طيب أنا عندي سؤال...

شو رأيك بالله؟ بغض النظر عن إيمان أو لأ.. شو رأيك يعني بفكرة الله؟؟
شو هي أذكى نظرية أو فكرة بالتاريخ؟
لمين بتحس حالك ممنون أكتر شي؟
بترجع لهون؟ وإذا قررت أنو ما ترجع بدك تندفن هون؟


اهلين سيد علاء...
شو رأيك بالله؟ بغض النظر عن إيمان أو لأ.. شو رأيك يعني بفكرة الله؟؟
يا سيدي مو مهم رأيي بالله...المهم رأي الله فيني....:lol:
خيو ببساطة...بالنسبة ألي الله غير موجود متل مابيتصور بالاديان...ما عندي ولو واحد بالمية قناعة أنو في واحد قاعد ع غيمة ودقنو طويلة بيضا وشعرو شايب وبايدو صولجان وع راسو تاج...
كمان ما عندي رغبة اشطح بالحكي منشان ما يتدايقو مني المؤمنين...خيو لاتقربلي ع قناعاتي ولا بقربلك ع قناعاتك...بسمعك وبسكت...فاسمعني واسكت....
فكرة الله هي فكرة كتير ذكية...بواسطتها بنقدر نسيطر ع عقول الناس...بنقدر نطوعها لنردع جزء كبير من الناس عن عمل الشر...
بتخيل سيناريو عن ظهور فكرة الله....بيوم من الايام كان في حاكم حكيم وذكي...بس شعبو نمرود...ببلد عم فيها الفساد وعم فيها الخراب...حاول الحاكم بالاقناع و بالمحاورة انو يصلح شعبه...ما قدر....
فكر...خطر ع بالو يكون ديكتاتور ويمشي الشعب بالعصاية...اصطدم بفكرة العصيان والثورة...واصطدم بكونه هالحل هو حل مؤقت مرتبطة استمراريته باستمرار عمره الارضي للحاكم....
اعتزل الصحبة واختلى بنفسه...بعد تلت ايام طلع بفكرة الله....واتفق مع أحد كبار سحرته ومشعوذينه بمملكته أنه يخترعو الله....وكانت اداتهم هو شاب بمقتبل العمر..متحدث ذكي ومحاور مقنع وبيحمل بملامح وجهه براءة محببة....
بعد سنة بيظهر بأحد زوايا المملكة متهادية الاطراف...شاب بتياب رثة...بايده عصايه ووراه عشرات من التبعة...يللي بيشهدو انو شافو عم يعمل عجايب...وبشوية حركات من حركات الشعوذة والسحر بتبلش عامة الشعب تقتنع انو هاد الشاب مبعوث من عند شي اسمه الله....
الله؟؟؟ أي هاد الله قلنا لا تقتلو ولا تسرقوا ولا تسبوا...واذا ما رديته عذابكم اليم...واذا رديتو فالسعادة الابدية هي نصيبكم....
هيك ظهرت فكرة الله....فكرة نبيلة لحياة أفضل ولاحياء قيم جيدة....
بعد ما مات الملك...ضلت فكرة الله...
ومن بعدها اجو الرافضين...والدجالين...والمس تغلين...وخلقت الاديان....

شو هي أذكى نظرية أو فكرة بالتاريخ؟
ماذكر أعلاه هي أذكى فكرة بالتاريخ.....

لمين بحس حالي ممنون اكتر شي؟؟؟
يا سيدي جوابي تقليدي جدا...
لأبي...لانو علمني كون حر..وعلمني كون عصامي..وعطاني الحرية ارسم شخصيتي بالطريقة يللي بتناسبني...
لأمي...لانها علمتني كون محب وعاطفي...
لخالتي...لأنها فرجتني قديش العطاء أهم من الاخذ...

بترجع لهون؟ وإذا قررت أنو ما ترجع بدك تندفن هون؟

برجع لهون...أي نعم..ولو بعد خمسين سنة....لحتى موت واندفن هون...
واذا متت قبل ما كون هونيك...ما برضى الا اندفن هونيك...مع يللي اندفنو قبلي...تابوت ع كتف التابوت...

صرت بقدر أتجاوز عواطفي وبسهولة وهمشها...بطلت كون انسان عاتفي:lol:
وصرت تخووف الاتافيل:cry:

صرت أسمع فيروز....
بحييييك ع هالشغلة هلا عجبتني

صرت نام بكير...
برافو ياماما لانو هيك المتل بيقلك نام بكير وفيق بكير ابل مايفيق اخوك الصغير والاكل من البراد كلو يطير
:lol:
صرت دخن أكتر...
:jakoush::jakoush::jakoush:



انطرني بس لارجع من الشغل في كم سؤال بدي اسالك ياهون حسووووووون

هلأ معلم حسان سؤالين خاطرين ع بالي اسألك ياهن من اول مادخلت ع المقلاي ..

هلأ اول الشي بصراحة ..
انت اول مادخلت ع الاخوية كان معروف من طبعك انك كنت طائفي وبدرجة شديد كمان ..
يعني كزا واحد خبرني عنك ضمن سياق الحديث يعني لما تجي سيرتك حكولي عنك انو انت كنت طائفي لدرجة كبيرة "نوعا ما " بس بعدين فجأة او بمرور شوية وقت تعدلت افكارك شوي وصرت تبعد عن الطائفية مابعرف ازا انت مقتنع بهالشي عنجد ولا لسه انت في شوية طائفية مابتقدر تتخلص من
وطبعا هالحديث انا لهلأ متزكرو مالي متزكر مع مين كنت عبحكي بس حكالي عنك انو انت كنت طائفي بدرجة كبيرة اول مادخلت ع الاخوية بس بعدين تعدلت افكارك نوعا ما وهيك بفترة سريعة وفي ناس بصراحة استغربت من سبب هالتغيير ..

ف شو رأيك بهالحكي .؟

تاني شي استوقفني ردك هادا ..
ومافهمت كتير المعنى منو


أنا مش غريب بمعنى مختلف...ولا بمعنى ضد...أنا غريب كوني من أقلية...سواء بسوريا او برات سوريا...مع الوقت بيكتشف الانسان انو هالشي مفروض عليه...شخصي ماني من الاشخاص بيميلو للتقوقع والاختباء بحضن أقليتي لأحمي حالي...أنا بواجه...لاقنع...ولافرض نفسي كمختلف ولكن متميز...


فياريت توضحلنا شو قصدك بهالرد :D

هلأ معلم حسان سؤالين خاطرين ع بالي اسألك ياهن من اول مادخلت ع المقلاي ..

هلأ اول الشي بصراحة ..
انت اول مادخلت ع الاخوية كان معروف من طبعك انك كنت طائفي وبدرجة شديد كمان ..
يعني كزا واحد خبرني عنك ضمن سياق الحديث يعني لما تجي سيرتك حكولي عنك انو انت كنت طائفي لدرجة كبيرة "نوعا ما " بس بعدين فجأة او بمرور شوية وقت تعدلت افكارك شوي وصرت تبعد عن الطائفية مابعرف ازا انت مقتنع بهالشي عنجد ولا لسه انت في شوية طائفية مابتقدر تتخلص من
وطبعا هالحديث انا لهلأ متزكرو مالي متزكر مع مين كنت عبحكي بس حكالي عنك انو انت كنت طائفي بدرجة كبيرة اول مادخلت ع الاخوية بس بعدين تعدلت افكارك نوعا ما وهيك بفترة سريعة وفي ناس بصراحة استغربت من سبب هالتغيير ..

ف شو رأيك بهالحكي .؟

تاني شي استوقفني ردك هادا ..
ومافهمت كتير المعنى منو



فياريت توضحلنا شو قصدك بهالرد :D

أهلا حسوووون...
أعتذاري من الكل لأني نطيت ع باقي الاسئلة...بحكم أني انصدمت فيه....وجدا...وجدا وجدا....
مو دفاع عن النفس ولو أنو الدفاع عن النفس بهالمقام مشروع جدا...
ما قادر جاوب ع السؤال كونو السؤال شو هو سبب التغير...يللي أنا مش شايفه....
وبتمنى اذا انت أو حدا تاني غيرك لاحظ بيوم من الايام عني أني طائفي فيقول...وين وكيف وأيمتى...مشاركاتي موجودة بأخوية والكل فيه يرجعلها....
ووقت بتقلي أنت او غيرك أني كنت طائفي مع وين وكيف وايمتى وقتها أنا يللي لازم دور ع الجواب...أنو ليش أنا كنت طائفي قبل ما انت تسألني ياه....
ما بذكر أني بحياتي حطيت صورة رمزية او توقيع بيعبر عن ديني...
ما بذكر اني وجهت اي تعليق لانسان عن دينو...
ما بذكر أني نزلت موضوع بينتقد دين حدا
ما بذكر أني رديت بموضوع فيه اساءة لدين حدا..
ما بذكر أني هزئت او اتمسخرت ع دين حدا...
وما بذكر كمان أني شاركت بموضوع باي قسم من اقسام اللاهوت...
الشي الوحيد يللي بذكرو اني نددت بمواضيع واساءات للمسيحية من مجموعة ن الاعضاء منهم (الاتحاد الحلبي) و(ابن سوريا) ومو متذكر مين التالت....فاذا كان تعريف الطائفية هو رفض اساءات الاخرين لدين اهلي وعائلتي...فيا مرحبا بالطائفية....


بالنسبة للنص التاني من الجواب...حاليا مش عم اقدر بقا فكر...كونو بدي ارجع نكش بمشاركاتي القديمة....

وألي رجعة بعدين...

بالنسبة للنص التاني من الجواب...حاليا مش عم اقدر بقا فكر...كونو بدي ارجع نكش بمشاركاتي القديمة....


لك يازلمة الشغلة مو مستاهلة ..خدا عادية انو ماكتير دقق ع الموضوع
انا سالت عن رأيك بهالحكي اللي انحكى ..
انا اللي خلاني اطرح هالتساؤل اني ماكنت باول فترة وجودك او بالاحرى انا جيت بعدك بفترة صغيرة فماحضرت هالحكي اللي انحكا لما دار الحديث عنك هيك حكولي ..
وهي هية الفكرة ..
وانو مشان هيك انا طرحت هالتساؤل ..

:D

استغربت شغلة لما لحشت ريتا حسان بالمقلاية..انو انا ما بعرفو ابدا وحتى اسمو ما بذكر انو مرق ببالي..مع انو كل الي بعرفن صحابو..يعني لئيت حالي متل الأطرش بالزفة :o

بس بدي اسألك انو ليش كلن لما سألتن مين حسان جاوبوني : لك حسان الي ما بيضحك ابدا...انو شو قصة الضحك معك ؟:shock:
موفق بالمقلاية...:D



ولي عحظي انا شو ياما وياما شمستني ريمي بعصبيتا..لك كون عم روق فيها واتناغش بتئوم بتكفر عربي بأعلى صوت عطاها اياه ربنا...وبتشمسني..الله وكيلكن اعلنونا كافرين وفاسقين بالجامعة من وراها...ههههه
حسان يستر على حبايبك ما تحسدلنا اياها..ما بدكن تشوفو عصبيتا خلوها مروقة :cry:


[/color]

هههههه بسة سوريا (بسة = قطة)والاسم الو قصة طوييييييييييلة كتير....جامع بين اكتر من شغلة بحبا وبتعنيلي كتير...
شكرا كتير هاد من زوئك...:D:D

هلا وغلا بفوفو بسة سوريا...(هلئ صرت استرجي اكاب اسمك بالعربي؟؟)

أي أكيد ما راح تتذكري اسمي كونو بالفتة يللي فتتي فيها ع اخوية كنت انا ما عم ادخل الا من برا لبرا...بعدين شو بدك بهالوجعة الراس وتفخة القلب بمعرفتي...:p

بس أنو ليش ما بضحك...؟؟جد ما بعرف...كمان ظلم القول اني مابضحك...بالصور غالبا ببتسم...بس ياس وريمي ومعهن ابن الداغر حطو حطايي بصورتين تلاتة بالفيس بوك وشرشحونا عليهن....
يعني تبلي عيني عينك..

بس أنو عم اتفاجئ بالكم صيت يللي ع يطلعو عليي مؤخرا...شي بيخنق أطافيل وشي بخوف وشي ما ببتسم...غريب...بس كمان تسالي:lol:

أهلا حسوووون...
أعتذاري من الكل لأني نطيت ع باقي الاسئلة...بحكم أني انصدمت فيه....وجدا...وجدا وجدا....
مو دفاع عن النفس ولو أنو الدفاع عن النفس بهالمقام مشروع جدا...
ما قادر جاوب ع السؤال كونو السؤال شو هو سبب التغير...يللي أنا مش شايفه....
وبتمنى اذا انت أو حدا تاني غيرك لاحظ بيوم من الايام عني أني طائفي فيقول...وين وكيف وأيمتى...مشاركاتي موجودة بأخوية والكل فيه يرجعلها....
ووقت بتقلي أنت او غيرك أني كنت طائفي مع وين وكيف وايمتى وقتها أنا يللي لازم دور ع الجواب...أنو ليش أنا كنت طائفي قبل ما انت تسألني ياه....
ما بذكر أني بحياتي حطيت صورة رمزية او توقيع بيعبر عن ديني...
ما بذكر اني وجهت اي تعليق لانسان عن دينو...
ما بذكر أني نزلت موضوع بينتقد دين حدا
ما بذكر أني رديت بموضوع فيه اساءة لدين حدا..
ما بذكر أني هزئت او اتمسخرت ع دين حدا...
وما بذكر كمان أني شاركت بموضوع باي قسم من اقسام اللاهوت...
الشي الوحيد يللي بذكرو اني نددت بمواضيع واساءات للمسيحية من مجموعة ن الاعضاء منهم (الاتحاد الحلبي) و(ابن سوريا) ومو متذكر مين التالت....فاذا كان تعريف الطائفية هو رفض اساءات الاخرين لدين اهلي وعائلتي...فيا مرحبا بالطائفية....


بالنسبة للنص التاني من الجواب...حاليا مش عم اقدر بقا فكر...كونو بدي ارجع نكش بمشاركاتي القديمة....

وألي رجعة بعدين...



حجي بدك الصحيح؟؟!!! حسان من الناس اللي أكتر شي بحكي معهون بالأخوية, و لهلأ ما بعرفو مسلم مسيحي يهودي ملحد.... ما بعرف و لا يهمني أعرف و هو ما بيهمو اني أعرف لذلك ما بعتقد انو طائفي بنوب


كلمة حق يعني و لازم تنحكى و ع راسي الشباب و الله



بس أنو عم اتفاجئ بالكم صيت يللي ع يطلعو عليي مؤخرا...شي بيخنق أطافيل وشي بخوف وشي ما ببتسم...غريب...بس كمان تسالي////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


ليش نسيان انو انا وياك متعادلين بالتصويت عالمشرف المخيف:jakoush:


و بدك الصحيح!! يحرق حريشك كل صورك كأنك جابي كهربل معكّشلي تعكيشة الفاتورة:p

حجي بدك الصحيح؟؟!!! حسان من الناس اللي أكتر شي بحكي معهون بالأخوية, و لهلأ ما بعرفو مسلم مسيحي يهودي ملحد.... ما بعرف و لا يهمني أعرف و هو ما بيهمو اني أعرف لذلك ما بعتقد انو طائفي بنوب


كلمة حق يعني و لازم تنحكى و ع راسي الشباب و الله:D

بوذي خيو بوذي

هدول طائفيين من تحت لتحت ما بيبنو طائفيتهن عالعالم :pos:

ـ بداية بيسعدني مرورك ع مقلايتي ومساهمتك فيها...
وبالنسبة لاختلاف الاتجاهات فكتير الموضوع وارد خصوصا انو انا حاليا ما عندي توجهات بأخوية...يعني نقاط التقاطع مع باقي الاعضاء صايرة كتير قليلة...

بنرجع لاسئلتك....
اول شي شو اسم كاتبكـ المفضل؟
غابرييل غارسيا ماركيز

بتحب الشعر ؟؟ لمين بتقرا؟؟
ماني قارئ للشعر...نادرا ما انشديت لهالنوع من الادب

شو رأيك بالحب؟؟؟
رديت في مقام سابق عن رأي بالحب...كمشاعر بحتة ما عاد عندي قناعة فيه...

شو رأيك بالسلام؟؟؟ هل تؤمن بالسلام ؟
السلام....كمفهوم هو كتير رائع وهو الحالة المثلى يللي بيطمح اليها كل انسان...أما كواقع فهو أمر صعب التخقيق اذا ما كان مستحيل

عمرك حسيت بالظلم؟؟؟ وشو الموقف؟؟
أي حسيت بالظلم بكتير مواقف...مو بالضرورة واقعة عليي كشخص...بس عم شوفها وعم اسمع عنها يوميا...ومع كل خبر او قصة بسمعها بحس انو هالظلم واقع عليي وعجزي عن اني قدم او ساعد بيزيد شعوري بالظلم...
شو طموحكـ في الحياة؟ طموحي بالحياة كمان جاوبت عليه برد سابق...
شو بتعنيلك السياسة؟؟ السياسة...مش لعبتي...ما بفهم فيها وما بوجع راسي فيها...بحاول بعد عنها وبعد حتى عن محاولة فهمها...

بشو بتوصف علاقتك بالاخوية؟؟؟علاقتي بأخوية حالية معلقة.....

هل بتعتبر الوضع بالبلدان العربية حاليا على شفا جرف هار؟؟؟

الوضع بالبلدان العربية تجاوز مرحلة كونو ع شفا جرف...صار بالوادي السحيق حاليا....وللاسف مو بس سياسيا...انما سياسيا واقتصاديا واجتماعيا وفكريا....
هل من حضيض سياسي اكثر من وضع العراق وفلسطين...هل من حضيض اكتر من الديمقراطية المقتولة..اكتر من المهازل السياسية بلبنان...اكتر من قضية الممرضات البلغاريات بليبا و اكتر من السفارات الاسرائيلية ببعض الدول العربية...؟؟
هل من حضيض اقتصادي اكتر من الفقر المزري بمعظم الدول العربية...اكتر من مئات المليارديرات العرب..
هل من حضيض اجتماعي اكتر من ثورة المراهقين بمصر من كم شهر...من جرائم الشرف بسوريا والعراق وغيرها...اكتر من حالات ختان الاناث بالسودان وبمصر...واكتر من مشاكل الطلاق الكبت بمعظم الدول العربية؟؟
وهل من حضيض فكري اكثر من تحليل دماء عشرات المفكرين العرب...اكتر من صدر ماريا وشفايف هيفا ومن الستار اكاديمي؟؟؟؟

الاغتصاب ... شو الشعور اللي بتخلقو هاي الكلمة بأعماقك؟؟؟الاغتصاب....بيثير عندي شعور بالغثيان وبالقرف....الشعور أني عاجز وأني حاقد....
مو فقط اغتصاب النساء والطفلات الصغيرات...
بل...
اغتصاب فلسطين والجولان واللواء....
اغتصاب الفكر المتحرر والمتنور...
اغتصاب الحريات والديمقراطيات...
سلسلة لاتنتهي من الاغتصاب.....

وشو حل القضية الفلسطينية برأيك؟؟؟
برأيي انو القضية ما الها حل....

الي رجعة ع البقية من الاسئلة....

يلعن دين النق لك شو نق :sick:
ما علينا هلق مسيك لقلك


هات لنشوف عطيني رأيك بالتالي :
-----------------
الإنسان

الله
-------------------
الدين

الطائفية

الإلحاد

العلمانية
---------------------------
السياسة

امريكا

سوريا

العراق

الجولان

--------------

مين اقرب واحد الك هون

مين ابعد واحد

معك 5 وردات لمين بتهديهون

وخمس شوكات لمين

معك 200 الف دولار لمين بتعطيهون

شو سيارتك

وكم حادث سويت

شو اول سيارة كانت عندك

-------------------


كلمتين منك لاخوية

شو عطتك اخوية

شو اخدت منك ( غير الوقت )

-------------
تكنولوجيا:
_________
شو نوع موبايلك

شو اخر رقم بموبايلك

كمبيوترك مواصفاتو عالماشي

شو سرعة النت عندك

--------------
عالماشي
__________
شو نظريتك بالحياة

شو بتعنيلك الحياة

قديش معك بالبنك

مممم

بس بيكفوكي هدول راجعلك

رجعت

مقارناتتت.
‏
شاي أخضر ولا أحمر‏

قهوة ولا نسكافه

ميلو ولا كاكاو

عرق ولافودكا

نبيد مز ولا حلو

فوكس ولا هنكن

ريد لابل ولابلاك لابل

ويسكي ولا كونياك

وينستون ولا لوكي

مرسيدس ولا بي ام

لوس انجلس ولا لاس فيغاس

ماي سبيس ولا هاي فايف

دودج ولا فورد

انا ولا هوي

لاب توب ولا كمبيوتر مكتب

نوكيا ولا سوني اركسون

كيا ولا سابا !



انا مساويلك شي؟
انت بتكرهني شي؟
ليش آخر مرة تخانقنا؟
‏
شو بتقرأ أكتر شي بأخوية
‏
وإزا طلع في جنةونار
وقالولك لازم تاخد معك7 من أخوية
مين بتاخد
‏
شو تعريف الروح؟
‏
إزا صرلك شي وماعاد تفوت ع أخوية بعيد الشر يعني شو بتوصينا
‏
شوتعريف الحشيش
وكيف يتم تمييز النظامي عن المروكب

إزا شي يوم ندق باب بيتك وقلت مين ونقال انا ابوجوزيف شو بتكون ردة فعلك

يلعن دين النق لك شو نق :sick:
ما علينا هلق مسيك لقلك


هات لنشوف عطيني رأيك بالتالي :
-----------------
الإنسان

الله
-------------------
الدين

الطائفية

الإلحاد

العلمانية
---------------------------
السياسة

امريكا

سوريا

العراق

الجولان

--------------

مين اقرب واحد الك هون

مين ابعد واحد

معك 5 وردات لمين بتهديهون

وخمس شوكات لمين

معك 200 الف دولار لمين بتعطيهون

شو سيارتك

وكم حادث سويت

شو اول سيارة كانت عندك

-------------------


كلمتين منك لاخوية

شو عطتك اخوية

شو اخدت منك ( غير الوقت )

-------------
تكنولوجيا:
_________
شو نوع موبايلك

شو اخر رقم بموبايلك

كمبيوترك مواصفاتو عالماشي

شو سرعة النت عندك

--------------
عالماشي
__________
شو نظريتك بالحياة

شو بتعنيلك الحياة

قديش معك بالبنك

مممم

بس بيكفوكي هدول راجعلك

رجعت

مقارناتتت.
‏
شاي أخضر ولا أحمر‏

قهوة ولا نسكافه

ميلو ولا كاكاو

عرق ولافودكا

نبيد مز ولا حلو

فوكس ولا هنكن

ريد لابل ولابلاك لابل

ويسكي ولا كونياك

وينستون ولا لوكي

مرسيدس ولا بي ام

لوس انجلس ولا لاس فيغاس

ماي سبيس ولا هاي فايف

دودج ولا فورد

انا ولا هوي

لاب توب ولا كمبيوتر مكتب

نوكيا ولا سوني اركسون

كيا ولا سابا !



انا مساويلك شي؟
انت بتكرهني شي؟
ليش آخر مرة تخانقنا؟
‏
شو بتقرأ أكتر شي بأخوية
‏
وإزا طلع في جنةونار
وقالولك لازم تاخد معك7 من أخوية
مين بتاخد
‏
شو تعريف الروح؟
‏
إزا صرلك شي وماعاد تفوت ع أخوية بعيد الشر يعني شو بتوصينا
‏
شوتعريف الحشيش
وكيف يتم تمييز النظامي عن المروكب
:?:?:?

إزا شي يوم ندق باب بيتك وقلت مين ونقال انا ابوجوزيف شو بتكون ردة فعلك
بعد كل هدوووووووووووول ... أكيد رح يقوصك :lol:

مرحبا حسان ..

سؤالين خفاف لطاف شنو رح كون أرحم من غيري ومارح تقل بلأسئله :lol:

من خلال كل رد انت كتبتو بالمقلايه عكست النا شخصيه واقعيه وجديه ..بالرغم من هيك عم تقرأ لماركيز الكاتب الخيالي .. وبتعتبرو اديبك المفضل ....شلون بتفسر هيك حاله ؟؟

شو رأيك برواية (زكرى غانياتي الحزينات )؟؟
:D

:?:?:?


بعد كل هدوووووووووووول ... أكيد رح يقوصك :lol:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

انو السنة كرمو سهيل عرفة :lol: بمناسبة " دمشق عاصمة الثقافة " ..
هادا يا سيدي سهيل عرفة لحن
" عالبساطة البساطة "
والغنية بتقول .. ( يوه شو معلاقي كبير اليوم )
عالبساطة البساطة ..ياعيني عالبساطة
قديش مستحليي عيش ..جنبك يابو الدارويش
تغديني جبنة وزيتونة ..وتعشيني بطاطا

هلق أنت بالرد اللي ضربلي ععصبي
حاليا مش مستعد احمل حمل تاني ع ضهري...كونو بنات اليوم بشكل عام والحمد الله نقاقات ومتطلبات...ع جبلي هي وبدي هي واشتريلي متل هي...

1) - برأيك الزواج ؟ علاقة شراكة وحب ؟ ولا علاقة منفعة :? ؟ عطيني تعريف للزواج بمفهومك .. لأنو حسب ما فهمت من الرد ... حسيتو اقرب لعلاقة الطفيلي بالمضيف :frown::sick:

2) - برأيك كنت منصف للمرأة اليوم ؟ المرأة اللي صارت عم تنزل عالشغل وتنتج قد الرجل ويمكن أكتر ؟ :pos:

3) - شو رأيك بالبساطة ؟
هل انت شخص بسيط ولا التعقيد و القصص تبعون الثقافة وهالقصص سرقت منك بساطتك ؟

- رح حطلك صورتين .. وبدي تقلي أول ذكرى بتتذكرا فين ... ديل ؟ :deal:
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مرحبا اليوم....
وبنتابع....

شو قمة الصدمة عندك؟؟؟
هممممم...
هدول ما في اكتر منهم....
* أصابة وحدة من صديقاتي المقربات بالسرطان..(بتمنالها ما تنخزها شوكة)
* اصابة قريب جدا كمان بالسرطان.
* وفاة أحد المقربين جدا بعمر الشباب...
* تخلي أحداهن عن عهد قطعناه...

وحاليا وجودي بالمقلاية....

شو موقع حسان من الإعراب يعني انت وين وصلت ولوين بدك توصل ؟؟؟
حاليا عم أنتقل من (مضاف) الى (مضاف إاليه) كوني بلشت بحياتي المستقلة ماديا....بس أحيانا بتكون (الشدّة) شوي قوية فوق المحتمل بقوم (بنكسر) وبحتاج (للرفع) وبلجأ ل(واو الجماعة)=أهلي
علميا ومهنيا...عم أنتقل من (مفعول به) الى (فاعل)...كوني عم انتقل من حالة تلقي العلم الى افرازه....
بالمختصر وبالمجمل...أعراب حياتي ك(أعراب جمل)...ناجحة....أما ك(أعراب مفردات) ففيها نكسات متل ما فيخا نجاحات...
شو الشي اللي ما فيك تستغني عنو؟؟؟أساسي بحياتك؟؟؟
تلات شغلات....
* وجود أهلي بحياتي....ولو كانو بعاد عني مكانيا...
* اللاب توب تبعي...فيك كل مراجعي العلمية ومنفذي ع العالم...
* باكيتي الدخان...متنفس همومي وصديقي بلحظات النشوة وبلحظات التعب....

جربت الخيانة؟؟؟ عمرو حدا خانك وعمرك خنت حدا ؟؟ وشو تعريف الخيانة بالنسبة الك؟
جربت الخيانة...أي نعم...
بعترف وبكل ألم أني خنت أول بنت حبيتها وعاشرت وحدة تانية بنفس الوقت لمدة شهر خلال علاقة دامت سنتين....التجربة الاسوأ بحياتي يللي هزتني...خذلت حبيبتي وخذلت نفسي...
عمرو حدا خانك...بيقولو الله ما بيضارب بحجارة....أي نعم...تعرضا لخيانة ع الاقل والاولى متأكد منها...التفاصيل مشابهة لخيانتي الاولى مع شخص(ة) تانية وبأدوار معكوسة...التانية مش متأكد منها وبتمنى تكون مو صحيحة وكون ع غلط....
الخيانة بتعريفا هي نكس الوعد والتراجع عن موقف مشترك متفق عليه....

شو لونك المفضل ... غنيتك المفضلة؟؟؟
لوني المفضل هون الازرق....
غنيتة المضلة...بالعربي...بالقلب خليني لماجدة الرومي....

بلد نفسك تزورها؟؟
تشيكيا وتحديدا براغ....

حدا باخوية نفسك تقلو شي معين...
إذا كان عم ي/تقرأ...بقلو/ها...يللي قلتو بوقتها....ما في شي تغير....رأيي فيه/فيها بعدو هو هو...

مين العضو يللي اعجبك كتير تفكيرو ونقاشو
كتار كتير....ما رح أقدر عد الكل وأكيد رح أظلم حدا....
بس مافيني ما وقت عند كل رد كتبه كريم وحسام....:D


اكتر عضو حبيتو
يش يش



:D

يعني عن جد, و مع احترامي لكل المقليين سابقا, هاي أحلى مقلاية عدت (عم امسحلو جوخ منشان ما يزتني وراه آخر الليل شنّو اليوم آخر يوم :cry: )

1- امتى جايني زيارة؟

2- بيقولو انو الحياة وقفة عز. شو رأيك؟

3- كمان بيقولو انو الاكل ع قد المحبة. شو رأيك؟:lol:

4- لو عطيتك هلأ ورقة و قلم و قلتلك اكتب جملة و هالورقة و هالورقة راح توصل للشخص اللي انت بدك ياه مهما كان زمان و مكان هالشخص (عايش, ميت, من ألف سنة, لسا ما ولد, مشهور, مغمور, واقعي, خيالي ....الخ) شو بتكتب و لمين؟

5- الساكت عن الحق شيطان أخرس. شو رأيك؟

6- اسأل حالك سؤال ع كيفك و جاوب عليه




سلامات!!!!:D

بالله اليوم آخر يوم؟؟؟:i7raj:

يا زلمة الاسبوع باسبانيا شو قصير....:o


لسى بدي ع الاقل تلت يام لكمل رد ع الاسئلة ....يعني ع مقياسك الزمني شي سنة...:lol:

بالله اليوم آخر يوم؟؟؟:i7raj:

يا زلمة الاسبوع باسبانيا شو قصير....:o


لسى بدي ع الاقل تلت يام لكمل رد ع الاسئلة ....يعني ع مقياسك الزمني شي سنة...:lol:




لك ليش ما دريت انو عملوها 3 تيام؟؟ خليك اسبوع اذا بدك لبين ما اهرب:lol:


قال ريم تقلكون انو وقفو اسئلة لحتى حسان يخلّص اليوم أسئلتو و يزت حدا غيري:p .... و الغايب يعلم المو جاي عرفتو كيف؟؟:larg:

لك ليش ما دريت انو عملوها 3 تيام؟؟ خليك اسبوع اذا بدك لبين ما اهرب:lol:


قال ريم تقلكون انو وقفو اسئلة لحتى حسان يخلّص اليوم أسئلتو و يزت حدا غيري:p .... و الغايب يعلم المو جاي عرفتو كيف؟؟:larg:

هاااااااا فكرتها أسبوع متل ما ذكر بلاك برد من ردووده....

عظيم هالخبر بس ما بعتقد أني لحق اليوم ردّ ع كل الاسئلة....شنو في أسئلة مهبرة وانا وقتي جدا ضيق الليلة....:cry:

وهلأ TheLight على المقلاية؟!!

معذورة على سؤالي بس لاني ما تابعت كل ردودكم

اي أجيت أنا حسان بكم سؤال خفاف نضاف .. :lol:


- اذا تم ترشيحك لمنصب رئيس حقوق الانسان . شو أول شي رح تعملوه ؟

- كم تقدر نسبة ثقافتك في هذه اللحظة ؟ ( من مية )

- حسان متل ما شفت قاري ممتاز , و عندو حس أدبي مميز , جرب شي مرة يكتب و إن كان جرب يقريني شي و إن كان ما جرب بدي هيك يجرب يكتب كم كلمة بتوصف فيون سوريا أو تعلقك بسوريا أو أي شي بدك يا بخص سوريا

- اذا طلب منك السرحان بخيالك الواسع لمشاهدة العالم من بعد واعطاء نظريتك بالمشهد . شو بتقول ؟

- لحظة يسمعك كل من على هذه الأرض .. شو بتقول لهم من كلمات ؟

- من هو العضو :
* المخبر
* تنكرب وقت بتشوف اسمه بين الموجودين على الخط ؟
* يسرك وجود اسمه بين الذين ردوا على موضوعك ؟
* تكره وجود رأيو في مواضيعك ؟
* المثالي ؟
* المشرف المثالي ؟

1- امتى جايني زيارة؟

3- كمان بيقولو انو الاكل ع قد المحبة. شو رأيك؟:lol:



لعمش شو هالعزيمة هاي ..

عم تختبرو قديشو بياكل منشان تتطمن ...:p

نسيت سؤال أنا .. :lol:


المطرح:شوكة بحلقك..لضل ذكّرك...


فسرلي المطرح شوكة بحلق مين و بدك تزكر مين .. :p

لعمش شو هالعزيمة هاي ..

عم تختبرو قديشو بياكل منشان تتطمن ...:p

بعتقد عم يختبرو قديشو بيحبو مشان يطمن...بما انه قال(الاكل ع قد المحبة ):pos:

قال ريم تقلكون انو وقفو اسئلة لحتى حسان يخلّص اليوم أسئلتو و يزت حدا غيري:p .... و الغايب يعلم المو جاي عرفتو كيف؟؟:larg:

هلق انا قلتلك قلهون يوقفو اسئله وانو وقتو خلص اي قلت ...بس انا اكيد ما قلتلك تقلهن انو يزت غيرك ... لا تقولني ما لم اقله يا شيخ ....

بل انا اشد على يد حسان بزتك بالمقلايه لا وبل عم يناغشني عقلي اني استعمل سلطاتي الاشرافيه واعمل تعديل بسيط للقانون تاع المقلايه(بحال انت انزتيت) وخليك فيها شي شهر :yahoo:نتسلى نقليك متل ما بتخوفنا انت:yahoo::yahoo:

دكتور ..... شو صار باسئلتي :pos:

لعمش شو هالعزيمة هاي ..

عم تختبرو قديشو بياكل منشان تتطمن ...////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////بعتقد عم يختبرو قديشو بيحبو مشان يطمن...بما انه قال(الاكل ع قد المحبة )////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////كشفتوني:oops:


هلق انا قلتلك قلهون يوقفو اسئله وانو وقتو خلص اي قلت ...بس انا اكيد ما قلتلك تقلهن انو يزت غيرك ... لا تقولني ما لم اقله يا شيخ ....

بل انا اشد على يد حسان بزتك بالمقلايه لا وبل عم يناغشني عقلي اني استعمل سلطاتي الاشرافيه واعمل تعديل بسيط للقانون تاع المقلايه(بحال انت انزتيت) وخليك فيها شي شهر ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////نتسلى نقليك متل ما بتخوفنا انت////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

:jakoush::jakoush:

يا جماعه بدي نام ..:cry:. فيقني ياسين مشان المقلايه .:cry:.. بدي اقتلكن.:jakoush:..ولسا بقولو الاشراف مقصر..اي بدي قوص كل واحد بقول الاشراف مقصر.... :zen:

هالرد منقول عن حسان لانو ما عم يزبط معو


شو بيعنيلك الشهيد؟؟؟

الشهيد...بالنسبة الي هو كل شخص ضحى بحياته بدافع الدفاع عن الوطن ولاشي الا الوطن...
كل شخص مات في صراع دافعه ديني او لدفاع عن دين معين او طائفة معينة...شخصيا بسقط عنه مسمى الشهيد....
طبعا هذا الكلام في العصر الحديث...

لما تشوف الوضع والحصار بغزة شو بتقول بنفسك؟
بهز راسي وبسكر التلفزيون...وبقول...هذا ما جناه عليّ أبي وما جنيت على أحد...

فلسطين احكيلي عنها بسطر.
جرح بخاصرة بلاد الشام...بصفعنا بقوة كل يوم....

يحيى عياش ... شو بيعنيلك؟؟؟وفارس عودة؟؟؟
شهداء...في سبيل الوطن...مو نحن يللي بنقيمهم....بننحنيلهم...إجلال

شو رأيك بنزار قباني... مظفر النواب... محمود درويش... فدوى طوقان...
قلت برد سابق أني مش قارىء للشعر...
بقرأ قليل من شعر نزار قباني ومحمود دروش...ما صار عندي مخزون من شعرهم يسمحلي انو أعطي رأيي نقدي أدبي فيهن...بس أعجابي بمحمود درويش تيجاوز اعجابي بنزار قباني ولو أنو قصيدتي المفضلة هي للأخير...
اما مفظر النواب وفدوى طوقان...بفمش قاريلهم...

بتقرا شعر جاهلي....
أبدا....

ازا حبيت وحبيبتك كانت بتحب صديقك شو رح تكون ردة فعلك لما تصارحها وتكتشف هالشي؟
تسالي...صارت...من زمان...
كنت بعدني بالكلية...
ما صارحت ولا واجهت كوني عرفت قبل ما احكي معها...درت ضهري ومشيت....
أصلا ما حصل أني كنت ساذج لدرجة اني امسك وقلهل ليكي انا بحبك قبل ما كون واثق مليون بالمية من موقفها...
بس ولا البد واذا صار بقلهم الله معكون...بحالة وحدة فقط..أنو يكون هو كمان بحبها...

شو أبشع منظر شفتو بالانتفاضة ... يعني اسرائيلي ...
مافي منظر بيحتلل الصدارة...في كتير مناظر بترضّني نفسيا بطريقة متساوية....

شو أبعد شي ممكن يوصلو خيالك؟
نخاص من الطائفية ببلادنا...

بتحب القهوة؟؟؟
أي....
عمرك كتبت شي خاطرة ادبية؟
م بسميها خاطرة (أدبية)....
في وحدة بالخواطر والخربشات...بتحبو انكشوها...
غيرها في بس كتبتهن بتأثير حالة وحدة مريت فيها...ومن وقتها ما عدتها...

بتحب الادب؟
حسب شو...
رواية...أدب ساخر....جدا جدا
قصة قصيرة...وسط...
مسرح وشعر...لاء

عندي مشكلة....ما بقدر استمتع بالادب العربي...عندي مشكلة مع الكتاب العرب...ما لقيت حتى الان أسلوب شدني...

شو نقطة ضعفك؟
ما بعرف تكتك....وبوثق بالاخرين بسهولة كبيرة...
شو نقطة قوتك؟
بقدر سامح بسهولة...

كلمة بتوجهها لكريم
كريم...الله كريم...مع أنو لا أنا ولا أنت بنأمن بالله...

شخصيا...في كلام كتير احكيه لكريم...بس ناطر يرجع...

بعتذر...مو قادر أكتب...وقتي كتير ضيق ونفسيتي شوي ضيقة....
مارح أقدر كمل اليوم....ما بدي كو مقصر بحق سأليني او بحق نفسي بأجوبتي...

أذا ال 3 أيام خلصو اليوم وبتحبو تزتو حدا جديد بالمقلاية...اختاروه أنتو....وبعتقد مبين مين أنا رح أختار..


ياس عقاب لانك نكشتني من الفرشه ... شرف فوت عالمقلايه....عليـــــــــــ ـــــه يا شباب الله وأيدكن

ياس عقاب لانك نكشتني من الفرشه ... شرف فوت عالمقلايه....عليـــــــــــ ـــــه يا شباب الله وأيدكن

أي متآمرين علي من 3 دوار و عم تقوليلي عقاب:jakoush:

عقبال ما تحلمي كل كليبات عصمت رشيد! هاد هو العقاب:o

ماشي ماشي يا ياسو ماشي هيدي جزاتي لانكن اجيت زبطلكن الوضع ....
ع كلن انا وحسان رح نطبخلك مؤامره ما صارت :clap:

هلأ في اسألة ماتجاوب عليها لسه ..
كيف بدو ينزت واحد تاني بالمقلاية ولسه الاسئلة ماكملت

حسون هوي قال انو معد فينو يرد... فنحنا بنقدر ظروفو وبنزت ابو اليوس محلو....

** توصيه شباب حاول انكن ما تعملو اقتباس مشاركه مشان ما يحشش**

هلأ في اسألة ماتجاوب عليها لسه ..
كيف بدو ينزت واحد تاني بالمقلاية ولسه الاسئلة ماكملت

حكيتلهون أنا يا زلمة حرام تزتوني و ما سألو....:cry:

لأ عن جد, حسان مو فاضي و ريم :jakoush: قررت انو هيك منشان ما توقف المقلاية و عالفضى حسان يكمّل أسألتو

هلأ في اسألة ماتجاوب عليها لسه ..
كيف بدو ينزت واحد تاني بالمقلاية ولسه الاسئلة ماكملت

شايف أنت يا زلمة....:shock::shock:

حاسس متل...كأنو...فرقنا بريحة طيبة....:frown:

شايف أنت يا زلمة....:shock::shock:

حاسس متل...كأنو...فرقنا بريحة طيبة....:frown:


لك مو مانك فاضي انتي... تعا كمّل مقلايتك و اعتقوني:cry:

في زيت كتير يا جماعه لا تتقاتلو خير الله كتير ..ياسين كمشتك عملت اقتباس :sly::jakoush:

لك مو مانك فاضي انتي... تعا كمّل مقلايتك و اعتقوني:cry:

أخي بدكن...بجاوب بكرة...

بعدين شو منشان الكل اخدو وقتهن سبع ايام بالجواب الا انا هلق بدكن تحشكوني ب 3 ايام؟؟؟ ولا هن من الاساس 3 ايام....؟؟؟


:jakoush::jakoush::jakoush::jakoush:

أي تمام الله جابك و انقذتني

حسان ما استوى يا شباب كملو عليه:lol:

حسان كمشتك عملت اقتباس :jakoush:
حسان كمل اجوبتك اذا وضعك بيسمحلك بس اي اسئله غير المطروحه قبل لا تجاوبها يعني اي سؤال لحسان من تاريخ اليوم ولبعدين ما رح يجاوبو .. رح يخلص الي بأيدو ويزتلنا ياسووووووووووو :yahoo:

ما حبيت شغلة التلت ايام
مقلاية ريمي انقطشت قطش .. وحسيت انو انا كان بدي اقرا ردود اكتر لريمي
ومقلاية حسان نفس الشي ...
:pos:

طيب اسمعو ... الاسئله العالقه بيتجاوب عليها يعني الاعضاء معهن يسألو تلت ايام فقط اي سؤال لبعد التلت ايام ما عاد بينحسب ... بكرا بيكمل حسان الاجوبه ..

لا اخي ..
خلوة 4 تيام منيح ( زيادة يوم مشان الواحد ياخد راحتو ولو )
حكموة 4 تيام احسن ..ازا بدكن ..

أي طيب أربع تيام بس الناس فيها تسأل لحد التالت لأنو ما بتلحق يعني شوفة عينك

اي حلو الحكي معلم ..
اللي بدو يسال معو 3 تيام ليسأل (واللي مابلحق حالو زنبو ع جنبو )
واللي عبنقلا عندو 4 تيام ليجاوب ويضل بالمقلاي ..
وبعد ال4 تيام ماحدا يجاوب ولا يسأل ..

:deal:

الافضل انو ينعطى 3 ايام لطرح الاسئلة اوكي بس المفروض انو يجاوب عليها كلها حتى لو استغرقت اكتر من 3 ايام
يعني انا من راي مرسيل :D

الحمد لله نفدنا نحنا

حسانو مقلايتك كانت رائعة
وموفق

ياسو عندنا ؟؟؟؟؟؟؟؟؟؟؟؟ اي اهلا وسهلا
استنى عليي لارجع المسا وشوف شو محضرلك يا صديقي اللدود :hart::D

حسان كمل اجوبتك اذا وضعك بيسمحلك بس اي اسئله غير المطروحه قبل لا تجاوبها يعني اي سؤال لحسان من تاريخ اليوم ولبعدين ما رح يجاوبو .. رح يخلص الي بأيدو ويزتلنا ياسووووووووووو :yahoo:


اليوم بتكون مقلايتي منتهية ....عطوني اليوم بس....

وبعد الساعة 12 بيكون ياس بين ايديكن....

يا ريت ما تنزل أسئلة ياس قبل ما قول اني خلصت....

ألي رجعة المسا...


:akh:

اليوم بتكون مقلايتي منتهية ....عطوني اليوم بس....

وبعد الساعة 12 بيكون ياس بين ايديكن....

يا ريت ما تنزل أسئلة ياس قبل ما قول اني خلصت....

ألي رجعة المسا...


:akh:


من عندي تكرم انت و ياس :D
من هلق للمسا بكون مخمخت على شي كم سؤال لياس :o

شو رأيك بهالعبارات... عقب عليها يعني....

1-ايها المارون بين الكلمات العابرة
كالغبار المر مروا اينما شئتم ولكن
لا تمروا بيننا كالحشرات الطائرة
خلنا في ارضنا ما نعمل
و لنا قمح نربيه و نسقيه ندى اجسادنا
:و لنا ما ليس يرضيكم هنا
حجر.. او خجل
فخذوا الماضي،اذا شئتم الىسوق التحف
و اعيدوا الهيكل العظمي للهدهد، ان شئتم
على صحن خزف
لناما ليس يرضيكم ،لنا المستقبل ولنا في ارضنا ما نعمل


بصراحة من الكلمات الخالدة يللي ما ممكن تتنمحى من اذهاننا وعقولنا...
الصور كتير بسيطة بس المعنى جزل وقوي كخبطة قدم جبارة...


2-من أقاصي اليأس يولد دائما منتهى الأمل.

بحسها جملة كتير مثالية وفاضلة هربانة من اليوتوبيا
بتمنى يكون بالفعل هاد هو المحرك الحقيقي للعمل عند الانسان بس الواقع او الطبيعة البشرية والنفس الانسانية ميالة للاستسلام لما بيشتد الضعط وبيعشش فيها الاستسلام

3-أما اسرائيل فلم تعد بحاجة إلى الإعلان عن شئ يخص حدود اعتباراتها الأمنية من> تطوعت الأدوات العربية لخوض حربها مع الفلسطينيين ... ومنذ تزايد عدد حراسها العرب...

غلط لما نحمل العرب فقط مسؤولية الواقع العربي المهزوز..من الحق ايضا انو نعترف بتفوق خصمنا...
اسرائيل صنعت كيانها ودافعت عنو..باستخدام كل الادوات المتاحة بين ايديها..والحكام العرب كانو واحد من هالادوات

4-لبرميل النفط سعر يعلو ويهبط ... ولكن لا سعر لبرميل الدم لا في السوق السوداء ولا في السوق البيضاء.

مش موافق على هالمقولة
لكل برميل دم سعر
برميل الدم العربي نحنا سعرناه وعم نبيعه برخيص
اما برميل الدم الاسرائيل فهن سعرو وبغالي كتير..

5-جزء كبير من الرحيل هو في حقيقته تحدي الأنا للعالم الخارجي. العالم عتيق كالصخور ومتبدل كالبحر .والأنا ترغب في الوصول الى الاماكن البعيدة سالمة وفي الوقت المحدد

الرحيل مش دايما انهزام...فيه
جزء من يأس..
وجزء من حلم..
وجزء من تحدي..

ولعت المقلاية ولله :D

لايت .. سؤال صغييييييييييييير ..

مين انت ؟