

* بتحب المكدوس ع الصبح...؟
يا ويلاته .. بحبو دائما بس ما يكون معمول بفليفلة حرة ، و يكون الجوز الي فيه بلدي ، ويكون الزيت الي منقوع فيه من زيتاتنا .. (انا منقنز كتير بالأكل لإني بحب الأكل كتير بس على هواي يكون)

* بتعتقد انو للعدالة اوجه...(بمعنى عدة اساليب بالتطبيق فقط..)؟
اي .. بعتقد بهيك ، بس ما بسعى/ولا بحاول بشّر بغير انو للعدالة وجه واحد .. (اصدي ضمنيا انا مقتنع ان العدالة بتاخد اوجه عديدة ، بس بيهني ضل عم شوفها بوجه واحد القانون والدستور والشرعية فقط ، و بيهمني بنفس الوقت يوصل للآخر نفس المفهوم هذا .. ان العدالة وجهها البشري هوي المحاكم و الشرعية وبس ، وحتى ان صار خلل ما _سواء حكم جائر او غير عادل او حتى خاطئ_ فهو هنا فقط من اشكال العدالة الأخرى .. لكن بخلاف ذلك العدالة البشرية مكانها المحاكم و الشرعية و بس .. _يعني ضمنيا كنت رايد قول انو ما لازم تتسرب لأدمغة الناس ان العدالة تتجلى بعدة اوجه بحيث يشرعنو لنفسهم تتطبيقها بأساليب هني شايفين انها من تجليات العدالة بفهمهم القاصر او بفهمهم المنطلق من مبدأ المصلحة .. _

* برأيك التوفيق بالحياة...امر يحققو الانسان ام انو مسألة غيبية...؟
شوف الدارونية / الإصطفاء الطبيعي بيقول "البقاء للأمثل" للدقة survival of the fittest
تمام .. بس هذا الجزء المتداول بس الكثر ان لم يكن اكثر الناس (من الأكاديميين تحديدا) بيتناسو الجزء التاني من النظرية ..
فهي بتقول البقاء للأمثل و الأوفر حظااااااااااااا
الي عم حاول قولو ، انو حتى اتخن نظريات الإصطفائية ، و الأمثلية ، معترفة صراحة بدور موازي لدور الأمثلية ، تحت امرة القدر ، او الحظ ..
هيي بالنهاي هيك ، بدها العاملين مع بعض ، بدو يكون الشخص "أمثل" + بدو يكون " اوفر حظا" ، اذا راح عامل فالتعويض مضاعف من الآخر ،
فالمحظوط المش امثلي ، ما بينجح .. الا لو كان محظوظ للنخااااااع
والأمثلي المش محظوط ما بينجح .. غير لو كان الأمثل تماممااااا
يعني الحظ موجود (بقناعتي القدر موجود او بيتدخل بصورة الحظ) في حظ وصدفة .. موجودين ، بس ما بيفيدو شخص ما عندو المقومات ، اذا اجاك اكبر حظ وانت مفلس ما رح تقدر تستثمرو، ولو اجاك اكبر حظ وانا شخص ما تعب على حالو ما رح يتبلور الإجتماع هذا بصورة نجاح .. فالمقومات اولا ، الجزء الي احنا منعملو، وبعدها بيفضل في حظ بمجئ الحظ ..
** طبعا الحكي هذا الجزء الغير معد للتصدير ، هذا استخدام محلي،
بالتصدير منقول مافي حظ ، منقول الحظ انت بتصنعو بجهدك ، و بنقول نحن منصنع مستقبلنا وقدرنا بإيدنا .. (بالتصدير طبعا في مسؤولية .. لهيك ما دائما فيك تحكي ضميرك او تحكي ما يجول في خاطرك .. بدك تحكي انطلاقا من تأثير ما تقول على الآخر ، هل رح تهبطلو معنوياتو او رح تشدلو عزيمتو، هل رح تخليه اكثر اجتهادا او اكثر اتكاليا .. فهيك يعني المسائل .. وانت ادرى .. )

تحياتي ايضا
ً

وتقبلي تحياتي...

:D

اخيرا بدي قول انو 10 تيام كتير وقليل، كتير انا بيكفيني 72 ساعة .. (ممكن الأيام السبعة الآخيرة احرص على تطبيق ما تم اعداده بال 72 ساعة الأولى مش اكتر)

اي بدي 72 ساعة لأاقرا الرد .. انت خلصت كل هالشغل بـ 72 ساعة .. :lol:

بتشكرك على هالرد العظيم .. ولو عندك وقت كنت سألتك كم سؤال .. بخصوصوه ..

بس هيك سؤال عـالحارك ..

3- ما هو موقفك من هذه المسائل ..!

أ) الاجهاض .

ب) الابحاث العلمية بخصوص الاستنساخ .

ج) موانع الحمل .

د) الجنس خارج اطار الزواج .


:D

حسام اسالتي الك ...:


ايا سنة دراسية هلا انت ؟


اختصاص الطب بشو يعني عين رجل ادن انف ...؟



شو رايك بالمعكرونة ...بتحبا... وايا نوع اطيب ..؟



تانج ولا شراب عمار:o




انتي كرماووويييي؟؟




حمص ولا مسبحة ..؟





منجي للجد شوي ....



احلى رواية انجليزية قريتا وتركت شي عندك ..؟




شو رايك بفرع المحاسبة ...!!!؟




عندك استعداد لو صار جمعة كبير باخوية انك تحضر .... ما تقلي وقت لانو .. هيك شغلة بيجوز ما بتصير غير بال10 سنين مرة بقا عندك استعداد للقدوم؟؟



احلى كرتون عندك ..




قديش جبت مجمعك بالكلوريا ..؟




ليش بتكتب بردودك شقد وهيك ما انت حومصي ّّّ!!!11!



مين برايك افضل رئيس مر على سوريا ..!!




كنت مع موقف حسن نصر الله بالحرب اللي صارت اما لا ..؟




دريد لحام.... شو احلى شي شفتلو ياه ..؟




برمضان بتابع مسلسلات والسنة الماضية شو شفت ..؟



شو رايك كبة مقلية ولا مشوية ؟



هلا بدي اكتر شي بتحبون بهدول



اكلة ...



شراب




برنامج تلفزيوني ..





فلم





ممثل ..



ممثلة





بتتذكر شي موقف محرج صار معك من قبل؟وما نسيته شو هوة





طيب هلا ... اكتر بلد زرتا وتركت ببال شغلات حلوة يعي شفتك انك مسافر كتير ومتصور ... شو اكتر وحدة حبيتا




ما عاد فات لعندك حدا وانت شالح:lol: انو هاد الحرامي الصغير





مين ممكن تزت بعدك بهالمقلاية ...؟




اخوية ممكن تحت الضغوط انو يوقف ويتسكر حسام ..





بتخاف من النزلة على سريا من انو حدا يمسكك ؟




وصار معك شي من قبل انو حدا كمشك او حكا شي معك ...؟




ريال مدريد ولا برشلونة





بدي بس كلمة منك للاعضاء في حال صار معك شي وما عاد قدرت تابع اخوية حسام:D




والي عودة:lol:

والي عودة:lol:[/quote]
هلأ أول شي قصدك عليي أنا
أذا أنا لكن أسمي حازم مو حسام
ردلي خبر لجاوبك


اوكي؟؟؟؟؟؟؟؟؟
:D

والي عودة:lol:
هلأ أول شي قصدك عليي أنا
أذا أنا لكن أسمي حازم مو حسام
ردلي خبر لجاوبك


اوكي؟؟؟؟؟؟؟؟؟
:D[/quote]
هههههههههه اي اي سوري منك ما
تواخزني حبيب

ما قصدي حسام قصدي hus


بس بتعرف انت غلي المازوت وهيك بقا شو بدك تساوي بدك تتحملنا:lol::lol::lol::lol:

هلأ أول شي قصدك عليي أنا
أذا أنا لكن أسمي حازم مو حسام
ردلي خبر لجاوبك


اوكي؟؟؟؟؟؟؟؟؟
:D
هههههههههه اي اي سوري منك ما
تواخزني حبيب

ما قصدي حسام قصدي hus


بس بتعرف انت غلي المازوت وهيك بقا شو بدك تساوي بدك تتحملنا:lol::lol::lol::lol:[/quote]



مو مشكلة حبيب القلب
بس بدي ئسئلك شو ترتيب الأعضاء بالمنتدى

بما أني لساتني من الأغرار بعدين نحنا منسئل المعلمين مو؟؟؟؟؟؟؟؟؟؟؟

طيب ..
وائل 76
1_ أخي حسام كتير مواضيع من السنة الماضية لهلاء تحدثت عن أخوية و عن المشاكل يلي بتصير بأخوية لفتتني جملة كتير كنت تتكررها بكذا موقف ( أخوية مانها تجمع نخبوي .. ) لاحظت انو كتير معني بأخوية إنعكاس للواقع الحقيقي بكل تناقضاته .. سؤالي أخي حسام .. يعني المفروض كصاحب موقع على الشبكة أنو تهتم بمستوى معين أو أنو تطمح لمستوى معين من الناس الموجودة حتى ينعكس هالشي على مستوى الموقع بقصد هون مستواه بين المواقع أو المنتديات الحوارية العربية .. شو الدافع يلي خلا حسام يتنازل عن ريادة كان ممكن تكون سهلة بوجود مجموعة كبيرة من الناس هون و تكون قمة الأماني عند حسام هو تجمع غير نخبوي بكل تناقضاته و همومه و مشاكله ؟

اخوية Project مشروع .. اخوية بالنسبة إلنا مش منتدى على النت .. بو لا وقت قارناه بغير مواقع ، بولا وقت حسينا بأي نوع من المنافسة مع غير مواقع (وهون احنا منتمنى من كل قلبنا يكون في حدى عم ينافسنا على .. فبالنهاي احنا هون لتحقيق اهداف معينة لا اكتر و لا اقل فالي رح بينافسنا على تحقيقها ما رح غير نحنيلو القبعات .. ونتشكرو كمنافس و كشريك بالطريق او حتى لو حب حدى بيقدر يسميه يشريك بهال النضال ..)

كمشروع بنائي (بأهداف بنائية اجتماعية او البناء في الصعيد الإجتماعي) المستهدف والمستقطب مش النخبوي بنوب وانما على النقيض احنا هدفنا الا نبخوين، او للدقة ساحة عملنا ، هيي الانخبويين، الأشخاص الي على النقيد تماما .. الاشخاص هدول هني الي بحاجة لمساعدتنا (اذا صحلنا نقول هيك جملة) ،..
يعني من غير ما كتير ادخل بتفاصيل، اليوم النخبوي بشو هوي لمساعدة ، بشو هوي بحاجة لبناء؟؟ ما هوي سواء ساعد حالو سواء لقى بوقت ما مين يساعدو .. هوي مش بحاجة لأخوية بشي..
الي على الطرف الآخر هني الي بحاجة لأخوية و هني الي كرمالهم اخوية موجودة كهدف اول .. او الي هوي مساعدتهم تيساعدو حالهم ، مساعتدهم ليكونو اوعى بالقضايا الحساسة اكتر ولو بس شوي .. (ما عم نقول بدنا نخلي البشرية كلها نخبويين، ولا بيهمنا هذا بشيئ .. ولا عم نقول بدنا نقلبهم فوقاني تحتاني .. ) بالنسبة لانا الموضوع بسيط كتير، في شريحة واسعة واسعة واسعة.. هيي الأوسع ، صارت الا مبالات جزء من إرثها و تاريخها وزهنيتها .. شريحة واسعة جدا (ان لم تكن الأوسع ) ضلت جيل ورا جيل عم تقول انا مالي علاقة بالسياسية .. لغاية ما وصلها البل على الدقن ، ضلت جيل ورا جيل تقول ليش معقول صوتي بالإنتخابات يغير شي .. انا مالي علاقة ، لغاية ما صار ممثليهم بالنيابة والمجالس ابواق متراصة .. ضل يقول انا مالي علاقة بالإرهاب انا الحيط الحيط ما دخلني .. لحتى انفجر فيه ولا بعائلته سيارة مفخخة او مبنى او غيرو ..
هاي الشريحة الواسعة جدا بدنا نقلهم بس انو يا جماعة خلو بالكم هون التجاهل رح يضر كتير، وهون الصمت رح يودي لنتائج اقصى من انكم تستحملوها ، وهيك .. بس هيك ..
شغلة حكينا بجوز عنها قبل ومنرجع مناسبة هون منقولها ، احنا مانا هون بنزعة طوباوية.. احنا بنوب مش طوباويين .. ولا احنا هون بميولات ملائكية .. ابدا ابدا ما هيك .. هو النقيض تماما ..
احنا لمن عم نقول بدنا نساعد الآخر كرمال يساعد نفسه ، لمن عم نقول بدنا نعمل شيئ بنائي بالمجتمع .. هو انطلاقا من مصالحنا الخاصة .. انا كفرد مصلحتي الخاصة والفردية اني عيش مرتاح بمجتمع آمن صحي ، انا وابنائي واحفادي وعائلتي .. بس للأسف صوتي بطل الو صدى لإني لحالي .. فكان الحل انو تساعد باقي الناس يساعدو حالون يوعو اكتر لحجم المشكلة و قوتهم وقوة صوتهم وتأثيرهم ، و يوعو اكتر لإنو نمط الحياة الي هني فيه ماهوي قضاء وقدر وانما هوي ما أثمت ايدي اجدادهم من تخازل ما .. او انهزامية ما .. لمن بلش الفساد وسكت جدي وجدك انتشر الفساد مش لإنو احنا مجتمع فاسد ابدا .. وانما لإنو ما لقا مين يردعو .. ولمن بلشت النزعات الإصولية بالأديان على دور جدي وجدك وما لقو مين يوعيهم انو الحياة مش هيك ، الحياة ليست بالموت ، فتفاقمت ازمتهم وصارو كتار وصارو يبشرو بحالهم .. لإنو ما حدى حطلهم حد ..
وهذا الحال اليوم .. اذا المشاكل الي بين ايدينا ما بنحطلها حد بإيدنا .. فاولا رح نعيش من سيئ لأسوء وثانيا رح نورث لأبنائنا ما نعتب على اجدادنا انهم ورثونا اياه من حال متردي .. (واصدي بإنو نحطلها حد بنوب ما هوي تحمل بارودي ، ولا تنزل مظاهرة .. اصديى على الحد البسيط .. على تعامل الآخر على انتخابات ، على رشوي ما تدفعها بمطرح .. على اسعار عم ترتفع والناس عم تضرب عن الشراء للمواد المرتفعة السعر فوق الطبيعي .. عن مقاطعة سلمية للبضائع الإحتكاريي بالسوق .. بس هيك .. اشياء كتير بسيطة ..)

الحديث ذو شجون فخلينا نوقف هون افضل ...


2_ أخي حسام و أرجو ما تعتبر سؤالي هدا عبارة عن نقاش في وجهة نظرك يلي كتبتها بأحد الردود لأنو السؤال كنت ناوي أسئله قبل لشوف إجابتك .. سؤالي هل تعتقد أنو الصراع بين سوريا و الكيان الصهيوني يتعلق أساساً بالجولان أم أن الجولان لا تمثل في المعادلة سوى " قميص عثمان " و أن الصراع مع الكيان الصهيوني بالأساس هو صراع وجود .. بمعنى هل تعتقد أنو الكيان الصهيوني من الممكن أن يقبل بقيام دولة " ديمقراطية " منتعشة إقتصادياً قرارها السياسي مستقل .. تولي إهتمام بالغ بالعلم و الأبحاث و التكنلوجيا و التطور على حدود الشمالية ؟

حلو.. رح اجي معك من الآخر، خلينا نعتبر ان الصراع بالفعل ليس حول الجولان .. (مع اني ابدا ابدا لا أومن بنظريات المؤامرة ..) طيب معناها المشكلة بالنسبة لإسرائيل هيي وجود دولة ديمقراطية منتعشة على حدودها ..
طيب شو الحل .. هل الحل نقول خلص بطلنا ديمقراطية؟؟ هل الحل نقول طيب ماهو اسرائيل ما بتخلينا نعمل انتعاش اقتصادي .. اعزرونا على الوضع المتردي؟؟؟ هل هذا بحل .. لاء اكيد لاء
منرجع للحلول.. احنا (سوريا) جربنا الحل تبع "الممانعة" والصمود ، والنضال، و تارة كنا محور الشر، واخرى محور الدول المارقة .. جربنا على مدى 40 سنة من هذه الحلول حتى انقطاع النفس.. وحتى انقطع النفس بالفعل .......
الي عم نقولو اليوم ، انو اخي احنا جربنا الحلول النطاحية .. و ما حدى ما حدى قدنا جربها ، معلش.. ما حدى بالعرب كلهم مارس بالنضال العروبي والممانعة والصمود وما اليه مما يستحدثون من اصطلاحات قدنا .. و النتائج اليوم بعد 40 سنة بهال الخط سلبيي .. يعني بعد ال 40 سنة ما حصلنا شي .. لا حصلنا الجولان .. ولا حصلنا انتعاش بالبلد ، ولا حصلنا نظام ديمقراطي فيه تعددية وحريات .. ولا حصلنا وضع اقتصادي منيح .. ما حصلنا اي شي.... ما حصلنا غير حصار دولي ، مقاطعة من كل الدول لينا ، كره و حقد و ضغينة .. تارة من اللبنانيين ولبنان ، وتارة مع العراقيين والعراق، وتارة مع السعودية .. وتارة وتارة وتارة ..
كل الي عم نقولو ان هذا الإسلوب ختمناه وما نفع ، ليش ما منجرب اسلوب تاني .؟؟؟ فقط هيك .. ماهوي في استراتيجيتين ، يا المناطحة يا المحابات..
جربنا المناطحة على طريقة كوريداااااا الإسبانيي.. 40 سنة ( صح) ..
خلونا نجرب المحابات .. ل 4 سنين بس .. بس .. خلونا نجرب اسلوب آخر .. معقول طيب نضل الى الأبد عم نجرب بإسلوب قلنا 4 عقود عم نلوص فيه وما نفع .. ونضل عم نجرب فيه للأبد ؟؟؟؟؟
وبعدين .. !!!
3_ بيحزنك غياب عضو عندك بأخوية أو إنقطاعه من الناس يلي بتعتبرها أعمدة أخوية .. كريم مفتقده ! يمكن قبل لتجاوب في شغلة مهمة المفروض نتفق عليها .. بتؤمن بشي إسمه أعمدة أخوية ولا نظرتك للجميع متساوية و الكل هون بيمثل عمود بهدا الصرح في الشي يلي بيبدع فيه ؟

بالنسبة للجزء الأول ما عندي رغبة احكي عنه..

بالنسبة للجزء الثاني .. احنا منقول انه في ما يسمى ب "أدبيات اخوية" الي هيي الخبرة التراكمية لهال المجموعة مع بعض ، متبلورة بما اسهم بيه فريق العمل في تطوير و تعزيز هال الفلسفة اذا بدك تسميها هيك ، او هال النهج ككل بكل ايجابياته وهفواته .. في افراد كان ليهم دور اكبر من غير افراد .. وهذا امر طبيعي ..
فعن الإصطلاح اعمدة اخوية ، انا بشوف انو بيصح الإصطلاح و بأيده اذا كنا عم نحكي عن اعمدة بالعشرات (من اعضاء و مشرفين و غيرهم).. بس لو عم نحكي عن عامودين تلاتي .. فما حدى من الي عم ينوصفو بهذا بيرضى هال الشيئ.. لا كريم بيرضى يكون عماد من ثلاث او اربع او اثنين .. بعدم وجوده قد يتداعى البنيان .. ولا انا برضى كون بهيك موقع او مكان بأي وقت .. ولا اي من الأمناء الحاليين والسابقين ..
و منعتقد بالمقولة تبع "مش مهم مين الي عم يرفع الراية بقدر ما هو مهم ان تبقى مرفوعة" هذا هدفنا كلنا الأول ..
طبعا غياب كريم ترك فجوة واسعة .. واولا ثم اولا بقلوبنا .. قبل اخوية وقبل المنبر وقبل المشروع كلو ..
الله يردو سالم بالقريب العاجل..

4_ شو أكتر كتاب قرأته أثر فيك .. آخر كتاب قرأته .. كتاب شدك عنوانه أو إسم الكاتب و لقيته ليس بالمستوى اللي كنت متخيله .. في كاتب معين بتحب تقرأ إله أو بتابعه .. مصادر ثقافة حسام على شو مرتكزة بالأساس ؟
عن اكتر كتاب اثر فيي ، هوي مافي كتاب معين .. (بكل حقبة صغيرة 8شهور لسني ) في كتاب او مقال ما او حدث على هال الصعيد بيكون ليه اليد العليا.. او بيستحوذ من التفكير اكتر من غيرو ..
عن كتاب انغشيت فيه هوي كمان بالكتب او (عامة بأي شيئ بدي استثمر فيه وقت ما سواء كتاب او فلم بدي احضرو او مهمة معينة او هيك) بعمل دراسة قبل .. يعني بالأفلام قبل ما احضر فلم لازم اتأكد من موقع IMDb عن مستواه والمراجعات ليه بالإنترنت ، بالكتب لازم يكون مرشحه حدى إلى او بقائمة Best seller لمراجع بعتقد بصدقيتها .. (طبعا بالنمط الي بقرا فيه ) .. وهيك اصدي ما كتير بنغش بالكتب لإني بقراها بعد بحث عنها او بترشيح و مراجعات قريها عنها .. (صعب صار الواحد يغامر بموضوع الوقت، صعب تخصص وقت ما لإسبوع لتقرا كتاب ويطع بعدين فافوش.. انا اصدي كل الكتب مهمة ، وكل الكتب فيها كم من الإفادة حتى الكتب الي بتنباع على الأرصفة بس الي عم قولو انو بدو يكون كم الإفادة منها يوازي لكم الوقت المصروف على قرائتها .. بواقع زحمة الحياة الحالية ) .. بس على العموم آخر كتاب انخدعت فيه _نتيجة تسرع_ كان The Great War For Civilization _الحرب العظمى لأجل الحضارة او لأجل المدنيي_ هوي لروبرت فيسك ، جورناليست بريطاني مهم .. بيكتب بال independent و ال sunday times _اذا ما خانتني الذاكرة_.. هوي كصحفي انو منيح كتير و مهني جدا ، بس عنو شوي كم استشراقي زيادي حبتين ، يعني متل ما تقول من النمط الي بيعتقد انو العرب مافي احسن منون بالكون ، بس لو بيتركوهم من المؤامة الكبرة بس لو بيبطل الغرب يتآمر عليهم ويكسر مقاديفون شوف شقدون مناح .. بس الغرب هوي الحق عليه .. _اصدي هوي هيك نظرتو بشكل عام_ بس كان الكتاب آخد بيست سيلر بمكتبة مرموقة بالقاهرة ، و غامرنا وقريناه (1500 صفحة :lol: فصفقة خاسرة طلعت) .. يعني حتى العنوان صاير متل سخرية مش واقع ، اصدي بتعتقد انو هوي بدو يحكيك عن النبض العالمي العام لهال الحرب غير المعلنة لأجل المدنية والحضارة الي بكل بقعة من الكون بكل المجالات صارت قائمة من السينما للمال والأعمال للسياسة للتعليم .. بتلاقي انو لاء هوي عم يسخر من المفهوم هذا ، وحت ىالعنوان صاير متل سخرية من هالشيئ .. (طبعا انا ما عم قول انو الكتاب مش منيح هوي كمرجع مهني لرؤية عن كثب للأحداث ميدانيا بيعطيك صورة كتير حقيقية عن شو عم بيصر على أرض الواقع كان بالمناطق الصراعات بالحقبة الأخيرة 20-30 سنة الي كان عم بيغطيها كصحفي ميداني .. عموما بدون حكي اكتر (كتاب منيح ليلي بآمنو بالمستشرقين، و بيتسمتع فيه جدا الي بيعتقد بنظرية المؤامرة وشقد العرب ناس فظيعين لو بينتركو لحالهم ) بس انا ما كتير بعتقد بهال المفاهيم . _وخاصة المؤوامرات هاي.._
آخر كتاب قريتو بيضحك .. اسمو Powerful Sleep .. عن النوم و الأرق وكيف تقدر تنام متل الخلق وهيك مسائل، _بحيث عندي شوية مشاكل مع النوم دائما ، و ارق مزعز وهيك شغلات .._
اما عن كاتب فأيضا مافي كاتب بعينه متابع ليه ، الي متابع ليه اكتر هوي مجموعات معينة، سواء صحف او اماكن خاصة .. يعني عندك newsweek مجلة مهمة والكتاب الي فيها بشكل عام جدا مناح ، في عندك بال New York Times بال op-ed العامود الموازي في كتاب مهمين كتير كتير .. او اذا صح التعبير منظرين تخااان و محللين مهمين جدا ... وهيك يعني ..
بس بيفضلا طبعا في كتاب ما ممكن يعفسو صعب يعكو ... ومافيك تتجاهلهم حرف انحط .. شخص متل بوب ودورد ما ممكن ينزلو كتاب فيه عكك او تعفيس .. شخص متل توماس فريدمان ما فيك تتجاهلو كتاب او مقال حتى ..
(طبعا انا عم بحكي عن جانب ضيق من القراءة الي هوي المجال الإجتماعي السياسي.. والحديث يطول لو بدنا نمر ابعد من هيك على غير جوانب ..)

اخيرا عن مصادر الثقافة .. (الثقافة بمعنى المعلومات فهيي اكيد G .. جوجل احسن مرجع .. ) بس اذا ثقافة اصدك من نوع تكوين الراي وبلورة الفكر .. فبعتقد هيي بتعود مش للقراءة وانما هي للإستقراء.. (ما بعرف كيف اشرح هاي ؟؟) او كيف هوي شغلة تبع التفكير منيح بس الأهم والأحسن اعادة التفكير بالأفكار، او كيف تترك الأفكار حتى ما بلورته منها على الطاولة دائما، بمعنى ما تثب شيئ، لازم بكل وقت يفضل كل شيئ من افكراك من رواك مطروح و موجود على الطاولة ، مافي جزء مُثبت ببينس او بسمار، وهذا خط احمر، بدو على الصعيد الفكري الواحد يضل تارك فسحة للتفكير وفسحة اكبر لإعادة التفكير بالأفكار و ما كان قد ثبته منها ، او بلوره منها و اعتقد انو هاي خلص صارت قناعة ثابتة ما بدو يمر نيحها .. عموما صعب اشرح اكتر ما بعرف كيف بدي وضح بس هيي هيك الإستقراء و إعادة التفكير بالأفكار و تعويد العقل على النظر من الزاوية المعاكسة، يعني عارف اذا _العفو_ ضربتك كف رح اوتوماتيك تضربني كف .. (وهيك الفكر متعود على ردة فعل طبيعية .. العقل بيقوم بالتحليل وفق منظومة متعود عليها بحكم المجتمع الثقافة الزهنية الخ..)
هلق لو ضربتك كف و انت كنت سلفا مجهز حالك انو بدك تعد للعشرة و تفكر وبعدين تضربني كف، باول مرة بتاني مرة بتواجه صعوبة ، بعد شوي بتلاقي حالك لمن عم تاكل كف ما عم بترد بكف وانما عم بترد بطريقة اخرى قد تكون اكثر ايلاما وانجع هدفا ..
وهيك بالفكر، احنا متعودين ننظر من نفس المنظار من نفس الزاوية دائما ، لمن الواحد بيدرب عقلو لينظر من الزاوية المضادة المخالفة .. او الأخرى .. بياخد مشهد اشمل بكتيييير.. (فهو بسهولةبيقدر ينظر من الزاوية التقليدية، بس لمن يخلي النظرة الأولى تكون من الزاوية غير التقليدية، ويلحقها بنظرة من الزاوية التقليدية الرويتينية الي متعودين الكل ينظرو منها ) بيتفاجئ بمشهد مختلف تماما ، و بيحصل على نتائج بتفاجئه هو اول شي .. وجدا .. و مع الممارسة بيتعود العقل ينظر بهال الإسلوب (متل موضوع الكف وردة الفعل الطبيعية) ، فبتلاقي شوي شوي صار في افق جديدة عم تتفتح .. هوي ما عمل شيئ اكتر من انو درب عقلو للنظر من عدة زوايا كردة فعل .. بدل الزاوية الواحدة الي كان العقل متعود ينظر منها ..

ما بعرف بيجوز حكيي كلو ما مفهوم بشي ولا قدر وضح شي بس اي كان .. هذا الي بهال الوقت القصير طلع معي ..


بتمنى ما تكون أسئلتي تقيلة عليك
تحياتي و إحترامي لك أخ حسام و أمنياتي إلك بدوام التقدم و النجاح ..

شكرا الك كمان

كيفكـ حكيم ؟

يمكن يكون هاد أول كونتاكت بيني وبينكـ .. ولااكن أنا بعرف أنو نحن (أنا وأنت) عنا شغلات كتير إن كومون ..

أني وييي .. وبلا طرطقة حكي هون وهون .. بدي أسألكـ ..

برأيكـ ؟ هل كونكـ مثقف موضوع بيستحق الحسد ؟

ما مرق عليكـ يوم قلت فيه بنفسكـ (أخت الفهم وياريتني كنت أبو كعكة الأجدب ومالي فهمان البونجور من البسطرمة) ؟

يعني كون المثقف حالة شاذة .. و منبوذة من البعض .. و خطيرة على (البعض) ما بيخليكـ تحس أحيانا ً أنو الألز أنكـ تستقيل الهم وما تاخد شي بشي ؟


وآخر سؤال .. بتلاقي التناسب بين الله والثقافة .. طردي ولا عكسي ؟







حاسس الزعلة عالطريق ها .. جمجمتي عم تحكني .. :lol:

مرحبا حسام كيفك .... منيح لحقت حالي لاسألك كام سؤال:

1- شو بتحس باللحظة يللي بتصلك فيها خبرية تهكير المنتدى ... وشو بتعتقد الأسباب يللي بتدفع هالأشخاص لمتل هيك عمل تخريبي .... وبصراحة ... في شي مرة تهكر فيها المنتدى وقلت لحالك ما رح ارجع افتحو وبلا وجعة هالراس

2- كيف بتشوف أخوية اليوم مقارنة مع أخيوية في بدايتها ... (يعني لما كنتو شلة وحدة) (لما كان اسمو أخوية سيدة السلام حسب معلوماتي)

3- كونك مدير منتدى ... والأعضاء كلون بيشحدو (ما لقيت غير هالتعبير) منك شي رد على مواضيعون والكل وبدون استثناء بيعتبروك قدوة وانسان مثقف على مستوى ... بتشعر بالسعادة ؟؟ بالغرور ؟؟ بالثقة بالنفس ؟؟ ... أو ما بتشعر بشي؟؟

4- لما بتسمع موال أنا مسافر يا أمي (لجورج وسوف) بشو بتحس (انشالله ما أنبخع وتطلع ما بتعرف الموال)

5- بفضل التطور بكل أشكاله ... أم العودة الى البساطة في الحياة ؟؟

6- بتخاف شي لما بتفكر بمصيرك بعد الموت ؟؟ ... مين خلق ألله (في حال كنت مؤمن بشي اسمو ألله)

7- لحد الآن ... قدرت تعرف مين انت ... قدرت تعرف انت ليش موجود عالأرض وليش عايش وليش انخلقت ... قدرت تعرف الهدف الأسمى يللي بتسعى لتحقيقو بهالكام سنة يللي رح تعيشون ؟؟ (بتمنالك طول العمر)

يالله حاجتي غلاظة وتقل دم ... :p

تحياتي الك حسام .... وتحيا حومص :D