ياسين بدك ما تواخذني بس ما حسنت امسك حالي و ما بعرف ليش هالموقف تبعك فرطني من الضحك يا رجل
بمطار حلب بوحدة من جياتي ع اسبانيا كان عندي زيادة وزن فكان واحد رفيق ابوي موصي ضابط بالمطار يمشيني... رحت لعندو و الزلمة بكل لطف خدمني يعني و مشالي اموري.. أنا فكرتو شامي من حكيو, فو نحنا ناطرين الجواز سألني اذا أنا ديري و أنا رديت عليه :" مو عيب" هيك بمزح (لمن لا يعلم في شبه حساسية فكاهية بين الرقة و الدير)

طلع هوي ديري... و أنا تمنيت الارض تنشق و تبلعني :lol:

:da7ook::da7ook:
خوج ؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// كياس ؟ شو وين قاعدة انتي عمي عم تشتغلي بالفاعل كأنك؟

يحرق حريشك شو هاد:da7ook:
:lol::lol:
راجعلك بكم سؤال :D

كيفك دكتور ياسين
الك عندي هيك كم سؤال خفاف نضاف :

1-برايك الديمقراطية بتلبق للعرب شي؟؟
2-اذا اتعينت سفير سورية باسبانيا عددلي اهم 7 شغلات بتسعى بكل جهدك انك تحققن
3-ليش تحديدا اسبانيا؟
4-ليش انت هيك جدي كتير ؟؟(هالسؤال يا ريت تتوسع بالشرح فيه قد ما بدك يعني خود راحتك باحكي عندك مساحة قاضية :lol: )
5-اذا قلتلك اني حابب بس اتخرج اني اختص عيون ف بتنصحني اجي اختص باسبانيا او روح ع دولة تانية؟
6-طيب واذا كان بدي اختص جراحة تجميلية؟
7-بدي منك 10 نصائح الي كطالب طب لساتني باول الطريق يعني لساتني سنة اولى
8-اذا اجى شي حدا و سالك شو رايك بهالبني ادم وسيم ( اللي هو انا و اعوذ بالله من كلمة انا ) شو بتقلو؟؟
9-انت محشش شي مرة؟؟و شو نوع الحشيش؟:hashish:
و شكرا الك :D
احتمال يكون الي رجعة لا تروح :lol:
[/quote]

سؤال واحد فقط :

لماذا يعقمون الإبرة السامة لقتل المحكوم عليهم بالإعدام ؟ :pos:

المحبة من الله,,, الناس شكلها ناطرة دورك من عبكرة الله حتى تسألك يا ياسين,,,
طيب انا بس بدي اسألك سؤالين من فكرة واحدة ( مبدئياً بس سؤالين ) .
.
.
.

يـُـقال ان قوة المرء في كظم غيظه لا بـ ان يرد بالمثل ومن هنا :::

1) هل انت ممّن يكظمون غيظهم أَم ممّن يجيبون بالمثل ؟؟؟!
2) اذا كنت من كاظمي الغيظ الى اي مدى تستطيع كظم غيظك ؟؟؟!

.
.
.

وتحية

Gazitaما بعرفها بنوب و الله, كل اللي بعرفو انو يمكن مغربية أو ساكنة بالمغرب مو؟


Reemiلو من سنتين حدا قايللي انو أنا و EVE راح نصير صحاب كان ما صدّقت أبدا.... ريم مافي منها! صحيح تتآمر علي أحيانا هي و هداك جابي الكهربا.. بس كتير حبابة و مهضومة, و بدها تعزمني عالغدا بس انزل عالبلد

marioma alghzayalaما كتير حكينا و بصراحة ما بعرف ليش, هيي من الجمهور اللي مصرّين انو أنا بخوّف ... شفت مقطع فيديو لآخر حفلة الها و شي رائع فعلا...

hanny dagherمختار أوغاريت؟؟ مافي منو حج هاني و هلأ كمان شوي بس يتعلّم اسباني يصير عملة صعبة جدا.... على سلامتو هاني و الله

Williعصبي؟ نعم.... راديكالي؟ نعم... بس رغم انو ما كتير حكينا بس في الو ردود أشتهي قللو هات راسك أبوسو

laylaمن تراث أخوية الأولى تقريبا... من زمان ما طلّت و كتير مشتاقيلها

sezarسيز من الأعضاء اللي جدا سبسيال لألي.جدا بتعجبني طريقة تفكيرو و حكيو, عدا انو فنان من الدرجة الاولى

sweetbaby
كمان من تراث أخوية الأولى.. كتير حبابة و ظريفة جدا. لازم ما تعصّب و تنزعج على كتير شغلات ما هو الدنيي هيك... أهم شي انو تفكّر انو حسان بيخوف أكتر مني

الحاج متولي
ما بعرفو و الله
maged-syrian (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
من رواد المنبر و ضواحيه.. أنا كتير بتّفق معو بشغلات كتيرة و بشغلات تانية ما بتّفق. أمر طبيعي يعني, بس من الأعضاء الجديرين بالاهتمام جدا

butterflyهي حبابة و ما في منها, و نشيطة جدا و من الأ عضاء اللي قدمو الكثير جدا لأخوية و فوقها مو معترف بهالتقديم أحيانا. كتير منحكي عالمسنجر و بتقلي انو أنا جفص.. اجمالا من أعضاء أخوية المفضلين بالنسبة لألي

وشم الجمال ما كتير بعرفها بس أسئلتها هون بالمقلاية حلوين.. عدا هيك ما فيني قول أكتر لأنو ما بعرف أكتر
Syrian__Angel (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
ما بعرفها بالشكل الكافي لتكوين رأي.... آسف

أبو شريك (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////),
ما بعرفو بنوب و الله

Hashtnasht
معلمنا و الله... أبو نهلة بعتبرو من روح أخوية.. يبردو القلب فعلا.. أبو نهلة من الأعضاء اللي بنقاش حول شيء ما يجيب الفكرة أو الجملة اللي بدك ياها تجي و مو طالعة معك.. عدا عملو الممتاز بقسم الموسيقا. و هوي واحد من الناس اللي جدا بتمنى يرجعو يشاركو بالمنتدى لأنو جدا غني بأفكارو و ثقافتو, عدا ظرافتو الرائعة
ASH (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
يجوز ما نتفق بكتير قصص بس أنا بعزّو... و لسبب بسيط: من شي شهرين حط موضوع علمي غير دقيق فحكيت انو أخي علميا هالحكي مو مزبوط و بينتلو ليش مو مزبوط (يعني مجال دراستي).... عدة اعضاء هاجموني ع أساس دفاعا عنو كالعادة بس هو بعتلي برايفت يشكرني عالتوضيح.. هاد شي جدا يعبّر عنو.


Syrian Gay
ما كتير حكينا, بس أنا بشكل عام بحب كل اللي يكسر الحدود و خصوصا حدود الصمت. موقفو أكيد بدو شجاعة بدون شك. أحيانا لازم يلاحظ انو حالتو جديد وجودها علنا بمجتمعنا فلازم يطوّل بالو.


Fares
الكبير الآخر بالنسبة الي بعد حشت نشت. شب رائع وودود و صاحب ثقافة عالية و اطلاع ثقافي ممتاز... بلكي أنا من هون لـ 20 سنة لقدّام اقدر أقرأ اللي قراه هو لحد الآن

Geeny
من القلة اللي أقدم مني بالأخوي...كان عندها خواطر رائعة جدا... اتمنى انو ترجع قريبا عالأخوية

yass
ما بحبو
]كهربجيعلاء عضو رائع. عندو مشكلة انو ما صار مجال انو الناس تعرف انو رائع, يمكن ما عندو هالاهتمام بالحياة الاجتماعية داخل المنتدى لذلك الناس عندها يجوز نظرة خاطئة عنو.. أنا بتمنى انو يسمحلنا نتعرّف على علاء بشكل أفضل
رادياما بعرفها و الله

SABE
سعيد من الناس اللي تحكي معهون تحس انو لسا الدنيا بخير, شاب رائع و عندو ذوق موسيقي حلو كتير, ظريف و ودود كتير

HUS
شهادتي فيه مجروحة لأبن بطوطة أخوية.. عتبان عليه لأنو جابرنا نشتقلو... اتمنى تنحل كل الامور و نرجع نقرا جملة "تسالي يا مان" منو

Barleb
كمان من القدامى بالمنتدى... بحبلو كتير أفكار بس يمكن طريقة سردو المعتادة الي عليها ملاحظات...
باشق مجروح (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)كتير بحترمو و بحترم آرائو... بس من فترة ظلمني و ظلم ناس ما كانت تستحق.. على كل مسامح مافي مشكلة

the light
الصراحة حسان من الشباب اللي أسعدني جدا التعرّف عليهون بالسنة الاخيرة. مثقف و واعي و معلمنا يعني بكل شي. بدي يا ه يجيني زيارة قريبا و أكيد راح نستمتع كتير.... بحس انو عنا شي مشترك سرسورة
سارة رائعة جدا... كتير بحترمها و بحب آرائها جدا... دكتورتنا يعني على سلامتها


محمد ابراهيم
أبو حميد على سلامتو و الله مافي منو.. شب مؤدب و فهمان و رأيو دائما بيهمني و ردودو طويلة

GOVERMENT
ما بعرفو للشب كتير بس يعني بحسو كتير ظريف و حبّاب

صياد الطيور
ما كتير اعرفو


اسير التشرد
كمان ما بعرفو كتير بس شفتلو شغلات بنوب ما حبيتها


phoenixbird (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
أبو طريق حبيب الملايين... و الله شب منيح و عين الله حولو. بس بحسو دائما وين ما كان عندو رغبة يكون مختلف. و أحيانا عندو اسلوب رد جدا استفزازي



the morrning
ما عندي معلومات كافية لحتى اعطي رأي


COSTA
بما يخص التعامل الشخصي أنا بعتقد انو كان نوعا ما مزيّف معي و غلط بحقي جدا, غير شي ما فيني قول



handsome
ما بعرفو كتير لوسيم بس بيكفي انو أخوه لسعيد....أكيد الطيبة مسألة عائلية


abosleman
و الله مو كتير بعرفو بس شفتلو مجموعة ردود و آراء عن قضايا مختلفة عجبوني



LiOnHeArT (
سابقا
غلط بحق نفسو و بحقنا, حط الاشراف بموقف سخيف جدا رغم انو بيعرف انو غلطان.... الله يسامحو

betty_palestine (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
معانا كمشرفين كانت جدا مفترية و قليلة أدب..... بتمنى تراجع نفسها شوي


yamen_h
و الله ما كتير بعرفو ليامن, بس الشي البسيط اللي احتكينا فيه كتير حباب حسيتو


BL@CK
عبدو بيعبّي الراس و الله ع سلامتو... صحيح نتغالظ عليه انو خفف حديتك بس الصحيح أنا في مواضيع بترجى يفوت عبد يرد و يبردلي قلبي.... كتير اسعدني التعرّف عليه فعلا


MadMax
و الله من الاعضاء المميزين جدا بالأخوية... بتمنالو يستمر على هالنهج


وائل76
محترم وائل و فهمان.... بتمنى تنتهي محنة غزة سريعا و يرجعلنا

مسطول ع طول

ما كتير بعرفو.. في الو ردود كتير حلوة

شامي من طوكيو
ما بعرفو
أمرأة من ورق
رائعة جدا.. كتير بحترمها و بحب آرائها


Roaa
ما بعرفها كتير بس باينتا مهضومة كتير



مايا*
ما بعرفها


لبندا
ما بعرفها






fofo besset syria
ما كتير بعرفها و الله بس رفيقة ريم يعني أكيد دعم

Abu Guzef
ما كتير خالطتو لحتى أكوّن رأي

الموسيقار (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////),
ما بعرفو

فاوست
شخص رائع بس اسلوبو راديكالي و صدامي شوي

ظل جيفارا
ياأخي فهمان بس ماسك الشيوعية حنبلية كتير بحس... جدا احترم آرائو و أدبو بالحوار


ملاك السعودية (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
لو تحل عن رب صفحة الحوادث تبعيت سيريا نيوز كان ارتاحت و ريحت

محمد السعودي

تسالي

التقرير الجوال
كتير محترم الزلمة, يمكن في مشكلة انو ما كتير مدقق انو كمان عنا قناعات ثابتة و ناتجة عن دراسة و بحث و ملاحظة نحنا المختلفين عنو وانو ما حدا ضحك علينا و حشاها براسنا, يعني ما بعرف بحس انو دائما يناقش بطريقة الاستجرار و لكل سؤال أو مسألة معنى أو قصد خفي بشكل ما آخد راحتي... مو لأنو ماني قادر أدافع عن رأيي انما لأنو خصوصا بأمور الاعتقاد ما بحب ناقش أبدا.

بس رجل محترم بحييه

secular
الله يعينو على هالعقلية

Nirvana


رائعة... بتمنى انو ترجع

وقت الواحد بكون مظلوم ... بس ما بايدو شي .. يعني بدك ترضخ للامر غص من عنك ..

الطرف اللي ظالمك اقوى منك .. وبايدو انو ينهي حياتك ...

وعم يستغلك .. شو ممكن انك تساوي ؟

غالبا أنا كشخص ما فيني ساوي شي, الازعاج على الاكثر يعني عالقليلة ما بيتهنّى بالهدوء و هو عم يظلمني و ياخد حقي... خليه عالقليلة يسمع صوتي و نقّي و ازعاجي

برايك .. ممكن حدن ما .. بعمر ال "7 سنين او 6 او اقل ... انو يقدر يعمل شي يشكل خطر معين على دولة ما ؟

أكيد لأ....

شكرا ياس:D

طيب خلص بس تجي ريم نزبطو آسف كتير ما كنت بعرف انو مزعج الامر....راح نسق اعتبارا من بكرا

هههه سؤال مهم...قتلتك ريمي او لسا ؟:o
خوج ؟ :shock: كياس ؟ :shock:

شو وين قاعدة انتي عمي عم تشتغلي بالفاعل كأنك


خيو من كتر ما عدلت بالخط من ورا ياسو فاتت بالحيط..سماح هالمرة :p

fofo besset syria
ما كتير بعرفها و الله بس رفيقة ريم يعني أكيد دعم


:D:D كمان مرة اجانا دعم من ورا ريمي..يخليلي اياك انتا وريمي :p

راجعة اسأل بس مضطرة روح هلأ :D:D

حومص ولا حلب ؟
حمص

طرطوس ولا اللادقية ؟
اللادقية

الدير ولا الرقة ؟
الرقة طبعا :adal:

الاتحاد ولا الكرامة ؟
الكرامة بطل سوريا!! :ss:

سيزار ولا واسير التشرد ؟
أبو السيز

مايا ولا ليندا ؟
ما بعرفهون بس مايا

اب سليمان ولا وائل 76 ؟
وائل

فوفو ولا ريمي؟
ريمي

يمان ولا رؤى؟
رؤى

جاد ولا هاني؟
هاني

ميمو ولا مورنينغ ؟
مرسيل :jakoush:

محمد ابراهيم ولا مسطول ع طول ؟
أبو حميد

كهربجي ولا كوستا ؟
كهربجي

سرسورة ولا نيرفانا ؟
سرسورة

الحكيم ولا كريم ؟
كريم

بلاك ولا برليب؟
بلاك

انا ولا حسن ؟
التاني

حسن ولا انا ؟
كمان التاني

ليلى ولا ريتا (سويت بيبي)؟
ريتا (ليلى مطنشة الدنيي :pos:)

غزلان ولا راديا ؟
ما بعرفهون بس راديا

ياس ولا فاوست؟
:larg:

مريومة غزالية ولا يامن ؟
مرام

ظل جيفارا ولا مادماكس ؟
مادماكس

اب جوزيف ولا اب وليم ؟
أبو وليم

ماجد سيريا ولا سيريا غاي (رامي)؟
سيريان غاي

ابوك ولا امك ؟
الجوز

بتحب الوحدة ولا الزحمة والناس ؟
حسب الأوقات... هلأ الوحدة

مين اذكى الحماصنة ولا الكراد ؟
الحماصنة

مين عقلو حيط اكتر الكراد ولا الحلبية ؟
التوادفة :o




مين بتشجع من المنتخبات ؟
عالمية ؟ الأرجنتين
عربية ؟ سوريا


من الاندية ؟
الاجنبية ؟ برشلونة طبعا
السورية ؟ الكرامة
العربية ؟ الترجي التونسي :shock:




مين اكتر لاعب بتحبو (سوري او ماسوري مامشكلة) ؟ أندريس اينيستا
اكتر ممثل / ممثلةسوري ؟ بسام كوسا و سلاف فواخرجي
اكتر مغني /مغنية سوري ؟ صباح فخري




وحدة في الاخوية انت معجب فيا من زمان وماعبتقد تقول ؟ ملاك السعودية :hart: ;)
واحد بالاخوية معجب في من زمان ومستحي تقول ؟



مين بتحب اكتر الشي من المشرفين او المشرفات وبتحسو قريب عليك كتير ؟ كلهون تقريبا... البنات بشكل خاص :oops:



عضو/عضوة كنت ماتطيقو بس بعدين تبينلك انو كتير حباب وعكس اللي كان ؟ ريمي :pos:
عضو/عضوة كنت مفكرو حباب ومنيح واكابر وطلع عكس المتوقع ؟ بيعرف حالو



عضو تقاتلت معو ؟ ليش خليت حدا يعتب علي:lol:
عضوة تقاتلت معا ؟================


عضو ماهضمتو ؟ هضمي منيح
عضوة ماهضمتا ؟ برضو



بتحب المحشي مخبوص ولا مفلفل؟ عمي محسوبك شاوي يعني تطالعني من الثريد بضيع ...اشرحلي :frown:
بتحب البيبسي ولا الكوكاكولا ؟ و لا وحدة... القهوة فور ايفر
مين من الاعضاء جاي عبالك تشوفن ؟ كل اللي من السبعة و فوق بسؤال هاني هدول بشكل خاص... و الكل طبعا بشكل عام عدا أعضاء قلة بيعرفو حالهون





بتحب البطاطا لحالا ولا مع كاتشب ؟ لحالها
اكتر كلمة بتحب تسمعا ؟ كلمة وحدة؟ احترام


اكتر موقف ضايقك بالاخوية ؟ موقف بشع صار من شي شهر تقريبا بالمنبر ما بدي ارجع احكي فيه

الدير ولا الرقة ؟
الاتحاد ولا الكرامة ؟



اكتر مغني /مغنية سوري ؟ صباح فخري





:x:xبدك ياها على اول جواب
وعقابا الك بدي اعزمك عالغدا بس تجي ووين يا جزرك ؟ بالدير
:clap::clap::clap:وبدك هي على تاني جواب

:Dوبدك هي عليهون كلون
تحياتي حجي

ياسين سنة 2016
وين رح تكون؟
مرسيل وين بتكون؟
سيزر وين بيكون؟
ريمي وين بيكون ؟
كهربجي وين بيكون؟
عادل امام وين بيكون؟
ميشيل عون وين بيكون؟
مين بيكون رئيس الوزراء بسوريا ؟
مين بياخد كاس العالم ؟
كم عدد دويلات العراق؟
هيفا وهبي وين بتكون؟



سؤال تاني بعرف انا بمون

شو كنت بتتمنى تقلك سرسورة وما قالتلك ؟
شو كنت بتتمنى يقلك the light وما قلك ؟
شو كنت بتتمنى يقلك ash وما قلك ؟
شو كنت بتتمنى قلك انا وما قلته ؟


شي عبالك تقوله لامراة من ورق وما قلته لسا ؟
شي عبالك تقوله لسيريان غي وما قلته؟
شي عبالك تقوله لبريف هارت وما قلته؟
شي عبالك تقوله لخالد مشعل وما قلته؟
شي عبالك تقوله لمرسيل خليفة وما قلته ؟


كمان سؤال تاني معليش بمون انا


الرقة او سانياغو


وين الاكل اطيب؟
وين المشوار احلى؟
وين بيحكوا سياسة اكتر؟
وين الطقس احلى؟
وين بيحكوا نكت اكتر؟
وين بترتاح اكتر ؟

وين في وجع راس اكتر؟


ولسا ما خلصت

سؤال صغير كتير ..ومحيرني ..

شو سبب عدم حبك لدير الزور ..

يااااااااااسووووووو :lol: ...
رح حاول اكتب التلاتين سؤال فرد مرة تفاديا ً لانو ما الحق أسألن متل ما صار وقت حسان ..
رح تكون الأسئلة مقسمة مجموعات .. :p ...
منبدا

لو :
1- لو رئيس سوريا شو بتعمل ؟
2- لو في لقاء مع الله شو بتقول ؟
3- لو بدك تحكي بمجلس الأمن عن شيء بيخص سوريا ومعك دقيقة وحدة شو بتحكي ؟
4- لو أنت مكان حسام بأخوية شو بتغير ؟
5- لو بدي شوفك هلق وين منروح ؟؟

شو ::lol:
خلينا نتفق انك شخص مميز ..
1- شو اللي بيجعلك مميز ؟
2- شو الشي اللي بيجعلك غير راضي عن نفسك بس ما عم تقدر تغيرو ؟
3- شو أكتر شي بيحسسك أنك مختلف .. وبيحسسك بالغربة ؟
4- شو الشي اللي ممكن يبكيك ؟ :p
5- شو الشي اللي بتقول بقلبك انت وعم تتعامل " معي :oops: " .. أخ بس لو ما كانت هيك ؟

أنوثة وبنات :lol:
شو اللي بيضيفو حضور الأنثى بحياتك ؟
وشو التأثير السلبي لحضور الأنثى بحياتك لهلق ؟
بكلمة وحدة .. انت مستحيل تحبا .. إذا كانت ( ؟؟؟؟؟؟ )
انت مع الجنس قبل الزاوج ؟
أنت مع الزواج من أصلو ؟ عرفلنا الزواج :lol:
وبالطريق عرفلنا الحب
وبعدا عرفلنا الجنس ( افترضت لحالي .. أنو مع خانة الأنوثة والبنات .. إذا غير هيك صلحلي :p:oops: )
هلق نيالا اللي بتحبك لأنو ؟؟؟
ويكون بعونها لأنو ؟؟؟ :lol:
باقي واحد ولو مشان يصيرو عشرة ... مارال .. شو الشي اللي انت ربيت عليه وما رح تنقلو لمارال ؟

كتب :
كام كتاب في بمكتبتك :p ( عم انوي اجي الطشن ) ؟
اكتر كتاب قريتو " يعني قريتو اكتر من مرة " ؟
كتاب قريتو وما حاز اعجابك بنوب ؟
لو انت كتبت كتاب شو رح تسميه ؟
إذا رح تهديني كتاب شو بيكون ؟ وشو بتكتبلي على أول صفحة ؟

صور :
رح حطلك خمس صور ...وبدي تكتبلي أحلى شي بتتذكرو بخصوص هالصورة ..
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بس هدول ...

سلاااااااااام
:mimo:

Williعصبي؟ نعم.... راديكالي؟ نعم... بس رغم انو ما كتير حكينا بس في الو ردود أشتهي قللو هات راسك أبوسو

عرفلي الراديكالية من منظورك... مشان اعرف اذا طعميك مسبة ولا لاء :clap:

لا عم امزح ما رح طعميك مسبة, بس ما حسيتها لابقة مع الجملة اللي كاتبها!!

بدك إلحشلك هالكم سؤال من دون مقدمات هيك خبط لزق:lol:


أي استغل الفرصة العرض محدود:lol:


-من أنت "فيك تحكي عن حالك شو اعتقاداتك هواياتك شو بتحب شو بتكره الى ما هنالك"

و الله ما بعرف شو بدي احكيلك... خيو القيلك نظرة عالردود السابقة اذا بيكفو تمام اذا ما بيكفو احكيلي شو بدك تعرف

-أين تحب ان تجد نفسك " المكان الذي يدخل البهجه في قلبك.
أكيد الأماكن حسب الشعور... لكن طبعا المكان اللي يكون عندي فيه طمأنينة الحرية هو الأفضل.. و اذا هالمكان مسموح فيه التدخين و في قهوة و كومة كتب و انترنت يكون تمام تمام :lol:


-من خلال وجهه نظرك..... -ما الشيئ الذي لم تقدمه المسيحيه للمسيحيين.

أتصور انو لما المسيحي يكون معتنق الفكر المسيحي بشكل كامل و مقتنع فيه بيكون حاز على كل الأجوبة على تساؤلاتو و هالأمر عطاه الطمأنينة و أبعد عنو عذاب الشك. لذلك ما بعتقد انو ناقصو شي روحي أو فكري.... بعدين كحالات فردية يعني كل واحد عندو نواقص أكيد بس الدين ما بعتقد الو علاقة فيها

-ما الشيئ الذي لم يقدمه الاسلام للمسلمين.

نفس الاجابة الفوقانية بس بدل مسيحي مسلم

-ما هي نسبه المثقفين في "أخويه"

ما عندي مقدرة فكرية أو سلطة معرفية لحتى احكم على شخص انو مثقف أو لأ.. حتى على نفسي.. ممكن يكون الي رأي بس.

الأخوية فيها ناس كتير مستواهون الثقافي عالي, و الأحلى انو في تنوّع فكري جميل جدا

-هل العرب مازالو يتخبطون في غياهب التخلف... أم أنهم قد خطوا الخطوات الاولى على سلم التطور.

ما بعتقد بالعرب ككيان موحّد... يعني اذا بتسمحلي خليني احكي عن سوريا لأنو هوي البلد "العربي" الوحيد اللي بعرفو, و الباقي ما بعرفهون لذلك ما عندي الحق انو احكي عنهون.

سوريا بلد ذو طاقات و قدرات فكرية و علمية هائلة... ناقصنا يمكن انو نؤمن بامكانياتنا الفكرية أكتر و ننال قدر أكبر من الثقة بالذات... بمعنى آخر انو لازم تنتهي عقدة الخواجة اللي تخلينا نعتقد انو الاجنبي أفضل لأنو أجنبي فقط.

-من وجهه نظرك... ما هو جوهر الحرب على الاديان

ما في حرب عالأديان. اذا قصدك الهجمة العسكرية و الامبريالية فأنا مقتنع انها ليست على الاديان انما السبب اقتصادي بحت. هاد بما يخص الاسلام. بالنسبة للمسيحية أكيد الرفض هو عالسلطة الكنسية اللي يبدو أحيانا انو كانت نايمة و ما حست شو صار بآخر 500 سنة. مو عالدين كفكر..


-نصيحه تقدمها لصاحب النظره المحدوده أو الشخص الذي لا يرى أبعد من أنفه.

ما فيني أحكم ع شخص انو ذو فكر محدود... ما عندي هالامكانية الفكرية.. ممكن يكون رأيي فيه هيك و ساعتها بنصحو انو يفتح افقو, أو عالأقل انو يحاول هالشي, و الاتجاه مو أنا بحددو...خليه لحالو


- الغرب.. وجهه نظر عامه

كلمة غرب ظالمة. و السبب هو التالي... بالنسبة النا من اليونان نحو الغرب (كاتجاه جغرافي) كلو غرب بالنسبة النا و هالشي مو صحيح, في خليط غير متجانس من الشعوب مجتمعة الآن لمصلحة اقتصادية سياسية و هالاجتماع مرحلي..

فيني احكي عن الجزء من "الغرب" اللي بعرفو... هنن شعوب رغم كل مشاكلهون و مساوئهو عرفو يقولو لهون و بس و عرفو يتخلصو من قيود سابقة كانت ماسكتهون (مو شرط قيد ديني) غلطو كتير أكيد في فترات كبيرة من التاريخ و هنن مدينين لكتير من الشعوب الاخرى على الأقل باعتذار.. أكيد ليسو الشعب المثالي بس عرفو يتخلصو من التابوهات و الأحكام الدوغماتية.. و كلفهون كتير هالتخلص, حربين عالميات عدا المشاكل الاخرى

اعتقد لازم ناخد منهون هالمبدأ بس نتعلّم نعيد صياغتو بما يناسبنا ... متل ما عملت اليابان مثلا. اللي هي من أكتر دول العالم تطورا و مع ذلك من أكثر الدول حفاظا على تراثها و هويتها لأنو عرفت تاخد من الغرب ما يناسبها و "قولبته" بما يناسب خصوصياتها مع الاحتفاظ بحضارتها.

- " إن لم يكن ما تريد...فلا تكن ما يراد"
هل انت مع هذه المقوله..هل هي شيئ من اعتقادك الشخصي.؟

اذا شي بيخصني بذاتي لازم يكون كما أريد أنا لأنو هاد أمر أنا و فقط أنا اللي أحددو... فيما تبقى حسب القضية يكون الاختيار

-من هوي القوي.؟

المقتنع بنفسو و اللي ضميرو مرتاح.... شخص ضميرو حي و مرتاح أقوى من كل جيوش الدنيا حتى لو فيك تلغيه برصاصة وحدة

-لماذا اعتناق اللا دينيه.؟ هل الاديان السماويه قاصره على التشريع و تحقيق العداله و المساواة.؟

اللادينية مانها جاكيت ينلبس و لا هي كتاب يندرس.... هي عدم الاكتفاء بالموجود و الجاهز من الاجوبة و البحث عن أجوبتك الخاصة لكل مسألة من المسائل.. مهما كانت صغيرة... أكيد عندي أجوبة أجت من الدين بكونه مرحلة من مراحل التطور الانساني و لا أنكر الدين لمجرد اني أنا شخص لاديني... اذا الجواب المقنع لسؤالي المرحلي نابع من الفكر الديني ما عندي مشكلة أبد باني أتبناه...

عدم اكتفائي بالموجود و الجاهز لا يعني فقط عدم اكتفائي بالفكر الديني انما ايضا فكر فلاسفة اللادين... مو شرط اكون متبني شي لمجرد او مفكر لا ديني حكاه... باخد اللي يناسبني من أي مكان

-هل أنت لاديني شمولي أو جزئي.

أعتقد جاوبتك بالسؤال السابق




:D

رح حطلك اسئلتي المعتادة واللي مكرر ما تجاوبو رح ريحك


اول شي شو اسم كاتبكـ المفضل؟
بتحب الشعر ؟؟ لمين بتقرا؟؟
شو رأيك بالحب؟؟؟
شو رأيك بالسلام؟؟؟
عمرك حسيت بالظلم؟؟؟ وشو الموقف؟؟
شو طموحكـ في الحياة؟
شو بتعنيلك السياسة؟؟
شو اسم الشب و البنت المفضل عندكـ؟
بشو بتوصف علاقتك بالاخوية؟؟؟
هل بتعتبر الوضع بالبلدان العربية حاليا على شفا جرف هار؟؟؟
الاغتصاب ... شو الشعور اللي بتخلقو هاي الكلمة بأعماقك؟؟؟
هل تؤمن بالسلام ؟
وشو حل القضية الفلسطينية برأيك؟؟؟

شو قمة الصدمة عندك؟؟؟
شو موقع ياس من الإعراب يعني انت وين وصلت ولوين بدك توصل ؟؟؟
شو الشي اللي ما فيك تستغني عنو؟؟؟أساسي بحياتك؟؟؟
جربت الخيانة؟؟؟ عمرو حدا خانك وعمرك خنت حدا ؟؟ وشو تعريف الخيانة بالنسبة الك؟
شو لونك المفضل ... غنيتك المفضلة؟؟؟
بلد نفسك تزورها؟؟
حدا باخوية نفسك تقلو شي معين...
مين العضو يللي اعجبك كتير تفكيرو ونقاشو
اكتر عضو حبيتو
خلص بعدين بكمل

شو بيعنيلك الشهيد؟؟؟
لما تشوف الوضع والحصار بغزة شو بتقول بنفسك؟
فلسطين احكيلي عنها بسطر.
يحيى عياش ... شو بيعنيلك؟؟؟
شو رأيك بنزار قباني... مظفر النواب... محمود درويش... فدوى طوقان...
بتقرا شعر جاهلي....
ازا حبيت وحبيبتك كانت بتحب صديقك شو رح تكون ردة فعلك لما تصارحها وتكتشف هالشي؟
شو أبشع منظر شفتو بالانتفاضة ... يعني اسرائيلي ...
شو أبعد شي ممكن يوصلو خيالك؟
بتحب القهوة؟؟؟
عمرك كتبت شي خاطرة ادبية؟
بتحب الادب؟
شو نقطة ضعفك؟
شو نقطة قوتك؟
كلمة بتوجهها لكريم

شو رأيك بهالعبارات... عقب عليها يعني....

1-ايها المارون بين الكلمات العابرة
كالغبار المر مروا اينما شئتم ولكن
لا تمروا بيننا كالحشرات الطائرة
خلنا في ارضنا ما نعمل
و لنا قمح نربيه و نسقيه ندى اجسادنا
:و لنا ما ليس يرضيكم هنا
حجر.. او خجل
فخذوا الماضي،اذا شئتم الىسوق التحف
و اعيدوا الهيكل العظمي للهدهد، ان شئتم
على صحن خزف
لناما ليس يرضيكم ،لنا المستقبل ولنا في ارضنا ما نعمل

2-من أقاصي اليأس يولد دائما منتهى الأمل.

3-أما اسرائيل فلم تعد بحاجة إلى الإعلان عن شئ يخص حدود اعتباراتها الأمنية من> تطوعت الأدوات العربية لخوض حربها مع الفلسطينيين ... ومن> تزايد عدد حراسها العرب...

4-لبرميل النفط سعر يعلو ويهبط ... ولكن لا سعر لبرميل الدم لا في السوق السوداء ولا في السوق البيضاء.

5-جزء كبير من الرحيل هو في حقيقته تحدي الأنا للعالم الخارجي. العالم عتيق كالصخور ومتبدل كالبحر .والأنا ترغب في الوصول الى الاماكن البعيدة سالمة وفي الوقت المحدد

ويللا كما جولة مع الاغاني
لمين بتهدي هالاغاني

خدني معك
بعدك على بالي
ضمني على صدرك
سلامتك من الاه
انا بعشقك
الأماكن
مستني مني ايه
الحب والوفاء
أناديكم
كن صديقي
أين ستهربون
اغضب

نصيحة بتوجهها للتالية اسماؤهم

بلاك
بترفلاي
هاني
بريف هارت
سيريان غاي
جاد
محمد ابراهيم
طارق
ذا لايت

بارليب
امرأة من ورق
حكومة_غوفرمنت_
سويت بيبي
ريمي
ووشوم

اكتر كلمة بتحب تحكيها
اكتر كلمة بتحتاج تسمعها
اكتر كلمة بتكرهها
اكتر كلمة بتنرفزك
اكتر كلمة بتحسها سامية
شو بتعنيلك كلمة ندل
بتعرف ترقص
بتحب الفلفل الحار
شو بتكره تاكل
شو مشروبك المفضل

شو اكتر منظر بتحبو؟

عمرك حسيت بانو الدنيا ضيقة وحابب تغادرها؟متى وليش؟

الغروب والشروق شو وفعهم على نفسك؟

بتحب تكتب؟عمرك جربت تكتب؟ وشو صار؟

ليش دوم معصب وما بتطلع من المنبر؟

الحب الو معاني كتير ارقاها حب الام...كلمة بتوجهها لامك...ولابوك...

تخيل انو هاي اخر لحظة بحياتك...بعيد الشر عنك...شو رح تحس حسب توقعك؟؟

شو وصيتك بالحياة؟؟؟

كلمة بتوجهها للحكام مع حصار غزة

التجديد باخوية هل انت ضد الو؟؟وهل انت ما بتؤمن بالجدد يللي باخوية؟؟؟
اذا النت ما عادلو وجود بالحياة شو معناه بالنسبة الك؟
مين اهم النت والا الكتب؟؟

هالأغاني شو يتشعر لما تسمعها...

الأطلال
أغدا ألقاك
سيرة الحب
قارئة الفنجان
رسالة من تحت الماء
زي الهوى
أحن
تحية طيبة يا والدي الطيب
كان في طفل صغير عم يلعب بالحارة
انا وليلى
فوق النخل
كلمات
يا رايح صوب بلادي
وطني(سامي كلارك)
عصفور طل من الشباك

عندك هالقضايا يللي خطرت ببالي ....اعطيني شي حل ممكن يخطر ببالك الها وكلمة موجهة الها كمان وا>ا هي ظاهرة شو رايك فيها

التســـول

الاغتصاب

الإرهاب

غلاء الاسعار

الإدمان عالمخدرات

التعارف عن طريق النت

الحب عن طريق النت

الهجرة

اللجوء

الواسطة

الانتحار

المتاجرة باعضاء الانسان

الفن الهابط

اخ
تعبت عن ياس. يا شماتت ابلة ظاظا

برضو بدي رأيك بهالشخصيات
جورج بوش الابن
الخميني
فلاديمير بوتن
الق>افي
كونداليزارايس
شارون
هتلر
السلطلان عبدالحميد الثاني
بلفور
عمر المختار
جيفارا
فارس عودة
عزمي بشارة
رفيق الحريري
جمال عبد الناصر
انور السادات
حسن نصر الله
وبهالحركتين كمان بدي رايك
حركة أمل
حزب الله

غادة السمان...
حنا مينا
واسيني الاعرج
ميخائيل نعيمة
جبران خليل جبران
المنفلوطي
احلام مستغانمي
باولو كويلهو

شو رأيك فيهم وشو انتقاداتك الهم...بتحبهم ..يا اخي احكيلي عنهم
واسفة على الغلبة:D:D:D

اخ
تعبت عن ياس. يا شماتت ابلة ظاظا

يييييييييييييييييييي شو حنون ما توقعت
خلينا نعرفو مو غلط يتعب:pos:

امتى بتكون مبسوط و امتى بتكون زعلان؟؟

جوابي شوي غبي حاسو بس ما عندي غيرو:
بكون مبسوط لما ما بكون زعلان, و بكون زعلان لما في شي يستوجب الزعل

برأيك شو سلبيات و ايجابيات اخوية؟؟

أخوية مجتمع صغير بايجابيات المجتمع و مساوئو. يعني نتميّز بتنوّع فكري و ابداعي غير موجود بمنتدى آخر (حتى منتديات من يعتبرون أنفسهم "نخبة")

يمكن السوء الوحيد هو انو نسعى للمثالية (و هاد شي مو سيئ بحد ذاتو) بس بشكل مبالغ... يعني أحيانا شغلات صغيرة عادية بتحسسنا بالاحباط



طيب , احكيلنا عن شخصيتك ب3 كلمات

سؤال صعب و عن جد ماني ملاقي الكلمات المناسبة... آسف

في شي موقف مر عليك و تمنيت لو ترجع تعيش هالموقف مرة تانية؟؟ اذا ايه احكيلنا الموقف
مواقف كتيرة حسيت فيها بالسعادة... ما بعرف. ما فيني حدد واحد هلأ

شو شعورك و انت قاعد بالمقلاية هلأ؟؟؟

انو ما رح لحّق بسنة رد ع كومة الاسئلة

كل انسان فيه عيوب,, انت شو عيبك؟؟

اللي بعرفو و ماني معتبرو أنا عيب انما الناس تشكي منو (بأخوية و خارجها) انو مباشر جدا بالكلام بشكل قد يبدو انو عم اتهجم... و ما في من هالشي أبدا. بحب الحكي المباشر و اللف و الدوران بعمري ما حبيتو... و المشكلة انو اعتقد انو الكلام المباشر شي جيد... انا بحس بالأمان لما حدا يحكي معي بشكل مباشر

كمان لازم اعترف اني أحيانا واثق من نفسي بشكل قد يبدو انو نرجسي... ممكن ما بقول لأ


شو البلاد او المناطق الي بتحب تزورها بالعطلات؟؟

كل شي جديد... كنت مهووس بزيارة كوبا و حصلت... هلأ اذا فيني روح عالأرجنتين أو البرازيل ما بقول لأ.... بس على كل رحلة حياتي اللي بتمنى اعملها في يوم ما هي أول شي رحلة قطار الأورينت أكسبريس من لندن لأسطنبول, بعدين من اسطنبول اعمل طريق الحرير بالسيارة للصين

عندك ميول شعري ؟؟ و لمين بتحب تقرا من الشعراء؟؟

لا و الله ما عندي ميول و المحاولات فاشلة كلها كانت و بلكي ما حدا يرجع ينكشهون.... الشعر مو مجالي الأدبي المفضّل و ما عندي شعراء محددين جدا... بقرا من كلو شوي

اللي بعرفو و ماني معتبرو أنا عيب انما الناس تشكي منو (بأخوية و خارجها) انو مباشر جدا بالكلام بشكل قد يبدو انو عم اتهجم... و ما في من هالشي أبدا. بحب الحكي المباشر و اللف و الدوران بعمري ما حبيتو... و المشكلة انو اعتقد انو الكلام المباشر شي جيد... انا بحس بالأمان لما حدا يحكي معي بشكل مباشر

بدي قلك ياس انو مو شكوى الناس انك ما بتحب اللف والدوران بالعكس الشب يللي ما بلف وبيدور كتير رائع وعارف شو بدو ومالو ديل
بس الموضوع انك جدي كتير يعني ما عندك مجال للمزح والفكاهة ونحنا بشر وبنحتاج تكون جدي احيانا ومزيح احيانا اخرى
انا ما بقصد المسخرة بس بقصد خد الحياة بعيونا نحنا البسطاء...واعذرني لتعبيري بس هاد يللي طلع معي:D

عندك هالمجموعة من مقاطع من اغاني مارسيل بدي تعليق بسيط على كل واحد...وجد اسفة لكترة الاسئلة...

أجمل الأمهات التي انتظرته وعاد
أجمل الأمهات التي عينها لا تنام
تظل تراقب نجماً يحوم على جثة بالْظلام
لن نتراجع عن دمه المتقدم في الأرض
لن نتراجع عن حبنا للجبال التي شربت روحه
فاكتست شجراً جارياً
نحو صيف الحقول... صامدون هنا... صامدون هنا
قرب هذا الدمار العظيم
وفي يدنا يلمع الرعب في يدنا
في القلب غصن الوفاء النضير...
صامدون هنا... صامدون هُنا
باتجاه الجدار الأخير
وفي يدنا يلمع الرعب في يدنا
في القلب غصن الوفاء النضير
صامدون هنا... صامدون هنا
****************
ستي يامخبايّ... مدري بأي بيت
هويتي ضبيها...خبيها بشي حيط
بدّهن يحرقوها... من الدني يمحوها
ويا غيمات بلادي... عليهم ما تشتي
وقفوني عا لحدود... قال بدهن هويتي
قلتلن إنَّ بيافا... مخبايتها ستي
راح إجمع الغيمات... وأعطيهم مواعيد
وحملهم قنابل... ويطيرون من جديد
بشي ليلة كانون... بنتلاقى وبنروح
وبيبلش القواص... والغيمات تشتي
وقفوني عا لحدود... قال بدهن هويتي
قلتلن إن بيافا... مخبايتها ستي
**************
تمرمر قلبي بضهر البحر بلكي بيزبط وضعي شوي
والله الرزقة متل السحر بتزحط وبترجع على الميه
ختيرنا عمينا... يا ريس من الآلي جوينا... يا ريس
من العين حمينا يا ريس
هيلا هيلا هيلا هيلا
قاموا فتحولي شركة وأمروني توظف فيها
لحكومي بتبيع البحر وبعسكرها بتحميها
تتّاجر فينا... يا ريس يا ريس إنت بتكفينا... يا ريس
أحسن تنسينا... يا ريس
************

يا ه يا ه يا ه يا شوارع...
بيروت الحرب اليوميِّ
يا مدينة يا مخزن هم... يا هيصا وحشي جمريِّ
كانوا يتباهوا فيكي...
يناموا بحضن المرايا
وجوهن صفرة تعاديكي... وإنت ست الصبايا
عن الأهالي...
لي وضعهن بالي...
بيوت جوالي – يا يا بيروت
**************


كان في مرة طفل صغير...
عم يلعب بالحارة... عم بيفتش على خيطان تيطير طيارة
إتطلع بالجو وقال... مدري شو عم يلمع
شوفوا شوفوا الطيارة...
جاي لعندي طيارة.
هاي طيارة كبيرة ما بدى خيطان...
وجوانحها أكبر من بيت الجيران...
فرفح قلبو وطار... على جناح الطيارة
والسما كلها أسرار... حكيتله أسراره
وقف بالساحة ينده رفقاته...
كان هدير الطيارة أقوى من كل الأصوات
تجمعوا الولاد... وفاتوا باللعبي...
وهزت البلاد... قصة متل الكذبة.
والهدير تحول لدخان كبير... ومدري شو صار...
دق النفير.
******************

أصدقائي اتركوا حائطا واحداً،
لحبال الغسيل،
اتركوا ليلةً للغناء

اعلّق أسماءكم أين شئتم فناموا قليلاً،
وناموا على سلم الكرمة الحامضة
لأحرس أحلامكم من خناجر حراسكم
وانقلاب الكتاب على الأنبياء

وكونوا نشيد الذي لا نشيد له
عندما تذهبون إلى النوم هذا المساء

أقول لكم :

تصبحون على وطنٍ
حمّلوه على فرس راكضه
***************

سلامٌ عليك وأنت تعدّين نار الصّباح،
سلامٌ عليك...سلامٌ عليك.
أما آن لي أن أقدّم بعض الهدايا إليك
أما آن لي أن أعود إليك؟
لديني لأشرب منك حليب البلاد
وأبقى صبياً على ساعديك
وأبقى صبياً إلى أبد الآبدين.
أما آن لي أن أقدّم بعض الهدايا إليك
أما آن لي أن أعود إليك؟
**************

غنائي خناجر ورد
وصمتي طفولة رعد
وزنبقة من دماء
فؤادي،
وأنت الثرى والسماء
وقلبك أخضر…!
وجزر الهوى، فيك، مدّ
فكيف، إذن، لا أحبك أكثر
وأنت، كما شاء لي حبنا أن أراك:
نسيمك عنبر
وأرضك سكّر
وقلبك أخضر…!
وإنّي طفل هواك
على حضنك الحلو
أنمو وأكبر!
*******
وليكن ...
لا بدّ لي أن أرفض الموت
وأن أحرق دمع الأغنيات الراعفة
وأعري شجر الزيتون من كل الغصون الزائفة
فإذا كنت أغني للفرح
خلف أجفان العيون الخائفة
فلأن العاصفة
وعدتني بنبيذ
وبأنخاب جديدة
وبأقواس قزح
ولأن العاصفة
كنّست صوت العصافير البليدة
والغصون المستعارة
عن جذوع الشجرات الواقفة
*******

سقطت كالورق الزائد
أسراب العصافير
بآبار الزمن...
وأنا أنتشل الأجنحة الزرقاء
يا ريتا،
أنا شاهدة القبر الذي يكبر
يا ريتا،
أنا من تحفر الأغلال
في جلدي
شكلاً للوطن...
******************

لديك ما يكفيك من خبزٍ،
ولكن
ليس ما يكفي جميع الناس
والأرض ملأى بالسنابل
إنهض
وناضل
لديك ما يكفيك من حُبٍ
ولكن
ليس ما يكفي جميع الناس
والأرض
ورد ورسائل
إنهض
وناضل
لديك ما يكفيك من أرض وبيتٍ
وليس ما يكفي جميع الناس
والأرض
ملأى بالتراب
إنهض وناضل
إنهض
ولا تبقي سجوناً،
إنهض
ولا تبقي سلاسل
كن
مشعلاً بين المشاعل

كيف شكلك ( طولك وزنك وصف عام )؟

أسمراني :lol: طولي 174 و وزني 91 كيلو.... هيك عادي في شغلة بوجهي ما راح احكيها خلي مرسيل يا ريتا بيقولوها:frown:

لازم تقضي على شي واحد بس شو هو ؟

الظلم

عندك قوة خارقة شو بتعمل؟

بقضي ع كل شي ظالم
تحت ايدك جيش عربي شو اول امر عسكري؟

كل واحد يكسر بارودتو بايدو و انسحاب كيفي
شو رأيك بالحب بهالوقت؟

الحب حالة نفسية و فيزيولوجيا بنفس الوقت... شي مميّز فيه الانسان

فلسفة الحياة يعني شو الحياة بالنسبة الك بكلمات؟

الحياة فرصة جديرة بأنو تؤخذ بعين الاعتبار... اذا راح تسألني فرصة شو راح جاوبك انو حسب الانسان و قناعتو

شغلة بدك تغيرها بحالك؟

ما بعرف... الكسل يمكن... تمر علي أيام مالي مروة أعمل شي

شغلة ما بدك تتغير بحالك؟

قناعتي


شي من الطفولة مو رضيان يفارقك؟

أثر جرح بجبهتي


على شو بتبكي؟

ما ببكي بالعادة, بس انفعل و تخنقني العبرة متل ما بيقولو... عالحزن و القهر, متل أغلب الناس


شو الي بيشغل بالك كتير لوقت طويل؟

أي نشاط فكري هادف... دراسة أو غيرها


مؤمن بالاخوة بين شب وصبية ؟

أي مؤمن


ازا لا سمح الله وفشلت بشغلة كيف بتصير معنوياتك وكيف بتطلع من الحالة؟

أنا اعتقد انو الفشل جزء من النجاح, الفشل فرصة لحتى تعرف وين غلطان و تتفادى هالغلط. الفشل من أكبر محركات الابداع الانساني.. ليوناردو دافنشي ما نجح بعشرات الاختراعات الا بعد ما فشل بالمئات من المحاولات... ما استسلم


وقت بدك ياه يطول أو ما يخلص؟

وقت النقاش بشي حلو


وقت بدك ياه ينقضي بسرعة؟

الانتظار


النوم الاكل الجنس (شو بالنسبة الك)؟

حاجات بيولوجية التغاضي عنها وقوف غبي بوجه الطبيعة

مدايق من أسئلتي؟////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
شوي :lol:

بس رح كمل .......////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
أي خود راحتك بس مو كتير:o



نظرتك لله؟

فكرة لا أومن بها لكن احترم جدا حق الاحترام بها

مين بتحترم من الي بتختلف معهن كتير؟

اللي بيحترمني و يحترم وجودي

لو تختار حدا ميت ترجعو للحياة بس واحد؟

شكري القوتلي أو فارس الخوري 3


طلبات بس من مارد المصباح؟

لازم طلبات خاصةمو؟

1- انو أخلص دراستي بنجاح و يطلعلي تخصص جيد و أتمكن من متابعة دراستي بالشكل اللي حكيت عنو بسؤال سابق

2- انو اقدر أساهم بشكل ما بسعادة أهلي و من حولي

3- انو يكون ضميري مرتاح, لا ميت و لا نايم... يكون حي و يقظ, بس مرتاح

كيف شكلك ( طولك وزنك وصف عام )؟

.. هيك عادي في شغلة بوجهي ما راح احكيها خلي مرسيل يا ريتا بيقولوها:frown:

شب حليوة ... في بوشو غمازات بيجننو ... وشو كتير بايبي فايس :lol: :p
صبايا أي وحدة حابة تعرف معلومات أكتر فيها تراسلني عالخاص :fwink:


:lol:

كان بدي روح ارتاح شوي بس وصلنا ع أسئلة الآنسة المشرفة و لازم رد اجباري يعني... بتخالفني بعدين:lol:


بزمانو قلتلي ... انو انا "سوشيال كتير" برأيك وبصراحه تامه بعرفك ما بتمسح خوج اصلا ...

هل هادا شي منيح ..؟ او لا ..؟؟ واذا منيح لاي حد ممكن يضل منيح وبعدين يبطل ... واذا لا ليش كمان ...؟!
طبعا سؤالي موجه لحياتي بأخوية وحياتي الاجتماعيه العاديه ..!

أكيد مو غلط أبدا... بالعكس تماما. كتير حلو انو الشخص يكون شعبي..

الحد انو يتحوّل الى شيء سلبي لما يتحوّل الى هاجس. لما نخون قناعتنا أو "نمكيجها" في سبيل انو ما نفقد شعبية... هاي نصيحتي هيك بس على اعتبار أنا واثق انو ما راح تعملي هالشي نكون عبينا سطور و كلفتيني سؤال عالفاضي:jakoush::lol:

الاقسام الي انا ماسكتها اشرافيا كيف بتشوف أدائي فيها ؟؟؟ وشو ممكن اعمل لتتحسن هالاقسام ...؟؟ وشو فيي اشياء عم اعملهم انت كياس مختارنا ما عم ترضى عليهن او عندك عليهن بعض النقاط!!!


من الأقسام اللي انتي استلمتيهون أنا ما اشتغلت غير بالسفراء و كتير حابب شغلك فيه. بشكل عام اعتبرك مشرفة نشيطة و ممتازة و فوقها عندك شعبية و ما بتكلفينا راتب.... يعني لقطة:lol:


راجع بعد البريك الغذائي :D

سؤال بسيط :
لأي مدى ممكن تعترف بخطأك .... اذا أخطأت ..؟؟
و اذا اقتنعت ضمنياً بوجهة نظر مخالفة لرأيك ....... عندك الجرأة تعترف باقتناعك .....؟؟

:D

مرحبا ياس.....

شكرا ع رأيك يللي تحطو ع راسي من فوق وبعتز فيه....

بصراحة كان عندي شوية أسئلة بس بلشت أتردد تقل عليك فيهن بعد ماشفت قديش صار عندك أسئلة....
ما بدي أظلمك وما بدي أظلم اسئلتي ومنشان هيك ما رح حطهون الا اذا شفت انو معك وقت كافي تجاوب عليهن......
اذا سائبت الظروف بحطهن كلهن واذا ما سائبت بدي سؤال بس...
كيف برأيي ظهرت فكرة الله (اذا كنت مو مقتنع بوجود الله....واذا كنت مقتنع بوجود الله فليش مانك مؤمن اذا ماكنتت مؤمن)

وبس حاليا...

مرحبا yass
يا رب اقدر اوصل اسئلتي صح..

1- شو هو الوطن .. هل هو الارض .. هل هو الناس
يعني لو "لا قدر الله " راح كل الناس يلي بتعرفهم من وطنك .. صفي ارض بدون ناس .. بضل وطن؟؟
يعني الوحده = غربه؟؟
الوطن = مكان ما موجودين الناس يلي بهمونا؟؟


2- لما تكون مثلا مواقف بلدي ما بتشرفني .. لما يكون الخضوع يلي فيه شعب بلدي محسسني بخيبة أمل.. كيف أفصل مفهوم الوطن عن كل هاد .. ويضل عندي وطنيه ؟؟

آسفه على الصيغه المو واضحه للأسئله .. بس فعلا بودي يكون عندك جواب .. :D:D

اول شي بشكر حسان على رأيو فيا وخسارة مالحقت حط اسئلة ليه.بس بجد اشتقنالك كتير وافتقدنا طلاتك المميزة.
بالنسبة لياسين اول شي نورت المقلاية واسم الله جريدة اسئلة حاطين ليك ماتركولي شي وخايفة اني حط شي سؤال ديجا موجود لاني لسى ما قريت مقلايتك.بدي قول انو بحب كتير اسمك وما بعرف شو بيصير لي وقت بسمع هالاسم :sosweet:.اذا عرفت السبب راح خبركم:shock:
نورت ياسين وتيك الاسئلة

-عمرك تخانقت مع صديق مقرب ليك
-شو كان سبب خناقتك معو
-شو ماركة اول سيجارة تشربها في حياتك
-قديش كان عمرك لما اخدت شهادة السواقة
-وقت بتصلي مين اول شخص بتدعيلو
-اخر مسج وصلك بموبايلك
-ربحت تذكرتين سفر لتركيا مين تاخدو معك من اخوية
-شو الدولة العربية اللي بدك تزورها
-شو اخر هدية وصلتك ومن مين
-ومين سماك ياسين:sosweet:
-لمين تهدي من اخوية هالصور
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////(MA-VOITURE)(1).jpg

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وباراكا:D:D:D

شب حليوة ... في بوشو غمازات بيجننو ... وشو كتير بايبي فايس :lol: :p
صبايا أي وحدة حابة تعرف معلومات أكتر فيها تراسلني عالخاص :fwink:


:lol:

لازم ينبسط عندهـ غمازات متلي :pos:

شرف لا؟:lol:

بس عمي ما تطرئونا مخالفة :pos:

الاسم والعمر:

yassin/ 23
أهلك سموك على اسم شخص معين؟ قريب متلا؟
أي ع اسم جدي
لو كنت انولدت من الجنس اللطيف شو كنت بتحب يكون اسمك؟

ما بعرف
كنت بتتمنى يكون عمرك اكبر او ازغر؟ وقديه بالزبط؟

و الله مقتنع أنا بعمري هلأ ما اشبو شي حلو
****
ليش بعدك بأخوية؟ (ما تاخدها بمعنى سلبي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////بقصد يعني شو اللي بخليك تضل بأخوية؟)

لأني مؤمن بأخوية و فكرة أخوية و روح أخوية و حتى حلم أخوية.... أخوية بالنسبة الي أكتر من منتدى انترنت, هيي مشروع بذرة وعي و تفهّم و ثقافة و حرية... أكيد بتفكري الحكي مبالغة بس متأكد انو مو بس أنا هيك بفكر

شو هو لونك المفضل؟

الكحلي
شو الحيوان المفضل؟

البني آدم :lol:

عندك بيرسينج؟ اوشام؟

لأ
عندك ادمان لشي معين؟

أي أنا مدخن بس مدمن عالقهوة أكتر من الدخان حتى
من واحد لعشرة قدي بتصنف رضاك ع حالك من ناحية شخصية؟

6 و نص
عندك عادات بتعتبرها سيئة وبتتمنى تتخلص منها؟

متل أي بني آدم عندي عيوب و علل بس ما عندي شي بحس من الضروري و الحيوي جدا اني اتخلص منو
ازا بيعملوا فيلم عن حياتك شو بيكون اسمو؟

سيرة حلم
شو اول شي بسّلم افضلياتك او اولوياتك؟

قناعتي و ضميري
شو نقطة ضعفك؟

كمان قناعتي و ضميري

بتحب صوتك؟

لأ بنوب... جاروشة :lol:

شي مرة :

جرحت حالك وقسيت على نفسك؟ وليش؟

أي كتير مرات جرحت نفسي لأنو عملت شي غلط و بس لحد الجرح لأ
حششت؟ :lol:

قصدك الحشيش كمخدّر؟؟ أي جربتو كفضول بس.. ما عمللي أي تأثير و طعمتو بتقرف :sick:
اكلت قتلة أو طعميت حدا قتلة مرتبة؟:p

أي أكلت و طعميت

أكبر قتلة أكلتها و أنا صف ثاني يا ثالث ابتدائي... جابولنا مجلة الطليعي (بتتذكروها؟ :lol:) و كان مكتوب فيها عن عبد الكريم الخطابي (الثائر المغربي) و مكتوب عن الاستعمار الاسباني و هيك قصص و الآنسة قعدت تقرالنا ياهون ... ولاد الصف بيعرفو انو امي اسبانية و ضربت الوطنية معهون و دقوني قتلة عالانصراف شي عشرة منهون مع بعض يمكن لو مو الله و صاحب محل مقابيل المدرسة كان عملولي عاهة مستديمة.... المحصلة كانت 4 قطب بجرح بجبهتي(لساتو مبين شوي) و كسرولي سنين بس كانو لبنيات و رضوض عديدة.... خلال شهور كنت ما اطلع عالباحة و لا اطلع من الصف عالانصراف لحتى يجي أبوي للصف ياخدني

اللي طعميتها ما بدي احكيها منشان الحساسيات الاقليمية ببلاد الشام بس بلاك بيعرفها :lol:

أضربت عن الطعام يوم كامل؟

لأ

نمت كل اليوم؟

أي
قتلت حيوان بالغلط؟او بالقصد؟

على حد علمي لأ

بتآمن ؟:

بالحب من اول نظرة؟

الاعجاب من أول نظرة أي بس الحب لأ... الحب من أول كلاش أي بيصير :p
بتتمنى لما بتنزل نجمة من السما؟

انو تنزل وحدة تانية :lol:
انو في حساب لكل بنآدم بعد ما يموت؟

أي .... اسمو تاريخ و ذكرى

مين هو / هي؟ : هدول لازم من أخوية مو؟ ل

صديقك/ صديقتك المفضل/ة؟

ديموزي وميت خسّة:D
صديق/ة ياللي بيضحك كتير؟

بلاك :pos: و بترفلاي:jakoush:
صديق/ة ذكي وحكيم كتير؟

ذا ضو :lol:

صديق/ة كتير مشتاق تكون حدو/ها ؟

كلهون



:D

بتحس انو اصحابك دايما بفهموك؟


أكيد لأ

صديق/ة ذكي وحكيم كتير؟

ذا ضو :lol:
أكيد لأ


:jakoush::jakoush::jakoush::jakoush::jakoush:


ضو؟؟؟؟؟؟؟؟




تاكل كستنة وتشرب نبيد ع البار عندي؟؟؟


:mbc2:

حوّل :hart:

:jakoush::jakoush::jakoush::jakoush::jakoush:


ضو؟؟؟؟؟؟؟؟




تاكل كستنة وتشرب نبيد ع البار عندي؟؟؟


:mbc2:

حوّل :hart:





أي بجيك هلأ بس خلّص مقلاية!!! يا شيخ استويت :lol:

مرحبـــا

كمان شي كم سؤال عالماشي بكل موده فيك اهمال أي سؤال لا ترغب الاجابه عليه.

- طبعاً الكل تعرض للظلم بحياته.. مين هوي اول انسان بيخطر على بالك عن وقوع الظلم عليك..هل تلجأ لانسان او تتضرع لإله.

- و لو السؤال في شوي من التعدي و باعتبارك ما بتحب التطرق لأمور عقديه.. بس بدي اسالك هالسؤال و ليكن الطوفان:lol:..." حط ببالك هيك أسئله ما بسالها لاشخاص عاديين"...
هل نشأت ببيئه علمانيه لا دينيه.؟ أم هي أفكار تبلورت بفكرك بسبب بحثك عن اجوبه و تفاسير لم تجدها عن الحياه و الغيبيات.
- شو بدك تختص.
- شو رايك بغجر اسبانيا
- بدي منك تتأمل بهالآيه القرآنيه و تحكيلي شو احساسك.

(قل يا عبادي الذين أسرفو على أنفسهم لا تقنطوا من رحمة الله..إن الله يغفر الذنةب جميعاً.إنّه هو الغفور الرحيم)

- هل كنت مسلمٌ قط في حياتك.؟ هل سجدت قط لله.؟
- شو رأيك بكتب الفلسفه ذات الطابع المعقد من ناحيه سرد الفكار بطريقه علميه يتعذر بها على القارئ العام فهمها...بتقرا هيك كتبز؟
- طبعاً معروف أثر تناول الكحول الناس بيصير عندهن Hang over لما بيصحو من النوم...بشو تحس انت لما تفيق من النوم اثر سكره:lol:.


- كمان بدياك تتأمل بهاالآيه القرآنيه و تحكيلي شو حسيت أثر قراءتها

( ألم يَأن للذين امنوا أن تخشع قلوبهم لذكر الله و ما نَزَلَ من الحق).

شكراً عزيزي.

1-برايك الديمقراطية بتلبق للعرب شي؟؟

أي بتلبق ليش لأ؟

2-اذا اتعينت سفير سورية باسبانيا عددلي اهم 7 شغلات بتسعى بكل جهدك انك تحققن

سبعة؟؟

اطرد كل موظفي الشؤون القنصلية ما عدا المسكينة ام دفتر لأنو حاطينها لتسكّر الباب ورا العالم بس:lol:

بصلّح السفارة لأنو صايرة بأغلى شوارع مدريد و من جوا ما تقول غير دائرة تجنيد الرقة, مو ناقص غير مسحات الحبر من الأصابع عالحيطان :jakoush:

بعمل جرد حقيقي للجالية لأنو أرقامهو فايتة بالحيط

نشاطات ثقافية و ترفيهية (لأنو النشاط الثقافي الوحيد تبعهون هو انو لما تخبر بعد ما ترد تبعيت المقسم يسمعوك موسيقا الفصول الأربعة لبين ما حدا يتكرّم و يرد من الموظفين :frown: )

من كومة موظفي السفارة من الممكن انو يعملو البعض جولات دورية على المناطق البعيدة من مدريد بأيام محددة كل شهرين أو هيك... مو بس وقت تجديد البيعة ;)

أتمتة البيروقراطية يلعن سماهون كمبيوتر واحد مافي ... كلو دفاتر من هدول الكبار

العلم.... يازلمة بدون ما صير سفير بدفعلهون حقو يلعن سماهون مطالعين عود مقشّة من الشباك و معلقين عليه علم يمكنو واحد من أعلام حرب الـ67 من كتر مو مهرهر :pos:




3-ليش تحديدا اسبانيا؟

لأنو أبوي درس هون و تزوج هون و أنا ولدت هون و تعلمت الاسباني قبل العربي و هيك قصص :lol:


4-ليش انت هيك جدي كتير ؟؟(هالسؤال يا ريت تتوسع بالشرح فيه قد ما بدك يعني خود راحتك باحكي عندك مساحة قاضية
:lol: )


يا عمي أنا ماني جدي... أو بالأحرى ماني جدي زيادة و اللي بيعرفني منيح بيقدر يأكد هالشي... أنا اللي صاير انو من رواد الأقسام الجدية و بالأقسام الجدية الحكي بيكون جدي... لا بفوت على عالطاير أحلل نكتة و لا هيك شغلات :lol:... هاد كل ما هنالك يعني


5-اذا قلتلك اني حابب بس اتخرج اني اختص عيون ف بتنصحني اجي اختص باسبانيا او روح ع دولة تانية؟

أنا بقللك تعا ع برشلونة... كتير مشهورة بالعينية و عنا واسطة هنيك دكتور عينية من غزة فلتة زمانو (أصغر حامل دكتوراه من جامعة سانتياغو طلع و في لوحة تكريمية الو بمدخل كليتي) و فوقها صاحبنا الزلمة ما بيقصّر

6-طيب واذا كان بدي اختص جراحة تجميلية؟

شلون يعني تجميلية؟... ما بعرف التقسيم بالعربي شلون بس في ترميمية و تجميل.. مو هيك سارة أو حسان؟

الترميمية كتير حلوة

التجميل أي نعم بتصير مليونير بس انت صوّاج بني أدمين مو دكتور


7-بدي منك 10 نصائح الي كطالب طب لساتني باول الطريق يعني لساتني سنة اولى

ما عندي 10 نصايح..بس عندي هدول

- ادرس كتير, لا تستهون و لا تستسهل حرف واحد, و افهم فهم المريض ما بتعالجو اذا كرجت الدرس قدامو... بدو ياك تعالجو

- لا تسمع نصيحة أي واحد... اسأل دكتورك و لا تستحي و خصوصي بس تبدا العملي بالمشفى

- عيش حياتك... انت شب و هاي أحلى ايامك... استمتع كتير قد ما تقدر و زيادة

8-اذا اجى شي حدا و سالك شو رايك بهالبني ادم وسيم ( اللي هو انا و اعوذ بالله من كلمة انا ) شو بتقلو؟؟

شب عم يعيش تجربة جديدة عليه و يمكن عم يحاول يأخذ الامور بسرعة كبيرة من حيث الانطباعات و وجهات نظر... لازم تشوف الشغلة من عدة جوانب و ما تتسرع كتير

و بتشجع ريال مدريد :jakoush:


9-انت محشش شي مرة؟؟و شو نوع الحشيش؟
جاوبت ع هالسؤال

أنا بقللك تعا ع برشلونة... كتير مشهورة بالعينية و عنا واسطة هنيك دكتور عينية من غزة فلتة زمانو (أصغر حامل دكتوراه من جامعة سانتياغو طلع و في لوحة تكريمية الو بمدخل كليتي) و فوقها صاحبنا الزلمة ما بيقصّر
على راسي انت وهالحكي كلو بس ما في غير ببرشلونة :jakoush::jakoush::jakoush::jakoush:
ما بتعرفني شغل ريال مدريد :frown::frown:
التجميل أي نعم بتصير مليونير بس انت صوّاج بني أدمين مو دكتور
بعرضي ما بعرفك هيك يا رجل انو عندك روح نكتة رائعة :o
و بتشجع ريال مدريد :jakoush:
شو هي مسبة يعني :lol::lol:
شكرا كتير معلم :D





صحي وين على اساس من زمان انك بدك تبعتلي ايميلك :jakoush::jakoush:
لساتني ناطر ها :pos:

لماذا يعقمون الإبرة السامة لقتل المحكوم عليهم بالإعدام ؟ :pos:


سؤال مهم :pos:
ليش مين قللك انو بيعقموها؟ :humm:

:sly: ارجعي اذا فيكي!!! هع

يـُـقال ان قوة المرء في كظم غيظه لا بـ ان يرد بالمثل ومن هنا :::

1) هل انت ممّن يكظمون غيظهم أَم ممّن يجيبون بالمثل ؟؟؟!

بحاول قدر الامكان أكظم غيظي... بس حسب الحالة, يعني في شغلات ما فيني أكظم غيظي فيها بنفجر بسرعة... و في شغلات ما بتحرّك فيّا شعرة وحدة متل المسبات و هيك شغلات
2
) اذا كنت من كاظمي الغيظ الى اي مدى تستطيع كظم غيظك ؟؟؟!

شملت السؤال بالجواب الفوقاني


:D