احكيلنا عن مفهومك الشخصي .. للكلمات التالية .....

1 الراحة النفسية ...

2 التحايل على القوانين ...

3 التنازلات الشخصية في حياتنا اليومية ...

4 النوايا السيئة و كشفها ...

5 الأيادي الخفية ...

1 الراحة النفسية ...

الراحة النفسية ممكن تكون بالنسبة الي مرادف لكلمة السكينة....وهيي عبارة عن حالة مبتغاة لكل شخص ...بحيث انو بيوصللها باللحظة يللي بكون وازن فيها بين حاجات ومتطلبات الانسان من حاجة جسدية وروحية ونفسية....ممكن يكون للظروف والبيئة المحيطة علاقة كبيرة فيها بس مو اي انسان بيقدر يوصللها واللي بقدر يتحكم بذاتو بحيث انو يقدر يقاوم الحالة الناتجة عن الظروف هوي يللي رح يقدر يوصل للراحة النفسية
2 التحايل على القوانين ...

تصرف ممكن اي انسان يلجألو ليقدر يعمل الشي يللي بدو ياه..وفيو نوعين ممكن قلك في تحايل اخلاقي وهاد التحايل يللي بقوم فيه المغلوب على امرو ويللي بدو يحصل على حقو ولانو ما بينصفو للقانون تحايل عليه وفي تحايل لا اخلاقي ويللي بهدف لتحقيق مآرب شخصية وهدفو الوصول والسيطرة....

عالهامش...برأيي القانون وجد كي ينصف الانسانية ولكن احيانا يكون سبب في تراجعها....وهاد حالة خاصة مانها عامة

3 التنازلات الشخصية في حياتنا اليومية ...

هاي التنازلات يللي بيمر اي انسان فيها وبينجبر يضحي كرمال شي عزيز او لانو ما فيه يقاوم ....بتبدأ بتنازلات بسيطة لتلاقي حالك في نهاية المطاف اذا ما قاومت ووعيت عحالك تنازلت عكونك انسان الو كيانو ورغباتو ومبادئو وقناعاتو....

4 النوايا السيئة و كشفها ...

هيي عبارة عن حالة مرضية مزمنة بعيشها مجتمعنا وكل المجتمعات ودافعها ممكن يكون غيرة رغبة بالسيطرة وغير اسباب وحتى عالمستويات الكبيرة فينا نشوف النوايا السيئة عم تحيط بكل الدول وحتى الاحزاب ووو
كشفها ما عندي طريقة معينة بس انا بفضل انو نحذرها ونتعامل مع الكل عأساس الحذر مشان ما نعيش ببلاهة...
ونكون قادرين على التعامل مع اي شخص عاساس حيادي لنقدر نوصل لنيتو....وبيبقى الموضوع ضبابي

5 الأيادي الخفية ...

كتيرة ...ايادي خفية بالدول ايادي خفية بالعقود ايادي خفية بالتحالفات ايادي خفية صهيونية وايادي خفية وطنية...
بصراحة ما بعرف بشو رد بالضبط بس فيني قول انو كل مجال صار فيه ايادي خفية ..وأسوأ شي تكون بتهدف للتدمير وشل حركة الدولة والسوق ....بتمنى تكون في ايادي خفية بتعمل لصالح الانسانية وخلينا نحاول نشوف الوجه المشرق بالموضوع ولو كان معتم

3 التنازلات الشخصية في حياتنا اليومية ...

هاي التنازلات يللي بيمر اي انسان فيها وبينجبر يضحي كرمال شي عزيز او لانو ما فيه يقاوم ....بتبدأ بتنازلات بسيطة لتلاقي حالك في نهاية المطاف اذا ما قاومت ووعيت عحالك تنازلت عكونك انسان الو كيانو ورغباتو ومبادئو وقناعاتو....

برايك ... ايمتى الواحد ممكن يسيطر على حالو و يوقف (ساسلة التنازلات ) إن صح التعبير .. ؟

و شلون الانسان يوعى على حالو ... اذا هو يقدم التنازل و هو يعرف تماما هذا تنازل من اجل تمشية الامور على سبيل المثال ...

برايك ... ايمتى الواحد ممكن يسيطر على حالو و يوقف (ساسلة التنازلات ) إن صح التعبير .. ؟

و شلون الانسان يوعى على حالو ... اذا هو يقدم التنازل و هو يعرف تماما هذا تنازل من اجل تمشية الامور على سبيل المثال ...

الواحد فيو يسيطر على حالو باللحظة يللي بحس فيها انو فقد جزء من نفسو باللحظة يللي بحس انو تنازلاتو خلت الطرف التاني يتمادى وينسى انو يللي قدامو انسان الو رأيو وطموحاتو وشخصيتو....بهاللحظة اذا ما قدرنا نوقف مسلسل التنازلات صدقني ما رح يعودج في قيمة لوجودنا وممكن كمان يفيق باللحظة يللي بخسر فيها كلشي وما يعود عندو شي يتنازل عنو وهون ما بنفع لانو صار ولا شي

ممكن يوعى على حالو بلحظة ضميرو صحي تجاه انسانيتو ...وممكن بلحظة لقي فيها شخص تاني ما تنازل تنازلو
وممكن بلحظة لقي حدا يوقف جنبو ويساعدو ليفهم انو ما نخلق ليتنازل ويستسلم....

اوكي وصلت الفكرة ...

حكيتي عن النوايا السيئة ...



كشفها ما عندي طريقة معينة بس انا بفضل انو نحذرها ونتعامل مع الكل عأساس الحذر مشان ما نعيش ببلاهة...
ونكون قادرين على التعامل مع اي شخص عاساس حيادي لنقدر نوصل لنيتو....وبيبقى الموضوع ضبابي


يعني ... التعامل مع الناس على اساس الحذر مصطلح مطاط ...

بس يعني ما تخافي اسلوب الحذر اذا عبر حد معين .. ممكن يؤثر على المقابل ابو النية الصافية ...

يعني يجوز يزعل لو يكش منا .. بشكل او بآخر

اوكي وصلت الفكرة ...

حكيتي عن النوايا السيئة ...



يعني ... التعامل مع الناس على اساس الحذر مصطلح مطاط ...

بس يعني ما تخافي اسلوب الحذر اذا عبر حد معين .. ممكن يؤثر على المقابل ابو النية الصافية ...

يعني يجوز يزعل لو يكش منا .. بشكل او بآخر

لما يكون حذر بشكلو الصحيح ما رح يكون لا مطاط ولا مثير للزعل

صديقي نحنا لازم نتعامل حتى مع انفسنا بحذر لانو اول شي النفوس متقلبة وتاني شي لانو ما حدا بعرف حدا وعلى فرض انو انت عارف انو نية شخص معين حسنة وطلع عكس هيك شو رح يصير معك؟رح تقلب سلبيا على كل شخص مهما كانت نيتو واذا كانت نيتو حسنة وحذرتو بدون ما تحسسو ما رح تخسر شي لانو اولا واخيرا ما اضمر شي الك....
الحذر لا يعني عدم الثقة نقطة مهمة ..ولكن الثقة بحدود:D

كتيرة ...ايادي خفية بالدول ايادي خفية بالعقود ايادي خفية بالتحالفات ايادي خفية صهيونية وايادي خفية وطنية...
بصراحة ما بعرف بشو رد بالضبط بس فيني قول انو كل مجال صار فيه ايادي خفية ..وأسوأ شي تكون بتهدف للتدمير وشل حركة الدولة والسوق ....بتمنى تكون في ايادي خفية بتعمل لصالح الانسانية وخلينا نحاول نشوف الوجه المشرق بالموضوع ولو كان معتم
الايادي الخفية .... مصطلح كبير و مطاط جدا ... و قد تكون مرنبطة بجهات دولية ... او اقليمية ... او قد تكون عصابات


بس خلي ناخذ مثال ..

اذا شخص كلف من جهات في بلده حتى يعمل عملية مسلحة في بلد ثاني ...

تتصوري هذا العمل صحيح ... اذا غلف باطار وطني ؟

الايادي الخفية .... مصطلح كبير و مطاط جدا ... و قد تكون مرنبطة بجهات دولية ... او اقليمية ... او قد تكون عصابات


بس خلي ناخذ مثال ..

اذا شخص كلف من جهات في بلده حتى يعمل عملية مسلحة في بلد ثاني ...

تتصوري هذا العمل صحيح ... اذا غلف باطار وطني ؟


ما رح قلك شي غير انو لازم يوزنو بميزان انساني....
يعني على سبيل المثال امريكا بدعت فينا وما قصرت وخاصة بالعراقيين....هلق اذا كلفت اني اعمل عملية مسلحة بامريكا متل عملية 11 سبتمبر هل عليّ اني وافق بدافع وطني؟؟لا اطلاقا لانو هون ما رح يكون عنا انسانية ورح يكون تعاملي همجي بنفس اسلوبهم بس لو كانوا مثلا محتلين بلدي وموجودين فيها فهاد بيعني انو راضيين عن الاحتلا وهدول بعتبرهم مسلحين يعني فيني اعتبرهم اعداء اما اذا بدي اخد الصالح والطالح فيها بدعوى الوطنية فوطنية مشلولة...

من الاهم تأدية الواجب ام الانسانية ؟؟

من الاهم تأدية الواجب ام الانسانية ؟؟
السؤال الاهم صديقي...شو اللي كان بالأول انسان ام وطني؟؟؟

انا لما اعرف اني كون انسان تأكد لحظتها رح كون قدمت اكبر خدمة لوطني...اما اني اعمل على ابادة الطرف التاني منشان اخدم وطني فهاد ممكن يكون نقطة سودا عم ضيفها بلا ارادة

واكيد الموضوع مو عالعموم يعني في حالات بيكون النداء الوطني اهم ...وهون لما يكون الطرف المعادي ما تارك فرصة للانسانية لتاخد مجراها:D

كثيرين في العالم العربي يحلموا بالسفر الى العالم الغربي ....


قسم ما يتأقلم و قسم يتأقلم ...... و قسم ينسى بلده الام .... الخ



السؤال هو ...... ما رأيك بوضع العرب او الشرق اوسطيين في المهجر ؟؟

و هل تحلمي بالهجرة لو تفضلي البقاء حيثما ولدتي .... ؟؟

في عندك صنفين ....جزء من المهجرين رح يكون المهجر بالنسبة الهن مخدر ووطن بديل بمعنى انو رح ينسوا الوطن ويلتهوا بهموم حياتن الخاصة وما يكون في شي ابعد من حياتهن الانية ....يعني راح الوطن مع هواياتو يللي تنفسوهم لما طلع منو...

وجزء تاني بيكون المهجر هوي الدافع ليخدموا وطنهم ويعيشوا فيه بوجدانهم وروحهم...بيكون المهجر السجن يللي خانقهن وبيكون الهن قضية كتير كبيرة وهيي يرجعولو للوطن وفينا نشوف كتابات كتير من المهجرين ونقرا قديش كان الوطن عايش فيهم وما قدر المهجر ينسيهم ياه...


اما انا فيني قلك انو مكان ما ولدت وحتى مكان ما انا عايشة مو وطني وما بعتبر وجودي هون الو اي معنى بالعكس انا حلمي اني اطلع من البلد وحقق ذاتي برا وين ما بعرف بس اكيد بفضل هاجر مو مشان انسى لا مشان اعمل ومشان ارجع ومشان ما يكون الوطن مجرد حلم....

بتمنى تكون فهمتني....

اي فهمتك ... :D



نجي لفقرة جديدة ..

نطلب منك تحطيلنا 5 مقاطع موسيقية أو غنائية ......... تكون قريبة من نفسك ...

بحيث من تسمعيها تشوفي نفسك بعالم ثاني ...

1- نتالي لحسام تحسين بيك


2-الحب والوفاء ل ماجدة الرومي


3-نسيم الروح ل مارسيل خليفة


4-انا وليلى ل كاظم الساهر


5-RAIN OF LOVE

شكرا زيد
بحب قول ابتداء من هالحلقة زيد هو شريكي في الاعداد وتقديم الحلقات

وشم
باعتبار فتنا بالموسيقى خبرينا شوي عن كل غنية شو بتعني الك

1- نتالي لحسام تحسين بيك
لما بسمعها بحس بعذاب الحب...بحس قديش الحب الحقيقي مع البعد بزيد مو بيخلي الواحد يجفى...بحس انو حسام عم يطير بالسما ويحاكي النجوم والملايكة ما عم يحاكي البشر....بحسو طاير مع الموسيقى مع الكلمات ولا اراديا بلاقي حالي صرت بسابع سما ...بتحد مع كل حرف بحس بالحزن بالوجع بالشوق بالنار ....ومع انو ميادة غنتها وكتير كانت حلوة منها الا اني لما اسمعها من حسام بتكون كتير غير.....

واحلى نتالي....واحلى عشق واحلى عناق ....

2-الحب والوفاء ل ماجدة الرومي

ماجــدة أحلــى أميرة بترسلني مع طبقات صوتا لكل بقعة من هالارض....أما عن الحب والوفاء....لما الشخص يوصل مع الحب لطريق مسدودوة بيصير فيو يستغني عن هالحب وبيطلق سراح روحو من سجن الحبيب...وهاد يللي قالتو ماجدة ..ما انكرت قديش الحب كان حلو لدرجة انو كانت حاسة انها عايشة بقصر وفينا نحس انو هاد كان حقيقة يعني انو الحبيب وفرلها كلشي مادي بكل بذخ وكرم .... وحتى كانت عايشة بعالم حبيبها وتاهت في بحور عالمو المجنون يعني فيك تحكي انو وصفت علاقة الحب لما تكون باشدها بكل روعة سواء بصوتا احساسا والكلمات...بس نوهت قديش الاحساس مهم وكل الامور المادية من ورد واساور وهدايا قدام الصدق في الاحساس والنار يللي بيوقدها الحب بالقلب مالا قيمة ....يعني باختصار القلب كان لغيرا هون بنحكي .... لما كلشي يتحول بيصير فيها تقول للحبيب اذهب كما تريد وامض كما تشاء....واحلى شي لما تحكي قنعت بالقليل الحب والوفاء...هون بوقف نبضي...

3-نسيم الروح ل مارسيل خليفة
كلماتها كتير روعة وصوت مارسيل بيمنحها قدسية كبيرة عندي....بتحسسني قديش الواحد فيو يتحد مع حبيبو ويعيش بناء على مشيئتو مع انو الخلاج كتبها للذات الالهية حسب ما بتذكر....وغنية كتير قصيرة بس كتير روعة

4-انا وليلى ل كاظم الساهر

اول شي هالغنية من وانا بالصف السادس كانت بتعنيلي شي كبير بالرغم من انو ما كان عندي اي قصة ولكن كانت بتخلق قصة بتعيشني بين ثناياها....صوتو لكاظم فيها صارخ وجارح ومعبر...بتحكي عن قصة الحب لما تكون بلا امل...بتحكي قديش الحب بيموت وبيعيش....كلماتها شي بياخد العقل اليأس الحزن الحب الغربة كل جزئياتها بقمة الروعة واللوعة....احساسو فيها اكتر من فظيع بتحس حالك عايش القصة وبتحسو كأنو عم يروي التفاصيل مع انو بيحكي بشكل عام...
غنية مافيني قول اكتر من....آآآآخ منها


5-RAIN OF LOVE

هيدي المقطوعة بتجبرني اطلع من عالم البشر ما رح احكي اكتر من هيك...

اي ... احكيلنا على حسام تحسين بك ... شلون تشوفي صوتو و اختياراته بالغناء ...

اي ... احكيلنا على حسام تحسين بك ... شلون تشوفي صوتو و اختياراته بالغناء ...


حسام...لما بشوفو بحس بطيبة الدينا كلهاعم تنط من عيونو....حكياتو نظراتو بتحسسني انو الدنيا بخير وانو لسا في امل....بالنسبة لصوتو فانا بقلك هوي قادر باحساسو ينقلني لسابع سما قادر انو يمتلك بالحرف لما يخرج من صدرو قلبي كلو ويزرعو بالكلمة يللي بينطق فيها.....
اما اختياراتو بحسها كتير الا دخل بالواقع وبصراحة انا متعلقة بنتالي خصوصا وسمعتلو كم غنية تانية عجبوني لانهم بيحكو عن اي شخص فينا بس جد حسام فخامة...

طبعا ماجدة معروفة مكانتها ... و صوتها الشجي ... ؟


تتصوري ماجدة نجحت بالتمثيل بقيادة يوسف شاهين ..؟

تتمني تمثل من جديد ؟؟ ... لو تتمنيها .. تظل مطربة باغانيها الرائعة و بلا تمثيل ..

لأحكي بمصداقية...ما عمري حضرت ماجدة عم تمثل....بس انا بحب ماجدة يللي بتغني لانو صوتها بيلبقلو الغنا اما تمثيل فما بقدر احكم بدون ما كون شفتا

السيدة ماجدة ... رائعة بكل شي ...

تشوفي غنائها للقصيدة الفصيحة ... حقق هويتها الفنية اكثر من غير اغاني ؟؟

ماجدة الرومي....لما نسمعها سواء بالفصحى او بالعامي بتكون رائعة وفنانة اصيلة ....بس كأي فنان ممكن نلاقي انو نحنا استهوتنا غنية وما استهوتنا غنية تانية....بغض النظر عن طبيعة اللهجة لانو اسلوبو هوي هوي وصوتو هوي هوي....
فيعني في عندا اغاني مو فصحى وكتير مميزة ودخلت القلب متل ما حدا بعبي مطرحك بقلبي ومتل انا عم احلم...وغيرن بس فيك تحكي انو الفصحى منها اقرب للقلب....وهاد لا يعني انو ماجدة ما تحققت هويتها غير بالفصحى ولكنها بالنسبة الي بالفصحى أجمل وأجمل وأكثر تألق....

مرسيل خليفة ... مغنى رائع .. انسان راقي قبل كل شيئ ...

غنى للوطن ... غني للتحرير ... غنى للقضايا عامة



برأيك ... ليش ما اهتم فيه الاعلام العربي بالشكل اللي يتناسب مع رقي الفن اللي يقدمو ؟؟؟


وين المشكلة برأيك ؟؟

صديقي انت جاوبت على سؤالك ببدايتو ...يعني انت قلت انو انسان راقي غنى للوطن وللتحرير وللقضية فيعني شو موقع هيك انسان بالاعلام العربي؟؟؟؟ووين النقطة يللي بتهمهم كإعلام؟؟؟حتى لو فينا نطلع على الشعب العربي هالقضايا بتهم ثلة قليلة منهن يعني الشي يللي ممكن يكون في اقبال عليه الحب والغرام وال....
فهون بنطلع بنتيجة انو مارسيل مهتم فيه بس من قبل يللي عندن قضية ومن قبل الناس يللي بفهموا بالرقي الفني مو من قبل اي شخص تاني....

سؤال احتفظ بجوابو بنفسك....ليش هيفاء وهبي ومثيلاتها ما في حدا انتشر وانعرف واهتم فيه الاعلام متلن بالرغم من فداحة فنن؟؟؟وليش بفترة قصيرة حتى الولد يللي عم يحبي عم يغني بوس الواوا؟

صحيح ... الاعلام العربي ... ما يهتم بالقضايا بالشكل الكافي ...


بس .. انا اشوف الفنان الكبير مرسيل خليفة .. مظلوم أكثر اعلاميا مقارنة مع فنانين آخرين ايضا يملكون فن راقي ....


تتصوري الفنانين الاخرين بسبب غنائهم لأغاني عاطفية اذافة لاغاني وطنية مثلا ...
تنذاع اغانيهم اكثر و يعرفهم الجيل الصاعد بشكل اكبر ... ؟

اي طبعا...يعني هلق نحنا كبشر في عنا مشاعر وطنية في عنا مشاعر حب تجاه الجنس الاخر فيعني فيك تحكي انو الفنانين الاخرين ممكن لبوا عنا اكتر مما لبى مارسيل خليفة فسقو تعطش هالجيل تجاه القضايا الوطنية وتجاه القضايا العاطفية فكان من الاعلام انو صب اهتمامو عليهم اكتر من يللي كرسو حياتهم لخدمة القضية وبس...
بس برضو اللي بتحكي عنهم بتخيل انو الاعلام بيهتم كمان بالاغاني العاطفية الهن مو الاغاني الوطنية يعني الاعلام بيعرفنا عليهم كفنانين بيغنو حب وغرام وفيما لو كسبو محبة الناس هالناس بيتابعوهم وبيعوفوا شو اغانيهم وبيعرفوا وطنياتهم بس انو تيجي تحكيلي انو الاعلام اهتم فيهم كمغنين وطنيين فهاد انا مو معك فيه.

لو صح لك تبعثي رسالة للفنان الكبير ... شراح يكون محتواها و شلون رح تعبري عن اعجابك بالفن الراقي اللي يقدمو ... ؟؟

أيهـــا العزيز

يا من ارتسمت على جبين الشمس وحكت بصوتكـ أجمل شوق وأرقى هواء....
يا من علمتني كيف للوطن أن يغدو تذكاري وجواز سفري...
وكيف لدمي أن يكون قدسيا وكرياته البيض ياسمينا...
هنــا وفي هذه المساحة البيضاء.... سأعانق السماء وأغدو فارسة تجتاح العواصف بجناحين وبندقية....سأمسكـ الجريدة وأغني لنسيم الريح...سأحن لخبز أمي وسأختار الوطن حبا وطواعية سأكفن حروفي بالأخضر والعلم الفلسطيني...سأسير بين التفاصيل وأصعد نحو التئام الحلم....سأصنع للطفل طيارة من ورق وخيطان...سأنحني كالخريف...وستنتصب قامتي لتلامس شوامخ الجبال...سأموت قرب دمي...

أيها الرئع الذي حلم بالوطن ولم يعرف وطنا غير الذي يسكن قلبه....كيف لي أن أعتذر لكـ عن عالم عاجز عن أن يرى الجمال...كيف لي أن أرفع عينيّ لتواجه عودكـ الذي سكنت بين أوتاره؟؟؟كيف لعالمي الأصم أن يسمع صراخ روحكـ التي رفضت الظلم وأبت أن تختنق وسط زحام الحياة....
ولكن يكفيني اني اعلم انك لو كانت رسالتك ان تكون مشهورا فحسب لحصلت على ما أردت أما أنت فأنت مغني القضية ....الذي جعل الفن يرتدي الرقي مع هزات صوته ونغمات روحه....

يكفيني أنكـ مارسيل خليفة.....

تصفيق حار جدا مني و من الجكهور لكي ....


* انا و ليلى ....

قصيدة اكثر من رائعة .... و كاظم القيصر ابدع فيها ...

تشوفي اغاني القيصر كاظم الساهر الاخيرة ... بنفس المستوى اللي شفناه بمدرسة الحب .. زيديني عشقا ... انا و ليلى ... ؟؟

لما انسأل مين المطربين يللي بحب اسمعهن مع تحفظي عالسؤال لانو فينا نحب غنية مو نحب مطرب بس ممكن كلون معين بينتهجو يكون السؤال مقبول....كنت احكي بالزمنات كاظم من ضمنهم...بس كاظم ايام زمان لما كنت اسمعو كنت حسو كتير عظيم سواء ب انا وليلى بعد الحب مدرسة الحب المستبدة الحب المستحيل ضمني على صدرك صباحك سكر ووووو كنت كتير حلق مع اغانيه ومع صوتو بس حسيت انو مود اغانيه الفترة الاخيرة مو بأصالة اختياراتو لكاظم يعني ما بنكر انو عندو اغاني جداد حلوين بس بذات الوقت ما عاد بالقوة يللي كانت عندو...ما رح احكي اكتر من هيك بس رأيي كمستمع بفضل كاظم ايام زمان على كاظم هالايام.

ياني كموسيقار يوناني ...و صار عالمي ....

كثير تعجبني هاي المقطوعة بالذات ...


بشكل عام موسيقى ياني متجددة دائما ...

بس هل تسمعي مقطوعات الكلاسيك الغربية ... ... لو تفضلي مقطوعات تحرك الروح بقوة ... مثل الموسيقى اللي يقدمها ... ياني ؟؟

بين ما ترد سراب .....

اتمنى من كل واحد يحب يسالها سؤال مباشر ...

يبعث السؤال ... لطارق او الي ...


و شكرا لتعاونكم :larg:

سراب بدي اطلب منك طلب انو توجهي 6 اسئلة 3 منهون لزيد و3 الي وتبعتيهون ببرايفت لفيفا سيريا
بانتظار نشوفون بالحلقة الاخيرة

وطلب تاني انو بالمساحة اللي رح اتركها بدي منك تتركي شي للبرنامج شي بيعبر عن وشم الجمال













































































المساحة الك

سراب بعد 20 سنة الشب اللي عم يقرا دواوين هالشعرا رح يتذكر انو :

1- مظفر النواب كان
2- محمود درويش كان
3- سمو الشيخ محمد بن راشد آل مكتوم
4- سعيد عقل
5- نزار قباني ( ولو اني ما بطيقه ولا بطيق اعماله ولا بيمت للشعر بصلة )
6- سميح القاسم
7- احمد فؤاد نجم
8- بدر شاكر السياب
9- ابراهيم طوقان
10-احمد شوقي
11-سعاد الصباح
12- ابو القاسم الشابي

ياني كموسيقار يوناني ...و صار عالمي ....

كثير تعجبني هاي المقطوعة بالذات ...


بشكل عام موسيقى ياني متجددة دائما ...

بس هل تسمعي مقطوعات الكلاسيك الغربية ... ... لو تفضلي مقطوعات تحرك الروح بقوة ... مثل الموسيقى اللي يقدمها ... ياني ؟؟


أنا مو كتير بسمع موسيقى بس بتذكر اني سمعت المقطوعات يللي حطهن وسيم باخوية لياني وكانوا كتير عميقين وأثروا فيني بس بشكل عام بحب الموسيقى يللي بتجرف روحي بقوة وبعنف....

وطلب تاني انو بالمساحة اللي رح اتركها بدي منك تتركي شي للبرنامج شي بيعبر عن وشم الجمال

رح احكي كلمة بعتبرها رسالة مني لكل شب موجود بهالدنيا...

كونوا فرسان للنور بعالم كتير مظلم..كلنا بنفشل وكلنا بنقع بدوائر لو خيرنا بين نمر فيها ونتحاشاها كنا رح نفضل انو ما نمر فيها....بدي قلكن انو الانسان يللي بتأمل انو يرجع يحيى كتير بينهزم وكتير بيبعد وكتير بيتألم بس بيبقى الألم هوي طريقو ليقدر يحقق رسالتو بالحياة....

بدي قلكن انو الامل عايش جوات كل واحد فينا وانو كل واحد فينا قادر يكون بس بدنا شوية ارادة...



يتعرف فارس النور طريقه اللحظة التي يبدأ فيها المسير.
كل حجرة، كل منعطف يرحببه. يتماهى مع الجبال و المسيلات. يرى بعضا من روحه في النباتات و الحيوانات و طيورالبادية.
عندئذ، و قد رضي بمعونة الرب و علاماته، يستسلم لأسطورته الشخصية مفسحاالمجال لها لترشده إلى المهمات التي احتفظت بها لأجله.
في بعض الليالي، لا يجدمأوى يأوي إليه لينام، و في ليال أخر، يتألم أرقا. يقول المحارب في داخله:" أنا منقرر أن يسلك السبيل هذا، و هذا الألم ما هو إلا جزء منه."
في هذه العبارة تكمنقوته كلها. هو من اختار السبيل الذي يسلكه الآن، لذا عليه ألايشتكي.

باولو كويلهو...

اليوم انشالله رح ارجع لكمل وانهي الحلقة
وبعتذر عالتأخير بس ظرفي ما بسمح
وبتشكركم...

كتوضيح لما وردني عن الاستياء من اني ما طبيق نزار قباني فالاسباب هي
1- قدلا يعجب الثوريين والقومجيين كلامي لكن هي الحقيقة أن ( نزار ) شاعر صنعته أموال الخليجين فمن أين لنزار قباني الموظف في وزارة الخارجيه الذي لم يكن بتعدى راتبه ( 1200 ) دولا أن يؤسس دارا للنشر رأس مالها تجاوز ( 180 ) ألف دولار ، لولا المساعدات التي قدمها السيد سعود البابطين له ، والدكتورة سعاد الصباح التي طبعت له نصف دواوينه بطبعات فاخره ( قيمة الطبعه تتراوح بين 3000 - 4000 ) دولار وبعد ذلك كانت قصائده تنتقد امراء البترول وعباءات الباديه

نعم ونزار قباني من دون فلوس الخليج فهو ليس الا فم يظيع كلامه في الهوا لاكن البركه في المطابع الخليجيه اللي افادته وليس هو فقط كل العرب

2-الى من تأثر بنزار ، وبشعر نزار ، وبأدب نزار ، أتظنون أنه طرفة بن العبد ، أو المتنبي ، أو الأعشى ، أم هل تظنونه الشاعر الذي حمل هموم أمته في شعره ونثره ، الرجل قد مضى إلى ربه وهو سبحانه الذي يجازي ويحاسب . لكن ما بين أيدينا من الشعر يدل على السخرية بالقيم والمباديء الأصيلة ، بل ويسخر بالرب


3-الحب في القصيدة القبانية عشق جسد لا غير

4-كان نزار جريئا في تحدي الدين والتجرؤ عليه من خلال قصائده الاباحيه التي تتطاول على النصوص القرآنيه الثابته والاحاديث النبويه وكان ضعيفا في انتقاد أي مستبد وخاصة بلده الشام التي عاث فيها الطغاة استبدادا وظلما وقتلا للناس هذه هي باختصار حقيقة نزار ولو انه تكلم وتحرك وانتقد بحده كما هو في شعره الغزلي لتغيرت أمور كثيره في سوريا ولكنه كان يحسب على الدوام خط الرجعه وابقاء الشهره حيث عاد ميتا ودفن في تربة الشام بعد ان غادرها وهو مغضوب عليه بسبب تزمره من الوضع القائم


5-حقا لقد مات العرب أو نام العرب بعدم إبراز شخصيات لها دور فعال في واقعنا الحاضر نعم لقد مات العرب عندما فقدنا الشخصيات كشخصية خالد بن الوليد و عمر العاص و معاوية ابن سفيان و عبد الله ابن الزبير و صلاح الدين و عمر ابن عبد العزيز و هارون الرشيد وووغيرهم كثير نعم لقد مات العرب عندما خرج أهل المجون ومن غنى للمجون ومن قال الشعر في المجون و هذا طاغوت وشهواني والحمدلله الله ريحنا منه

6- من نزار وما حقيقة شعره انه باختصار ملحد وكافر بما تفوه به من سب لله وللدين واحتقار للاسلام ,الا لعنة الله عليه الى يوم الدين وعذبه عذابا اليما في قبره بما كان يقوله من كفر والحاد وجنس,

وللحديث بقية

وفي مين عم يأيد كلامي

نزار قباني.. قالوا عنه: " شهيد الشعراء وشاعر المرأة "
إلى أصحاب الأقلام المستأجرة على حطام من الدنيا قليل، وهم من أشد المجرمين الفاجرين الذين سال مدادهم حزنًا على شهيد الشعراء وشاعر الأمة العربية، وشاعر المرأة نزار.
إلى الأمة الغافلة النائمة نرسم بالصدق حقيقة الزنديق الذي تباكى عليه المرتزقة الفرحون بقتل كل فضيلة وعفة ونشر كل رذيلة وخسيسة، وهمهم الوحيد خفض دين الله بكل وسيلة والصد عن سبيله، ويأبى الله إلا أن يتم نوره.
سنفضحكم ونفضح نزاركم الذي تولى كبره، نزار وما أدراك ما نزار، التكبر على الخالق، نزار الاستهزاء بكل فضيلة وعفة وبؤرة كل فساد وعفونة، نزار الزندقة والإلحاد، ووجه الحداثة الكالح، ومستنقع الوثنية الآسن.
قولوا للناس: ما تعلمون من شعر نزار، قولوا لمن كان عنده مثقال ذرة من إيمان: ماذا تقول في نزار..
القائل: "من أين يأتي الشعر يا قرطاجة.. والله مات وعادت الأنصاب". "الأعمال الشعرية الكاملة" – لنزار (3/637).
والقائل: "ماذا تشعرين الآن؟ هل ضيعت إيمانك مثلي بجميع الآلهة؟". "الأعمال الشعرية الكاملة" – لنزار (2/33.
والقائل: "بلادي تقتل الرب الذي أهدى لها الخصبا بلادي لم يزرها الرب منذ اغتالت الربّا". "يوميات امرأة لا مبالية" – (ص 620).
ويقول "في دفاتر فلسطينية" ص 119: "حين رأيت الله في عمان مذبوحًا على أيدي رجال البادية".
ويقول في مجموعة "لا" في "خطاب شخصي إلى شهر حزيران" ص 124: "أطلق على الماضي الرصاص كن المسدس والجريمة من بعد موت الله مشنوقًا على باب المدينة لم تبقَ للصلوات قيمة لم يبق للإيمان أو للكفر قيمة".
ويقول في مدح الكفر "الأعمال الشعرية الكاملة" – لنزار (2/39): "يا طعم الثلج وطعم النار ونكهة كفري ويقيني".
ويقول في "يوميات امرأة لا مبالية" – (ص 597): "أريد البحث عن وطن جديد غير مسكون ورب لا يطاردني وأرض لا تعاديني".
ويقول في نفس المصدر السابق: "لأني أحبك يحدث شيء غير عادي في تقاليد السماء، يصبح الملائكة أحرارًا في ممارسة الحب، ويتزوج الله حبيبته في السماء).
ويقول في "الأعمال الشعرية الكاملة" (2/442): "إله في معابدنا نصليه ونبتهل، يغازلنا وحين يجوع يأكلنا، إله لا نقاومه يعذبنا ونحتمل، إله ما له عمر، إله اسمه الرجل".
وفي نفس المصدر السابق يقول: "الله يفتش في خارطة الجنة عن لبنان".
وفي نفس المصدر يقول: "القلب الإنساني قمقم رماه الله على شاطئ هذه الأرض، وأعتقد أن الله نفسه لا يعرف محتوى هذا القمقم، ولا جنسية العفاريت التي ستنطلق منه، والشعر واحد من هذه العفاريت".
وفي مقابلة له بعنوان "أسئلة الشعر مع منير العكش" يقول ص 195: "كل كلمة شعرية تتحول في النهاية إلى طقس من طقوس العبادة والكشف والتجلي، كل شيء يتحول إلى ديانة حتى يصير الجنس دينًا، والغريب أنني أنظر دائمًا إلى شعري الجنسي بعين الكاهن، وأفترش وجه حبيبتي كما يفترش المؤمن سجادة صلاة، أشعر كلما سافرت في جسد حبيبتي أني أشف وأتطهر وأدخل مملكة الخير والحق والوضوء. وماذا يكون الشعر الصوفي سوى محاولة لإعطاء الله مدلولاً جنسيًا؟".
ويقول في صفحة 196 في نفس المصدر: "يكون الله سعيدًا في حجرته القمرية"
ويقول في "الأعمال الشعرية الكاملة" (2/18: "حين وزع الله النساء على الرجال وأعطاني إياك شعرت أنه انحاز بصورة مكشوفة إلي وخالف كل الكتب السماوية التي ألفها فأعطاني النبيذ وأعطاهم الحنطة".
ويقول في نفس المصدر "الأعمال الشعرية الكاملة" (2/402): "حين عرفني الله عليك ذهب إلى بيته، فالله كما قالوا لا يستلم إلا رسائل الحب".
ويقول في "الأعمال الشعرية الكاملة" (1/775): "عمر حزني مثل عمر الله أو عمر البحور".
ويقول في "الأعمال الشعرية الكاملة" (2/562): "فلا تسافري مرة أخرى لأن الله منذ رحلت دخل في نوبة بكاء عصبية وأضرب عن الطعام".
ويقول في "الأعمال الشعرية الكاملة" (2/64: "لا الله يأتينا ولا موزع البريد منذ سنة العشرين حتى سنة السبعين".
ويقول في "الأعمال الشعرية الكاملة" (2/64: "ولماذا نكتب الشعر وقد نسي الله الكلام العربي".
ويقول في "الأعمال السياسية" (3/105): "حين يصير الدمع في مدينة أكبر من مساحة الأجفان يسقط كل شيء الشمس والنجوم والجبال والوديان والليل والنهار والشطآن والله والإنسان".
ويقول في "الأعمال الشعرية الكاملة" (2/761): "لا تخجلي مني فهذه فرصتي لأكون ربًا أو أكون رسولاً".
ويقول في ديوان "قالت لي السمراء" (ص 45): "وشجعت نهديك، فاستكبرا على الله حتى فلم يسجدا".
وفي نفس المصدر (ص 55) يقول: "في شكل وجهك أقرأ شكل الإله الجميل".
ويقول في قصيدة "هل تسمعين صهيل أحزاني" (ص 18: "وطن بلا نوافذ هربت شوارعه، مآذنه، كنائسه وفر الله مذعورًا، وفر جميع الأنبياء".
وفي نفس القصيدة (ص 63) يقول: "هو الهوى، هو الهوى الملك القدوس والآخرين القادر".
ويقول في "أشعار خارجة على القانون" (ص 65): "يا إلهي.. إن كنت إلهًا حقيقيًا، فدعنا عاشقينا"
وفي نفس المصدر (ص 27) يقول: "شكرًا لحبك؛ فهو مروحة، وغمامة وردية، وهو المفاجأة التي حار فيها الأنبياء".
ويقول في ديوانه "الرسم بالكلمات" (ص 14): "وكتبت شعرًا لا يشابه سحره إلا كلام الله في التوراة".
وفي نفس المصدر (ص 94) يقول: "أنا أرفض الإحسان من يدي خالقي".
وفي نفس المصدر (ص 135) يقول: "قد كان ثغرك مرة ربي فأصبح خادمي".
وفي نفس المصدر (ص 17) يقول: "مارست ألف عبادة وعبادة فوجدت أفضلها عبادة ذاتي".
وفي "خطاب من حبيبتي" لنزار (ص 426) يقول: "أين غرور الله من غروري".

نزار قباني الزنديق شاعر الإباحية بعدما أسهبنا في كفرياته وزندقته من خلال أعماله ننتقل لرأي الأدباء فيه:
يقول الأستاذ أنور الجندي: "أما شعر نزار قباني الذي أوسعت له الصحافة العربية الصفحات فيكفيني في التعريف به ما كتبه محمد سالم غيث في كتابه "الحب والجنس في شعر نزار قباني" يقول: لقد خلع نزار ثياب الرجل كثيرًا ولبس ثياب المرأة وتقمص شخصيتها وتحدث بلسانها، فهل صحيح أنه يفعل ذلك دفاعًا عن المرأة التي حكم عليها الشرق الغبي بالإعدام حتى يقدم كتاب يوميات امرأة لا مبالية إلى طالبات الجامعة الأمريكية ويقول: إن كتابكن، كتاب كل امرأة حكم عليها هذا الشرق الغبي الجاهل بالإعدام ونفذ حكمه فيها قبل أن تفتح فمها، ولأن هذا الشرق غبي وجاهل ومعقد يضطر رجل مثلي أن يلبس ثياب امرأة ويستعير كحلها وأساورها ليكتب عنها، أليس من مفارقات القدر أن أصرخ بلسان النساء ولا تستطيع النساء أن يصرخن بأصواتهن الطبيعية؟ ما سر نيابته عن المرأة في الحديث عن الإحساسات التي لا يحاسب المجتمع عليها المرأة إذا هي كتبتها؟ لماذا لم يكتب هذه المعاني بصوت الرجل وإحساساته؟ ما سر تدخل الشاعر في أشياء لا تشعر بها إلا امرأة؟ إننا نرى أن شاعرنا من الفئة التي تعرف إحساسات المرأة وطبائعها لاتفاقه معها في الطبع والشعور. إن إسراف نزار قباني في استخدام الأسلوب النسائي لَيصرخ نيابة عن المرأة، فهل عبّر نيابة عن المرأة الشرقية؟ نقول: لا".
وتكشف الدراسات كثيرًا من حياة نزار قباني وأبرزها أنه لم يجب أبدًا على السؤال الذي وجه إليه: لماذا فصل من السلك السياسي السوري؟ وقد تحداه أن يجيب عن ذلك كثيرون في الصحف علنًا، يقول صالح جودت: لو عرفتم الجواب لأدركتم لماذا هرب نزار قباني من سوريا ولماذا تلبنن.
ومن الأحاديث التي أجريت معه أجاب هذه الإجابات التي تكشف خبيئته: "لو كنت حاكمًا لألغيت مؤسسة الزواج وختمت أبوابها بالشمع الأحمر"، "العري أكثر حشمة من التستر"، "مع حبيبتي لا أخرج من الغرفة ومع زوجتي لا أدخل الغرفة أساسًا"، هذه هي المفاهيم التي يقدمها نزار قباني في شعره الذي تحتفل به الصحافة العربية، ولعل من أبرز سيئات نزار قصيدته "افتح الباب أبي" تلك التي أعلن فيها الرفض لكل ما هو عربي وإسلامي، وقد سمى سيف الدولة "مغرورًا"، وهو الذي قضى حياته مجاهدًا في سبيل الله حتى جمع من غبار ثيابه في معاركه مع الروم ما جعل منه وسادة أوصى بوضعها تحت خده بعد موته. ا.هـ (من "الصحافة والأقلام المسمومة لأنور الجندي" ص 167-16.

بعد كل ما سبق أعتقد أن أمر الرجل قد افتضح لكل من اغتر بكلام صحافتنا العربية عن نزار قباني.

نزار قباني شاعر معروف ومشهور، لكن ليس كل مشهور ممدوح، فإبليس أشهر من كثير من الصالحين، ومع هذا فمكانته عند الله معلومة، وشره واضح لكل ذي عينين، والذي نعرفه عن شعر نزار قباني أنه كان مولعاً بوصف النساء، والناظر في شعره يراه كأنه قصيدة واحدة نُسخت بألفاظ ومفردات متغايرة، ومحور هذه القصيدة هو النساء وما يدور بينه وبينهن في المخادع، وفي شعر نزار قباني أمثلة كثيرة على وقاحة شعره وفظاظته، ومن ذلك قوله:
فصلت من جلد النساء عباءة ==== وبنيت أهراماً من الحلمات
فالنساء عند هذا الشاعر لسن سوى نهود وثقوب، ثم إنه مولع بوصف النساء (الزانيات الساقطات)، وفوق كل هذا فقد تجرأ على الذات الإلهية متبعاً في ذلك منهج الحداثيين، فقد قال مرة: إنني على الورق أمتلك حرية إله وأتصرف كإله. انتهى.
وفي موضع آخر من ديوانه (لا) قال: رأيت الله في عمان مذبوحاً على يد رجال البادية... فغطيت وجهي بيدي.... يا تاريخ... هذي كربلاء الثانية. انتهى.
ولعل هذا الرجل قد سلك هذا الطريق لأنه قريب إلى الشهرة مما جعله يغرق في لجج الشر والجنس والمرأة والعري، ولقد نحا نحوه كثير من الذين عاصروه أو أتوا بعده لكن بأساليب مختلفة، وهي كلها جرائم ترتكب يومياً باسم الإبداع والتنوير والتجديد، ولذا فإنه لا يجوز لأحد قراءة مثل هذا الشعر، أو المساعدة على نشره أو حفظه،

توضيح هام مني ومن سوريويو : كل ما ذكر بالردود اعلاه لا يمت للواقع ولا يعبر بشئ عن الحقيقة وهذه فقرة محامي الشيطان وطالما لم نعلن انتهائها فهاذا يعني ان احدنا او كلانا متقمص للشخصية

نظرا لان وشم الجمال ابلغتنا باعتذارها عن الحلقة بسبب ظرف طارئ
تغلق الحلقة

في حلقة محمد ابراهيم غدا:
1- ما حقيقة الدعوة القضائية المرفوعة ضده في مصر ؟
2- ما ذا يقول محمد عن خالد يوسف ؟
3- كيف يرى محمد اضعاف الشعور القومي
4- هل محمد ما زال من رواد زمن الحب الجميل


SURYOYO , PHOENIXBIRD يحاوران محمد ابراهيم غدا

في حلقة محمد ابراهيم غدا:
1- ما حقيقة الدعوة القضائية المرفوعة ضده في مصر ؟
2- ما ذا يقول محمد عن خالد يوسف ؟
3- كيف يرى محمد اضعاف الشعور القومي
4- هل محمد ما زال من رواد زمن الحب الجميل


SURYOYO , PHOENIXBIRD يحاوران محمد ابراهيم غدا

تشرفنا ،
وان شاء الله تصير حلقة ناجحة وأكون ضيف لطيف ومحبوب بالنسبة لمقدمين الربنامج وبالنسبة للجمهور .
وسعيد جدا بالتواجد معكم .

سراب بعد 20 سنة الشب اللي عم يقرا دواوين هالشعرا رح يتذكر انو :

1- مظفر النواب كان مسكونا بالهم الوطني والقومي ....كان ينبت من شعره ألف شمعة وشمعة يضويها من قلبه كي تشعل درب وطنه العربي...

2- محمود درويش كان شاعر عميق غامض صنع من الشعر مرسى للحرية والثورة والالتزام.... وجعل من شعره قضية....

3- سمو الشيخ محمد بن راشد آل مكتوم كان جميل العاطفة روح شعره تتغلغل في نفس القارئ من دون ملل او تعب...شعره سهل ولكن سهل ممتنع...

4- سعيد عقل بكفي اني قول انو شخص منح لبنان جمال ونقاء ....بكفي انو انسان كان كل همو انو تكون لبنان وطنو الجنة.....

5- نزار قباني شاعر المرأة الذي نقلها من زاية الحرمة والعورة الى زاوية تكون فيها المجتمع بأسره....فيني قول انو زادها شوي لكن الو نظرتو وما فيني انكر انو كان الو دور كتير عظيم باخراج المرأة لتشوف حالها جزء الو قيمتو ...

6- سميح القاسم شاعر الثورة الذي زرع ف دمه الوطن وأنجب الف قصيدة

7- احمد فؤاد نجم اجمل شاعر بيحكي شعر عامي ...بتحسو لما يلقيه للشعر قلبو عم يحكي معو...

8- بدر شاكر السياب شاعر ابدع وخلال سنتين قدم من الشعر ما عجز غيرو عن تقديمو قد انتقدو بتوظيفو الكثير للاساطير الا انه ابدع وكان جميلا جدا....شاعر العراق الرائع

9- ابراهيم طوقان شاعر فلسطين الأول...توفى بالتلاتينات من عمرو بس كان الوطن همو ...وكان ايضا القلب الحنون على اختو الشاعرة فدوى طوقان

10-احمد شوقي امير الشعراء الذي نجد في شعره ثقافة عالية مميزة وتجربة حياتية طويلة....انا اعتبره من الشعراء المجددين في تلك الفترة

11-سعاد الصباح لشعرها وقع خفي رائع خاصة على قلب الأنثى...بتتجلى المرأة العاشقة التي تسكن كل منا ولكن نخاف ان نخرجها درئا لخطر مجتمع سئ....

12- ابو القاسم الشابي اخدت قصيدة الو وانا بالمدرسة ولهاللحظة لما تغلق الدنيا عليي ابوابها بقول...
اذا الشعب يوما اراد الحياة****فلا بد ان يستجيب القدر....

من الضروري ان نكون قادرين على احتمال الرأي والرأي الاخر...الطبيعي انو كون انا بفكر وانت بفكر وهوي بفكر وهيي بفكر اما اذا كنا كلنا نفس العقلية نفس الافكار فهاد مالو اي معنى غير انو نحنا بلا عقول او عقولنا كلياتنا ما كانت اكتر من استنساخ لعقول بعض وهالظاهرة اطلاقا مانا صحية....

الان بالنسبة الى احتلال النساء لشعر نزار فهذا ليس دليل فجور كما انتقدت ولكن ان نظرنا من وجهة نظر اخرى فرح نوصل لانو بدو يخرج المرأة من الموقع التقليدي يللي هيي انوضعت فيه بمعنى انو ما بدو ياها تبقى الشي يللي لازم يتخبى ويبقى ضمن اطار الممنوع....يعني هلق هوي اوكي حكى عن جسد المرأة بكل صراحة وبدون اي قيود بس هاد لا يعني انو امتهن المرأة بالعكس انا بوجهة نظري بشوف انو وضع جسدها ضمن اطار التقديس ولما انو يحكي عن الجسد والنهود وال وال وال بزمن متل زمنو فهون نحنا بنستغرب منو لانو عمل ثورة مو طبيعية تجاه مفاهيم ثابتة كان في احتمالية هدر دمو اكتر من مرة وواجه الكثير من النقد وبالعكس ببداياتو كان هوي يللي بطبع دواوينو لانو اهلو ما كان عندهم ايمان بالحكي يللي بقولو متل ديوان قالت لي السمراء....بس هون بنشوف انو لمجرد وقفتو لفركة ولقضية هاد بحد ذاتو بيستحق الاجلال....
يعني اي قصيدة من قصائدو ممكن شخص يشوفها غريزية وجنسية وبتثير الشهوات في حين انو نزار لما كتبها ما كان قصدو غير انو يمنح المرأة حقها في انو تكون كيان انساني الو حقو بالحياة وحقو بتقرير المصير ....
الحب ولو انو كان بنظر نزار عبارة عن عاطفة مؤقتة والدليل انو حب كتير نساء الا انو هالنقطة كمان ما بتشكل نقطة خلاف معو لانو نحنا باطار انساني بنختلف...منا بيؤمن بالحب الاول ومنا بيؤمن انو الحب مو الحب الاول ومنا بيؤمن انو ممكن نحب اليوم حدا وبكرا حدا ومنا مين بيؤمن بأزلية الحبيب فيعني برضو هالنقطة ما بتعطينا حق الثورة على نزار.

نقطة انو تجرأ على الذات الاهية ولو انو عندي بعض التحفظات عليها الا انو انا لما اقرا بكلام نزار حكي فيو تجرؤ على الذات الالهية فانا ما بشوف انو بيقصد الله ولكن بيقصد التمثال يللي الكل بيخاف منووما بعرفو شو هوي...ما بقصد الله ولكن بيقصد التقاليد العمياء يللي بيحلها المجتمع بموقع المتحكم بمصائر الشعوب....

ولما انو يحكي بعض العبارات فهاد لا يعني فجورو ممكن انو عم يطرح قضايا موجودة بالمجتمع بلباس مختلف وهون لازم نكون قادرين على استشفاف الحقيقة يللي بيرمي الها مو نكون سطحيين..

وكمان انا مو مع نزار تماما انا مع بعض قصائدو وما بحب كلشي كتبو نزار بس بذات الوقت ما بنكر اللي اضافو نزار.

وفي الو بعض القصائد الوطنية الاكتر من رائعة وقصائدو اكتر تميز وقرب من كتير من الوطنيين.

وبصراحة يعني هلق بهالمقالة انت اتهمت كتار لمجرد اعجابهم بشعر نزار ولمجرد انهم دافعوا عنو بالفجور وهاد بحد ذاتو بيشكل نقطة ضدك لانو ما حدا بحقلو يتهم حدا بالفجور لاي سبب كان..

واخر شي بدي قول دع الخلق للخالق وانت مو رب لتحاسب الخلق....

[

اي اخت سراب

المقال كان فقرة محامي الشيطان و طارق وضح هذا الشي ... و مو عيب اذا قرينا مقالات تجرحنا ..


و فعلا ردك يبين قراءة معمقة و يمكن تأثر ... بشعر الكبير نزار قباني ...

و يا هلا :D

نشكر سراب شكرا جزيلا ... على الحلقة الرائعة اللي خاضتها معنا ..

نرحب باسمي و باسم طارق ... بالاخ العزيز علينا ... محمد إبراهيم ...

و نتمنى تكون الحلقة رائعة و مثمرة و مميّزة .......



وردة لالك ... اخينا محمد :akh: