اي الى حد بعيد ....

كل واحد وصل الفن العراقي بشكل خاص و ابداع خاص حسب امكانيته و حسب حب الجمهور ...

موسيقار محمد عبد الوهاب قال: الموسيقى العربية تدور في فلك الموسيقى المصرية الا العراقية فهي في فلك لوحدها

شو تعليقك عليه؟

اي فعلا ...

الموسيقى العراقية ... فيها مقامات و اطوار و ايقاعات ما موجودة بغير مكان .... بس في العراق ...


الفن العراقي له تراث غني جدا بسبب تعدد المناطق و تعدد الالوان الغنائية في مناطق البلاد بشكل عام ...


و لهذا صار شبه مستقل ...


اليوم نشوف بعذ الملحنين ماشين ضمن الموجة الماشية بالعالم العربي ككل .. يعيدون الالحان السابقة بدل ما يقدمون جديد ... و هي ظاهرة مو صحية ابدا

في العراق اليوم الصوت النسائي الوحيد الذي استطاع ان يشق طريقه وسط الرجال هي شذى حسون نجمة ستار اكاديمي
كيف تراها وهل تتوقع لها النجومية ام انها ستذوب كما غيرها من نجوم ستار اكاديمي

شذى حسون ... كصوت خام حلو و مشجع كثير ....

و ممكن تنجح و تنجح كثير ...جماهيريا و كذلك فنيا ...


بس اهم شي تختار الكلمات و الالحان الجيدة ... حتى تبرز و تبرز بقوة ...


و يبقى نشوءها و حياتها ببلد المغرب .. لازم ما يؤثر على تكوين هوية عراقية خاصة فيها ...


فعلا من كل القلب أتمنالها النجاح ,,, لان صوتها راقي

من نصير شما والموسيقى العراقية رح نروح لحليم
كيف علاقة زيد بحليم؟

عبد الحليم ...

كثير احب و اعشق فن عبد الحليم الراقي و البسيط ... من الكلمات و الاحان اللي اختارها و الى صوته الدافئ .. الى اداءه المتيز ,,,


كل اغنية من اغانيه اللي احبها ... الها اثر في داخلي ...

قارئة الفنجان .. اهواك ... اي دمعة حزن ... سواح .... رسالة من تحت الماء .. الخ


مجرد صعوده في وقت كوكب الشرق ... هو انجاز صعب جدا !

في عام 2006 الرائع احمد زكي قدم فيلم حليم وبنفس العام قدم مسلسل ايضا عن حليم
الى اي مدى ترى ان دراما السير الذاتية تقدم المبدع بوضوح
وخاصة مع تجارب درامية مثل ام كلثوم نزار قباني صلاح الدين قاسم امين ابو الطيب المتنبي الامين والمامون

واليوم في مصر يتم تصوير مسلسل عن حياة جمال عبد الناصر واخر عن اسمهان كما يجري التحضير لفيلم عن الرئيس الراحل حافظ الاسد والرئيس صدام حسين


هل ترى ان الدراما قادرة على تقديم هذه الشخصيات بطريقة جيدة؟

زيد بدي منك تترك بالمساحة اللي رح تركا
شي للبرنامج هوي كلمة هو تعليق هوي صورة هوي غنية اللي بدك لنتذكرك فيه بالبرنامج










































































المساحة الك

زيد بعد 20 سنة لو دخل عضو لاخوية رح يذكر انو الاعضاء التاليين قدموا شي لاخوية

بيذكر انو butterfly


ريمي


ماتيا


اممي


بلاك



عاشق من فلسطين



سوريويو




هاني داغر


غوفر منت



مريومة




يمان -رونالدو



ابو سليمان

في عام 2006 الرائع احمد زكي قدم فيلم حليم وبنفس العام قدم مسلسل ايضا عن حليم
الى اي مدى ترى ان دراما السير الذاتية تقدم المبدع بوضوح
وخاصة مع تجارب درامية مثل ام كلثوم نزار قباني صلاح الدين قاسم امين ابو الطيب المتنبي الامين والمامون

واليوم في مصر يتم تصوير مسلسل عن حياة جمال عبد الناصر واخر عن اسمهان كما يجري التحضير لفيلم عن الرئيس الراحل حافظ الاسد والرئيس صدام حسين


هل ترى ان الدراما قادرة على تقديم هذه الشخصيات بطريقة جيدة؟
انا برايي ... قد ما بحاولون ... ما يقدرون يجيبوا الصورة الكاملة ,,,

برأيي التركيز على بعض الخصوصيات يضيع الغرض من العمل ككل ... بتفاصيل شخصية للفنان او السياسي ...


بالاعمال اللي تناولت عبد الحليم ... شفت فيها بعض اللجوء الى الاحداث الجارية في ذلك العهد ...


و بشكل عام ... ما لازم يصير تقييم للاحداث من زاوية معينة ... حتى يظل العمل فني بامتياز ...

زيد بدي منك تترك بالمساحة اللي رح تركا
شي للبرنامج هوي كلمة هو تعليق هوي صورة هوي غنية اللي بدك لنتذكرك فيه بالبرنامج


اريد اهدي وردة ... لكل شخص عانى في هذه الحياة .. . كل الم و الا و له نهاية ...

احب اهدي وردة لكل شخص فقد عزيز .... هو قدامك مو بعيد .. بس حاول تشوف بالقلب لا بالعين

احب اهدي وردة لكل شخص معاق بسبب اصابة ... و اقول له انظر الى نصف الكأس المليان و لا تيأس




احب اهدي وردة الى كل المناضلين و التحرريين في العالم ...

لا تخافوا حتى لو فقدتم حياتكم ... حتى لو نسيكم العالم ... انتم موجودين معنا ...
و مهما خذلكم العالم ... فهو يستحق اعمالكم و نضالكم ...




و آخر وردة لكل شخص يسعى لنشر السلام بالعالم ...


و اهدي هذه الاغنية للكل ...

أي دمعة حزن منك (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)




وردة لكل أخوية :akh:

زيد بعد 20 سنة لو دخل عضو لاخوية رح يذكر انو الاعضاء التاليين قدموا شي لاخوية


بيذكر انو Butterfly

قدمت و قدمت شي كبير جدا لأخوية ... و ما ممكن ينسي تعبها بجمع الكتب و اعادة رفعها ... عدا عن كثير شغلات قدمتها الى أخوية ...

ريمي

يذكروا انها اشتغلت بأمانة و تواضع و محبة مع الكل ... يذكر انها ما تحب اي مشكلة مع اي احد ... ربنا يخليها ذخر لأخوية ...
أكيد اللي بعد 20 سنة رح يشوف ريمي ... يتمنى يلتقي فيها شخصيا

ماتيا
يذكر ماتيا .. ببساطتها و يشوف مواضيعها اللي تمس حياتنا اليومية بشكل خفيف ... و بسيط و مو متصنّع

اممي
اممي ... ترك بصمة في أخوية ما ممكن ان تنسي ... و يشوق انسان بكل معنى الكلمة

بلاك
بلاك ... و ما ادراك ما بلاك ... !
بلاك ... مميز بكثير مواضيع ... مميز بردود ساخرة في الاتجاه الصحيح .... مميز بكل شي حتى بأناقة أفكاره !!


عاشق من فلسطين
ما اعرفو بشكل جيد .... بس اكيد له بصمة في أخوية


سوريويو
شخص كثير متمرد و قد يوحي للمقابل بالتناقض ! ... شخص ما يترك التفاصيل للزمن ... شخص ما يرضى الا ليقتنع بالشي الموجود ...

شخص كون بصمة بأخوية ... و مع ذلك قد تكون هذه البصمة ما محبوبة من الكل .. شخص احيانا يكون عصبي !

شخص يحب الجدية و بنفس الوقت ما يستغني عن بعض المجاملة و لو على الماشي !



هاني داغر

تعرفت عليه حديثا ... بس اكيد رح يشوف فيه شخصية جادة ..


غوفر منت

حسون .. اللي يعجبني فيه بساطتو .. و يملك حيوية و حس فكاهة ...
و الا ما يخليك تحبو بس تحكي معه شوي ...


مريومة

مريومة .... قد ما اعرفها بشكل كبير ... بس تفرض احترامها على المقابل
و اللي يملك فن راقي ... الا ما يكون شخص محبوب جدا


يمان -رونالدو
شخص حباب و اكابر ... و ما ممكن يصير عصبي ... !!
و طبعا اكي رح يلاحظ المقابل عليه .. حبو الكبير للرياضة و الرياضيين ... !!!


ابو سليمان
و لو ما اعرفو بشكل شخصي ... بس قريت الو مواضيع ساخرة ... و تنم على موهبة عالية..




الف وردة لكل أخوية !

زيد اخوي وجاري وابن العم
بشكرك من كل قلبي لحضورك معنا
نورت البرنامج
بتمنى نشوفك قريبا ببغداد او بالشام
وبتمنالك كل التوفيق بحياتك وباخوية


بشكر كل اللي بعتوا برايفت وسالوا
وشكر خاص لاممي وفيفا سوريا وريمي

ضيفي الجاي هو miiido

يا هلا بميدو الغالي ضيف الحلقة الجديدة
ادعي لسعدو ما تنقطع الكهربا ونحنا عم نسجل لانو هلكت من اوركسترا الكهربا

قبل ما نبدا وصلت برايفت تطلب انو تسمع هالغنية وتعطيني رايك فيها وتعليقك على الكلام

سيدي الرئيس / ماجدة الرومي (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

اهلين سيد طارق ...

ما تخاف ما بتنقطع ... نحنا تحت ظل هالحكومة الرشيدة

ما بيقطعو لا كهربا ولا مي

:gem:

بالنسبة للغنية ... الي رجعة

مطولة كتير رجعتك استاذ؟

سيدي الرئيس / ماجدة الرومي (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

كلمات هالغنية اقدس من اني رد عليها او عقب عليها

بس رح حاول امشي عنفس المنوال وجاريها

سيدي الرئيس..
قرأت في طفولتي ... أن (الشرطة في خدمة الشعب).. ترى مَن هو الشعب سيدي؟!! وكيف يمكن أن أصبح من الشعب في المستقبل؟! هل الأمر يحتاج الدخول الى الجامعة؟!


سيدي الرئيس
اصبح الهامش يغلف الوطن من اقصاه الى ادناه
اصبح الهتاف مقياسا للمواطنه ونفي تهمة العماله لكل القوى الامبرياليه
مااسهل الاتهام بالتصهين
في بلد يرفع شعار عاصمة الثقافه الهندوراسيه


سيدي الرئيس
سلامي على وطنٍ أنا فيه طريده.. شريده..

في النهاية


سيدي الرئيس..
هل تنام ملء عينيك كل ليلة؟!!

قرأت في طفولتي ... أن (الشرطة في خدمة الشعب).. ترى مَن هو الشعب سيدي؟!! وكيف يمكن أن أصبح من الشعب في المستقبل؟! هل الأمر يحتاج الدخول الى الجامعة؟!

كيف يعني؟

كيف يعني؟


يعني على اعتبار ... اني مفكر حالي .. من الشعب
بدي مثال يوضحلي كيف الشرطة في خدمة الشعب
لانو لحد هلق ... الشعب بخدمة الشرطة
صرت حسها انو بدها شي شغلة .. او واسطة .. او شهادة جامعية لصير من الشعب الي عميحكو عليه

بعد 8 سنين من تولي الرئيس بشار الاسد الحكم في سوريا اين ترى سوريا؟

بوجود بشار ... او غيرو ... احسن او اسوأ

سوريا بنظري وبنظر كل سوري بيحب سوريا ... بتضل بالسما واطهر واقدس من انو اي شخصية عامة ... تغير سمة فيها

يعني الفكرة لي بدي وصلها ... سوريا ثابتة ... والباقي عبارة عن متغيرات

وقت ميدو بيسهر بالليل كيف بيحلم يشوف سوريا؟

وقت ميدو بيسهر بالليل كيف بيحلم يشوف سوريا؟


لا في فرق .. انا بالنهار بحلم شوف سوريا ... بالليل بكون فاصل :p
المهم كيف بشوف سوريا .... او كيف بحلم اني شوفها .... بحلم فيها متل قبل 60 سنة ... مشان كون سبّاق : لا تسالني كيف كانت من 60 سنة ... فيك ترجع للتاريخ ... لانو كل شخص بشوف التاريخ من وجهة نظرو

رح نبدا باول تقرير معنا وهوي من منظمة العفو الدولية
سوريا: عربجي ودك الباب يواجهان محاكمة جائرة

6 يونيو 2008
قالت منظمة العفو الدولية اليوم: إن كل من كريم عربجي ومحمد دك الباب سوف يمثلان للمحاكمة أمام إحدى المحاكم السورية في الثامن والتاسع من يونيو على التوالي؛ مما قد يؤدي بهما إلى حكم بالسجن لممارسة حقهما في حرية التعبير.
وتعتقد المنظمة أنه من المحتمل أن يكونا سجيني رأي، ينبغي الإفراج عنهما فوراً.
وقالت المنظمة: "إن محاكمة عربجي ودك الباب جزء من حملة أوسع ومستمرة تقوم بها السلطات السورية لإخراس دعاة الإصلاح السلمي، وغيرهم ممن قد يعبرون عن آراء لا تتوافق مع آراء الدولة".
ففي 8 يونيو/حزيران، سوف يمثل كريم عربجي، وهو مستشار أعمال ويبلغ من العمر 30 عاماً، أمام محكمة أمن الدولة العليا. وألقت المخابرات العسكرية السورية القبض عليه في 7 يونيو/حزيران 2007، ولايزال قيد الحبس دون الاتصال بالعالم الخارجي لما يزيد عن مدة عام تقريباً، ربما تعرض خلالها للتعذيب.
ووجهت لعربجي تهمة "نشر أخبار كاذبة مبالغ فيها توهن نفسية الأمة". وتعتقد منظمة العفو الدولية أن التهمة لها علاقة بإدارته لمنتدى الشباب على الإنترنت المعروف باسم "أخوية"
إضافة إلى منشوراته عليه. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
في 9 يونيو/حزيران، سيمثل محمد بديع دك الباب، يبلغ من العمر 59 عاماً، وعضو في المنظمة الوطنية لحقوق الإنسان غير المرخص لها، أمام المحكمة العسكرية في دمشق. ولقد ألقي القبض علية في 2 مارس/آذار 2008، ووجهت إليه تهمة توزيع "انباء كاذبة أو مبالغ فيها من شأنها أن تنال من هيبة الدولة "، بناءً على مقالة كتبها ينتقد فيها غياب حرية الرأي في سوريا.
والمحاكمات التي تجرى أمام محكمة أمن الدولة العليا والمحاكم العسكرية جائرة بشكل مألوف، وغالباً ما تستند القضايا إلى تهم ذات كلمات غامضة تفسر بشكل فضفاض من قبل السلطات السورية. بالإضافة إلى ذلك، تُقبل "الاعترافات" المنتزعة تحت وطأة التعذيب وسوء المعاملة على أنها أدلة في حد ذاتها.
وأردفت منظمة العفو الدولية قائلة " بناءً على سجل محاكم الأمن السورية لإصدارها عقوبات شديدة ضد أشخاص قد لا يوافقون على سياسات حزب البعث الحاكم؛ فإن كل من عربجي ودك الباب عرضة بشكل كبير لتلقي أحكام شديدة الجور.
"إننا نحث السلطات السورية على الإفراج عن كل من الرجلين، وكذلك عن كل الذين اعتقلوا لتعبيرهم عن آراهم".
خلفية:
من بين العديد من الأشخاص الآخرين الذين اعتقلوا في سوريا بسبب تعبيرهم عن آراهم: حبيب صالح، وهو كاتب وأحد دعاة الإصلاح السلمي، ألقي القبض عليه في 7 مايو/أيار 2008، ومحتجز في مكان غير معروف دون الاتصال بالعالم الخارجي. ويعتقد أن القبض على صالح، الذي تبنت منظمة العفو قضيته مرتين باعتباره سجين رأي، له صلة بنشر تعليقات له على الإنترنت.
في 10 مايو/أيار 2008، حكم على طارق بياسي، صاحب محل للحسوب، بالسجن ثلاث سنوات بعد محاكمة جائرة أمام محكمة أمن الدولة العليا، استناداً على تعليقات أرسلها عبر الإنترنت تعتبر ناقدة للسلطات. وتمت إدانته بتهمة التأثير "على نفسية الأمة" و "إضعاف الشعور القومي".
في 7 إبريل/نيسان 2008، حكم بالسجن أربع سنوات على فراس سعد، وهو شاعر، أمام محكمة أمن الدولة العليا. ويعتقد أن الإدانة تستند إلى مقالات كتبها على الإنترنت بشأن الصراع بين حزب الله وإسرائيل عام 2006، وبخصوص سجن الكاتب ميشيل كيلو. وكان ميشيل كيلو قد صدر ضده حكم بالسجن مدة ثلاث سنوات في 13 مايو/أيار 2007، أمام محكمة الجنايات في دمشق. وأدين بتهمة التأثير في "نفسية الأمة" استناداً إلى توقيعه على عريضة مفتوحة بشأن العلاقات السورية اللبنانية.
في 23 إبريل/نيسان، وجدت محكمة الجنايات العسكرية الأولى بدمشق كمال اللبواني مذنباً في "نشر أخبار كاذبة أو مبالغ فيها من شأنها أن توهن نفيسة الأمة". وقد أضيفت هذه المدة إلى مدة الاثني عشر عاماً التي يقضيها بسبب نشاطه في الدعوة إلى الإصلاح السلمي في البلاد. عن حقوق الانسان بسوريا

شو تعليقك على اللي ذكر ؟

تم ايقاف الحلقة
الحلقة الجاي بعد ساعات مع؟؟؟؟؟؟؟؟؟؟؟؟؟

ضيفة الليلة وشم الجمال
بالانتظار

يا هلا بوشم الجمال نورتي الاستديو

بتشكركـ طارق على هالإستضافة يللي ما توقعتا...
طبعا بحيي كل شعب اخوية وبحيي كل شخص بيسعى لمعرفة وين هوي وشو موقعو بالدنيا من هالموقف ...من استديو الصوت والرائحة والشكل....
وبتمنى تكون الحلقة ممتعة ويكون فيها اضافة ولو بسيطة بحياتكن...

معكـ طارق...

وشم الجمال كل ما بشوف اسمك بيحضرني صور كتيرة عن الجمال بالحياة
باي يد اليوم عم نرسم صورة الحياة الجميلة وباي يد عم نشوه هاد الجمال؟

الجمال طول عمرو قضية نسبية بتختلف من زمن لزمن ومن بيئة لبيئة بس الشي الوحيد يللي فيني قلك اني على ثقة تامة منو انو الجمال هوي الخير والفضيلة ومهما اختلف موقعنا الزمني والمكاني ما فينا ننكر انو الخير والفضيلة ثابتين على مر العصور...

أما بالنسبة لرسم الجمال,... انا بعتبر انو فينا نرسم الجمال بلحظة وحدة وهيي يللي بتتجلى فيها الانسانية ويللي فينا نتصرف فيها بدافع واحد فقط وهوي الانسان ...يعني لما يكون الشخص يللي امامنا حقق انسانيتو فأنا ببصملكـ انو رح ترتسم أجمل لوحة بأجمل وأرقى ألوان وهاللوحة رح تفتح عالم مالو حدود بزوايا مهما اختلفت بتكون الرؤيا واضحة وبتكون النظرة وحدة كمان

اما تشويهو فانا رح اختصر جوابي بكلمة وحدة وهوي انو الجمال تشوه باللحظة يللي بنينا فيها علاقاتنا على اساس المصلحة المجردة من التفكير والاحساس بالغير...تشوهت صورة الجمال لما انسينا انو نحنا بنتبع لشي اسمو انسان...

لما سراب معها العصا السحرية اللي بنشوفا بالافلام وبدا تغير شي لترجع الجمال للحياة
بتمحي مشوهي الجمال؟ او بتحيي عالم احيت الجمال ؟
او شو بتعملي ؟.

بصراحة ....ممكن جوابي يتوجهلو انتقاد كبير بس للمصداقية رح قلك شو رح ساوي...
بعرف انو الشغلة يللي رح غيرها ما رح تكون عبارة عن شي مغير لمسار الجمال بس برأيي شي كتير ضروري كبداية لنقدر نعرف شو هو الجمال....الجمال يللي رح يسكن الروح

اذا كانت معي العصا السحرية رح سوي شغلة وحدة وهيي انو غير مفهوم الناس تجاه المذنب...رح حاول ارسم صورة تانية للمذنب غير الصورة الشرسة يللي تعودنا نشوفها بالافلام وبالواقع كمان
رح حاول اظهر صورة ما فينا نشوفها والللي بتحكي انو قبل ما نعاقب المذنب لازم نقدر نساعدو لازم نطلع على روحو يللي تعذبت لازم نحاول نتخلص من الفوقية يللي بنشعر فيها تجاه يللي بغلطو
بمعنى اخر لازم نقدر نشوف المذنب بصورة المذنب اليه لسبب واحد وهوي انو الواحد لما يغلط ما بتقصد الغلط ولكن يجبر عليه سواء نفسيتو او مجتمعو او هروبو

هلق طارق رح يقلي طيب شو وجه الشبه بين الجمال وتغيير الصورة تجاه المذنب؟؟؟رح قلو لما نقدر نطلع بهالصورة عالمذنب رح نتخلص من شي اسمو الغلط والسبب انو رح يحس المذنب اليه بانسانيتنا ورح نقدر نمتلك العين الاخرى يللي كلها انسانية فيعني رح نتخلص من الاجرام بالتدريج ورح نخلق عالم قائم عالحب ويللي بيعنيلي شي واحد فقط هوي تحقق مفهوم (الانسان)

قلت بالاول كلمة لو
طيب لو اجيت للواقع المر
اليوم قتل تشريد اعتقالات دمار غلاء اسعار فقر جريمة خيانة
كل هدول شو بنا نعمل فيهون ؟

هدول عبارة عن ملح الحياة يا صديقي يعني فيك تحكي انو لو بدنا نتخيل الحياة بلاهن صدقني رح نوصل لشي اسمو المدينة الفاضلة وهاد ضرب من الخيال يعني شي استحالة يتحقق...

القتل صار متل شربة المي كتير سهل والسبب انو ما في رادع اخلاقي السبب انو بعنا الضمير وما عاد في شي بيصحيه غلاء الاسعار لعبة حكوماتنا لعبتها لتقدر تسيطر على شعوب صارت لا تسمن ولا تغني يعني شو ما سوت بينخ الشعب وما بيعرف غير حاضر وبيمشي احسن من ما بيمشي قطيع الغنم....الفقر الجرائم والخيانات ...كلن حقائق موجودة وكلن بازدياد مستمر اما شو بدنا نعمل تجاههم فيمكن شغلة وحدة لو تنعمل ممكن تتغير الحقيقة المرة...فيكو تثوروا وتدخلوا اللعبة السياسية بشكل مدروس؟؟؟فيكو تحكو للمحتل لأ؟؟؟

اذا اي صدقني اشيا كتيرة رح تتغير

وشم بيحضرني هيدا الفيديو للرائعة ماجدة الرومي

قومي اكراما للانسان (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

بتمنى تحخضريه ونعلق عليه

سمعتو طارق علق والا رح تسأل شي معين؟

علقي لاسال

ماجدة بغنيتها ممكن بتخاطب بيروت بس لما نتعمق شوي بصرختها بنحسها بتدعو كل الناس للثورة انو في دعوة لأي وطن بيعيش فيه انسان عندو كرامة وعندو رغبة بانو يكون له قيمة انو انسان بتترجى الوطن يقوم يصرخ يصحي الناس يللي فيه...

الثورة تولد من رحم الأحداث....

ماجدة الرومي غنت الغنية بالثمانينات
اليوم بعد في ثورة ؟ وعلى شو الثورة؟

الثورة هالوقت لازمتها اكبر بككتير من ايام الثمانينات....بالثمانينات كان الصراع مسلح هلق الصراع صار كتير اكبر من هيك....الصراع صار حتى على لقمة العيش...انت قبل شوي سألتني عن الغلاء والجريمة والقتل.....ووو
هاد بوجهة نظرك ما بدو ثورة؟؟؟

يعني بنظرة وما بدي قلك متفحصة رح تشوف انو كل جزئية من حياتنا بدها ثورة بدها انطلاق بدها رفض....يعني وباختصار بدنا ننفض الرمل يللي علينا وبدنا نعود لنشوف الحياة بكل شي ...

سراب
كلمة من حرفين قد تقعل ذلك
الحب
شو رايك؟

الحب....
كان زمان فضيلة بتبعث الروح في الصخر ....كان أجمل شي ممكن يتغلغل لارواحنا...كان ولكن ما عاد هناكـ مصداقية مثل ايام زمان....

الحب بيتطلب صدق وعاطفة من طرفين...الحب بدو ثورة بس للاسف ما عاد في ثورة بحياتنا ما عاد في تضحية وصار الانهزام اول شي بنفكر فيه بمجرد مصادفة اي شي بيعوقو للحب...

وبالتحديد الحب بين رجل وامرأة صار كتير شي خيالي لانو انحرقت ورقة الحب من زمان.

ولكن...آه على حرفين قد سلبا وقاري....هاء حريق وباء بتّ في ناري....

ضد ومع
1-انفصال الاولاد عن ذويهم بسن 18 سنة
2- الغاء عقوبة الاعدام
3- حظر موقع الفيس بوك
4- زواج المثليين
5- ان تشن سوريا حرب على اسرائيل لاسترجاع الجولان
6- خصخصة قطاعات الدولة
7- اتفاق صنعاء بين الفصائل الفلسطينية
8- التحقيق باغاتيال الرئيس ياسر عرفات

بشوفك بكرا

بكرا رح نحكي بموضوع عن الحب
هووووووووووون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

1-انفصال الاولاد عن ذويهم بسن 18 سنة

مع ومع بشدة ...لك صرلي فترة عم فكر بهالقصة لانو حاجتهم سيطرة واحساس انو نحنا لازم نكون نسخ الهم....يعني بمختصر العبارة لازم نعيش حياتنا ونجرب وتكون النا حياتنا يللي نحنا بننسجها...

2- الغاء عقوبة الاعدام

مع ...بلا سبب

3- حظر موقع الفيس بوك

ضد طبعا ما في سبب لحظرو غير تخلف يللي بدن يحظروه

4- زواج المثليين

ضد

5- ان تشن سوريا حرب على اسرائيل لاسترجاع الجولان
لما يكون في قدرة على النصر اي اما حرب للخسارة لا ضد وضد

6- خصخصة قطاعات الدولة
ضد ناقصنا غلا نحنا...

7- اتفاق صنعاء بين الفصائل الفلسطينية
ضد

8- التحقيق باغاتيال الرئيس ياسر عرفات
بلا فايدة...
ضد

اكيد بشوفك بكرا وبتمنى ما كون مملة...ثانكس طارق:D

اليوم ... طارق طلب مني اكمل المقابلة مع سراااب .... بسبب انشغالو شوي ...


مرحبا سراب ...

مية هلا زيد ...وبيشرفني كمل اللقاء معك :D