شو هي المقلايه حبيباتي ممكن حدن يحكيلي عنا شوي:D

ببساطة بيتم اختيار عضو او عضوة ، مشرف او مشرفة ، المهم شخص بيختاروه يكون بالمقلاية
مهمة باقي الاعضاء والمشرفين يسألوه اسئلة بمختلف المجالات..وهو بيجاوب..
مدة طرح الاسئلة 3 ايام ولمّا يخلص اجابة بيختار حدا من بعده

وبس:D

أي منرجع لوشم خانم
خدني معك لوين؟؟ ما بعرف الغنية بصراحة
بعدك علىبالي لكل اللي تركتن بالبلد
ضمني على صدرك ما لحدا
سلامتك منالاه لشي حدا نقاق كتير
انا بعشقك ما لحدا
الأماكن كمان ما لحدا
مستني مني ايه ما بعرف الغنية
الحب والوفاء ما بعرفا صراحة
أناديكم بهديها لألون
كن صديقي لبتر فلاي لأنو بتحبا
أين ستهربون عا مدغشقر.. ما بعرف الغنية
اغضب لأي حدا بيغضب من أصالة و يريحنا من ها الصوت
نصيحة بتوجههاللتالية اسماؤهم
بلاك أنا بدي أنصح بلاك؟؟؟؟ بلاك بينصحني
بترفلاي أنو حاج نطوطة بها الكلية دوختي الرب
هاني هاني الهداف ؟؟؟
بريفهارت بنصحو أنو ينتبه من هاد اللي بآخر الفلم بيكون عا أساس أنو معو بعدين بيخونو و بيمسكوه و بيعدموه
سيريان غاي خليك متل ما أنت, و خلي اللي ما عاجبو يزت حالو بالبحر
جاد و الله ما بعرفو , بس أنو ينام بكير و يفيق بكير
محمدابراهيم أستاذنا الأخ محمد يعني عيب ننصحو,
طارق عزيز؟؟؟
ذالايت يبعد عن اللون الأسود , لأنو بيمتص اللايت
بارليب ما بعرفو للشب بس ياس بيعزو
ياس أحذر الزيجات المدبرة
امرأة من ورق تبعد عن المي و النار, بتعرفو لأنو ورق
حكومة_غوفرمنت_ ما خرج ننصح الحكومة يا بي, يسعدا و يبعدا
سويت بيبي اذا ضلت ها القد سويت, بتدبق بعدين
ريمي تخلي مشاريعها الأستعمارية و المؤامرات بعيدة عننا أنا و ياس
ووشوم الله يصلحك عا ها الأسئلة , يعني عدليهن من وقت لوقت بحسب الشخص اللي عم ينسأل
اكتر كلمة بتحب تحكيها عطيا يا عطية من هدول
اكتركلمة بتحتاج تسمعها خلص الدوام
اكتر كلمةبتكرهها فيق
اكتر كلمة بتنرفزك مافي والله
اكتر كلمةبتحسها سامية سامية ما أجت اليوم
شو بتعنيلك كلمةندل بتعنيلي ندل
بتعرف ترقص شيخاني
بتحب الفلفل الحار حسكوري
شو بتكره تاكل السمك
شو مشروبكالمفضل المي
شو اكتر منظر بتحبو؟ علم الكرامة
عمرك حسيت بانو الدنيا ضيقة وحابب تغادرها؟متى وليش؟ نوووو
الغروبوالشروق شو وفعهم على نفسك؟والله لهلاء ما وقعو عا نفسي
بتحبتكتب؟عمرك جربت تكتب؟ وشو صار؟تلعمت الكتابة تقريبا بالصف الأول, ما كتير حبيتا , أي أكيد جربت غصب عني, بس بعدين خلص القلم
ليش دوم معصبوما بتطلع من المنبر؟ أنا معصب؟؟؟؟ عم تسأليني أنا ؟؟شلون ما بطلع ؟؟؟ ما ليكيني بالصالون
تخيل انو هاياخر لحظة بحياتك...بعيد الشر عنك...شو رح تحس حسبتوقعك؟؟متل ما حاسس هلاء بفرد شكل
شو وصيتكبالحياة؟؟؟ يكبو كل ها الكراكيب اللي رح اتركا ورايي
كلمة بتوجهها للحكام مع حصارغزة أدام الله عز السلطان العثماني
أدام الله عز العسكر الفرنساوي
لعن الله المماليك
التجديد باخوية هل انت ضد الو؟؟وهل انت ما بتؤمنبالجدد يللي
باخوية؟؟؟ بتصور حكيت عن ها الشي
اذا النت ماعادلو وجود بالحياة شو معناه بالنسبة الك؟ منكون فقدنا وسيلة اتصال مفيدة و سهلة
مين اهم النتوالا الكتب؟؟الكتب
شو يتشعر لماتسمعها...
الأطلال ما المفضلة عندي لأم كلثوم
أغداألقاك كمان
سيرة الحب استهلكت من كتر ما غنوها و خصوصي جورج وسوف
قارئةالفنجان بحس بدي نطوط
رسالة من تحتالماء أني أزرق أزرق أزرق
زي الهوى بشعر زي الهوى
أحن أمي ما بتعمل خبز, منشتريه من المخبز
تحية طيبة ياوالدي الطيب منيحة
كان في طفل صغير عم يلعببالحارة أي و أجا ابن الجيران شقلو الطابة ؟؟؟؟ ما بعرفا
انا وليلى شد حيلك يا رجل شو مافي غيرا بها الدنيا
فوقالنخل بحس أني فوق النخل ,. أنا و كاس العرق
كلمات بزعل عا ماجدة بآخر الغنية
يا رايح صوببلادي ما بعرفا
وطني(سامي كلارك) بحب صوتو بس ما بعرفا
عصفور طل منالشباك بتمقت الرب
عندك هالقضايا يللي خطرت ببالي ....اعطيني شي حلممكن يخطر ببالك الها وكلمة موجهة الها كمان وا>ا هي ظاهرة شو رايكفيها
التســـول زيادة دعم المؤسسات الجتماعية و تأمين فرص تدريب و عمل
الاغتصاب مالو حل لأنو مرض
الإرهاب مكافحة الفقر بشل أساس بس كمان مالو حل جذري
غلاءالاسعار هاي بدا جريدة
الإدمان عالمخدرات دعم الزراعات البديلة و برامج متابعة و دعم المحاصيل بيقوم بيوقف الانتاج و بيوقف الاستهلاك بالتالي
التعارف عن طريقالنت هاي مشكلة؟؟؟
الحب عن طريق النت سيم نمونا شكل
الهجرة اللي يهاجر منقوصو
اللجوء الحل هو الحرية
الواسطة مكافحة الفساد
الانتحار مالا حل
المتاجرةباعضاء الانسان أي بضاعة بتتوفر بالسوق بتختفي من السوق السودا
الفن الهابط يعني سنتين تلاتة منطرش كلنا و بتبطل مشكلة

برضو بدي رأيك بهالشخصيات
جورج بوش الابن
حمار معبى ببنطلون
الخميني
ماني مع الفكر الديني , برأيي الثورة ما لازم تفرز وراها نظام
فلاديميربوتن
عم يجرب يرجع روسيا دولة عظمة, بس عا حساب الديمقراطية
الق>افي
ههههههههههههههههههههههههه ههههههههههه
كونداليزارايس
عم تنفذ سياسة ادارتا
شارون
وطني
هتلر
مجنون حقود عنصري وسخ
السلطلانعبدالحميد الثاني
ما لحق المسكين
بلفور
ما كان عرفان شو الطبخة
عمرالمختار
بطل
جيفارا
حالم , لو بها الايام كانو قالو ارهابي
فارس عودة
ما بعرفو الصراحة
عزمي بشارة
كمفكر رائع , و ككاتب و ناقد ممتاز , بس اذا بدي كون موضوعي يعني يختار هل بدو حقوق متساوية مع كل المواطنين ولا بدو يتعامل مع دول بيعتبرا البلد اللي بيحمل جنسيتو عدوة
برأيي الشخصي لازم يحرق الهوية اللي عاطينو ياها, و ما يتعامل مع دولة العصابات
رفيقالحريري
بلا ما نعمل مشاكل الزلمي مات
جمال عبد الناصر
ديكتاتور
انورالسادات
ضعيف نظر, ومفاوض سيء
حسن نصر الله
ما مع فكرو الأسلامي , معو كمقاوم بس
وبهالحركتينكمان بدي رايكحركة أمل
موجودة حاليا فقط بسبب مصالح زعيما, رح تنتهي برحيلو
حزبالله
معو كحركة مقاومة و تحرير فقط
غادةالسمان... ما بقرالها
حنامينا......... للأسف حول حالو بفترة لبوق للسلطة , وهلاء رواياتو الجديدة تخلو من الروح
واسيني الاعرج
ما بعرفو الصراحة
ميخائيل نعيمة
الأدب المهجري كان الو وقتو , هلاء ما كتير بستسيغو
جبران خليل جبران
ما بحب الأدب الرومنسي , مع أنو بعض أفكارو ظريفة
المنفلوطي
ما قريانلو
احلام مستغانمي
نفس الأفكار بكل رواية, بطريقة جديدة بس, بلاقيها فاشلة
باولو كويلهو
فيرونيكا تقرر الموت رائعة, بس الباقيات عاديات جداً , و في منهون مكتوبات لهدف الكتابة فقط, يعني صف حكي و على عجالة و بدون تدقيق




أي لا تواخذينا وشم خانم اذا طولنا عليكي :D

يا dimozi

ردودك اللي فيها اجوبتك على اسئلة وشم الجمال...معجوقة ببعض..رتّبها بقا...:D

انا برتبلو اياها..اتركيه بحالو ما حاجي اسئلة وشم :p

انا برتبلو اياها..اتركيه بحالو ما حاجي اسئلة وشم :p

اي رتبي..وبعتقد خلصت اسئلة وشم..لما يخلص كل الاسئلة (في حال خلّص) ويضل باقي ايام لطرح الاسئلة
بسألو..بس هلأ ما حابة اسألو...لانّو بيكفيه اللي فيه

ديموزييييييييكتير كنت حابة انك تنزتهدول الاسئلة اللي دايما بسالون... وفيكم سؤال برجع بحطلك ياهون....


لسا في أسئلة ؟؟؟؟؟؟؟ ولييييييييييييييييييييييي يييييي

عمرك؟ بعد كام شهر بصير 25
مهنتك؟ موظف ببنك
حالتكالاجتماعية؟ عزابي
بتدخن؟ لاء
ازا اي من ايمت؟ من السنة التالتة بالكلية
اي يلا كم سيجارة بتدخنبالنهار؟؟؟ ما قلنا ما مندخن :p
شو نوع الدخان اللي بتدخنه؟ يعني غلواظ أصفر أيام , أيام دافيدوف
بتشرب؟ أي
ازا اي منايمت ؟ بصراحة ما بتذكر
واديش؟ حسب القعدة و الجو , يعني اذا مع الشباب سكرة
وشو اكتر نوع بتحبه ؟؟ حمص بلدنا و العرق مشروبنا , إضافة على البيرة في أي وقت , و النبيت المز الأحمر شتاءاً
انت ليش هيك؟؟؟ هاد اللي صار والله
شو اكتر غنية بتحبا؟؟وليش؟؟؟ وقف يا أسمر لفيروز كأن قلت من قبل ........ كنت و أنا وصغير فكر فيروز عم تغنيلي إلي ................. لا تقولو لحدا
مين مطربك المفضل؟؟ فيروز و صباح فخري
.شو المواضيع اللي تقراها بالمنتدى.... ما في شي معين أي شي مفيد أو مهضوم
شو الصفاتاللي بتكرهها بالانسان.... هيك أسئلة صعبة شوي , أنو ما عمري فكرت بصفات بكرها تحديداً يعني الشخص يا بهضمو يا لاء , بس أنو اذا كان هيك رح أكرهو أو حبو ........ ما بتخيلوالصفات اللي بتحبها
قلت فوق
شو حكمتك بالحياة
نام بكير و فيق بكير و شوف الصحة كيف بتصير :lol:
شو هيي صفاتامراة احلامك ؟؟ ذكرتيني بخاطرة كتبتا إيام كنت فيها عشقان عم أوصف بنت أحلامي بس فيها بقول أنو البنت اللي حاببا مالها ولا صفة من هدول , أسم الخاطرة ( كيف أحببتك) :?
اذا ربحت مليون دولار, شو بتعمل فيها؟؟ ما بتكفي عا ها الغلا زوديهم شوي :sly:انت سعيد بحياتكوليش......... سعيد بس بدون ليش .......... لأنو مو حزين
اذا لاء كمان ليش؟
.اذا فشلت بتحقيق حلمك شو رح تكون ردت فعلك؟ بصراحة ما في هدف معين , يعني ماشي كل يوم بيومو , في خطوط عريضة أكيد بس ما فيني قول في حلم
وشوهي اكتر مادة بتكرها و كمان ليش؟ والله بكره محاسبة المنشآت المالية , فرجتني نجوم الضهر بالجامعة :xهل بتامن بالابراج ؟ و علل جوابك, بآمن ببرج الحمل بس :shock:
هل بتامنبالقدر؟ علل جوابك لاء ما بآمن بأي شي غيبي
هل بتامن بالسحر و المشعوذين؟ علل جوابك نفس الجواب السابق
عرفليالبيروقراطية والديكتاتورية
البيروقراطية هي حكم المكاتب
و الديكتاتورية هي حكم الفرد
شو اكتر شي بيعصبك؟ الغباء
شو اكتر شي بيفرحك؟
الشوكولاشورايك بقضية الشرق الاوسط؟
بتعرفي قصة ابريق الزيت ؟؟؟؟
شلون تعرفت على أخوية ..؟ كنت بأخوية سيدة السلام بحمص , يعني موقع أخويتي الرسمي بهداك الوقت شو هدفك بالحياة ...؟ ما في بصراحة
مين أكتر أعضاء بتقارلون بالأخوية ..ياس
كم اخ و اخت عندك؟ أخت ما في غيرا
مين مناخواتك هوي المفضل عندك وليش؟ أختي الكبيرة أكتر وحدة بين أخواتي بحبا , لأنو ما في متلا تنين :pشو هوي فيلمك المفضل وليش؟ في أكتر من واحد بس فيكي تقولي فورست غامب
مين ممثلك المفضلوليش؟ بسام كوسا , ممثل و مفكر و أديب و ناشط بالمجتمع ولا أروع :hart:
شو اكتر شي بتحبو بالحياة وليش؟ كل الحياة حلوة
شو امنيتك بالحياة؟ أنو شوفك :o :p
شو ناويتدرس؟ بعد الجامعة ؟؟؟؟ يعني اذا كان عندي وقت تاريخ أو لغات
شو أكتر معادلة كيمياء حفظتها بحياتك؟ كنت معجب بمعادلة الثرميت كتيير , و هيي تفاعل أكسيد الألمنيوم مع الحديد, أكبر تفاعل ناشر للحرارة غير مشع ...............
شو أحلى قصيدة مرقت معك؟ قصيدة عاشق من فلسطين , لأنك سورية
شودرس العلوم المفضل يلي حفظتو؟ التغذية الراجعة المثبطة ( بكالوريا )
شو حدود سوريا الجغرافية؟ رح أسرق جواب ياس لأنو حبيتو كتير , يحد سورية من جميع الجهات باقي العالم
شو طبيعة لبسك : سبور -فنكي -رسمي ؟ سبور بس شوي تقليدي , بالشغل مننجبر نلبس طقم
شو اكتر موقف محرج صار معك؟ كتبت عننو بالأخوية من قبل , وصار مع العضو جو , وقتا ضلينا شي نص نهار عم نفتل سوا بحلب و بالآخر سألني بالله شو أسمك :sick:
بتعتبر حالك ن الناس ياللي بيحكوكتير؟ حسب مين الشخص اللي عم حكيه
شو اكتر اسم بتحب للشب وللبنت؟ جاوبت من قبل , ديموزي للشب و ديموزاية للبنت
مين قضوتك بالحياة ؟ بلاك شو رأيكبالطفولة و الولاد ؟ أنو حلوين
مين أعز شخص على قلبك و ليش ؟ أختي , بدون سب
بإذا كنت على طرف جبل و لاسمح الله لا سمح الله شخص من عيلتك متعلق بإيدك اليمين و حبيبة القلب بالإيدالتانية و مدندلين لا سمح الله يعني و مافي ترفع غير واحد صحي أنت قوي بس هلق مافيكتساعد غير واحد مين بتساعد ؟ بنط مع التني
نشو أحلا أيام حياتك؟ في كتير أيام حلوة , بس الأحلى لسا ما أجى أكيد
شو الحياه بالنسبهإليك؟ ولا شي
شو بنظرك بياثر اكتر دموع الفرح أم بسمة الفرح؟ الفرح زات نفسو بيأثر
شوالشي الذي تتمنى أنيرجع؟ غول جونبوك عا الكرامة
موقف صار لك ولا تقدر تنساه؟ الموقف اللي حكيت عنو مع جو
شو أفضل لديك بمراحل النمو هل هو الطفولهام المراهقه ام الشباب أم الشيب؟ كلون متل بعض بصراحة
زيت المقلاية عم يحرقك شي؟ بيتعب شوي بصراحة
ازااضطريت انو تختار بين تتين من رفقاتك شو بتعمل
ليش بدي أختار ؟؟؟؟؟ ما فهمت

[QUOTE][25مهنتك؟ موظف ببنك/QUOTE]

تحياتي معلم لفتت نظري الجواب ... بس كم سؤال ع الماشي دخيل عينك :D

شو طبيعة شغلك بالضبط ؟

شو الفرق بين البنوك الاسلامية والبنوك العادية ؟؟

عدد اقوى خمس بنوك بالعالم ؟؟

شو رأيك بسياسة البنوك ؟؟ القروض .. بطاقات الائتمان ؟؟


وتحياتي مرة تانية :D

برجع ..

مين قضوتك بالحياة ؟ بلاك


يا زلمي عم يقلولك جاوب بصراحة , هلأ بصدقو ما بيعرفوك عم تمزح .. :?

بدي أعتذر مسبقا من كل الأعضاء اللي ما بعرفون , ما صرلي فترة طويلة راجع و لسا ما لحقت أتعرف عا الأعضاء ولا أفكارن , فآسف كتير مجدداً

Gazita ما بعرفا
Reemi مافي مننا والله لولا ها المؤامرات عليي و على ياس :lol:
marioma alghzayala ما بعرفا
hanny dagher ما بعرفو
Willi ما بعرفو
layla ما بعرفا
sezar سيزر من القدامى كان عم يدخل لما أنا عم أترك , اللي بعرفو عن سيزر أنو رائع :D
sweetbaby كمان كانت أول مشاركاتا لما كنت عم أترك
الحاج متولي اذا عندو أربعة فالله يهنيه :p
maged-syrian (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) ما بعرفو
butterfly أخ من باتر فلاي , بتضل تنط , و تحوص هون و هون , قليل لتلاقو بنت متلا :shock:
وشم الجمال هلكتني بالأسئلة :cry:
Syrian__Angel (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) ما بعرفا
أبو شريك (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) ما بعرفو
Hashtnasht حبيي و نور عيوني أبو نهلة البلبوص , علامة الأخوية الفارقة :shock:
ASH (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) ما بعرفو
ٍٍٍSyrian Gay كمان ما بعرفو
Fares صديق الطفولة , يعني شهادتي فيه مجروحة
Geeny هاي خطيبتي السابقة بالأخوية , اللي تركتا وقتا منشان الوطن :p أنسانة حساسة كتير , أيام بتزيدا حبتين :larg:
yass . شريكي الأمريكي , يعني أنا بفتح جويزة و هو بيسقي الختيار,أكتر شخص بالأخوية أفكارو بتتلاقى مع أفكاري:D
كهربجي ها الشب أكابر
راديا ما بعرفا
SABE ابن العم الحبيب, أصدق الناس بالعالم , و من أصدقاء الطفولة
HUS الحكيم , خلينا ساكتين :lol:
Barleb ما بعرفو
باشق مجروح (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) كمان
the light اللي قريتو لألو لهلاء عجبني , شب رايق
سرسورة بنت البلد, مافي مننا سارة
محمد ابراهيم سيدنا و كبير كهنتنا محمد ابراهيم المعظم
GOVERMENT أسمو بيخوف
صياد الطيور منيح ماني شي عصفور , ما بعرفو
اسير التشرد ما بعرفو , بس حرام يلاقيلو شي بيت :cry:
phoenixbird (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) بصراحة , يعني كتير بيسأل بدون سبب و على شغلات واضحة متل الشمس , يعني غالبا الجواب بيكون تكرار الرد بس
the morrning ما بعرفو
COSTA غلط كتير و عفس
handsome ابن العم الحبيب كمان
abosleman ما بعرفو
LiOnHeArT (سابقا) ما بعرفو
betty_palestine (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) ما بعرفا
yamen_h ما بعرفو
BL@CK بلاك مثلي الأعلى بالحياة
MadMax بيكون شغال صح و بعدين بينزعا
وائل76 ما بعرفو

مسطول ع طول أسمو كتير مهضوم , ما بعرفو بس شكلو حمصي أصيل
شامي من طوكيو ما بعرفو
أمرأة من ورق ما بعرفا

Roaa ما بعرفا
مايا* ما بعرفا
لبندا ما بعرفا
fofo besset syria ما بعرفا
Abu Guzef ما بعرفو
الموسيقار (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////), أنو الشمس قدامو بس مصر أنو عتمة
فاوست ما كتير بتفق معو
ظل جيفارا زايدها حبتين
ملاك السعودية (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)ما بعرفا
محمد السعودي ما بعرفو
التقرير الجوال موضوعي أول خمس دقايق , و بعدين مدري شو بيصرلو
secular سابقا ما بعرفو
Nirvana ما بعرفو \ فا
Raw ما بعرفو
طفوله ما بعرفا
Marwa ما بعرفا
يمان ما بعرفو / فا
was616im ما بعرفو
وماتيا ما بعرفا
Sandra ما بعرفا
cuty] ما بعرفا

أهلين بالحكومة :cry:
مين بتحب اكتر ؟ (بتجاوب وبتختار واحد بس وممنوع عدم الاجابة )

حومص ولا حلب ؟ طبعاً حمص
طرطوس ولا اللادقية ؟ طرطوس
الدير ولا الرقة ؟ الرقة يا روح
الاتحاد ولا الكرامة ؟ الكرامة طبعاً
سيزار ولا واسير التشرد ؟سيزار
مايا ولا ليندا ؟ الجوز بما أنو صبايا :p
اب سليمان ولا وائل 76 ؟ ولا واحد بما أنو شباب
فوفو ولا ريمي؟ ريمي
يمان ولا رؤى؟ ايوا كترلنا من الصبايا :lol:
جاد ولا هاني؟ هاني بس لا تسأل ليش :?
ميمو ولا مورنينغ ؟ ميمو
محمد ابراهيم ولا مسطول ع طول ؟ محمد
كهربجي ولا كوستا ؟أكيد كهربجي
سرسورة ولا نيرفانا ؟سرسورة
الحكيم ولا كريم ؟ كريم
بلاك ولا برليب؟بلاك
انا ولا حسن ؟أنت
حسن ولا انا ؟حسن :shock:
ليلى ولا ريتا (سويت بيبي)؟ريتا بس مالي قلب ما قول ليلى كمان :p
غزلان ولا راديا ؟ أهلين بالجوز
ياس ولا فاوست؟ ياس أكيد
مريومة غزالية ولا يامن ؟مريومة
ظل جيفارا ولا مادماكس ؟ماد ماكس
اب جوزيف ولا اب وليم ؟أب غابي
كيوتي ولا ساندرا ؟ساندرا
طفولة ولا مروى ؟مين أحلى ؟؟؟؟
ماجد سيريا ولا سيريا غاي (رامي)؟ سيرا غاي
ابوك ولا امك ؟ أختي :o



بتحب الوحدة ولا الزحمة والناس ؟الوحدة
مين اذكى الحماصنة ولا الكراد ؟ الحماصنة أذكى الشي
مين عقلو حيط اكتر الكراد ولا الحلبية ؟ ليش في أعند من الكراد




مين بتشجع من المنتخبات ؟
عالمية ؟أملانيا
عربية ؟ سوريا


من الاندية ؟
الاجنبية ؟برشلونة
السورية ؟الكرامة
العربية ؟ الكرامة




مين اكتر لاعب بتحبو (سوري او ماسوري مامشكلة) ؟مين بدي عد ولا مين, رح أكتفي بموس الكرامة الكباس الكابتن حسان عباس
اكتر ممثل / ممثلةسوري ؟ بسام كوسا / تاج حيدر تقبر قلبي
اكتر مغني /مغنية سوري ؟فيروز / صباح فخري




وحدة في الاخوية انت معجب فيا من زمان وماعبتقد تقول ؟////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////لاء
واحد بالاخوية معجب في من زمان ومستحي تقول ؟////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////و الله معجب كتير بديموزي بس مخبرو من زمان :lol:



مين بتحب اكتر الشي من المشرفين او المشرفات وبتحسو قريب عليك كتير ؟ ياس و ميمو



عضو/عضوة كنت ماتطيقو بس بعدين تبينلك انو كتير حباب وعكس اللي كان ؟مافي والله
عضو/عضوة كنت مفكرو حباب ومنيح واكابر وطلع عكس المتوقع ؟كمان مافي



عضو تقاتلت معو ؟ أول مشكل بالأخوية مع سامر الخالد :p
عضوة تقاتلت معا ؟ مافي


عضو ماهضمتو ؟كوستا
عضوة ماهضمتا ؟ كل البنات نجوم




بتحب المحشي مخبوص ولا مفلفل؟ مفلفل
بتحب البيبسي ولا الكوكاكولا ؟ البيبسي
مين من الاعضاء جاي عبالك تشوفن ؟ ديموزي



بتحب البطاطا لحالا ولا مع كاتشب ؟ لحالا
اكتر كلمة بتحب تسمعا ؟ خلص الدوام


اكتر موقف ضايقك بالاخوية ؟ ما رح قول :p

دخلك ديمو ما عم تشتقلا للاكس خطيبة ؟؟؟؟؟؟
كمان لساك بتفضل الوطن على الخطيبة :p

ليش في أغلى من الوطن يا جيني؟؟؟؟ :lol:


والله بشتاق للي بيشتقلي :frown:, أنو أنا مين شلح المحبس عا أساس :x
ولا أنتي اللي تعاملتي مع العدو :jakoush:

بتصور ها المقطعين فيهن تناقض ولو عن حسن نية
تحياتي


كل مقطع عم يحكي عن فترة بالأخوية , منشان هيك مافي تناقض .



تحياتي الخضراء :D

إبن العم مرحبا ..

أهلا و سهلا بالمقلاي معلم ..

خيو أول شي والله العظيم إشتقنالك!! و كتير مبسوط إنك هون بالمقلاي


وهلأ ببلش بالأسئلة:

لمن حدا بيسألك كيفك ديموزي! بتجاوب ببساطة منيح بلا ما تفكر بالسؤال (( يعني بتسمع كلمة كيفك على إنها مرحبا تانية .. و لا بتجاوب على هاد السؤال بصراحة .. ))
بتعتبر هاد السؤال بأوقات معينة تدخل بحياتك الخاصة !!!
إذا كنت شي مرة معصب و إجا واحد سألك كيفك معلم ؟ بتفكر بينك وبين حالك : هلأ أنا ماني فاضي لغيرك !!!


و عالسيرة .. كيفك ؟؟؟


كمان سؤال من نمط "كيف..." !!! كيفو تشرشل!!

كنت ناوي إسألك شو حكيت معو أول مبارح بصراحة ... و أنا عمبكتب هالكلمات فكرت إنو لازم إدخل عموضوع تشرشل
و جيب اللينك تبعو لهون و إذ بتفاجأ بالجزء التاني .. رهيبة مان !! جاوبت فيها على سؤالي اللي كنت رح إسألو ..


سلام إبن العم :D

والله انا مشتاق بالأكتر يا ابن العم:D

ما بعتبرو تدخل لاء, يعني أغلب الوقت بجاوب بدون ما فكر , بس اذا كنت كتير متدايق بتصور بقول أنو ماني منيح ما عندي مشكلة , كمان بترجع لمين عم يسأل ;)


مشتقلك

تشرشل منيحة , كبرانة و عم تحوص و تلوص , و بدا تاكل كل الوقت , يقرفا شو بتاكل :lol:

رجعنا ... اي سيدي هات لشوف اشرحلي بشكل مختصر كل مما يلي :

نهايات
شرق المتوسط
قصة حب مجوسية
سيرةمدينة
حين تركنا الجسر
مدن الملح

حابب اخد فكرة قبل ما اقرأهن


شو رأيك بقول الماغوط
أن العين بأمكانه ان تجابه لا مخرزا واحد فحسب بل عشرين مخرزا إذا كانت العين لا يهمها على الاطلاق
أن تبصر الاشياء المحيطة بها



تحياتي :D

الاسئلة:

ا- اسئلة عامة:
أ- شو رأيك بأخوية اليوم؟ جاوبت والله سابقاً
ب- شو رأيك بالمجتمع ؟أي واحد ؟؟ تبعنا ؟؟؟ ولا بشكل عام ؟؟؟ مجتمعنا مترنح جدا
ج- وين الديمقراطية اليوم؟في تراجع مستمر , في أغلب بقاع العالم
د- حقوق الانسان ببلادنا؟ متل حقوق الحيوان بألمانيا

2- اسئلة خاصة:
أ- شو سر النك نيم (ديموزي)؟ ديموزي هو إله الخصب السوري , بحب الميثولوجيا كتير و خاصة السورية .
ب- علاقتك بأهلك؟ عادية جدا , مافي مشاكل غالباً
ج- قصة الحب و وضعك مع الحبيب؟مافي حاليا لا قصة ولا حبيب
د- مين أقرب الناس الك؟ ديموزي كتير قريب مني , أحياناً بحسو أنا يا زلمي
ه- ستايل لبسك؟ بنطلون جينز و كنزة أو قميص
و-اوصف شكلك؟يعني إلي أجرتين و أيدتين و عينتين ما بيشوفو كتير, بالمختصر أنسان ما بفرق عن أي حدا عا الكوكب غير أنو حمصي
ز- نوع دخانك؟ما بدخن
ح - سيارتك؟منين يا حسرة
ط - موبايلك؟ نسيت شو رقمو , بس نوكيا

3- علاقتك بما يلي:
أ- الله ........... ما في علاقة منوب
ب- السكر............... مع الجمعة الحلوة لازم
ج- الجنس اللطيف ................ زي علاقتي بحضرتك يعني :lol:
د- الاحزاب .................... ما بتطبق أفكاري مع أي حزب موجود بسوريا حالياً
ه-السهر ..................... الليل مش للنوم أصل الليل للسهر ................. و فيروز دايماً صح:sosweet:
و- الدراسة والعلم ........... منيح اللي خلصنا :p
ز- العائلة............... منيحة يعني , عادي
ح- الاصدقاء ................ ممتازة
ط-الطائفية والعنصرية. علاقتي فيهن ؟؟؟ زي علاقتي بحضرتك يعني :lol:

4- لو:
1- فيك ترجع على الحياة انسان واحد مين بتختار؟ المرحومة ستي
2- 3 طلبات من مارد المصباح؟ طلب واحد بيكفي , شي مليار دولار :lol:
3- تغير شغلة بالعالم؟ لو كان الفقر رجلاً لقتلته
4- تطلب طلب يتنفذ من الله؟ يعتذر رسمياً عن كل الجرائم اللي ارتكبت بأسمو:sly:


5- رأيك بهالشخصيات:

1- السيد حسن نصر الله: مقاوم
2- أحمدي نجاد: هو بيشد و غيرو بيرخي ............ سياسة
3- ايميل لحود: فاشل
4- رفيق الحريري: الزلمي مات والله ما حابب أحكي عليه
5- السيدة فيروز: ملاك مو بشر
6- نزار قباني : يعني كنت أكرهو لأنو ما بيطلع معي متلو :p
7- صدام حسين : ديكتاتور و مجرم بس مات و هو عم يحارب لبلدو , مع أنو ما بيشفعلو ما كان لازم يموت هيك
8- جورج بوش: حمار
9- ياسر عرفات: ميت ما بدي أحكي عليه بالعاطل ,بس أنو جرب يتذاكا بس ما مشي حالو
10- اسماعيل هنية: بستغرب أنو عم يشوف كل ها المآسي ولسا مصر يتمسك بالحكم
11- مارسيل خليفة: بحب مقطوعاتو كتير
12- هيفا وهبي : ههههههههههههههه جد بضحك لما بشوفا, عليها و عا البشر
13-نجوى كرم : حاج جعير
14-هتلر : قلت من قبل
15-صلاح الدين الايوبي: سياسي
16-الانبياء والرسل: خليني ساكت أحسن
17-جيفارا: قلت من قبل
18-داروين : لو كان العلم عا دورو بيساعدو كان سكت كتير ناس
19-السيدة أسماء الاسد : ما بعرف عننا شي يخليني أعطي رأي
20-اسامة بن لادن : مجرم و جبان

كفاها الله ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// الحمدلله:p

جاد و الله ما بعرفو , بس أنو ينام بكير و يفيق بكير

على راسي, نصيحة رح اخدها بعين الاعتبار, حاكم كل يومين بتأخر على صفي.:lol: قام اليوم لقبل بكام ساعة لعرفت انو عندي فحص بيولوجيا:larg:

[quote][25مهنتك؟ موظف ببنك/QUOTE]

تحياتي معلم لفتت نظري الجواب ... بس كم سؤال ع الماشي دخيل عينك :D

شو طبيعة شغلك بالضبط ؟

شو الفرق بين البنوك الاسلامية والبنوك العادية ؟؟

عدد اقوى خمس بنوك بالعالم ؟؟

شو رأيك بسياسة البنوك ؟؟ القروض .. بطاقات الائتمان ؟؟


وتحياتي مرة تانية :D

برجع ..
كوستمر سيرفيس , اون لاين , بالكول سنتر , منعمل كلشي بيعملو البنك بس بدون ما نتعامل بالكاش

البنوك الإسلامية تعريفاً هيي بنوك تتعامل بحسب أحكام الشريعة الإسلامية في جميع التعاملات الاقتصادية , بس عمليا هيي بنوك عادية متلا متل أي بنك , بس عملت هيئة من الخبراء ليعيدو تعريف الفائدة , من الآخر البنوك الإسلامية ضحكة كبيرة عا الناس , و أرباح طائلة للمؤسسين

سيتي بانك أقوى بنك بالعالم مع أنو بالفترة الأخيرة تأثر كتير بأزمة الديون العقارية بأميركا أنا هيك بعرف

بصراحة ما بدي أفتي من عندي رح أعطيك هاالرابط عا الويكي بيديا عن أقوى البنوك

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


ها الشي بيرجع لكل بنك و سياستو و توجهو, التعامل مع البنوك بدو وعي كتير, بطاقات الاتمان أداء دفع رائعة بس للي بيعرف يستعملا , و مربحة جدا للي فاضي و بيعرف يستعملا , وخطيرة جداً للي ما بيعرف , يعني بتخرب البيت نظامي, فكتير لازم الشخص ينتبه

يا زلمي عم يقلولك جاوب بصراحة , هلأ بصدقو ما بيعرفوك عم تمزح .. :?


اي ما عم أمزح :p

اخي سؤال فني ..؟
شو بحببك بنادي الكرامة
يعني على شو دخلك :larg:


وشقد بتتوقع يخسر الكرامة قدام الاتحاد بمباراة الذهاب ..


3-1 للاهلي
4-1 للاهلي
5-1 للاهلي
او اكثر من ذلك

اخي سؤال فني ..؟
شو بحببك بنادي الكرامة
يعني على شو دخلك :larg:


وشقد بتتوقع يخسر الكرامة قدام الاتحاد بمباراة الذهاب ..


3-1 للاهلي
4-1 للاهلي
5-1 للاهلي
او اكثر من ذلك



ههههههههههههههههههههههههه هههههههههههاااااااااااااا ااااااااااااااااااااااااا اااااااااااااااااااااااهه ههههههههههههههههههههههههه ههههههههههههااااااااااااا ااااهاهاهاه
ههههههههههههههههههههههههه ههههههههههههههههههههههههه هاهاههاهاهاههاهاها




والله ما ضحكت هيك من لما خسرناكون عا الدولي سنة الماضية و أخدنا الدوري:lol:




بالله عم تحكي جد ؟؟؟؟؟:?

كيفك ديموزي تيك هالاسئلة
-شو هو الحرف الاول من اسم زوجة المستقبل
- كم طفل ناوي يكون عندك
-اول طفل شو بتسميه
-اول طفلة شو بتسميها
-شو النصيحة اللي غالبا بتسمعها من باباك وماماك
-شو اخر هدية وصلتك ومن مين
-شو اخر مسج وصلك بموبايلك
-شو الصفة اللي بتكرهها في حالك


راجعة بعد الكغيب انشا الله:sick:

غزلان ولا راديا ؟ أهلين بالجوز

اهلين فيك والله

طفولة ولا مروى ؟مين أحلى ؟؟؟؟


:lol: حلوة...


المهم ما عارفة شو بدي إسألك...لأن ماشالله الأسئلة هون متل الجراد :lol:

بس بما انك ملحد (او على الاقل هيك انا فهمت!) فــ خطر لي اسألك سؤال سألتو ل كوستا وقت كان بالمقلاية..

ازا متت (بعد عمر طويل ان شاء الله:cry:) وإكتشفت انو في الله (عكس توقعاتك يعني)

شو رح تقللو؟ وشو رح يكون موقفك؟ هل رح تطلب السماح والدخول للجنة ازا عندك ذنوب؟

ام رح تقبل بكل قناعة تفوت على النار ؟ :cry:

ههههههههههههههههههههههههه هههههههههههاااااااااااااا ااااااااااااااااااااااااا اااااااااااااااااااااااهه ههههههههههههههههههههههههه ههههههههههههااااااااااااا ااااهاهاهاه
ههههههههههههههههههههههههه ههههههههههههههههههههههههه هاهاههاهاهاههاهاها




والله ما ضحكت هيك من لما خسرناكون عا الدولي سنة الماضية و أخدنا الدوري:lol:




بالله عم تحكي جد ؟؟؟؟؟:?

عن شو عبتحكي يازلمة دولي شو :?
ولا شكلكن لهلأ متأثرين من خسارة الذهاب :sly:
ولا هي كمان نسيانا :lol:

,


cuty] ما بعرفا

:lol: ...بسيطة مو هون المشكلة :larg:


كيوتي ولا ساندرا ؟ساندرا


:frown: كيف زبطن معك هي مو عاساس ما بتعرفني :?

لأ ما بتعرفنا تنيناتنا :x:cry:
















يلا مو مشكلة...برجع بسألك لما بتفضى يا حرام:o


:D

أول شي بدي اعمل تحية لروح أخوية القديمة (أم خمس أقسام و عدد المشرفين أكبر من عدد الاعضاء) المتمثلة بالنسبة الي بالحجي (ديموزي لألي هو الحجي) خيو تاريخ... تاريخ اخوية بكل ما تحمله الكلمة من معنى... بدينا تقريبا سوا و غبنا تقريبا سوا و رجعنا تقريبا سوا.... كبير يا حجي كبير

بدي كمان ما دام عم نحيي أوجه تحية فخر و اعتزاز لنادي برشلونة و أحيي كذلك برشلونة العرب نادي الكرامة السوري:gem:


أي حجي... كيف جو العمل الجديد؟

مين العضو اللي أكلت منو أكبر كم من المسبات بأخوية؟

انت أول عضو بأخوية انحذفلو رد.... شو موقفك من الحكي؟:p


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

على عيني ابو غابي

أول شي بدي اعمل تحية لروح أخوية القديمة (أم خمس أقسام و عدد المشرفين أكبر من عدد الاعضاء) المتمثلة بالنسبة الي بالحجي (ديموزي لألي هو الحجي) خيو تاريخ... تاريخ اخوية بكل ما تحمله الكلمة من معنى... بدينا تقريبا سوا و غبنا تقريبا سوا و رجعنا تقريبا سوا.... كبير يا حجي كبير

:cry::cry: سوا ربينا .. سوا مشينا .. سوا قضينا ليالينا (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

ريتا يا ريتا وزعي محارم .. :cry::cry::cry:
:p

يمان ولا رؤى؟ ايوا كترلنا من الصبايا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ZXMvc21pbGllcy9pY29uX2xvbC5naWY%3D

هلا بيطلع عنك صيت انك نسونجي :o استغربت انو ما بتعرف حدا بالاخويه :D

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مين بالمقلاية؟؟؟؟

بدينا

عواطف .. :flover:
شو اللي انت بحاجتو لتكتب ؟
عندك موقف دفاعي من الحب ؟
الأنثى اللي رح تحبك .. رح تلاقي بين وراقك .. أثار رواسب قديمة ؟
شو الشي اللي بيخلي الأخر يلاقي صعوبة بالتعامل معك بسببو ؟
شو مواصفات المثقفة بخمسة ؟ وعادة المثقفات اللي بتعرفن بيكونو بشقد :p ؟
غياب الأنثى شو بيعطيك وشو بيسرق منك ؟
وحضورا كمان .. شو بيعطيك .. وشو بيسرق منك :jakoush: ؟
بنتك ... " رح تسعى أنها ما تكون ...؟
وتكون .... ؟
ليش ما بتحب الأشيا اللي بكتبن :p ؟

كتب :gem:
شو الكتاب اللي بتتذكرو كتير على انو بداياتك مع القراية ؟
شو الكتاب اللي دوخك لدرجة صرعت الناس فيه اول ما خلصتو ؟
كام كتاب في بمكتبتك ؟
الكتاب اللي حابب تقراه ... وما صار فرصة او وقت او ... ؟.
إذا رح تهديني كتاب شو رح يكون وشو رح تكتبلي عليه ؟
إذا جمعت كل اللي بتكتبو بشي ديوان .. شو رح تسميه وشو رح يكون الأهداء ؟

شوكولا :cry:
شو النوع المفضل عندك ؟ :sosweet:


موسيقى :yahoo:
شو بتغنى بالحمام ؟ :lol: كيف صوتك ؟
شو الغنية اللي بتحملك كتير ذكريات حلوة ؟
وشو الغنية اللي وقت بتسمعا بتحس أنها بتوجع ؟ :cry:
بدك تكتب شي يتغنى .. مين بيغنيه ؟

أنا :gem:
شو أحلى شي بتلاقيه في ( غير النطوطة :pos: )
شو الشي اللي بتقول ..هالبنت والله لو بتبطل ؟؟؟؟ بتصير بتجنن ( كمان غير النطوطة :pos: )
( :pos: فضحتنا هون الناس ما بيعرفوني بنطوط ... )
وقت .. :p
معك ساعتين بسوريا ؟ وين .. ومع مين وشو عم تعملو :lol: ؟
معك ترجع لوقت كنت فيه بآخر علاقة حب ... وتقول جملة وحدة .. كان لازم تقولا قبل النهاية وما قلتا ..
شو بتقول ( فايقة ورايقة :p ) ؟
شو اكتر شي بتتذكرو عن طفولتك ؟
تغيير :adal:
اول تلت اشيا لازم تتغير بسوريا شو .. ؟
اول تلت اشيا لازم تتغير بنظام التعليم بسوريا شو .. ؟
اول تلت اشيا المفروض يتغيرو ب ديموزي ؟
اول تلت اشيا المفروض يتغيرو بأخوية ؟
لو :fthink:
انت اللي عم تفاوض على لواء اسكندرون .؟ :lol:
انت بمظاهرة رح تكون ضد شو ...؟
انت بدال الحكيم شو اللي كان تغير بالمسيرة من وقت بديتو لهلق ؟

صور :?
شو بيعنولك .. بكام كلمة :pos:
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////





حاااااااااااااج
:mimo:

هلا و غلا,


رجعنا ... اي سيدي هات لشوف اشرحلي بشكل مختصر كل مما يلي :

نهايات : رائعة بكل ما تحمل الكلمة من معنى, البيئة البدوية السورية الأردنية, البطولة , الشجاعة و الاصرار , الصيد و العادات التي لم يتم توثيقها بعد , تجدها في النهايات
شرق المتوسط : الجزء الأول من رائعته الآن هنا أو شرق المتوسط مرة أخرى, لأني قرأتها بعد أن قرأت الآن هنا , فالمقارنة الغير عادلة تحتم علي ألا أسرف بمديحها, اذا لم تكن قد قرأت الآن هنا فأنصحك أن تقرأ شرق المتوسط أولاً.
قصة حب مجوسية : البعد العاطفي لعبد الرحمن منيف, بعض من حياته في أوروبا و القليل من الاختلافات الثقافية بيننا و الغرب ممزوج بسردية ممتعة
سيرةمدينة : لم أقرأها صراحة , و لكن هوس عبدالرحمن منيف بالتوثيق في آخر أيامه أبدع لنا بعض هذه الروائع, أنصح بذاكرة المستقبل و رحلة الضوء اذا كنت من هواة التصانيف و السير الشخصيةو النقد الأدبي.
حين تركنا الجسر : نكسة الـ 67 , و ثقافة الهزيمة و صدمتها , مرثية جسر صنعته وحدة من سلاح الهندسة السوري قبيل الحرب و اضطرت للنسفه عند الانسحاب العشوائي, شخصية البطل الصياد و بطته الأسطورية. لا أريد أن أفسد القصة أكثر
مدن الملح : لم أقرأها صراحة, أعتقد أنها تقع في خمسة أجزاء و تؤرخ لنمو منطقة الخليج بعد الوفرة النفطية, سعرها مرتفع قليلا :pos:

حابب اخد فكرة قبل ما اقرأهن

لا تفوت الأشجار و اغتيال مرزوق


شو رأيك بقول الماغوط
أن العين بأمكانه ان تجابه لا مخرزا واحد فحسب بل عشرين مخرزا إذا كانت العين لا يهمها على الاطلاق
أن تبصر الاشياء المحيطة بها

كقول المسيح : من يضع يده على المحراث, لا يلتفت إلى الوراء



تحياتي الخضراء عزيزي :D

كيفك ديموزي تيك هالاسئلة
-شو هو الحرف الاول من اسم زوجة المستقبل
- كم طفل ناوي يكون عندك
-اول طفل شو بتسميه
-اول طفلة شو بتسميها
-شو النصيحة اللي غالبا بتسمعها من باباك وماماك
-شو اخر هدية وصلتك ومن مين
-شو اخر مسج وصلك بموبايلك
-شو الصفة اللي بتكرهها في حالك


راجعة بعد الكغيب انشا الله:sick:


منين بدي أعرف شو الحرف الأول؟؟؟؟ هلاء أنا ببصر بالقهوة , بس بكون عم أخرط عا الصبية, بتعرفي يعني تطبيق القصة, فما بتخيل بعرف شو أسم اللي بدها تنبلى :lol:


والله ناوي جيب بنتين, بس لا تسأليني عن الأسامي لأنو بجد ما فكرت بالموضوع , مع أني بحب أسم تاج كتير

تقبر في قلبي تاج حيدر :sosweet:


أنو شو ما سمعت ما برد عادة , أو بسمع تشويش مألوف:?, أو بكون عم فكر بالمحيط :shock:, يعني شي متل أنتبه عا حالك;)

آخر هدية , يا ستي عا عيد الميلاد قميص و كرافات, بكره هدايا التياب:x

آخر مسج دقيقة لشوف .................... والله بصراحة عيب بيشفروها المشرفين , بس عا العموم بهدلة من رفيقي بالبلد , و تحوي كلمات خادشة للحياء:oops:


ما بكره شي بحالي :p



أكتر





مية خسة :D

:lol: حلوة...


المهم ما عارفة شو بدي إسألك...لأن ماشالله الأسئلة هون متل الجراد :lol:

بس بما انك ملحد (او على الاقل هيك انا فهمت!) فــ خطر لي اسألك سؤال سألتو ل كوستا وقت كان بالمقلاية..

ازا متت (بعد عمر طويل ان شاء الله:cry:) وإكتشفت انو في الله (عكس توقعاتك يعني)

شو رح تقللو؟ وشو رح يكون موقفك؟ هل رح تطلب السماح والدخول للجنة ازا عندك ذنوب؟

ام رح تقبل بكل قناعة تفوت على النار ؟ :cry:



ما بتخيل رح قلو شي , يعني يصطفل, ما منهلاء أنا بدرب و هو بدرب, ليش بالآخر رح أهتم بأي شي بيتعلق فيه حتى لو كانت القصة بأيدو, حتى بهديك اللحظة , هو مو موجود بالنسبة إلي............

:lol: ...بسيطة مو هون المشكلة :larg:




:frown: كيف زبطن معك هي مو عاساس ما بتعرفني :?

لأ ما بتعرفنا تنيناتنا :x:cry:







يلا مو مشكلة...برجع بسألك لما بتفضى يا حرام:o


:D




والله القصة مو هيك يا زعيم , بس بذكر أنو قريان رد لساندرا و عجبني , يمكن بالمنبر, فعلق بذهني الأسم

سامحينا:cry:



صلح ؟؟؟؟؟:deal:

لم أقرأها صراحة, أعتقد أنها تقع في خمسة أجزاء و تؤرخ لنمو منطقة الخليج بعد الوفرة النفطية, سعرها مرتفع قليلا
ع راسي يا معلم :D
بس سؤال صغير قديش إلك ما دخلت ع مكتبة أخوية ؟؟؟



قلك سر صغير بس لا تخبر ميمو : مدن الملح موجود بالمكتبة ;)

تحياتي :D

أول شي بدي اعمل تحية لروح أخوية القديمة (أم خمس أقسام و عدد المشرفين أكبر من عدد الاعضاء) المتمثلة بالنسبة الي بالحجي (ديموزي لألي هو الحجي) خيو تاريخ... تاريخ اخوية بكل ما تحمله الكلمة من معنى... بدينا تقريبا سوا و غبنا تقريبا سوا و رجعنا تقريبا سوا.... كبير يا حجي كبير

بدي كمان ما دام عم نحيي أوجه تحية فخر و اعتزاز لنادي برشلونة و أحيي كذلك برشلونة العرب نادي الكرامة السوري:gem:


أي حجي... كيف جو العمل الجديد؟

مين العضو اللي أكلت منو أكبر كم من المسبات بأخوية؟

انت أول عضو بأخوية انحذفلو رد.... شو موقفك من الحكي؟:p


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

على عيني ابو غابي



دمعت عيني يا شريك :cry: الله يرحم الأيام الحلوة .................. ولك ختيرنا لك يا شريك و راحت علينا

شايف الأخوية شلون صايرة, كلا صبايا ما شاء الله , بتذكر كيف كننا من تلات أربع سنين............ متل كلية الشريعة بفرد شكل, أو متل الميكانيك بأحسن أياما :lol:

الشغل ممتاز ......................... دعولنا هيك يومين تلاتة صير مدير البنك:p

العضو اللي كان يضل يسبني, برات الأخوية , هو عاشق من فلسطين, يعني أنا و ياه كننا دايما ناقر و نقير و بعمرنا ما اتفقنا على شي فكرة , بس الاختلاف لا يفسد للود قضية , كمان كان دايما بدو ياني أكتب أكتر , و يعصب لما يعرف أنو في شي كاتبو و ماني منزلو بالأخوية, و أنا وياه دايماً عم نسب عا القطار ........ وكاكابودا ورانا عم يصرخ حاج تكفروووو:lol:


أي أنا أول مشاركة أنحذفت بالأخوية , ظلما و جوراً و عدوانا, وقتا الإشراف تدخل لأول مرة بموضوع , و كل الشبيبة تسألني أنو شو حكيت بالرد المحذوف , فكروني سبيت أو شي

بتعرف دايما رايحة عا الرواد :lol:



و بها المناسبة بحب قول تحية عا طريقة أبو نهلة



الكرامة أحسن من برشلونة , و برشلونة أحسن أحسن شي



تحياتي أحلى شريك :D

هلا بيطلع عنك صيت انك نسونجي :o استغربت انو ما بتعرف حدا بالاخويه :D


صيت غنى ولا صيت فقر :p



والله من الجداد ما بعرف حدا , للأسف



بس معنا معنا منتعرف;)

والله القصة مو هيك يا زعيم , بس بذكر أنو قريان رد لساندرا و عجبني , يمكن بالمنبر, فعلق بذهني الأسم

سامحينا:cry:



صلح ؟؟؟؟؟:deal:


:lol: لا ولو بمزح....

و منتشرف بمعرفتك اكيد:D


و استلم هالكم سؤال.....:gem:


كلمة بتوجهها ل:-

امك

ابوك

اختك

اخوك


صديقك الصدوق



لنعكس السؤال:-

لمين بتقول

آسف


اشتقتلك


بحبك


حل عني


و لو للثقة بالنفس معيار من 1-10 قديه بتعطي لحالك؟


من هون لخمس سنين وين بتشوف حالك و كيف بتشوف حياتك؟



و بس dimozi

هي مشان تصير تعرفني هه:jakoush:
:p:lol:

منوصل للست النطاطة باتر فلاي


عواطف .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
شو اللي انت بحاجتو لتكتب ؟
عندك موقف دفاعي من الحب ؟
الأنثى اللي رح تحبك .. رح تلاقي بين وراقك .. أثار رواسب قديمة ؟
شو الشي اللي بيخلي الأخر يلاقي صعوبة بالتعامل معك بسببو ؟
شو مواصفات المثقفة بخمسة ؟ وعادة المثقفات اللي بتعرفن بيكونو بشقد ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ؟
غياب الأنثى شو بيعطيك وشو بيسرق منك ؟
وحضورا كمان .. شو بيعطيك .. وشو بيسرق منك ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ؟
بنتك ... " رح تسعى أنها ما تكون ...؟
وتكون .... ؟
ليش ما بتحب الأشيا اللي بكتبن ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ؟



1- أول شي بحاجة للرواق, كتير رواق, رواق إلى حد الوحدة , كمان بحاجة إلى أنثى (دافع ) لأكتب, أو لشي حدث بحياتي ( في حال عدم وجود ملهمة ) يأثر فيني لدرجة أنو حب عبر عنو كتير, وقتا ما بقدر ما قوم جيب قلم و ورقة و حط عواطفي عليها.



2-ما بتصور عندي موقف دفاعي من الحب, يعني ممكن أنا بقول هيك أنو ما بدي حب أو شو ها الحب و الحكي الفاضي, بس بتصور أني كتير متصالح مع ها الموضوع, لما رح يجي حدا يعجبني لحبو ما رح وقف بوجه ها الشعور , متل ما أول حب مرق بحياتي إجا صدفة بحتة و نمى على مهل كتير و راح على مهل كتير , بتصور نفس الموقف رح يتكرر بالتاني أو التالت أو أو أو .......... أول مرة ما كنت عم دور عا ها الشي و بتصور عمري ما رح دور عليه , هو بيجي لحالو.



3-ما بتخيل أنو أنا من النوع اللي كتير بيتمسك بشي و ما بيفلتو, بس أنا اقتنعت أنو ها الشي ما بيناسبني, بتركو فورن و ما بتطلع ورا ضهري ولا بندم لحظة, فأي حب رح يجي عا الطريق ما رح يتأثر باللي قبلو, لأنو اذا اللي قبلو راح فأكيد راح و أخد معو كلشي إجا معو , بتضل بس الذكرى الحلوة و المودة اللي كانت, ما رح يكون في أي شي بيزعج الحبيب من هدول .


4-أنا ما بحب الخلطة كتير, الناس اللي بقربون عليي بنقيهن عا الفرازة , فاللي بيخلي الآخر يتعزب بالتعامل معي , أنو ما بحب قرب فجأة , يعني كتير بخلي مسافة لبين ما اتعرف عا الشخص, و بدي لأوصل مع أي حدا لعلاقة عميقة فترة طويلة, و اللي ما بيساعدني عا ها الشي أنو ما كتير بلاقي ناس عندنا تقريبا نفس اهتماماتي , كمان بحب شوي الركاز بالتعامل , و ببعد عن أي شي بيكون خارج عن ها الإطار كرد فعل أولي
غالبا بحب الهدوء كتير و ببعد عن الضجة, و خصوصي ضجة العالم التانية.


5- الثقافة مو قراية و كتب , ولا علم وشهادات, الثقافة طريقة تعامل , تحية قريبة من القلب , حديث ممتع و لبق , بأي شي , من الطبخ للعادات اليومية للمشي و التطليع و القعدة عا الطاولة, و طريقة ايصال فكرة أنو أنا مهتم أو مهتمة, فالمثقفة " بخمسة " هيي اللي بتعرف تتعامل مع الناس صح و بتعرف تحكي صح و بتعرف ليش عم تتصرف بالطريقة اللي عم تتصرف فيها
من المستحيل يطبقو أفكار شخصين, ولا سيما من جنسين مختلفين, بالإضافة أنو يكونو منجذبين لبعض , فأكيد ما بدور عا ها الشي, اذا كان موجود فخير وبركة بس اذا لاء ما بيأثر كتير

بصراحة لسا ما لقيت مثقفة بخمسة تجي عا قد خمستي , يمكن لازم نعبي بزر بليرة بس:p

6- غياب الأنثى بيولد نوع من الحزن و الفراغ, بيسرق أحيانا الدافع للطيش و المغامرة .

حضورا بعكس غيابا بيولد النشاط التفكير و التحفيز, بيولد النطوطة :lol: و المغامرة و الاندفاع , ما بيسرق كتير بس ممكن يسرق شوي من حصة الغوالي بالاهتمام " و ها الشي بيدايقني شوي "


7- بنتي رح أسعى أنو ما تكون أنا , و رح أعمل جهدي أنو تكون هيي


8- بدي رد بسؤال........... ليش بتقرري عني :?

اي منكفي مع النطاطة



كتب ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////شو الكتاب اللي بتتذكرو كتير على انو بداياتك مع القراية ؟
شو الكتاب اللي دوخك لدرجة صرعت الناس فيه اول ما خلصتو ؟
كام كتاب في بمكتبتك ؟
الكتاب اللي حابب تقراه ... وما صار فرصة او وقت او ... ؟.
إذا رح تهديني كتاب شو رح يكون وشو رح تكتبلي عليه ؟
إذا جمعت كل اللي بتكتبو بشي ديوان .. شو رح تسميه وشو رح يكون الأهداء ؟


1- قريت كتير قبلو بدون نمط بالقراية, بس اول كتاب ممكن أعتبر أنو بلش يرسملي نوع الكتابة اللي بحب أقراها هو رواية المستنقع لحنا مينة, جد أكتر من رائع, وفتحلي عيوني عا شي أسمو أدب , وقتا بلشت أعرف الغث من السمين.

2- أنو ضليت استشهد فيه شي شهر زمان, لغز عشتار لفراس السواح , علمني أعبد الأنثى مرة تانية.

3- ما بعرف يعني ما عديتونو كمان مكتبتي تركتا بسوريا للأسف

4- الثابت و المتحول لأدونيس, كل مرة أجي بدي اقراه يكون يا غالي كتير يا مو متوفر بس يكون معي مصاري, ولما يكونو التنين ما يكون عندي وقت لجيبو و أصمدو شهر قدامي فبجيب غيرو يخلص بسرعة ........ غباء ما :pos:

5- بهديكي شي لأيزابيلا أليندي بركي بتغيري رأيك فيها, بالعادة بكتب شعر لما بهدي كتاب فما بعرف وقتا شو بدي قول, بحسب المناسبة يعني.

6- ما بعرف شو رح سميه , ما عم يخطر عبالي, بس رح أهديه للبنت اللي منشانا كتبت شعرأول مرة , أول ديوان بس :p, أي ممكن سميه إنانا .

شوكولا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
شو النوع المفضل عندك ؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


موسيقى ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
شو بتغنى بالحمام ؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// كيف صوتك ؟
شو الغنية اللي بتحملك كتير ذكريات حلوة ؟
وشو الغنية اللي وقت بتسمعا بتحس أنها بتوجع ؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بدك تكتب شي يتغنى .. مين بيغنيه ؟


اي ست فضيحة منرجع


بحب السنيكرز كتير والله


مزيكا ؟؟؟

بغني لصباح فخري, هات كاس الراح و سقيني الأقداح , بس النشاز شغال لعند الله:cry:


عمري ما ربطت غنية بذكرى معينة, بس كنت بفترة اعتبر غنية "و بينا معاد " لعمر دياب غنيتها


لملمت ذكرى لقاء الأمس بالهدب لفيروز ............. كتير بتزعل و إلا كمان حادثة صايرة معي بحلب , وقتا المسكينة أكلت قتلة من وراها :lol:

هلاء في حدا بتعرفيه بزماناتو لحن أكتر من قصيدة إلي, بس ما طلعو للعلن للأسف مع أنو الألحان حلوة:shock:

أنا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
شو أحلى شي بتلاقيه في ( غير النطوطة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// )
شو الشي اللي بتقول ..هالبنت والله لو بتبطل ؟؟؟؟ بتصير بتجنن ( كمان غير النطوطة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// )
( ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// فضحتنا هون الناس ما بيعرفوني بنطوط ... )


و أعوذ بالله من قولة باتر فلاي


غير النطوطة , الفضايح :lol:

شو الـ 400 شغلة اللي .................


خلينا نبلش
























:p

وقت .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
معك ساعتين بسوريا ؟ وين .. ومع مين وشو عم تعملو ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ؟
معك ترجع لوقت كنت فيه بآخر علاقة حب ... وتقول جملة وحدة .. كان لازم تقولا قبل النهاية وما قلتا ..
شو بتقول ( فايقة ورايقة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ) ؟
شو اكتر شي بتتذكرو عن طفولتك ؟

أفففففففففففففففف



بجمع الشلة المختصرة , نحنا أربع شباب, بنجيب قنينتين نبيت أحمر مز و ربطة سمون:D


بقول .................... خرج نبلش من جديد ؟؟؟ و عا رواق ؟؟؟



بتذكر أنو كنت طفل هادي كتير, بس بحكي و بناقش كتير, و بقول رأيي بكل صراحة و بسبب حرج لكلشي حوليي, لحد ما فهموني شو اللي لازم وما لازم ................... و من وقتا صرت هادي كتير و بطلت أحكي:frown:

تغيير ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
اول تلت اشيا لازم تتغير بسوريا شو .. ؟
اول تلت اشيا لازم تتغير بنظام التعليم بسوريا شو .. ؟
اول تلت اشيا المفروض يتغيرو ب ديموزي ؟
اول تلت اشيا المفروض يتغيرو بأخوية ؟
لو ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
انت اللي عم تفاوض على لواء اسكندرون .؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
انت بمظاهرة رح تكون ضد شو ...؟
انت بدال الحكيم شو اللي كان تغير بالمسيرة من وقت بديتو لهلق ؟

لشو ها الأسئلة هلاء :p

المطار و الشوارع ...............و الحبوس لازم تصير مجانية :o

الأساتذة و اللغات و التدريب العملي

ما بلاقي أنو في هدف شايفو لأتغير ............ أنا بتغير مندون ما حس ....... فما في شي حاططو ببالي لقلك ياه.


لازم نظام العقوبات يتغير........ و نظام قبول الأعضاء يتغير ........... و نظام المقلاي ما يحطو فيه أسئلة صعبة :lol:


لو عم فاوض عا اللواء, برجعو و بعطيهن حماة :clap:


قلتيلي بمظاهرة ؟؟؟ ضد التلوث :shock:

بدال الحكيم ................. ما بتخيل بغير شي :sly:

منجي عا الصور



كليتي الحبيبة, العاجقة عطول, جو حلو بحس حالي فيه الحجي الأصلي, وين ما تطلعت بلاقي ناس بحبون و بيحبوني , بكل مدرج أو قاعة أو مخبر أو مقعد في ذكرى و تقليعة و ضحكة و روشيتا طايرة من مقعد لمقعد, فنجان قهوة سادة و سيكارة بالمقصف, ضحك و حبايبي حوليي .

ساسوكي , بتذكر حالي بالجنينة بالبيت عم ضم أصابيعي فوق منخاري و عم قول أم بصرن فن الكوغا أخرجي يا مياه , و الحنفية ما عم تطالع شي.


الأخوية , موقع بحس فكري فيه مقدر , موقع فيه كتبت أحلى شي طلع معي ,و تعرفت عا ناس كتير بعزون, و بيعنولي كتير كتير.



الكاونتر, علم و فن ............ ما عم امزح الكاونتر علم قائم بحد ذاتو و فن بنفس الوقت, الكاونتر وقت من المتعة الخالصة و الضحك مع التيم اللي لعب معو أقوى السيرفرات بعمري, خورفت و تخورفت بس عمري ما بيتت تار :lol:
تعلمت على ايد الحجي الكبير , و نصايحو ما بتخيب, و علمت بعدي حدا يشيل القناصة و يكفي الدرب , الخلاصة بس أبو غابي ينزل عا السوق و بأيدوا الـ 31 , في حدا رح يتخورف.:lol:

الملجأ بحمص العدية
الشباب بيوقفو هون , منشوفون بس نطلع من البلو, أنا غالبا عم نق أنو ما بدي وقف يا نعمل شي يا خلوني روح عا البيت بقا :p



هلكتيني باتر فلاي:D

ع راسي يا معلم :D
بس سؤال صغير قديش إلك ما دخلت ع مكتبة أخوية ؟؟؟



قلك سر صغير بس لا تخبر ميمو : مدن الملح موجود بالمكتبة ;)

تحياتي :D



اي دريان أنو بالمكتبة , بس ما بقدر أقرا من الكومبيوتر, لازم كتاب :p

[quote=cuty;919698]:lol: لا ولو بمزح....

و منتشرف بمعرفتك اكيد:D

و أنا بالاكتر يا ستي


و استلم هالكم سؤال.....:gem:


كلمة بتوجهها ل:-

امك : أنو الطبخة اليوم ما كانت عا المستوى

ابوك : أنو طبخة مرتك اليوم ما كانت عا المستوى

اختك : أنو طبخة أمك اليوم ما كانت عا المستوى

اخوك : منيح اللي ما أجيت كننا رحنا عا العسكرية :D و كنت أكلت اليوم طبخة ما عا المستوى :lol:


صديقك الصدوق : أنو طبخة عمتك أم ديموزي اليوم ما كانت عا المستوى



لنعكس السؤال:-

لمين بتقول

آسف : لأمي لأنو فضحتا


اشتقتلك : لطبخة عا المستوى


بحبك : كمان للطبخة اللي عا المستوى



حل عني : للي أكل طبخة أمي اليوم و عجبتو


و لو للثقة بالنفس معيار من 1-10 قديه بتعطي لحالك؟ 9 منشان الحلال و الحرام


من هون لخمس سنين وين بتشوف حالك و كيف بتشوف حياتك؟ يعني لازم كون غيرت شغلين و صرت بمحل أحسن , ما خطر عبالي أكتر



و بس dimozi

هي مشان تصير تعرفني هه:jakoush:
:p:lol:




تحياتي الخضراء :D

خيو بإختصار و بلا فضايح قدام البشر و نشر غسيل .. :lol:

كم سحبة سحبت بأجوبتك عا الناس . ؟!

[quote=cuty;919698]:lol: لا ولو بمزح....

و منتشرف بمعرفتك اكيد:D

و أنا بالاكتر يا ستي


و استلم هالكم سؤال.....:gem:


كلمة بتوجهها ل:-

امك : أنو الطبخة اليوم ما كانت عا المستوى

ابوك : أنو طبخة مرتك اليوم ما كانت عا المستوى

اختك : أنو طبخة أمك اليوم ما كانت عا المستوى

اخوك : منيح اللي ما أجيت كننا رحنا عا العسكرية :D و كنت أكلت اليوم طبخة ما عا المستوى :lol:


صديقك الصدوق : أنو طبخة عمتك أم ديموزي اليوم ما كانت عا المستوى



لنعكس السؤال:-

لمين بتقول

آسف : لأمي لأنو فضحتا


اشتقتلك : لطبخة عا المستوى


بحبك : كمان للطبخة اللي عا المستوى



حل عني : للي أكل طبخة أمي اليوم و عجبتو


و لو للثقة بالنفس معيار من 1-10 قديه بتعطي لحالك؟ 9 منشان الحلال و الحرام


من هون لخمس سنين وين بتشوف حالك و كيف بتشوف حياتك؟ يعني لازم كون غيرت شغلين و صرت بمحل أحسن , ما خطر عبالي أكتر



و بس dimozi

هي مشان تصير تعرفني هه:jakoush:
:p:lol:




تحياتي الخضراء :D
طيب شو هي هالاكلة اللي ماكانت ع المستوى



بعدين وين صورة الملجأ ماشفتا:cry: