بس شو نسيت العقدة اللي عنا هي تبع طب وطب اسنان وصيدلة او انت فاشل ونظرة المجتمع الك هي نظرة دونية
اليوم اذا بتجيب شبين شب بكاوريته علمي والتاني صناعة الناس بتتطلع عالصناعة وكانه من عالم اخر


اي مظبوط هالحكي بس لما العالم بتشوف ان هالصناعي الو شهادة قوية بقوة الفروع الاكاديمية فراح يتوجه الو هاد غير ان في طلاب بالفعل ما منشائنها ان تقدم بكلوريا لانن انتاج العلمي غير مكتمل وبالعكس يمكن بيابدعو بالمجال الصناعي
هاد غير ان فكرة العوائل المحتاجة راح يلاقي ان اوفر لاالو ان يختار الفرع الصناعي وخصوصا ان نص الشبية تبعنا الي عم تشتغل عم تشتغل بغير فروع عملها هاد غير الي عم يطلع للخليج
يعني هالعملية اذا اندعمت راح نشوف توجه كيبر للشباب لالو
في شي كتير غريب طارق
الالمان من الحاملين شهادة البكلوريا (والي مابتجي غير بعد 13 سنة واختبارات لسا العن من الي عنا)
60% منن بيختارو عدم الدحول للجامعة والانتقال لفرع مهني لان معدل الدخول منها هداك البعد الكبير بين الفرعين هاد غير ان اريح من وجع الراس الفحوص والدرس

لان هالشي الو اثر سلبي بعدين علي مجتمعنا

كيف يعني؟


هالاطفال الي عمل تتشكل شخصيتهن باحد قطاعات العمل راح يكون في عندن مشاكل نفسية وجسدية راح يرسوخها بعوائلهن وهاد بيهدد مستقبل هالشريحة الي ما اعدت بشكل مناسب والي راح يكون مستواها الثقافي والاجتماعي مزعزع

لاقفل الموضوع وانتقل لغيره بدي منك ب6 اسطر شو بتقول للست ديالا حاج عارف معالي وزيرة الشؤون الاجتماعية والعمل :

اممي خلينا ننكش موضوع عن الخيانة الوطنية لكريم ( الرب يفك اسره)

فقيش هون لقلك (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
وعطيني تعليقك عليه لنحكي

لاقفل الموضوع وانتقل لغيره بد
ي منك ب6 اسطر شو بتقول للست ديالا حاج عارف معالي وزيرة الشؤون الاجتماعية والعمل :


ماراح احتاج ل6 اسطر
لان عدد العاطلين عن العمل والشباب الي عم تقتل حالها منشان تطلع لبرا من اجل فرصة عمل شو ماكانت ولو كانت جلا صحون ومع تفاقم حالة الاسر السورية تحت نير هالغلا الي عم يسلب الانسان كل مايملك كل فيه يبعتلها رسالة فيها معالي الوزيرة تفهم لحالها عن اداء عمل هالوزارة ولجان التابعة لالها

بالنسبة لموضوع الخيانة هاد كان اداتنا لما كان بدنا نطرد حدا من الحزب وهاد نفس الي الي بسموه الاسلامين بالكافر والي بيحلوا عليه الذبح والي كانوا بيسميه المرحوم باذنه تعالي( الرفيق ستالين) بعدو الثورة ونفس المصطلح الي بيستخدم الغرب اليوم تحت اسم ارهابي
بكل بساطة كل هالتسميات مابتهدف غير لشي واحد والي هوه الغاء الاخر بدون مابنوقف لنسمع او ناقش مع
وهاد ناتج عن القصور بالوعي الي عم يقتحمنا كلنا وبمافيهن انا وانت
وبنفس الوقت ماراح نلغي فكرة ان في ناس بالفعل بتبيع ضميرها للاجنبي او للعملة او لمسببات تانية بس بعتقد هدوليك مافي داعي لتسميتهن باسم بل بعتقد ان نازم يتحاكم وياخذ جزاءهن

الخيانو شي موجود بس اليوم صفة الخيانة صارت تنطبق على مين ما بدنا
انا اليوم مو عاجبتني الشيوعية او الاممية معناتا انت خاين وعميل مستقوي بالخارج وبدك اسقاط النظام
وبيبدا الحكي على هالاساس
بصراحة نكشت الموضوع بعد اوركستر التخوين اللي عم تصير بالمنبر وبشكل شبه مستمر رغم انو الشباب ياس وبلاك قالوها الف مرة لا تخونوا حد هون

انما اذا كانت عقدة التخوين بعدا مزروعة فينا رغم انو كتار من اللي عم يحكوها هني جامعيين ومثقفين ومن جهة تانية عم نطالب بحرية وديمقراطية كيف رح يمشوا ؟
وشو المفروض يصير برايك؟

الخيانة هي محاولة زعزعة النظام وشو ماكان هدا النظام .


الخيانة هي ارتكاب فعل واعي ضد المصلحة العليا للوطن ... و لمصلحة دولة اخرى (و مو مهم تكون معادية او صديقة)


اي التعريفين تراه الافضل ؟

تعريف المطبّل/المزمّر: شخص يتكلم عن الواقع السياسي أو الاجتماعي كمن يحضر مباراة كرة قدم... تشجيع و تصفيق و هدف و أفحمتو و أخجلتو و قوية يا أبو فلان و عاش لسانك أبو علتان...

لا خيانة الا الخيانة, حب الوطن له طيف واسع كطيف الالوان و طيف الفكر و حتى طيف العلم و الاستيعاب..... و التخوين كالتكفير, وسيلة أصحاب الفكر المحدود ان لم نقل مفقود للطعن فيمن يعارضونهم فكرهم (أو للطعن فيمن يمتلكون فكرا غالمخوّن أو المكفّر غالبا لا يملك فكرا انما يملك قشا عقليا سريع الاشتعال بفعل شرار الديماغوجيا السياسية)...





بتمنى تعطيني رايك باللي اتكتب مع الشكر لياس

اممي وين غطست؟

اممي وين غطست؟

sorry but i am now in the uni :cry: and maby i will be in my home after 11

بالانتظار خيي

بتمنى تعطيني رايك باللي اتكتب مع الشكر لياس



بالنسبة لموضوع الخيانة هاد كان اداتنا لما كان بدنا نطرد حدا من الحزب وهاد نفس الي الي بسموه الاسلامين بالكافر والي بيحلوا عليه الذبح والي كانوا بيسميه المرحوم باذنه تعالي( الرفيق ستالين) بعدو الثورة ونفس المصطلح الي بيستخدم الغرب اليوم تحت اسم ارهابي
بكل بساطة كل هالتسميات مابتهدف غير لشي واحد والي هوه الغاء الاخر بدون مابنوقف لنسمع او ناقش مع
وهاد ناتج عن القصور بالوعي الي عم يقتحمنا كلنا وبمافيهن انا وانت
وبنفس الوقت ماراح نلغي فكرة ان في ناس بالفعل بتبيع ضميرها للاجنبي او للعملة او لمسببات تانية بس بعتقد هدوليك مافي داعي لتسميتهن باسم بل بعتقد ان نازم يتحاكم وياخذ جزاءهن



هاد هوه راي :D

اي التعريفين تراه الافضل ؟


انا بعرف الخيانة كالتالي :
الخيانة هيه تنصل الانسان وبشكل متعمد عن وعد او واجب او دور تجاه قضية او مبدا او قيمة انسانية وبالتالي القصة لاتتوقف عند الوطن كمفهوم بالتتعداه الي علاقة الفرد الواجب /الفرد الاسرة / الفر للفرد

وفقا للموضوع الذي طرح اي من التعريفين هو الاقرب لمصطلح الخيانة الوطنية
ومتى نقول عن الشخص انه خائن للوطن خاصة مع سيمفونية التخوين المنتشرة

انا بعرف الخيانة كالتالي :
الخيانة هيه تنصل الانسان وبشكل متعمد عن وعد او واجب او دور تجاه قضية او مبدا او قيمة انسانية وبالتالي القصة لاتتوقف عند الوطن كمفهوم بالتتعداه الي علاقة الفرد الواجب /الفرد الاسرة / الفر للفرد


برجع برد باقتباس من خلال التعريف الي حطيت فوق لاني بعتقد شامل لكل انواع الخيانات وبالتالي يمكن ان يضم التعريفين معا

بدي اطلب منك تختار 5 مقاطع غنائية او موسيقية بتعبر عنك

يعني فيك تقول هدول تقريبا كل وحدة منن واكبت مرحلة من حياتي رغم ان كتير صعب ان تحجز هالتراث الرائع من الابداع الشرقي ب 5 مقطوعات


بغيبتك /مرسيل خليفة
رفيقي صبحي الجيز/خالد الهبر
جواز السفر/مرسيل خليفة
اليلة بدي خلي الكاس يفز بوس القنينة//مرسيل خليفة
مانسي العرزال/نانا

لما بنسمع مرسيل خليفة بالاغاني اللي ذكرتون او بغيرون من اعماله بتحس بشجن كبير وحنين للام والبلد والانسان
بس اليوم مرسيل خليفة شبه محارب بالعالم العربي
هل العرب مدينون له بالاعتذار يوما ما ؟

لما بنسمع مرسيل خليفة بالاغاني اللي ذكرتون او بغيرون من اعماله بتحس بشجن كبير وحنين للام والبلد والانسان
بس اليوم مرسيل خليفة شبه محارب بالعالم العربي
هل العرب مدينون له بالاعتذار يوما ما ؟


المشكلة ان انا مابومن بالعرب كامة منشان اومن ان في اي حق طبيعي ينحط عليهن
بس سواء كان مارسيل او محمود درويش هنن شخصيا مابعتقد بيطالب حدا بهالاعتذار لان اعمالن وحب الناس الن كان اقوي بكتير من الاقلام المسمومة الي كانت ولازالت عم تحاول عبث ان تطعن بهالفن

جواز السفر لمرسيل خليفة بتحمل الكتير
وقت اممي بيسمعا لوين بتاخده؟

جواز السفر لمرسيل خليفة بتحمل الكتير
وقت اممي بيسمعا لوين بتاخده؟


يعني فيك تقول قبل سنيتن لما كنت قدام شاشة الاخوية لسجل كعضو وطلع ان نازم حط اسم حركي
مااجي ببالي غير اممي
يعني المراحل الي عشناها والتنقلات الللا منطقية من مكان لمكان من اجل العيش بسلام لا اكثر ولااقل خلتني اممي عنجد وخلتني احس عن تجربة بعدم وجود حدود حقيقة لاي وطن الا علي الخرائط
كل قلوب الناس جنسيتي ....هالغنية بتاخذني علي وطني فشو بدك اكتر منهيك :D

يعني المراحل الي عشناها والتنقلات الللا منطقية من مكان لمكان من اجل العيش بسلام لا اكثر ولااقل خلتني اممي عنجد وخلتني احس عن تجربة بعدم وجود حدود حقيقة لاي وطن الا علي الخرائط



كيف يعني؟

رفيقي صبحي الجيز/خالد الهبر

رجعت غنتا فيروز وبعرف انها من اغانيك المفضلة

قديه نحنا بحاجة لصبحي الجيز بعالمنا اليوم ؟

وبمين بتشوف صبحي الجيز

يعني المراحل الي عشناها والتنقلات الللا منطقية من مكان لمكان من اجل العيش بسلام لا اكثر ولااقل خلتني اممي عنجد وخلتني احس عن تجربة بعدم وجود حدود حقيقة لاي وطن الا علي الخرائط



كيف يعني؟

انا عشت خلال ال 24 سنة الماضية بين اكثر من 5 دول وبكل بلد كنت بعمل فيه صداقات وبشكل فيه عالم الي سرعانما بيفرط نتيجة انتقالنا الي بلد اخر بين حروب وملاحقات وايام سودا
خلال هاللفة للعودة الي سوريا كان في من اممي شي بكل بلد عاش فيه لدرجة ان مافيه يقول ان بيتبع لبلد معين ومحدد

رفيقي صبحي الجيز/خالد الهبر

رجعت غنتا فيروز وبعرف انها من اغانيك المفضلة

قديه نحنا بحاجة لصبحي الجيز بعالمنا اليوم ؟

وبمين بتشوف صبحي الجيز

صبحي الجيز هوه رمز لكل هالجنود الي بيموتو عالساكت والي النصر بينسرق منهنن
هنن الي بيبنو بالعتمة وبيحلموا بالعتمة ومابيضهروا للنور غير علي شكل جثث محمولة عالاكتاف ومرفوعة فوق الروس
يمكن ديما بتكون صبحي او يمكن اسامة او يمكن انت ...كل الناس الي عم تحاول تخلي هالانسانية ارقي هيه هالجيز:D

وصلتني فورا هالبرايفت اللي فيها 5 اغاني طلب صاحبها انو تعطي رايك فيهون

احكي للعالم / ريم البنا (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

انجبني / جاهدة وهبي (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

انا من هون/ ديمة اورشو (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

بلا ما نسميه/ تانيا صالح (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

مانسي العرزال/ بصوت مي نصر

وصلتني فورا هالبرايفت اللي فيها 5 اغاني طلب صاحبها انو تعطي رايك فيهون

احكي للعالم / ريم البنا (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)



بعتقد ان هلق راح نطول كتير والردود راح تكون شوي مختلفة لان هالغنية منعتني ان كمل الالبوم وسببتلي حالة من الاسر لمدة اكثر من اسبوع


احكي للعالم احكيلك
عن بيت كسرو قنديله
عن فاس قتلت زنبقة
وحريق اودا بجديلة
عن شاة لم تحلب عجنة ام ماخبزت وسقف طيني اعشب

احكي عن كل الاحلام الي رسمناها والي عشناها بالذاكرة بالروح بكل ضحكة اطلقناها واتبعثرت بهالهوى والي ماصفا شي منها الي محاولات يائسة للتخلص منها .... اه من المغول الجدد يارفيقي

حنا لا اذكر قسماتك لكني اجهد كي اذكر
في قلبي ذكرى خطواتك ...

مافيني اسمع هالغنية غير حس حالي واقف علي شرفة بيت بالبرامكة فيني شوف من كل خطواتنا بالشام
بكل الاحاسيس بكل المحبة بكل شي حلو بس للاسف ماعاد موجود

كنا ما اجمل ماكنا يابنت الجار وياحنا
كنا فلماذا اعيننا صارت بالغربة مجبولة
ولماذا صارت ايدينا بحبال اللعنة مجدولة


ريما انسانة قبل ماتكون فنانة منشان هيك بتطلع كلماتها للروح لتغمرها بكل الحزن القادم من هديك الارض وبنفس الوقت بكل الحنان والامل
ريما ...كل مازادو الحصار عليكي ارفع صوتك اعلي ماحدا فيه يحط صوت بالسجن
صوتك اعلي من كل السواتر وجدران الفصل

نفس الغنية غنتها ديما اورشو اللي الها كمان غنية هون

لو سحبنا صوت ريم وديما
وخلينا كلمات سميح القاسم

كيف بتشوفا؟

انا من هون/ ديمة اورشو (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

الي اختار هالاغاني الو معرفة منيحة فيني كنت بتمني اتعرف عليه اكثر لانن بالفعل هالاغاني بتعني شغلات بتوصل للقدسية عندي

انا من هون
من المشوار الواصل بيني وبين الكون
امن سهول بتعطي غلات وتنهيدا
بتعطي للعالم جبهات بتعطي للاخرس جبهات
انا من هم الحصادين ...وبعد بيعطي غلال
من العنقود الي عم تحضن حبات سلال
من الكرم الي واقف ناطور متل المارد واقف شارد

لما بسمع هالكلمات بحس حالي عم امتزج مع تراب الشام وبطفو علي شي بركة بالزبداني وبشم ريحة هالبلد ...وبحس كل اوجاعنا الي بتخلق فينا سعادة مافيها يحس فيها غير ابن هالشرق
كيف تقدر صوت ان تغمس روح علي بعد 4000 كيلو متر بتراب محددة بنسيج ذاكرة مابتهرم ..وبتمتزج لتصفي روح وحدة
ولو بتسال عن سر الدنية بقلك هون ....انا من هون

وبتنتهي هالسرد الكتير بجملة صعب بيتعرف فيها اي وطن باجمل وابسط منها
انا من هون .... انا هون


عفكرة هالاغاني نصن عم حاول ابتعد عنن لان بالفعل كتير صعاب علي انسان بعيد عن بلد
صوتك ديمة بيكفي ليصلب البشر كلن وبنفس الوقت بيمنحن الفصح

بعتذر عن البطئ بالردود بس لما بتكون الاصوات بهالرقي من الصعب ان الواحد يعبر بجملة منها ممزوجة بالروح
ولي بيكون ملتصق بالروح بد زمن لينبثق منها ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

نفس الغنية غنتها ديما اورشو اللي الها كمان غنية هون

لو سحبنا صوت ريم وديما
وخلينا كلمات سميح القاسم

كيف بتشوفا؟


الرائع بهالموضوع طارق ان لما بتسمع احكي للعالم بصوت ريم ولما بتسمع بصوت ديما بتحس ان كل وحدة عم تغني غنية تانية هلق انا نزل موضوع كامل عن هالشي
وهاد اذا مابيدل فهو بيعبر عن قديش هالصوتين رائعين
بس بنفس الوقت الكلمات نابعة من عاطفة للشاعر مافيك الا تحسها وتلمسها وانت عم تقراها بيعيونك وعن تجربة لحد هاليوم مثقلة كل ضمائرنا او ماتبقي من ضمائرنا عن هديك البلاد الي ماعاد النا علاقة فيها غير بنشرة اخبار الساعة 9 وكلمة ياحرام
الكلمات صورة كتير واضحة عن الم الفلسطيني الي بعتقد ان بيكفي بغنية وحدة بتبقي القدس والي بتكفي القصة الي بيبلش فيها القاسم باحكي للعالم

الشام هي وجعي, لانني اعرف انني لا استطيع ان اراها او ازورها, ارجو ان تهديني طوق الياسمين ولو افتراضياً.


ريم البنا

ريم البنا


ذات يوم ياريم سنلبسك جميعا طوقا من ياسمين الجليل علي مسرح فوق كل التراب الفلسطيني سيفترس بنورك ظلام سنين طويلة من القهر

اممي قديه نحنا اليوم بحاجة لفنانين متل ريم البنا او ديما اورشو؟

اممي قديه نحنا اليوم بحاجة لفنانين متل ريم البنا او ديما اورشو؟

للاسف الواقع الي عايشينوا اليوم من تشتت كل التقدمين والمثقفين وانقسام شبابنا بين فوضوي يدعي اليسار او اليمين او اي فكر مابيعرف غير بالاسم ويمين رجعي متطرف عم يرجع وبشكل منظم مجتمعنا لعصور الظلام الي عاشوها الاروبين
فبعتقد ان اكثر من اي زمان هاد زمانهن
الفنن هوه اداة للارتقاء الانساني نحو مجتمع افضل وللاسف مافي اي اعلام مرئي او مسمعوع عم يحتضن هالاصوات الي عم يثبت شريحة معتبرة من الشباب الي لساتن عندن حلم بهالبلد ان بيرغب يسمعوهن
قبل فترة صار في ضجة لمنع مجموعة من بائعات الهوا(مغنيات ملاهي ليلية) ان يفوتو علي البلد وان هالامر ماكان من حق رئيس نقابة الفنانين ان يتخذ
هلق رغم ان الرفيق صباح عبيد انا عندي الكتير من الملاحضات عليه بس بعتقد ان عملية اغتصاب سمع المواطنين نازم تتوقف

ريم ديمة جاهدة مرسيل والعديد من هالاصوات الي عم توصل نور الله لعتمة زوايا انفسنا ...انت ادوات هالمجتمع للتقدم
لاتزعلو ا اذا التقيتو بعامل او فلاح مابيعرفكن بس اكيد يوم من الايام اولادهن راح يسمعوكن وراح تطرد بارواحكن كل هالوسخ الفني الي عم يكتم علي انفاسنا

بلا منسميه/ تانيا صالح

بتحسسك بسياسة الاقتصاد المفتوج ومنظر المجتمعات الراسمالية الي فيكن تطلعو بكل بساطة تشوفوها بالمالكي
اولاد سايبة بيعملو شو مابدن لان اهاليهن مليونيرية من جيوب هالشعب الجوعان
خدامات من كل الجنسيات لدرجة انك تحس حالك ماشي بجنوب شرق اسيا
مجتمعات الاتكيكت فيها فوق العائلة وفوق المحبة شي بارد باسم الحضارة ...وتعرية رائعة من تانيا لهالحالة
و بلا منسمية

خليه عالطبيعة خليه
هي اكتر شي بيعلق من هالغنية

قديه اليوم نحنا بحاجة تانيا والطبيعة الموسيقية

وشو السبب انو تانيا لليوم ما قدمت شي جديد ؟

بنطر ردك وباقي الاغاين وباقي الفقرات بكرا ان شاء الله

عدنا وناطرين اجابات اممي

خليه عالطبيعة خليه
هي اكتر شي بيعلق من هالغنية

قديه اليوم نحنا بحاجة تانيا والطبيعة الموسيقية


وشو السبب انو تانيا لليوم ما قدمت شي جديد ؟


كل خوفي ان تانيا صايبها حالة قرف من الوسط الفني منشان هيك ماعم تقرب
شي كتير غريب ان هيك صوت وهيك موهبة مابنسمعها منها غير البوم واحد
اما بالنسبة عالطبيعة فبعتقد ان الموسيقي شي كتير شبيه بالاكل يعني لما بتكون النفس مافيها تستسيغ فبيصير شي للكب فقط ومابيترك اثر علي جدار الذاكرة
المشكلة الي عم تصيب الفن الجديد عنا هوه عم يتحول لعرض ازياء مصبوغ ببوزاات الفنان او الفنانة مع اصوات مالها علافة بالكلمات عم تحول العمل لصوت طرطيرة معباية خراخيش نازلة بعجقة البرامكة
بتمنى ان تانيا بترجع بتتحفنا بالبومات تانية :D

بنوصل لهالرائعة الي وقفتلها موضوع كامل بالاخوية الي اسمها
مانسي العرزال

هالغنية انا بعتقد ان كل الي غنوها اكتسبوا جمالية صوتن من قوة وعظمة كلماتها رغم ان الاربع اصوات الي انا سمعت منن هالغنية كل واحد منن تارك شي من عليها...
هالكلمات بتحسسك بشي من قلب الطبيعة بيغور بصلب المشاعر الانسانية موصوف بشكل بيوقف الزمن كل علي اعتاب هالحبيب الغايب
وبيربط كل الامل بالحياة وبروحو الي ماعم ترضا ان تنشطر عن هالارض
كان المكان اخذ جمالية من امتزاج هالنور علي اطراف

اما مي نصر فهالمخلوقة اول مرة سمعتها كانت ب علي طريق عيتيت
كل الي بذكر ان صابتني حالة غيبوبة وانذهال بصوت ملائكي نادر الوجود بس بنفس الوقت انا بعتب عليها كتير ان لحد هلق ما الها البوم واحد يعني كل انتاجها علي خشبات المسارح
ناطرين البوم كامل منك باغاني يكون صوتك اول من افقدن عذريتن

اممي بالعودة لمرسيل خليفة وقبل ما اقفل موضوع الموسيقا
اليوم في شائعة بتقول انو مرسيل خليفة مرفوع علي دعوة بالقضاء السوري لانه لغا حفلة مهرجان بصرى السنة الماضية قبل ايام قليلة من موعدها
وكثرت الاتهامات على مادية مرسيل

شو تعليقك؟

اممي بالعودة لمرسيل خليفة وقبل ما اقفل موضوع الموسيقا
اليوم في شائعة بتقول انو مرسيل خليفة مرفوع علي دعوة بالقضاء السوري لانه لغا حفلة مهرجان بصرى السنة الماضية قبل ايام قليلة من موعدها
وكثرت الاتهامات على مادية مرسيل

شو تعليقك؟

هاي منها اكثر من اقلام عم تحاول تشوه صورة الاه
مارسيل معروف متل متل كثار من الفنانين الملتزمين الي بيروح نسبة كبيرة اذا ماكان كل الريع من اي حفلة بيعملوها لجهات خيرية او لدعم جهات عم ثقافية فهالحكي بعتقد ان بيتسجل علي رصيد الكلاب تنبح والقافلة تسير

اممي بدي منك شي خلال هالمساحة الفاضية اللي رح اتركا بدي منك تترك شي للبرنامج من اممي
تعليق او كلمة او صورة او غنية اللي بدك ياه

















































المساحة الك

في مرات الانسان فيه يكتب جمل كتيرة وبيعبي جرايد بس بالاخير فينا نلخص الحكي تبعو بسطر
حابب حط هون كذا كلمة مافينا انا بومن انن هنن اساس هالحياة بدونن مابيعود في داعي ليكفي الواحد


محبة ,حلم , امل , ايمان

بعتقد ان هدول موبس بيعبو هالمساحة الفاضية علي هالصفحة بل فيهنن يعبو المساحة الفاضية بكل واحد مننا