مين بتشجع من المنتخبات ؟
عالمية ؟ الأرجنتين


كفو وأستاذ وآغا... يا أخي بيفهم....:p

خيو أنا عندي سؤالين..

أول شي.. شو رأيك
بنزيه أبو عفش
بماركس
بالماركسيين هلق
بخوان رومان ريكيلمي
بفالنسيا (كمدينة، نادي.. عراحتك..)
بالبامية

السؤال التاني هو
برأيك شلون الحل لمشكلة أنو الأوروبيين ما عم يفهمونا.. ويمكن نحنا ما عم نفهمهن.. يعني على مين الحق؟ وشو المشكلة أصلاً؟

وسلام خيو



إي إي صحي.. فتل راسي بأجوبتك وضيعت.. فجاوبنا على هالسؤال أسهل إذا ممكن ياسو..

شو وضع الحشيش عندك؟ بالتفصيل... :lol:

ياسين سنة 2016

وين رح تكون؟

غالبا متل ما قال حسان:lol:

مرسيل وين بتكون؟

بحلب دكتورة اسنان بقد الدنيي و عيادتها هنيك حوالي كوين بالعزيزية و عندها بنتين و كل شوي تفتحلي مسنجر أم أس أن اصدار 495858 منشان تقللي جفص :jakoush:

سيزر وين بيكون؟

بيكون عامل شبكة اعلامية كبيرة

ريمي وين بيكون ؟

شي وزيرة :p

كهربجي وين بيكون؟

عم يطالب باستقالة ريمي :o


عادل امام وين بيكون؟

بعيد عني منشان الله :lol:


ميشيل عون وين بيكون؟

لاجىء عم يطالب بانهاء الهيمنة السورية للمرة الألف

مين بيكون رئيس الوزراء بسوريا ؟

ابنو لعطري

مين بياخد كاس العالم ؟

الارجنتين

كم عدد دويلات العراق؟

دولة وحدة

هيفا وهبي وين بتكون؟

عندي بالبيت :p



سؤال تاني بعرف انا بمون

تضرب:jakoush:

لك انت من أي مجلة مراهقين جايب أسئلتك:lol:

شو كنت بتتمنى تقلك سرسورة وما قالتلك ؟

انو عرضو عليهت تصير وزيرة صحة و ما قبلت

شو كنت بتتمنى يقلك the light وما قلك ؟

انو الاسبوع الجاي جاي لعندي... لازمني حدا يشوي كستنا

شو كنت بتتمنى يقلك ash وما قلك ؟

انو مو متعالق مع حدا :lol:

شو كنت بتتمنى قلك انا وما قلته ؟

انو خلص بطّلت حركات :pos:




شي عبالك تقوله لامراة من ورق وما قلته لسا ؟

جيبيلي معك دي في دي و انتي جاية:cry:

شي عبالك تقوله لسيريان غي وما قلته؟

خليك هيك بس لا تفقد اعصابك

شي عبالك تقوله لبريف هارت وما قلته؟

هدّي اللعب

شي عبالك تقوله لخالد مشعل وما قلته؟

ما عندي شي احكيلو


شي عبالك تقوله لمرسيل خليفة وما قلته ؟

أنا يوسف يا أبتي

كمان سؤال تاني معليش بمون انا

:jakoush:


الرقة او سانياغو

بصراحة سانتياغو


وين الاكل اطيب؟

حسب شو مشتهي

وين المشوار احلى؟

بسانتياغو

وين بيحكوا سياسة اكتر؟

اذا بسياسة سوريا قصدك طبعا بسانتياغو :lol:

وين الطقس احلى؟

بسانتياغو

وين بيحكوا نكت اكتر؟

بالرقة

وين بترتاح اكتر ؟

الى حد ما هون بسانتياغو... بس احيانا تشتهي تغيّر جو

وين في وجع راس اكتر؟

بالرقة طبعا






سؤال صغير كتير ..ومحيرني ..

شو سبب عدم حبك لدير الزور ..

:lol::lol:

لا ياخي مو ما بحب الدير... هو الشغلة هزلية... في عداوة تقليدية هيك مسخرة بين الرقة و الدير عرفت كيف؟ مو عن جد انما هيك مسخرة..

:lol::lol:

لا ياخي مو ما بحب الدير... هو الشغلة هزلية... في عداوة تقليدية هيك مسخرة بين الرقة و الدير عرفت كيف؟ مو عن جد انما هيك مسخرة..


ايوااااااااااااااا متلنا نحن والحماصنة يعني ؟
ع طول منتمسخر عليهن ومنحكي نكت ايوااااااا:lol:
مع اني كنت مفكرك ديري والله ومابتحب الدير بس اليوم قالولي انك رقاوي :lol:

يااااااااااسووووووو :lol: ...
رح حاول اكتب التلاتين سؤال فرد مرة تفاديا ً لانو ما الحق أسألن متل ما صار وقت حسان ..
رح تكون الأسئلة مقسمة مجموعات .. :p ...
منبدا


:jakoush::jakoush::jakoush:




لو :

1- لو رئيس سوريا شو بتعمل ؟

حسب بأي صيغة أنا رئيس... اذا رئيس من اللي بالي بالو استقيل..

اذا رئيس ديمقراطي اشتغل بأمانة في سبيل انو ما يظل سوري واحد محتاج يهاجر لأي سبب كان

2- لو في لقاء مع الله شو بتقول ؟

بسألو اذا بيؤمن فيني

3- لو بدك تحكي بمجلس الأمن عن شيء بيخص سوريا ومعك دقيقة وحدة شو بتحكي ؟

بطالع معي مسجلة و بحطلهون علي الديك و بقلهون انو هاد سلاح دمار شامل يا بيرجعولنا الجولان و اللواء يا بنبعتو ع مسارح برودواي

4- لو أنت مكان حسام بأخوية شو بتغير ؟

عالأغلب السمايلات :lol:

و كمان حدا يشرحلي اذا حدا باع و اشترى بالبسطة شي؟ :pos:

5- لو بدي شوفك هلق وين منروح ؟؟


ع وانيس بس انتي بتدفعي :lol:



خلينا نتفق انك شخص مميز ..

1- شو اللي بيجعلك مميز ؟

ماني مميز بشي أنا... أنا شخص عادي جدا و ما عندي أي شي يميزني يعني... عن جد

2- شو الشي اللي بيجعلك غير راضي عن نفسك بس ما عم تقدر تغيرو ؟

الكسل ماني رضيان عنو, بس ما جرّبت اغيرو أو أخلص منو....... متكاسل:o

3- شو أكتر شي بيحسسك أنك مختلف .. وبيحسسك بالغربة ؟

راح قلك شغلة... أنا حسيت حالي مختلف بسوريا أكتر من هون, خلال طفولتي يعني... ما بعرف كنت حالة نوعا ما جديدة بالرقة انو ابن أجنبية و بيحكي "أجنبي" ...فكانو حتى آنساتي حاطيني تسالي, و ولاد المدرسة يعني كانو يضايقوني أحيانا مجرد فضول يعني... متل انو كترة الأسئلة عن "الاجانب" و انو كيف الشغلات برا و هيك...و كانو بيتمسخرو علي لأنو كنت آخد صندويشات صمون و ملفوفة بورق هاد الالمنيوم (يعني بهديك الأيام فضيحة)

مرة امي اجت تاخدنا أنا و اختي من المدرسة.... يا خيبتي ع هالفضيحة التمّت كل المدرسة... لو زياد (سبايك) هون هلأ كان تذكر

يعني ما عانيت أنا لأنو تعودت يعني و ما كان في هالأزعاج, بيجوز بس أول سنين الابتدائي لأنو عربيتي مكسّرة و كتير كتير حسّاس كنت بصغري.... بعدين تمسحت و صرت جفص:lol:

4- شو الشي اللي ممكن يبكيك ؟ :p

ما ببكي:cry: تخنقني العبرة. بالكتير.....

الظلم و القهر..... و الحزن أكيد

و يعني و لما الواحد يشربلو كاسين زيادة و تطلع المشاعر و الأحاسيس الدفينة و تصير تحب كل العالم :lol:
5- شو الشي اللي بتقول بقلبك انت وعم تتعامل " معي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// " .. أخ بس لو ما كانت هيك ؟

ما بقول شي......

هو التعامل معك حلو و منيحة مافي متلك و تسالي...... المشكلة انو الدكتور مانعنا نقلّك منشان ما يكبر راسك و تعودي ما تنحملي :pos:


أنوثة وبنات :lol:

شو اللي بيضيفو حضور الأنثى بحياتك ؟

اذا بقول و لا شي بكون عم اكذب....كل انثى هي كيان مستقل (واللي بيقول انو كل النسوان متل بعض بيكون مصاحب بنات بيشبهو بعض :pos:) كل وحدة تضيف شي بصفات معينة و كميات معينة, هلأ على اعتبار لساتني عم اتعالج من آخر كلاش عاطفي ما فيني كتير أفصّل و أزيد..... متل المتخوم اذا بتسأليه شو بيحب ياكل عالعشا.... ما خرج

وشو التأثير السلبي لحضور الأنثى بحياتك لهلق ؟

مفهوم الكلاش العاطفي.... للصراحة هو مو تأثير سلبي للانثى انما للعلاقة... و العلاقة هي بين 2, يعني كمان فشل علاقة ما مسؤوليتي كمان


بكلمة وحدة .. انت مستحيل تحبا .. إذا كانت ( ؟؟؟؟؟؟ )

جاهلة... ما بيهمني شو اهتماماتها أو تفكيرها... بس انو يكون عندها اهتمامات اكيد

انت مع الجنس قبل الزاوج ؟

أي و كمان بعد الزواج بيصير مو عيب :lol:

أنت مع الزواج من أصلو ؟ عرفلنا الزواج :lol:

أنا ماني مع الزواج, و اذا ماني مضطر ما راح اتزوج.. أتفهم قدسية الزواج بالنسبة للمؤمنين لكن أنا ما يعنيلي شي

الزواج هو عقد عم يتفقو فيه 2 انو بس يتطلقو كيف يتقاسمو:p

وبالطريق عرفلنا الحب

لما بشوف الحبيبة و يصير تسارع نبضات القلب و ارتفاع توتر شرياني و احمرار الوجه و تسارع التنفس و هيك متل القرصة بمكان القلب.... هاد هوي الحب:sosweet: (كمان ممكن يكون معك اضطراب نظم بالقلب:lol: )

وبعدا عرفلنا الجنس ( افترضت لحالي .. أنو مع خانة الأنوثة والبنات .. إذا غير هيك صلحلي :p////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// )

أي افترضتي صح.... تضربي
الجنس حاجة فيزيولوجيا و هي طريقة تعبير عن الحب, شغلة حلوة و ممتعة كتير.... لو في منها أكتر كان وفّرنا ع حالنا أكتر من نصف حروب الكون ;)

هلق نيالا اللي بتحبك لأنو ؟؟؟

لأنو لقت فيي شي بتدوّر عليه.... كان ما حطت عينها علي:jakoush:

ويكون بعونها لأنو ؟؟؟ :lol:

لأنو مو سهل التعامل معي..... عندي نفسية الله يعين الناس عليها :x

باقي واحد ولو مشان يصيرو عشرة ... مارال .. شو الشي اللي انت ربيت عليه وما رح تنقلو لمارال ؟

راح اعتبر حالي أب ممتاز اذا قدرت أربي ولادي على الشغلات اللي ربيت عليهون

كتب :

كام كتاب في بمكتبتك ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ( عم انوي اجي الطشن ) ؟

يعني بين الموجودين عندي هون و اللي بسوريا حوالي الـ1000 برياحة

اكتر كتاب قريتو " يعني قريتو اكتر من مرة " ؟

رأفت الهجّان لـ صالح مرسي: فوق العشرين مرة
ليون الأفريقي لـ أمين معلوف: =========
السقا مات لـ يوسف السباعي: =========
1984 لـ جورج أورويل: شي عشر مرات
سمرقند لـ أمين معلوف: شي 10 مرات
موانئ المشرق لـ أمين معلوف: أكتر من 5 مرات
كل كتب الماغوط و نجيب محفوظ: على الأقل خمس مرات
و كتير من الكتب قاريهون مرتين و تلاتة... الكتب لكتّاب مشهورين عالميا بحاول أقراهون بالعربي و الاسباني

كتاب قريتو وما حاز اعجابك بنوب ؟

القرن الأول بعد بياتريس لـ أمين معلوف: هالزلمة برا الرواية التاريخية البحتة بيضيع
مدينة الوحوش لـ ايزابيل الليندي: من بعدو بطّلت اقرالها لأنو صارت تجارية كتير... كل سنة كتاب كيف ما كان



لو انت كتبت كتاب شو رح تسميه ؟

مو لنكتبو أول شي؟؟

إذا رح تهديني كتاب شو بيكون ؟ وشو بتكتبلي على أول صفحة ؟

الهدس لـ أستاذي ابراهيم الخليل.

بوقّع بس و حط التاريخ و السعر:lol:

صور :
رح حطلك خمس صور ...وبدي تكتبلي أحلى شي بتتذكرو بخصوص هالصورة ..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شايفين الباب الأخضر ورا التمثال؟ هاد باب بيتنا بسانتياغو. الشبابيك البيض لألنا الطابقين, و الشباك اللي مغطيه راس التمثال هاد شباك غرفتي....

أحلى شي؟؟؟ أي نص حياتي هون شو أحلى شي

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هالبناء هاد هوي كلية الطب بجامعة سانتياغو.... أحلى شي بتذكرو؟؟ عشقاتي:sosweet: و صحابي أكيد

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أخوية!!!! شو بدي احكي لأحكي.... عالم من الابداع و الثقافة و التسلية... شهادتي فيها مجروحة:lol:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هاد حسام ملحم "عاشق من فلسطين" الله يفك أسرو و يرجعو لأهلو و حبايبو.... شو بدي أحكي يعني, عم اتحطم جواتي لأنو عم يضيع شبابو يا حرام

بدي كل واحد من اللي بيفسفسو و يحكو شروي غروي يحطو عينهون بعينو و يقولولو "انت خاين" ..... احكوها اذ كنتو رجال!

لو عندي سلطة بهاللحظة كان رحت طالعتو.. ضمدتلو جروحو و عطيتو كتفي لحتى يبكي كل دموع القهر... بشتريلو لترعرق و بعطيه ورقة و قلم........ و نسهر للصبح

الحرية الو و لكل أسرى الضمير

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هاد علم سوريا... مجرد علم لمجرد بلد
علم عادي لبلد عادي.... بس هالبلد العادي هوي بلدنا
ما بعرف شو احكي ذكريات.... بس فيني احكي شغلة وحدة

اللي ما شرب مية الفرات ما ارتوى... واللي ما أكل فول ببوز الجدي ما بيعرف طعمة تمّو





بس هدول ...
:D

عرفلي الراديكالية من منظورك... مشان اعرف اذا طعميك مسبة ولا لاء ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لا عم امزح ما رح طعميك مسبة, بس ما حسيتها لابقة مع الجملة اللي كاتبها!!

لك شلون بدك عرفلك راديكالي؟؟؟ يعني أواسط الأمور ما بتنفع.... هيك!:frown:

اول شي شو اسم كاتبكـ المفضل؟

ما فيني حدد واحد بس... أمين معلوف أحدهم أكيد بس كتار غيرو

بتحب الشعر ؟؟ لمين بتقرا؟؟

جاوبت ع هالسؤال

شو رأيك بالحب؟؟؟

مكرر

شو رأيك بالسلام؟؟؟

السلام هو الغاية... لكن ماهو السلام؟ اللي يجاوبني يعمل فيي معروف


عمرك حسيت بالظلم؟؟؟ وشو الموقف؟؟

يوميا كل ما بفكر انو في أسرى ضمير بسوريا أشعر بالظلم
لما بشوف غزة محاصرة أشعر بالظلم
لما بشوف ارهابي عم يعمل العمايل و أسيادو محملين الدنيي منية "بجهادو" بحس بالظلم


شو طموحكـ في الحياة؟

جاوبت سابقا



شو بتعنيلك السياسة؟؟

اسلوب ادارة المجتمع

شو اسم الشب و البنت المفضل عندكـ؟

جاوبت




بشو بتوصف علاقتك بالاخوية؟؟؟

شوية ادمان في بالموضوع



هل بتعتبر الوضع بالبلدان العربية حاليا على شفا جرف هار؟؟؟

كمان جاوبت على شي مشابه



الاغتصاب ... شو الشعور اللي بتخلقو هاي الكلمة بأعماقك؟؟؟

قرف


هل تؤمن بالسلام ؟

أي بؤمن فيه بس ما بعرف شو هوي


وشو حل القضية الفلسطينية برأيك؟؟؟

الواقعية و العدل... مافي غيرهون

شو قمة الصدمة عندك؟؟؟

ما بعرف... ما فيني حدد شي

شو موقع ياس من الإعراب يعني انت وين وصلت ولوين بدك توصل ؟؟؟

موقع هو طالب جامعة, و بدي أخلّص و أحاول أنمو و أتطور قدر الامكان

شو الشي اللي ما فيك تستغني عنو؟؟؟أساسي بحياتك؟؟؟

الراديو:lol:

جربت الخيانة؟؟؟ عمرو حدا خانك وعمرك خنت حدا ؟؟ وشو تعريف الخيانة بالنسبة الك؟
لا و الله ما جربت... لا خانوني و لا خنت

شو لونك المفضل ... غنيتك المفضلة؟؟؟

مكرر

بلد نفسك تزورها؟؟

البرازيل

حدا باخوية نفسك تقلو شي معين...

جاوبت ع شي مشابه

مين العضو يللي اعجبك كتير تفكيرو ونقاشو

برضو

اكتر عضو حبيتو

برضو




خلص بعدين بكمل

قلتلي مجلة مراهقين :jakoush::jakoush::jakoush::jakoush:
اي خود لقلك

لا يهمني اين ومتى ساموت بقدر مايهمني ان يبقى الثوار يملئون العالم ضجيجا كي لا ينام العالم بثقلة على اجسادالفقراءغيفارا



برايك لسا في شي اسمه الثورة بالنظام العالمي الجديد ؟ وما الجدوى من اي تحرك ما دام العالم سيتذكر لدقائق ومن ثم يمشي لقضايا اخرى
واليوم الجيل الجديد بحاجة للثورة وثورة على شو ؟


من السهل ان تعرف كيف تتحرر،ولكنمن الصعب ان تكون حراُ
اندريه جيد

اولا عرفلي الحرية وكيف بتشوفها
ثانيا كيف تتحرر برايك ؟
وهل تعتقد انه على المدى االمنظور سيعرف الناس كيف يكونوا احرار



أن الطريق مظلم وحالك فأذا لم تحترق انت وأنا فمن سينيرالطريق – غيفارا

يا ابني انتهى زمن هالحكي من زمان قال اذا لم احترق انا ولم تخترق انت من سينير الطريق
انا مو مجبور على هالشي ودخيلك شو جايني من هالحكي الفاضي غير اني انلحش بشي قبو واتعرض لتعذيب واتبهدل بوقت فيني اسكت وابقى وانجح بحياتي واشتغل واتزوج ويصير عندي ولاد
وامشي الحيط الحيط ويا ربنا السترة
ههههه قال الطريق مظلم قال اي خليكون عايشين بهالهرطقة لقللكون وشوفو شو رح يجيكون منها
نحنا اليوم بزمن جديد نحنا الشباب مو مطلوب منا غير ندرس وبس وشو دخلنا بهالحكي
بكرا نتخرج ونلاقي شغل ونشتغل وتمشي امورنا
بينما انتوا رح يضيع شبابكون متل ما ضاع وعم يضيع شباب غيركون وخسروا كل شي بالمشي ورا شعارات تافهة



طبعا هالحكي مو مني انا وانت ادرى بس هاد الشيطان اللي عم يحكي شو بتجاوبه ؟

حرااااااااااااااااااااااا :shock:اااااااااااااااااااام :cry:

حرااااااااااااااااااااااا :shock:اااااااااااااااااااام :cry:
شو هوي الحرام ؟

دبحتوووووو :cry:

دبحتوووووو :cry:
مبارح وانا نايمة شو خطر على بالي أسئلة بس خلص ما رح أسأل لأنو جد زدتها ...مو هيك ريمي...:oops:

لالالالا خدي رااااااااااااااااااحتك ع الاخيرررررررر:p

مبارح وانا نايمة شو خطر على بالي أسئلة بس خلص ما رح أسأل لأنو جد زدتها ...مو هيك ريمي...:oops:
أنو عم تهدسي بياسو بنومك ؟؟ :oops: شو مشان ؟.
هي ولسى ما شفتي الغمازات :lol::p ؟

أنو عم تهدسي بياسو بنومك ؟؟ :oops: شو مشان ؟.
هي ولسى ما شفتي الغمازات :lol::p ؟

اذا شافتهون بيصير عندها وهيي نايمه هذيان بياسو وهيي وفايقه احلام يقظه :lol:شو بدك بالحكي حليووه الله يحرسو :larg:

خي شهيتونا نشوفو للزلمة ع كتر ماحكيتولنا عنا وع غمازاتو ..
بدنان صير هلأ نام ونرسملو صورة بخيالنا

أنو عم تهدسي بياسو بنومك ؟؟ :oops: شو مشان ؟.
هي ولسى ما شفتي الغمازات :lol::p ؟


لكــ عزيزتي.....
عيني مليانة الحمد لله وياسو بيستاهل ما هيك....

بس كنت عم فكر بأسئلة وخطر ببالي كتير بس حرام خطي صحتو للزلمة ....:D

وكيف رح نشوف الغمازات ...سؤال بس بلا زعل ...هو ياسو بيضحك؟

..هو ياسو بيضحك؟

هوي بيضحك بس بالمناسبات والاعياد القوميه ..يعني فيكي تقولي احسن من حسان بكم درجه ... :yahoo:

هوي بيضحك بس بالمناسبات والاعياد القوميه ..يعني فيكي تقولي احسن من حسان بكم درجه ... :yahoo:
يييييييييييييييي لا والله حرام هيك معناتو لازم نحطلهم شي وجبة يومية اجبارية من الضحك ...
والله الضحكة احلى شي بالدنيا وهي اللي بتخلي للحياة لون :D

هوي بيضحك بس بالمناسبات والاعياد القوميه ..يعني فيكي تقولي احسن من حسان بكم درجه ... :yahoo:


:jakoush:

:jakoush:

:jakoush:

معليشي كمان سؤال "مُركّب" :pos:

رأيك بـ هؤلاء ولو اضطريت انك تتعامل معهم شو بيكون موقفك وتصرفك اتجاههم ؟!!

ذوي المصالح:

ذوي الافكار السطحية والساذجة:

ذوي الاقنعة والوجوهـ المتلونة ( بالعامية "اللعب على الحبلين"):

امرئ حلو اللسان وقلبه يتلهب:

الحاسد :

الحاقد :

المنافق والكاذب والمخادع:

الغدّار:

الجهلة بمعنى انو بتناقشهم بتناقشهم وبتطلع انو عقولهم مقفلة يعني حق باطل ما رح يقتنعوا معك:

وقلي اذا صار وتعاملت معهم او مع بعضهم قلي مين ؟
واذا " عبالك " توصف احدى الصفات او كلها او بعضها لحدا من المنتدى فيك توصفه وقلنا لمين؟ واذا مو عبالك توصف انت حر:larg:



وكمان سؤال :


لمين بتقول من الاعضاء "اذا" بتقدر تقول ، يعني يمكن تخجل تقول لكن لو بتقدر لمين بتقول:


وقد سقط ما تبقى من ورقة توت لم يعد دونها شئ مستور، على مين بتحس انها بتنطبق ؟!

ولدت فاشل وما زلت فاشل ورح تبقى فاشل؟!!

الكذب عندك صنعة؟!!


وووووو بس خلصت



:D

يا عالم الرحمه الرحمه ... الله من فوق بيرحم ..انا شايفه صار لازم نحدد عدد الاسئله :x

يا عالم الرحمه الرحمه ... الله من فوق بيرحم ..انا شايفه صار لازم نحدد عدد الاسئله :x

شو بنت العم... الاخ موافق انت شو مدايقك؟:pos:


حددوا ما عنا مانع... بنصير نكتب بكل رد سؤال هيييييك لنخلص كل اسئلتنا :p

Yass Hola Otra vez

:lol: Simple CUESTIÓN u El Ultimo

kolna mne3ref eno bmar7ale min elmara7el belmadrasi bye3tona wlad elsaff Laqab mo3ayan..yemken ykon 7elo yemken ykon beshe3..sho kan laqabak?
:p

Enjoy your Time in here :gem:

يا عالم الرحمه الرحمه ... الله من فوق بيرحم ..انا شايفه صار لازم نحدد عدد الاسئله :x

Perdon Reemi :D..


:lol:bs bte3erfi mesh daymn fe yass bel me2lay

فيه ياس ما يجاوب على اسئلتي اذا حس انو ما رح يقدر


بس يعني رح اطرقه ياهون بمكان تاني

شو بيعنيلك الشهيد؟؟؟

شخص مات دفاعا عن أرضو و وطنو فقط... اللي مات دفاعا أو هجوما عن قضية اسمو شي تاني غير شهيد

لما تشوف الوضع والحصار بغزة شو بتقول بنفسك؟

انو الشرعية الدوليه هي عبارة عن ماركة محارم جديدة و طرية منشان نمسح دموعنا فيهون

فلسطين احكيلي عنها بسطر.

فلسطين جزء من بلاد الشام باعه.... أو حتى بدون مقابل وهبه , من كان مسؤولا عن الدفاع عنه

يحيى عياش ... شو بيعنيلك؟؟؟

شخص قاتل في سبيل شيئ و مات
شو رأيك بنزار قباني... مظفر النواب... محمود درويش... فدوى طوقان...

تجّار كلام.... بس هالشي مو سيئ أبدا, أنا من زباينهم و بضاعتهون منيحة
بتقرا شعر جاهلي....

أي قريت دستور حزب البعث

ازا حبيت وحبيبتك كانت بتحب صديقك شو رح تكون ردة فعلك لما تصارحها وتكتشف هالشي؟

أكيد راح اتقبّل الأمر بروح رياضية... صار عندي مناعة

شو أبشع منظر شفتو بالانتفاضة ... يعني اسرائيلي ...

مشهد مقتل طفلة بغزة بس ما بتذكر اسمها بالضبط... مو ايمان

شو أبعد شي ممكن يوصلو خيالك؟

مالو حدود.... و كل ما بعّد أكثر كل ما كان أكثر واقعية

بتحب القهوة؟؟؟

جدا

عمرك كتبت شي خاطرة ادبية؟

اي, و موجودة هون بأخوية

بتحب الادب؟

أي كتير

شو نقطة ضعفك؟

ضميري
شو نقطة قوتك؟

قناعتي
كلمة بتوجهها لكريم

ياسمين دمشق مشتاقلو مثلنا.....

1-ايها المارون بين الكلمات العابرة
كالغبار المر مروا اينما شئتم ولكن
لا تمروا بيننا كالحشرات الطائرة
خلنا في ارضنا ما نعمل
و لنا قمح نربيه و نسقيه ندى اجسادنا
:و لنا ما ليس يرضيكم هنا
حجر.. او خجل
فخذوا الماضي،اذا شئتم الىسوق التحف
و اعيدوا الهيكل العظمي للهدهد، ان شئتم
على صحن خزف
لناما ليس يرضيكم ،لنا المستقبل ولنا في ارضنا ما نعمل

كلام جميل.... جميل فقط


2-من أقاصي اليأس يولد دائما منتهى الأمل.

حتى بعلم النفس هالكلام صحيح


3-أما اسرائيل فلم تعد بحاجة إلى الإعلان عن شئ يخص حدود اعتباراتها الأمنية من> تطوعت الأدوات العربية لخوض حربها مع الفلسطينيين ... ومن> تزايد عدد حراسها العرب...

ما في شي اسمو عرب و من الخطأ القاتل تحميلهم مسؤولية لا يمتلكونها

4-لبرميل النفط سعر يعلو ويهبط ... ولكن لا سعر لبرميل الدم لا في السوق السوداء ولا في السوق البيضاء.

برميل الدم الشرقي رخيص كتير و خصوصي على حكامو... مدعوم سعرو

5-جزء كبير من الرحيل هو في حقيقته تحدي الأنا للعالم الخارجي. العالم عتيق كالصخور ومتبدل كالبحر .والأنا ترغب في الوصول الى الاماكن البعيدة سالمة وفي الوقت المحدد

أي ممكن بس مو دائما... الأنا في كثير من الأحيان حرة و مو محتاجة غير تتحدى نفسها

شو اكتر منظر بتحبو؟

البحر

عمرك حسيت بانو الدنيا ضيقة وحابب تغادرها؟متى وليش؟

أي حسيت... أيام البكلوريا
الغروب والشروق شو وفعهم على نفسك؟

كنت من عشاق الشروق بس تعودت شوفو بشكل ما عاد يأثر فيني


بتحب تكتب؟عمرك جربت تكتب؟ وشو صار؟

بحب فكّر... مشكلتي اني كسول بالكتابة جدا... كتبت مقالات كتيرة بالعربي و بالاسباني, و مونولوجات كتيرة بالاسباني
.. جربت الشعر و كتبت شي 4 قصايد, قصص قصيرة قليلة و خاطرة يا خاطرتين... ما عدا المقالات الاسبانية كل نتاجي موجود هون

ليش دوم معصب وما بتطلع من المنبر؟

راح جاوب عالشق الثاني: هوايتي هي السياسة و الفكر السياسي و الفلسفة السياسية و أنا بأخوية بمارس هوايتي و هي أقسام جدية...

بالنسبة للشق الأول اللي بيعرفوني من أخوية بيفكروني جدي لما هو مكتوب فوق, اللي بيعرفوني من برا أخوية بيعرفو انو أنا شخص عادي جدا

الحب الو معاني كتير ارقاها حب الام...كلمة بتوجهها لامك...ولابوك...

سؤال جدا شخصي ياريت تعذروني


تخيل انو هاي اخر لحظة بحياتك...بعيد الشر عنك...شو رح تحس حسب توقعك؟؟

ما بعرف


شو وصيتك بالحياة؟؟؟

القناعة ثم القناعة

كلمة بتوجهها للحكام مع حصار غزة

مو ضروري مع حصار غزة... بوجهها دايما بس سبق حكاها مظفر النواب و خادشة شوي للحياء العام....عرفتوها؟

التجديد باخوية هل انت ضد الو؟؟وهل انت ما بتؤمن بالجدد يللي باخوية؟؟؟

أي طبعا... ضروري و جود الجدد, بس في أولويات و هي انو الجديد يتكيّف مع روح أخوية و ليس العكس

اذا النت ما عادلو وجود بالحياة شو معناه بالنسبة الك؟

و الله شوي مصيبة راح تكون صراحة :lol:

مين اهم النت والا الكتب؟؟

ما فيني قارنهون, كلاهما هام و نافع بالنسبة الي



راح وقف ردود لوشم الجمال لأنو بصراحة ما بدي أظلم حدا من الأعضاء و شوي متقلة علي الأسئلة... رابع يوم لما تخلص الأسئلة برجعلهون اذا حالفني الوقت


:D

لأي مدى ممكن تعترف بخطأك .... اذا أخطأت ..؟؟

للمدى اللي تفرضو الحالة, مو صعبة علي أبدا أبدا كلمة آسف... و ما بعتذر فضّة عتب


و اذا اقتنعت ضمنياً بوجهة نظر مخالفة لرأيك ....... عندك الجرأة تعترف باقتناعك .....؟؟

ما سبق صارت معي هالحالة... بس أفكاري بأحيان كتيرة راجعتها و غيّرت شغلات فيها... أكيد ما راح اتشبّث بشي لمجرد عزة النفس لأنو هاي مو عزّة نفس..... هاي حيونة


:D

خلص سيدي ياسين مو ضروري ترد على كل أسئلتي لأنو أنا فيهن حابة أعمل عصف للمشاعر وشكلو مشاعرك عاصفة بلا مسبب

المهم بدي قلك جد وبلا مجاملة خاطرتكـ حلوة ....واسفة لاني تقلت عليك بالأسئلة...:D

كيف برأيي ظهرت فكرة الله (اذا كنت مو مقتنع بوجود الله....واذا كنت مقتنع بوجود الله فليش مانك مؤمن اذا ماكنتت مؤمن)

لك حسان أنا شو علاقتي برأيك :lol:

خيو انا عندي تصوّر هيك عن ظهورها.... القصة طويلة كتير بس مختصرها هو ان فكرة الله ظهرت عند الطبقة الحاكمة لسببين أساسيين:

1- كانت خروج من الأزمة الفكرية اللي تولدت نتيجة انتهاء صلاحية فكرة انو هنن الآلهة لأنو الناس ما عاد صدقت هالحكي, فعملو انو لأ هنن "مندوبين" للآلهة على الأرض و حلّوها مؤقتا..

2- كانت كمان وسيلة لتبرير أو تعليل شغلات هنن ما بيعرفو مصدرها و لا فيهون يتحكمو فيها (كوارث طبيعية- أمراض و أوبئة.... الخ) فاخترعو الاله منشان يقولو انو هالشغلات هي غضب الآلهة و انو الناس لازم يقدمو قرابين و أضاحي لمندوب الآلهة;)

بعدين طبعا فكرة الاله تطورت كتير و تشعبت... بس هاد هوي الأساس برأيي


الجواب على ليش ماني مؤمن صعب شوي و طويل... السبب الأساسي هو عدم القناعة الناتجة عن تأمل و دراسة يطول شرحها جدا... بالمختصر هاد السبب.



:D

خلص سيدي ياسين مو ضروري ترد على كل أسئلتي لأنو أنا فيهن حابة أعمل عصف للمشاعر وشكلو مشاعرك عاصفة بلا مسبب

المهم بدي قلك جد وبلا مجاملة خاطرتكـ حلوة ....واسفة لاني تقلت عليك بالأسئلة...:D


شكرا :D

و لا يهمك اذا كان عندي وقت راح ارجع للباقي أكيد

:D

مرحبا yass

يا ميت هلا :D


يا رب اقدر اوصل اسئلتي صح..


أعتقد انو وصلو صح

1-
شو هو الوطن .. هل هو الارض .. هل هو الناس

الوطن هو ببساطة الأرض و الناس مع بعض, و من انفقد واحد من العاملين ما عاد في وطن... و بدي أحكي شوي عن الوطنية.... الوطنية هي حب الوطن, و الوطن هو الناس و الأرض

مو شرط أنا أفكر انو أرض وطني هي الأجمل.... هي أرض عادية بس هي الأرض اللي عشت فيها

و نفس الشي بالنسبة للشعب... شعب متل غيرو من الشعوب لا أكثر و لا أقل.... بس هالشعب هنن أهلي و جيراني و صحابي.. بسلبياتهو و ايجابياتهم

هاد هوي الوطن بكل بساطة


يعني لو "لا قدر الله " راح كل الناس يلي بتعرفهم من وطنك .. صفي ارض بدون ناس .. بضل وطن؟؟
يعني الوحده = غربه؟؟
الوطن = مكان ما موجودين الناس يلي بهمونا؟؟


الوطن هو الأرض و الناس مع بعض... ما فيني فرّق العاملين... راح اعطيكي مثال:

لو انتي ساكنة ببيت, و قررتو تنتقلو و بعتو البيت و رحتو ع حارة تانية سكنتو, و بيتكون القديم هدموه و طلعو ببناية جديدة محلو. لما راح تمرّي قدام البناية الجديدة راح تحكي انو و الله هون كان بيتي و أكيد عندك ذكريات و تحبي هالذكريات.. بس هاد ما عاد بيتك, وصلت؟

اذا الوحدة = غربة... ممكن هالشي تماما, بس ما فيني حدد كتير, بعمري ما حسيت بالغربة




2-

لما تكون مثلا مواقف بلدي ما بتشرفني .. لما يكون الخضوع يلي فيه شعب بلدي محسسني بخيبة أمل.. كيف أفصل مفهوم الوطن عن كل هاد .. ويضل عندي وطنيه ؟؟


بلدي مالها مواقف.... حكومة بلدي هي اللي الها مواقف و حكومة البلد لا تمثّل البلد بمواقفها حتى لو كانت حكومة ديمقراطية... الحكومة الديمقراطية الها ثقة الشعب لفترة محددة و هالثقة معرّضة للمسائلة و النقد و الانتهاء حتى...

شعب بلدي بعمرو ما راح يحسسني بخيبة أمل لأنو دائما في عوامل جازمة تؤدي الى خضوعو, و على اعتبار ماني مؤمن بالثورية فما راح طالب شعبي انو يتخذ موقف صعب أو خطير... ما بقول انو ما بتمنى هالشي, بس ما بطالب فيه...


ما بعرف اذا وصلو الأجوبه


:D

-عمرك تخانقت مع صديق مقرب ليك

أي بس أيام المراهقة... من زمااااااان

-شو كان سبب خناقتك معو

ما بتذكّر بالضبط بس أكيد سبب تافه

-شو ماركة اول سيجارة تشربها في حياتك

ما بتذكر بس يمكن غولواز


-قديش كان عمرك لما اخدت شهادة السواقة

18 سنة و 17 يوم بالضبط


-وقت بتصلي مين اول شخص بتدعيلو

ما بصلّي

-اخر مسج وصلك بموبايلك

لحظة لشوف....
أي. مسج دعاية للشركة :lol:


-ربحت تذكرتين سفر لتركيا مين تاخدو معك من اخوية

ببدل البطاقتين ببطاقة وحدة على كوبا و بروح لحالي

بمزح, و الله ما بتكفيني بطاقتين.. اعمليهون 10


-شو الدولة العربية اللي بدك تزورها

دولة عربية؟؟ العراق بس تخلص محنتهون


-شو اخر هدية وصلتك ومن مين

كنزة بنية كتير حلوة من أمي


-ومين سماك ياسين

سموني ياسين على اسم جدي أبو أبوي


-لمين تهدي من اخوية هالصور

سوري بس ما قدرت أنقل الصور لهون...موجودين بالصفحة 44

الصورة الأولى: على اعتبار عندي حساسية كبيرة لغبار الطلع ما بحب الورد, لذلك راح اهديها لكل محبي الورد بأخوية بس يحطوهون بعيد عني :pos:

الصورة الثانية: فيها دب بيشبه واحد بصورة المسنجر تبع مرسيل, فراح نعطيها لمرسيل :jakoush:

الصورة التالتة: لسارة... و لا حدا يسأل ليش لأنو ما بعرف :shock:

الصورة الرابعة: هاي نيويورك؟؟ لريتا ;)

الصورة الخامسة: شو هاد؟ كوكب أخضر؟ لعبد خيو :adal:

الصورة السادسة: لحسّان لأنو راح تزحلق ع جبال الألب و ما أخدنا معو :frown:



:D

- طبعاً الكل تعرض للظلم بحياته.. مين هوي اول انسان بيخطر على بالك عن وقوع الظلم عليك..هل تلجأ لانسان او تتضرع لإله.

لما أتعرّض للظلم اول شي أحاول أخد حقي أنا, اذا ما قدرت لوحدي أستعمل كل الوسائل المتاحة. اذا كمان ما مشي الحال و انسدت أضل أنق و أزعج الظالم ...... عالأقل انو ما يتهنّى بالهدوء


- و لو السؤال في شوي من التعدي و باعتبارك ما بتحب التطرق لأمور عقديه.. بس بدي اسالك هالسؤال و ليكن الطوفان:lol:..." حط ببالك هيك أسئله ما بسالها لاشخاص عاديين"...
هل نشأت ببيئه علمانيه لا دينيه.؟ أم هي أفكار تبلورت بفكرك بسبب بحثك عن اجوبه و تفاسير لم تجدها عن الحياه و الغيبيات.

نشأت ببيئة نوعا ما متدينة و لكن منفتحة جدا و عطتني الحرية التامة منشان أختار طريقي بنفسي و أكوّن معتقداتي و كان كذلك

- شو بدك تختص.

أكيد اختصاص داخلي, و لو طلعلي قلبية ما بقصّر

- شو رايك بغجر اسبانيا

غجر اسبانيا أقلية نوعا ما مهمشة و بارادتهون... يعني بشكل عام هنن بيشجعو على ثقافة الغيتو و حتى ممكن يعادو كل واحد منهم يندمج و يتعامل مع الـ"بايوس"... البايوس لقب شامل كل شي غير غجري اسباني و غير اسباني

بشكل عام عنصريين ضد الأقليات الاخرى و حتى ضد العجر المهاجرين (من رومانيا مثلا) و خصوصا اللي مجال عملها يتقاطع مع مجال عملهم الاساسي اللي هو البيع المتجوّل و تجارة الخردة. هون بمنطقتي في عائلتين أو قبيلتين بس و هنن أعداء بين بعض فمشاكلهون بين بعض بس. أقلية أعتقد مغضوض البصر شوي عن تجاوزاتها, أو خلينا نقول تجاوزات العصابات العائلية اللي تعمل باسمها..... في كتير غجر طلعو من الغيتو و صارو كبار بأعمالهم و خصوصا بالفن


- بدي منك تتأمل بهالآيه القرآنيه و تحكيلي شو احساسك.

(قل يا عبادي الذين أسرفو على أنفسهم لا تقنطوا من رحمة الله..إن الله يغفر الذنةب جميعاً.إنّه هو الغفور الرحيم)

اذا بتسمحلي ما بدي احكي بنص قرآني مهما كان لأني احترم القرآن بس ما اتفق معو, قرأتو أكتر من مرة و حبيت كتير آيات فيه, و يجوز نقاشي فيه يكون فيو اهانة لحدا و ما بدي ادخل بسجالات من هالنوع لأنها لاتؤدي لنتيجة و غالب الأحيان تكون مزعجة

- هل كنت مسلمٌ قط في حياتك.؟ هل سجدت قط لله.؟

لأ أبدا

- شو رأيك بكتب الفلسفه ذات الطابع المعقد من ناحيه سرد الفكار بطريقه علميه يتعذر بها على القارئ العام فهمها...بتقرا هيك كتبز؟

ما بحبها.... قرأت منها الكثير بس ما استشهد بيها أبدا و لا اعتبرها مرجع فكري... أكوّن فكرتي الخاصة بس

- طبعاً معروف أثر تناول الكحول الناس بيصير عندهن Hang over لما بيصحو من النوم...بشو تحس انت لما تفيق من النوم اثر سكره:lol:.

عندي خلطة سحرية مقاومة لجميع الأعراض:lol: ... بس ما احتاجها كتير


- كمان بدياك تتأمل بهاالآيه القرآنيه و تحكيلي شو حسيت أثر قراءتها

( ألم يَأن للذين امنوا أن تخشع قلوبهم لذكر الله و ما نَزَلَ من الحق).

نفس الكلام تبع الآية القرآنية السابقة

هوي بيضحك بس بالمناسبات والاعياد القوميه ..يعني فيكي تقولي احسن من حسان بكم درجه ... :yahoo:


انا ببصم على هالحكي بالعشرة :p

hi
شو اسم الحارة اللي كنت ساكن فيا
لو اتعرضت شي مرة لخيانة من شخص عزيز ع قلبك وهالشخص لا سمح الله عطاك عمرو وانت كنت حاقد عليه شو بيكون رد فعلك؟

ازا شي يوم من الايام وانت عم تمشي بحالك اجت سيارة وبدها تدعسك شو بتتمنى باخر لحظة ؟

وبس شكرا

ما بعرف اذا وصلو الأجوبه

وصلو ...:D

كفو وأستاذ وآغا... يا أخي بيفهم....////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

:gem::gem:

خيو أنا عندي سؤالين..

أي هات لنشوف

أول شي.. شو رأيك

بنزيه أبو عفش

ماني هاوي شعر و ما قريتلو كتير... حبيتلو قصيدة نثرية بأربعينية ممدوح عدوان اسمها "بصوته و لساني"

بماركس

ماركس عبقري جدا. صاحب نظريات اقتصادية اجتماعية رائعة بس في منها انتهت صلاحيتها لأنو الثورة الصناعية انتهت

بالماركسيين هلق

صفة "ماركسي" ما بحبها.... يعني شو هوي نبي أو اله؟ هو رجل فكر و حتى لو مقتنع بكل فكرو ما ممكن اسمّي شخص انو ماركسي... يعني البعض عم ياخد كلامو (اللي لازم ما ننسى انو عمرو 150 سنة) و عم ينادي بحرفيتو و انو نافع لكل زمان و مكان و يعملولو شبه هالة تقديسية... عن شو بيفرق عن أي متديّن..... هدول بسميهون أنا ماركسية وهابية أنا.... و برأيي انو التشبث بماركس ينزع من اليسار اهم أفكاره و هي التقدمية... ماركس رجل فكر و ينتمي للماضي, ما عم نقول انو ننكرو أبدا... بالعكس لازم نستفيد من الأفكار تبعو اللي ما زالت سارية المفعول حتى تنتهي... بس مو نقدسو

بخوان رومان ريكيلمي

ما بحبو.... كلاعب هو ممتاز و لعبو كتير حلو, بس كشخص جدا شايف حالو و من الصعب التفاهم معو, يعني ما ظل مدرب أو لاعب زميل ما تعالق معو..هو متعوّد يكون بالآرجنتين شبه اله و هون هو لاعب مميز نعم لكن ناقصتو هالة التقديس اللي الله يساعد اللي متعوّد عليها و يفقدها.


بفالنسيا (كمدينة، نادي.. عراحتك..)

كنادي لازم اعترف انو اعتمادو عالاعبين الاسبان أكبر من غيرو و هاد شي حلو... بس ما بحبو

كمدينة هي حلوة يعني عالبحر و كبيرة و فيها تاني أكبر جالية سورية بعد مدريد... بس برشلونة أو مدريد أحلى بكتير

بالبامية

البامية شغلة عظيمة جدا ياأخي.... حضارة!!!!

السؤال التاني هو
برأيك شلون الحل لمشكلة أنو الأوروبيين ما عم يفهمونا.. ويمكن نحنا ما عم نفهمهن.. يعني على مين الحق؟ وشو المشكلة أصلاً؟

هو في عدم فهم متبادل بس اعتقد انو عنا أكبر, هنن ع فكرة كشعب جدا متعاطف بشكل عام مع قضايانا بس هي اولا و أخيرا قضايا لا تمسهم بشكل مباشر, مانو شعب عنصري الشعب الاوربي بشكل عام و أعتقد انو نحنا ظالمينو بهالخصوص..

في قضية تانية كمان.... حتى بخصوص بعض المشاكل بين حكوماتهم و العرب هنن بيشوفوها شي سياسي مصلحي و نحنا بنشوفها صراع حضارات... و بهالشي عم نحط ايدنا لا شعوريا بأيد ساركوزي و امثالو
وسلام خيو



إي إي صحي.. فتل راسي بأجوبتك وضيعت.. فجاوبنا على هالسؤال أسهل إذا ممكن ياسو..

شو وضع الحشيش عندك؟ بالتفصيل...

ما بتعاطى أنا بس المعلوم انو الأخوان المغاربة مو مقصرين... يبدو انو رخيص و سهل الحصول عليه و اللي يفهمو يقولو انو منيح.

اجتماعيا مقبول أكتر من باقي المخدرات... يعني اذا تحشش كأنو عادية كأنك تشرب... بس غير اصناف عليها اعتراض أكبر.




:D

كنت فايتة لاسأل كم سؤال بس لما شفت الانقلاب الي صاير عليك بهاليومين قررت واسيك بدل ما اسألك :p

وليييي الله يعينك..قبل كانو عم يحمو الزيت على ريمي وحسان واستوت الطبخة على دورك...بطلنا نسأل :o

خيو أنا عتبان عليك ع جواب سؤالي....كنت متوقع تكون الاجابة شوي اطول.....

المهم انا وبعد ما شفت هالاسئلة والعجقة وشفتك ما عم تلحق...قررت ما اسألك غير سؤال واحد وبتمنى تعطيه حقو...

عادة الفجوة بين الابن يللي بيولد لاب وام من جنسيتين مختلفتين...وبيعيش ببلد غير بلد احد الوالدين...بيكون عندو ميل طبيعي للثقافة بالبلد يللي عاش فيها وبكتير كتير حالات بيكون عندو انقطاع ثقافي عن ثقافة البلد الاخر....
بحالتك انت...شو يللي صار لحتى كان الموضوع معاكس جدا؟؟؟

مرحبا معلم سياسه:deal:
ازا ممكن تجاوبنا ع الكام سؤال هدول وسط هالعجقه...ازااااا امكن ...:D

مامدى صحة الأقوال التاليه .. واديش نسبة تطبيقها على الواقع المعاش...

-كل رجل دوله هو رجل سياسه وليس كل رجل سياسه هو رجل دوله ...

- العم ارسطو بيقول- في داخل كلاً منا حيوان سياسي ..-معهيك في اعضاء كاتبين بتواقيعهن بما معناه لاللسياسه..:?

مايكل سافاج آلف كتاب بعنوان ( the Political Zoo)كوّن فيه حديقة حيوان نهفة من السياسين السابقين متل جيمي كارتر وجاك شيراك حيث انو شبه كل شخص بحيوان معين فيك كشخص عندو اهتمام سياسي تعطينا مثال وتصنيف بسيط للسياسين العرب ؟؟ ..ازا امكن:D

خيو أنا عتبان عليك ع جواب سؤالي....كنت متوقع تكون الاجابة شوي اطول.....

أنا الفكرة كاتبها بزماناتي بالاسباني على شكل قصة قصيرة... المشكلة خيو انو ما بلحق ترجمها لأنو يعني مقلايتي نزلت و امتحاناتي على الابواب و شوفة عينك يعني..... خلص بوعدك أترجمها و أنزللك ياها بس يصير عندي الوقت الكافي


المهم انا وبعد ما شفت هالاسئلة والعجقة وشفتك ما عم تلحق...قررت ما اسألك غير سؤال واحد وبتمنى تعطيه حقو...

عادة الفجوة بين الابن يللي بيولد لاب وام من جنسيتين مختلفتين...وبيعيش ببلد غير بلد احد الوالدين...بيكون عندو ميل طبيعي للثقافة بالبلد يللي عاش فيها وبكتير كتير حالات بيكون عندو انقطاع ثقافي عن ثقافة البلد الاخر....
بحالتك انت...شو يللي صار لحتى كان الموضوع معاكس جدا؟؟؟


جيتك منشان تلحق تشرحلي سؤالك هاد لبين ما أوصلو لأنو ما كتير فهمتو و الله... و يعني ليش بس واحد؟ بدي أكتر منك خيو... خود راحتك بس مو كتير كتير:lol:


:D

معلم سياسه:deal:



أحلا شي قريتو بالمقلاية هي ,

معلم سياسة و ذا ضو .. :lol::lol:

بعدين شو مشان

معلم سياسة اختارني هون ,


الصورة الخامسة: شو هاد؟ كوكب أخضر؟ لعبد خيو ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


و ذا ضو اختارني هون


بلاك ع بوركينا فاسو...هونيك في سواد كتير...////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


شو مشانك و مشانوه , شو مسوالكون حتى تزتوني هالزتات الوخمة .. :jakoush:

عادة الابن يللي بيولد لاب وام من جنسيتين مختلفتين...وبيعيش ببلد غير بلد احد الوالدين...بيكون كبيربيكون عندو ميل طبيعي للثقافة بالبلد يللي عاش فيها وبكتير كتير حالات بيكون عندو انقطاع ثقافي عن ثقافة البلد الاخر....
بحالتك انت...شو يللي صار لحتى كان الموضوع معاكس جدا؟؟؟يعني بحسك علاقتك بسوريا كتير قوية وثقافنك العربية اكبر....
ع فرص انو امك اسبانية اذا كانت اسبانية

لا يهمني اين ومتى ساموت بقدر مايهمني ان يبقى الثوار يملئون العالم ضجيجا كي لا ينام العالم بثقلة على اجسادالفقراءغيفارا



برايك لسا في شي اسمه الثورة بالنظام العالمي الجديد ؟ وما الجدوى من اي تحرك ما دام العالم سيتذكر لدقائق ومن ثم يمشي لقضايا اخرى
واليوم الجيل الجديد بحاجة للثورة وثورة على شو ؟


لا بالقديم و لا بالجديد... الثورة كلمة كتير حلوة و بالشعر تطلع غير شكل... بس الثورة خيار سيريالي بالنسبة الي.... مانو واقعي

الجيل الجديد بحاجة لـ"ثورة" وعي و واقعية و التزام.... البارودة و الكوفية زمانها و مكانها غير

من السهل ان تعرف كيف تتحرر،ولكنمن الصعب ان تكون حراُ
اندريه جيد

اولا عرفلي الحرية وكيف بتشوفها
ثانيا كيف تتحرر برايك ؟
وهل تعتقد انه على المدى االمنظور سيعرف الناس كيف يكونوا احرار

هلأ في تعريفين للحرية ... البسيط و المعقّد, و المعقد انا ما بفهمو لذلك راح نحكي ببساطة

انت حر لما فيك تعمل شي بمسؤولية و ما يكون مطالب غير بالتبعات المنطقية لتصرفك. مثلا... لما بتحكي رأي تكون "مطالب" بالنتيجة المنطقية لرأيك اللي هو شرحو او الدفاع عنو أو التمسّك بيه (لاحظ انو كلمة مطالب غير حرفية) و ما تكون مطالب بتفاهات أمنية

لما تكتب مقالة و تنشرها الحرية تقتضي انو تتقبل انو مقالتك تعجب أو لأ... فقط... و ليس أشياء اخرى


و هكذا.....





أن الطريق مظلم وحالك فأذا لم تحترق انت وأنا فمن سينيرالطريق – غيفارا

يا ابني انتهى زمن هالحكي من زمان قال اذا لم احترق انا ولم تخترق انت من سينير الطريق
انا مو مجبور على هالشي ودخيلك شو جايني من هالحكي الفاضي غير اني انلحش بشي قبو واتعرض لتعذيب واتبهدل بوقت فيني اسكت وابقى وانجح بحياتي واشتغل واتزوج ويصير عندي ولاد
وامشي الحيط الحيط ويا ربنا السترة
ههههه قال الطريق مظلم قال اي خليكون عايشين بهالهرطقة لقللكون وشوفو شو رح يجيكون منها
نحنا اليوم بزمن جديد نحنا الشباب مو مطلوب منا غير ندرس وبس وشو دخلنا بهالحكي
بكرا نتخرج ونلاقي شغل ونشتغل وتمشي امورنا
بينما انتوا رح يضيع شبابكون متل ما ضاع وعم يضيع شباب غيركون وخسروا كل شي بالمشي ورا شعارات تافهة




بقللو لصاحب هالحكي انو فينو يتطمّن و يظل نايم نوم النعاج... اللي عم ينحرقو ما عم ينحرقو لينيرو الطريق لألو و لأمثالو لأنهون عميان.... هدول لو بلجكتور بوجهو ما بيشوف.... او ما بدو يشوف... بالناقص

عادة الابن يللي بيولد لاب وام من جنسيتين مختلفتين...وبيعيش ببلد غير بلد احد الوالدين...بيكون كبيربيكون عندو ميل طبيعي للثقافة بالبلد يللي عاش فيها وبكتير كتير حالات بيكون عندو انقطاع ثقافي عن ثقافة البلد الاخر....
بحالتك انت...شو يللي صار لحتى كان الموضوع معاكس جدا؟؟؟يعني بحسك علاقتك بسوريا كتير قوية وثقافنك العربية اكبر....
ع فرص انو امك اسبانية اذا كانت اسبانية

:pos::pos::pos::pos: آخ بس ...

رأيك بـ هؤلاء ولو اضطريت انك تتعامل معهم شو بيكون موقفك وتصرفك اتجاههم ؟!!

ذوي المصالح: مو شغلة سلبية انو شخص يكون عندو مصلحة بعلاقة ما ... يكفي انو اعرف هالشي بس

ذوي الافكار السطحية والساذجة: و الله أنا ما بقدر احكم على حدا بهالشي لأنو اذا حكمت عم اعطي الحق انو ينحكم علي

ذوي الاقنعة والوجوهـ المتلونة ( بالعامية "اللعب على الحبلين"): هع... هدول اختصاصي... استنزافهون و استفزازهون لحد ما يكشفو حالهون هوايتي المفضّلة... و لهلآ بعمرو ما حدا قدر يخدعني

امرئ حلو اللسان وقلبه يتلهب: معناتو ينطبق عليه انو ذو قناع و بهالحالة الرد الفوقاني مناسب

الحاسد : الله يساعدو لأنو بعمرو ما راح يرتاح

الحاقد : كمان تسالي و خصوصي اذا لسانو طويل

المنافق والكاذب والمخادع: نفس رد أبو أقنعة
الغدّار: كمان من الصعب ينال مني... عندي حاسة سادسة لهدول

الجهلة بمعنى انو بتناقشهم بتناقشهم وبتطلع انو عقولهم مقفلة يعني حق باطل ما رح يقتنعوا معك:

أنا ما بناقش للاقناع... مو شغلتي,كل واحد حر بقناعتو..... أنا بناقش كعرض رأي و فكر

نفس الحكي... يعني هون الأمر النفسي يلعب دور... ما فيني أحكم انو جاهل و مخو مقفّل... بفضّل شوفو انو مقتنع جدا و متمسك برأيو لحد ما يتجاوز حدو اللي هوي التدخل بشؤوني أو الاهانة أو حتى الاستخفاف... ساعتها حسب مزاجي... يا أما اتجاهلو ياأما اعمللو غسيل و كوي.

وقلي اذا صار وتعاملت معهم او مع بعضهم قلي مين ؟
واذا " عبالك " توصف احدى الصفات او كلها او بعضها لحدا من المنتدى فيك توصفه وقلنا لمين؟ واذا مو عبالك توصف انت حر:larg:



وكمان سؤال :


لمين بتقول من الاعضاء "اذا" بتقدر تقول ، يعني يمكن تخجل تقول لكن لو بتقدر لمين بتقول:


وقد سقط ما تبقى من ورقة توت لم يعد دونها شئ مستور، على مين بتحس انها بتنطبق ؟!

هع:larg: .... ماحدا :lol:

ولدت فاشل وما زلت فاشل ورح تبقى فاشل؟!!

هاي عن جد مو لحدا

الكذب عندك صنعة؟!!

ما في داعي اسأل


وووووو بس خلصت


:D