لانك استفزيتني رح حطلّك الاسئلة التقليدية..وادا استفزيتني اكتر رح ضيف الهندسة والاحتمالات وادا بدّك اسئلة بـ الكيمياء والفيزياء..ولا ضير ادا ضفتلك اسئلة بـ علم النفس ولا علم الاحياء او اعراب واسئلة نحو عربي "حبيبات البي" :pos:..اسئلتي هي ::


*بدايةً تعريف الزواج المضمون هو : انو في زلمة بيبعت اعلان انو بدّو يتزوج بنت مقابل مبلغ ما من مال او بيذكر انه هو غني وعندو خيرات الله من المصاري والفيللات و و و... وبدو بنت يتزوجها ورح يعيّشها عيشة رفاهية.
وانو اللي بدو يعطيه بنتو يحط صفاتها وهو بيختار ، بيقوموا في ناس بتبعت صفات بناتها بدون ما تعرف شي عن هالزلمة غير اعلانو.. بيقوم هالزلمة بتعجبوا صفات صبية ما...بيختارها..بيقوموا بيبعتوها اهلها لعنده مقابل مبلغ ما من المال او بدون استلام مبلغ انو بس بيكتفوا انه هو غني ورح يعيّشها برفاهية.. وهيك بتكون تزوجت البنت بالبريد..واسمو مضمون انو على اساس مضمونة حياة البنت مع رجل غني..وهكذا..

من هنا:::



1)شو رايك بـ (الزواج بالبريد المضمون)؟!

2)صف ذوي هذه العقلية(عقلية الزواج بالبريد المضمون)؟

3)حسب رايك ما هي تداعيات هذه الخطوة؟!

4)ما هي اسباب هذا التصرف؟!!

5)بالنسبة لتقمص شخصية الاخر .. برايك من اين ينبع ,.. من جهل..الخ..؟!



6)برأيك هل يستطيع القلب استيعاب اكثر من حب في نفس الوقت ؟

7)هل يستطيع العقل استيعاب اكثر من حب في نفس الوقت؟هنا الحب بمعنى حُب الحبيب ...

8 ) برايك : هل الحب الاول لا يـُـنتسى؟؟!

9)الحب عبر الانترنت.. الى اي مدى تؤمن بـ وجود هذا الحب؟!!

10) ان تكونت علاقة عبر الانترنت وانتهت بالزواج...هل برايك سيستمر هذا الزواج ام ينتهي بالفشل؟!
ان كان جوابك نعم فـ لماذا.. وان كان لا.. ايضاً لماذا؟!!

11)لا فرق لديك اذا ما كان الزواج نتيجة حب انترنت او نتيجة حب على ارض الواقع اي انهما سواسية بالنسبة لك ام تخالف احدهما ؟!!

12) شو هو الزهد بمفهومك؟! مو تجي تقلي صفة حلوة ومنيحة والخ...
لانو انا ما طلبت توصفه..انا طلبت تعريفه بمفهومك..شو بتعرف عنه وعن معناه؟!
يعني في ناس بتفكّر انو هو بـ انك تاكل اكل بسيط وتلبس لباس بسيط وتتشحتف بس هيدا غلط..بقا انت شو بتعرف عنّو؟
واذا بدك شرح اكتر لـ هالسؤال انا مستعدة..

13) بيعنيك الرد على الاحاديث الطائفية ام انك ما بتفضّل ترد وتناقش؟! وليش؟!

14) لمين بتقول من المنتدى او برا المنتدى الاقوال التالية،
(يعني كأنك بحوار مع شخص بتقوم بدك توصفه فبتقلو قول من هالاقوال) ::

أ- "وما خاطبتُ جاهلاً الا وغلبني".

ب- " ولا خير في ودّ امرئ متملق حلو اللسان وقلبه يتلهبُ".

جـ-"ولا خير في ودّ امرئ متلون اذا الريح مالت مال حيث تميلُ".

د-"سلامٌ على الدنيا اذا لم يكن بها صديقٌ صدوقٌ صادقُ العهدِ منصفا".

15)كلمة توصف هؤلاء او توصف صوتهن او اغانيهن( كلمة واحدة فقط-مو تطحش بالوصف):

أ- فيروز.
ب- اصالة.
ج-ميادة الحناوي.
د- ميادة بسيلس.
هـ- لينا شاماميان.

16)رأيك بـ هؤلاء ولو اضطريت انك تتعامل معهم شو بيكون موقفك وتصرفك اتجاههم ؟!!

ذوي المصالح:

ذوي الافكار السطحية والساذجة:

ذوي الاقنعة والوجوهـ المتلونة ( بالعامية "اللعب على الحبلين"):

امرئ حلو اللسان وقلبه يتلهب:

الحاسد :

الحاقد :

المنافق والكاذب والمخادع:

الغدّار:

الجهلة بمعنى انو بتناقشهم بتناقشهم وبتطلع انو عقولهم مقفلة يعني حق باطل ما رح يقتنعوا معك:

وقلي اذا صار وتعاملت معهم او مع بعضهم قلي مين ؟
واذا " عبالك " توصف احدى الصفات او كلها او بعضها لحدا من المنتدى فيك توصفه وقلنا لمين؟ واذا مو عبالك توصف انت حر


17)لمين بتقول من الاعضاء "اذا" بتقدر تقول ، يعني يمكن تخجل تقول لكن لو بتقدر لمين بتقول:

وقد سقط ما تبقى من ورقة توت لم يعد دونها شئ مستور، على مين بتحس انها بتنطبق:

وُلِدتَ فاشل وما زلت فاشل ورح تبقى فاشل:

الكذب عندك صنعة:


18 ) يـُـقال ان قوة المرء في كظم غيظه لا بـ ان يرد بالمثل ومن هنا :::


أ)هل انت ممّن يكظمون غيظهم أَم ممّن يجيبون بالمثل ؟؟؟!
ب)اذا كنت من كاظمي الغيظ الى اي مدى تستطيع كظم غيظك ؟؟؟!

متل ما قلت.. ادا استفزيتني رح زيد اسئلة عليك..لهيك هلأ ما رح قلك " ما عاد رح اسألك" او "بيكفي اسئلة " :pos:

هلأ اب سمرا وابو حميد انزتّوا شي مرة ع المقلاي ولا؟!

حتى ادا ما انزتّوا نوصي راغب يزت ويحد منن من بعدو :larg:

راغب ...


هالمره ناويه وبكل جديه اسال ...


بس لنشوف اجوبتك بنسال ...\\ سمايلي عم ينط \\ ...:D

______________________


عالهامش ... خلولنا المقلايه مقلايه .. هفففففففففففففف

عالهامش ... خلولنا المقلايه مقلايه .. هفففففففففففففف


ليش شو شايفتيها؟! طنجرة يعني؟!:?

عالهامش ... خلولنا المقلايه مقلايه .. هفففففففففففففف

الحكي الك ياكنة .. سمعي ياجارة .. اسمعي ياكنة :larg:

عالهامش ... خلولنا المقلايه مقلايه .. هففففففففففففففف


و هاي تنتين مني كمان ..


منشان ما يطير ردي بس

سؤال : مين بيغني راغب بقربك أنا راغب .. :p

إيــــــــه على إيام الزمن الجميل .. !!

ح غض نظر عن حكيك مع البنات هلئ لأنك بالمقلاية

سؤال واحد جاوبني عليه بسرعة لشوف

يعني أدي بتحبني؟؟

---

هاد أصعب سؤال
أنا الحق عليّ
إنّو انتي مو حاسّة على نزلتي عالمقلاية ؛؛ ضروري نبهك!!

بس يا حبيبتي يا قلبي يا عيوني يا روحي إنتي
هلأ نحنا مو بعض على طول إيمتا ما بدّك زتّيني بالمقلاية
يعني على حسابك دووووماً
و بدل ما هلأ تصيري معي زدتيها عليّ بهالسؤال

يعني ما بتعرفي شئد بحبّك؟؟

طيّب حياتي شوفي
رح اقتبس من مذكّراتي لأن أحسن من هالكلام ما لئيت و هوّ

"منذ أوّل مرّة تعرّفت فيها على اللانهاية في الرياضيّات و حتّى الآن لم أكن أعلم ما هي الـ لانهاية؛ كانت اللانهاية لدينا الرياضيّين و مازالت من أعقد المفاهيم و بمقدار ما تستطيع استيعاب معناها فأنت رياضيّ بامتياز؛ و معلوم أنّ المفهوم البحت عصيّ على الفهم إلا بوجود تطبيق يشبهه؛ حبيبتي الآن فهمت اللانهاية عندما كنت أسرح و أنا مستلقٍ على فراشي و أتساءل في سرّي ما هو مقدار حبّي لكِ عندما فكّرت بأن أكتب لك رسالة أصف لك بها مقدار حبّي، لكن للأسف لم أجد رقماً أو مقداراً حقيقيّاً أو تخيّلييّاً أو كميّة محسوسة أو غير محسوسة لوصف مقدار حبّي إلا أن تذكّرت اللانهاية؛ حبيبتي الآن فهمت معنى اللانهاية؛ إنّها حيث ينتهي حبّي لكِ"


:melody:


®

يا اهلين والله براغب
أهلين فيك حجي.

خيو انا عندي سؤال واحد حاليا
خود راحتك.

شلون بتكتوب هدول المعادلات وبتشحطون لهون؟؟يعني عاي موقع او برنامج او .....؟
الحقني
>>>> من هووون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

وبعدا بركي برجع
شو صار معك ؟

طب من هلق لوقتا منبلش عالخفيف
كمان خود راحتك.

زكاتك عطيني معادلة الاحداثيات الاسطوانية والكروية
يعني هلأ بدّك ياها ؟؟
وضّح السؤال؛؛ يعني إحداثيّات شو ؟؟ ليكون سمعان كلمة إحداثيّات كروية و بدّك تستفسر عنها لأن مافي شي اسمو "معادلة إحداثيّات أسطوانيّة و كرويّة" يعني ممكن يكون طلبك في عندك نقطة ما إحداثيّاتها الديكارتية (x,y,z) و بدّك إحداثيّاتها على الأسطوانيّة و القطبيّة؟؟

(4)^0,5=0.0625
(-4)^0,5=16

لوغرتم ( 1 ) للاساس e
لوغاريتم الواحد من أي أساس هو الصفر لأن أي عدد مرفوع للأس صفر بيعطي واحد طبعاً ما عدا الصفر.
لوغرتم ( -1 ) للاساس e
لا يوجد لوغاريتم للعد السالب

بركي برجع بس تجاوبني عاول سؤال
جاوبتك ارجع.

:melody:


®

بكرا دوري بالأسئلة .. انطرني .. :lol:

الله حيوووووو
ميس RAW تتكلم فليسكت الجميع ازن
ايه ايه اسمعو كلمتا؟

طيب انو بمعيتك خليه يجاوبنا ع هالكم سؤال لكن...
ايه خلّتني جاوب اليوم بإذن شفهمي مباشر منها.

عمرك؟
22 سنة و 8 شهور و كم يوم.

مهنتك؟
أستاااااذ رياضيّات.

حالتك الاجتماعية؟
مخطووووب و لا خاطب شو رأيكن.

بتدخن؟
سلبي.

ازا اي من ايمت؟
من وئت ولدت.

اي يلا كم سيجارة بتدخن بالنهار؟؟؟
كتير.

شو نوع الدخان اللي بتدخنه؟
حسب اللي عم يدخّن جنبي.

بتشرب؟
مي؟!

ازا اي من ايمت
ما بتذكر كنت زغير.

واديش؟
حسب الأكل لمّا بكون الأكل مالح بشرب كتير. من الحنفية دغري ما بينحسبو.

وشو اكتر نوع بتحبه
المي الباردة.

انت ليش هيك؟؟؟
لو كنت غير هيك ما كنت رح إعجبني.

شو اكتر غنية بتحبا؟؟ وليش؟؟؟
المحبّة - فيروز
لأن هي أوّل غنيّة منسمعها أنا و حبيبتي "سوا".

مين مطربك المفضل؟؟
عبد الحليم.

شو المواضيع اللي تقراها بالمنتدى
العلوم - مواضيع المنبر اللي بئلي عليها بلاك و ياسين - المقلاية و المواضيع اللي بالي بالك.

شو الصفات اللي بتكرهها بالانسان
المتفهمن.

والصفات اللي بتحبها
الفهيم.

شو حكمتك بالحياة
طنّش.

شو هيي صفات امراة احلامك
نسخة طبق الأصل عن Miss Raw.

اذا ربحت مليون دولار, شو بتعمل فيها؟؟
بشتري علكة.

انت سعيد بحياتك وليش
شوي هيك شوي هيك بس بالمحصّلة سعدان.

اذا لاء كمان ليش؟
هيك مرااااء.

.اذا فشلت بتحقيق حلمك شو رح تكون ردت فعلك؟
بحاول مرّة تانية.

وشو هي اكتر مادة بتكرها و كمان ليش؟
الزئبق لأن ما بينمسك.

هل بتامن بالابراج ؟ و علل جوابك
هيه فيها شي من الصحّة برأيّي بس هالأبراج اللي عم نسمعها لأ لأن تأليف و تلفيق أنا مرّة ألّفت.

هل بتامن بالقدر؟ علل جوابك
أجل؛ إذا ما آمنّنا بالقدر بشو بدنا نآمن؟

هل بتامن بالسحر و المشعوذين؟ علل جوابك
أجل؛ لأن شفت بعض السحر بعيني.

عرفلي البيروقراطية والديكتاتورية
بيروقراطيّة؛ يعني متل اللي عننا بكلّ الدوائر و المؤسسات و الشركات؛ شفتها و مارستها عملي.
الديكتاتوريّة؛ التفرّد بالرأي و قد تكون ضروريّة أحياناً؛ كمان شفتها و مارستها عملي.

شو اكتر شي بيعصبك؟
إنّو واحد يشتغل شغلة مو شغلتو.

شو اكتر شي بيفرحك؟
شغلات بيني و بين حبيبتي مالك علاقة فيها "بس لا يروح ذهنك لبعيد".

شو رايك بقضية الشرق الاوسط؟
ملّيت منها.

شلون تعرفت على أخوية ..؟
ما بتذكّر؛ يمكن غوووغل.

شو هدفك بالحياة ...؟
كتير شغلات؛ بس لازم ما انتسى بعد ما موت.

مين أكتر أعضاء بتقارلون بالأخوية ..
أنا.

كم اخ و اخت عندك؟
أخ واحد و تلات أخوات.

مين من اخواتك هوي المفضل عندك وليش؟
أصغر شي لأنها أصغر شي بس تكبر كلوووون بصيرو متل بعض.

شو هوي فيلمك المفضل وليش؟
A Beautiful Mind بس تشوفي بتعرفي ليه.

مين ممثلك المفضل وليش؟
قيس شيخ نجيب؛ ما بعرف.

شو اكتر شي بتحبو بالحياة وليش؟
حبيبتي؛ كمان هي ليه؟! صحي ما بتنعطي وش؛ كل شغلة ليه ليه.

شو امنيتك بالحياة؟
ينعطى الخبز للخبّاز.

شو ناوي تدرس؟
رياضيّات للانهاية و يمكن عدّي على علم النفس.

شو أكتر معادلة كيمياء حفظتها بحياتك؟
جزيء هيدروجين + نصف جزيء أوكسجين بحضور شرارة كهربائيّة ينتج جزيء ماء واحد.

شو أحلى قصيدة مرقت معك؟
حروف اسمك كالترياق تشفيني...

شو درس العلوم المفضل يلي حفظتو؟
الوراثة.

شو حدود سوريا الجغرافية؟
شمال سوريا - شرق سوريا - جنوب سوريا - غرب سوريا.

شو طبيعة لبسك : سبور -فنكي -رسمي ؟
مبهدل.

شو اكتر موقف محرج صار معك؟
حكيت شغلة لواحد طلعت حاكيها من قبل.

بتعتبر حالك ن الناس ياللي بيحكو كتير؟
لأ.

شو اكتر اسم بتحب للشب وللبنت؟
للشبّ أحمد و للبنت سارة.

مين قضوتك بالحياة ؟
ما حدا.

شو رأيك بالطفولة و الولاد ؟
ماشي حالهن.

مين أعز شخص على قلبك و ليش ؟
ماما. بابا. باسم. رباب. شو بعرّفني ما فيني قارن.

إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟
ما بساعد حدا.

شو أحلا أيام حياتك؟
يوم اللي بشوف فيه حبيبتي يعني عندنا يوم بالأسبوع.

شو الحياه بالنسبه إليك؟
حبيبتي.

شو بنظرك بياثر اكتر دموع الفرح أم بسمة الفرح؟
الدموع.

شوالشي الذي تتمنى أن يرجع؟
ولا شي.

موقف صار لك ولا تقدر تنساه؟
ما متذكّر ولا موقف كلّو نسيانو.

شو أفضل لديك بمراحل النمو هل هو الطفوله ام المراهقه ام الشباب أم الشيب؟
الطفولة.

زيت المقلاية عم يحرقك شي؟
لأ.

ازا اضطريت انو تختار بين تتين من رفقاتك شو بتعمل
بختار واحد.

الاجوبة لازم تكون مختصرة بمالايقل عن ست اسطر
حاج لعي فاضي.

وبالتوفيق
و إنتي كمان.

واديش بتحبا ل MISS RAW وبدي جواب مفصل ع هالسؤال
جاوبنا.


:melody:


®

لانك استفزيتني رح حطلّك الاسئلة التقليدية..وادا استفزيتني اكتر رح ضيف الهندسة والاحتمالات وادا بدّك اسئلة بـ الكيمياء والفيزياء..ولا ضير ادا ضفتلك اسئلة بـ علم النفس ولا علم الاحياء او اعراب واسئلة نحو عربي "حبيبات البي" ..اسئلتي هي ::

إذا بتحطّي حالك كلّك ما رح خاف منّك بئا حاج تطولي و تئصري بتضلي ماتيا شو ما عملتي و هه

*بدايةً تعريف الزواج المضمون هو : انو في زلمة بيبعت اعلان انو بدّو يتزوج بنت مقابل مبلغ ما من مال او بيذكر انه هو غني وعندو خيرات الله من المصاري والفيللات و و و... وبدو بنت يتزوجها ورح يعيّشها عيشة رفاهية.
وانو اللي بدو يعطيه بنتو يحط صفاتها وهو بيختار ، بيقوموا في ناس بتبعت صفات بناتها بدون ما تعرف شي عن هالزلمة غير اعلانو.. بيقوم هالزلمة بتعجبوا صفات صبية ما...بيختارها..بيقوموا بيبعتوها اهلها لعنده مقابل مبلغ ما من المال او بدون استلام مبلغ انو بس بيكتفوا انه هو غني ورح يعيّشها برفاهية.. وهيك بتكون تزوجت البنت بالبريد..واسمو مضمون انو على اساس مضمونة حياة البنت مع رجل غني..وهكذا..
1)شو رايك بـ (الزواج بالبريد المضمون)؟!
ما عجبني ما حبّيتو ما طئتو ؛؛ ايـــع و تفي.

2)صف ذوي هذه العقلية(عقلية الزواج بالبريد المضمون)؟
مهابيل؛ متل المقامرين؛ و على العموم مادّيّين كتير و الحياة عندهن ما بتمشي بدون آلة حاسبة.

3)حسب رايك ما هي تداعيات هذه الخطوة؟!
انقراض البشر.

4)ما هي اسباب هذا التصرف؟!!
الأسباب نفسا السابقة يعني هبلنة و مادّيّة و قلّة أخلاق و عدم استحياء و تفي عليهن.

5)بالنسبة لتقمص شخصية الاخر .. برايك من اين ينبع ,.. من جهل..الخ..؟!
من ضعف الشخصيّة يعني عدم الثقة بالنفس و إلا كان تقمّص شخصيّة نفسه يعني ضلّ على طبيعتو "كندادراي خلّيك على طبيعتك"

6)برأيك هل يستطيع القلب استيعاب اكثر من حب في نفس الوقت ؟
ايه.

7)هل يستطيع العقل استيعاب اكثر من حب في نفس الوقت؟هنا الحب بمعنى حُب الحبيب ...
ايوا عليكي نور هون حدّدتي هلأ منجاوبك بدون مألسة؛ لأ ما بيئدر يستوعب أكتر من حبّ و لا حتّى حبّ واحد ما بإمكانو ؛؛ أصلاً اللي بحبّو كلّون بصيرو مجانين و يعني هيك في نوع من الوشّة.

8 ) برايك : هل الحب الاول لا يـُـنتسى؟؟!
لأ ينسى كحادثة مرّت في تاريخ الإنسان أمّا كحبّ بينمسح مجرّد ما يصير حالة حبّ جديدة.

9)الحب عبر الانترنت.. الى اي مدى تؤمن بـ وجود هذا الحب؟!!
إلى حدّ إنّي جرّبتو.

10) ان تكونت علاقة عبر الانترنت وانتهت بالزواج...هل برايك سيستمر هذا الزواج ام ينتهي بالفشل؟!
ان كان جوابك نعم فـ لماذا.. وان كان لا.. ايضاً لماذا؟!!
نعم؛ لأن عم جرّب؛ و بس إفشل إبئا تاعو ابزئو في وجهي.

11)لا فرق لديك اذا ما كان الزواج نتيجة حب انترنت او نتيجة حب على ارض الواقع اي انهما سواسية بالنسبة لك ام تخالف احدهما ؟!!
الحبّ على الإنترنت بريء أكتر؛ يعني يمكن مو هيك الكلمة المناسبة؛ بس على الإنترنت بكون التواصل فكري أكتر من جسدي حسّي يعني الأفكار أهمّ شي بالشريك و بالتالي الوصول لدرجة توافق على الإنترنت احتمالها أكبر من الواقع لأن على الواقع رح ينشغلو بالشكل و الشعر و المكياج و اللبس و البطيخ...

12) شو هو الزهد بمفهومك؟! مو تجي تقلي صفة حلوة ومنيحة والخ...
لانو انا ما طلبت توصفه..انا طلبت تعريفه بمفهومك..شو بتعرف عنه وعن معناه؟!
يعني في ناس بتفكّر انو هو بـ انك تاكل اكل بسيط وتلبس لباس بسيط وتتشحتف بس هيدا غلط..بقا انت شو بتعرف عنّو؟
واذا بدك شرح اكتر لـ هالسؤال انا مستعدة..
الزهد في الشيء: تركه رغم الحاجة له؛ و الزهد لأجل شي: أن تترك كلّ شيء من أجله رغم أنّه لا يستحّق كلّ التفرّغ؛ و أكتر مثال حاضر عن الزهد هو الزهد الديني؛ أنا ما فيني ئول مع أو ضدّ الزهد لأن يمكن كون في أمور زهدان فيها لصالح أمور تانية يعني أي شخص عندو هدف ما لازم يزهد بكتير أمور "يعني اللي منسمّيها نحنا تضحية" لأجل هالأمر مثل طلب العلم؛ يعني أبسط شي طالب الباكالوريا بيزهد بالتلفزيون فرضاً.

13) بيعنيك الرد على الاحاديث الطائفية ام انك ما بتفضّل ترد وتناقش؟! وليش؟!
ما بردّ لأن نقاش مالو نهاية و لو إلو نهاية كان انتهى من زمان.

14) لمين بتقول من المنتدى او برا المنتدى الاقوال التالية،
(يعني كأنك بحوار مع شخص بتقوم بدك توصفه فبتقلو قول من هالاقوال) ::

أ- "وما خاطبتُ جاهلاً الا وغلبني".
إذا بدّي ئولا هلأ بعلق مع نصّ الأخويّة. و على العموم أنا ما فتت مع كتير ناس بنقاشات.

ب- " ولا خير في ودّ امرئ متملق حلو اللسان وقلبه يتلهبُ".
أسير التشرّد؛ محمّد إراهيم، ظلّ جيفارا، ..

جـ-"ولا خير في ودّ امرئ متلون اذا الريح مالت مال حيث تميلُ".
ظلّ جيفارا، أسير التشرّد؛ محمّد إبراهيم، ..

د-"سلامٌ على الدنيا اذا لم يكن بها صديقٌ صدوقٌ صادقُ العهدِ منصفا".
نو بدي.

15)كلمة توصف هؤلاء او توصف صوتهن او اغانيهن( كلمة واحدة فقط-مو تطحش بالوصف):
أ- فيروز.
ملائكة.
ب- اصالة.
جرس صوتو حلو.
ج-ميادة الحناوي.
رواااء.
د- ميادة بسيلس.
إييييييع.
هـ- لينا شاماميان.
منيحة.

16)رأيك بـ هؤلاء ولو اضطريت انك تتعامل معهم شو بيكون موقفك وتصرفك اتجاههم ؟!!
ذوي المصالح:
كلّ الناس إلها مصالح مع كلّ الناس و البشر بدينو بتلات ارباع علاقاتهن الاجتماعيّة للمصالح؛؛ يعني عادي بس بحاول إذا كان التعامل للمصلحة فقط إنّي شوف مصلحتي كمان يعني آخد و عطي.

ذوي الافكار السطحية والساذجة:
بكرهووون بكرهوون و بجيبولي الجلطة و ما بتعامل معهن يعني باختصار ولااااااااد.

ذوي الاقنعة والوجوهـ المتلونة ( بالعامية "اللعب على الحبلين"):
صحّ أنا بعتبر حالي بوجه واحد بس هاد ما بيعني إني ما فيني العب على الحبال ؛؛ يعني اللي بدّو يلعب مع القط بدو يستحمل خراميشو و اللي بدو يلعب معي يا ويلوو.

امرئ حلو اللسان وقلبه يتلهب:
بنبسط بالتعامل معو لأن طول ما عم اتعامل معو و مورجيه حالي مو فهمان عليه ئلبو بيحترئ أكتر.

الحاسد :
ببعد عنو؛؛ خطير.

الحاقد :
نفس الشي.

المنافق والكاذب والمخادع:
ما بطيئوووو و على العموم ما بخبّي شي بئلبي يعني بئلو كذاب.

الغدّار:
بعد الغدر شو يعمل الواحد يعني يبلع الكمّ و يسكت و يسامح إذا بيئدر مافي غير هيك لأن مشتحيل نردّ الغدر بمثله.

الجهلة بمعنى انو بتناقشهم بتناقشهم وبتطلع انو عقولهم مقفلة يعني حق باطل ما رح يقتنعوا معك:
ما ناقشت جاهلاً غلا غلبني؛ بس إلا ما حاول معهن يعني في عندي نوعاً ما اسلوب خاصّ لهالمخلوقات بس المشكلة بالصبر.

وقلي اذا صار وتعاملت معهم او مع بعضهم قلي مين ؟
واذا " عبالك " توصف احدى الصفات او كلها او بعضها لحدا من المنتدى فيك توصفه وقلنا لمين؟ واذا مو عبالك توصف انت حر
أنا حرّ.

17)لمين بتقول من الاعضاء "اذا" بتقدر تقول ، يعني يمكن تخجل تقول لكن لو بتقدر لمين بتقول:
شو كأن في سؤال مكرر بنفس الفحوى..

وقد سقط ما تبقى من ورقة توت لم يعد دونها شئ مستور، على مين بتحس انها بتنطبق:
ما بحبّ إفضح حدا خلص بلا ما اذكر اسمو.

وُلِدتَ فاشل وما زلت فاشل ورح تبقى فاشل:
شي خمسين ألف عضو بالأخويّة.

الكذب عندك صنعة:
المشكلة ما حدا بيكذب بس تقسيم لعند الغيم.

18 ) يـُـقال ان قوة المرء في كظم غيظه لا بـ ان يرد بالمثل ومن هنا :::
أ)هل انت ممّن يكظمون غيظهم أَم ممّن يجيبون بالمثل ؟؟؟!
حسب الحالة؛ بس بشكل عام راااااااايئ بجميع الأوقات عدا وئت بكون المسألة يتمسّ شأن عاطفي هون بالعكس.

ب)اذا كنت من كاظمي الغيظ الى اي مدى تستطيع كظم غيظك ؟؟؟!
لعند ما توصّل الشغلة لميس راو و كلّ ما يتعلّق بها؛ إضافة أنا لما بكون معها ما بكظم لا غيظ و لا غير غيظ كلّو بينفرد على بساط أحمدي (مو أحمد نجاد).

متل ما قلت.. ادا استفزيتني رح زيد اسئلة عليك..لهيك هلأ ما رح قلك " ما عاد رح اسألك" او "بيكفي اسئلة "
إنتي حرّة.

:melody:


®

Gazita
ج.

Reemi
مشرفة شغيلة و الله هالبنت أكابر.

marioma alghzayala
الصورة الرمزية تبعها حلوة.
و بئولو صوتها حلو ما بعرف أنا لنسمع منقرّر أنا و ميس راو إذا نطلبمنها تغنّي بعرسنا.

hanny dagher
شيخ الشباب أرقى شلفون بالدنيا.
مسكين هالزلمة مليان حواليه هبلان بيلعبو حك و اربح؛ بشرفي بشفق عليه لمّا يكون ئاعد بهالمول و هو معصّب و عم يكفر؛ بس يا ويلو اللي بيغلط بشي ردّ أو بيزلئ بشي كلمة و الله بيهلكووو.

Willi
كلّ همّو يتسلّى.
ما عندو كبير. بس ما بتعجبني هالصفة يعني لازم واحد يكون عندو كبير.

layla
أمين و غايب شلووون صارت هي؟!

sezar
ما بعرف.

sweetbaby
بنت حلوة؛ بس شئد بتطلع مشاوير يا لطيف!
مصلحجية هالمخلوئة. شو رأيكن؟

الحاج متولي
س.

butterfly
كمان مشرفة شغيلة كأنو الأخوية بنتها؛ انشالله يضلّ وزنها بالرقمين ما يصير تلاتة.
أكلنا بهدلة مرّة مشانها؛؛ ميمو خانم لمّا كنّا أنا و إنتي و بلاك و ميس راو ئاعدين و بدّك تحكي معي ضروري تمسكي إيدي؟؟ لك أنا ما حسّيت و لا إنتي و لا بلاك بس هيّة شافت الحركة العفويّة يعني عاديّة بس فكّرت إنو رايح جاي عم امسك ايدين بنات و الله بريء.

وشم الجمال
الزميلة الوحيدة؛ منيحة؛ بس في كم شغلة ما بفهمهن فيها.
يعني بصراحة بصراحة بشوف إنو لازمها شويّة ركازة و الباقي كلّو تمام خصوصاً إنو بنت حسّاسة كتير يعني بنات همّن الموضوة و هيّة بتلائيها عم تبكي على الفلسطينيين.

Syrian__Angel
ليه.

أبو شريك,
س.

Hashtnasht
ما حصلنا الشرف بس الكلّ بئول أبو نهلة العظيم!

ASH
آاااااخ.

ٍٍٍSyrian Gay
إيمت بدك تجي على إدلب؟ إيمت بدك تشتري لاب توب جديد؟
كمان هون في كلميتن تلتة صريحات زيادة؛؛
بالبداية أنا كنت مفكّر إنّو رامي مو غاي يعني فات بأسلوب هيك مميّز مشان يجذب الأضواء و نجح بس بعدين إمّا نجح بتمثيل الدور تمام أو هو بالفعل غاي؛ و بالحالة الأولى حلال عليه؛ و التانية أنا عن جد عن جد ما بحبّ الشذوذ و طول هالفترة ما بئرب على مواضيع بتحكي عن الشذوذ مشان شعورو يعني الزلمة صاحبنا و ما بحبّ زعلو بس هاد رأيي الشذوذ شذوذ و أنا ما بحبّو.

Fares
وينو هالزلمة و الله استفئدتو كتير مشتئلو و لو إني ما حكيت معو أبداً.

Geeny
م.

yass
شغلة كبيرة؛ بكفّي إنّو بحبّ جون ناش. و أحلى شاوي بالدنيا؛
زلمة فهيم شو بدّي اكتب عليه يعني؟
و ما بيعجبني فيه طولة البال الطويلة كتير يعني أنا بدالو كنت فوتت نصّ هالأوباش على المعتقل بلا عيني بلا روحي بلا أدبيّات أخوية رووووح شايفلك.

كهربجي
س.

راديا
ما بنساها أبداً أوّل علئة بالمنتدى كانت معها؛ بس ليه الكذب صوتها ***.

SABE
ما بعرف.

HUS
كبيرنا. و حكيمنا.
أكتر أكتر شغلة بتعجبني فيه إنّو بيشتغل كلّ شغلو بإيدو يعني ما بيوثق بحدا (مو صفة سلبيّة) و الحق معو يعني شايفين نتيجة شغلو تنظيم بأعلى مستوى.

Barleb
س.

باشق مجروح
س.

the light
م.

سرسورة
أكابر هالبنت سلمولي عليها.
بس الله يسامحها هي عملة تعملها ؛؛ خلّت ماتيا تزتني.

محمد ابراهيم
كنت بحبّو بس نزعها.

GOVERMENT
بتعرف شغلة يا حسوون ما بحبّ الأسماء المزركشة كتير عالماسنجر مشان الله ليه كل هالشخاويط جنب اسمك؟ بس شغلة هااا حسون بينشرب مع المي المو نضيفة.
بس إنّو حلّ عنّو لأ ما رح حلّ إلا يجي لإدلب و نشوووف خاطروو.
حسّون لأنك ئلتلي لا تحكي كلمة و تروح ئول بصراحة رح ئوول بصراحة
لك تضرب انت و الاتّحاد
ماشي
تضرب انت و كلّ جمهور الاتّحاد
منيح هيك؟
لك بكرهووو بكرهوووو للاتّحاد يئطع عمرو شو زنخ هو و جمهورو
كمان شغلة
حجّي انت حسون الوحش خلّيك بالسقيفة و الصالون و الرياضة المنبر مو على قياسك.

صياد الطيور
س.

اسير التشرد
هع.

phoenixbird
مشانو بس لازم نحدد عدد إشارات الاستفهام المسموحة بكلّ مشاركة.
بس ماشي حالو ؛؛ لو ما كنت مشغول هالجمعة كنّا التقينا بحفلة شربل روحنا؛ يلا أنا بروح لعندك عالشام.

the morrning
1+1=0 من وين لوين يعني؟!

COSTA
هع.

handsome
أكابر هالزلمة و رايئ؛ أوف لاين دايماً يا أخي اطلاااع ورجينا هالوجه الحلو.

abosleman
س.

LiOnHeArT (سابقا)
س.

betty_palestine
س.

yamen_h
م.

BL@CK
صاحبنا و حبيب الئلب؛ ما ممكن حدا يتصوّر شلون مركّبة هالعلاقة بيناتنا بس بيكفي إنّو تباوسنا يوم اللي كان الكلّ علئان معي!
بس لا تفرح كتير ولااااااااااه عبووود صداكتنا على المحكّ عرفت ئصدي؟!

MadMax
بهارات.

وائل76
س.

مسطول ع طول
س.

شامي من طوكيو
س.

أمرأة من ورق
م.

Roaa
إسّا عم تخافي من كلب أخوكي؟ لا تئولي لحدا أنا كمان بخاف من الكلاب و الئطط.

مايا*
إنّو مبينة بدّي اتحركش فيكي بهداك المنتدى مشان نصير رفئا بس ما بدّي ئولا بالفصيح.

لبندا
ما تاكلي همّ.

fofo besset syria
س.

Abu Guzef
س.

الموسيقار,
هع.

فاوست
هع.

ظل جيفارا
هعين.

ملاك السعودية
هع.

محمد السعودي
هع.

التقرير الجوال
صار سوء فهم بيناتنا بالبداية لولاه كنا صرنا رفئا منيح.

secular سابقا
ايع.

Nirvana
س.

Raw
بست!

طفوله
ج.

Marwa
ج.

يمان
منيح هالزلمة بس وينو؟

was616im
منيح.

وماتيا
شو مساويلك الزواج بالبريد المضمون مشان الله يعني انعرض عليكي لحتّى دوختي سما الأعضاء فيه؟
كمان حاسس في نسبة من التقسيم عندا يعني سبقت الشباب بهالناحية.

Sandra
س.

cuty
س.



:melody:


®

مين بتحب اكتر ؟ (بتجاوب وبتختار واحد بس وممنوع عدم الاجابة )

حومص ولا حلب ؟
حمص.

طرطوس ولا اللادقية ؟
طرطوس.

الدير ولا الرقة ؟
الدير.

الاتحاد ولا الكرامة ؟
الكرامة.

سيزار ولا واسير التشرد ؟
سيزار.

مايا ولا ليندا ؟
ليندا.

اب سليمان ولا وائل 76 ؟
ولا.

فوفو ولا ريمي؟
ريمي.

يمان ولا رؤى؟
يمان.

جاد ولا هاني؟
هاني.

ميمو ولا مورنينغ ؟
ميمو.

محمد ابراهيم ولا مسطول ع طول ؟
ولا.

كهربجي ولا كوستا ؟
ولا.

سرسورة ولا نيرفانا ؟
سرسورة.

الحكيم ولا كريم ؟
الحكيم.

بلاك ولا برليب؟
بلاك.

انا ولا حسن ؟
أنا.

حسن ولا انا ؟
أنا.

ليلى ولا ريتا (سويت بيبي)؟
ريتا.

غزلان ولا راديا ؟
ولا.

ياس ولا فاوست؟
ياس.

مريومة غزالية ولا يامن ؟
مريومة.

ظل جيفارا ولا مادماكس ؟
مادماكس.

اب جوزيف ولا اب وليم ؟
ولا.

كيوتي ولا ساندرا ؟
ولا.

طفولة ولا مروى ؟
ولا.

ماجد سيريا ولا سيريا غاي (رامي)؟
رامي.


بتحب الوحدة ولا الزحمة والناس ؟
الوحدة.

مين اذكى الحماصنة ولا الكراد ؟
الأدالبة.

مين عقلو حيط اكتر الكراد ولا الحلبية ؟
الحلبية.

مين بتشجع من المنتخبات ؟
عالمية ؟
عربية ؟
ألمانيا/المغرب.

من الاندية ؟
الاجنبية ؟
السورية ؟
العربية ؟
بايرن ميونخ/ أميّة/ أميّة.

مين اكتر لاعب بتحبو (سوري او ماسوري مامشكلة) ؟
مايكل بلك.

اكتر ممثل / ممثلةسوري ؟
قيس شيخ نجيب/ إيفلين خليل.

اكتر مغني /مغنية سوري ؟
جورج وسوف/ ميّادة الحنّاوي.

وحدة في الاخوية انت معجب فيا من زمان وماعبتقد تقول ؟
Miss Raw

واحد بالاخوية معجب في من زمان ومستحي تقول ؟
Raw

مين بتحب اكتر الشي من المشرفين او المشرفات وبتحسو قريب عليك كتير ؟
yass

عضو/عضوة كنت ماتطيقو بس بعدين تبينلك انو كتير حباب وعكس اللي كان ؟
MadMax

عضو/عضوة كنت مفكرو حباب ومنيح واكابر وطلع عكس المتوقع ؟
محمد ابراهيم/ ظل جيفارا

عضو تقاتلت معو ؟
ظل جيفارا /أسير التشرد

عضوة تقاتلت معا ؟
راديا

عضو ماهضمتو ؟
ظل جيفارا

عضوة ماهضمتا ؟
كتار.

بتحب المحشي مخبوص ولا مفلفل؟
بحبّ محشي اللي بتطبخو أمّ راغب بس.

بتحب البيبسي ولا الكوكاكولا ؟
المندرين.

مين من الاعضاء جاي عبالك تشوفن ؟
ما حدا.

بتحب البطاطا لحالا ولا مع كاتشب ؟
ما بتفرق المهم تكون مقليّة منيح.

اكتر كلمة بتحب تسمعا ؟
أي كلمة حلوة من ميس راو.

اكتر موقف ضايقك بالاخوية ؟
كتيرة؛ منها مواقف ظل جيفارا و جاد و محمد ابراهيم.

:melody:


®

بكرا دوري بالأسئلة .. انطرني .. :lol:

بنطرك شو خيفان منّك

و الله ليه الكذب

إنت أسئلتك بتخوّف لأنّك :p


:melody:

®

GOVERMENT
بتعرف شغلة يا حسوون ما بحبّ الأسماء المزركشة كتير عالماسنجر مشان الله ليه كل هالشخاويط جنب اسمك؟ بس شغلة هااا حسون بينشرب مع المي المو نضيفة.
بس إنّو حلّ عنّو لأ ما رح حلّ إلا يجي لإدلب و نشوووف خاطروو.
حسّون لأنك ئلتلي لا تحكي كلمة و تروح ئول بصراحة رح ئوول بصراحة
لك تضرب انت و الاتّحاد
ماشي
تضرب انت و كلّ جمهور الاتّحاد
منيح هيك؟
لك بكرهووو بكرهوووو للاتّحاد يئطع عمرو شو زنخ هو و جمهورو
كمان شغلة
حجّي انت حسون الوحش خلّيك بالسقيفة و الصالون و الرياضة المنبر مو على قياسك.


:lol::lol:

ينعن ديبك انت واحد كفر با الله وقلك احكي الي بقلبك
رحت شمست الدني والارض .. ينعن ديبك مشويش

بعدين شو مشان اسمي ع الماسنجر :shock:
يازلمة انا يادوب كاتب اسمي وصلي 4 شهور مالي مغيرو .. بقى وين الزخرفة بالموضوع :shock:


يلا شو بدنا نعمل .. ادلبي شو بدو يطلع منك :cry:

ولسه بدك كتيرررررر لتعرف مين هادا جمهور الاتحـــاد العظيم .. والاسطــوري :gem:

butterfly
كمان مشرفة شغيلة كأنو الأخوية بنتها؛ انشالله يضلّ وزنها بالرقمين ما يصير تلاتة.
أكلنا بهدلة مرّة مشانها؛؛ ميمو خانم لمّا كنّا أنا و إنتي و بلاك و ميس راو ئاعدين و بدّك تحكي معي ضروري تمسكي إيدي؟؟ لك أنا ما حسّيت و لا إنتي و لا بلاك بس هيّة شافت الحركة العفويّة يعني عاديّة بس فكّرت إنو رايح جاي عم امسك ايدين بنات و الله بريء.




:melody:


®


:o توضيح يا جماعة !!! ما مسكتلو ايدو بمعنى مسكتلو ايدو :shock: والله يعني ما صار ...
بس انو ما بتذكر الموقف من أصلو :flala:

عكل حقا عليي :oops: ..

س؟ م؟

:lol:

:o توضيح يا جماعة !!! ما مسكتلو ايدو بمعنى مسكتلو ايدو :shock: والله يعني ما صار ...
بس انو ما بتذكر الموقف من أصلو :flala:

عكل حقا عليي :oops: ..




لك ئلتلك حركة عفويّة

أنا كمان ما انتبهتلا

بس هيه :jakoush: شو بعرفني

®

:lol::lol:

ينعن ديبك انت واحد كفر با الله وقلك احكي الي بقلبك
رحت شمست الدني والارض .. ينعن ديبك مشويش

بعدين شو مشان اسمي ع الماسنجر :shock:
يازلمة انا يادوب كاتب اسمي وصلي 4 شهور مالي مغيرو .. بقى وين الزخرفة بالموضوع :shock:


يلا شو بدنا نعمل .. ادلبي شو بدو يطلع منك :cry:

ولسه بدك كتيرررررر لتعرف مين هادا جمهور الاتحـــاد العظيم .. والاسطــوري :gem:

أسطوري بالفعل اسطوري

لهلأ ما عدى متلو بالتاريخ

لك و لا بئرنة من التاريخ مافي منو

انتو فردة مالا إخت شو هالحكي معئول يا حسون يكون في إلكن مثيل :clap:

روووح شايفلك

:melody:

®

بس هيه :jakoush: شو بعرفني

®
طبعا نحنا البنات عيونا توقى مفتوحه عشرين على عشرين يا اخي .:shahbi7:..لأكن وين بدكن تهربو منا ... :x

Miss Raw انا بحييكي :fwink:

حييها حييها
طبعاً انا بحييها
أصلاً ما فيني غير حييها

أحسن ميس راو

اكبسي على نفسي
ادبحيني

:melody:

®

was616im
منيح.

:lol:
اي انا كتير منيح مشان هيك ما عم اسالك ولا سؤال لانو اللي فيك مكفيك :lol:

:lol:
اي انا كتير منيح مشان هيك ما عم اسالك ولا سؤال لانو اللي فيك مكفيك :lol:



يكتّر خيرك يا معلم

:melody:

®

Roaa
إسّا عم تخافي من كلب أخوكي؟ لا تئولي لحدا أنا كمان بخاف من الكلاب و الئطط.

اي رح ضل لينطرد ساكو من البيت ..:gem:

مرحبا راو كيفك؟

سؤالي الك...
Marwa
ج.


شو يعني ج. :cry:

•شو احلى شي بالطفوله .. بالنسبه الك ؟

•احلى شي بمرحله الشباب ؟

•شو بيعنيلك النجاح ؟

• الغرور ؟

• العزيمه والصبر ؟

••••••••••••••••� �•••••••••••••
• لـ مين بتعطي هالصفات بالمنتدى ....




•المغرور:ss:


• الدلوع .:p


• العصبي :jakoush:


•المتهور :yahoo:



• الحلوو :oops:


•البارد :sick:

•الشاعر :sosweet:



••••••••••••••••� �•••••••

• كم بنت قالتلك بحبك:o \\ ماتقول ماما ونانه\\:pos:

• لو طلبو تكون رئيس دوله .. اي دوله بتختار ؟

•لو كنت ح تهاجر لاي بلد بتهاجر ؟;)

• اعتذار لعضو بالاخويه... لمين ؟

•شو الاشيا الي بتلفت نظرك باللي ادامك لتعجب فيه؟ :oops:

•شو رايك بانو الكذب ملح الرجال ؟:pos:

• اخر شي .. فسرلي اسمك الي بالمنتدى :lol:...


••••••••••••••••� �•••


سؤال


عندك الجراه تقول لاشخاص بالمنتدى انووو بليز ..


حلو عنا واتركو المنتدى ...


او اتفضلو من غير مطرود ...:x..


لو عندك الجراه اذكرلي 3 اسماء ..


••••••••••

•••
•

:D

طبعا نحنا البنات عيونا توقى مفتوحه عشرين على عشرين
ذكرتيني بغنية ..

توقى ميّل ... توقى اسأل :larg:

مايا*
إنّو مبينة بدّي اتحركش فيكي بهداك المنتدى مشان نصير رفئا بس ما بدّي ئولا بالفصيح.






شو بيبيع هاد .. ؟ :?

عـ سيرة البطاطا , بما أنو رخصانة بهل الإيام :
بتحبها بزيت أكتر و لا بحامض ؟

•شو احلى شي بالطفوله .. بالنسبه الك ؟
الطفولة أحلى شي بالطفولة يعني ادلال البراءة هدول صفات الطفولة يعني بشكل عام من عدا البكااااا.

•احلى شي بمرحله الشباب ؟
الحرّيّة يعني مافي قيود تبع الطفل لا تعمل لا تساوي لا تئرب لا تبعد و لا قيود تبع الكبار يعني مرة و ولاد و قرايبين و ولدت فلانة روح باركلها و

تجوز فلان روح احضار عرسو ..

•شو بيعنيلك النجاح ؟
بداية لطموح جديد.

• الغرور ؟
صفة مطلوبة بالبني آدم لحدّ معيّن يعني مو للأخير؛؛ يعني لازم شويّة غرور لنتّقي شرّ تئيلين الدمّ.

• العزيمه والصبر ؟
هدول هن اللي بيبيّز البني آدم؛؛ في مرّة واحد ئلو لعنتر مين عنترك؟ فردّ عليه حطّ إصبعك بتمّي و انا بحطّ إصبعي بتمّك و منعضّ لبين ما بئا

تستحمل افلت إصبعي و صيّح بصوت عالي و بلّشو الشباب يعضعضو لبين ما هداك ورّئت معو و صاح فئلو عنترة لو صبرت شوي زغيرة كنت

صحت أنا!

••••••••••••••••� �•••••••••••••
• لـ مين بتعطي هالصفات بالمنتدى ....

•المغرور
مغرور بجد بجد كأنو مافي يعني الغرور إلو أصول و هون شي 70% عم يعملو حالهن مغرورين بئوم بيطلع معهن صفة كتير كجعلكة اسّا ما

لئيتلا اسم.

• الدلوع .
Miss Raw في غيرها يعني؟!!

• العصبي
أنا و بلاك

•المتهور
بدّي استبدلا بصفة غيرها "الحمار"
سيكيولار

• الحلوو
Miss Raw كمان في أحلى منها أكيد لأ.

•البارد
مادماكس.

•الشاعر
ماحدا.

••••••••••••••••� �•••••••

• كم بنت قالتلك بحبك \\ ماتقول ماما ونانه\\
بحبّك هي اللي عن جد يعني تبع الغرام و العشق تلاتة بس أحلى وحدة من Miss Raw ((اليوم في ئتلة)).

• لو طلبو تكون رئيس دوله .. اي دوله بتختار ؟
سوريا.

•لو كنت ح تهاجر لاي بلد بتهاجر ؟
ألمانيا.

• اعتذار لعضو بالاخويه... لمين ؟
لـ Miss Raw لأن اليوم زعّلتها و غير هيك ما حدا إلو عندي حق و لا بنتفة.

•شو الاشيا الي بتلفت نظرك باللي ادامك لتعجب فيه؟
مخّو.

•شو رايك بانو الكذب ملح الرجال ؟
لأ ملح النساوين كمان يعني ملح الحياة كلها.

• اخر شي .. فسرلي اسمك الي بالمنتدى ...
لحظة هاد السؤال بنسئل منو كتير لجيبوووو من غير مكان..
قصّة الاسم Raw نادتني به أختي الصغيرة عندما كانت تتعلّم الكلام و قد أعجبني و اعتمدته نيك نيم لي منذ ذلك الوقت و الكثير من

أصدقائي و أمّي ينادوني به ..

••••••••••••••••� �•••

سؤال
عندك الجراه تقول لاشخاص بالمنتدى انووو بليز ..
حلو عنا واتركو المنتدى ...
او اتفضلو من غير مطرود .....
لو عندك الجراه اذكرلي 3 اسماء ..
سيكيولار
ظل جيفارا
التالت كتير حبّاب بس ما بحبّ فكرو بتمنى يروح بس بلا ما إحكي اسمو مشان ما يزعل.


:melody:

®

شو يعني س؟:?

صارت freezer



مو مقلاية

صارت freezer
مو مقلاية

:p لاني كنت غايبة.. فـ بردت المقلاية :pاتاريني بعمل جو :p

اي انو يا خسارة اللي قبلي كان بالمقلاية الماضية ولا كان عبالي اطرئو كم سؤال

يلا ما علينا..خلص وقتو عمي راغب..اي انو حلوة كتير لو يختار رفيقتي بنفسجة :oops:


انا اشجّع وبشدّة اختيار بنفسجة

:p لاني كنت غايبة.. فـ بردت المقلاية :pاتاريني بعمل جو :p

اي انو يا خسارة اللي قبلي كان بالمقلاية الماضية ولا كان عبالي اطرئو كم سؤال

يلا ما علينا..خلص وقتو عمي راغب..اي انو حلوة كتير لو يختار رفيقتي بنفسجة :oops:


انا اشجّع وبشدّة اختيار بنفسجة
شوي شوي ماتيا...طولي بالك يعني...
لسا ماخلصت مقلاية راغب...الزلمة صرلو يومين مافات ...دغري عملتي انو مقلايتو خلصت....
لسا ماانسأل شي...
تاني شي....
مو انتي قررتي زتت راغب بالمقلاية؟(مع اني ما كنت بدي زتو كان بدي زت شخص تاني) ...خلص تركي الزلمة هوي اللي يقرر...ماتحرجي حدا يعني.....

:ss:احم احم رز ولحم

اول شي شو رايك بارتفاع سعر الديزل بالاردن؟


2- شو هي الطريقه الصحيحه للهندات بسياره كيا سيفيا

3- شو رايك بالحشيش ومين الممول الرئيسي الك :larg::larg::larg::larg::larg:

4 - اذكر اتنتين من فوائد الفودكا بالبرد
:yahoo::adal:

انتهت الاسئله

جاوب وعينك بورقتك بلاش احرمك من الامتحان

ههههههه طيب سرسورة روقي بحياتك.. حسيت على شوي رح تجي تضربيني يعني

يلا بالله بننطر راغب... بلكي تبرد اكتر المقلاي :p

حاج راغب زتوا حدا غيره

حاج راغب زتوا حدا غيره

لا انتبه يا طارق.. هلأ بتاكل بهدلة من احدهم على هالاقتراح :p

يلعن دين السبام الي لاحقينو اي