[quote=cuty;919698]:lol: لا ولو بمزح....

و منتشرف بمعرفتك اكيد:D

و أنا بالاكتر يا ستي


و استلم هالكم سؤال.....:gem:


كلمة بتوجهها ل:-

امك : أنو الطبخة اليوم ما كانت عا المستوى

ابوك : أنو طبخة مرتك اليوم ما كانت عا المستوى

اختك : أنو طبخة أمك اليوم ما كانت عا المستوى

اخوك : منيح اللي ما أجيت كننا رحنا عا العسكرية :D و كنت أكلت اليوم طبخة ما عا المستوى :lol:


صديقك الصدوق : أنو طبخة عمتك أم ديموزي اليوم ما كانت عا المستوى



لنعكس السؤال:-

لمين بتقول

آسف : لأمي لأنو فضحتا


اشتقتلك : لطبخة عا المستوى


بحبك : كمان للطبخة اللي عا المستوى



حل عني : للي أكل طبخة أمي اليوم و عجبتو


و لو للثقة بالنفس معيار من 1-10 قديه بتعطي لحالك؟ 9 منشان الحلال و الحرام


من هون لخمس سنين وين بتشوف حالك و كيف بتشوف حياتك؟ يعني لازم كون غيرت شغلين و صرت بمحل أحسن , ما خطر عبالي أكتر



و بس dimozi

هي مشان تصير تعرفني هه:jakoush:
:p:lol:




تحياتي الخضراء :D




انو حبكت الوالدة تطبخ طبخه مو عالمستوى و يقوم عمو ديموزي يحط هالجواب بكل الاسئلة:lol:

و سؤال ريتا يطرح نفسه

شو هي الاكلة يلي موعالمستوى ؟؟;)

[quote=cuty;919698]:lol: لا ولو بمزح....

و منتشرف بمعرفتك اكيد:D

و أنا بالاكتر يا ستي


و استلم هالكم سؤال.....:gem:


كلمة بتوجهها ل:-

امك : أنو الطبخة اليوم ما كانت عا المستوى

ابوك : أنو طبخة مرتك اليوم ما كانت عا المستوى

اختك : أنو طبخة أمك اليوم ما كانت عا المستوى

اخوك : منيح اللي ما أجيت كننا رحنا عا العسكرية :D و كنت أكلت اليوم طبخة ما عا المستوى :lol:


صديقك الصدوق : أنو طبخة عمتك أم ديموزي اليوم ما كانت عا المستوى



لنعكس السؤال:-

لمين بتقول

آسف : لأمي لأنو فضحتا


اشتقتلك : لطبخة عا المستوى


بحبك : كمان للطبخة اللي عا المستوى



حل عني : للي أكل طبخة أمي اليوم و عجبتو



أحلى رد بقراه اليوم ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

[quote=dimozi;919809]



أحلى رد بقراه اليوم ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


و الله و انا..

يـــــــــــــــــا سلام :pos:

خيو بإختصار و بلا فضايح قدام البشر و نشر غسيل .. :lol:

كم سحبة سحبت بأجوبتك عا الناس . ؟!



حارتنا ديقة و منعرف بعض :lol:

[quote=dimozi;919809]




انو حبكت الوالدة تطبخ طبخه مو عالمستوى و يقوم عمو ديموزي يحط هالجواب بكل الاسئلة:lol:

و سؤال ريتا يطرح نفسه

شو هي الاكلة يلي موعالمستوى ؟؟;)


العلة أنو اليوم طعمتني اللي ضلو من مبارح :cry:

هيك بتكون خلصت مقلايتي, اللي كتير استمتعت فيها بجد:lol:

شكرن لكل الأعضاء اللي مرو, و اللي سألو


بدي أقترح شي بالمقلاية من بعد إذن الاشراف طبعاً


أنو على سبيل التغيير, منفتح أسبوع ( أو فترة زمنية محددة ) لترشيحات الأعضاء, بيرشحو فيها عضو تاني لينزت بالمقلاية, عضو حابيين يتعرفو عليه أكتر و ما عم تجيهن فرصة يزتوه, و بعد ما يمضى الأسبوع و يكملو الترشيحات بينعطى وقت للتصويت , و ممكن كمان تكون الشغلتين ( التصويت و الترشيح ) ماشين بنفس الوقت يعني الترشيح بيعتبر صوت و بيفوتو الأعضاء بيقولو رأيين, و بس تخلص المدة بينزت العضو اللي أخد أكبر عدد ترشيحات .



يعني على سبيل الديمقراطية.:p

و اذا ما توافق عا الموضوع فبكلف رمرم رماريش;) أنو تنقي عني حدا ينزت ورايي




شكرن كتير مرة تانية للجميع


استمتعت معكن كتير









تحياتي الخضراء

و مية خسة للجميع :D

اهلين اهلين بـــ نعيم ... بس ما يكونو قصرو الشباب معك ...:p

رح اختار انا ... رامي syrian Gay

اهلا وسهلا رامي ... اي خبرنا ... كيفك شو اخبارك بعد ما ورطك بالمقلايه لساتك بتحبني :p

أهلين و سهلين بالعينتين.....

أول شي نحط سمايلي الاحترام و التقدير

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أي سيدي... يعني هيك عالسريع ما بعرف شو بسأل, أو بالاحرى كان بدي اسئلتي تكون مدروسة أكتر بس هاي ريم الشريرة اجبرتني اجي اسأل فورا

على كل بدي اسأل سؤالين صغنونين و برجع بس أمخمخ شوي و اذا ما شفتك كتير مزحوم برجع اسألك

1) بالنسبة لسيريان غاي ما هو تعريف الآخر؟

2) كونك بشكل ما تشكل نوع من أنواع "الآخر الاجتماعي" للأغلبية الساحقة من المجتمع اللي عايش فيه, هالأمر خلاك تكون أكثر انفتاحا نحو المختلف عنك؟





الله يسعدك و يقويّك
:D

راميااااااااااااااااااااا ااااااااااااااااااااااااا ااااااااااااااااااااااه
مية هلاااااااااااااااااااااا
انو اجباري هدول تاخدووون
بس وحياة الرب هالمرة راجعة راجعة....

استلم عموو

عمرك؟
مهنتك؟
حالتك الاجتماعية؟
بتدخن؟
ازا اي من ايمت؟
اي يلا كم سيجارة بتدخن بالنهار؟؟؟
شو نوع الدخان اللي بتدخنه؟
بتشرب؟
ازا اي من ايمت
واديش؟
وشو اكتر نوع بتحبه
انت ليش هيك؟؟؟
شو اكتر غنية بتحبا؟؟ وليش؟؟؟
مين مطربك المفضل؟؟
.شو المواضيع اللي تقراها بالمنتدى
شو الصفات اللي بتكرهها بالانسان
والصفات اللي بتحبها
شو حكمتك بالحياة
شو هيي صفات امراة احلامك
اذا ربحت مليون دولار, شو بتعمل فيها؟؟
انت سعيد بحياتك وليش
اذا لاء كمان ليش؟
.اذا فشلت بتحقيق حلمك شو رح تكون ردت فعلك؟
وشو هي اكتر مادة بتكرها و كمان ليش؟
هل بتامن بالابراج ؟ و علل جوابك
هل بتامن بالقدر؟ علل جوابك
هل بتامن بالسحر و المشعوذين؟ علل جوابك
عرفلي البيروقراطية والديكتاتورية
شو اكتر شي بيعصبك؟
شو اكتر شي بيفرحك؟
شو رايك بقضية الشرق الاوسط؟
شلون تعرفت على أخوية ..؟
شو هدفك بالحياة ...؟
مين أكتر أعضاء بتقارلون بالأخوية ..
كم اخ و اخت عندك؟
مين من اخواتك هوي المفضل عندك وليش؟
شو هوي فيلمك المفضل وليش؟
مين ممثلك المفضل وليش؟
شو اكتر شي بتحبو بالحياة وليش؟
شو امنيتك بالحياة؟
شو ناوي تدرس؟
شو أكتر معادلة كيمياء حفظتها بحياتك؟
شو أحلى قصيدة مرقت معك؟
شو درس العلوم المفضل يلي حفظتو؟
شو حدود سوريا الجغرافية؟
شو طبيعة لبسك : سبور -فنكي -رسمي ؟
شو اكتر موقف محرج صار معك؟
بتعتبر حالك ن الناس ياللي بيحكو كتير؟
شو اكتر اسم بتحب للشب وللبنت؟
مين قضوتك بالحياة ؟
شو رأيك بالطفولة و الولاد ؟
مين أعز شخص على قلبك و ليش ؟
إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟
شو أحلا أيام حياتك؟
شو الحياه بالنسبه إليك؟
شو بنظرك بياثر اكتر دموع الفرح أم بسمة الفرح؟
شوالشي الذي تتمنى أن يرجع؟
موقف صار لك ولا تقدر تنساه؟
شو أفضل لديك بمراحل النمو هل هو الطفوله ام المراهقه ام الشباب أم الشيب؟
زيت المقلاية عم يحرقك شي؟


ازا اضطريت انو تختار بين تتين من رفقاتك شو بتعمل




الاجوبة لازم تكون مختصرة بمالايقل عن ست اسطر:lol:




وبالتوفيق:D:lol:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أي سيدي... يعني هيك عالسريع ما بعرف شو بسأل, أو بالاحرى كان بدي اسئلتي تكون مدروسة أكتر بس هاي ريم الشريرة اجبرتني اجي اسأل فورا

على كل بدي اسأل سؤالين صغنونين و برجع بس أمخمخ شوي و اذا ما شفتك كتير مزحوم برجع اسألك

1) بالنسبة لسيريان غاي ما هو تعريف الآخر؟

2) كونك بشكل ما تشكل نوع من أنواع "الآخر الاجتماعي" للأغلبية الساحقة من المجتمع اللي عايش فيه, هالأمر خلاك تكون أكثر انفتاحا نحو المختلف عنك؟



هلا انا شريره ... الله يسامحك ... :angel:

رامي :
تبعاً لسؤال ياس ... هل من الممكن ولو للحظه من اللحظات انك تحس بشوية عتب ... ع " الله" لانو وجدك بمجتمع مختلف عنك باغلبيتو ..و وضعك بمواقف قد تسبب الاحراج احيانا او تعرضك لتهجم ... بشي انت ما الك ذنب فيه ...؟!؟

:heart:

حميييييييييييت .. والله لنكيف ..
رووووح اب الرام شايفلك ..
نط ع المقلاي ورجينا طولك لشوف :larg:

هي سؤال خفيف نضيف صغيرون حلو ومزيون ع البيعة لسه ..
جاوبلنا عليه بمعيتك

Gazita
Reemi
marioma alghzayala
hanny dagher
Willi
layla
sezar
sweetbaby
الحاج متولي
maged-syrian (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
butterfly
وشم الجمال
Syrian__Angel (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
أبو شريك (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////),
Hashtnasht
ASH (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
ٍٍٍSyrian Gay
Fares
Geeny
yass
كهربجي
راديا
SABE
HUS
Barleb
باشق مجروح (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
the light
سرسورة
محمد ابراهيم
GOVERMENT
صياد الطيور
اسير التشرد
phoenixbird (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
the morrning
COSTA
handsome
abosleman
LiOnHeArT (سابقا)
betty_palestine (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
yamen_h
BL@CK
MadMax
وائل76
مسطول ع طول
شامي من طوكيو
أمرأة من ورق
Roaa
مايا*
لبندا
fofo besset syria
Abu Guzef
الموسيقار (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////),
فاوست
ظل جيفارا
ملاك السعودية (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
محمد السعودي
التقرير الجوال
secular سابقا
Nirvana
Raw
طفوله
Marwa
يمان
was616im
وماتيا
Sandra
cuty

مين بتحب اكتر ؟ (بتجاوب وبتختار واحد بس وممنوع عدم الاجابة )

حومص ولا حلب ؟
طرطوس ولا اللادقية ؟
الدير ولا الرقة ؟
الاتحاد ولا الكرامة ؟
سيزار ولا واسير التشرد ؟
مايا ولا ليندا ؟
اب سليمان ولا وائل 76 ؟
فوفو ولا ريمي؟
يمان ولا رؤى؟
جاد ولا هاني؟
ميمو ولا مورنينغ ؟
محمد ابراهيم ولا مسطول ع طول ؟
كهربجي ولا كوستا ؟
سرسورة ولا نيرفانا ؟
الحكيم ولا كريم ؟
بلاك ولا برليب؟
انا ولا حسن ؟
حسن ولا انا ؟
ليلى ولا ريتا (سويت بيبي)؟
غزلان ولا راديا ؟
ياس ولا فاوست؟
مريومة غزالية ولا يامن ؟
ظل جيفارا ولا مادماكس ؟
اب جوزيف ولا اب وليم ؟
كيوتي ولا ساندرا ؟
طفولة ولا مروى ؟
ماجد سيريا ولا سيريا غاي (رامي)؟
ابوك ولا امك ؟
الشب الطنط ولا الشب اب عضل (كسير الاراكيل )



بتحب الوحدة ولا الزحمة والناس ؟
مين اذكى الحماصنة ولا الكراد ؟
مين عقلو حيط اكتر الكراد ولا الحلبية ؟




مين بتشجع من المنتخبات ؟
عالمية ؟
عربية ؟


من الاندية ؟
الاجنبية ؟
السورية ؟
العربية ؟




مين اكتر لاعب بتحبو (سوري او ماسوري مامشكلة) ؟
اكتر ممثل / ممثلةسوري ؟
اكتر مغني /مغنية سوري ؟




وحدة في الاخوية انت معجب فيا من زمان وماعبتقد تقول ؟////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
واحد بالاخوية معجب في من زمان ومستحي تقول ؟////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



مين بتحب اكتر الشي من المشرفين او المشرفات وبتحسو قريب عليك كتير ؟



عضو/عضوة كنت ماتطيقو بس بعدين تبينلك انو كتير حباب وعكس اللي كان ؟
عضو/عضوة كنت مفكرو حباب ومنيح واكابر وطلع عكس المتوقع ؟



عضو تقاتلت معو ؟
عضوة تقاتلت معا ؟


عضو ماهضمتو ؟
عضوة ماهضمتا ؟




بتحب المحشي مخبوص ولا مفلفل؟
بتحب البيبسي ولا الكوكاكولا ؟
مين من الاعضاء جاي عبالك تشوفن ؟



بتحب البطاطا لحالا ولا مع كاتشب ؟
اكتر كلمة بتحب تسمعا ؟


اكتر موقف ضايقك بالاخوية ؟

أول شي تحية كبيرة للي قاعد بالمقلاية لأنو كتير بكنلو كل الاحترام
رامي لأنو غير نظرة مجتمع أخوية لقضيته وبيستاهل التحية والتصفيق


المهم وبلا طول سيرة بدك تستحمل غلازتنا وتجاوب على هالكم سؤال: ;)


1- أسئلة عامة:

* مدينتك؟
* دراستك؟
* انت من عشاق سوريا وهالشي واضح عليك ..كيف بتتمنى تشوف بلدك؟
* شو بتعتبر حالك قدمت للمثليين بسوريا؟
* وين بتحب تكون بأي بلد؟




2- أسئلة خاصة:

* هل بتحس بالوحدة والظلم وكيف؟
* هل بتصارح محيطك العائلي أو الاصدقاء باللي بقلبك أو انت من النوع الكتوم؟
* مين بيعرف انك انسان مثلي جنسياً من محيطك؟
* هل انت بتحيى قصة حب حالياً؟
* مين الانسان الي بتوثق فيه؟
*نوع سيارتك؟
* نوع موبايلك؟
* ستايل لبسك؟
* مستودع أسرارك؟



3- علاقتك بما ومن يلي:

* الله
* الوطن
* الاديان
* العائلة
* الاصدقاء
* الحزن
* أخوية
* التدخين
* المشروبات الروحية
* أبوك
* أمك
* اخواتك



4- رأيك بما يلي:

* الله
* الانبياء
* المجتمع الحالي
* العلمانية
* زواج المثليين
* الفساد
* سوريا



5- رأيك بمن يلي:

* السيدة فيروز
* الشاعر نزار قباني
* جورج وسوف
* الاعلامي فيصل القاسم
* الاعلامية أوبرا
* نانسي عجرم
* صدام حسين
* اسامة بن لادن
* السيد حسن نصر الله
* السيدة اسماء الاسد
* رامي مخلوف
* الوليد بن طلال
* جورج بوش
* هتلر
* مصطفى طلاس
* وليد جنبلاط
* اسماعيل هنية
* مارسيل خليفة
* بسام كوسا



6-لو:

* فيك ترجع واحد بس ع الحياة مين بترجع؟
* تطلب طلب من الله يتحقق؟
* 3 طلبات من مارد المصباح؟
* تغير شي واحد بحالك؟
7-وجه كلمة لكل من ما يلي:

* الرئيس بشار الاسد.
* أمك
* صباح عبيد
* ريمي الي زتتك هون
* مشرفي أخوية بشكل عام
* مساجين الرأي تبعين أخوية

شكراً كتير
ما تقلت عليك بعرف دمي خفيف

اهلين اهلين بـــ نعيم ... بس ما يكونو قصرو الشباب معك ...:p

رح اختار انا ... رامي syrian Gay

اهلا وسهلا رامي ... اي خبرنا ... كيفك شو اخبارك بعد ما ورطك بالمقلايه لساتك بتحبني :p

:shock:
:cry:
انا كان قلت لكل يللي انحطوا بالمقلاية من قبل وكانوا ناويين يزتوني أنو ما تزتوني رجاءاً ..
ورح خجّل يللي رح يزتني فيا .. ورح اعتذر وطالعو بالخجلة ..

بـــــس .. باعتبار اجت من شخص عزيز كتير كتير وكتير تانية فـ ما بقدر أرفض :jakoush:..
أخ يا ام الريم بس لو ما كنتي انتي يللي زتيتيني :sly:

yass


أهلين و سهلين بالعينتين.....
يا هلا فيك
أول شي نحط سمايلي الاحترام و التقدير

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
شكراً :)
أي سيدي... يعني هيك عالسريع ما بعرف شو بسأل, أو بالاحرى كان بدي اسئلتي تكون مدروسة أكتر بس هاي ريم الشريرة اجبرتني اجي اسأل فورا

على كل بدي اسأل سؤالين صغنونين و برجع بس أمخمخ شوي و اذا ما شفتك كتير مزحوم برجع اسألك

1) بالنسبة لسيريان غاي ما هو تعريف الآخر؟
باعتبار انت قلت "سيريان غاي" فأنت قصدك من الناحية المثلية .. الآخر بالنسبة الي انا كـ مثلي هو شخص لازم عطول اسايرو .. حتى لو كان ضدي بكل شي لازم اسايرو واعاملو باحترام .. لأن ما بدي اعداء .. اذا عاملت الاغلبية بعداء مارح لاقي حدا يصف جنبي .. بس لـ درجة معينة .. اذا شفت هالشخص ما عم يتجاوب او مو ناوي يتجاوب فـ بقلب لـ عنيف بتصرفاتي معو .. بكرهو أنياً .. بس تخلص الحالة برجع معو كأني مافي شي .. وهيك تواليك :lol:
كمان الآخر هو شخص انتهازي باغلب الاحيان .. شخص بلا مشاعر .. تختلف المشاعر بين الذكور والاناث .. الاناث بمشاعر اكتر وارق .. و الآخر بينظرلك شخص فاضي اذا ما افدتو بشكل مباشر ..
الاخر شي كتير سيء بالنسبة الي للاسف .. يمكن من ظروف يللي تعرضتلا .. الظروف ما حدا بيعرفا كتير .. وما بقدر قول عنا ..
بحاول بحياتي ما اعتمد ع الاخرين لو شو ما كانوا .. غير لما ما اقدر اعمل الشي بنفسي هداك الوقت بلجأ للاخرين بس بكل الاحوال ما بيفيدوني كتير ..


2) كونك بشكل ما تشكل نوع من أنواع "الآخر الاجتماعي" للأغلبية الساحقة من المجتمع اللي عايش فيه, هالأمر خلاك تكون أكثر انفتاحا نحو المختلف عنك؟
أكيد .. بنظر للجميع نفس الشي .. بنظر للاخر الساحق نظرة متشابهة .. بلاهون ما بقدر عيش .. و هني يلي عم يخلوا البشرية تستمر ..
يعني ما فيني ما كون منفتح معون .. لو ما انفتحت ع الاخر رح كون متل السجين تماماً .. بس انا سجني وسيع ..



الله يسعدك و يقويّك
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
يا هلا :)

قرررررررررررررد
شو هالموضوع من زمان هونة؟

بكل الاحوال انا حابب اسال عن فحوى هالموضوع ومابعرف اذا راح تبحشو ولا ماراح تبحشو؟////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

تعرف يا رفيق انا شوبدي ابحش ;)

قال ما بيعرف المقلاية:lol:

هلق شوف شلون رح يحرقوه لابو الريم

والله يارفيقي اول مرة بفوت

sweetbaby


راميااااااااااااااااااااا ااااااااااااااااااااااااا ااااااااااااااااااااااه
مية هلاااااااااااااااااااااا
فيكي رتروت ..
زتوني :cry:
انو اجباري هدول تاخدووون
بس وحياة الرب هالمرة راجعة راجعة....
لوين راجعة :shock:

استلم عموو
يالله

عمرك؟ 20
مهنتك؟ طالب اقتصاد كسلان
حالتك الاجتماعية؟ اكيد اعزب :lol:
بتدخن؟ لاء
ازا اي من ايمت؟ قلنا لاء
اي يلا كم سيجارة بتدخن بالنهار؟؟؟ لك مو قلتلك لاء ما بدخن :sly:
شو نوع الدخان اللي بتدخنه؟ خلص بقا بلا جلاقة
بتشرب؟ نادراً
ازا اي من ايمت من عمري 10 سنين :lol:
واديش؟ كم شفة بس .. واذا كترت بيكون نص كاسة :oops:
وشو اكتر نوع بتحبه فودكا و ويسكي
انت ليش هيك؟؟؟ ما عاجبك ؟
شو اكتر غنية بتحبا؟؟ وليش؟؟؟ كتاااار .. مانون محدودين .. فما بقدر عددون كللون .. أما ليش فكل وحدة الها سبب بيذكرني بشي معين
مين مطربك المفضل؟؟ ماعندي مفضل .. بختار انا الغنية وبفضلها لو مين ما كان المطرب يكون ما بيهمني
.شو المواضيع اللي تقراها بالمنتدى المواضيع الاجتماعية يللي بالمنبر اكتر شي و مواضيع الصالون والنقاشات ومواضيع الكومبيوتر والبريد و شوي السقيفة
شو الصفات اللي بتكرهها بالانسان شوفة الحال - التطنيش - الاستغلال
والصفات اللي بتحبها الانسان الحرك - العفوي - الانساني
شو حكمتك بالحياة كل الحكم يللي بيكتبوها ع اللوح الانتيكا بالمدارس
شو هيي صفات امراة احلامك :o اوف اوف .. هالمرة ريتا شغلة النسخ واللصق لنفس الاسئلة ما مشيت معي :gem:
اذا ربحت مليون دولار, شو بتعمل فيها؟؟ جد جد بصرفها بيوما .. بجخجخ زيادة يعني :larg:
انت سعيد بحياتك وليش لاء .. لأن روتينية وحاسس انو ختيرت (صرت ختيار) :cry:
اذا لاء كمان ليش؟ قلنا لاء قبل :pos:
اذا فشلت بتحقيق حلمك شو رح تكون ردت فعلك؟ ببساطة بدور ع حلم تاني
وشو هي اكتر مادة بتكرها و كمان ليش؟ إدارة المواد والمخزون .. لأن بحسها مادة فاشلة بكل معنى الكلمة
هل بتامن بالابراج ؟ و علل جوابك ما بأمن ابدا بالابراج .. اختراعات من عند الانسان .. هي صدفة .. يعني يلي بيحطوا الابراج بيضلوا يوزعوا صفات واحداث اعتيادية ع الابراج .. صفات واحداث مختلفة .. إلا تزبط بالصدفة مع اي حدا . بيقوم بيصدّق بالابراج
هل بتامن بالقدر؟ علل جوابك اي بأمن .. لان في كتير شغلات بتصير بيكون ما الها سبب ولا عامل وراءها
هل بتامن بالسحر و المشعوذين؟ علل جوابك لاء .. ما بعرف ليش بس بحسون سلبات عالعالم .. وكمان لأن اغلب المشعوذين ماديين بتعاملون مع العالم .. بيتفسر هالشي أنو السحر والشعوذة من اختراعون لأجل المال
عرفلي البيروقراطية والديكتاتورية هني شي موجود ببلدي .. أي حدا سوري بيعرف شو هو تعريفون ..
شو اكتر شي بيعصبك؟ الاستفزاز
شو اكتر شي بيفرحك؟ النجاح
شو رايك بقضية الشرق الاوسط؟ ما مليتي منا ؟ قضية بايخة وكل واحد بيتابعها بيوجعو راسو
شلون تعرفت على أخوية ..؟ من غوغل
شو هدفك بالحياة ...؟ توعية مجتمعي بأمور كتيرة ومن ضمنها المثلية
مين أكتر أعضاء بتقارلون بالأخوية .. شو يعني تقارلون :?
كم اخ و اخت عندك؟ 15 اخ و 22 اخت
مين من اخواتك هوي المفضل عندك وليش؟ اختي رقم 13 لأن بتفهمني كتير
شو هوي فيلمك المفضل وليش؟ Brokeback Mountain , لأن بيتناول حياة 2 من المثليين ومعناتون مع نفسون قبل معاناتون مع مجتمعون .. قدم بأسلوب رائع ومميز
مين ممثلك المفضل وليش؟ Brad Pitt
شو امنيتك بالحياة؟ شبعرفني
شو ناوي تدرس؟ عم بدرس هللا انا :? بس ناوي كمل ماجستير
شو أكتر معادلة كيمياء حفظتها بحياتك؟ أدبي انا :pos:
شو أحلى قصيدة مرقت معك؟ شبعرفني
شو درس العلوم المفضل يلي حفظتو؟ الامعاء
شو حدود سوريا الجغرافية؟ تحد سوريا من الشمال تركيا ومن الغرب البحر المتوسط ولبنان وفلسطين ومن الجنوب الاردن ومن الشرق العراق
شو طبيعة لبسك : سبور -فنكي -رسمي ؟ سبور
شو اكتر موقف محرج صار معك؟ انلقطت أنا وواحد :oops:
بتعتبر حالك ن الناس ياللي بيحكو كتير؟ مرات ومرات .. حسب الموووود
شو اكتر اسم بتحب للشب وللبنت؟ رام :larg: و ريم :clap:
مين قضوتك بالحياة ؟ أمي :hart:
شو رأيك بالطفولة و الولاد ؟ بيجننوا .. قمة البراءة .. بتمنى كل البشر بالدنيا بيضلوا أطفال
مين أعز شخص على قلبك و ليش ؟ شخص ما .. لـ سبب ما ..
إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟ اول شي متل ما قلتلك ما زبطت شغلة النسخ واللصق معي .. لأن انو "حبيبة القلب" :lol:
بس بكل الاحوال بساعد هالشخص يلي من عيلتي
شو أحلا أيام حياتك؟ لسى ما اجوا
شو الحياه بالنسبه إليك؟ حسن معاملة
شو بنظرك بياثر اكتر دموع الفرح أم بسمة الفرح؟ أكيد الدموع ولو ما بدها تنين يحكوا فيا
شوالشي الذي تتمنى أن يرجع؟ ما بتمنى شي يرجع .. يللي راح يروح الله معو
موقف صار لك ولا تقدر تنساه؟ موقف ما بينقال .. أنتي بتعرفيه :cry:
شو أفضل لديك بمراحل النمو هل هو الطفوله ام المراهقه ام الشباب أم الشيب؟ الطفولة
زيت المقلاية عم يحرقك شي؟ اذا قلتيلي نوع الزيت كنت جاوبتك ..


ازا اضطريت انو تختار بين تتين من رفقاتك شو بتعمل
بختار واحد منون :o.. صعبة كتير مو :p




الاجوبة لازم تكون مختصرة بمالايقل عن ست اسطر:lol:
كيف زبطت معك هاي .. مثلا قديش عمري كيف بدي اكتبلك ياها 6 اسطر :sly:




وبالتوفيق:D:lol:
يا هلا رتروت :D

Reemi

رامي :
تبعاً لسؤال ياس ... هل من الممكن ولو للحظه من اللحظات انك تحس بشوية عتب ... ع " الله" لانو وجدك بمجتمع مختلف عنك باغلبيتو ..و وضعك بمواقف قد تسبب الاحراج احيانا او تعرضك لتهجم ... بشي انت ما الك ذنب فيه ...؟!؟
أي بحس بـ عتب ع الله .. انو خلقني مختلف و زتني بمجتمع متخلف
بس كمان مابعتب عليه كتير .. لأن عطاني ميزات احسن من غيري
إذا عتبت عليه كتير .. شو بدو يقول الفقير يللي ما معو شهادة نتيجة ظروف عائلية وعايش ببلد مافيا شغل ؟

:D

ههه يلا بلا ما نلبكك هلق مالك فاضي بس يلا في إلنا مواجهة تانية مع انو فارق السكور ما كان كبير كتير

لزلك من هلق لوقتا مسيك تسلا خليني أستغل انشغالك بالمقلاية وإتحداك وخسرك شوي هههه



هات لنشوف عطيني رأيك بالتالي :
-----------------
الإنسان

الله
-------------------
الدين

الطائفية

الإلحاد

العلمانية
---------------------------
السياسة

امريكا

سوريا

العراق

الجولان

--------------

مين اقرب واحد الك هون

مين ابعد واحد

معك 5 وردات لمين بتهديهون

وخمس شوكات لمين

معك 200 الف دولار لمين بتعطيهون

شو سيارتك

وكم حادث سويت

شو اول سيارة كانت عندك

-------------------


كلمتين منك لاخوية

شو عطتك اخوية

شو اخدت منك ( غير الوقت )

-------------
تكنولوجيا:
_________
شو نوع موبايلك

شو اخر رقم بموبايلك

كمبيوترك مواصفاتو عالماشي

شو سرعة النت عندك

--------------
عالماشي
__________
شو نظريتك بالحياة

شو بتعنيلك الحياة

قديش معك بالبنك

مممم

بس بيكفوكي هدول راجعلك

رجعت

مقارناتتت.
‏
شاي أخضر ولا أحمر‏

قهوة ولا نسكافه

ميلو ولا كاكاو

عرق ولافودكا

نبيد مز ولا حلو

فوكس ولا هنكن

ريد لابل ولابلاك لابل

ويسكي ولا كونياك

وينستون ولا لوكي

مرسيدس ولا بي ام

لوس انجلس ولا لاس فيغاس

ماي سبيس ولا هاي فايف

دودج ولا فورد

انا ولا هوي

لاب توب ولا كمبيوتر مكتب

نوكيا ولا سوني اركسون

كيا ولا سابا !



انا مساويلك شي؟
انت بتكرهني شي؟
ليش آخر مرة تخانقنا؟
‏
شو بتقرأ أكتر شي بأخوية

كلمتين منك إلي

صحي شو التفسير العلمي للشمس انو تطلع من الغرب
‏
وإزا طلع في جنةونار
وقالولك لازم تاخد معك7 من أخوية ازا عالنار مين رح تاخد وازا عالجنة مين رح تاخد
مين بتاخد
‏
شو تعريف الروح؟
‏
إزا صرلك شي وماعاد تفوت ع أخوية بعيد الشر يعني شو بتوصينا
‏
شوتعريف الحشيش
وكيف يتم تمييز النظامي عن المروكب

إزا شي يوم ندق باب بيتك وقلت مين ونقال انا ابوجوزيف شو بتكون ردة فعلك

رامي شو رأيك بـ مدينتنا هلق .. و قبل عشرين سنة ..؟

شو أحلا شي فيها .. و شو اسوء شي فيها

GOVERMENT


هي سؤال خفيف نضيف صغيرون حلو ومزيون ع البيعة لسه ..
جاوبلنا عليه بمعيتك

Gazita غازو بنت كتير حبابة .. قلبها طيبة .. مو حقودة .. ما عندا تفرقة لادينية ولا شخصية .. الشغلات يللي بتأمن وتقتنع فيون هي وحالها ما بتفرضون ع غيرا ..

Reemi ريم ولك هاي رمروم .. كتير قريبة مني .. بحسها أمي :cry: متل ما هي تحسني ابنها :lol: .. ريم كتير قلبها طيب .. من الاشخاص يللي وقفوا صوبي بعنف .. ما بنسالها هالشي .. ما بقدر قولها غير "بحبك كتييييير :hart:" .. بس عندا شغلة أنو عطول مشغولة :pos:

marioma alghzayala ما بعرفا كتير .. ما صار بيننا كونتاكت ابداً .. غير مرة دقيت لريم ع التلفون وطلعتلي هي وسلمنا ع بعض بس كانت مسافرة ع حومص وما صحلي شوفا .. بس يعني بشكل عام حبابة

hanny dagher هاني كتير حباب .. طلبت منو مرة خدمة وما أصّر والله .. كمان وقف معي كتير من اول يوم فتت بأخوية .. ولهلا ناوي الاخ يحط الصورة الرمزية تبعي بصورتو الرمزية .. الصورة يللي كتير عالم كانوا ضدها لأسباب تافهة ومتعجرفة ..
شو كمان يا هاني شو كمان .. أنو هاني من الاشخاص الكتير نضاف بعقلون بأخوية وبس

Willi ما بعرفوا كتير ولا مرة حكينا .. لا رد ع مشاركاتي ولا رديت ع مشاركاتو .. مو أنو شي بس هيك يعني ما صار ولا شي بيننا .. بس يعني بشكل عام معو أنا بقصة أنو "ينعل أبو التخلف" :lol: .. بس من فترة كتير صغيرة حكا حكي بحق ريم .. يعني لو قديش ما كان مزعوج منها بس طريقتو بالطرح غلط وفيا تهجم كبير ع شخص ريم

layla ما بعرف عنا شي ابدا .. غير انو مرة تذكرتني لما كان راحت ع سان فرانسيسكو "عاصمة المثليين" :lol: .. وبعدين بيكفي أنها أخت ريتا :larg:

sezar هالشب بحسو يكرهني ما بعرف ليش :sick: .. مع أنو ولا مرة حاكي معو شي ولا مرة دقرتو .. بس بكل الاحوال ما بعرف عنو شي أبداً

sweetbaby ريتااااااااااه .. حبيبة قلبي هاي .. لو شو ما عملت فيني هالبنت هاي ما بزعل منا .. لو ما كنت مثلي جنسياً كان تجوزتا :p .. بصراحة يعني .. وهي أكيد بتقبل فيني وما بتزعلني :sosweet: .. أنا لقطة لأن :gem: .. بنسهر كتير مرات ع المسنجر .. فيا شي يشد ع طول لأنو الواحد يحكي معا .. ببساطة أنها ريتا .. بس عندا شغلة مو منيحة أنو كتير تقع عاطفياً

الحاج متولي رغم اختلاف الاراء .. ورغم عدم اقتناعو ابداً بالنقاشات يللي كانوا يصيروا بيناتنا .. ورغم تهجمو اكتر من مرة علي :lol: .. بس أنو الزلمة حباب ماشي حالو ..

maged-syrian أول ما فتت ع الأخوية ماجد كتير غلط بحقي .. ونزّل موضوع بالبريد يطالب بحذف عضويتي .. بس بعد ما اخدنا وعطينا بالحكي .. الزلمة فهمني وفهم شو يعني مثلي وغير شوي الصورة الاخدها من المجتمع السعودي .. وصرنا انا وهو صحبة وهو زلمة كتير واعي ونشيط وبيعرف 600 لغة ولهجة :lol: .. بس عندو شغلة مو منيحة أنو هو متسرع كتير وردة فعلو بتكون قبل تحليلو

butterfly اخخخ مرسيل .. مرسيل يا سيدي هي انسانة مثقفة وانسانية ع شغلات كتير وعندا كتير أراء بتقولون بحسها قاعدة بمخي .. ومزوحة عكس شخصيتا بأخوية ..
بس .. من فترة قيمت الدنيا ع راسي لمّا استشرتا بشغلة .. ما كنت ابداً متوقع منها هالشي .. بيوما كتير زعجتني ولهلا انا مزعوج من أثارها .. ترجيتا لـ ما تقيم الدنيا فوق راسي بس هي مصرّة و ما همها انو تزعج شخص بيحبها و تكسرلو خاطرو وتخلي انفاسو تضيق .. بصراحة هيك حسستني مرسيل .. وبعد ما حللت تصرفها طلع أنو استعملتني أنا لـ غايات بنفسها .. ومو هاممها لا شعوري ولا بطيخ وبمعنى انو طز فيني المهم أنا حقق غاياتي ..
كنت حب ميمو كتير .. بس هللا عادي صرت كتير .. بعرف ما رح يهمها انو حبها وللا لا
كمان نسيت قول انو مرسيل كتييييييير حشورة

وشم الجمال مابعرفا كتير .. بس يعني حبابة البنت وما أذت حدا أبداً .. وكان من فترة قررت تترك بس أنا جد زعلت ع قرارا .. لأن ما شفت سبب مقنع لتترك ..
كمان الله يعيننا من اسئلتا :cry:

Syrian__Angel ما كتير اخدنا وعطينا .. طيوبة واهم الشي انها عادلة كتير .. ما عندا تحيزات ابداً ..
من فترة منيحة طلبت مني شي .. انا ما كتير خرط مشطي وكنت ضد حكيا .. بس حسيتا انزعجت شوي .. بشان خاطرها وبما انو ما بحب زعل حدا .. فـ اعتزرت منها ع رفضي طلبها وتجاوبت معا

أبو شريك ما بعرفو كفاية .. كم مرة تهجم علي وبعدين اعتزر .. وكبر بعيني من وقتا ..

Hashtnasht ما بعرفو ابداً .. بس بعرف انو محشش كبير :lol:

ASH دخل ع الاخوية بقوة .. تفاعل بشكل رهيب مع كل الاعضاء وكسب صحبات كتيرة بفترة شهر بلسانو الخرافي :lol: .. بس شوي شايف حالو ولو خفف هالطبع بيكون كتير منيح .. وكمان لو يخفف الصحبة الكتيرة لأن الصحبة الكتيرة مو منيحة وما بتعود تلحّق مين رح تراضي ومين رح تواسي :p .. وكمان شغلة بـ عابد كتير بتزعجني شخصياً أنو مانو إنساني بالقضايا الإنسانية وبيحب العنف :frown:

ٍٍٍSyrian Gay مين هالاجدب هاد يللي مسمي حالو هالاسم :o

Fares ما بعرفو ابداً

Geeny ما بعرفا .. بس أول فوتتي ع الاخوية وقفت جنبي مع انها نادراً بتكتب وقريتلها مشاركات قديمة مع قضيتي إنسانياً

yass ياسين عملاق أخوية .. بعزو كتيييير .. رغم انو ما صار بيننا كتير حكي .. بس هو انسان مثقف كتير كتير كتير .. اراءو بتعجبني كتير .. نشيط بشكل لا يصدق .. أنساني لأبعد الحدود .. بيدافع عن يللي بيأمن فيه بشكل غير عادي .. بحبو من كل قلبي رغم كل الجمود بيني وبينو ..
ببساطة هو الشخص الـ غير عادي

كهربجي ما بعرفو كتير .. بس الزلمة مسالم كتير ومثقف وبتمنى يرجّع اسمو لـ "كهرجي مثقف" .. وقف جنبي وحكا علي حكي حلو .. بقوللو يسلمو . . اهم صفة مشتركة بيناتنا انو نحن الاتنين مو اجتماعيين .. بس هو بالمرة ولو :shock:

راديا ما بعرفا كتير .. بس كمان وقفت معي كتير .. حبابة وطايشة

SABE سعيد .. حباب كتييير .. مسالم كتير .. كتير مرتب ومربّى (مشمش) .. فات مرة ع موضوع عن المثليين حكا حكي كتير حلو عن نظرتو بإتجاه المثليين .. الكل بيحبو من طيبة قلبو .. واهم الشي بيحب الروك متلي :larg:

HUS شو بدي أحكي ع الحكيم حسام .. بيكفي أنو صاحب هالموقع العظيم يللي قدر يضمني .. الله يرجعلنا ياه بالسلامة

Barleb بارليبو .. حباب كتير وقلبو طيب .. هالشي ما بيبن بالاخوية .. ألو معزة عندي كبيرة لسبب ما .. بس عندو مشكلة انو ما كل حدا بيفهم قصدو وبينزعجوا منو لأن ما بيفهموا أنو عم يمزح الزلمة .. عندو مشكلة بالتعبير عن رأيو .. بس أراءو بتعجبني كتير ..

باشق مجروح بشوق إنساني كتير .. بيتعاطى مع العالم بلطف وذوق .. بيحترمني كتير وطبعاً ببادلو هالشي .. ما الي عليه أي شي غلط بس أنو شوي منحاز لـ طائفتو زيادة ..

the light ما بعرفو منيح .. بس من حكي الشباب فهيم وأنو ما بيضحك بالصور بنوب :?

سرسورة شخصية بحسا كتير غامضة .. هي مثقفة وقياسها للامور تكون بـ وعي وبالاضافة لأنو قنوعة .. هيك بحسا انا .. إن كان من شي أنا لمستو أو من حكي يللي حوالي .. لما قعدت معا حسيت حالي أني كتير مولدن من كتر منا راكزة .. لهيك صعب أني اقعد معا كمان :p لأن ساعتا رح أتدمر من صغر عقلي :sick:

محمد ابراهيم بفضل ما احكي عنو شي .. بس شخص استفزازي درجة أولى :pos: .. بفضّل ما قابل هيك شخصية مستقبلاً ..

GOVERMENT حسووون .. هالمرة هالشب كتير كتير كتير كتير كتير كتير (X 10 ) قلبو طيب .. لدرجة انو بحسو مانو بهل الدنيا .. بحبو شخصياً كتير (بس لا يروح بالكون لبعيد :p) هو بقلبي عطول ومستحيل ازعل منو .. بس لازمو شوي قراءة لأن ابداً ما بيعرف شو يعني كلمة كتاب :?

صياد الطيور ما بعرفو منيح .. ماشي حالو .. بس قريتو رد قديم قبل ما فوت انا ع الاخوية وكان عم يتهجم ع المثليين بطريقة كتير كتير بتزعج .. وبعرف عنو أنو هو مو أخو ريم :lol:

اسير التشرد هالزلمة هاد بيكرهني لدرجة لا تصدق .. كتير بتجاهلني لدرجة بتنرفز .. عامل مشاكل كتيرة مع عالم من قبل لمجرد اختلاف افكار .. هالشي كتير كتير غلط

phoenixbird طارق الاجتماعي المعجوق .. بالاضافة للغريب .. مثقف بمجال معين .. طيوب كتير بس بنفس الوقت زكي .. دائماً عندو مشاريع بتعتبر ناجحة بس طريقتو بتطبيقا غلط .. وعندو مشكلة انو ما بيقتنع بأفكار غيرو .. بس بتركب بمخو فكرة ما بيشيلها من بالو لو شو ما صار حتى لو عطيتو 600 برهان ..

the morrning شوش حسب ما بيقولوا .. وحسب ما بيقول الكل انو طيبة كتير .. ما بعرفا منيح .. بس بتعتبر ثروة وما لازم نستغني عن هالثروة .. ما الي شي عليها البنت والها كل الاحترام



وبنكمل البقية في الحلقة القادمة .. لأن :sick:
COSTA
handsome
abosleman
LiOnHeArT (سابقا)
betty_palestine
yamen_h
BL@CK
MadMax
وائل76
مسطول ع طول
شامي من طوكيو
أمرأة من ورق
Roaa
مايا*
لبندا
fofo besset syria
Abu Guzef
الموسيقار,
فاوست
ظل جيفارا
ملاك السعودية
محمد السعودي
التقرير الجوال
secular سابقا
Nirvana
Raw
طفوله
Marwa
يمان
was616im
وماتيا
Sandra
cuty

1. لو حطيناك مع محمد ابراهيم بغرفة وحدة و سكرنا الباب عليكون شو بتعمل ؟؟
2. شئد وزن اللاب توب تبعك ؟
3. عم تعمل رياضة كلّ يوم ولا لأ ؟
4. اشتريت لاب توب جديد و لا لأ ؟
5. ليه لمّا الواحد بدئلك ما بتردّ؟ يعني و الله فهمنا إنّو مشترك بخدمة عالرنة بغنيلك!


:melody:

®

وبنكمل البقية في الحلقة القادمة

يسقط رامي :pos:

1. لو حطيناك مع محمد ابراهيم بغرفة وحدة و سكرنا الباب عليكون شو بتعمل ؟؟


سؤال بيطرح نفسو وبشدة

GOVERMENT

تتمة ..

COSTA نبيل مثقف كتير .. كمان من الاشخاص يللي وقفو معي بشدة .. كتير مرات كان يجاوب عني ويحمل الحمل .. بحترمو كتير .. ومن كم يوم شفتو شخصي وقعدنا .. بس تقطع قلبي عليه لأن كتير نحيف يا حرام :cry: .. وكان مستجيب من الناحية الإشرافية ألي وخدمني عدة مرات بحذف شغلات مسيئة لشخصي .. بس نصيحة من أخ كتير صغير عليك يا رب تتقبلها رغم فرق العمر الكبير .. خفف شوي عدائية حتى ولو كانوا الاشخاص ضدك ..

handsome وسومة .. بيفوت ع القلب بسرعة .. كتير مرتب وبضحك كتير ع مشاركاتو وبحب مخو و مربّى (فريز هالمرة) كتير هالشب .. هو واخوه سعيد مربايين كتير .. الله يعطي لأهلون عافية ع الترباية المنيحة والله يخليون لأهلون ع الطيبة (حاسس حالي زلمة كبير بالعمر عم يتحسّر ع ولادو وبقارنون بأولاد العالم) .. وسيم كتير بعزو لأسباب بجهلها انا شخصياً .. بس يمكن لأن متل ما قلت بيفوت بالقلب بسرعة ..

abosleman ما بعرفو ابداً .. مرة سلمنا ع بعض لما كنا بـ conversation مع عالم تانية وبس ..

LiOnHeArT (سابقا) اول فوتتو كنت كتير بحبو .. مهضوم وحبوب .. بس بعدين وبعد ما طالعتو غلطان بشغلة يللي هي تبع انو لطش خاطرة مو الو وحطا انو هي الو ولما قلتلو فاااار وانزعج .. و ع شي فاضي .. يعني وين المشكلة اذا قلتلك غلطك ؟ صايرين العالم ما بيلقوا شي من بعض :pos:

betty_palestine مشاغبة كتير .. غلطت بحق ياسين كتير .. ما معا حق ابداً .. بس هللا ممكن كان نمرقها بس انو ما اعتذرت ولا اعترفت بغلطها .. يمكن بحكم عمرا ما تقبلت الامور .. بس بيتي من قبل كنا عادي وإلا فجأة مرة عطيت رأيي بقضية دينية قام ما عجبا ردي وصار تكرهني :? .. طيب اختلاف الرأي ما بيعطي كره بظن .. ع كلن الله يوعيها ..

yamen_h يامن ما بعرفو كتير .. بس إشرافياً ما بيعجبني كتير .. ما الو لمسات بالاقسام يللي استلمها .. بحسو بعيد كتير عن الاخوية .. طيب لو بعيد خلي يتقاعد أزبطلو .. هللا ما رح اتدخل بالزلمة بس يعني مجرد حكي .. وكمان مرة سألتو سؤال ع الخاص ما رد علي ! ما عرفت ليش بصراحة
بس يعني الزلمة الي شخصياً وبعيد عن الإشراف ما عملي شي والو كل الاحترام

BL@CK عابد عبود عبودة عبيد عبابيدو ..بحبو كتير (لا يروح فكركون لبعيد :pos:) .. من الاشخاص القراب كتير علي وذكر ! .. يعني انا نادراً ليكون ذكر مقرب علي كتير .. بس عابد كان هالشخص .. ما بعرف ليش بس كتير برتاحلو .. يمكن لأن مالو نظرات هيك وهيك .. بريئين نظراتو .. لما بنقعد مع بعض ما بيحسسني أبداً بشي وما بيعاملي ع اني غاي .. وانا بحب هالنظافة بالتعامل .. ويللي هي نادرة ..
كمان عابد مبدع أدبياً .. بس حاد الطبع :p .. وهاي نقطة ضعف عندو .. بينفعل بسرعة .. وبيكفي لا ننفشلو راسو اكتر من هيك :lol:

MadMax سامر .. للصراحة ما صار حكي كتير بيني وبينو .. بس مع هيك بعزو كتير .. مهضوم وبيعاملني بلطف .. بعتقد إذا صار مشرف رح يكون ناجح كتير إشرافياً ..

وائل76 ما بعرفو أبداً والله

مسطول ع طول ما بعرفو كمان

شامي من طوكيو مين هاد :shock:

أمرأة من ورق سكرة .. مثقفة وراكزة كتيير .. ما كتير دردشنا م بعض .. بس مع هيك من دردشة وحدة حكيتلا كل شي :lol:.. يمكن لأن ارتحتلها وكمان لأن ما بتفصح عن كل شي عندا متلي .. دفاعا الاجتماعي عن القضايا يللي بتأمن فيا بيعجبوني وكتير كتير بتفق معا فيون .. كمان وقفت معي وحملت عبئ عني بدفاعا عن المثلية وكمان وقفت معي شخصياً ..

Roaa رؤى مهضومة كتير وبتشارك بتشارك وفجأة بتقطع بلا ولا سبب :? .. رسماتا كتير عجبوني وبتمنى تطور حالا اكتر واكتر وتطلع من التخلف العايشة فيه لتقدر تتميز بكل المجالات ..

مايا* ما بعرفا كتير بس بنت رايقة بتحب الرومانس بحس :p ..

لبندا مين لبندا هاي :shock: .. انا بعرف وحدة اسما ليندا و لبندا :? .. ع كلن إذا ليندا فـ كمان ما بعرفا منيح بس كمان بتشبه مايا* أنو رايقة وبتحب الرومانس ومثقفة .. واول ما فتت كان ع الاخوية كان خربط بينا وبين مايا :lol:.. بعدين قدرت أفرّق بينون .. ع كلن ليندا من الناس يللي بحب اتعرف عليون كتير ..

fofo besset syria فوفية .. صديقة ريم .. شو بدها تكون عجب .. بنت مضهومة وحبابة وطيوبة و و و .. بس مع هيك ما بعرفا كتير :p .. بتذكرني كتير :oops: .. وكتير وقفت معي وساندتني بمحناتي النفسية .. ما بنسالها ياهون ..

Abu Guzef علاء المزنوق .. علاء لفترة كنت بكرهو كتير :lol:.. بس بعدين دخل بقلبي .. هو قلبو طيب كتير .. يعني مانو لئيم .. بس بيخبص احياناً تخبيصات خرندعية .. تفكيرو الديني بيعجبني لأن مافي تفكير ديني أصلاً :lol: متلي يعني .. بس في شغلة مو منيحة بعلاء انو شوي مغرور .. لو قدر يتغلب ع هالشغلة بيصير مافي منو ابداً وبيصير قنبلة الموسم :p ..

الموسيقار حمودة .. مهضوم وزير النساء .. ما كتير حكينا مع بعض .. ما بعرف ليش .. رغم انو شفتو شخصياً بس كنا مع ناس تانيين وما صار شي نحكي فيه .. المهم الشب رايق ..

فاوست ما بعرف عنو شي .. بس طريقتو بالتعبير كتير هجومية .. هو معارض بس معارض غير مسالم .. ما عندو استراتيجية بالطرح .. ع كلن الشب افكارو بتفق وما بتفق معو فيا ..

ظل جيفارا ما صار بيناتنا حكي .. بس شب حباب ومحبوب .. مثقف بس بيدخل حالو بمواضيع مصدية شوي .. متل عصابات ومدري شو فـ ما بتتناسب مع ثقافتو ..

ملاك السعودية للصراحة قلبا طيب هالبنت .. رغم الهجوم يللي بيهجموه الاعضاء عليا منيح منها انها تحملت .. بحترما لأن بتدافع عن بلدها بشتى الوسائل .. بغض النظر عن بلدا شو هي بس هي وطنية ..

محمد السعودي هههه محمد هو اول شخص انا اعلق معو وازعجو بأرادتي .. محمد لما فات من اول 3 تيام نزّل 50 موضوع تقريباً :shock: .. فـ انا حسيت انو خربت الاخوية .. بالاضافة لأنو مواضيعو اغلبها بغير اقسامها ومكررة وملطوشة وحالة .. فـ انا قعدت حاول فهمو أنو كتير مواضيع مو منيح وبتضيع الطاسة .. بس ما عجبو اخونا الحكي وتهجم علي وع اهلي وحكي من تحت الزنار .. رجع واعتذر بس بعد شو .. ع كلن الله يسامح

التقرير الجوال ما بعرفو ابداً .. بس قريتلو كم مرة .. الشب منفتح ع الاخرين

secular سابقا حقود ديني .. ما بعرف ليش كل هالقد بيحمل الدين ع قلبو .. يا خيو ما عجبك دين تصطفل أنت ضل على دينك مو ضروري تنقض دين غيرك ..

Nirvana ما بعرفا كتير .. بس هي كاتبة ممتازة .. يمكن بحكم شغلها .. بس كتير بحترما ومالي شي عليها

Raw راغب .. غريب شوي هالشب .. كلامو شوي ملغّم :lol: .. بس هو حباب كتير ومزوق ومرتب كتييير .. ع العين أحلى أدلبي :lol:

طفوله اسما كتير حلو .. مرتبة البنت والها فنّات معينة بالكتابة .. ما حكينا انا وهي .. بس بشكل عام شخصية قوية ..

Marwa مروى بقا هاي كتير بحترما وبحبا .. بالرغم من أنها دينية كتير وانا ما بفضل هالنوع من العالم .. بس هي فهمانة دينها مزبوط ومانها معقدتو .. منفتحة كتير وانسانية وطيوبة .. اكتر من مرة طلبت ايدها لأتزوجها بس ما مشي الحال للأسف ..

يمان يمون مهضووووووووم كتير .. بيفرطي ضحك لما بحكي معو .. لجوج كتير ولو الواحد حكا معو 10 ساعات ما بيمل .. كنت بتمنى شوف حدا اسرع مني بالكتابة ع الكيبورد وطلع يمان اسرع مني :lol: ..
بشكل عام بحبو لـ يمان ..

was616im وسيم قلبو كتير طيب .. حومصي شو بدو يكون :p .. محبوب كتير وشكلو بيحب الدبكة كتير .. بس وسيم بينضحك عليه بسرعة و كمان بيأخد كتير دور التابع لشخص أخر .. يعني ما بيعملو شخصية مستقلة خاصة فيه .. بتمنى يستقل ما يتبع حدا ..

ماتيا ما بعرفا كتير .. بس يعني بنت مسالمة .. مرتبة ..

Sandra ما بعرفا ابداً

cuty هون حطنا الجمّال .. ايلا اقرب شخص علي بأخوية كلها .. بحبها كتير كتير كتير ومن كل قلبي .. أمينة سرّي .. بتعرف كل شي عني .. وبحكيلا كل مستجداتي النفسية والعاطفية والدراسية والعائلية .. كتير قريبة علي وبتفهمني ع الطاير .. مهضومة وبتضحكني كتير كمان :lol:.. ايلا الميموري يللي بخزن فيها حياتي لـ ما تتراكم ع قلبي .. بحبا :yahoo: مو بأيدي بحبا :sosweet: ايلااااااا بحبك :hart:





وخلصنا هيك بقا تعبتوني كتير هيك .. تضرب هيك مقلاية وساعة يللي قبل من ريم خانم انو اقبل المقلاية :cry::cry::cry:

علاء لفترة كنت بكرهو كتير

اي كلون هيك

بس بعدين دخل بقلبي .

بعدين بيصيرو هيك :p

اها خرندعية قلتلي :p

تفكيرو الديني بيعجبني لأن مافي تفكير ديني أصلاً متلي يعني .

هي خارقة

بعدين يا زلمة هلق انا مغرور شوي :?

يلا مسامح صيت غنا ;)

GOVERMENT

مين بتحب اكتر ؟ (بتجاوب وبتختار واحد بس وممنوع عدم الاجابة )

حومص ولا حلب ؟ كـ بلد حلب .. بس كـ شعب حومص :tomtom:
طرطوس ولا اللادقية ؟ اللاذقية
الدير ولا الرقة ؟ الرقة
الاتحاد ولا الكرامة ؟ الكرامة
سيزار ولا واسير التشرد ؟ سيزار
مايا ولا ليندا ؟ ليندا ومايا .. بس ليندا اكتر
اب سليمان ولا وائل 76 ؟ اب سليمان
فوفو ولا ريمي؟ الاتنين بس ريمي أكتر .. معقولة :king:
يمان ولا رؤى؟ الاتنين بصراحة بس لنخصص يمان
جاد ولا هاني؟ هاني :ohyeah:
ميمو ولا مورنينغ ؟ ميمو ومورنينغ .. بس بحكم المعرفة الشخصية فـ ميمو
محمد ابراهيم ولا مسطول ع طول ؟ مسطول ع طول
كهربجي ولا كوستا ؟ كوستا
سرسورة ولا نيرفانا ؟ سرسورة
الحكيم ولا كريم ؟ الحكيم
بلاك ولا برليب؟ الاتنين .. ليش جمعتون مع بعض :sly: .. بس عابد أكيد بيفهمني أكتر
انا ولا حسن ؟ تضرب منك الو :pos:
حسن ولا انا ؟ يضرب منو الك :pos:
ليلى ولا ريتا (سويت بيبي)؟ ريتا
غزلان ولا راديا ؟ غزلان
ياس ولا فاوست؟ ياس ولو
مريومة غزالية ولا يامن ؟ مريومة غزلاية
ظل جيفارا ولا مادماكس ؟ الاتنين بس مادماكس
اب جوزيف ولا اب وليم ؟ الاتنين :shock: .. بس اب جوزيف
كيوتي ولا ساندرا ؟ اكيد كيوتي بلا منازع :heart:
طفولة ولا مروى ؟ هو الاتنين .. بس مروى الها معزة كبيرة عندي
ماجد سيريا ولا سيريا غاي (رامي)؟ ماجد سيريا :lol:
ابوك ولا امك ؟ أمي
الشب الطنط ولا الشب اب عضل (كسير الاراكيل ) هالسؤال جديد حسوووون :o هادا الي معناتو:larg: .. يا سيدي لا هاد ولا هاد .. الشب العادي .. بيكون معضل شوي بس مو كسير اراكيل :? ..



بتحب الوحدة ولا الزحمة والناس ؟ الزحمة والناس
مين اذكى الحماصنة ولا الكراد ؟ اكيد الحماصنة
مين عقلو حيط اكتر الكراد ولا الحلبية ؟ اكيد الكراد :sick:




مين بتشجع من المنتخبات ؟
عالمية ؟ I T A L Y
عربية ؟ سوريا :?


من الاندية ؟ ما بتابع فوتبول انا غير كأس العالم :jakoush:
الاجنبية ؟ يمكن روما ماني متأكد :?
السورية ؟ ما بعرف يمكن الكرامة لأن حماصنة :?
العربية ؟ الاهلي والزمالك لأن كتير بسمع عنون :p




مين اكتر لاعب بتحبو (سوري او ماسوري مامشكلة) ؟ ديفيد بيكهام لأن حلو مو بشان شي :sosweet:
اكتر ممثل / ممثلةسوري ؟ تيم حسن :sosweet:وقصي خولي:sosweet: و سلمى المصري ووحدة نسيت اسما
اكتر مغني /مغنية سوري ؟ صباح فخري و أصالة




وحدة في الاخوية انت معجب فيا من زمان وماعبتقدر تقول ؟ ليندا :oops:
واحد بالاخوية معجب في من زمان ومستحي تقول ؟ هع هع



مين بتحب اكتر الشي من المشرفين او المشرفات وبتحسو قريب عليك كتير ؟
ريم وريتا



عضو/عضوة كنت ماتطيقو بس بعدين تبينلك انو كتير حباب وعكس اللي كان ؟
كتار .. يللي بتذكر (ابو جوزيف - مارو - ريتا - كهربجي - بلاك )

عضو/عضوة كنت مفكرو حباب ومنيح واكابر وطلع عكس المتوقع ؟
محمد ابراهيم


عضو تقاتلت معو ؟ اوف كتار كتير ..
عضوة تقاتلت معا ؟ ما تقاتلت مع عضوات أنا .. يمكن أم العز اخدنا عطينا


عضو ماهضمتو ؟ كريم94
عضوة ماهضمتا ؟ أم العز
خياريني نفس "ذا لايت" بس صدفة



بتحب المحشي مخبوص ولا مفلفل؟ مفلفل :eat:
بتحب البيبسي ولا الكوكاكولا ؟ كوكاكولا :mbc2:
مين من الاعضاء جاي عبالك تشوفن ؟ ريتا - ليندا - ياس - امرأة من ورق - كيوتي - حسون "اغلبون شايفون صور وهيك بس قصدي شوف بمعنى شوف"



بتحب البطاطا لحالا ولا مع كاتشب ؟ لحالا :eat:
اكتر كلمة بتحب تسمعا ؟ اشتقتلك


اكتر موقف ضايقك بالاخوية ؟ مابقدر قولو ..

Roaa رؤى مهضومة كتير وبتشارك بتشارك وفجأة بتقطع بلا ولا سبب ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ZXMvc21pbGllcy9pY29uX2NvbmZ1c2VkLmdpZg%3D%3D .. رسماتا كتير عجبوني وبتمنى تطور حالا اكتر واكتر وتطلع من التخلف العايشة فيه لتقدر تتميز بكل المجالات ..

يسلموو عالـ حكي الحلو .. بس انو بقطع لانو الوقت عندي صاير عم يتقاتل مع بعضو :( ..

هي اولا ..

ومشان الرسم سبق ونوهت :lol:.. انوو مجرد تسلايه لا اكتر .. لانو ما كتير بحب ارسم او يكون مجال

شغلي وحياتي فيما بعد ..

بس الي بالاحمر .. سطلني .. شو يعني ؟:?

بس الي بالاحمر .. سطلني .. شو يعني ؟:?
الــسعوديــه :larg:

الــسعوديــه :larg:
شوش انا عايشه بتخلف .. ماتقربي مني بخاف تنعدي :lol:

شوش انا عايشه بتخلف .. ماتقربي مني بخاف تنعدي :lol:
ما انت اصلا انعديتي من جاد :o ..
من وقتها بطلت قرب عليكي :larg: ..

هلأ مرحبا رامي مع امو كان بنيتي ما ادخل المقلاية لانو انزعجت من التعليقات على اسئلتي وغرضي بس سلي المقلي وخليه يعرف حالو اكتر ...ما علينا ما هان علي والله دخلك فيها وما أسألك

اول شي شو اسم كاتبكـ المفضل؟
بتحب الشعر ؟؟ لمين بتقرا؟؟
شو رأيك بالحب؟؟؟
شو رأيك بالسلام؟؟؟
عمرك حسيت بالظلم؟؟؟ وشو الموقف؟؟
شو طموحكـ في الحياة؟
شو بتعنيلك السياسة؟؟

بشو بتوصف علاقتك بالاخوية؟؟؟
هل بتعتبر الوضع بالبلدان العربية حاليا على شفا جرف هار؟؟؟
الاغتصاب ... شو الشعور اللي بتخلقو هاي الكلمة بأعماقك؟؟؟
هل تؤمن بالسلام بشكل عام؟
وشو حل القضية الفلسطينية برأيك؟؟؟
شو قمة الصدمة عندك؟؟؟
شو موقع رامي من الإعراب يعني انت وين وصلت ولوين بدك توصل ؟؟؟
شو الشي اللي ما فيك تستغني عنو؟؟؟أساسي بحياتك؟؟؟
جربت الخيانة؟؟؟ عمرو حدا خانك وعمرك خنت حدا ؟؟ وشو تعريف الخيانة بالنسبة الك؟
شو لونك المفضل ... غنيتك المفضلة؟؟؟
بلد نفسك تزورها؟؟
حدا باخوية نفسك تقلو شي معين...
مين العضو يللي اعجبك كتير تفكيرو ونقاشو
اكتر عضو حبيتو
شو بيعنيلك الشهيد؟؟؟
لما تشوف الوضع والحصار بغزة شو بتقول بنفسك؟
فلسطين احكيلي عنها بسطر.
يحيى عياش ... شو بيعنيلك؟؟؟
شو رأيك بنزار قباني... مظفر النواب... محمود درويش... فدوى طوقان...
بتقرا شعر جاهلي....
ازا حبيت وحبيبتك كانت بتحب صديقك شو رح تكون ردة فعلك لما تصارحها وتكتشف هالشي؟
شو أبشع منظر شفتو بالانتفاضة ... يعني اسرائيلي ...
شو أبعد شي ممكن يوصلو خيالك؟
بتحب القهوة؟؟؟
عمرك كتبت شي خاطرة ادبية؟
بتحب الادب؟
شو نقطة ضعفك؟
شو نقطة قوتك؟
كلمة بتوجهها لكريم

شو رأيك بهالعبارات... عقب عليها يعني....

1-ايها المارون بين الكلمات العابرة
كالغبار المر مروا اينما شئتم ولكن
لا تمروا بيننا كالحشرات الطائرة
خلنا في ارضنا ما نعمل
و لنا قمح نربيه و نسقيه ندى اجسادنا
:و لنا ما ليس يرضيكم هنا
حجر.. او خجل
فخذوا الماضي،اذا شئتم الىسوق التحف
و اعيدوا الهيكل العظمي للهدهد، ان شئتم
على صحن خزف
لناما ليس يرضيكم ،لنا المستقبل ولنا في ارضنا ما نعمل

2-من أقاصي اليأس يولد دائما منتهى الأمل.

3-أما اسرائيل فلم تعد بحاجة إلى الإعلان عن شئ يخص حدود اعتباراتها الأمنية من> تطوعت الأدوات العربية لخوض حربها مع الفلسطينيين ... ومن> تزايد عدد حراسها العرب...

4-لبرميل النفط سعر يعلو ويهبط ... ولكن لا سعر لبرميل الدم لا في السوق السوداء ولا في السوق البيضاء.

5-جزء كبير من الرحيل هو في حقيقته تحدي الأنا للعالم الخارجي. العالم عتيق كالصخور ومتبدل كالبحر .والأنا ترغب في الوصول الى الاماكن البعيدة سالمة وفي الوقت المحدد

ويللا كما جولة مع الاغاني
لمين بتهدي هالاغاني

خدني معك
بعدك على بالي
ضمني على صدرك
سلامتك من الاه
انا بعشقك
الأماكن
مستني مني ايه
الحب والوفاء
أناديكم
كن صديقي
أين ستهربون
اغضب
نصيحة بتوجهها للتالية اسماؤهم

بلاك
بترفلاي
هاني
بريف هارت
سيريان غاي
جاد
محمد ابراهيم
طارق
ذا لايت

بارليب
ياس
امرأة من ورق
حكومة_غوفرمنت_
سويت بيبي
ريمي
ووشوم

اكتر كلمة بتحب تحكيها
اكتر كلمة بتحتاج تسمعها
اكتر كلمة بتكرهها
اكتر كلمة بتنرفزك
اكتر كلمة بتحسها سامية
شو بتعنيلك كلمة ندل
بتعرف ترقص
بتحب الفلفل الحار
شو بتكره تاكل
شو مشروبك المفضل
شو اكتر منظر بتحبو؟

عمرك حسيت بانو الدنيا ضيقة وحابب تغادرها؟متى وليش؟

الغروب والشروق شو وفعهم على نفسك؟

الحب الو معاني كتير ارقاها حب الام...كلمة بتوجهها لامك...ولابوك...

تخيل انو هاي اخر لحظة بحياتك...بعيد الشر عنك...شو رح تحس حسب توقعك؟؟

شو وصيتك بالحياة؟؟؟

كلمة بتوجهها للحكام مع حصار غزة

التجديد باخوية هل انت ضد الو؟؟وهل انت ما بتؤمن بالجدد يللي باخوية؟؟؟
اذا النت ما عادلو وجود بالحياة شو معناه بالنسبة الك؟
مين اهم النت والا الكتب؟؟

شو يتشعر لما تسمعها...

الأطلال
أغدا ألقاك
سيرة الحب
قارئة الفنجان
رسالة من تحت الماء
زي الهوى
أحن
تحية طيبة يا والدي الطيب
كان في طفل صغير عم يلعب بالحارة
انا وليلى
فوق النخل
كلمات
يا رايح صوب بلادي
وطني(سامي كلارك)
عصفور طل من الشباك
عندك هالقضايا يللي خطرت ببالي ....اعطيني شي حل ممكن يخطر ببالك الها وكلمة موجهة الها كمان واذا هي ظاهرة شو رايك فيها

التســـول

الاغتصاب

الإرهاب

غلاء الاسعار

الإدمان عالمخدرات

التعارف عن طريق النت

الحب عن طريق النت

الهجرة

اللجوء

الواسطة

الانتحار

المتاجرة باعضاء الانسان

الفن الهابط

ما انت اصلا انعديتي من جاد :o ..
من وقتها بطلت قرب عليكي :larg: ..
بشرفني اني انعديت من جاد \\ سمايلي عم ينط \\ ..

بس الي بالاحمر .. سطلني .. شو يعني ؟:?
مبين شو هو التخلف العايشة فيه ..
متل ما قالت شوش السعودية ..
ما بعتقد بالسعودية بتقدر تتحركي .. لو فرضنا قدرتي تتخصي بالرسم .. يا ترى عندكون مجال لهل الشي وخاصة انك بنت ..
اخدت الرسم كـ مثال لأحكي ..
:D

برضو بدي رأيك بهالشخصيات
جورج بوش الابن
الخميني
فلاديمير بوتن
القذافي
كونداليزارايس
شارون
هتلر
السلطلان عبدالحميد الثاني
بلفور
عمر المختار
جيفارا
فارس عودة
عزمي بشارة
رفيق الحريري
جمال عبد الناصر
انور السادات
حسن نصر الله
وبهالحركتين كمان بدي رايك
حركة أمل
حزب الله

غادة السمان...
حنا مينا
واسيني الاعرج
ميخائيل نعيمة
جبران خليل جبران
المنفلوطي
احلام مستغانمي
باولو كويلهو

شو رأيك فيهم وشو انتقاداتك الهم...بتحبهم ..يا اخي احكيلي عنهم
واسفة على الغلبة////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////واذا مو حابب ترد ولا على اي سؤال عادي وما بزعل

وثانكيو على رايك فيني وهيني رجعت وقارفاكم باخوية مشان ما تزعل:D

أول شي تحية كبيرة للي قاعد بالمقلاية لأنو كتير بكنلو كل الاحترام
رامي لأنو غير نظرة مجتمع أخوية لقضيته وبيستاهل التحية والتصفيق
أهلين باشق .. وشكراً كتير ألك :)

المهم وبلا طول سيرة بدك تستحمل غلازتنا وتجاوب على هالكم سؤال: ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


1- أسئلة عامة:

* مدينتك؟ :ohyeah:
* دراستك؟ اقتصاد
* انت من عشاق سوريا وهالشي واضح عليك ..كيف بتتمنى تشوف بلدك؟ متطورة اجتماعياً واقتصادياً كتير .. تكون سوريا قدوة يقتدي بها الجميع
* شو بتعتبر حالك قدمت للمثليين بسوريا؟ مابعتقد قدمت شي لسى .. بس بعتقد غيرت نظرة عالم كتيرة بالنسبة للمثليين .. و هادا شي كتير منيح
* وين بتحب تكون بأي بلد؟ كندا




2- أسئلة خاصة:

* هل بتحس بالوحدة والظلم وكيف؟ بحس بالوحدة شوي .. بس عندي كتير رفقات مثليين بنساعد بعض نفسياً .. أما الظلم فـ بحس بالظلم كتير .. ظلم اجتماعي و وظلم ديني
* هل بتصارح محيطك العائلي أو الاصدقاء باللي بقلبك أو انت من النوع الكتوم؟ كتوم .. بصارحون عن أشياء وأشياء .. بس بأغلب الاحيان كتوم .. وخاصة ع العيلة
* مين بيعرف انك انسان مثلي جنسياً من محيطك؟ صديقتي العزيزة .. وبس
* هل انت بتحيى قصة حب حالياً؟ لاء .. من فترة صغيرة فكيت ارتباطي
* مين الانسان الي بتوثق فيه؟ أختي
*نوع سيارتك؟ شخصياً ما عندي سيارة ألي
* نوع موبايلك؟ سوني
* ستايل لبسك؟ سبور مع فنّات :lol:
* مستودع أسرارك؟ أختي وصديقتي وكمان بالأخوية كيوتي

مو كأني كتير خاصين كانو الاسئلة :lol: ؟!


3- علاقتك بما ومن يلي:

* الله علاقة تراضي .. بحبو وبشعر أنو يحبني .. بحس حالي فهمانو أكتر من غيري
* الوطن علاقة مختلطة .. بحب وطني .. بس بكره العيشة بوطني
* الاديان مو صحبة أبداً .. لا هني بيعترفوا فيني .. ولا انا بثق فيون
* العائلة منيحة كتير
* الاصدقاء نص نص ..
* الحزن ما كتير بنحب بعض .. لأن أنا فرح بطبيعتي .. بس يغلب علي الكأبة اكتر
* أخوية علاقة عم تكبر شوي شوي .. كل ما حاول اتركا بتعلق فيا بزيادة .. أخوية غمرتني وتحملتني ورضيت فيني .. عم حاول قدملها شي بس ما عم تزبط معي كتير
* التدخين ما بنطيق بعض :mrgreen:
* المشروبات الروحية نص نص .. بحب تأثيرون بس ما بحب طعمتون
* أبوك علاقة سيئة كتير
* أمك المجاهدة أمي .. علاقتنا كتير منيحة
* اخواتك منيحة كتير



4- رأيك بما يلي:

* الله رحيم .. بأعتبار أنا روحاني .. بأمن بـ الله وبس فـ بشوفو غير ما الدينيين يشوفوه .. هو شي أنبل من هيك .. لو على حكي الدينيين فـ انا بشوف الله شي كتير ظالم وتعسفي وطاغي ..
* الانبياء بحترمون .. لأن وصلّوا رسايل أيمانية عظيمة .. كلها تم تحريفها .. وعدم فهمها .. لهيك أنا ماني مستعد أتبع دين ممكن يجوز عليه الغلط
* المجتمع الحالي للأسف مجتمع تائة .. بدو تركيز وتطوير
* العلمانية الحل الأمثل للدول المتعددة الطوائف .. وكمان هو الوجه الأول للتقدّم
* زواج المثليين ممتاز .. بينظم حياة شخصين .. ما بشوف فيو سلبيات عدا مشكلة التبني إذا تمت .. لأن أسا أول طفل متبني من مثليين ما كبر كفاية ليقدروا يحددوا .. وهل تأثرت نفسيتو كون عندو أبوين و من دون أم ..
* الفساد أسوأ أنواع الخراب .. تصليحو أمر صعب بس مهم كتير
* سوريا كل شي .. كل سوري لازم بفتخر بسوريتو .. بيكفي أنها مهد الجميع



5- رأيك بمن يلي:

* السيدة فيروز عملاقة .. خلتنا نعيش أكتر
* الشاعر نزار قباني عملاق .. كل إحساس إنساني منظملو بيت شعر
* جورج وسوف ما بحبو .. بحس أغانيه مكررة ومملة
* الاعلامي فيصل القاسم شخصية قوية .. وصل بقوة شخصيتو مو بكتاباتو
* الاعلامية أوبرا شخصية رائعة وانسانية .. بتمنى أني شوفا شي يوم ولو مدة نص دقيقة
* نانسي عجرم بحب أغانيا .. بحسا طفولية وعفوية
* صدام حسين مافي رأي .. محايد ..
* اسامة بن لادن عم يلعب دور الله .. ما بظن الله موكلو لـ يحاسب العالم ويقتل العالم .. ما بطيقو
* السيد حسن نصر الله كـ شخص ما بحبو نظراً لـ طائفيتو المخباية سابقاً .. بس كـ سياسة فـ مع أفكارو
* السيدة اسماء الاسد بحبا كتير .. بتأمن بقضايا انسانية كتير وبتدعما .. بتمنى لو بقدر أعرف رأيها عن المثلية باعتبارها أنسانية
* رامي مخلوف جاب كتير أشياء حديثة وجديدة ع البلد .. بس ما بعتقد بهدف تطوير البلد .. لأهداف تانية
* الوليد بن طلال كمان جاب شغلات جديدة وحديثة ع المنطقة .. بس بيتبرع بمبالغ خيالية لجمعيات انسانية وصحية .. بحترمو ..
* جورج بوش حاول يساوي شي بس ما زبطت معو .. والمشكلة انو من ما بيعترف بأغلاطو .. وبيكمل .. ومن خراب لـ خراب
* هتلر متعصب بغيض
* مصطفى طلاس مافي رأي .. أو يعني ما بعرف شو بدي أحكي عنو
* وليد جنبلاط متخبط عقلياً .. جد وبدون مزح بدو مشفى أمراض عقلية .. ما بيعرف شو بيحكي .. بيحكي شروي غروي .. ما بيعتمد ع حقائق بحكيه .. عندو نقص بشخصيتو بتخليه يحكي شي ما بينحكى .. إلى مزبلة التاريخ
* اسماعيل هنية أنا ضد حماس بشكل عام .. لأن بكره الاسلوب العنيف .. بس كمان ماني مع استهتار فتح ..
* مارسيل خليفة فنان مبدع .. وطني عريق .. ضل ورا القضية يللي بيأمن فيا
* بسام كوسا مبدع وممثل سوري ساخر .. قدم اعمال ساخرة بطريقة رائعة .. بتمنالو التوفيق



6-لو:

* فيك ترجع واحد بس ع الحياة مين بترجع؟ ما برجع حدا .. يللا راح راح
* تطلب طلب من الله يتحقق؟ أنو ينزّل أية وحدة بس لكل دين وبقوللون انتو فهمتو الدين غلط
* 3 طلبات من مارد المصباح؟ شعور كامل بالرضى عن نفسي - حبيب دائم :lol: - إنشاء جمعية ذات مركز معروف بسوريا بس مع شرط أنو يحميه من البطش
* تغير شي واحد بحالك؟ عدم الانفعال

7-وجه كلمة لكل من ما يلي:

* الرئيس بشار الاسد حارب الفساد بيديك .. خليك محافظ ع وطنك .. عض النظر عنا مؤقتاً وادعمنا لاحقاً (نحن المثليين)
* أمك سامحيني إذا غيبت ظنك .. وعمليلي تبولة :p
* صباح عبيد شذوذ قراراتك ما رح يوصلك لـ شي .. عنا عقل لنختار بحكمة بدال القرارات المتعجرفة تبعك
* ريمي الي زتتك هون الله يسامحك انكسر ظهري صارلي 10 ساعات تماماً عم بكتب :cry:
* مشرفي أخوية بشكل عام تنشطوا اكتر كلكون .. وشكراً الكون ع الشي يللي عملتولي ياه ..
* مساجين الرأي تبعين أخوية ولا يهمكون .. صرتوا فخر النا .. وبسجنكون وصلتوا رسايلكون لعالم أكتر من بينون أنا

شكراً كتير
ما تقلت عليك بعرف دمي خفيف
لا ابداً ما تقلت علي :jakoush:

sweetbaby ريتااااااااااه .. حبيبة قلبي هاي .. لو شو ما عملت فيني هالبنت هاي ما بزعل منا .. لو ما كنت مثلي جنسياً كان تجوزتا :p .. بصراحة يعني .. وهي أكيد بتقبل فيني وما بتزعلني :sosweet: .. أنا لقطة لأن :gem: .. بنسهر كتير مرات ع المسنجر .. فيا شي يشد ع طول لأنو الواحد يحكي معا .. ببساطة أنها ريتا .. بس عندا شغلة مو منيحة أنو كتير تقع عاطفياً




لك بهدلتني الله يبهدلك... بعدين شو مشانك انت التاني و وقعاتي العاطفيات هلا بيصدقووووو... :jakoush::jakoush::jakoush::jakoush:

رامي ك انسان بتحسو شخص كتيير متفائل بالحياة.... بس شو الشي اللي رامي لما بيسمعو او بيشوفو بيغص؟
لمين رامي بيقول اسف؟
ازا قلتلك بدي اشتريلك تيكيت طيارة لاي مكان بدك ياه وين بتختار:p
رامي انت ليش هيك؟
بعدين رامي ليش بيضل عم بيحس انو انا مغيرة اوانو في شي غلط؟ شو عامل ومخبي عني ومفكرني انا عرفانة وزعلانة اه قر اعترف؟

يلا برجعلك بس خلص درس:lol:

BL@CK عابد عبود عبودة عبيد عبابيدو ..بحبو كتير (لا يروح فكركون لبعيد ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) .. من الاشخاص القراب كتير علي وذكر ! .. يعني انا نادراً ليكون ذكر مقرب علي كتير .. بس عابد كان هالشخص .. ما بعرف ليش بس كتير برتاحلو .. يمكن لأن مالو نظرات هيك وهيك .. بريئين نظراتو .. لما بنقعد مع بعض ما بيحسسني أبداً بشي وما بيعاملي ع اني غاي .. وانا بحب هالنظافة بالتعامل .. ويللي هي نادرة ..


يازلمة فرطتني ضحك ع هالجملة :lol:
هادا نظراتو بريئة هادا :lol:
من وين بتشوف انت ؟

يازلمة فرطتني ضحك ع هالجملة :lol:
هادا نظراتو بريئة هادا :lol:
من وين بتشوف انت ؟
انا الزلمة معي نظراتو بريئة .. مدري هو بيساوي حالو بريء مدري هو بالاصل بريء ما بيهمني ..
المهم معي الزلمة هيك :larg:
ما رح تخليني اكرهو لعابد .. ما حزرت :pos:

قرررررررررررررد
شو هالموضوع من زمان هونة؟

بكل الاحوال انا حابب اسال عن فحوى هالموضوع ومابعرف اذا راح تبحشو ولا ماراح تبحشو؟////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هالموضوع من الاساسيات بأخوية .. وصل للجزء الخامس وانت مالك خبر :?

الموضوع هو ببساطة انو انا مزتوت المقلاية وبيجوا يسألوني اسئلة عامة وشخصية وثقافية ومنوعة لمدة 3 تيام وبعدا انا بنقي حدا وبزتو بالمقلاية ويسلتموه الشباب وهكذا

:D

هاي رامي منور المقلاية والله :gem:


Marwa مروى بقا هاي كتير بحترما وبحبا .. بالرغم من أنها دينية كتير وانا ما بفضل هالنوع من العالم .. بس هي فهمانة دينها مزبوط ومانها معقدتو .. منفتحة كتير وانسانية وطيوبة .. اكتر من مرة طلبت ايدها لأتزوجها بس ما مشي الحال للأسف ..

على راسي..وبالنسبة للزواج..:sosweet:(على انفراد بحكيلك :oops:)

اي بدي أسألك كام سؤال هيك ..وشوي انا حاستهن برايفت "سو" ازا ما بدك تجاوب الك الحق :)


أهلك بيعرفوا شي عن مثليتك؟ وكيف وايمتين خبرتهن؟ وكيف كانت ردة فعل امك وابوك؟


وقليا هنيئا :yahoo:

butterfly اخخخ مرسيل .. مرسيل يا سيدي هي انسانة مثقفة وانسانية ع شغلات كتير وعندا كتير أراء بتقولون بحسها قاعدة بمخي .. ومزوحة عكس شخصيتا بأخوية ..
بس .. من فترة قيمت الدنيا ع راسي لمّا استشرتا بشغلة .. ما كنت ابداً متوقع منها هالشي .. بيوما كتير زعجتني ولهلا انا مزعوج من أثارها .. ترجيتا لـ ما تقيم الدنيا فوق راسي بس هي مصرّة و ما همها انو تزعج شخص بيحبها و تكسرلو خاطرو وتخلي انفاسو تضيق .. بصراحة هيك حسستني مرسيل .. وبعد ما حللت تصرفها طلع أنو استعملتني أنا لـ غايات بنفسها .. ومو هاممها لا شعوري ولا بطيخ وبمعنى انو طز فيني المهم أنا حقق غاياتي ..
كنت حب ميمو كتير .. بس هللا عادي صرت كتير .. بعرف ما رح يهمها انو حبها وللا لا
كمان نسيت قول انو مرسيل كتييييييير حشورة

:lol:مين مضحك عليك وقايلك اللي بالأحمر ؟؟ :shock:
بخصوص الموقف .. بما انو ما فيني أشرحو عالعلن ... " ما حدا يشط مخو ... " اللي بقدر قولو .. باختصار
وقت بتكون مصلحة اخوية بالنص كتير صعب راعي مشاعر الناس
:D

Abu Guzef


ههه يلا بلا ما نلبكك هلق مالك فاضي بس يلا في إلنا مواجهة تانية مع انو فارق السكور ما كان كبير كتير
اي منيح مني والله جبت هالسكور مع اللبكة يللي كنت فيا هون :gem:
لزلك من هلق لوقتا مسيك تسلا خليني أستغل انشغالك بالمقلاية وإتحداك وخسرك شوي هههه
:jakoush:


هات لنشوف عطيني رأيك بالتالي :
-----------------
الإنسان مخلوق بيضلو تابع .. عطول بيتبع يللي قبلو بتصرفاتو .. ما عندو استقلال بتصرفاتو .. مصلحجي غالباً وانتهازي غالباً .. بس مع هيك بحبو :lol:

الله
الله رحيم .. بأعتبار أنا روحاني .. بأمن بـ الله وبس فـ بشوفو غير ما الدينيين يشوفوه .. هو شي أنبل من هيك .. لو على حكي الدينيين فـ انا بشوف الله شي كتير ظالم وتعسفي وطاغي ..-------------------
الدين
الاديان مو صحبة أبداً .. لا هني بيعترفوا فيني .. ولا انا بثق فيونالطائفية بكرها بشدة .. بكره كل واحد بيكون تعاملو مع الآخرين ع اساس ديني وبس .. الطائفي صعب بتقبل الاخرين المختلفين حتى ولو كان هالمختلف من نفس دينو .. بس هو ما بيقدر يتقبل غيرو .. غالباً بيحب حالو كتير .. ودائماً اعتقاداتو هني الصح وما بيقبل الاراء المختلفة .. بشكل عام الطائفي حقود درج أولى

الإلحاد ما ضروري كون ملحد لـ حب الإلحاد .. بس بحب الإلحاد .. بعتقد الملحدين ناس تركوا التفكير الديني وتعقيداتو ع جنب وبديوا يفكروا بالامور الآخرى ويصلوا .. في كتير ملحدين ما بيفصحوا عن حالون أنون ملحدين وهادا بسميه جبن ..

العلمانية
العلمانية الحل الأمثل للدول المتعددة الطوائف .. وكمان هو الوجه الأول للتقدّم---------------------------
السياسة حلوة مرات ومعتّة مرات .. بس هي شي ما بنقدر نستغني عنو وخاصة نحن السوريين .. اوضاعنا ما بتسمحلنا انو نكون غير سياسيين .. بغض النظر عن طريقة تفكير كل شخص بالسياسة .. بس ما بعتقد في سوري ما بيعرف مين حسن نصر الله مثلاً أو مين بوش .. ع عكس المجتمعات التانية يللي حتى في منون ما بيعرفوا مين رئيس دولتها :shock:

امريكا دولة قوية عسكرياً بس غبية .. شعبها غبي وغير مثقف كفاية .. دولة صناعية اكتر منها سياسية .. إذا بتدخلون بالسياسية بيضيعوا بسرعة

سوريا
سوريا كل شي .. كل سوري لازم بفتخر بسوريتو .. بيكفي أنها مهد الجميعالعراق وطن ضايع حالياً .. كل من يدعي أنو هو الأحق فيه .. عم تشتغل الصراعات الطائفية فيا لدرجة القرف .. للأسف العراق بلد المثقفين سيطر عليها المتخلفين .. يا خوفي يصير هالشي بسوريا ..

الجولان من لما ولدت وهي محتلة .. فـ ما كتير عشت بالجو .. بس يعني بتمنى ترجع لأنها سورية .. متلا متل لواء اسكندرون .. ولو انو اللواء قصة منتهية :sick:

--------------

مين اقرب واحد الك هون كيوتي

مين ابعد واحد كيف يعني :shock: ما كللون بعاد إلا كم واحد .. شو هالسؤال هاد :?

معك 5 وردات لمين بتهديهون كيوتي - ريتا - ريم - حسون - عابد

وخمس شوكات لمين هه حلوة هاي .. صاير الشوك عم ينهدى :lol: .. ما بقدر اقطف شوك بينبخشوا اصابيعي بعدين

معك 200 الف دولار لمين بتعطيهون بتطلع بالمراية وبعطيهون ألو :lol: شو خلفت ونسيت هالشخص يللي بدي اعطيه ياهون :pos:

شو سيارتك ما عندي سيارة خاصة فيني

وكم حادث سويت ولا مرة

شو اول سيارة كانت عندك يي عم قولك ما عندي سيارة خلصنا بقا :sly:

-------------------


كلمتين منك لاخوية شكراً أخوية

شو عطتك اخوية كتير كتير .. ثقفتني وحضنتني وعرفتني ع ناس حبيتون كتير

شو اخدت منك ( غير الوقت ) أخدت مني شوي خصوصياتي يللي كنت محافظ عليها نوعاً ما

-------------
تكنولوجيا:
_________
شو نوع موبايلك سوني

شو اخر رقم بموبايلك ما حزرت هالمرة :sly:

كمبيوترك مواصفاتو عالماشي معالج 3.20 غيغا انتل , هارد 80 غيغا , كرت شاشة 512 , ناسخة ديفيدي , زر يشغل ويطفي الجهاز :o , زر وايرليس وبلوتوث :lol:, زر Mute ويعلي ويوطي الصوت :larg:, شاشة 17 WideScreen , عمرو سنتين .. ونسيت قول انو هو لابتوب

شو سرعة النت عندك 512

--------------
عالماشي
__________
شو نظريتك بالحياة ازرع ازرع ولا تقطع :clap:

شو بتعنيلك الحياة شيء ما وبعد فترة بنخلص منو للأبد

قديش معك بالبنك مو شغلتك :sly:

مممم طيبة مو ؟

بس بيكفوكي هدول راجعلك

:lol:مين مضحك عليك وقايلك اللي بالأحمر ؟؟ :shock:
مو ضروري حدا يقولي .. ليش ما عندي مخ فسّر فيه الأمور لحالي .. شو أنا مضحة يعني هادا يضحك علي بكلمة وهادا بكلمتين :? ؟



بخصوص الموقف .. بما انو ما فيني أشرحو عالعلن ... " ما حدا يشط مخو ... " اللي بقدر قولو .. باختصار
وقت بتكون مصلحة اخوية بالنص كتير صعب راعي مشاعر الناس
:D

ما طلبت منك توضحي شي خلص .. شي راح .. بس عرفنا الناس كيف بتفكر .. عرفنا كيف نتعامل مع التانيين ..
بحذر شديد ..
وبعتذر إذا كان كلامي زعجك :mimo: ..

باشق مجروح بشوق إنساني كتير .. بيتعاطى مع العالم بلطف وذوق .. بيحترمني كتير وطبعاً ببادلو هالشي .. ما الي عليه أي شي غلط بس أنو شوي منحاز لـ طائفتو زيادة ..



ولي عليكون كتير من الي كتبو هون حكو عن اني منحاز لطائفتي :cry:
معناتو هالشغلة صحيحة :cry:
على كلٍ كمل ردود الله بيعينك
:p