هات لنشوف عطيني رأيك بالتالي :
-----------------
الإنسان جسد وروح وعقل وقلب ...وشي بعتبرو بقمة التقديس

الله ربي ومولاي وحبيبي ودايما بحكي لما تضيق الدنيا بنا كبييييييييييييييير
-------------------
الدين أساسه الوحدانية وسمو بالروح ..تنظيم للغرائز وعبادات بتختبر الصدق بالاتباع (حب +ايمان+اتباع)

الطائفية لعنة بالدنيا ...موتي وسمي وفرقةة وضياع وتشتت للفكر وبعد عن الجماعة وبكرهها

الإلحاد مفهوم موجود بحياة كتار ... بلا ما يحسوا وغالبا بيوصل الو اللي بيبعد عن الفطرة واللي بيشطحوا بالتفكير لنقط وحدود ما بتقدر العقول البشرية استيعابها

العلمانية ممكن تكون فشل انظمة لانها بتخلي الجسد يطغى عالروح وبتحول الدنيا لمادة مو محكومة بضوابط انسانية بيحددها الدين ... وبوجهة نظر تانية بشوف انها طريق للوصول لايمان مطلق لان الدين مع العقل مو نفي لدورو بس برضو بحدود
---------------------------
السياسة لعبة كتير خطيرة بترفع دول وبتموت شعوب

امريكا العملاق القزم ...بس بلد حضاري متل ما بسمع بتميز بالعلم والتسلح حلم كتير شباب عربي (وبحسها بتقول يا ارض اشتدي ما عليك قدي )

سوريا كان بلد شقيق بس بعد اخوية صار بلدي الحبيب (وحسب نظرتي السياسية السطحية بشوفها القاهرة بتمردها عالقوى العظمى)

العراق كتير بحبها جمعت كلو علم ونفط ورجال...بس الفتنة فيها غير شكل ...والله يعينها عالاحتلال

الجولان...هضبة بتجسد ارادة وقوة ... وجزء من الهزيمة العربية امام اسرائيل

--------------

مين اقرب واحد الك هون كتار وكلهم احب الي من بعض بس فيك تحكي(ارسلان،مبدعة،ربيع)

مين ابعد واحد ...ما حدا

معك 5 وردات لمين بتهديهون (لمتسولة عمرها 10 سنين دايما بتكتفي مني بابتسامة وصباح الخير...بس رح يسعدوها)

معك 200 الف سوري لمين بتعطيهون *\الي طبعا\اكيد ولو(بعطيهم لارسلان ليفك ضيقتو )

شو سيارتك ما عندي

وكم حادث سويت لسا ما صار

شو اول سيارة كانت عندك قلتلك ما عندي

-------------------


كلمتين منك لاخوية بموت فيك

شو عطتك اخوية الحب والامان والاصدقاء والفضفضة والثقة بالنفس وبالناس

شو اخدت منك وقتي

-------------
تكنولوجيا:
_________
شو نوع موبايلك نوكيا 1110

شو اخر رقم بموبايلك رقم اختي الجديد

كمبيوترك مواصفاتو عالماشي ما بعرف:oops:

شو سرعة النت عندك 512

--------------
عالماشي
__________
شو نظريتك بالحياة اذا اردت شيئا في الحياة فان العالم كله سيطاوعك لتحقيق هدفك(و كمان القناعة كنز لا يفنى)

شو بتعنيلك الحياة مرحلة مؤلمة ومفرحة واسمها بيعبر عنها

قديش معك بالبنك ولا شي يا حسرة

مممم

بس بيكفوكي هدول راجعلك

شو ابو جوزيف موتتني بس يعطيك العافية

إذا سوريا بتعشقني معد بدي شي بالدنيا .. :oops::oops:

بس أنو تنكشي مخاتك عليي :? بعد سؤال أكتر من شخص معي عالماسنجر أنو بتحبي تستفزيني هيك معناها .. و لاا شو .. :?

و ما طلع معك غير إني عصبي .. من وين جاييني أنا هالصيت .. :pos:

سوريا بتعشق اللي بيعشقها ابو الشباب ... والحب اقصى وادنى شي بتمنحك ياه
وبالنسبة لانكش مخاتي عليك والله مو لشي بس بحب اتحركش فيك انا شو ما بيحقلي:cry:
ومن المحبة والله ...
واي عصبي لك شوف انت اي كلمة بتطلعك عن اطوارك ...هدي شوي
وغير انك عصبي حباب واصيل بتحن لايام زمان وناس زمان:sosweet:
وخلص صلحة:deal:

[quote=Abu Guzef;813739]وهي سؤال الأعضاء قيل ما يلطشو حدا

عطينا رأيك بهل مساطر

Gazita والله ما اختلطت فيها
Reemi مشرفة كتير خفيفة ظريفة وحبابة بحس انو فيها تاخد وتعطي مع الاعضاء يعني بعدها من طبقة الشعب
marioma alghzayala برضو ما اختلطت فيها
hanny dagher والله بيسوى الدنيا بينحط عالجرح ليطيب ...عمرو صغير بس عقلو ما شالله عليه كبير كتير ... رائع وبيشرفني اني تعرفت عليه
Willi كان بدو يتركنا بس ما فيه لانو روحو هون وهو كمان بقلوبنا والله مالي خلطة فيه بس بحبو
layla بسمع فيها
sezarبسمع فيه كمان
sweetbaby بعرفها بس ما اختلطت فيها
الحاج متولي بسمع فيه
توت توت توت برضو بسمع بالاسم
butterfly بحسها جد فراشة وحساسة كتير ولما تحكي شعر والله بتهزني من صماصيم قلبي
Varonما بعرفو
ghazool بحس انو مشاركاتها ظريفة وخفيفة
Majood علم بس ما الي خلطة فيها
Hashtnashtما بعرفو
Kakaboudaسمعت فيه
Godfather (فراس) اذا اللي بعرفو فهو انسان زوء حساس حكياتو حلوين وامير
Faresما لحقتو
Geeny من طبقة الملوك
yass بعرفو وبس
كهربجي بعرفو وبس
here i am بعرفو وبس
SABE بعرفو وبس
HUSالحكيم هاد اللي بعرفو
Barleb يا اخي فيه شوفة حال:p
tony 124ما بعرفه
بعرفو وبس the light
سرسورة بعرفها وبس
محمد ابراهيم شكلو كان من ابطال ايام زمان
goverment بسمع فيه
صياد الطيور برضو بسمع فيه
اسير التشرد بحب اخوية عالعظم وبيعتبرها لعنة بس حلوة موت
المستحيل بسمع فيه
the morrning انسانة شفافة والكل بيحبها
COSTAبحس انو متعصب مو عصبي
YaSeRما بعرفو
handsomeما بعرفو
aboslemanبعرفو بس برضك ما في صورة واضحة متكونة عندي بخصوصو:D
منوشه ما بعرفها:D
spectorما بعرفو:D
yamen_h برضو ما بعرفو:D
BL@CK لك ملاك هادي وما بيعرف يعصب بنوب ... بيشرفني نكون اصدقاء والله :D
Mad Max سمعت فيه بس ما بعرفو:D
وائل76برضو ما بعرفو:D
مسطول ع طول ما بعرفو:D
شامي من طوكيو ما بعرفو :D
أمرأة من ورق قلتلكم لازم تكون من ماس بحب اراءها وكتير تقيلة عالشعب :p
دلوعه سوريا بحسها كتير دلوعة بس عظرافة وما عندها ايمان بجنس رجال (عندها اكتفاء ذاتي ) بس بتنحب والله
مايا* والله ما بعرف :D
لبندا بحب حكياتها كتير وبقرى بكلماتها انسانة فيلسوفة :D
fofo besset syria بسمع فيها اكيد بس ما الي اختلاط فيها :D
ابو جوزيف برضو بحبو مع اني ما بتعامل معه بس من الله شو نساوي :oops:

كرهتك ابو جوزيف بعد هالاسئلة
يا اخي كلو ما بعرف وما الي خلطة الله يسامحك بس:cry:

بتأمني بالصدف؟ اكيد بآمن فيها وللدقة بحبها كتير
شو يعني التفاؤل؟ انو الانسان يقدر يشوف السما زرقا وهي ملبدة بغيوم سودا
لازم الانسان يتفائل؟ ليعيش ضروري كتير
بتحبي البرغر؟ اي بحبو
بتحبي الشيش و الكباب؟ اي كمان شغل طشات
بتحبي الفطر؟ بصراحة لا ما بحبو
بتحبي اخوية؟ بعشقها
شو معناة الحب بنظرك؟ لذة ومعاناة ...شي رح ابقى دور عليه طول حياتي
برأيك الحب ألو صلة بالنصيب؟ اقوى صلة
شو رأيك بهيفا؟ ما بحبها
اكتر الشي بتحبيه بحالك الحنية والبساطة والعفوية
شو رأيك بأغاني عبد الحليم و أم كلثوم؟ الاغاني المفضلة عندي وروحي فيها
شو لونك المفضل؟ ما بقدر جاوب لانو بحب الالوان على شي معين فمتلا الاحمر للورد الوردي للبس الرمادي للعيون وهلم جرا
شو أكتر أسماء بنات بتحبيون؟ بتول وبيسان وسارة وشيماء
غنية بتحسيا بتحكي عنك ... الأطلال
مكان بتحلمي تروحي عليه تركيا واسبانيا
شو رأيك بدعات القناة السورية:o؟ حلوين

[


Reemi مشرفة كتير خفيفة ظريفة وحبابة بحس انو فيها تاخد وتعطي مع الاعضاء يعني بعدها من طبقة الشعب

حبيت حالي كتير بعد هالتعريف :clap:
الله وكيلك حافرين راسي هالاعضاء طلبات :lol: بس ع قلبي احلى من العسل :sly:

ما علينا..روحي الله يوفقك ويحميكي ويحفظك وينولك الي ببالك ( حاسه حالي متل ستي:oops:)... لا تأخذينا زتيناكي بالمقلايه بس كان لازم نقلعو لوسيم ما بينعطا وجه الزلمه :p

حبيت حالي كتير بعد هالتعريف :clap:

الله وكيلك حافرين راسي هالاعضاء طلبات :lol: بس ع قلبي احلى من العسل :sly:

ما علينا..روحي الله يوفقك ويحميكي ويحفظك وينولك الي ببالك ( حاسه حالي متل ستي:oops:)... لا تأخذينا زتيناكي بالمقلايه بس كان لازم نقلعو لوسيم ما بينعطا وجه الزلمه :p


والله تعريفي من القلب ولو ريمي قصدي ستي :p
وجد تسلميلي لاني حبيت كتير دعائك وحسيتو من القلب وزيديني منو لاني بحاجتو كتير
ومو مشكلة ولو ممكن يكون زتكم لالي بالمقلاة تحديد لكتير مفاهيم بحياتي
منك لله ابو جوزيف
ودي لالك ريمي:D

hanny dagher والله بيسوى الدنيا بينحط عالجرح ليطيب ...عمرو صغير بس عقلو ما شالله عليه كبير كتير ... رائع وبيشرفني اني تعرفت عليه

انا اللي كان الي الشرف بمعرفتك :D

yass تعرفت عليه ببرنامج صمت الحواس ...
بيكفيني اوصفو بانو ممكن يكون رمز بس مو متل الرموز اللي موجودة هالايام لا ابدا بس رمز بيستحق يكون قدوة

the light اسمحلي اني انحني اجلال وتقدير لفكرو ولاسلوبو ولأشياء كتير قدر يوصللها مع انو معظم الناس مو قدرانين يفهموها انسان بيحكي انو مو ثورجي بس انا شفت الثورة بكل كلماتو والرفض لكل شي لا انساني ...مخلص ...بيبحث عن وطن ... جد انا عاجزة احكي بس يسلمو ل صمت الحواس اللي اتاحلى اتعرف عليه :Dهذه لروحك ايها الانسان
عالهامش ردودو بعثرتني ولمتني
وائل 76
اول شي بيعجبني توقيعو ...
تاني شي ما بعرف عنو شي غير انو فلسطيني
حروفو متألقة لما يكتب :D

انا اللي كان الي الشرف بمعرفتك :D

هناك اناس يحفرون في اعماقنا ملاحم عشق للكلمة ...لفكرة ...حتى للصمت والسكون
وهناك اناس لا نملك الا ان نرصف قلوبنا كي تكون شوارع ممهدة لهم ...فهم ملوك عرشها ..
دمت رائعا ودمت صوتا يستلقي على اعتاب ارواحنا المجهدة
دمت بحب يا صديق:D

هناك اناس يحفرون في اعماقنا ملاحم عشق للكلمة ...لفكرة ...حتى للصمت والسكون
وهناك اناس لا نملك الا ان نرصف قلوبنا كي تكون شوارع ممهدة لهم ...فهم ملوك عرشها ..
دمت رائعا ودمت صوتا يستلقي على اعتاب ارواحنا المجهدة
دمت بحب يا صديق:D
اي والله هنهون ما في منو لولا هالكم شغله الي فيه .;)..

بكرا بدي جوزوا بنتي :p

هناك اناس يحفرون في اعماقنا ملاحم عشق للكلمة ...لفكرة ...حتى للصمت والسكون
وهناك اناس لا نملك الا ان نرصف قلوبنا كي تكون شوارع ممهدة لهم ...فهم ملوك عرشها ..
دمت رائعا ودمت صوتا يستلقي على اعتاب ارواحنا المجهدة
دمت بحب يا صديق:D

خجلتيني :oops:
هاي صرتي مخجلتيني شي ست مرات بهاليومين :oops:

:D

اي والله هنهون ما في منو لولا هالكم شغله الي فيه .;)..

بكرا بدي جوزوا بنتي :p

اخ يا محظوظ يا انا
مجود حماتي والحكيم كان واعدني يزوجني بنتو وهلأ ريمي بدها تزوجني بنتها
قلتولي الشرع سامح باربعة مهيك :o

هاني ما الي انا لك حجزتو من قبل بس مو الي للي اعز مني(بنتي يعني)
والا احكيلك ريمي خلص بنتنازل للغوالي

وشو يا هاني عاددهم ؟؟؟ خلص ما بدي عود خجلك:cry:

هاني ما الي انا لك حجزتو من قبل بس مو الي للي اعز مني(بنتي يعني)
والا احكيلك ريمي خلص بنتنازل للغوالي

وشو يا هاني عاددهم ؟؟؟ خلص ما بدي عود خجلك:cry:

لا والله مو عاددهم انا قلت شي ست مرات في كلمة شي من قبل يعني انا ما عم عد :cry:

:shock:يؤ البي انتي زتوكي بالمقلايه:o معناها معاكم معاكم عاليكم عاليكم:lol:
....تعي اسئلك شوية اسئله يا امورة:D



شو الشي الي بتكرهيه بحالك وحابة تغيره؟:pos:
بتقابلي الخيانه بالخيانه؟:?
شو اول شي بلفت نظرك بالشب قبل ما تعرفي شخصيته؟:sosweet:
شو عطرك المفضل؟:ok:
لو فيكي تشوفي برا النت عضو من المنتدى مين بتتمنى يكون؟:bx:
بتوصفي حالك دلوعه او جديه؟:flover:
شو الي بعجبك بالمرأه؟:fnail:
شو صفات فارس احلامك؟:mimo:
لو حبيتي تغيري اسمك الحقيقي أي اسم بتختاري؟:humm:
بتحسي في شي ضايع منك؟
راضيه عن حالك؟:fthink:
بعد 10 سنين كيف بتشوفي حالك؟؟يعني متزوجه عندك ولاد بتشتغلي؟؟:dunno:
شو اكتر قسم بتحبيه بالمتدى؟:fwink:
شو القسم الي بعمرك ما كتبتي فيه رد؟:fcray:
بتحبي الهدوء او العجئه؟:onetv:
لو كنت شب ليوم واحد شو بتعملي؟:notok:
كيف تعرفتي على المنتدى؟:humm:
مين ملهمك بالحياة:D
بالله ركزي هادا اهم سؤال..يقولون ان الحب الارستقراطي يؤدي الى المشاكل الجهنميه الديموقراطيه المتستعبطه والمستنبطه من افكار غربيه دخيله على المجتمع الشرقي:shock:وتؤدي احيانا الى امراض القلب والانفلونزا المعديه؟؟؟مارأيك الشخصي بهذه المقوله؟؟ياليت تفهميني السؤال قبل ما تجاوبي ؟؟:shock:
بس تنرفزي بشو بتفشي خلئك؟؟:o
واخر ششششششي شو رئيك فيني اناا لانه ابو جوزيف ما راح يعترف فيني
قبل ما يصيرلي سنه بالمنتدى فقلت اختصر الوقت و اسالك
يالا جاوبي وتأكدي راح ارجع اسئلك:hart::hart:

[quote=jouliana;814581]:shock:يؤ البي انتي زتوكي بالمقلايه:o معناها معاكم معاكم عاليكم عاليكم:lol:
....تعي اسئلك شوية اسئله يا امورة:D



شو الشي الي بتكرهيه بحالك وحابة تغيره؟:pos: الحساسية الزايدة والرومانسية طبعا اخفف مو اغير واللامبالاة والاهمال(كل شي يعني )
بتقابلي الخيانه بالخيانه؟:? اكيد لأ .. والسبب بسيط وهو انو ما فيني وجع حدا بحبو
شو اول شي بلفت نظرك بالشب قبل ما تعرفي شخصيته؟:sosweet:
بصراحة وبيني وبينك دقنو وعيونو
شو عطرك المفضل؟:ok:
touch of pink
لو فيكي تشوفي برا النت عضو من المنتدى مين بتتمنى يكون؟:bx:
والله كتار اذا شب فهو هاني او اللامنتمي او سليمان واذا بنت مبدعة او ربيع او جوليانا
بتوصفي حالك دلوعه او جديه؟:flover:
هيك وهيك ..حسب الموقف بس اكتر دلوعة
شو الي بعجبك بالمرأه؟:fnail:
قلبها الدافي والمسامح
شو صفات فارس احلامك؟:mimo:
قلبو كبير وبيموت فيني ولو خيروه بيني وبين الدنيا كفتي بترجح .. الشكل مو مهم
لو حبيتي تغيري اسمك الحقيقي أي اسم بتختاري؟:humm:
روكسان
بتحسي في شي ضايع منك؟
الوقت ...والأمل بكتير احيان
راضيه عن حالك؟:fthink:
ابدا... بس حابة حالي :oops:
بعد 10 سنين كيف بتشوفي حالك؟؟يعني متزوجه عندك ولاد بتشتغلي؟؟:dunno:طبعا اه ولو بعجبك انا بس ما بحب الاولاد الكتار ها
شو اكتر قسم بتحبيه بالمتدى؟:fwink:
الادب _الخواطر والخربشات
شو القسم الي بعمرك ما كتبتي فيه رد؟:fcray:
كتار بس خدي اخوية الاقتصادية العامة
بتحبي الهدوء او العجئه؟:onetv:
لما كون حزينة الهدوء والوحدة... لما كون فرحانة العجقة
لو كنت شب ليوم واحد شو بتعملي؟:notok:
ما بدخل البيت وما بعرف شو كمان بس الحرية حلوة
كيف تعرفتي على المنتدى؟:humm:
صاحبتي قالتلي عنو وكيف انو حضن دافي...ومرة بجوجل وانا ببحبش فتته
مين ملهمك بالحياة:D
السما والمطر ومن الناس كل كلمة بتوصل قلبي ملهم بالنسبة الي
بالله ركزي هادا اهم سؤال..يقولون ان الحب الارستقراطي يؤدي الى المشاكل الجهنميه الديموقراطيه المتستعبطه والمستنبطه من افكار غربيه دخيله على المجتمع الشرقي:shock:وتؤدي احيانا الى امراض القلب والانفلونزا المعديه؟؟؟مارأيك الشخصي بهذه المقوله؟؟ياليت تفهميني السؤال قبل ما تجاوبي ؟؟:shock:
عيب عاللي فهم شي منها بس الحب سبب البلاوي :o
بس تنرفزي بشو بتفشي خلئك؟؟:o
بالسب وطولة اللسان واحيانا بالمشي
واخر ششششششي شو رئيك فيني اناا لانه ابو جوزيف ما راح يعترف فيني
قبل ما يصيرلي سنه بالمنتدى فقلت اختصر الوقت و اسالك
جوليانا اخت كتير عظيمة وانسانة علمتني انو لازم اطلع من اي مشكلة وانو قبل هيك لازم افهم شو انا ...جوليانا انسانة بتستاهل كل خير ومجنون اللي بيحتك فيها وما بيحبها يعطيك العافية تعبتيني

[quote=jouliana;814581]




لو فيكي تشوفي برا النت عضو من المنتدى مين بتتمنى يكون؟:bx:
والله كتار اذا شب فهو هاني او اللامنتمي او سليمان واذا بنت مبدعة او ربيع او جوليانا
كلك زوء ونفس الشعور
بتوصفي حالك دلوعه او جديه؟:flover:
هيك وهيك ..حسب الموقف بس اكتر دلوعة
تقبريني شو دلوعة
شو الي بعجبك بالمرأه؟:fnail:
قلبها الدافي والمسامح
هاي قلب الام موالمرأة يعني خصصي
لو حبيتي تغيري اسمك الحقيقي أي اسم بتختاري؟:humm:
روكسان
ليش هالاسم بالذات وخلك شو معناه

ويعطيكي العافية هلأ اجا دوري:o

تعي تعي لهون ما خلصنااا
بدي اسألك عن ردود انتي كاتبتيهاااا:p

شو قصدك لما قلتي..
شو اول شي بلفت نظرك بالشب قبل ما تعرفي شخصيته؟////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بصراحة وبيني وبينك دقنو وعيونو

معليش مش مجمعه شو يعني دقنو ;)اين يقع الدقن:o
ههههههههههههههههههه لالا بجد شو قصدك بدقنو يعني
عنده لحيه او ما شابه مثلا:larg:


والسؤال التاني وقت جاوبتي...


لو كنت شب ليوم واحد شو بتعملي؟////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ما بدخل البيت وما بعرف شو كمان بس الحرية حلوة


يعني فهميني شو بدك تعملي ليخلص لنهاار شو بنفسك تعمليه
و بتلاقي الشب بقدر يعمله و البنت لا:oاحكي البي ما حد شاايف:sosweet:

اول شي دلوعة بس مو مايصة
يعني بعقل فهمت علي كيف

وتاني شي روكسان لانو اسم بطلة برواية الشاعر او سيرانو دي برجراك للمنفلوطي حبيتها وحبيت الاسم وحبيت ولوع الشاعر فيها اما المعنى ما بعرفو

ولأ ما حزرت انا بحكي عن قلب الام لاني بشوف انا رمز للمرأة وانا هيك وانا مو ام :D

ولأ ما حزرت انا بحكي عن قلب الام لاني بشوف انا رمز للمرأة وانا هيك وانا مو ام :D


:frown::frown::frown::frown::frown::frown::frown:: frown::frown::frown:
:frown::frown::frown::frown::frown::frown::frown:: frown::frown:
:frown::frown::frown::frown::frown::frown::frown:: frown:
:frown::frown::frown::frown::frown::frown::frown:
:frown::frown::frown::frown::frown::frown:
:frown::frown::frown::frown::frown:
:frown::frown::frown::frown:
:frown::frown::frown:
:frown::frown:
:p

لا مو عندو لحية والا لأ بس كيف تخطيط الدقن يعني سكسوكتو كيف اذا عندو ومو مهمة اللحية بس هيك سبحان الله في ناس مو حلوين بس بحسهم جذابين كتير

وبالنسبة لشو بعمل قلتلك انا بنت والطلعة عنا ممنوعة الا اذا قدمت ملخص ومن هالحكي يعني مجرد اني ضل سهرانة للصبح برا البيت فهاد ابداع:o
وشو بعمل لما صير شب اكيد رح تكوني اول من رح احكيلو

الاخت وشم

سامحيني حاولت ان اخرج من دائرة الواقع المظلمة العمياء في غزة الا انها كانت محكمة الاقفال ليس من السهل ان اختي الطيبة ان نقفز على دماء الشهداء او ان امارس حياتي بكل بساطة بعد يقع على حضنك انسان مضرج بدمائه ليس له ذنب الا انه توشح كوفية الشعب الفلسطيني وهتف لقائد مات وهو يهتف للوحدة وللوطن الموحد

حاولت ان ابدا بسؤالك اختي الطيبة لكن في هذه اللحظة تموت على شفتاي الاسالة ذاكرتي لا تحمل الا صورة ذاك الفتى الذي سقط بجواري وراسه مخضب بدمه
ماذا تفعلين امام الدم

!!

اهلين بوشم نورتي المقلاية :D
احكيلي وشم مين اقرب انسان الك وسرك بالحياة؟
موقف مريتي فيه واثر بحياتك بشكل كبير؟؟ايجابي او سلبي
بتحبي قصص القتل والرعب:shock:
بتصنفي نفسك من اصحاب البال الرايق ولا خلقك ديق:pos:
هلآ نعتبر معك الفانوس السحري واطلبي 3 اماني لتتحقق شو بتطلبي؟؟
بتأمني بالقدر وشو تأثيرو بحياتك؟؟
هل انتي مترددة في اتخاد قراراتك ؟؟
بتحبي حدا يحملك مسؤلية كبيرة وبتكوني ئدها؟؟
بس ........ويتبع :ss:

اي اهلييين وشم الجماال .. عندي يادوب كم سؤاال يعني ..

شو أكتـر اكلـة بتحبيها << مشان اعزمك :?

مين اكتـر فنان واكتر فناانة بيعجبوكي ..

عطينا هيك شي موقف مريتي فيه بيضحك مشاان نضحك خخخخخ..

و السؤال الاخير مين ناوية تلحشي بالمقلااية بعدك هههههه

الاخت وشم

سامحيني حاولت ان اخرج من دائرة الواقع المظلمة العمياء في غزة الا انها كانت محكمة الاقفال ليس من السهل ان اختي الطيبة ان نقفز على دماء الشهداء او ان امارس حياتي بكل بساطة بعد يقع على حضنك انسان مضرج بدمائه ليس له ذنب الا انه توشح كوفية الشعب الفلسطيني وهتف لقائد مات وهو يهتف للوحدة وللوطن الموحد

حاولت ان ابدا بسؤالك اختي الطيبة لكن في هذه اللحظة تموت على شفتاي الاسالة ذاكرتي لا تحمل الا صورة ذاك الفتى الذي سقط بجواري وراسه مخضب بدمه
ماذا تفعلين امام الدم

!!

لا املك ان اجيب فانا لم أكن موجودة في موقف كهذا ولكني لا احتمله لاني ذات يوم وجدت عصفور مدعوس وبصراحة بكيت
والدم بموت منظرو فأنا جد ما بعرف ردة الفعل
الله بيعين ارسلان وما بعد الضيق الا الفرج :D

اهلين بوشم نورتي المقلاية :D
احكيلي وشم مين اقرب انسان الك وسرك بالحياة؟
صديقتي رولا وفي ناس تانيين كمان

موقف مريتي فيه واثر بحياتك بشكل كبير؟؟ايجابي او سلبي
اني حبيت بيوم من الايام وكان حب مستحيل مو بمحلو
وايجابي اني طلعت صديقة الي من عزلتها وكانت بمثابة احياء للثقة بقلبي

بتحبي قصص القتل والرعب:shock:طبعا لا

بتصنفي نفسك من اصحاب البال الرايق ولا خلقك ديق:pos:رايقة تمام
هلآ نعتبر معك الفانوس السحري واطلبي 3 اماني لتتحقق شو بتطلبي؟؟
لما فكر بقلك

بتأمني بالقدر وشو تأثيرو بحياتك؟؟طبعا بؤمن فيه ..دايما ماشي عكس التيار بس بيضل عندي امل انو يمشي متل ما بتمنى

هل انتي مترددة في اتخاد قراراتك ؟؟لا ابدا ولسا ما مريت بلحظة احتاج فيها لاتخاذ قرار خطير يعني
بتحبي حدا يحملك مسؤلية كبيرة وبتكوني ئدها؟؟
المسؤولية ما بحبها لأنها بتكبل تحركاتي وبتعيق حريتي بس قدها ولو
يسلمو ام السوس عالاسئلة
يعطيك العافية

شو أكتـر اكلـة بتحبيها << مشان اعزمك :? بحب الاكلات السريعة بس بعرف اطبخ كل شي :lol:

مين اكتـر فنان واكتر فناانة بيعجبوكي ..عبد الحليم حافظ وام كلثوم

عطينا هيك شي موقف مريتي فيه بيضحك مشاان نضحك خخخخخ..
ما فيه شي ببالي بس بمرة وانا سنفورة كان في مصعد منزوي وشكلو غريب وما كان حدا يستخدمو بس انا ما بحب ما جرب فمحسوبتك راحت وطلعت فيه واذ به مصعد خاص للمطبخ بتاع الكافتيريا وخدلك يا مسخرة من العاملين ..بايخ ما :o

و السؤال الاخير مين ناوية تلحشي بالمقلااية بعدك هههههه بعدني مو مقررة
ةيسلمو عالاسئلة
يعطيك العافية

بسم الله
ما رح اسأل كتير .. الشباب والصبايا ما قصرو
1- شو اكتر شي يتكرهيه بين هدول الاشياء :
الكذب ، الظلم ، الخيانه

2- شو أكتر شي بتحبيه بين هدول الاشياء:
القمر ، المطر ، الشجر

3- عمرك مريتي بموقف جرحك لدرجة انك بكيتي :cry:
4- عمرك مريتي بموقف مضحك لدرجة انك بتضحكي عليه كل ما تذكرتيه :lol:
5- عمرك كرهتي حد
6- شو أكتر كلمه بتكرهيها
7- شو أكتر كلمه بتحبيها
8- شو رأيك ببلاك ايريس :oops:
وهي أحلى ورده إلك :D

مرحبا وشم الجمال :
شو رأيك بالشاي
البطيخ ؟!
رام الله ؟
مين البنت اللي :
بتحترميها
بتحكي بدها ترباية
بتعتبريها مسكينة
بتعتبريها لئيمة !
مين الشب اللي بتدعيلو ؟
ومين الشب اللي بتدعي عليه ؟!
فكرك فلسطين وين صار موقعها من الاعراب ؟!
حسيت انك فلسطينية فكرك ليش اجاني هالاحساس ؟!
وانت كيف حالك ؟

1- شو اكتر شي يتكرهيه بين هدول الاشياء :
الكذب ، الظلم ، الخيانه
الخيانة والكذب ممكن استحملهم بس الظلم ياااه شو طعمو مر ..بالرغم من اني بموت من كل اللي مذكور
2- شو أكتر شي بتحبيه بين هدول الاشياء:
القمر ، المطر ، الشجر
القمر والشجر ما بيغيبوا كتير ...ودايما بحاكيهم وبيحاكوني ..بس كتير بحتاج للمطر ليغسلني وما بلاقيه ...كتير بشتاقله وبحبلو وبحبو...فوق ما فيكم تتصوروا
3- عمرك مريتي بموقف جرحك لدرجة انك بكيتي
اي ...كان فيه انسان كتير بحبو وكنت مستعدة بيع الدنيا مشانو وهو مشان موقف بسيط باعني بأرخص من التراب ...كل ما اتذكرو واتذكر حكيو ببكي وكأنو الحكي اليوم صار ...بس ببقى بتعلم من الدنيا:lol:
عمرك مريتي بموقف مضحك لدرجة انك بتضحكي عليه كل ما تذكرتيه :lol:
لاما في شي بيضحك كتير بس مواقف محرجة كتيرة وبرضو ما بتنحكي ...عيب يعني :oops:
5- عمرك كرهتي حد
الصراحة اه شب كتير حقير همو بس يعلق بنات وفكرني متل غيري بس اطمنوا ما فلح ...ومع هيك مو كره بمعناه ..يعني الكره اللي هوا لأ

6- شو أكتر كلمه بتكرهيها
نذل

7- شو أكتر كلمه بتحبيها
مشتاقلك (وعالنطاق العاطفي بحب كلمة انت الي وبس )
8- شو رأيك ببلاك ايريس :oops:
هاد سؤال ؟؟؟ والله نوارة وبعتز فيها وبتفكيرها... الأردن بتتشرف بانتسابها الها ...وبحبها كتييييييييير واحيانا بعجز عن ابداء رأيي والله :D

يعطيك العافية بلاك ايرس:D

شو رأيك بالشاي
زاكي اذا كان سكرو خفيف وكمية الشاي تقيلة شوي والدنيا برد و يكون راسي تعبان

البطيخ ؟!
كتير زاكي وخاصة بارد ومع عطش...بس بيتعب لبعدين...:o

رام الله ؟بحس انها بلدة بتعبر عن التسامح الديني

مين البنت اللي :
بتحترميها..اللي بتقدر تثبت حالها بكل المواقع

بتحكي بدها ترباية ...اللي بتحكي شروي غروي وما بتقدّر عواقب كلامها نفسيا عالمتلقي ...يعني اللي ما بتفهم

بتعتبريها مسكينة ...هي البنت اللي بتكون طاير عقلها بحبيبها وهو بيلعب بعواطفها (الحب مرآته عمياء)

بتعتبريها لئيمة !اللي بدها كل شي إلها...وما بيهمها غير حالها...واللي شعارها انا ومن بعدي الطوفان

مين الشب اللي بتدعيلو ؟
الشب اللي بيعرف يقدر الاكبر منو ...وبيكون كبير بسلوكو وتصرفاتو يعني الرجّال

ومين الشب اللي بتدعي عليه ؟!
ما بدعي على حدا بس بكره الشب اللي بيشوف البنت مجرد انثى لقضاء رغباتو وبس :cry:

فكرك فلسطين وين صار موقعها من الاعراب ؟!
رح تبقى مرفوعة بالشهدا وباللي بيحبوها وعمرو ما بيكون علامة الرفع الكسرة ...صح؟.؟
حسيت انك فلسطينية فكرك ليش اجاني هالاحساس ؟!
لأنها البداية والنهاية ...لانها كانت تسمى فلسطين وصارت تسمى فلسطين ..لانها سيدتي ...فهي تستحق الحياة بقلبي وبحروفي ...مو هيك؟؟؟(فيها من حكي محمود درويش )
وانت كيف حالك ؟مبسوطة بوجودك حبيبتي
يعطيكي العافية يا وردة :D

أجمل بيت شعري قرأتيه عن الحب؟

رحلة الالف ميل تبتدأ بخطوة , لكن بما تبدئ رحلة الحب؟

تذكرة ذهاب بدون إياب يوم تحجزينها تكون في أي وجهة؟ و متى؟

أجمل بيت شعري قرأتيه عن الحب؟
و إني لأهوى النوم في غير حينــــــــــــــــه لـــعـــــل لـقـاء فـي الـمـنـام يـكـــــــــون
والله ما في اكتر من ابيات الشعر اللي بحبها بالحب بس هاد اللي ببالي
وكل قصيدة الاطلال لابراهيم ناجي

رحلة الالف ميل تبتدأ بخطوة , لكن بما تبدئ رحلة الحب؟
بشعور مجهول يختنق في الاعماق فلا نحن قادرين على كتمانه ونحن خائفين من ابرامه ...بصدق وامل وارادة

تذكرة ذهاب بدون إياب يوم تحجزينها تكون في أي وجهة؟ و متى؟
الى المكان الذي يكون فيه من اعشقه ويعشقني ...متى لا أعلم الغيب

يسلمو نبيل عالأسئلة كتير حلوين وبيجننوا
وبدي احكي رأيي فيك مع انك ما سألت...انسان كتير حساس بيعرف الحب وكانت صدفة كتير حلوة لقاءنا بالمنتدى وقدري هذه المرة كاتن جميلا بمعرفتك:D

كيفك وشم رسبت بالامتحان ماجاوبت على سؤال :x:p

[quote=Abu Guzef;813739]

butterfly بحسها جد فراشة وحساسة كتير ولما تحكي شعر والله بتهزني من صماصيم قلبي

شكرا كتير كتير :oops: خجلتيني ...

خمس اسئلة شو بتعملي لو :

لو كنتي أكثر جنونا ً ...
لو كنتي مكان الحكيم ..
لو كنتي رجل ..
لو كنتي ناطق رسمي باسم بلادك
لو كنتي في تكريم .. لمحمود درويش ..

:D

شكرا كتير كتير :oops: خجلتيني ... والله مقصرة بتر فلاي ونفسي احكي عنك اشياء كتير رائعة بس والله عجز مو اكتر

خمس اسئلة شو بتعملي لو :

لو كنتي أكثر جنونا ً ...
ليس هناك من جنون اكثر من جنوني ...فأنا لي اللواء...بس احكيلك بتوقع اني رح انتحر لانتقل لعالم تاني هو اللي بتمناه ...بس الحمد لله اني مو اكتر جنونا

لو كنتي مكان الحكيم ..
رح حاول طرو اخوية اكتر ورح يكون هدفي تكون وطن لكل الناس اللي بيدوروا على وطن ...كيف لما صير مكان الحكيم بعيد الشر عنو بنحكي

لو كنتي رجل ..
سأحارب لتكون لي حبيبتي (هاد جوابي من منطلق الحب الكزاب ورغبة معظم الشباب تكون حبيبتهم الهم بس بلا تعب بدهم ياها عالجاهز ..وممكن رح ريّح ابي من هم البيت ورح اشتغل ليل نها منشانو )

لو كنتي ناطق رسمي باسم بلادك ما بينفع لانو رح تحتل البلد من تاني يوم ...

لو كنتي في تكريم .. لمحمود درويش .. ما رح اقدر سوي شي غير اني روح لبوسو...كتير بحبو وبحب شعرو بحب شكلو بحب كل شي الو صلة فيه

يعطيك العافية بتر فلاي وجد بيشرفني انك سألتيني ولو انو اجوبتي مو محددة منيح بس هاد اللي ببالي وحابة تكون كل الاجوبة عفوية وسريعة وبلا تفكير لتكون اكتر مصداقية:D

ابو جوزيف برضو بحبو مع اني ما بتعامل معه بس من الله شو نساوي

تسلمي احلا وشم الله يخليكي هاد من زوقك

:D

كاتب النص الأصلي : Abu Guzef

butterfly بحسها جد فراشة وحساسة كتير ولما تحكي شعر والله بتهزني من صماصيم قلبي

شو هالإقتباس هاد خليتيني راجع حالي شو حاكي

قال كاتب النص الأصلي انا قال

hanny dagher والله بيسوى الدنيا بينحط عالجرح ليطيب ...عمرو صغير بس عقلو ما شالله عليه كبير كتير ... رائع وبيشرفني اني تعرفت عليه
انو لك هاني شو عامل لحتى العالم كلها مخدوعة فيك:lol:
الله يعينون حرام مخدوعيين


لا والله ابو الهن بيجنن
بس لو بيغير رايو وبيجي:jakoush:
sweetbaby بعرفها بس ما اختلطت فيها
مو مشكل منختلط حبيبتي:D

يلا الاسئلة المعتادة
بس هني بصيغة مذكر
انقليون ع صيغة المؤنث



بتدخن؟
ازا اي من ايمت؟
اي يلا كم سيجارة بتدخن بالنهار؟؟؟
شو نوع الدخان اللي بتدخنه؟
بتشرب؟
ازا اي من ايمت
واديش؟
وشو اكتر نوع بتحبه
انت ليش هيك؟؟؟
شو اكتر غنية بتحبا؟؟ وليش؟؟؟
مين مطربك المفضل؟؟
.شو المواضيع اللي تقراها بالمنتدى
شو حلمك بهالحياة
شو الصفات اللي بتكرهها بالانسان
والصفات اللي بتحبها
شو حكمتك بالحياة
شو هيي صفات امراة احلامك
اذا ربحت مليون دولار, شو بتعمل فيها؟؟
انت سعيد بحياتك وليش
اذا لاء كمان ليش؟
.اذا فشلت بتحقيق حلمك شو رح تكون ردت فعلك؟
وشو هي اكتر مادة بتكرها و كمان ليش؟
هل بتامن بالابراج ؟ و علل جوابك
هل بتامن بالقدر؟ علل جوابك
هل بتامن بالسحر و المشعوذين؟ علل جوابك
عرفلي البيروقراطية والديكتاتورية
شو اكتر شي بيعصبك؟
شو اكتر شي بيفرحك؟
شو رايك بقضية الشرق الاوسط؟
شلون تعرفت على أخوية ..؟
شو هدفك بالحياة ...؟
مين أكتر أعضاء بتقارلون بالأخوية ..
كم اخ و اخت عندك؟
مين من اخواتك هوي المفضل عندك وليش؟
شو هوي فيلمك المفضل وليش؟
شو هي اغنيتك المفضلة وليش؟
مين مطربك المفضل وليش؟
مين ممثلك المفضل وليش؟
شو اكتر شي بتحبو بالحياة وليش؟
شو امنيتك بالحياة؟
شو ناوي تدرس؟
شو أكتر معادلة كيمياء حفظتها بحياتك؟
شو أحلى قصيدة مرقت معك؟
شو درس العلوم المفضل يلي حفظتو؟
شو حدود سوريا الجغرافية؟
شو طبيعة لبسك : سبور -فنكي -رسمي ؟
شو اكتر موقف محرج صار معك؟
بتعتبر حالك ن الناس ياللي بيحكو كتير؟
شو اكتر اسم بتحب للشب وللبنت؟
مين قضوتك بالحياة ؟
شو رأيك بالطفولة و الولاد ؟
مين أعز شخص على قلبك و ليش ؟
إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟
شو حكمتك بالحياة؟
شو أحلا أيام حياتك؟
شو الحياه بالنسبه إليك؟
شو بنظرك دموع الفرح أم بسمة الفرح؟
شوالشي الذي تتمنى أن يرجع؟
مين أعز إنسان لقلبك؟
موقف صار لك ولا تقدر تنساه؟
شو أفضل لديك بمراحل النمو هل هو الطفوله ام المراهقه ام الشباب أم الشيب؟
زيت المقلاية عم يحرقك شي؟


ازا اضطريت انو تختار بين تتين من رفقاتك شو بتعمل




الاجوبة لازم تكون مختصرة بمالايقل عن ست اسطر:lol:

مرحبا وشم انا وعدتك اني ارجعلك وهي رجعت
بس عن جد ما رح كتر اسئلة لاني بعرف المعاناة اللي عانيتيها لحتى تجاوبي عالاسئلة كلها لانو الكل ما شالله ما قصروا
1-شو اكتر مسلسل سوري بتحبيه؟
2-شو اكتر 4 اغاني عربية بتحبيها؟
3-مين اكتر كاتب بتحبيه؟
4-مين اكتر شاعر بتحبيه؟
5-بتحبي تستغلي قدرتك بالكتابة و الشعر كوسيلة لكسب المال؟و ليش؟
6-شو حكمتك المفضلة؟
7-شو بتعنيلك هالكلمات التالية:
بحبك
بكرهك
بغار
بكاء
ضحك
خبث
ابتسامة غدر
ابتسامة صادقة
حاليا حاجتك هدول الكلمات
8-شو بتعنيلك كلمات هالاغنية
لا تسل عن سلامته روحه فوق راحته(هاد مسلسل التغريبة الفلسطينية اذا ما بتعرفيه)
9-شو بتعرفي عن النظرية النسبية باختصار؟؟وهل ممكن تطبيقها؟؟
10-اخر سؤال بهالدفعة : شو رايك بوسيم (اللي هو انا)بدون مجاملة

يا حوينتك يا وشم زعلتيني عليكي هريتوها هري للمخلوقة:lol:

وشم الجمال
قوليلي شو رأيك بهدول الشغلات ..



الأعمى

الاحتباس الحراري

الاضطهاد

باميلا اندرسون

علم الاحصاء

الحمار

المشرفة سهيلة

سوريا

النوم

الجيش الاحتياطي

تعارف الانترنت

عمليات الليزر للعيون

فلم 300

اللون الأحمر

لغة الجافا

قسم السقيفة

الكلب (حيواني المفضل)

الإعدام

الكريمة (يللي بينحط عل الكاتو)

علاقات جنسية عابرة

الشعر الجاعد

الجاذبية الأرضية

السجون الخمس نجوم

السيطرة

بكاء الفرح

السفينة

أنت

أنــا


خلصو الاسئلة ..

اي ملاك هااا .. :angel::angel: هلأ انتي عيني ..

و أكيد الي الشرف بصداقتك .. :D

اي ملاك هااا .. :angel::angel: هلأ انتي عيني ..

و أكيد الي الشرف بصداقتك .. :D

عابد ملاك :shock::shock::shock::shock: :shock: عابد هادي وما بعصب بنوب :shock::shock::shock::shock::shock::shock::shock:: shock::shock:
اكيد كانت وشم نعسانة وقت جاوبت على هالسؤال :lol:

عابد ملاك :shock::shock::shock::shock: :shock: عابد هادي وما بعصب بنوب :shock::shock::shock::shock::shock::shock::shock:: shock::shock:
اكيد كانت وشم نعسانة وقت جاوبت على هالسؤال :lol:

كانت بكامل قواها العقلية ولو .. لا تحبطني انت .. :lol:

اي ملاك هااا .. :angel::angel: هلأ انتي عيني ..

و أكيد الي الشرف بصداقتك .. :D
:shock::shock::shock:ماعم اعرفك وانت ملاك عبوووود
عابد ملاك :shock::shock::shock::shock: :shock: عابد هادي وما بعصب بنوب :shock::shock::shock::shock::shock::shock::shock:: shock::shock:
اكيد كانت وشم نعسانة وقت جاوبت على هالسؤال :lol:
:shock::shock::shock::shock:شايف عابد مابعصب:lol::lol::lol:
وملاك:shock:

انو لك هاني شو عامل لحتى العالم كلها مخدوعة فيك:lol:
الله يعينون حرام مخدوعيي
الله يسامحك سويتي والله هاني نوارة


لا والله ابو الهن بيجنن
شايفة كيف حتى انت مخدوعة:o

بس لو بيغير رايو وبيجي:jakoush:

مو مشكل منختلط حبيبتي:Dولو رح بيكونلي الشرف والله

يلا الاسئلة المعتادة
بس هني بصيغة مذكر
انقليون ع صيغة المؤنث



بتدخن؟
لا ابدا


بتشرب؟
لا على الاطلاق
انت ليش هيك؟؟؟
لأنو هيك الدنيا وهيك الظروف (عذر اقبح من ذنب)بس برضو مو فهمانة معنى هيك
شو اكتر غنية بتحبا؟؟ وليش؟؟؟
الأطلال ...لاني بحسها بتحكي عني ولاني بحب كلماتها والموسيقى خاصتها شي ملوكي والله
مين مطربك المفضل؟؟
العندليب ..عبد الحليم حافظ
.شو المواضيع اللي تقراها بالمنتدى..
.الأغلب أدب والصالون
شو حلمك بهالحياة..؟
.أوصل لأشياء كتيرة اهمها اني لاقي الانسان اللي حبو ويحبني ...وكون ناجحة بكل مجالات الحياة خاصة المجال الاجتماعي شنو انا بحب الناس كتير
شو الصفات اللي بتكرهها بالانسان..
.عالتعميم ما في لانو الانسان كإنسان قمة بالروعة بس انسان هالأيام بكره فيه انو نحّى المشاعر وصار مادي بحت ...
والصفات اللي بتحبها..
.انو انسان :o
شو حكمتك بالحياة
اذا اردت شيئا فإن العالم كله سيطاوعك لتحقيق ما تريد
شو هيي صفات امراة احلامك...
فارس احلامي مجرد من اي وصف عدا انو يكون حنون وبيموت علي اما اي صفة مادية ما في
اذا ربحت مليون دولار, شو بتعمل فيها؟
رح بني بيت لأهلي ورح كمل تدريس اخواتي ...ورح ساعد اختي المتزوجة وزوج اخي وحط رصيد لكل اخ من اخواتي بالبنك(خلصوا لانهم كتار الحمد لله)واعطي جزء منيح لابي واعمل مشروع للعيلة ...وكمان رح اعمل وقف للأيتام ...ورح اتبرع بجزء لفلسطين ...ضل منهم شي؟؟رح خليهم لأساعد فيهم حبيبي :oops:
انت سعيد بحياتك وليش
اذا لاء كمان ليش؟
لأ لاني للحظة هاي مو قدرانة اتحدى حالي وكون ناجحة ولانو ابي مو رضيان عني بدراستي ولانو اخي زعلان مني ..بس سعيدة لاني بلشت لاقي حالي ولاني لقيت ناس بحبهم وبينحطوا عالجرح ليطيب
.اذا فشلت بتحقيق حلمك شو رح تكون ردت فعلك؟
الفشل بداية النجاح ..واي شي بدو محاولة واتنين وتلباتة ليصير ...من اقاصي اليأس يولد دائما منتهى الأمل:lol:
وشو هي اكتر مادة بتكرها و كمان ليش؟
مساقات الاحصاء ..لاني ما حزرت افهمها لسنة رابعة:oops:
هل بتامن بالابراج ؟ و علل جوابك
لا مو لشي بس لاني احيانا بشوف انو كل اللي بينحكى مجرد كربونة ...بس كعلم اي
هل بتامن بالقدر؟ علل جوابك
قطعا اي ...لانو اول شي من مستلزمات الاسلام الايمان بالقدر تاني شي لانو من وانا صغيرة عندي استيعاب كبير لقصة انو كل شي مكتوب ولاني كنت شوف كيف انو احيانا انا مخيرة واحيان تانية مسيرة
هل بتامن بالسحر و المشعوذين؟ علل جوابك
اكيد في سحرة ومشعوذين بس اني اؤمن بقدراتهم لأ ...هم مجرد ناس عاديين بيحاولوا بتأثير بصري انو يخربوا الدنيا ...وبرضوا بيتساعدوا مع الجن بهالقصة(انا بؤمن بهالموضوع بالمناسبة )
عيوني انا هلأ بدي اطلع عالجامعة بعدين بكمل لاني اذا ما طلعت هلأ رح تروح علي المحاضرة الاولى
شاو ونلتقي قريبا :D

اي ملاك هااا .. :angel::angel: هلأ انتي عيني ..

و أكيد الي الشرف بصداقتك .. :D

انا بالأكتر عابد..وجد وبدون مزح هلأ والله اني بحبك بس لاتحركش فيك هالنكوشة ...وخلص ما دمنا اصدقاء عليك الأمان

عابد ملاك :shock::shock::shock::shock: :shock: عابد هادي وما بعصب بنوب :shock::shock::shock::shock::shock::shock::shock:: shock::shock:
اكيد كانت وشم نعسانة وقت جاوبت على هالسؤال :lol:
انت مصمم تخرب العلاقات ليش؟؟؟
لك ملاك وما بيعصب شوف الهدوء اللي بوجهو شوف
عالهامش ...اكيد مع الايام رح يصير رايق

تسلمي احلا وشم الله يخليكي هاد من زوقك

:D
لا والله مو قصة زوق ولا ما يحزنون بس بحب عقلياتك المجنونة :o
بمزح معك مو مجنون وبحب تفكيرك كمان
اتهنى يا عم:D

عطينا هيك شي موقف مريتي فيه بيضحك مشاان نضحك خخخخخ..
ما فيه شي ببالي بس بمرة وانا سنفورة كان في مصعد منزوي وشكلو غريب وما كان حدا يستخدمو بس انا ما بحب ما جرب فمحسوبتك راحت وطلعت فيه واذ به مصعد خاص للمطبخ بتاع الكافتيريا وخدلك يا مسخرة من العاملين ..بايخ ما :o





ههههههههههههههههههههههههه ههههههههههههههههههههههههه هههههههههههههههههههه:lol:

:o
لا بايخ ولا شي موتيني من الضحك:o