هاد الموضوع بيندرج ضمن نفس أجوبتي السابقة.. الزواج لايفرض من أي أحد ياعني لا لابن عمها ولا لإبن الجيران الوزاج حالة انسانية سامية لازم تتوافر فيها شروط معينة.

وعلى صعيد سوريا هالموضوع اذا مابدي قلك انعدم بقلك انو انحسر بشكل كبير كبير كبير... يعني أنا ما عد سمعت انو في بنت عم يفرضو عليها ابن عمها أو العكس الا في ما ندر... وهي حالة صحية وصحيحة جداً بتصوري.

تتصور اذا المجتمع ما تقبل الزواج من غير اديان ..... تتخيل الحل يكون باالعيش في مجتمع آخر يتقبل هكذا زواج (يعني في العالم الغربي)

بصراحة إذا الطرفين كانوا واثقين من علاقتهن وحبهن بيفرضوا وجودهن بهالمجتمع وأكيد بيوصلو لمرحلة يتقبل المجتمع هالعلاقة ..

أما موضوع العيش بمجتمع غربي مابفضلو الا بحالة تثبيت زواجهن بمحاكم أجنبية أو عربية تطبق مبدأ الزواج المدني.. وبالنهاية أكيد بيوم من الأيام بدنا نوصل لتطبيق الزواج المدني بكل دولنا لأنو الكون ماشي لقدام وماحدا بيقدر يوقف بوجه الإنسانية وحقوق الإنسان..

بصراحة إذا الطرفين كانوا واثقين من علاقتهن وحبهن بيفرضوا وجودهن بهالمجتمع وأكيد بيوصلو لمرحلة يتقبل المجتمع هالعلاقة ..

أما موضوع العيش بمجتمع غربي مابفضلو الا بحالة تثبيت زواجهن بمحاكم أجنبية أو عربية تطبق مبدأ الزواج المدني.. وبالنهاية أكيد بيوم من الأيام بدنا نوصل لتطبيق الزواج المدني بكل دولنا لأنو الكون ماشي لقدام وماحدا بيقدر يوقف بوجه الإنسانية وحقوق الإنسان..
مطول كتير هاليوم ؟

فادي بموضوع جديد حابب اخد رايك فيه
هل تعتقد ان الاصولية تتشرب في المجتمع السوري
بدليل انتشار السلفية من جهة وماحدث عند حرق السفارتين النرويجية والدنماركية في دمشق؟

بالنسبة لموضوع انتشار السلفية هاد موضوع ناتج عن الكبت الفكري يلي صاير عنا بالبلد.. نحنا بسوريا بحياتنا ما كان عنا هبك تيارات أو هيك ميول.. طول عمرنا مجتمع منفتح ومتقبل للأخر من أيام جدي وجدك ونحنا عايشين سوا ومنحب بعض وبحياتو ماكان المجتمع السوري مجتمع عندو تطرف من أي نوع... بس يلي حالياً صاير انو نتيجة قمع الحريات وخنق البشر عم ينجبروا العالم يفرغوا كبتهون و يتأدلجو بطريق أو بأخرى وباعتبار انو موضوع الدين هو أسهل طريقة متوفرة بتلاقيهن راحو بهاد الاتجاه.. يعني مابتكلف شي ( جلابية بيضا قصيرة شوية ودقن طويلة وطبعة هلى الجبين وتحكيلك كم كلمة فصحة) صرت من المبشرين بالجنة.

عن موضوع السفارتين يلي انحرقوا: يعني مافيك تعتبرو مثال ببساطة لأنو هالشي تم بموافقة الحكومة الكاملة باعتبار انا وياك منعرف انو عنا تنين اذا جتمعو مو مشان يهتفوا بالروح بالدم بتاخدهن المخابرات فما بالك انو يجتمع هالعدد ويسمحولون يعتدو على السفارات.
يعتي استوعبوا هالتيار وخلوهن ينفسوا عن حالهن شوي وبنفس الوقت حاولوا يعكسولنا صورة الشعب الحر يلي بيقدر يعمل يلي بدو ياه...

كل مصايب البلد اليوم اقتصادياً واجتماعياً سببها قمع الحريات والاستفراد بالقرار

الله يلعن اللي كان السبب بحجب اخوية
فادي
فتنا بفقرة الصوت
خبرني عن علاقتك مع الموسيقا
وحط 5 مقطوعات موسيقية بتعبر عنك منيح

أول شغلة بدي وضحلك ياها علاقتي مع الموسيقى علاقه معقده شوي... هي مابتربط بصاحب العمل قد مابتربط بالعمل بحد ذاته... يعني ممكن تلاقيني عم اسمع مقطوعه لبتهوفن بنتقل بعد شوي لأغنية لجوليا.. بعد شوي بتلاقيني انتقلت لسماع عمرو دياب...

بشكل عام أنا ميال للموسيقا الكلاسيكية وللأعمال "الرايقة" بغض النظر عن أصحاب هالأعمال..

السيمفونيات المفضلة بشكل عام أعمال بتهوفن يلي بحب إعزفها.. والرائع ياني

المطربين المفضلين "الأجانب":
سيلين ديون ... ويتني هيوستن... خوليو... انريكي

المطربين المفضلين "العرب":

جوليا... الماجده... ريم البنا... مارسيل خليفة... زياد الرحباني...

الصف التاني : عمرو دياب... راغب علامه ...إليسا.

بإعتباري متعصب لأي ابداع أنثوي رح أعطيك خمس أغاني وطنية نسائيه أعشقها وأعتبرها أعمال تستحق رفع القبعة:

ببتدي مع قمة إبداعات لينا شماميان قصيدة شــــآم... عمل متكامل حرك مشاعرنا كسوريين بشكل غير مسبوق ولا تعودناه من الأعمال الغنائية الوطنية يلي تخصصت بمدح القائد المفدى...

تاني شي الأغنية الخالدة لجوليا بطرس أنا بتنفس حرية... أغنية تعبر عن آلام الشعوب العربية والتي تعيش تحت حكم الأنظمة القمعية تحديداً.. هذه الأغنية رسالة للشعب وللحاكم...

تالت شي أغنية العظيمة ماجدة الرومي قوم اتحدى الظلم تمرد يلي بإعتبرها شخصياً من أجمل ماغنت الماجده...

رابع شي أغنية ريم البنا الرائعه فارس العوده يلي بتخليك تبحر بأحاسيس رائعه متل روعة هالفنانة الحساسه...

خامس مقطوعه قصيدة الخالد نزار قباني " القصيدة الدمشقية" المغناة من الفنانة أصالة بالفعل أكثر من رائعه.

اختياراتك كلها متعلقة بالوطن و بالقضايا .... . .

بس اذا امكن ... تحط روابط مباشرة للاستماع او تحميل الاغاني ....

بإعتباري متعصب لأي ابداع أنثوي رح أعطيك خمس أغاني وطنية نسائيه أعشقها وأعتبرها أعمال تستحق رفع القبعة:

ببتدي مع قمة إبداعات لينا شماميان قصيدة شــــآم... عمل متكامل حرك مشاعرنا كسوريين بشكل غير مسبوق ولا تعودناه من الأعمال الغنائية الوطنية يلي تخصصت بمدح القائد المفدى...



تاني شي الأغنية الخالدة لجوليا بطرس أنا بتنفس حرية... أغنية تعبر عن آلام الشعوب العربية والتي تعيش تحت حكم الأنظمة القمعية تحديداً.. هذه الأغنية رسالة للشعب وللحاكم...



تالت شي أغنية العظيمة ماجدة الرومي قوم اتحدى الظلم تمرد يلي بإعتبرها شخصياً من أجمل ماغنت الماجده...



رابع شي أغنية ريم البنا الرائعه فارس العوده يلي بتخليك تبحر بأحاسيس رائعه متل روعة هالفنانة الحساسه...



خامس مقطوعه قصيدة الخالد نزار قباني " القصيدة الدمشقية" المغناة من الفنانة أصالة بالفعل أكثر من رائعه.






اختيارتك للاغاني كانت اكثر من موفقة ما عدا اختيار واحد فقط
فيفا المعروف بفكره التحرري بيسمع جوليا بطرس التي سقطت من عيون الكثيرين هي واصالة نصري بغنائهما لشخصيات
يعني حدا بيعمل عملة جوليا وبيغني لحسن نصر الله ؟ يعني جوليا خسرت جمهور كبير من لبنان والعالم العربي بانحيازها للمعارضة وحزب الله

فيني اكتفي بهاد الجواب على سؤالك:

أول شغلة بدي وضحلك ياها علاقتي مع الموسيقى علاقه معقده شوي...



بس أنا حابب فصل شوي:

اختيارتك للاغاني كانت اكثر من موفقة ما عدا اختيار واحد فقط
أول شي هدول أغاني أنا بحبن.. بمعنى أنا موداخل بمسابقة ليكون خياري موفق أو غير موفق...

فيفا المعروف بفكره التحرري بيسمع جوليا بطرس التي سقطت من عيون الكثيرين هي واصالة نصري بغنائهما لشخصيات باعتباري معروف بطريقة تفكيري ومعروفة المبادئ تبعي اخترت هالأعمال .... وبرجع بقلك جوليا وأصاله إلهون أعمال تستحق رفع القبعة لأنها عن جد أعمال عبرت عن معاناة الشعوب... بغض النظر عن انو إلي تحفظ على بعض الأعمال...


يعني حدا بيعمل عملة جوليا وبيغني لحسن نصر الله ؟ يعني جوليا خسرت جمهور كبير من لبنان والعالم العربي بانحيازها للمعارضة وحزب الله
جوليا غنت لمقاومة حررت الأرض.. ماغنت لحزب الله يلي استعمل سلاحه بالداخل اللبناني ولا غنت لتحالفات حزب الله الإقليمية.. حزب الله كحركة مقاومة ضد إسرائيل يجب علينا كلنا أن نغني له.. لكن حزب الله في الداخل اللبناني "و أسفاه"

يا بابا جوليا وحدة باعت الناس كلها وهي بتغني لحزب اهدى لبنان 1500 قتيل وجريح وبيوت مهدمة
ودمار وخسائر اقتصادية
زكله خلال شهر

جاي تقلي قضايا انسانية ؟

بابا براسك هع :sly:

شوف حبيب مشان ما نلف وندور بمحلنا... أنا ضد وجود سلاح بغير يد الشرعية اللبنانية وضد تفرد حزب الله بقرار الحرب والسلم وضد استعمال سلاح حزب الله في الداخل اللبناني... واضح لهون؟؟

بنتقل للشق التاني بكل وضوح: أي مقاومة عسكرية ضد إسرائيل بغية تحرير أرض أو أسرى يجب علينا تأيدها والوقوف معها... لكن يجب أن تكون هذه المقاومة منبعثة من قرار شعبي ولاترتهن لمصالح خارجية أو حاور إقليمية وهنا تحفظي على تصرفت حزب الله بالفترة الأخيرة..

بإختصار: المقاومة والصمود "الحقيقين" يجب علينا إحترامهم والمضي في هذا الطريق.. وهون عم إحكي عن كل أنواع المقاومة وكل أنواع الصمود...

جوليا من أكبر نشطاء الحزب السوري القومي الإجتماعي. هذا الحزب يكره الكيان اللبناني ويعمل كل ما بوسعه لتدمير لبنان المستقل وضمه إلى كيان مزعوم يسمونه سوريا الكبرى، يضم لبنان وسوريا الحالية والأردن وفلسطين والعراق (بما فيه الكويت ... نعم!) و ... قبرص (نعم!). عقيدة هذا الحزب مستقاة من عقيدة الحزب النازي والحزب الفاشي وقد حوكم مؤسسه أنطون سعادة بعد محاولة إنقلابية وأعدم، فانتقم الحزب باغتيال رئيس وزراء لبنان رياض الصلح. ولهذا الحزب تاريخ طويل مع الاغتيالات والمحاولات الإنقلابية في لبنان وسوريا، لا جوليا ولا أغانيها تقدر أن تضفي عليه صبغة الوطنيّة، إذ كيف يكون وطنيّا من يعمل لإلغاء وطنه لبنان وتذويبه في وطن خرافي يحكمه حزب فاشي؟

نشكر فادي VivaSyria على البرنامج ....

و كانت أحلا فقرة هي محامي الشيطان لكن للأسف الظروف حالت دون التكملة !



اشكرك مرة ثانية ......و كانت حلقة مميزة بوجودك

ترقبوا الحلقة القادمة ........ مع ضيف مميز جدا .... مع ضيف وضع بصمة في أخوية ....

مع ضيف عزيز على قلوبنا ...




انه ... اللامنتمي ...