هاد عنوان البرنامج الجديد اللي رح ابدا فيه بست حلقات تمهيدا لنكمل فيه خلال شهر رمضان

الفكرة هالمرة تعتمد بالدرجة الاولى على شخص كل ضيف بحد ذاته اضافة لقضايا انسانية

فقرات البرنامج
1- انساني
رح نقرا نسمع او نشوف تقرير عن حالة انسانية بالعالم ونناقشا مع الضيف

2- من عنا
رح نقرا موضوع قديم باخوية ونناقشه مع الضيف

3- الصوت
رح نشوف ذوق ضيفنا الموسيقي ونطلب منه اختيار مقاطع موسيقية ونحكي معه فيا

4- الرائحة
رح نرجع مع الضيف لبداياته هون ونتذكر ايام قديمة

5- الشكل
رح نشوف ذوق ضيفنا الفني بالرسم والتصوير

6-محامي الشيطان
هي مفاجأة تامة



توصيات عامة
1- يمنع المشاركة والرد قبل واثناء وبعد الحلقة لاي عضو كان بمن فيهم مشرفي القسم
2- عند مناقشة الموضوع القديم يمنع نكش الموضوع لاحقا وفق ميثاق الجودة
3- لقيت شي ما ظابط = مشاركة عاطلة
4- الى كل الضيوف : ارجو عند تحديد الموعد الالتزام به ؛_شفنا شو صار من قبل _
5- يحق لاي ضيف الاعتذار عن اي فققرة يشاء

وماشي الحال ..:o

يا سيدنا الله يعطيك العافية عنجد .. في عالم عم تتعب على اخوية كتير ..

وانتي واحد من الرواد بيناتن ابو طريق .. يعطيك العافية باسمي واسم الشباب باخوية:D

مافهمت ششي :oops:ووووضحو الفكرة اكتر

وماشي الحال ..:o

يا سيدنا الله يعطيك العافية عنجد .. في عالم عم تتعب على اخوية كتير ..

وانتي واحد من الرواد بيناتن ابو طريق .. يعطيك العافية باسمي واسم الشباب باخوية:D

حبيبي علاء يسلموا كتير
المسا بنفرش السجاد الاحمر لاول ضيوفنا اللي هوي:00000000000000000000000000000

sandra
ضيفة الحلقة الاولى الليلة بنبدا
وبوجه الدعوة لاممي يكون بعدا بالحلقة الثانية

يازلمة صاير عبحسك نيشان هاليومين :lol::p

يازلمة صاير عبحسك نيشان هاليومين :lol::p
لك لا
اذا نيشان لازم يكون ساندرا واممي ويكونوا التنين قدامو ويبلش غزل بساندرا ويقلا بدي قلك انك حلوة كتير:p


لا الصراحة الفكرة كتير حلوة وبانتظار البرنامج نيشان
قصدي طارق

أنو قلبي عم يدق مدري ليش :lol:
أوكي منلتقى الليلة :D
ماتنسولي السجاد الأحمر

لك لا
اذا نيشان لازم يكون ساندرا واممي ويكونوا التنين قدامو ويبلش غزل بساندرا ويقلا بدي قلك انك حلوة كتير:p




اي هو هيك رح يصير الظاهر :p:lol:
:D

ما بحب نيشان .. تقيل دم

طارق اهم :gem:

حيو ابو طريق... حلوة منك :D

عنــجد فكرة كتـيـر كتـيـر حـلوة...متـابعين :D

فكرة حلوة كتير


بالانتظار :D

عن جد فكرة حلوة كتير ورهيبة ,,,وفرصة بنتعرف على الناس الموجودين هون اكتر ,,,

الله يعطيك العافية ماااااااان,,,,:D

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اهلا وسهلا بساندرا ضيفة الحلقة الاولى وبرجع بطلب من كل الاعضاء عدم الرد نهائيا

ساندرا عذار عالتاخير اللي صار بسبب حجب اليوتيوب

رح نبدا بتقرير عن حجب المواقع في سوريا رح نقراه سوا ونناقشه

في مصر , تسمى الصحافة (صاحبة الجلالة) ,وفي العالم هي السلطة الرابعة ,أما في سورية هي تلك الكلمة المخنوقة التي تنطوط من هنا وهناك وتجتاز كل الأسلاك الشائكة وعيون الرقيب لتصل سالمة أو بأقل الأضرار الممكنة إلى القارئ..
في عامي 2005/2006كانت سورية الكترونياً تحفل بالمواقع الإلكترونية والنقاشات وكانت الصحافة الإلكترونية السورية بالتحديد لاعباً أساسياً في ربيع سورية الإلكتروني, كان حينها الهامش أوسع ,مما حدا بي لكتابة أول مقال أنشره وأنا الطالب الجامعي الذي استهوته مقالات المشاكسين كنبيل صالح ,وسعاد جروس ,وباسل ديوب , وحكم البابا , ويعرب العيسى,وزاد من شراهتي النقاشات حول مسودة قانون الأحزاب المنتظر(عجل الله فرجه) ,و النقاشات حول إعلان دمشق ,و ما إلى ذلك من نقاشات تعنيني كطالب جامعي فاشل بدراسته بحسب تعبير أحد الذين حاسبوني على ذلك المقال, .. دفعتني كل تلك الظروف ,والكم الهائل من القراءات والحراك في موقع الحوار المتمدن ,والجمل , ومرآه سورية,وجدار, والرأي, إضافة لولادة صحافة جديدة في سورية ممثلة وقتها بسيريا نيوز,وكلنا شركاء , لأن أتجرأ وأبني مشاكستي الخاصة ,وتحديداً بوجه التقنين الطائفي (تقنين هنا ليست بمعنى التقشف بل هو تحويل كل طائفة إلى قن دجاج لا يجوز التمصيع خارجه),فكتبت مقالي الأول "إذا كنت بوذياً فلا تقترب من جامعة البعث" وتسبب مقالي الساخر هذا باستدعاءات أمنية وفصل لمدة 6 أشهر من الجامعة ,وحملات من التضامن ,الآن وبعد سنتين ماذا تغير ؟؟


مرآه سورية تلك النافذة إلى الداخل السوري أغلق لسبب عضال,
الحوار المتمدن والنفس اليساري العلماني محجوب ,
كلنا شركاء الذي جمع السوريين بنشرة الكترونية محجوب,
جدار وما كان يقدمه من وجبة ثقافية دسمة محجوب,
سيريا لايف اختار كمرآه سورية أن يتوقف هو الأخر بعد أن أصابته آفة السوق الرأسمالي (الكبير بيبلغ الصغير فابتلعوه),
سيريا نيوز أصبح موقعا إخباريا عن الداعرات,و الإغتصابات ,وسفاح القربى ,ولصوص من فئة ما دون مدير عام,
الجمل وإن استطاع شغب نبيل صالح أن يستمر في وخزه رغم أنياب الرقيب ,فقد أهم كتابه ,وتحقيقاته الصحفية المتقنة ,ووصل إلى مرحلة بحاجة إلى أن يجدد دمائه ,أو سيغلق كأسلافه
مواقع المعارضة السورية وإن مارست نفس لغة الإعلام الرسمي ولكن بإختلاف في جهة التأليه, وجهة الشتم ,حجبت جميعها
ماذا بقي إذاً من الصحافة الإلكترونية السورية ..؟؟
قد أبدوا متشائماً ولكن الحقيقة يجب أن تقال :إن ما بقي من الشبكة العنكبوتية سورياً ما هو سوى توأم سيامي عن الإعلام الرسمي ,نسخة فوتوكوبي عن الدجل الحكومي عبر صحافة صفراء تمارس الإستمناء الإعلامي, وما ازدياد شراسة الرقيب في الأشهر الأخيرة إلا إجهاض لأي محاولة لإنعاش جسد الإعلام السوري , وتطفيش الصحفيين, ,قال لي أحد رؤوساء تحرير الصحف الإلكترونية أنه تعب من كثرة الإتصالات التي ترده من إحدى الجهات بعد كل خبر خارج عن سرب التسبيح بحمد الحكومة,
جرى خلال العام الماضي اعتقال لعدد من الشبان والطلاب الجامعيين بعد أن كتبوا تعليقات ومقالات نقدية في منتدى أخوية والذي دخل في برزخ الحجب
صديق آخر ومالك لأحد المواقع الصحفية الإلكترونية يشتكي من فقدانه لكل أشكال التمويل نتيجة هروب الشركات من الإعلان في موقعه بعد أن أزعج بمقالاته أحد المتكرشين من واسعي النفوذ,
ومن الملاحظ في الفترة الأخيرة أنه لا يكاد يمر يوم دون أن نلاحظ أن هذا الموقع أو ذاك قد نشر مقالاً نقدياً ثم عاد ليخفيه أو يحذفه ,أو يبعده عن الصفحة الرئيسية ,
صحفي شاب ومتميز ,مل من طرق أبواب المواقع الإلكترونية ,ونتيجة لسوء حاله المادية أضطر للعمل أخيراً كمراسل في موقع سوري شبه رسمي لقاء أجر زهيد بدرجة تدعو للإشمئزاز (50 مادة خبرية أو تحقيقية شهرياً لقاء 15000 ليرة سورية) مما استدعاه أن يصيغ ويحرر أخباراً كلما تحدث مسؤول وإن كان برتبة آذن مدير مدرسة , وأن يبحبش عن مواضيع حتى لو كانت تافهة يكتب عنها تحقيقاته فيستطيع هذا الصحفي الشاب أن يكتب عن العقال معلقة طويلة ,وأن يكتب عن فوائد حليب المعزة تحقيق صحفي من عيار 1500 كلمة , وعن أصل التبولة هل هي لبنانية أم سورية ,إن الواضح والفاضح معاً أن القارئ السوري سيضطر إلى الهجرة الإلكترونية لمنتديات ومواقع غير سورية ,كالمواقع اللبنانية ,والعربية نت, علماً أن أكثر هذه المواقع تأخذ توجهاً إعلامياً مضادا لسياسة سورية, ويلعب على الوتر الطائفي بشكل قذر وفاضح , مما يستدعي السؤال الأهم لمسؤولينا : (لصالح من يضغط على الإعلام الإلكتروني السوري, وتبتر أصابع كتابه , ولصالح من تحجب المواقع الإلكترونية السورية أو يضرب تمويلها..؟؟)
سؤال برسم المسؤولين بوزارة الإعلام والأشباح هواة الحجب الإلكتروني, سؤال بصفتي ذات الطالب الجامعي النهم لحرية ولو مسحوبة الدسم في فضاء افتراضي بات بديلاً عن الواقع المأزوم والمخنوق

الشكر للكاتب يامن حسين

أول شي بدي أشكرك طارق لاستضافتي :D والشكر لاختيارك هالمقال للعزيز يامن حسين عن حجب المواقع بسوريا
بالفعل شي مخجل أنو رغم انفتاح العالم كله على بعضه البعض وتحوله لقرية صغيرة تتناقل فيه الأخبار والبيانات بسبب انفجار ثورة الاتصالات (الانترنت)
منلاقي وزارة الإعلام والاتصالات عندنا عم تمارس بكل صرامة محاولة قمعية لخنق وطمس حرية الإنسان بالتعبير الصريح عن رأيه .
بانتظار المحاورة معك :D

وزير الاتصالات السابق عمرو سالم قال انو ما عنده علم بحجب المواقع
في حين ان وزير الاعلام محسن بلال ذكر انو ما في موقع بينحجب الا بسبب مخالفة قانون المطبوعات انما كمان هوي بيقول انو هالمواقع ادت الى تضييع وقت الشباب متل ما قالوا ليامن انو هوي فاشل
وقيل عن احد الزملاء الكتاب باخوية انو شقفة عاطل عن العمل
شو رايك؟

هي نكتة وزير الاتصالات ما عندو علم بالحجب :lol: بس بدك رأيي بشو أنو انحجبت المواقع لأن بتضيع وقت الشباب ولا لأنو يامن فاشل ولا أنو الشب يلي بالأخوية عاطل عن العمل !!!!
هون بينطبق المثل القائل عذر أقبح من ذنب
قانون المطبوعات ما كتير عندي علم فيو ....
لكن إظهار هيك قرار أو هيك ممارسة وكأنو الشباب السوري ما بيعرف مصلحتو وولد صغيرهو عذر أقبح من ذنب
وزارة الاتصالات مي وصية على عقول شبابنا وأفكارهم وكيف رح يقضو وقتهم
بأي حق يتقرر أنو هالشب عم يضيع وقتو إذا قعد عالانترنت ! بأي حق عم يتقرر كيف الشباب لازم يقضوا وقتهم ؟؟؟
إذا واحد راد يضيع وقت في كتير مجالات لتضييع الوقت قبل ظهور الانترنت
هي ما عدا أنو اللي بيسمع هالتبرير بيقول أنو المواقع اللي عم تنحجب كلها لتضييع الوقت !!!
هيك تبرير هو إهانة لعقل شعب بكاملو لما بيقولوا أنو خايفين عليهم من تضييع الوقت وكأنو نحن ولاد صغار
منجي للقول أنو يامن حسين فاشل
أنا قريت من زمان مقال يامن حسين اللي كان سبب بحرمانو من دورة الامتحانات وكأنو عمل جرم عظيم بيضاهي السرقات اللي بتصير بالجامعة وغير قصص
يامن ما اخترع بهالمقال شي من عندو ,,,, يامن صوّر واقع شافو واللي بيقرا مقالتو بدو يحس بمدى تفاهة الاجراءات اللي صارت بحقو
بغض النظر إن كان بالغ أم لا بتصويرو للواقع لكن ما بيستاهل أبداً الحرمان
وهلا هو عم يكتب مقالات بقلمو الساخر واللي بدو يعرف إذا كان يامن فاشل يروح ويقرا مقالاتو على كلنا شركاء أوغير مواقع .... أنا من جهتي ما بظنوا هيك أبداً
منجي لشب الأخوية اللي ما عرفت مين هو بس بدي قول شغلة
اتهام شب من قبل دولة بأنو عاطل عن العمل هو يعني متل واحد عم يضحك على حالو، ليش هالشب عاطل عن العمل ؟؟؟ لأنو هو ما بدو يشتغل ولا لأنو بكل بساطة ما في شغل بالبلد
وحتى لو كان هو هيك ما بدو يشتغل .... شو دخل كتاباتو والتعبير عن الرأي بقصة إذا كان عامل أو لا






:D

ساندرا معك حق
مو بصدد مناقشة قانون المطبوعات
انما الدولة اليوم بتقول انو هالمواقع قد تكون سبب لانحراف الشباب
الشباب لازم يهتم بالامور العلمية والتقنية وما بيصير يضيع وقته هيك
من جهة تانية بتقول الحكومة اليوم انو هالمواقع ممكن تتسرب الها جهات تسبب تغيير افكار الشباب

اما بخصوص الشباب اللي حكينا عنهون وعن اتهامون بالفشل
بتقول الحكومة انو هاد الجيل ما عم يهتم بتفاصيل الامور ودقتها

احمد تيناوي مدير تحرير جريدة بلدنا بيقول انو الشباب الجديد عم يقدم ادب هابط وغير مقبول وفيه كتير اغلاط
والسبب انو تلت رباعون بس بدون يحكوا وهاد الشي اللي ما المفروض يصير
(بتصرف (

ليك يا طارق متطلبات العصر ونمط الحياة تغير عن أيام أهالينا
قبل كانت المعرفة تنطلب عن طريق الكتب بس
هلا عن طريق الانترت صارت ممكنة كمان وبطريقة أسرع
هلا أنا معهم بأنو الانترنت عم يعمل دور بإبتعاد الشباب عن الاهتمام بأمور ثقافية وفي نسبة عم تاخد الانترنت من باب التسلية بس هالشي صاير من قبل الانترنت فما فينا نحط اللوم عالانترنت .... يمكن هو ساهم بزيادة هالشي بس أصل المشكلة مو هو .



اقتباس:
انما الدولة اليوم بتقول انو هالمواقع قد تكون سبب لانحراف الشباب
صحيح وكمان التلفزيون الفضائيات والرفقة.... شو العمل نحجب هدول كمان
في مقولة بتقول كل ممنوع مرغوب وهالشي صحيح
لما بمنع المواقع عن الشباب هالشي عم يعملهم دافعية أكتر لاكتشافو والدخول فيه
فالأفضل برأيي تنفتح المواقع ومافي ضرر من التلكم عنها ومناقشة دورها مع الشباب وهيك بيصير في نوع من التوعية



الشباب لازم يهتم بالامور العلمية والتقنية وما بيصير يضيع وقته هيك إي بس كمان الأنترنت هو بوابة لتلقي العلوم وآخر الأخبار العلمية



من جهة تانية بتقول الحكومة اليوم انو هالمواقع ممكن تتسرب الها جهات تسبب تغيير افكار الشباب

من حق كل شخص يكون الو فكرو الخاص فيه
برأيي الحكومة لازم تفتح طرق الحوار مع هالشباب اللي الهم آراء مختلفة حول عدة مسائل
رفض الانفتاح على الآخر هي مشكلتنا
بخصوص الشباب اللي حكينا عنهون وعن اتهامون بالفشل
بتقول الحكومة انو هاد الجيل ما عم يهتم بتفاصيل الامور ودقتها



وعلى أي أساس استنتجوا هالشي ؟

احمد تيناوي مسؤول الثقافة بجردية بلدنا بيقول انو الشباب الجديد عم يقدم ادب هابط وغير مقبول وفيه كتير اغلاط


الأدب الهابط موجود من زمان بس هلا عن طريق النت انكشف المستور وهاد شي حتمي
بيكفي محاولات تغطية وتستر لهالنوع من الأدب لأن ما رح يلغي وجودو ولا رح يحل المشكلة
والسبب انو تلت رباعون بس بدون يحكوا وهاد الشي اللي ما المفروض يصير
الحكي مو غلط .... هلا ممكن في ناس بتوصل بأفكارها بطرق غير حضارية وعلى سبيل المثال عن طريق السب والشتم أو النقد لأجل النقد
بس برأي بدل أننا نقول للناس لاتحكوا ، الأفضل نعلمهم أصول الحوار والنقد وهالشي بيتم لما بتفتح الحكومة طرق الاتصال بينها وبين شعبها ، هيك بيبطل في ناس تلتجأ للانترنت للتعبير وكتابة شو ماكان بطريق ما بترضي الحكومة وبتهينها

احد الناشطين في مجال التنمية والشباب التقيته مؤخرا وسالته عن الموضوع فقال
بالنسبة لحجب الفيس بوك او يوتيوب فاني مع ذلك نظرا للانحطاط الكبير في مستوى الحوار فيه

اما بالنسبة لاخوية فيقول انه الموقع تخنها وخاصة عند نشر كاريكتور مسئ للرئيس بشار الاسد

ومن جهة تانية
ان هناك وسائل اعلام اخرى تنتقد بحرية ولا احد يحاربها مثل الوطن شبابلك بلدنا وغيرها كما ان الصحافة الحكومية تمارس دورها بشكل بناء

احد الناشطين في مجال التنمية والشباب التقيته مؤخرا وسالته عن الموضوع فقال
بالنسبة لحجب الفيس بوك او يوتيوب فاني مع ذلك نظرا للانحطاط الكبير في مستوى الحوار فيه



ما عندي فكرة عن تدني الحوار اللي بيقصدوه
بس أنو ما بعتقد هالشي مبرر لحجب هك مواقع
هلا صراحة الفيس بوك ما بستعملو :oops:بس اليوتيوب ما بقدر بلاه للبحبشة على مقاطع قيديو وأغاني
ولا مرة شفت حوار من النوع المنحط فيو :? وحتى لو كان موجود ,,,, أنو يا عالم كل شي حلو ممكن لاقيه باليوتيوب بروح بكبو بس لأن في كم واحد عندو انحطاط بالحوار !!!!!!!

اما بالنسبة لاخوية فيقول انه الموقع تخنها وخاصة عند نشر كاريكتور مسئ للرئيس بشار الاسد

ما بعرف هالموضوع وما شفت الكاريكاتير مع العلم إني ضد الكاريكاتير اللي بيهدف للسخرية فقط لا غير

بس كمان الحجب مو حل لهيك مواقف
ان هناك وسائل اعلام اخرى تنتقد بحرية ولا احد يحاربها مثل الوطن شبابلك بلدنا وغيرها كما ان الصحافة الحكومية تمارس دورها بشكل بناء
الصحافة الحكومية تمارس دورها بشكل بناء :o ليش مين عم يقراها :lol:
ما بعرف هالمواقع بس ممكن يكونوا متل ابرة مورفين لينقال عنا حرية رأي والذي منو
وإذا كان في مواقع بتنتقد بحرية ومو محجوبة معناها صار في خيار وفقوس كمان بالمواقع
صحيح اللي بغير عادتو بتقل سعادتو :pos:

الشعب السوري والشباب السوري الواعد الجدي

عندو شي أهم وافضل من أنو يفكر انو انحجب هدا الموقع او الموقع فلاني ما انحجب (الفيس بوك +الهاي 5 )

أيه عندنا شي أهم وأهم واهم و أفضل من أنو نفكر في هيك شي ياخد من وقتنا وتفكيرنا

رد من احد الاعضاء

يعني وإذا انحجب الفيس بوك !!!!!! أفضل وعقبال كمان Hi5

وبتمنة كمان تنحجب كافة مواقع يلي ع أساس تعرف وحكي فاضي وبلا طعمه
وعقبال مواقع الشات والمحادثة كمان (التعارف والحكي الفاضي والتسلية بلا طعمة وهزة البدن من ناس بتعرف حالها )

أكيد انتو عم تاخدو الموضوع من أبعاده البعيدة وليست الإيجابية
ثالث شي : يعني لو بدي أشرح لك سر طبيعة الحجب لبعض المواقع ما رح توصل الفكرة لعندك او لعند البعض

بالنسبة للبلوغ سبوت بعتقد سبب حجبه لأنو مو هو بيستضيف مدونات ؟ وبالنسبة للسوريين أكتر عالم بيستعملو المدونات هنن مفكرين وصجفيين وبمعنى آخر مثقفين، وطبعا جماعة من هالمثقفين المعارضين عاملينا مدوناتون عالبلوغ سبوت وبالتالي ما لازم ينتركلون المجال وبسكروا الموقع كللو لأنو الكل بيعرف انو في 100 طريقة إذا تسكرت صفحة معينة فينا نفتحها بطريقة تانية وتالتة مشان هيك بلا وجع راس ، وبالنسبو لل يو تيوب كمان نفس الشي صار في فيديوهات شي بطعمة وشي بلاطعمة بتخص امن البلد وخصوصي لما صار ينحط عليه العمليات الارهابية تبع العراق وبالنسبة للفيس بوك
وما أدراك شو عم يصير بالفيس بوك؟؟؟
طل شي هون رح قولو سمعتو سمع وما حاولت اتأكد مشان ما انشحط .. سمعت انو إذا في قسم من اللبنانية نازلين حكي طالع نازل على سوريا والجيش السوري وشي أعظم وبشكل مهين كتير.
انا ما عم دافع عن حدا بس إذا حدا قاري اتفاقية استعمال الفيسبوك انو ما لازم ينهان في شخص كحد شخصه او كصورة أي بأي طريقة … طيب وين هالشي؟
كتير ناس عم تنهان وكتير شغلات عم تصير وادارة الفيس بوك مطنشة
فالحكومة لما توقف الموقع في عندا حجة انو الفيسبوك ما عم يلتزم باتفاقيته وفي عالم عم تهين سوريا والشعب السوري وبالتالي الون الحق انو يحجبو


وبعدين الحمد لله صار للسوريين الخارجين عن البلد دور للكلام ويحكوا بس للأسف عم يحكوا عن وطنهم

بالشي العكس او الشي السلبي بدال ما يحكوا الشي الإيجابي فهاد شي كتير خطير بحق السوررين الخارجين

عن البلد بالنسبة للسوريين داخل البلد يلي عم يبنوا أيد في إيد كرامة البلد وسمعة البلد ويرفعوا علم الوطن يرفرف عالياً

شو رايك؟

فقشي هون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


لقلك هالموضوع من ايام الاخوية الغابرة
عطيني رايك فيه

أول شي صباح الخير طارق
اي أنو لسا بتوقيتي هاد أنا بعتبرو الصبح :oops: وعم اشرب القهوة تفضل .... مع أنو المفترض تكون القهوة عليك كوني أنا الضيفة :pos:
منجي لردود الأعضاء

الشعب السوري والشباب السوري الواعد الجدي

عندو شي أهم وافضل من أنو يفكر انو انحجب هدا الموقع او الموقع فلاني ما انحجب (الفيس بوك +الهاي 5 )

أيه عندنا شي أهم وأهم واهم و أفضل من أنو نفكر في هيك شي ياخد من وقتنا وتفكيرنا
مزبوط بس شو بينقص الشعب السوري عن بقية الشعوب لتنحجب المواقع عنو ؟
أكيد انتو عم تاخدو الموضوع من أبعاده البعيدة وليست الإيجابية
ثالث شي : يعني لو بدي أشرح لك سر طبيعة الحجب لبعض المواقع ما رح توصل الفكرة لعندك او لعند البعض

إي لكن لا يشرح طالما الفكرة ما رح توصل


بالنسبة للبلوغ سبوت بعتقد سبب حجبه لأنو مو هو بيستضيف مدونات ؟ وبالنسبة للسوريين أكتر عالم بيستعملو المدونات هنن مفكرين وصجفيين وبمعنى آخر مثقفين، وطبعا جماعة من هالمثقفين المعارضين عاملينا مدوناتون عالبلوغ سبوت وبالتالي ما لازم ينتركلون المجال وبسكروا الموقع كللو لأنو الكل بيعرف انو في 100 طريقة إذا تسكرت صفحة معينة فينا نفتحها بطريقة تانية وتالتة مشان هيك بلا وجع راس ، وبالنسبو لل يو تيوب كمان نفس الشي صار في فيديوهات شي بطعمة وشي بلاطعمة بتخص امن البلد وخصوصي لما صار ينحط عليه العمليات الارهابية تبع العراق وبالنسبة للفيس بوك
وما أدراك شو عم يصير بالفيس بوك؟؟؟
طل شي هون رح قولو سمعتو سمع وما حاولت اتأكد مشان ما انشحط .. سمعت انو إذا في قسم من اللبنانية نازلين حكي طالع نازل على سوريا والجيش السوري وشي أعظم وبشكل مهين كتير.
انا ما عم دافع عن حدا بس إذا حدا قاري اتفاقية استعمال الفيسبوك انو ما لازم ينهان في شخص كحد شخصه او كصورة أي بأي طريقة … طيب وين هالشي؟
كتير ناس عم تنهان وكتير شغلات عم تصير وادارة الفيس بوك مطنشة
فالحكومة لما توقف الموقع في عندا حجة انو الفيسبوك ما عم يلتزم باتفاقيته وفي عالم عم تهين سوريا والشعب السوري وبالتالي الون الحق انو يحجبو


هلا فكرة المدونات حلوة يا زلمة أنو الواحد يكون الو مساحة حرية تعبير خاصة فيو عالنت بما أنو أفكاروا مش ممكن تصل عن طريق االصحافة العادية وبعدين واي نت؟
المدون هو بطبيعة الحال إنسان ، بيريد يعبر عما بداخله من عواطف ، وشو في برأسه من أفكار
والأفكار بتحتمل الصحة والخطأ
مرة تانية ما بعرف ليش نحن منخاف من الرأي الآخر المعارض وما عنا الشجاعة لنسمعو أنو نواجهو لنواجهو ما بعرف.
من بين كل الايجابيات اللي ممكن تحملها هالمواقع مافيني الغيها مشان شوية سلبيات
كل شي بهالدنيا بيحمل الوجهين الايجابي والسلبي وانت لازم تكون شاطر بأنك تستفيد منهم لمصلحتك مو تبتعد عنهم لأن هنن موجودين بكل الأحوال فالهروب مارح ينفع


وبعدين الحمد لله صار للسوريين الخارجين عن البلد دور للكلام ويحكوا بس للأسف عم يحكوا عن وطنهم

بالشي العكس او الشي السلبي بدال ما يحكوا الشي الإيجابي فهاد شي كتير خطير بحق السوررين الخارجين

عن البلد بالنسبة للسوريين داخل البلد يلي عم يبنوا أيد في إيد كرامة البلد وسمعة البلد ويرفعوا علم الوطن يرفرف عالياً

نفس الكلام اللي قلتو فوق
بيكفي خوف وجبن من الرأي المخالف ومن كل شي مختلف عننا

فقشي هون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


لقلك هالموضوع من ايام الاخوية الغابرة
عطيني رايك فيه

لا تعليق حالياً بس :lol:
بانتظار الأسئلة :gem::cry:

راجعلك بعد الغدا

راجعلك بعد الغدا
مافي تفضلي :pos::frown:

قلنالك عم نتغدى كبة ومحاشي وانحرق قلبك

ستي
اللي بدي اسالك ياه هوي انو لهدرجة نحنا محتاجين موعظة لحتى نعمل فبركة للصور ونقول والله هالبنت تمسخرت عالقرآن
؟

شي مرة مرقتي بهيك موقف ؟

قلنالك عم نتغدى كبة ومحاشي وانحرق قلبك

ستي
اللي بدي اسالك ياه هوي انو لهدرجة نحنا محتاجين موعظة لحتى نعمل فبركة للصور ونقول والله هالبنت تمسخرت عالقرآن
؟

شي مرة مرقتي بهيك موقف ؟

إي حرقت قلبي صح بس احترق أكتر أنو ما عزمتني

بالنسبة لسؤالك الأول نحن شعب عاطفي جداً قائم عالإيمان بالمسلمات بدون ما كتير نتبع المنطق والعقل
وهي القصص ملفقة برأيي لخلق ايمان أعمى لضعاف القلوب من باب الدعوة وكسب الحسنات أو التبشير

سؤالك التاني ما فهمتو :D

إي حرقت قلبي صح بس احترق أكتر أنو ما عزمتني

بالنسبة لسؤالك الأول نحن شعب عاطفي جداً قائم عالإيمان بالمسلمات بدون ما كتير نتبع المنطق والعقل
وهي القصص ملفقة برأيي لخلق ايمان أعمى لضعاف القلوب من باب الدعوة وكسب الحسنات أو التبشير

سؤالك التاني ما فهمتو :D



يعني اليوم بتشوفي بسوريا الله مو مكتر غير هالسير

الولد اللي صار عقرب لانو سب الله
والبنت اللي انمسخت
والاغرب من هيك فيديوهات اغتصاب ما بعرف مين واعدام هاد وقتل هداك وعليها اقبال ما شاء الله

والعالم بتصر على انو الولاد تشوف هالشي قال معليه خليه يتعلم ويخاف

برايك شو السبب بهالقصة ومعقول يصير هالشي حتى من قبل اشخاص مثقفين

للأسف هالظاهرة عم تكتر
-المجتمع الشرقي مجتمع بيعتمد على الدين في موقفه من الحياة والموت وكل شي بالدنيا بدون إعمال العقل
وما رح يتوقف المتدينون (المتدينون بشكل أعمى) عن ذكر هالاشيا والسبب بسيط وهو أن الإنسان بيعتقد انو اللي بيؤمن فيه هو الأفضل .ولازم يدعي الناس تكون متلو بشتى الطرق
وللأسف عم شوف هالأفكار منتشرة كمان بين الطبقة المتعلمة
لان ببساطة ما عم يشغلو عقلهم بهالموضوع كونوا التفكير بالأمور الدينية وتشغيل الخط الاحمر هو تابو

واللي عم يصير باخوية خير دليل
ساندي ب6 اسطر شو بتقولي للمتدينين بشكل اعمى واللي عم ينشروا هيك قصص

ست أسطر خط كبير ولا صغير :lol:
المهم بدي قول للمتدينين

الإيمان في رأيي هو للراحة النفسية ولشفاء الانسان من أمراضه الروحية عن طريق طلب الراحة من قوة عليا بيعتقد فيها.
ولكنه ممكن يسلب الجاهل الضعيف هناءة العيشِ ويحرمه من لذة الإبداعِ وحلاوة التنوع والتفكير المستقل إذا بدو يترك ايمانو ودينو يدخل بكل شي بالدنيا ويتفسر ويمشي على هوى قوانين إيمانو على حساب العقل والمنطق .
أنت كإنسان مؤمن بيحق لك تصدق وتؤمن بما تريد وانا يحق لي ان اؤمن أو لا
وبالنهاية ولو بدي شذ عن السؤال شوي بختم بقول رائع لوفاء سلطان "آمن بالحجر لكن لا ترشقني به"
لو كل واحد بيطبق هالمقولة كانت الدنيا بخير برأيي وما كنا شفنا هالمحاولات اليائسة لاستجرار الإيمان أوتكفير الناس

ساندرا
بدي اطلب منك هلا اختيار 5 مقطوعات غنائية او موسيقية بتعبر عنك لنسمعهون سوا ونحكي عنون

أنو ساندرا ماعندا زوق بالموسيقى والأغاني :lol:
ومالها نمط محدد وكل فترة بتعلق على شي
وبتسمع لكل اللغات
هالفترة مثلا موسيقى الأورغن مستهويتني كتير مع العلم أنو قبل كم شهر كان التكنو

بس في كم مقطوعة بحس أنهم بيعنولي كتير وفي منهم بيعبروا عني
رح ابدا بأول وحدة واسمها
le vent le cri

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

حاولت ارفعها من جهازي ما مشي الحال :pos:

أنو ساندرا ماعندا زوق بالموسيقى والأغاني :lol:
ومالها نمط محدد وكل فترة بتعلق على شي
وبتسمع لكل اللغات
هالفترة مثلا موسيقى الأورغن مستهويتني كتير مع العلم أنو قبل كم شهر كان التكنو

بس في كم مقطوعة بحس أنهم بيعنولي كتير وفي منهم بيعبروا عني
رح ابدا بأول وحدة واسمها
le vent le cri

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

حاولت ارفعها من جهازي ما مشي الحال :pos:

:jakoush::jakoush:مو قلنا اليوتيوب محجوب

:jakoush::jakoush:مو قلنا اليوتيوب محجوب

إي ما مشي حال الرفع :pos:
نط عالمسنجر بلكي ببعتلك ياها من هنيك

وهلا بديت المباراة على فكرة وطالع النشيد التركي ..... ذكرني بأيام ما كنا صغار نحضر التلفزيون التركي كونو السوري ما بينشاف

ههههههههههههههههه يلا شوفي المبارة لخلص دعم فادي قدام ياس و محمد وسيزر بالمنبر وقوم شوف نور

ههههههههههههههههه يلا شوفي المبارة لخلص دعم فادي قدام ياس و محمد وسيزر بالمنبر وقوم شوف نور

مو عأساس مبعد عالمنبر !!!
يلا رايحة شوف المباراة ومنرجع
بريك إعلاني لمدة ساعة ونص وربما أكثر :o

مو استاذ فيفا سوريا شحطني عالمنبر معه؟

مو استاذ فيفا سوريا شحطني عالمنبر معه؟
اي هاد فيفا عم يستجمع القوى الظاهر :pos:

ساندرا شكلا زعلانة على تركيا

يللا بسرعة اممي عم يستنا

لا عادي بس فاتتنا عزيمة المحل التركي :pos:
استنيتك امبارح وما جيت بعد المباراه

المكشلة إني يا طارق صعب كتير أوصف موسيقى بتعجبني
الموسيقى لغة صريحة جداً وبحسها بتخاطب روح اللي عم يسمعها بشكل مباشر
وهي حالتي مع هالمقطوعة كيف بقدر أحكي عنها ما بعرف
بس اللي بعرفو إنها هالموسيقى أول ما بتبدى ما بعرف بنحسسني إني عم أنفصل شوي شوي عن عالمي وحتى ع جسدي وبتاخدني لمكان بعيد مبهر وبالنهاية لما بتخف حدة الموسيقى وترجع لهدوئها بحس بذاتي عم ترجع لهالعالم للغرفة اللي أنا فيها
أنو كلام غبي شوي بس صعب توصف إحساسك مع موسيقى ما :lol:

ساندرا اليوم انتي مع ام ضد انو نقيب الفنانين صباح عبيد يمنع دخول فنانات لسوريا ؟

ساندرا اليوم انتي مع ام ضد انو نقيب الفنانين صباح عبيد يمنع دخول فنانات لسوريا ؟

هلا أنا بصراحة ضد هيك إجراءات خاصة إذا متل ما سمعت عم يمنع بحجة التعري والفن الهابط وناصب حالو رقيب على مكارم الاخلاق بالبلد
ذكرتي بحجب المواقع :lol: بس ما بعرف إذا كان في أسباب تانية غير هي لمنع الفنانات من الغناء